Domaće teme > Događaji
Proslava Dâna grâda Ivâjnca (Ivânca)
Ljudevit Kaj:
26.12.2012.
Štefajnski božečji (božični) koncert v Lepoglave
Pod pokrovitelstvom Grada Lepoglave ter v organizacije Turističke zajednice Grada Lepoglave i Turističko-kulturno-informativnoga centra, v sredu 26. prosinca (Štefajne) održal bu se več tradicionalni Božečji (Božični) koncert.
V sportske dvorane Osnovne škole Ante Starčevića z početkom ob 18 vur nastupila bu Limena glazba Lepoglava, ženski zbor „Collegium artisticum“ z solisticum Šteficum Geček, tamburaški orkester ''Biseri'' i ivajnski (ivanečki) zbor ''Rudolf Rajter''.
O Lepoglave:
Zibelka si belih fratrov,
Zibelka si sega kraja,
Zibelka si vel’ke škole
I zibelka šlingeraja
Zvir:
http://www.lepoglava-info.hr/node/71?language=en
--- Citat: ---V Lepogleve
KIP ALOJZIJA STEPINCA, 03:09
http://www.youtube.com/watch?v=saN3eFm32dY
--- Kraj citata ---
Mehki snežek, 03:47
Mehki snežek
Ljudevit Kaj:
Božečji (Božični) koncert KUD-a "Rudolf Rajter" Ivanec
KUD Rudolf Rajter i ovoga bu leta povodum božečje (božične) blagdanov zapopeval našem sugrađanem na tradicionalnomu božečjomu (božičnomu koncertu) teri bu se v župne cirkve Sv. Marije Magdalene održal (v) četrtek, 27. prosinca, z početkom ob 18 vur.
Vuz KUD Rudolf Rajter nastupili buju i mezzosopranistica Sanja Čanžar, sopranistica Monika Cerovčec, na orgulam bu igrala Božica Tuđan, a večer buju vupotpunili igrači Šplejnate (Limene) glazbe z Lepoglave.
Koncertom buju dirigerali prof. Jelena Gotal i prof. Željko Huten.
Zvir:
http://www.ivanec.hr/Novosti/TabId/64/ArtMID/391/ArticleID/649/Bozicni-koncert-KUD-a-Rudolf-Rajter.aspx
* * * * * * * * * * * * * * * * * * * * * * * * * * * * * * * *
Popevka za ljubav, za radost i bol…
KUD Rudolf Rajter - Stari grad Varaždin, 03:28
KUD Rudolf Rajter - Stari grad Varaždin
Ljudevit Kaj:
Motobožičeki (Božičnaki) razveselili klince
Klince v Lepoglave, Bednje i Ivancu razveselili su neobični Dedeki Božičeki (Božičnaki) teri su sobe i sani zmenili z motori. Reč je o Motobožičeki z ivajnskoga (ivanečkoga) Moto kluba JAL teri več peto leto za redom v vreme božečje (božične) blagdanov organizera darivajne najmlajše z prigodni slatki dari.
- Vuz sredstva tere su prikupili člani Kluba dare smo nabavili i zafalujuč pomoči gradov Lepoglave i Ivanca ter občine Bednja – povedal je Damir Mavrek, predsednik Moto kluba JAL čijem se članem letos v akcije obilaska i darivajna dece priklučili i Motobožičeki z okolne moto klubov.
Motobožičeki su se pobrinuli i za okrepu roditelov i se one teri su čekali nijov dolazek. Ne su počastili čajom i kuvanem vinom.
Zvir:
http://www.lepoglava.net/drustvo/vijesti-iz-drustva/ostalo/3642-motomrazovi-razveselili-djecu
* * * * * * * * * *
Leta 2009. je bilo puno romantičneše – z puno snega
Motobožičeki (Božičnaki)
Moto Mrazevi 2009.wmv, 03:53
Moto Mrazevi 2009.wmv
Ljudevit Kaj:
Ivanec-hr
e-vundano 5. travna 2013.
Mednarodna smotra dečjoga folklora v Ivancu
Ivanec bu (v) sobotu, 6. travna, domačin 1. mednarodne smotre dečjoga folklora. Smotru organizera KUD Salinovec, a glavni su je pokroviteli Grad Ivanec i Varaždinska županija. V programu bu sudeluvalo oko 420 male folklorašov i nijove pelatelov z Krapinsko-zagorske županije (KUD OŠ Ante Kovačiča z Zlatara i KUD Golubovec), Međimurske (KUU Zasadbreg) i Varaždinske županije (KUD Mak z Trnovca, KUD Elizabeta z Jalžabeta, KUD Beletinec, KUD Klaruš z Maruševca i KUD Salinovec), a pridružili im se buju i KUD z Totszerdahelyja v Vugerske ter Folklorno društvo Lancova Ves z Slovenije.
Pre nastupa v ivajnske (ivanečke) kinodvorane, sa društva buju, vuz beglajt tambur, v mimohodu prešla ivajnskem (ivanečkem) vulicam, od OŠ Ivana Kukul(j)eviča Sakcinskoga duž Šabanove vulice, pa potlem Malezovum, novem spojom do cirkve i čez gradsku špicu do kinodvorane de bu ob 16 vur počela smotra. V programu buju nastupili zestavi (sastavi) Kaliope i Faringaši.
Si grajani, deca i ostali lubiteli folklora pozvani su da dojdu i vuživaju v raskoši dečjoga folklornoga stvaralaštva. Vulaz je besplaten.
Zvir:
http://www.ivanec.hr/Novosti/TabId/64/ArtMID/391/ArticleID/792/Medunarodna-smotra-djecjeg-folklora-u-Ivancu.aspx .
* * * * * * * * * * * * * * * * * * * * * * * * * * * * * *
Poleg jene vel(i)ke gor(ic)e...
KUD"SALINOVEC",Salinovec(Varaždin): Ispod gore Ivančice(part 1), 09:10
KUD"SALINOVEC",Salinovec(Varaždin):Ispod gore Ivančice(part 1)
Ljudevit Kaj:
Sreda, 19. lipna 2013.
Des počimlu Dani grada Ivanca 2013.
Mnogi sadržaji za se generacije
Ivanec bu od des, 19. lipna do torka 24. lipna, živel v znaku mnoge sadržajov za se generacije terem bu obiležen Dan grada, ali i vulazek Hrvatske v Europsku uniju. Svečarski ivajnski dani teri se obiležavaju vuz blagdan rođejna sv. Iveka (Ivana) Krstitela, zaštitnika ivajnske župe i grada, počimlu v sredu 19. lipna izložbum fotografij Foto Oto kluba „Ivajnski motivi“ v gradske knižnice i čitaonice te svečanum sednicum gradskoga veča v Sredne škole Ivanec.
(V) četrtek bu v Dečjomu vrteku „Ivančice“ zdignena Zelena zastava terum bu se obiležilo pridruživajne toga vrteka mednarodne „družine“ eko- vrtekov, a v gradske večnice bu predstavlena „Ivajnska bibliografija“ prof. Marijana Kraša.
Centralni dogodek v petek 21. lipna bu opirajne Ivajnskoga gospodarskog semla ob 10.30 vur na izlagačkomu prostoru spred gradske večnice, v sklopu teroga bu održan i gospodarski forum, na teromu buju sudeluvali predstavniki ministarstvi vajnske poslov, regionalnoga razvoja i fondov EU-a, dela i penzijskoga sustava te državne agencij.
Posebno atraktivni sadržaji za decu i mlade održavali buju se toga dana popoldan, gda počimle Mali dečji festival v organizacije Društva „Naša deca“. Na-jnemu buju nastupila deca z tancne delaonice, klinci Dečjoga vrteka „Ivančice“ i negvoga područnoga tala v Radovanu, Dečji zbor „Margaretice“ z Margečana, deca z KUD-a Stažnevec, dečji folklor KUD-a Salinovec i Tancni klub Ritmo. Organizerana bu i dečja modna revija.
Dokazano omilena atrakcija za se sudionike bu tradicionalno razvlačejne i rezanje jegera v večerne vura pod „patronatom“ mesarske znalcov Industrije mesa Ivanec i pelatelskum batinum (palicom) Davora Dretara – Drelea i Andreje Loparičove. V nastavku večerke sledi zabavni program zestava Rockabilikum z Varaždina i koncert Navihanki ze Slovenije.
Sobotna događajna, 22. lipna, opiraju planinari i izletniki teri z člani Planinarskoga kluba Ivanec kreču na 3. pohod Tragom vitezov ivanovcov. Na spomen-obiležja poginulem (za jene) antifašističkem (za druge „antifašističkem“) borcem v Ivancu, Radovanu i Margečanu buju položeni venci vu povodu obiležavajna 22. lipna Dana (za jene) antifašističke (za druge „antifašističke“) borbe. Ob 10.30 v ivajnske župne cirkve sv. Marije Magdalene služila bu se svečana meša vu povodu obiležavajna spomendana sv. Iveka (Ivana) Krstitela, zaštitnika Ivanca.
Tokom dana posetiteli buju v prilike razgledati ponudu Gospodarskoga semla, čiji bu zestavni del bogata ponuda Ivajnskoga semla. Atrakcija za posetitele sikak bu i manifestacija „Ivanec kuva“ , tera počimle ob pol dan na stare tržnice vuz glazbeni vugođaj Rockabilikuma. Popodnevka i večerne vure te sobote buju bogate z kulturno-zabavnemi sadržaji: od postrojavajna i smotri povesne postrojbi do nastupa mnoge hrvatske i inozemne KUD-ov.
Ivajnski dani okončani buju (v) ponedelek 24. lipna letnem koncertom KUD-a Rudolf Rajter i nijove gostov v kinodvorane z početkom ob 19 vur.
Smotra povesne postrojbi
Ovoletni Dani grada Ivanca buju i v znaku posebne manifestacij zestanka hrvatske povesne postrojbi, kak i one z inozemstva, v organizacije Turističke zajednice grada Ivanca. Ov atraktivni dogodek odigraval bu se v subotu v središnomu parku, a posetiteli buju mogli vuživati v viteškomu turneru, mačevajnu, natecanju najbolše streličarov i drugem viteškem igram i natecajni za nagradu Malteškoga križa i Zlatnoga kaleža.
Pozdrav Europe
Vu povodu pridruživajna Hrvatske Europske unije, klinci ivajnskoga vrteka prikazali buju program nazvan „Lijepi moj Ivonjec i grazioji Litva“ , terem buju pokazali sve znajne o Litve kak članice EU-a. Delali buju Breg križov, peščane dine i slike od peska v farbe, kartu Litve i najstarešo drevo (stablo) v Europe, a bu moguče i degusterati i neka omilena litavska jela. Očekuje se da buju slične delaonice, tematski posvečene vulasku Hrvatske v EU, te den v gradskomu parku organizirale i druge škole.
Program:
http://www.ivanec.hr/Portals/0/EasyDNNNewsDocuments/917/Program%202013.pdf
Zvir:
http://www.ivanec.hr/Novosti/TabId/64/ArtMID/391/ArticleID/927/U-srijedu-pocinju-sluzbene-svecanosti-u-povodu-Dana-grada-Ivanca-2013.aspx
http://www.ivanec.hr/Novosti/TabId/64/ArtMID/391/ArticleID/917/Bogat-program-za-sve-generacije-uz-Dan-grada-24-lipnja.aspx
--- Citat: ---Beli volki - viteška igra, povijesne postrojbe, Dani grada Ivanca 2012. , 02:36
https://www.youtube.com/watch?v=kPOwl8DrejA
--- Kraj citata ---
FARINGAŠI - VERNI SE NAZAJ.mp4, 02:57
https://www.youtube.com/watch?v=eplI8XTGEYI
Navigacija
[0] Lista Poruka
Idi na punu verziju