Autor: Ljudevit Kaj - Rujan 18, 2010, 08:26:18 poslijepodne
Zvir:
DOMEK TUROPOLSKI
POVODIČ ZA ONE S PITAJNI A NA TROAGU ZAVIČAJNOSTI I OSOBNOSTI
Miesečni dobopis
Broj 1. / Velika Gorica 27. srpnja 2010. leta / Doarek za strošek!
* * * * * * * * * * * * * * * * * * * * * * * * * * * * * * * * * * * * * * * *
str. 05
Malo o peneze v Turopolu
Kak i si drugi i Turopolci roabiju od onda gda su je zmislili stoari Grki, a to je bilo pred 2 600 let. Točno je da su spočetka više razmenevali med sobum živinu (pajceke, race, kokoši) za žitek (jačmen, zob, rž, heldu. šenicu, bažul) dok je penez bilo malo. Došli su onda stoari Rimlani i v Sisku naredili kovnicu poak su čez 150 let (od 262-387-muga leta) delali svoje bakrene, srebrene i zloatne novce. Čez to vrieme, dok Rimsko coarstvo nie prepalo, su se v roazmene više koristili novci.
Onda je prešlo poar sto let dok naši pretki niesu došli v naš kraj i nastanili se. Koristili su oni još naviek stoare rimske novce. Nu več od XII stoletja počeli su se kovati domači penezi (denar banalis) noajprie v Pakracu a onda i v Zoagrebu.
Tie srebreniki su bili moali ali napravleni od finuga srebra poak ih je noarod rajši roabil neg lošeše mađarske ili koruške srebrenike. Kak je nas tomu novcu bila ugraverana kuna v trku med Soavum i Droavum niesu morali prečitati MONETA REGIS SCLAVONIA (novac kraljevine Slovinje). A čitati baš ni niesu znali.
Dugo vremena potom plačalo se v razmene stroanem novcem - venecijanskem, austrijskem, mađarskem, osmanlijskem. Onda je Nikola III Zrinski u Gvozdanskom, pri Dvoru na Une, 1520. leta delal svoje denare, groše i talere po odobrejnu bečkuga dvora kakti priznoajne za junačku obranu granice prama Osmanlijam na Une.
S primicajnem XIX. vieku se se više v roazmene koristiju novci. Vu tu se dobu novci počimlu koristiti i za ukrase na ruhu, osobito ženskom, tak da su dekle mogle pokazati zaintereseranem ženikem na proščejnu ili za kakovuga svetka s prve ruke svoj miraz.
Onda je naš boan Josip Jelačič 1848. leta doal delati naš horvatski novac - bakreni jedan križar i srebrenu cvanciku - nu za kroatko. Gda je opoasnost od mađarske revolucije minula smo dobili za noagradu keaj i Mađari za koaznu, puk je z Beča došla komisija tera je pretopila se kovoani novac osim nekuliko primerkov za arhivu.
Do denes se puno penes premenilo. Znoamo da su naši stoari trguvali z roaznemi penezi: z denari, banovci, groši, šestoaki, cvancigami, taleri (škude) krune, dinari, kune, dinari poak z novega kune. Saki penezi imaju svoje simboličko značejne, poviest i pripoviest.
Noato sem navudren da me to zanima i s tiem se rad i dugo boavim poak sem tak postal numizmatičar. Kak bivši avijatičar sem imel priliku segde biti, sešta, pogotovu numizmatičkuga, videti i upoznati. Morti bi vas keaj od toga intereseralo?
Slobodan pl. Pukanič
Autor: Sledgehammer - Rujan 18, 2010, 08:31:39 poslijepodne
Autor: kum - Ožujak 03, 2011, 01:49:24 prijepodne
Ako nekoga zanimleju stoari penezi kaj so se rabili v turopolu i naokol nemora čekati izložbo. More ih videti sako sredo od 16-19 v ilici 75 (v dvorišču). Tam v prostorijama društva podravcev imeju numizmatičari sako sredo svoje sastanke i mini izložbe svojeh kolekcij.
Autor: kum - Ožujak 10, 2011, 01:15:03 prijepodne
Svaku srijedu 16-19sati. Osim numizmatike zastupljena je isto tako i filatelija i notafilija, kartofilija, medalje, odlikovanja, značke itd. (a tek da vidite kakav šank imaju) Ima i kontakt tel. 098 462 185
Još jedan put adresa: Ilica 75 (v dvorišču)
Autor: Goričanka - Ožujak 10, 2011, 10:52:38 poslijepodne
