TuropoLepoglâvaVu okviru 14. mednârodnoga festivâla čipkě Lépoglâva 2010. /
VIS Peri Deri gostuval v vžd-županije, v Lépe-glâve* * * * * * * * * * * * * * * * * * * * * * * * * * * * * * * * * * * * * * * *
Prolazna ocena za brzinski f(t)estPoput mnôge glazbene događajov pretěkloga tjědnokonca, '(
me)
galon(
c )
i' dešča teri su nemilosrdno zalevali našě krajě vuspeli su osakatiti i lépoglâvski Ad-Hoc Rock Fest teroga jě, onak na brzinu, baš kak mu i imě govori, osmislila i v konačnice, vuz sě problemě, v delo sprevěla ekipica lokalne entuzijastov.
On né bil odgođen niti otkâzan, nû dešč teri jě padal v grozne količina petek i sobotu jě dosti pokvâril, a i v nedelu jě bilo mejne ludi nek jě bilo realno za očekivati, jel, makar sě vremě polehko 'čistilo', očito jě bilo večne 'ziherâšov' teri nésu šteli niti nâjmejně riskérati.
Vuostalomu, kak to i priliči prinas. Stâlno sě 'kvoca' kak néma dogâđajni, kak mlâdi némaju kam ziti, néma društvenoga života i tak, a da sě i neke napravi zâjně, ûnda navek ima zgovora za nedolazek. Otprilikě tak jě bilo i v Lepoglâve, a opravdâjna tipa 'padal jě dešč' baš i němru biti preuverliva, jel sě fest odvijal v zaprtomu prostoru, v teromu jě bilo mrzlikavo, al ně i mokro. VIS Peri Deri igrali su negde oko vuru i pôl pred nekuliko desetkov ludi, od tere sě nekolicina jâko lepo zabâvlala vuz bend čija jě glazba rockerska oda nijovomu Turopolu. Zanimliva, nârodska, vesela glazba, dobrem jě délom pokvârena z lošem razglasom z teroga jě zujalo, tak da sě na moměnte niti sâmi izvođâči nésu čuli, a kak jě tek bilo onem spred (
tur)binicě, morě sě naslutiti.
Sě v sěmu, VIS Peri Deri dobro su 'oprali' na ovomu festu i vusprkos činenice da jě nijov nâstup radi okolnosti, ni vu teromu slučaju z nijovum krivicum, višě sličil neke vrtne zâbave nek nâstupu na rock festivâlu, videlo sě i čulo da sě dela o fest zafâlnomu live (
živě )-izvođâču i o jâko vuludnem dečkem. Za takov dojam sě pobrinul i neki malo 'nacuclani' dečko teri si jě zel za s(amo)hodno prihajati do vusnoramunikâša, pačiti mu, a i prek něgova mikrofona govoriti 'posvetě' pesmam, valda svojem prijatelem.
"Turopolě me drâgo", "Jâ sem v grâdu", "Suvo grlo nôs", "Dětela", "Tri svine", "Barica", "Jen-dvâ-tri", "Molitva", "Mûška", Bosna", ter "Turopôlec trâvu kosi", tera jě na nagovor publikě odigrana i na bisu, vekši jě dél
(de)se(
r )t-listě nâstupa VIS-a Peri Deri.
Zvir:
http://www.muzika.hr/clanak/28110/izvjestaji/prolazna-ocjena-za-brzinski-fest.aspx* * * * * * * * * * * * * * * * * * * * * * * * * * * * * * * * * * * *
VIS PERI DERI - Turopoljec travu kosi, 02 :51
VIS PERI DERI - Turopoljec travu kosi
