Jena baba čeka brod Pokosko, kultno mesto itd... Osim kaj je poznato dilem sveta po Kupe poznato je i po još jenem fenomenu, polusociološkomu. Sako leto taj fenomen pogađa nemali broj golmanov pak oni zgledaju malo čudno na utakmice, idemo reči kak da bi se vozili na beciklinu z jenem kotačom po žica od dalekovoda. Dok grmi i lesiče se. Samozabijaju si gole, delaju čudne akrobacije i ponašaju se nepredvidivo. Saka je lopta, i ona najmirneša, more z kolotečine hititi. Imteresantno je da taj fenomen tulko ne pogađa druge igrače nek samo čuvare medmrežja. Especijalna komisija "6files" NATO saveza kaj je fajn gliboko, dalko i široko poslikala stajne na lokacije 7SS je v stručne novina "Tribun čvokabiliti koks" napisala poprilike da baš v dobu da v naprednejemi demokracija počme cvesti partizan a v letnu dobu zvezda pripeče kak sam vrag i Kupa se počme pariti dok veter taj kurtaminerani zapareni zrak nosi ober pitonskoga igrališča kak ober plove od šporeta nekteri ostaneju bez "5 od 6 čula". Točka. Zakaj? Neznaju ni oni. Dosta z bedastočami nek idemo povedati da su kibicerice i drukerice za Kupu pripravile najbolšu "kežual" letnu toaletu, fensi cekere i mudno obesveščene cipele, il kak se to več zove, dok su „viđeniji mladići" bili primečeni v stilu "boli me *, nestalo struje, oblačil sem se po mraku". Kak se žene vole hude stroje tak ni ova izložba sirove muške snage ni mogla prejti bez toga tala periferne životne zbilnosti. Pravu pomutnju v rede ženskoga sveta je unesel vozač Lamborghinija kaj se neoprezno zaparkeral v vidokrugu, il puškometu, preknekolikoput prijespomenute. Špera, močni zvuk, kompresor, svetli plugi prekretači i oštri lemeši lako su našli put čez moderna očala "Đani bez Gača" do oka Sile Nečiste. Taman da smo mislili da je gotovo z navalum na poloprivrednu mehanizaciju odnekud se do* kombajn, i se bi najemput štele zajašiti Zmaja. Ja mislim da je još do dovlekel roto balerku da bi ovo kolo morali odgoditi tam negde za posle Božiča. Za neupučene, uvedeno je novo pravilo da ak je gol tak dobro zabit da se lopta neda zvaditi z mreže 3 minute onda vredi za dva i tak se i piše.
Na početku su Bebe pružale solidni otpor Švabam dok Jože ni pukel * i ni zišel nutre preluknati golmana tak da of ni znal zvaditi lopte z gola. Bebe se ne predavaju nek prek Mike i "onoga internacionalca kaj igra za Kupu" mečeju solidnu porciju v svoju statistiku. Breške jumferice svršavaju, grudbnjaki letiju v nebo, muži nazdravlaju, kapare se gajbe... Ni na odmet pobvedati da su Švabi pobedili, da nebi bilo nismo znali, i to tak da je cela prva ekipa z rezervum dala po gol.
Počeli su škrtariti. Kak drugač povedati da igraju Tigriči a vidiš samo tri gole na cele utakmice? Leptiriče još od dana predi drži špurijus, il špiritus, tak da se očekival isti il sličen rezultat proti Tigričem ali lopta neče pa neče. Posle dosta uveravanja cipelarenja lopta je sejeno nekak popustila i Leptiriči su poveli. Taman su dobri poznavateli breškoga nogometa rekli da je 1-0 premalo jel bi se v zajdne minute moglo dogoditi da "pukne guma" kad ga najboli strelec Lige se časov meče na sebe svojstven način. Posle je Ježo malo smanjil ali več su kola bila pod bregom. Ali to ni sprečilo Tigriče da solidno preslave svoj poraz v familijarnomu druženju na "okuke".
V rošade terminov, uranele i zakesnele menstruacije, da ne pripovedamo o izostalemi, na red je došel ogled zmed Glumcov, v solidnem sastavu, i Brazilke v "Beba" sastavu. Glumci su to rešili skoro kak v nektere druge Lige a ne letošne. Dost je reči da su kibici v prvem poluvremenu povedali da je golman Brazilke igrač utakmice. Važno je povedati da se posle dve lete v plavem dresu prikazal i Frend. Na strane Glumcov je Jazo odigral "ko u najboljim danima" a na druge se strane Mika tak nabežal da bi bila škoda da ni dal gol. Ja verujem da bi mu vuz tulko zalaganje Glumci dali zapisati teroga svega, normalno posle rešavajna tekučega pitajna v jedinične mere.
Ovi termini su počeli biti kak krave, teliči, kojni i svijne a vidi se do su najboli pretršci. Sam Bog kaj tu ni
Raščanov i Odercov, to bi tek onda bil sejem. XĐ
Balerine su skoro uspele nadigrati i skoro pobedile Vrapce ali... Utakmica se igra 2X15 min, šumske mere. Šilakovci su do minute pred kraj vodili i imali pobedu v žepu a onda jem je Bibi scukal bod. Vidi se kulko za Vrapce znači Šan-Ku, makar v publike.
Obadi su uspešno prezujali na Pokoskomu prek Pokoskoga. Nikakov otpor ni pomogel Ribičem da stave dosadne Obade a na statistiku su se si zapisali, neketeri i po dva put. Bilo je časa i za uklučivanje kadetov v Prvu teri su se pokazali dostojnemi angažmana. I Ribiči su se zapisali v statistiku, pod "isključenja". A v "moju statistiku" se zapisal Kruno z jedinem golom za Pokosko, kaj ga je prevlekel i čez golmana i čez živi zid. Verujem da bi prebil i pol metra armeranoga betona da su žnem zazidali gol.
Manekeni su na teži način došli do zaklučka da ni isto pobediti Ilovaču i Miše. Kak Liga dale ide Miši su se boli, ak negde "ne stanu na grablje". Veliju Manekeni; pa kakve so to gole dobili, sami bureki i krumperi? A suigrač odgovara; Kaj, baš su bili lepi goli. E, moj Saša...
V trejte, il zajdne , utakmice kola Ilovača je "nezgodno pala", il sela, Bojsom. Zgleda po pristupu da se Ilovača zavu utakmicu brusila mesec dan. Kum Zeko je zableščal kak v davnu dobu dok je još
momak bio a bežal i driblal kak navinut. To jebil pritisek na se linije i prešing se na se teroga BOjsi nisu uspeli zdržati. Da je prešel Alenov lob most bi se to drugač zgledalo ali ovak, v ovakve postave stvari, Petko ni mogel više od jenoga. Zabiti.
Najte kaj zameriti, do se još od istine pomogel.
Of tjeden "duplenka";
10. KOLO se igra : 26.07.2014. GORNJA OPATIJA, 15,30
GORNJI HRUŠEVEC - KOZJAČA -Obadi v faze zujanja a Manekeni v blago silazne, i to još v Šumice
ŠILJAKOVINA - POKUPSKO -Mrkijev stroj kaj se mele ide na noge Ribičem
DONJI HRUŠEVEC - MALA BUNA - ak bu prevruče mogla bi piva zakipeti
LIJEVI ŠTEFANKI - VELIKA BUNA -iao, batko, da derbi, dva derbiji
OPATIJA - DUBRANEC -Tigriči su počeli škrtariti na goli a kum Zeko baš došel v fazu, dve, tri
GORNJA OPATIJA - KRAVARSKO -auuu, jeno dve lete su Švabi Leptiričem vadili krf na malu slamčicu, a sad te ja pitam čija baka bombu nosi
CEROVSKI VRH - HOTNJA -apsolutno totalno bezkompromisno fatalistički derbi, sudnji den, il noč, f Švarcvaldu
NOVO BRDO --- negde drugde, "a ja sam negde..."
11. KOLO se igra : 27.07.2014. GORNJI HRUŠEVEC, 15,30
KRAVARSKO - CEROVSKI VRH -ak žmekne kiša tu Tomica brani kak riba vode
DUBRANEC - GORNJA OPATIJA -ak su se sinci z mora vrnuli i nisu se teško ranili v sobotu mogel bi biti nekakov otpor inače žbukanje Slatkoga
VELIKA BUNA - OPATIJA -derbi, dolnega doma, ak
MALA BUNA - LIJEVI ŠTEFANKI -samo opča mobilizacija v Kurilovečke dubrave Bunce spašava
POKUPSKO - DONJI HRUŠEVEC -derbi, to nabrušeno, to lepo, to pred dučanom, celo proleče treneralo
KOZJAČA - ŠILJAKOVINA -nek se slože grla bracka, vatru gasi, grlo kvasi, i bratu jenu, mrzlu, da se spasi
NOVO BRDO - GORNJI HRUŠEVEC -zadnju dobu ovi samo z "nulum" otpravlaju protivnike, ni baš nekaj obečavajuče, za Obade, kaj gaze stezum stare slave
HOTNJA --- ovo je utakmica teru Bebe jenostalno nemreju zgubiti, tu su totalni favoriti, ak nebu pomor favoritov
-
Nastavak lige u Gornjoj Opatiji i Gornjem Hruševcu
http://www.vgdanas.hr/Sport/Clanak/10099/nastavak-lige-u-gornjoj-opatiji-i-gornjem-hrusevcu.aspxDve karamele / 5. kolo
http://trnac.net/2014/07/23/dve-karamele-5-kolo-mundial-vg-11-mnlvg11-malonogometna-liga-vukomericke-goric-2014/Glasnik
http://s878.photobucket.com/user/karadjordje/library/mnlvg11%20glasnik