Domaće teme => Događaji => Autor teme: Ljudevit Kaj - Siječanj 17, 2010, 05:41:10 poslijepodne
Naslov: Promôcija knigě Iveka Pěpelka 'Kaj v duše', Lisinski 17.01.2010. ob 20:00 vur
Autor: Ljudevit Kaj - Siječanj 17, 2010, 05:41:10 poslijepodne
Ivek (Ivica) Pěpelko
Zbirka pesmi 'Kaj v duše' (Kaj vu duši)v Lisinskomu 17. séčna 2010. ob 20:00 vur
Nâjpopularneši Zâgorec, prošloga leta jě zabiležil 40 lét svega deluvajna, a v nedelu bû prectavil zbirku pesmi
Ivek (Ivica) Pěpelko bû svem vernem POklonikem prectavil zbirku pesmi „Kaj v duše (Kaj vu duši) “ 17. séčna (malobožičnâka, pavlovščâka, prezimca) v Lisinkomu z početkom ob 8 vur navěčer (20:00).
Ivica Pěpelko jě nâjpoznateši osnivač i 15 lét vodeči član izvrsnoga sastava Lépi dečki. Nâjomileneši, nâjpopularneši Zâgorec (rođeni Slavônec, a živlejnem i osečajem Zâgorec), navek za sě kě ima i kě tak često deli z obožavateli, zafâlujě 'Onomu dô nam jě život dâl' (Onome tko nam je život dao), navék i znôva popévajûč i skromno stičûč „Fâla ti Bôg za ov dân“ ('Fala Ti Bože za ovaj dan') . Z pesmom jě povezal Zâgorje i Zâgreb. V pesme jě splěl život Zâgorcov teri su z svega Zâgorja otišli v Zâgreb. I vuz Sûzě i kušlecě – navek i nâjrajšě zapopéva 'Kaj v duše' (Kaj vu duši) . Šest nosâčov zvuka vundâli su zajedno Ivica Pěpelko i Lépi dečki, a samostalno Jel sě zmisliš (Dal se zmisliš) z tamburâši Zlâtně žicě i Kajda, 'Kaj v duše' (Kaj vu duši) , 35-let z popévkum za Zâgorjě, Raně děvedesetě, Bû bole (Bit će bolje) i najnoveša Zlâtna kolekcija z 40 nâjvekše hitov Ivicě Pěpelka v vundâjnu Croatia Rekordsa.
'KAJ V DUŠE' V LISINSKOMU
Z prošloletnem jě koncertom obiležil 40 lét svega glazbenoga deluvajna v dvorane Lisinski. O poezije, tera Ivicu Pěpelka prikazuje vu skrôz nôvomu svetlu i izraz jě něgve osečajov i premišlajna života, govoril bû zâgorski pesnik Ladislav Prežigalo. Pěpelkově stihě bû pripovedal poznâti zâgorski glumec Adam Končić, a Ivica Pěpelko bû posetitelem otpopéval nekuliko sve pesmi, vuz prâtnu žěnske skupin Kajda i Kušlec ter prof. Darka Berovića.
Céna vulaznicě za Pěpelkovu zbirku pesmi jě 100 kun.