O, poeta, kanta luna et stelis ...Kak bi to rekel stari Karlo Marks v svem delu "O religijskem umu". Kaj se leni počelo kumplicerati na Cerovskem, tam se navek nekaj kumplicera- il je igrališče, il su pive, il su utakmice, letos se nastavilo pri Bebam tak da smo jasno mogli videti de kusa jajca nosi. Bebe su napravile još lani generalku na svem "Kravinem sedlu" a v ove leto dan kaj su ga čuvale za Ligu su još vudrile ekstra glanc tak da se "sedlo" sveti kak prijespomenuta, nebudivampotuženo, kusina jajca. Glavna je novost kaj igrališče više ne vesi pod brek nek vu brek, a i zgubilo je na nadmorske visine, kak i Anđela Đoli, tak da si mam veliju da se letos tam leže diše. A na "Kravinem sedlu" sto čudes! Turisti, hodočasniki, namerniki, nogometaši i organizatori se od jutra motaju po selu, banda igra, dom otprt širom a samo još fali ringišpil kak v predkriznu dobu da bi osečaj za feeling bil potpun. I flašerani crnjak priznat i poznat pot imenom "Jebežlivec". Do ga je probal ni se žalil, odmoči nemre. Sad več klasična navala trudnic, mlade mam i babelnic je remetila pažnju nogometa gladne kibicov.
Bojsi na ceremoniju otpirajna nisu dopelali se svoje oružje nek onulko kulko su odšacali da bu dost za porušati Balerine. Balerine su se prikazale v najsvetlešem ajnc A sastavu, samo je poluselektor Joža falel. Mrki je pripravil jenu mladu i razbežanu ekipu tera je trebala nasekerati Bojse, i to bi most išlo na velikem igrališču kakvo je v Kurilovečke dubrave, ali ovi drugi su imali sasma druge plane. Tata Šiki je probal i z koraka i z pol koraka i prije koraka i to je par put prešlo kaj je premalo za igru "vezak vezla" Bojsov z tere se pol ekipe zapisalo med strelce. Pobeda Bojsov protiv Balerin na Hojtne- deja vu.
Tigriči su vođeni najtrofejnijem pojedincom, a i pojačani, da bi reč rekel, zeli meru Obadom. Obadi su dosta zujali ali ga nisu mogli vrči, na pravo mesto. Most je je zvezda vubila v črnine a most i kakov betek terega čare čez vikend. Se je više dobroga nogometa tak da se više nezna do bu koga nakantal, prosečni retko moreju računati na bod, dva most tri. Pitajne je kak bu dugo "Trofej" šprajcal Tigriče.
V reprize lajnske utakmice zmed Mišef i Švabov se je "replay" osim rezultata; isti strelec- podvornička veza, pobeda Neobrđanov i gol kommt zuletzt, samo je lani vrgel jenoga više. Za Švabe bi to trebalo biti pozitivno kak i onaj vic o penziču kaj ide scat i mam se dere ;
-Baba, ide na bole!
-Kak?
-Čera sem si poscal lače a des špickapice. Ide na bole!
Miši su svoje napravili, samo kaj da jem pak profesionalne obaveze odpelaju najbolega strelca... Bumo videli jel su Švabi v stajnu odigrati kak i lani.
Ludo kolo! Neznam jel to spipavajne terena i protivnika, početnička sreča il Tomekove Plemenitaše z Cerovskoga još od lani pere špurijus. Ovu nedelu na red su jem došli Manekeni. Jeni i drugi lepi kak jutrešna rosa, puni poleta, sretni kak mala deca. Plemenitaši, najlepše
flizure v Lige, Badelovi manekeni, najvekši kapaciteti v Lige- se naj-naj. Tomek blešči; ovulko igračof lani ni imal celo leto, samo Vinca fali, Pevec v elementu; Manekeni brojni i volni a žrtva z druge strane igrališča i nezna kaj ju čeka, teško da kaj more pojti po zlu. A onda se pak se spomrdalo... Joža je nateknul Manekene v poze "69", kak mu i piše na pleče. Još se nisi dobro ni okrenul a još su dva kapnuli Manekenom. Bozanič pada na idealne pozicije za slobodnjaka- ni faul, 5 faulov a nikak do penala dojti i onda kraj z vedra neba. Kak da je pukla kop na Kojzače! Nit Čirole ni jasno kaj se (ni)dogodilo. Da smo se spravlali za snimajne najave za Ligu na Cerovskomu rekel je Tomek da koga oni porušaju taj više ne igra Ligu tak da bi drugo leto mogli biti bez Manekenov.
Tomekove Plemenitaše još od prije Velike meše lani drži slavleničko raspoložejne, kak sat stvari stoje i ak nastave pobeđivati moglo bi je srce pobrati il jetra ostaviti.
V opčinskem derbiju igrači Kupe su se podelili i očekivano odigrali očekivanu utakmicu. Utakmica je završila očekivano ali je počela i tekla neočekivano. Za čudo božje Bebe su povele z igre prek Mihe i dopelale v neobrano grozdje Jojine Ribiče. Ponos, obraz i čast pokoske ekipe je spasil dr. Kruno z penala- ni puno ali se ljudem lepo vidi. Bod v prvem kolu des nisu zaslužile nit vekše ekipe a of, velik kak hiža, se kvalitetno zalejal na šanku. Najkrajši kraj je na kraju zlekel mali Muža kaj je na terenu i oko terena spal na "one man show"- i vrti semafor i išči lopte po šume, kopriva, trnju i kupinju i...
Semu bi se čovek nadejal ali da buju Vrapci tak kvalitetno i racionalno odigrali jenu školsku utakmicu kontra solidne Leptirov to je več malo više... Z cca. tri prilike su piknuli dva gole, ono, ogen z ničega, grom z vedroga neba. Brati Ruklič su rešili pitajne onoga kaj se v nogometu broji a drugi pitajne obrane. Leptiri su imali prilike, inicijativu, igru ali kaj je išlo v gol to je pokupil prekjako dobri Mima. Odlična utakmica! Ne zato kaj je Kravarska zgubila... Team manager Miro more biti ponosen na sve pulene.
Za kraj nas je čekala utakmica "večitih rivala". V prvem talu su nas zabavlali z teško gledlivum prectavum teru je Ilovača igrala opterečena z fauli, na rubu kaznenoga udarca. V drugem talu Štefek je to mam rešil v prve minute z dvemi goli tipa "lako čemo" da nebi deda na Hojtne ostavil lasi a domom donesel žgaravicu. I ne samo dede nek se i cele familije krvna slika popravila. Po utakmice su se Glumci malo čudili ali su znali najti put do šanka. Čula se pripovest da je Buna prodala utakmicu za 100 kune... Am to ni ni za pol gajbe Reglerov!
Još bi skoristil priliku da se setim svega intimnoga prijatela teri posle sporcke nesreče više nit more hoditi, nit vidi, još kak-tak čuje, nit pije- tu i tam mleko i distole (ja baš sad colu) a negda je mogel puknuti loptu v kuruzu v susedno selo.
I petlu vreme ide...popeval je negda Đole.
Krpiči su se dobro pogledali i ogledali, spogrlili, snimili, počinuli si...a da pojdeju do je bu stavil.
Najte kaj zameriti...
Za teri dan, takoreči denes, nas očekivaju neslučena uzbuđejna za dušu i telo v popularne kojzačke arene poznate pod imenum "Kozja draga". Pak veli ovak;
2. KOLO se igra : 19.06.2014. KOZJAČA, 15,30
MALA BUNA - DUBRANEC -mali Bunci su nasopunali Kravarsku a Ilovača velike Bunce, do bu koga nasopunal na Kojzače i komu bu sopun opal i do se bu imal kuraža prignuti...
POKUPSKO - KRAVARSKO -ovo bi trebala biti jednosmerna ali prvenstvo ne rešavaju velike utakmice nek male
KOZJAČA - HOTNJA -trenutno je na tablice Hojtna bole pozicionerana od Kojzače ali se baš nebi pouzdal v tu statistiku
NOVO BRDO - CEROVSKI VRH -jel budu posle ove utakmice Plemenitaši prestali slaviti il drugo leto nevidimo nit Miše
, a i med Plemenitaše dolazi poznati internacionalec Prodana Duša
GORNJI HRUŠEVEC - GORNJA OPATIJA -em su obadvoji gorni, em su susedi, em i jenem i drugem treba, prvi da bi mogli prema gore a drugi da bi nastavili niz od lani
ŠILJAKOVINA - OPATIJA -ovo bi mogla biti lepotica kola
DONJI HRUŠEVEC - LIJEVI ŠTEFANKI -totalno odmoreni Krpiči kontra totalno zalafane Bojsov, lepota sama po sebe a kamoli da počmeju igrati
VELIKA BUNA --- žnemi se nigdo neče igrati
-
Počela Breška liga
http://www.cityportal.hr/pocela-breska-liga/Odigrano prvo kolo "breške" lige
http://www.vgdanas.hr/Sport/Clanak/9880/odigrano-prvo-kolo-breske-lige.aspx
