Mi, Srbi, iz sela Kuča
Bok te občuvaj kučke mudrije, vukovinskoga lopovluka...
Piše prinami v novina da denešni praznik nogometa počima ob tri vure. I tak dva put, to je več felton. Čera je pisalo na imtermetu da počima ob pol četere. Da dojdeš na lice mesta čuješ da počima ob četere a nekteri veliju da je počelo ob pol pet. Pisalo `novina da se igra nekakva ženska revijalna utakmica a kat ono... muška. I to još veterinari, v rangu "Posrnule device" ali još bole obnemočali. Jedva su čekali da opadneju da ne moraju stati. Kaj čoveka, dobro, ne baš čoveka, veseli da pak dojde na TP ligu; ima i normalne pive a ne samo one z škafa. Valda jem pak nedu tu bokčiju pokrali. Ima normalne pive ali ni faslinov; kak da preslaviš pobedu , il poraz, ak nimaš pred sobum trofeja, dokaza, suvenira,.. Kak je sakem vladaru žezlo znak moči tak je i sakomu Brežanu faslin i žezlo i kruna i mač. Bez faslina to ni to.
Veli; "selektor Grga". Ajd da konačno ne pači na terencu. Ilovača je došla v sastavu na knap. Čak je preskočila i podgrijavanje. Veliju mladi telom a stari po mudrije i iskustvu; mi se v prvem poluvremenu zagrijavamo a v drugem igramo. Dok je Ilovača cmrkala svoje četiri nare i dve limun pive Polana se je vredno trenerala i grela. Kaj jem baš i ni pomoglo.
Bojsi su došli v C-3 sastavu, nekaj kak za Kup `Markuševcu. Neznam v terem je sastavu došlo Bukevje ali su imali čak tri izmene. "Matori" paradera po obrane, negdo nori vuz aut liniju a irokezi čas letiju nutre, čas van. Kak bi najbole opisati utakmicu a da Brežani dobe pravi dojam kak je to bilo i kak se odigralo... Sindrom Vukomerič, leteči golman i demontaža v tri minute.
Turopolci su došli nabrušeni kak keba, z klupum dugum skoro do Buševca. Oni veliju da su Štrumfi, samo mene ni jasno po tere logike. Ak ti je zaštitnik sela Sv. Josip Radnik onda bi trebali biti Šljakeri il tak nekaj a ne Štrumfi. Štrumfi bi bili da jem je zaštitnik sela Papa Štrumf, Leni, Štrumfeta, Mrgud, Gargamel, Azriel... Obdov je došlo standardno i klasično puno, pol sela i četiri zaselki, Maminjo je zakesnel na se osim na kopanju. Mika je došel z morena, još se ni od* nazat v Nemačku. Veli Mamič da most nit nepe, ak ga ne pošeleju v lesu... V dresu. Kaj su Obadi igrali nikomu ni jasno. Kak da jenu igru imaju za brege a drugu za pole.
Ono, da imaš popis igračov teri nesmeju dojti i imaš popis igračov kaj moraju dojti; repka nestala v prevodu. Donesel Zlatko drese a nima je do obleči. Ista farba kak Vojvodina il Dinamo Vinkovci, Atletiko Bao-Bao. Jako krnja prva šestorka Lige, komad publike i "do oče dres". Mali Brajko dobil "19"-icu "Posrnule device" od drugoga Brajka, i mam je dobil opomenu; da mi ga neš rašervastel il rasčrevastel. Vođa ekipe H6-G4 repke MNLVG je na friško poznati "javni i službeni * mamice sem po spisku" z Preglašejna pobednikov. Veli Starac, mene, dečki, živo boli pimpekijaner; vlezel sem v prvu šestorku Lige, dva komade dal Polane, dobim na lotu i još dam dva "Turopolsko-posavskomu odredu" i morem f penziju. Šilakovci na čelu z Tonum su došli na kotače, ono, živi zdravo umri mlad i tak to. Tona je ponosno branil se žive i nežive boje, od boje Šilakovine prek boje Lige do boje gej zastave. Tak se lepo hital po svilenkaste travice Knej kak picek po mele, jajce i mrvica. Kak da bi hital žabice na Vojne. Bar po tri put odskoči. Ali sa ta čudesa su niš naspram onoga da je treba otpreti suncobran-kišobran-blatobran; pet mužov to nemre rešiti nek baš moraš nekakvoga Kučana zvati jel se prinami to sasma drugač otpira. Da su to rešili onda je i službeno "Brigada Franjo Ogulinec-Seljo" mogla dobiti "Turopoljsko-posavski odred".
Kravarska A-2, bez Anđe i Lakija, je uporno trenerala, čak ju ni kiša kaj je šprglala ni mogla omesti. Došlo bi nje i više, kak na Pokosko, na Kupakabanu, da jem je do povedal da je otprta Kanal rivijera (Mi smo z Koč, idemo se kopat, lovit ščuke,.. kockarnice, klubovi, hoteli, kampovi...). Kočani imaju bandu navijačov z TP lige, pol publike navija, pol zdihava kak gole babe na crtiče +18. I bilo bi 4:4 da su goli z okruglemi stativami. Rekel Generalni Sponzor da ovakova izvanredna situvacija išče izvanredne mere i da je pot hitno treba sazvati izvanredni zestanek Lige. Jel ovo je sramota! Nabrusil sem nijove, nabrusil sem naše a mi došli z praznum puškum.
Najte kaj zameriti...
