Jen je Vr`, se su drugo Brda (Nova narodna poslovica, selo Dragonožec Dolni, Kotar Zagreb). Trebal je to biti još jen standardni dan na stanice Breške lige v Mišje rupe de su domači široke ruke pripravili se fele jela, pila i mrdala. Bilo je tu od janka, odojka, gulaša ovakvoga-onakvoga, gibanice, zlefke, štrudlinov, buflinov, bazamače, kiflekov, paprenakov, ocvarkašev, se fele i forme kolačev, torte, ocvarkov, rebric na žaru, roštila, vruče cuckov, čevosov, kruva kuruznoga, beloga, hrženoga, integreranoga, vina z plastike, stekla i z dreva, krmenatlinov ovak i onak, zagrebačkoga, bečkoga, breškoga, turopolskoga, kupskoga, posavskoga, gusek na turopolski i na obično, pražetine na naglo i na pomalo, špikovane mavun, rip z dima, paštete od srneče jeter, ševine jajec na obično i neobično,.. Još su si mislili jel bi k tomu i okrenuti i vola ali nisu imali više časa. A, šalateee, kulko ti srce želi. A, zakaj, bi se pital čovek na mestu. Deset let od otpirajna igrališča na neobrckem Nou Kampu. Tak se ne slavi niti v Zagrebu! Još bi se to bilo pomalo i v redu da se divje svijne nisu obordale na igrališče i prerovale od kornera do kornera. A, de su vrata, bi vi pitali. A, oni bi vam rekli, a, imamo mreže. E, to su vam ribarske a ne svinjske mreže i mesto da imate no passaran, vi imate passaran. Kak da ni dost kaj je je napala stoka sitnoga zuba još su se k tomu na* na igrališče i krti, a opče ne zalevaju trave. Probali vudriti kontru ze semi zamkami i bojnemi otrovi ali ne pomaže črno vino. Most je sat rastiraju grupa Trag i ligaši! Ak se svijne i krti po noči ne igraju lovice i skrivača... Dok ni pecilkov. Moj mali rođo je savršeno obavil posel na semaforu, za solidnu četvorku, iako prek semafora jedva da vidi igrališče.
Malu na stranu.
Bojsi na mestu zločina nisu uspeli ponoviti epizodu z Švabi tere se još valda sečaju još samo oni z sedemi lasmi i retkemi zubi. Jožini Dečki z pilane ne samo da moreju bežati z plajnkum na pleče, ne pol vure nek celu vuru, most i dve, nek i znaju da utakmica traja +/- pol vure. Bojsi su se upriličili v legendar/novem izdajnu Alen/Mirta/Bekem/Krpe/Petko1/i ostali i fajn su dugo vodili igru samo kaj je problem kaj se ovi zalokani vragi z Vukomeriča ne predavaju nek grizeju a bome pomalo i tučeju.
Lako je galamiti i rajčulu stvarjati na Ruševcu1 i 2 da ni žene blizu. Ali da igraš proti ženinoga sela i da je Ona v publike a štikla na brenze onda si mejni od pionirske čune na sistemackomu pregledu za malu školu a tulko si kuš da se čuje kak se klop v trave hita z travke na travku kak Tarzan. Nikomu ne govorim a si znamo na koga mislim... Gruntovčani su se tulko naozleđivali da je več bilo kritično jel jem bu dost 15 igračev denes. Ruševec (Re)United je mirno privel utakmicu kraju a Krpica Sin je pokazal kak se vozi slalom po letu. Zgleda da se moj rođo pak bu moral aktiverati da zapre to prelo v obrane. Makar koleno šklocnulo zajdni put. I ovi drugi kaj rajše glume puhački orkestar na flašami od pive- je je lepo videti da je podigneju složno, kak špaler...
Ove Bebe nisu one Bebe, bunker Bebe. Ne gledeč rezultat po igre opče nisu zgledali inferiorno v odnosu na Crvene mundire, of put Sladoledare, Unproforce i tomu spodobno oblečeno v belo. Kaj je dost zbrikalo ove plačenike ze Zagreba i okolice teri su donesli drese boje karanfilove glavice. Usput budi rečeno da su isti nastupali bez Maloga a Bebe bez izmene samo z selektorom teri je z sigurnum rukum držal vojke v ruka, dok kojni nisu ponoreli. Nadam se da je hat trick dobro zalejan. Kiše ni...
Jednak tak Slavekovi Pranuki v prosto preširenem sastavu "od 7 do 77" pojačani z Veterinari OFK Ruševec Dolni se nisu dali * Ilovače v Mišje rupe. Da ni bilo penalov i tomu spodobnoga još je ni den denes nebi prebili. A onda je pošlo kako vajča gre. Ilovača si je onda otišla nekaj potrošiti i pripraviti pol vijagre za navijanje za Ilovaču "2-3-4 il do zna teru"- črleni bik ti da krila, rakija pogon na se četiri a da to piješ moreš prelaziti i čez zide.
Švabi desetkovani, bez Tutača, Klasničef, Jože Sečna,.. prije bi nabrojil koga je nek koga ni. Kladijonice jem nisu bile naklonene, Mamič i Jednooki Mika več dva tjedne pijeju, zapiraju bertije, čistačice je hitaju van, kesno ležeju, rano se staju, kojni noriju, vojke letiju, kola se droncaju, kučijaši sede na glave a noge jem štrčiju v zrak. Jedino je more spasiti ak teromu otkažeju jetra il Miku deporteraju v Nemačku prije pondelka. Mamič si je mislil da bi zacajhnal na lajtu kulko ima vina v pevnice ali je zabil, veli i bole, da vidim kulko sem popil zave dva tjedne most bi me šlageralo. Jedino kaj je još kak-tak v redu v selu su dečki od tate Želka- do zabije taj dobije. A, Štršani, Bok čuvaj brani, v totalno maksimalnem sastavu, samo Pek fali (to je onaj kaj je popušil onaj gol). Mislim, bil je on, ali mu se ni igralo, nogomet mu se zameril do kraja života. I da te još nekakovi perilki ze Zagreba *, onda * i * da ne velim *. Jel toga čoveku treba? Bome ni. Lepo tajnik biti; štemba tu, štemba tam i ob tri domom. Statistika zna biti za* - * statistiku! Da je celi Bajern zašel nutre, kulko je je got došlo, a ne samo frtal, otkeleni Švabi bi je nakantali. To skros drogerano! Ili samo Črnomu nabijaju cenu za Fargosto il kak se več na Brege zove prelazni rok... Mazalo, znam da čitaš, zvadi čaparu i prebroj kulko imaš nutre penez. Bu ti je treba. Za Feragosto.
Lepotica kola. v Breze bi bila Pisava, Markuševcu Šareka, takove krave nadalko ni bilo. Ševci su došli v pratnje DVD, udruge umirovlenikov, saveza penzijonerov, lovačkoga društva, društva uzgajivača školske terijerov, društva beračev vrgajnov, društva žena, folklornoga ansambla, društva skuplačev sličic "životinjsko carstvo", mladeži hdza i nosačev spomenice. Rekel je Jednooki Mika; Ej, Tomo, moramo zmisliti himnu za Cerovski Vrh, ej. Onda je došel Briki z Dolnega Dragonošca i donesel naslov, kaj more biti i tekst, ak se 100-200 put ponovi. Če niš, bar se lako pameti... Veli, dej posluni ovo; Jen je Vrh, se su drugo Brda! Još je treba samo najti do bu navijal il popeval a Mika je obečal da bu napisal muziku prije nek se pe povračat po Nemačke. Pondelek. A utakmica skros sčašena, zmeknuta, strgana i potrgana kak stara škola na Cerovskem Vrhu kaj ju budu rušali i tam delali "Cerovski Vrh na vode". Da više ne * jel nemam ščem * obrisati morete ju pogledati na ru-bi-tu.
Repriza ot lani, skoro. Il tak nekak. Kak se kolo primiče kraju se je teže zadovoliti tulke muške kaj bežiju za komadom zašite kožice. Žene to najbole znaju. Još da kvalitetno zakipi v riti... Kojzački manekeni v solidnem sastavu, bez Jože starešega v vidokrugu, povedeju kvalitetno a onda je Glumci v preširenem sastavu poklopiju. Franc bi trebal, ak ne troši, početi trošiti nekakve tablete jel ga ovaj nogomet bu vuništil "fisčki" i psihički. za razliku od Šebe kaj ga niš nemre vugnuti z kolotečine osim negve "prve ljubavi svakog poštara", v žute farbe, ručno ofarbanoga.
Kaj ti je žalba... Dobiš utakmicu za biljarskem stolom a okreneš su publiku proti sebe. Leptiri su napravili totalno nogometno čiščenje v selu i zavu ofenzivu dopelali se kaj more oditi i bežati a da više ne cica. I jeno jem se takovo pojačajne splatilo, rekel bi negda Želko Bebekov; divno bijaše glavni biti dok te nisu upoznali, a da ga upoznaju taj bu ili dobil flastera il ga negdo bu razmetal po ledine. Balerine su bile bez "Capo di capi", il ga/je ja nis videl, Mrki je il dal otkaz, skupa z Šikijem, il je presudila "štikla". Došel je Jura, i veruvali il ne, videl sem ga da nosi vodu. Jako loš znak... Kravarščani su se stabilizerali v prvem talu i poveli prek svega talenta. Šika je tek v drugem talu došla k sebe ali po tem više ni bilo povratka na staro. Ponori!
E,da... Kak su Miši bili pod imperativom pobede i domačinstva, volu je sekira još vesela ober glave, vu tem su ognu i zgoreli. V prvem talu su Obadom navrgli svu igru i brali plode dok ovi nisu došli k sebe. A da su ovi došli k sebe, Mišem je voda došla vuv, vlekle su se rigorozne mere, Buco dava savete, Đaja savete nudi, pet poluselektorov pripoveda, jen i križa z flašum, i župnikova mati bi nekaj povedala ali ni mogla dojti do reči a onda je najprije otišel otišel navoj a posle toga je i šaraf pukel. Škoda, jel su si dečki dali fajn truda...
Mislim... Slabo za one tere se dotikavle a za se druge odličen dan z utakmicami teremi nemreš pogoditi rezultat. Ova se leta znalo povedati, negda radi forme, negda zaozbilno, da više tu ni utakmice da buš naprovo zapisal tri bode a sad bi mogli dojti v situvaciju da se do pret sam kraj ne mogla sigurno znati gorna polovica tablice a o prve tri da niti nemislim. Breški rulet.
Najte kaj zameriti. Ja da lažem ne šparam.
Veli, ja bum tebe natambural a onda ti naj kaj zameriti...
