Autor Tema: POČAKAJ (PO-ČA-KAJ) - Lipa naša čakavska  (Posjeta: 54865 )

0 Članova i 1 Gost pregledava ovu temu.

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #90 : Listopad 08, 2009, 12:11:53 prijepodne »


Réčki „Nôvi list“, 10.09.2009. / Kolumně
Beseda
7 člankov na čakavskomu:
* * * * * * * * * * * * * * * * * * * * * * * * * * * * * * * * * * * * * * * * * * * *

Članek 7/7


kantunić od otročić

Slika:
javascript:openWindow('aspx/showimage.aspx?id=446123',298,520,'');


Tišina
   
    Tišina je nečujna
    i ima je va noći
    kad ja gren spat.
    Vavik je va bonaci na moru
    i u ranu zoru.
    Tišina je žalosna
    ...


Za pretplatnike:
http://novine.novilist.hr/Default.asp?WCI=Rubrike&WCU=28592858286328612863285A2858285828612863288A288D28632863285C285C285E2859285A285B28632863286328582863Z
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #91 : Listopad 09, 2009, 01:13:48 prijepodne »


Réčki „Nôvi list“, 14.09.2009. / Kolumně, komentâri

S KAMIKA I MORA

Ki prvi dožupanu njemu »Runolist«



Piše Slavica MRKIĆ MODRIĆ
 
Ta koga predlažete mora bit, kako bi to rekal naš dožupan »gotov čovik«. Sad, ako ćemo pravo, malo me j mučilo to »gotov čovik«, aš čovik ale si, ale nisi. Z jedne bandi gljedano gotovi nismo nikada aš se celi život trsimo bit bolji, a z druge – gotovi smo dočin se rodimo aš se zna kako ćemo finit. I onput san dokončala. Pa dožupan je rekal to ča j rekal z najboljun namjerun. Njemu gotov čovik znači da j ta isti slobodan, ča će reć nima delo, da bude situiran, ča će reć da i dok ni delal da j dobijal plaću pa ćeš moć potrpet ta prvi mesec doklen ju na novomu radnomu mestu ne dobije, da politički diše kako vlaste paše i da uza se to pristane delat va »Runolistu«.

 
Ste zazvali gospodina dožupana Vujića i ste mu rekli koga se vi imate za zaposlit? Niste? Pa, ča čekate? Je lipo čovik rekal da ki god ima koga ki bi pasal va »Runolist« neka se javi, aš da još ima prostora, ča bi se reklo – još je par slobodneh mest. Samo pazite, ta kandidat koga predložite mora bit slobodan i spreman da valje drugi dan počne delat. Ča natječaj, ča životopis? Ma, niš to ni bitno, aš preša je, zima će ta drugi dan, a »Runolist« dela leh kad mu vremenske prilike pašu, ča će reć doklen ne počnu mrazi, snegi, magle i dažji.
    Kakove kvalitete mora imet ta ča ga predlažete? Ni dožupan niš o tomu govoril, ma postoji model pa ne bi trebelo bit problema za odgovorit na to pitanje. Leh lipo toga mogućega delavca »Runolista« posedite kraj sebe i propitajte dobro, ako mu j psihološki profil sličan onomu od gospodina, bivšega rečkoga dogradonačelnika Poropata, onput ni zimi. A ako još i stranački odgovara, onput mu je delo va »Runolistu« zagarantirano. I jedino nač va celoj ovoj stvare rabi pazit je da budete brzi, aš ki prvi divojki njegova jabuka, odnosno va oven našen slučaju – ki prvi dožupanu, njegov »Runolist«. Kako j puno ljudi prez dela, to će bit i fanj interesenti, pa j zato bitno bit brz. A ako ćemo pravo, ni to jedini razlog aš kako smo već rekli, zima će ta drugi dan, a dela j koš i još, pa i zato trebe bit hitar.
    Ča ako neki reče da to ni legalno? Ma, niš se za to ne pojidajte, aš kad jedan projde onput su i drugimi vrata oprta. Jedino nač morate pazit su one iste preference ča san van jih prvo spomenula. Ta koga predlažete mora bit, kako bi to rekal naš dožupan »gotov čovik«. Sad, ako ćemo pravo, malo me j mučilo to »gotov čovik«, aš čovik ale si, ale nisi. Z jedne bandi gljedano gotovi nismo nikada aš se celi život trsimo bit bolji, a z druge – gotovi smo dočin se rodimo aš se zna kako ćemo finit. I onput san dokončala. Pa dožupan je rekal to ča j rekal z najboljun namjerun. Njemu gotov čovik znači da j ta isti slobodan, ča će reć nima delo, da bude situiran, ča će reć da i dok ni delal da j dobijal plaću pa ćeš moć potrpet ta prvi mesec doklen ju na novomu radnomu mestu ne dobije, da politički diše kako vlaste paše i da uza se to pristane delat va »Runolistu«. Ekola, sad san van se pojasnila, a ako vas još pojida i ča će na se to reć župan, bez brigi ste. Niš, aš on veruje ljudimi okolo sebe, ča ne znači da j župan lakovjeran leh da j političar. Tr ni njihovo valjda da veruju ljudimi ki su jih zibrali, leh onimi ki su jih okružili. To j bilo i bit će, ma ča će van sad to, hote s tun prijavun pu dožupana, de ni bi bilo pokle – zel je nekoga svoga. A ča drugo more, kad namesto da ste potekli, vi ste pisali molbu.


http://novine.novilist.hr/Default.asp?WCI=Rubrike&WCU=2859285C286328612863285A28582858286128632893289328632863285C285C285E28612859286128632863286328592863N
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #92 : Listopad 09, 2009, 01:15:12 prijepodne »


Réčki "Nôvi list" / Kolumně, komentâri

14.09.2009.

Ćićo Senjanović
javascript:openWindow('aspx/showimage.aspx?id=446527',158,320,'');

AJME MENI


Mesić: "Hajduk je klub hrabrih ljudi."
     Molim, ne mišat prošlost i sadašnjost.


http://novine.novilist.hr/Default.asp?WCI=Rubrike&WCU=2859285C286328612863285A28582858286128632893289328632863285C285C285E2860285E285E28632863286328592863M
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #93 : Listopad 09, 2009, 01:15:53 prijepodne »


Glas Istre, 19.09.2009.

Savičenta in the morning

Jadranka i groblje


Pošli smo skupa i ud pet krav ke su vani ni u bogu ni bilo drugarice Jadranke. Termen njoj je pasa prija dva dana, ma ni skaživalo da bi mogla zleći. Prava je krava i nikakor mi ni hodilo u glavu ča bi je to natiralo u škodu.
Naša san je dva kilometra dalje u gustoj boški: z malin telcon po raci belgijancon, unin črno-bilin, ma za meso. Samčina mali je već natiza za cicu, a ni pasalo forši ura vrimena da je uteljen. Deboto cila ura vrimena mi je rabila za je naj, pak je mati bila sva u črnih pensiri ča je z ton kravon, gran ko je ušla kamo čja u kakovu škodu pak će Filice mašiti. Kad san se torna i njoj špjega da je sve OK, je zdahla, ma njoj ni bilo čaro to da Filice, ki he ujutro zagna u pašu, ni poša za tin da bi se mogla uteliti.


Piše: Darko PEKICA


U devetoj uri, kad san finija posrkati kafele, partija san prignati krave z Firine vogarde kadi beru još nike male kuščiće trave ke su preživile sušu. Mati me već čekala na prtunu sva u pensiru kad ću doj, aš zna da nis nikad na vrime, pak ima strah da krave kamo ne poklate, ki nimaju ča otkinuti na robašpanji. Filice je u Rovinju na terapijah, pak je ona zadužena za te zvanjske krave. Pošli smo skupa i ud pet krav ke su vani ni u bogu ni bilo drugarice Jadranke. Termen njoj je pasa prija dva dana, ma ni skaživalo da bi mogla zleći. Prava je krava i nikakor mi ni hodilo u glavu ča bi je to natiralo u škodu.

Naša san je dva kilometra dalje u gustoj boški: z malin telcon po raci belgijancon, unin črno-bilin, ma za meso. Samčina mali je već natiza za cicu, a ni pasalo forši ura vrimena da je uteljen. Deboto cila ura vrimena mi je rabila za je naj, pak je mati bila sva u črnih pensiri ča je z ton kravon, gran ko je ušla kamo čja u kakovu škodu pak će Filice mašiti. Kad san se torna i njoj špjega da je sve OK, je zdahla, ma njoj ni bilo čaro to da Filice, ki he ujutro zagna u pašu, ni poša za tin da bi se mogla uteliti.

Poša san po trahtor i tavolac da he dopeljan doma i po putu san si pensa o toj kravi ka je dobila ime po sad premjerki, a uni put kandidatu za presednika ud države. Kad su je mriž drugih deset te dva i četrte u dvanajsten misecu dopeljali z Nemačke, bila je po Filicu najhuja krava ka ne bude doživila dva i peto poli nas, ma se kojena, aš je danas zlegla četrti put i zasvin ča ni nika ekstra mlikarica, još vajk je tendimo. Filici je u to vrime napro na živce hodila drugarica Kosor, pak je Alabamu, kako njoj je bilo ime po nemačkih hartah, prikrstija u Jadranka. Ima nike sličnosti ta moja drugarica Jadranka z premjerkon Jadrankon, aš nanka njoj nisu dali nike šanse u politiki, ma stešo riva naprid.

Poklepodne san z teton Irmon z Beograda poša na groblje ki prija nego gre čja bi rad staviti veštačke rože i užgati sviću na oca i mater. Stija san da mi ž njejih usti reče ništo o didu i babi, zapravo već o babi, ki o njoj jako malo znan. Stešo mi je čud već rekla o didu, aš ne samo ča je duže živija, ku ne je bija pomalo bagra, ki je volija druge žene, a pok mu je ta moja prava baba umrla ud bronhiti, ni čeka više ud tri miseca da dopelja moju veštačku babu Terežu. Povida da mu ni toliko zamirila koliko njoja sestra, moja pokojna teta Danica, ka se z tin ni nikakor mogla pomiriti.

"Tvoja baba Ulika, to je bila jedna jako lepa žena, puna dobrih manira. Ona nas je lepo odgajala, a bili smo jako siromašni. Rodila je troje djece, pa je počeo rat, pa glad, pa neimaština. A možda se ona i obolila zbog dida Bože? A ni lekova nije bilo, a bila je pedeset druga, jako hladna zima... Bože je bio jako vrijedan, ali zajedljiv i nervozan - ako mu nije bilo po volji, jao se ga tebi! S njim je bilo jako teško. Samo: delaj, delaj, delaj! To su mogli Danica i Filice, ali meni to nije bio smisao. Ja sam volela da idem u bioskop, da se šećem po đardinima, da pratim šta se novo nosi. U ono vreme je to bilo nešto. Sreća da se Danica brzo oženila i otišla u Pulu pa sam ja živela kod nje u nekoj šupi i školovala se pa sam izbjegla te nesretne Šikute. A onda je odnekud došao i moj Slovenac, pa šta da pričam kad znaš dalje… I sad mi je nekako teško zamisliti da idem u Šikute. Nakupilo se tu nešto i godina, a i svaka slika koju vidiš te vrati u ono vreme, pa se bude emocije, pa sećanja, pa nekako mi je dovoljno to da sam tu u Savičenti s vama, s mojim bratom i tetom Terežon, da vas vidim žive i koliko-toliko zdrave, pa ću drugi put kad dođem malo više do Šikuta."

Upalili smo sviću, vrgli veštačke rože u mižo ud krastavci, prikrižili se i partili popeljati tetu Irmu na lopran za Beograd.


http://www.glasistre.hr/kolumna/n/109753



Glas Istre 2009-09-19
http://files.glasistre.hr/GlasIstre.pdf
http://www.glasistre.hr/
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #94 : Listopad 09, 2009, 01:16:44 prijepodne »


Glas Istre / Pula, 16.09.2009.

Šjora Špia

- Sam čiulaaa, sam vidilaaa...


Šindacato, moje žlato!

U jedan lokalni giornal na internet šam čitalaaa... da su Bulića dosli šlušati, uglavnom, pazite ovo: ishlapili penzići! Znači taco, ishlapili penzići, fossili, koi ne znaju sta radu, ne razumu nista i nemaju drugo delo nego se skupljati po mitingima! A lipo. Nissam čakolona, ali svega se moze čiuti na račun umirovljenika. Per esempio da samo sisamo šolde iz proračuna, da smo šteta za ovo društvo i pitaju se do kada će nas hraniti siroti radnizzi?! Kad to čiuješ ti dode da pukneš, čašna rieč. Passala su vremena kad se starze poštivalo. Oni koi taco govoru moze hi vero biti sram!


Šindikalni protest od passane subote, ljudi još komentiraju. Neki koi nisu njanche bili, govoru da su Bulić i njegovi kolege furbasti sta su izabrali vrieme kad taco i taco se Polesani motaju po markatu. Inače da nebi niko doša slušati njihove ofukane fraze.

Je democrazia pa ne mislu svi taco. Prisutni su slušali sta su prestavniki šindikata govorili, pleskali i dobro reagirali. Sve se moze reći, ali mislin da šjor Bulić ne laze u svojim govorima. Tr znamo svi cacova je šituazia. Neki sta se kuzu u politicu govoru da je ovaj protest bez veže. Trebalo je čekati da svi sindacati u ottobru rinu skupa. Svi manifestirati u koljektivnuju raspaljotku po Vladi. Ako su, caco se šuška, sindikalni vode foliranti i afarišti, chi nam garantira da će sledeći missec uspjeti mitingi? Meni se para da je narod zasvin inšempijan i ne zna sta misliti. Ja i moje afezejke smo vajk spremne za sindikalnu revoluziu na piazzi i aco treba, smo pronte ćapati kakovu po glavi s manganelom od polizie, samo, kemu verovati? Protiv sindikalnih šefi se čiuje da imaju prevelike plaće, da činu fintu caco se brinu za radnike, da je njima samo vazna fotelja i laka zarada na račun gladne mase. Ima hi koi su perfin intimni priateli s tajkunima. Kad je gusto, toboze se bunu protiv Vlade, a onda pomalo popuštaju i Vlada vajk pobedi. Anke meni še čini da od te sindikalne borbe je radnik jako malo profitao. Bez šindikata bi bilo isto kukulele, sada biraj.

Intanto, od svih gradovi gdje je ova ista sindikalna ekipa držala miting, u Puli je došlo najvishe gradani. Po drugim gradovima, caco je pokazala tv, samo brižnih par stotina. Sta to žnači, allora, da smo mi Polesani najgluplji ili najavanti con le carte? Molin brzi odgovor na to, da se znam postaviti.

U jedan lokalni giornal na internet šam čitalaaa... da su Bulića dosli šlušati, uglavnom, pazite ovo: ishlapili penzići! Znači taco, ishlapili penzići, fossili, koi ne znaju sta radu, ne razumu nista i nemaju drugo delo nego se skupljati po mitingima! A lipo. Nissam čakolona, ali svega se moze čiuti na račun umirovljenika. Per esempio da samo sisamo šolde iz proračuna, da smo šteta za ovo društvo i pitaju se do kada će nas hraniti siroti radnizzi?! Kad to čiuješ ti dode da pukneš, čašna rieč. Passala su vremena kad se starze poštivalo. Oni koi taco govoru moze hi vero biti sram! U moje vreme mraka, nikad se nisu čiule tacove zločeste štuari. Molin lepo, čoviek je dela zieli radni staž, zaslužia svoji 75 posto od plaće i partio na miru u pemziju. Ako slucajno ne žnaju, ja bin rekla tim pametnjakovićima sta nas vredaju da je tu neko drugi kriv za tacovo stanje u nashe drustvo. Da nisu mozda penzići upropaštili la privreda? Kupovali produžeća za jedna kuna, iskoristili i pokrali radnike, obogatili se, i da ne pričan dalje jer nam se diže štumig od svega. Su nam mogli novi šjori puštiti naše pune fondove, nekretnine i sva druga bogatstva koja smo bili stekli pa bimo imali od kuda potizati malo bolje pemzije nego sta nam hi lopovi daju u zadnjih 20 godina. Ali vazno da se pljuka po našoj prošlosti.

Passane settimane mi se opet digla prešion. Lokalni giornal je slika postavljanje vienaz antifašištima. Prisutni su bili veterani i borzi. Ispod te fotografie je neka budala komentirala: “Još malo! Svaki put ih je sve manje na sliki!” Žnači, partizanski zločinci će brzo pokrepati i evo ti mira u državi.

Povezano s ova tema, šigurno ste čitali za škandal u Rieki da je neko stavia trasparent caco će fascio opet tornati u Rijeku i Viva Fiume italiana! Sinoć su o temu diskutirali na Hrt, svi napaljeni. Caco sam reagirala? Satirično-humorišticki.

Po receptu svih mrzitelji partizana i antifašišta, logika bi bila ova: pošto su partizanski “zločinzi” sterali taliane iz Istre i Rieke, onda sad bi bio red da se ta velika nepravda prema fašištima ispravi! He, he, kad se manipulira poviest, svašta moreš doživiti. Šam čiulaa da je u jedna srednja skola u Puli profešor tumačio dizzi za onaj park na rivi. Znate onaj gdie je bio spomenik s mornarom. Pošto se marinajo s tri prsta u zraku nije dobro uklapa u democraziu, neki pametnjakovići su ga devastirali. A našem professoru je učenik reka: “A da, da, znamo, to je onaj četnički park!”

Pozdrav svima do Amerike,


Vasha Spia spija@hi.t-com.hr


Glas Istre 2009-09-16
http://files.glasistre.hr/GlasIstre.pdf
http://www.glasistre.hr/
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #95 : Listopad 09, 2009, 01:17:31 prijepodne »


Réčki „Nôvi list“, 15.09.2009. / Kolumně, komentâri

S KAMIKA I MORA

Kartulina z Koreje



Piše Kim CUCULIĆ
 
Kad smo z predstavun Sestre dohajali va korejski Chuncheon, rekli su nan da moramo predstavit hrvacku kulturu. Našli smo se na čudu, aš ča bi to Koreancimi moglo bit interesantno, a da razumeju? Razbijali smo glavu dan i pol, a onda se neki spametil da bi mogli kantat »Ča je more« i napisat Chuncheon na glagoljice. Najprvo niki ni otel kantat, ma smo brzo oformili muško-ženski vokalni sastav ki j' celo jedno zapolne parićal »Ča je more, da bi bilo poje, ča je ča je more da bi bilo poje...« Onput smo z interneta skinuli slova glagoljice kako bi Koreancima pokazali da i mi imejemo pismo slično njihovon. To se pokazalo kot pun pogodak, a jos više i čakavština ku su naši domaćini bolje razumeli od književnog hrvackog zajika. Tako su nase drago ča i glagoljica finalmente dospeli i do nami daleke Koreje.


Oveh dan baš ne pratin ča se dogaja va Hrvackoj aš me tentalo poć va Koreju, z našin rečkin Teatron Rubikon. Ma zato nis pozabila na našu dragu čakavicu, a bome ni na glagoljicu. Kad smo z predstavun Sestre dohajali va korejski Chuncheon, rekli su nan da moramo predstavit hrvacku kulturu. Našli smo se na čudu, aš ča bi to Koreancimi moglo bit interesantno, a da razumeju? Razbijali smo glavu dan i pol, a onda se neki spametil da bi mogli kantat »Ča je more« i napisat Chuncheon na glagoljice. Najprvo niki ni otel kantat, ma smo brzo oformili muško-ženski vokalni sastav ki j' celo jedno zapolne parićal »Ča je more, da bi bilo poje, ča je ča je more da bi bilo poje...« Onput smo z interneta skinuli slova glagoljice kako bi Koreancima pokazali da i mi imejemo pismo slično njihovon. To se pokazalo kot pun pogodak, a jos više i čakavština ku su naši domaćini bolje razumeli od književnog hrvackog zajika. Tako su nase drago ča i glagoljica finalmente dospeli i do nami daleke Koreje. Ča se tiče jida, to van je posebna štorija. Prvi dan, potle dvanajst uri leta, poseli su nas na tlo, oko stolici na ken je bilo sakakovog jida, ma niš od toga nami poznato. Klali su nan v ruki sćapici i to j' za početak bilo to. Sa srića da j' bilo vodi, as je korejsko jido po našin merilima fanj ljuto i pikantno. Potle nekuliko dani i to nan je postalo normalno, a preporučila bin van oštarije va kemi sami morete peć kusići piletine na mićin rostiljimi. Zanimljiva j' i placa va Chuncheonu na koj uzgajaju salatu i radić i drito ih prodaju z zemji. Va jednon momentu va hrvacku realnost vrnul me mladi Koreanac, ki studira pulitiku. Pita on mene da li mi va Hrvackoj volimo svoji pulitičari? Odgovorila sam mu da naravno da ne, a on mi j' rekal da su mu isti odgovor dali i Filipinci i Rusi. Onput san ga pitala da li on voli svoji pulitičari, a mali se nekako zamislel. Potle par minuti rekal mi j' da kad bolje razmisli da ni va Koreje pulitičari baš nisu omiljene ličnosti. Glavna tema va Chuncheonu ipak nisu pulitičari leh praščja gripa. Na saken koraku judimi špricaju ruki z nekakovin sredstvon, izbjegavaju se masovna javna okupljanja i atmosfera j' kot da j' svit strefila jos jedna kuga. Ma mi se ne damo. Leh kantamo »Ča je more...«


http://novine.novilist.hr/Default.asp?WCI=Rubrike&WCU=2859285D286328612863285A28582858286128632893289328632863285C285C285F285A285A285F28632863286328592863S

* * * * * * * * * * * * * * * * * * * * * * * * * * * * * *

Pri(z)godna pesma:
ČA JE MORE - Choir RONDO HISTRIAE, 02:06
ČA JE MORE - Choir RONDO HISTRIAE Small | Large
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #96 : Listopad 09, 2009, 01:19:39 prijepodne »


Réčki "Nôvi list" / Kolumně, komentâri

25.09.2009.

Ćićo Senjanović
javascript:openWindow('aspx/showimage.aspx?id=446527',158,320,'');

AJME MENI


Pobjegao iz zatvora dok su ga vozili supruzi.
     Sitija se svega.


http://novine.novilist.hr/Default.asp?WCI=Rubrike&WCU=285A285D286328612863285A28582858286128632893289328632863285C285C286128582861286028632863286328592863Y
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #97 : Listopad 09, 2009, 01:20:20 prijepodne »


Réčki "Nôvi list" / Kolumně, komentâri / Pogled

KVADRATURA DRUGA

19.09.2009.

đermano ćićo senjanović

Centar u mozgu za sport umire zadnji

Spustin se doli na Gusara gledat rođakovu klapu di igraju na balote. Igraju rekreativno, za gušt, za pobić iz kuće, za ne mislit o bolesti i pinezima, za uvatit malo friške arije, za nać se s ljudima. I te balote traju najmanje pet uri. I ka ča su u mladosti ginuli na balun, tako sad grizu za svaki punat. Još san uočija da oni koji su u mladosti bili najbolji sportaši, sad prednjaču i u balotama

Slika:
javascript:openWindow('aspx/showimage.aspx?id=449302',367,520,'');

 

šetnja zagrebon

Meni je najdraže kad šetan po Zagrebu naletit na pismu Mile Rupčića, koja se zove »Svjetlo u mraku«. Onda ja nju pitan kako se osjeća, a ona meni govori da se osjeća ka pisma u osan kitica, ali da je ja slobodno mogu doživit i ka pismu u prozi. Ja je onda pogledan, a ona se isprid mene počne transformirat. Kitice se stanu prožimat, tačke i zarezi počnu nestajat, i sva se začas pritvori u jedan interesantni niz:

U gradu na selu na cesti u vlaku pitanje teško lebdi u zraku da li je bilo svjetla u mraku? Išli smo u gore išli smo na more putovali u zemlju svaku ali ipak neki i danas kažu da nije bilo svjetla u mraku. Bilo je loših stvari i prije jasno svakom je đaku al ovako ko danas pljačkalo se nije ni u najgorem mraku. I onda se kralo ali pomalo i drugima je ostajalo. A kako ovi danas kradu to samo oni znadu i još im je izgleda malo. Onda su varali za dnevnice a ovi idu u gruntovnice prepisuju tuđe na se. Opustošene oranice upropaštene tvornice imamo državu zna se. Ne tražimo dakle u jajetu dlaku uvažimo okolnost svaku tad odgovor jasan visi u zraku ipak je bilo svjetla u mraku.

Ovde se radi o jednoj socijalnopolitičkinostalgičnoj pismi koja na kritički način govori o sadašnjosti, uspoređujući je sa vrimenom koje je za nama. Očito je da se pjesnik, u ovom slučaju to je gospodin Mile Rupčić, stavio na stranu vremena prošlog. A to nije dobro. Kako za njega, tako ni za svekoliku javnost. O njemu ne bismo tribali brinit, jer je on svjesno odabra stranu, i spreman je na sve posljedice, ali bismo tribali razmislit kako će ova pisma djelovat na pučanstvo. Neko sa slabijim živcima će odma trgnit dvi-tri ljute, počet će beštimat, kidat novine i pljucat po slikama onih koji nas vode u bolje sutra. A to nije dobro. Jer je još iz povijesti poznato da nikad jučer nije bilo bolje od danas, nit je danas bolje od sutra. Društvo grabi naprid koracima od sedam milja, i normalno je da baš svaki korak ne može bit graciozan, siguran i elegantan. Ali, kad se svi koraci i sagledaju i pogledaju, onda se na semaforu jasno vidi rič – napredak!

Sve ono za čim pjesnik kuka, o čemu razmišlja i ča priziva, to je nepovratna prošlost, tunel i mrak. Da, bilo je svitla u mraku, ali to su bili samo proplamsaji, samo trenutni bljeskovi i pokoji vatromet. Ali, glavna karakteristika vrimena u koje se naš pjesnik želi vratit je – mrak. Crni mrak. Bez individualnih i političkih sloboda, bez višestranačja, bez demokratskih izbora. I dok nama pjesnik nameće one slobode i ono vrime, on sam je za zemlju življenja izabra Ameriku. Pa sad, s pristojne udaljenosti, nama docira, želeći nas vratit u oni gubavi socijalizam, ne shvaćajući da se naše društvo sada nalazi u jednoj osjetljivoj, prelaznoj fazi, kad se svim srcem teži ka društvu u koje se pjesnik sklonio. Ka Americi!

Znan, nismo ni mi slipi, vidimo i mi svud oko nas razbojnike, sjecikese, političke lupeže i prevarante, ratne zločince koji nas uče moralu, predsjedničke kandidate koji u Americi nikad ne bi izašli iz zatvora, falše branitelje koji su nam se od oslobodilaca prometnuli u okupatore, lokalne moćnike koji bi tribali visit po palmama, majmune koji nam vise po medijima i pantagane koje se uvlače tim majmunima, ali to je samo faza na našem putu u bolje sutra. Dobro, mi smo žrtve, mi smo najebali ka žuti, mi se svako jutro budimo s grčen u želucu, ali mi smo u biti heroji koji su zadužili svoju dicu i unuke.

Jer, kad nas više ne bude, kad nas vrag odnese iz ove doline suza, iza nas će ostat radost i lipota življenja. Bit će to zemlja sritnih, ponosnih i poštenih ljudi, koji će živit od svoga rada, i u kojoj će svi oni nemoćni, stari, bolesni i manje sposobni živit životon dostojnim čovika. Bit će to društvo nauke, sporta, kulture i poštene raspodjele. Svak će davat od sebe koliko bude moga, a dobivat će od društva koliko mu bude tribalo.
Judi, bit ćemo Amerika!

ima nade

Uvatija san ritam, pa se svaki prvidan i četvrtak poza podne spustin doli na Gusara gledat rođakovu klapu di igraju na balote. To oni igraju rekreativno, za gušt, za pobić iz kuće, za ne mislit o bolesti i pinezima, za uvatit malo friške arije, za nać se s ljudima. I te balote traju najmanje pet uri. Pet uri zajebancije, karanja, vikanja i smija. I ka ča su u mladosti ginuli na balun, tako sad grizu za svaki punat. Još san uočija da oni koji su u mladosti bili najbolji sportaši, sad prednjaču i u balotama. Ima bit da ti centar u mozgu za sport, najzadnji izumire. A kad se ne budu mogli micat, onda ćedu sidit na katrigu i igrat na pikado. A karat će se žešće nego na balun i balote skupa.

U prvidan su, posli dvi ure igre, rekreativne balote naglo prikinute, jer je vajalo nastupit na službenome takmičenju. Na Starome placu, na podan zapadnih tribini, veterani regbi kluba Nada su učinili zjog za balote. I tu se ove dane igra turnir. Šesnajst ekipa u četri grupe. Najpri igra svak sa svakin, pa dva najboja iz grupa idu u četvrtfinale. A onda se igra na ispadanje. Isto ka Liga šampiona. Samo su ovde malo drukčije nagrade. Posli svakoga meča se spustu kod Armande u klupsku kužinu i udru po tripicama.

Na zjog san doša jušto kad je tročlana ekipa veterana Nade, u sastavu: dva brata Buzova i još jedan, tukla ekipu Ježinca. Posli njih mi je nastupija rođak za ekipu Fetivi protiv favoriziranoga Bramonta. Seja san na tribine i jednin okon gleda balote, a drugin događanja na Starome placu. I dok san sidija na tribine, cilo san vrime uzdisa: »Pedeset godin! Majko moja, pedeset godin!« E, već je 50 godin prošlo da san s ocen odija na Stari plac. Bit će on sta jušto ovod di san ja sad, a ja san bija doli noson priljubjen uz žicu. Sićan se Papeca. I Žanetića. Branija je Jurić. A narančadu je prodava jedan ča mi je s materon bija u partizane. Govorija je: »Ko pije, umrije; ko ne pije - i prije!«

Rođak mi s ekipon dobro stoji, pa ja sve više gledan prema terenu di treniraju prvotimci regbi kluba Nada. Guštan ih gledat. Uvik san te regbijaše gleda sa strahopoštovanjen. Ja san uvik bija meškinjast. Moga si punit i ja bi odletija. Tako da san na Ilu Bjelanovića, Muju Dvornika, Sinišu Tartagliu, moga Armandu i na sve njih gleda ka na najveće Tarzane. A svi su bili ka Rambo i Tarzan skupa. Nije in se nigdi tribalo tuć. Dosta in se bilo pojavit i svi bi se umirili. A oni su to znali i samo su se smijali. Najdobroćudniji momci na svitu.

Nikidan su izdali monografiju. Libar na ponos sportu i Splitu. Nikad od regbija nisu izvukli neku materijalnu korist, a opet – dobili su sve. I evo sad gledan tridesetak prvotimaca di treniraju i uvježbavaju nike varijante napada. A teren u polumraku. Niki jadni reflektori, jedva igrače vidiš s tribini. Evo će brzo devet uri, a oni trču i obaraju se po terenu. Još je večeras dobro. Lipa, mirna večer. A di ćedu kad in udru kiše? Valjat se po blatu. Mukte. Koja je to voja, koja je to snaga! I nikad nisu kukali, nikad nisu prosili. Bavu se športon zato ča ga volu, a uz to još i radu i studiraju. Amateri, najveći na svitu.

U devet uri seniori zagrljeni izlazu s terena, a u oni polumrak dolazu juniori. Vodi ih Ilin sin Luka Bjelanović, a pridružija mu se i trener seniori Denis Puljiz. Majko moja, koja je to pacijenca i ljubav. Nije in teško po pet puti pokaživat momcima nike zahvate, finte, akcije i varijante. I sve to bez vike i nervoze. Uživaju skupa s ton dicon. Cili san se zanija. Uživa san gledat tu trku po terenu i Luku i Denisa ka dva dirigenta. Promislija san da bi Nada tribala imat i dodatak imenu: Inkubator dobrih sportaši i još boljih ljudi.
Ajme, zamalo san zaboravija: Fetivi – Bramont 2:0! Rođak mi je u četvrtfinale!

zdrava prehrana

Kad more auto, mogu i ja. Svaku godinu iden na tehnički pregled. Bija bi lud kad ne bi. Koji bi ja to triba bit kreten da ne poslušan prijatelja Stanka Uzelca. On je vrhunski likar, a znan da mi oće dobro. I kad on meni reče ča triban jist, kako triban živit i ča triban obuć, vajalo bi bit lud pa ga ne poslušat. Tako mi je naredija da svaku godinu moran prigledat sve organe i izvadit krv. Pogleda je nalaze i govori da je sve ka prošek. Naglasija je da moran jist puno povrća.
Doša ja u Pere, gori na Šloserove stube, i pitan malu ča jema od povrća. Ona govori: »Apšmalcane mahune.« Dobro, dajte mi te mahune. Nosi ona fažolete. Ono apšmalcano san izija, a fažolete san ostavija.

žute i zelene

Ovo san učinija pet dan Zagreba, i čin san se vratija i izaša iz autobusa, odma san se uputija priko Bačvic za vidit je li sve na svoje misto. Dobro je, more tuče u kraj, salbuna još jema, onima iz Županije nije dalo na živce, pa nan nisu itnili bovane na plićak, a i turisti su još tu. Nema ih puno. To su oni ča ih je pustilo na terapiju. Reklo in je: »Žutu, pa zelenu pilulu, a onda zavrnit nogavice i šetat po Bačvicama.«
A od naših svi su na broju: Antiša, dva Bebića, Dragan, a evo i mene. Govori mi Dragan da je more savršeno, ali još uvik malo pretoplo. Njemu je najboje kad je 18 stupnjeva. Onda on iz mora zajebaje one ča šetaju u kapote. Govori mi da je nikidan vozija od groblja put grada. Bilo je oko ponoća. On u srednju traku, a sa strana ga dvojica zaobilazu, bit ćedu vozili priko stotke, prošli su kroz dva crvena svitla, a onde kod bolnice na Firule su se okrenili na ručnu, i nazad put groblja. On se spustija do teniskih tereni, ugleda je policijsku patrolu i govori in: »Gori dva luđaka luduju! Ubit će koga. Prolazu kroz crveno...«, a oni mu govoru: »Znamo, to je mali Mlikota.«
Vridu nan zlata. Sve znaju.


http://novine.novilist.hr/Default.asp?WCI=Rubrike&WCU=285A285E286328612863285A285828582861286328982897288F286328782877286F2863285C285C2861285B2858285A2863286328632863U
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #98 : Listopad 13, 2009, 01:05:11 prijepodne »


Réčki „Nôvi list“, 17.09.2009. / Kolumně
 
Beseda

9 člankov na čakavskomu:

* * * * * * * * * * * * * * * * * * * * * * * * * * * * * * * * * * * * * * * * * * * *
* * * * * * * * * * * * * * * * * * * * * * * * * * * * * * * * * * * * * * * * * * * *


Članek 1/9


ŽIVJENJE PO NEKADAJNU

Nina nena – lepa moja dobra mažurana
 
Čin je sunce zišlo, kosci su već kosili. Kada je košnja bila gotova, travu se j' rastegnulo po tloh da se brže osuši. Iza polna kad se j' već trava prosušila, šlo ju se j' obrnut. Ako j' preko dana sunce bilo jako, već je večer trava bila suha

Piše Tatjana UDOVIĆ,
Slika Marin ANIČIĆ

 
Slika:
Koze i seno
javascript:openWindow('aspx/showimage.aspx?id=447462',400,443,'');



Jedanputa je nono Jože nesal staru lumbrelu va dolac, da će zeci plašit. Kada je drugi dan šal va dolac videt ako zeci fažol jedu, bilo je dažjevno vreme. Mislel je da neće bit zeci, da će se bat lumbreli. A kada je prišal, imel je ča i videt – zec je lepo pod lumbrelun ležal i jatil se.
    Jutro rano, dok je trava još rosna (da se lagje kosi) i dok ni jako teplo, po lete muški bi se odpravili preko Pogjeda va svoji umejki poć kosit. Čin je sunce zišlo, kosci su već kosili. Kada je košnja bila gotova, travu se j' rastegnulo po tloh da se brže osuši. Iza polna kad se j' već trava prosušila, šlo ju se j' obrnut. Ako j' preko dana sunce bilo jako, već je večer trava bila suha. Kada bi pak judi opazili da se oblači i parićuje neverin, a trava se j' prosušila, bi zajno tekli na ravan z grabjami i z vilami stavjat prosuho na lovnice (na kupi). Kad je seno bilo suho, z vilami ga se j' naložilo va lancuni od jute. Ako j' ki imel kravi ke su vozile kola (lojtra z četira kola, z štramami/pregradami), bi naložili seno va ta kola i se j' vozilo doma. Najveć je judi imelo lojtre z dva kola pak se j' seno va lancuneh nakrcalo gore, vezalo z špagon i tako pejalo doma na sebe. Ako bi seno bilo bliže kuće, ženske su ga nosile oprćeno na živote, va lancuneh vezaneh z plašćanicun.
    Ženske ke su delale, kada bi prišle z dela doma, bi našle cedulju:„Zamite kola i pridite va Marišćinu». Tako je rabilo i storit; hitit na brzinu ča va usta i poć va šumu.
    Povedala se j' štorija, da j' čovek na stole našal buletin „Jože, va salate je se, samo zmešaj i pridi za nami». Nebogemu nigdere ni pisalo da more obed i pojist!
    Vrnjajuć se z šumi, judi su užali kantat:
    Lepo mi je marčejsko primorje
    I va njemu milo drago moje
    Nina nena, oja, nina nena
    Lepa moja dobra mažurana
    Nekada j' za mladi judi bilo jako lepo. Si su bili jednaki i složni. Vevek bi se dogovorili kamo će poć, i mladići i divojke. Ki put su se znali vrnjajuć se doma z Klani utrkevat ki će brže teć i jače vriskat.
    Jedanputa je jena divojka imela mladića od Marinić, pak ga je iskala na tanceh va Klane i kada j' videla da ga tamo ni, natentala je prijateljicu poć hodeć do Pehina iskat ga. I hodile su brzo ne misleć da j' dug put, ne tužeć se. Va jenoj večeri su klipsale od Marčeji do Klane, pak od Klane do Pehina, a onda va kumpanije mladić opeta hodeć nazada doma Marčejan.
    Mladi su hodili na tanci va Klanu, va Kastav va Šporovu jamu, po lete va Svetimatej pu Klanjčeveh, na Drenovu al Pehin.


http://novine.novilist.hr/Default.asp?WCI=Rubrike&WCU=2859285F286328612863285A2858285828612863288A288D28632863285C285C285F285C285E285A28632863286328592863A
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #99 : Listopad 13, 2009, 01:06:30 prijepodne »


Réčki „Nôvi list“, 17.09.2009. / Kolumně
Beseda
9 člankov na čakavskomu:
* * * * * * * * * * * * * * * * * * * * * * * * * * * * * * * * * * * * * * * * * * * *


Članek 2/9


pročitali smo za vas

»Sunce znad studenca« Zlatice Balas
 
Va nekeh krajeh ni vodi ni za lek. Za razliku od njih Kirija je puna studenac. Na čuda mesteh voda zvira i po cel dan rica svoji vlasi, a onputa teče nazdolun se do mora. Jedan dan judi od turizma storit te put od studenca do studenca, onako kako su ovo leto uredili Oče Vinodola

Napisala Cvjetana MILETIĆ,
Slikali Miha CRNIĆ i Sandro RUBINIĆ

 
Slika :
Kot va file za koncert U2 – gužva va Dome Grižane
javascript:openWindow('aspx/showimage.aspx?id=447510',545,541,'');


 
Dom kulture Grižane pun šršura. Išće se kantrida više, a nigdere ni jene prazne. Odzada se već stoji kot da su va file za U2. Judi su prišli z Reki, Kopra, Gromišćini, s primorja i Kirije, neki i z Bodulije, se za videt i čut ča j' va novoj knjige napisala njiha poetesa Zlatica Balas. Potle pet knjig od versi i knjigi »Zabralske buri« va koj se šećala pasanen vremenon, tu večer svetlo je ugledala i knjiga od vodi. Od griške vodi, ku priroda mat još vavek obilo regaluje. Samo se malo pomalo pozabjuje kako se svojni na studenci hodilo, vodu va brentah nosilo i doma ju šparno trošilo. Bila je to pokora jenega vremena i toj pokore ova knjiga je spomen.
    Va nekeh krajeh ni vodi ni za lek. Za razliku od njih Kirija je puna studenac. Na čuda mesteh voda zvira i po cel dan rica svoji vlasi, a onputa teče nazdolun se do mora. Jedan dan judi od turizma storit te put od studenca do studenca, onako kako su ovo leto uredili Oče Vinodola. Tako će i Grižane dobit put po ken te i domaći i strani gosti rado hodit. Saki je studenac z nečeren zasenjan. Jedan otajstveno bol znima, drugi va nedreh najmrzleju vodu čuva, va treten je najboje trudne nogi oprat, pul četrtega va hlade počinut... I se tako ponaprvo hod do zadnjega. Kada to bude storeno, bit će to spomenik jenemu živjenju kega je vreme pojilo.
    Reču da j' voda od Boga regal. Zlatica Balas je to navadila onput kad je na svojeh plećeh vodu nosila. Skrbna i šparna od mića je čuvala štorije, spomeni, sliki, zapisi... Nikad ni niš hitala ća, nego j' spravjala va škatuli i škabelini. Kada se spomeni nabral kup, storila je knjigu. Izdavačka kuća Adamić z Reki ju tiskala, sponzori pomogli, »Vinodolki« njoj po nekadajnu zakantale, tribaljski kanturi »Tići« srećan let poželeli i knjiga je oživela. Judi su ju otprtega srca dočekali i srdašno njoj pjeskali. Još treba reć da je naslovnu stranicu narisal slikar Marijan Mavrić, a uredila ju prof. Marija Gračaković. Va njoj je ovako zapisala: »Ovom knjigom Zlatica Balas preuzela je zadatak ispričati nam isječke života u primorskom kršu, svome užem zavičaju, priču o vodi. I ona je to obavila. Na svoj način. Istinit, jednostavan i kristalno jasan. Njome vraća doživljaj nestalog života, spaja neprimjetne niti u jedan zajednički čin, te na prikladan i pregledan obuhvaća dokumentarno i literarno dajući im značaj veći nego što u prvi mah i slutimo. Trebalo je skupljati, godinama čuvati papiriće, dokumente, zabilješke, fotografije, pohranjivati u sjećanje priče o životu, ljudima, koji su, na svoj način, bili sretni. Ova sreća, nama današnjima, ipak nedostaje.«
    Štorija od vodi je vječna. Zato si mi današnji moremo bit kuntenti ča j' neki tu štoriju umel zapisat i još više kuntenti ča ju j' Adamić otel čut i tiskat.
    A kako je se počelo? Rekla bin kot kad se z rodulića odmoluje konac. Ti potežeš, a konac se duji, ako ga ne zagunjaš. Tako se nekako počela rajat i ova knjiga. Prvo je potekal jedan Cesarićev slap. Za njin Mavrićev slap. Slap za slapon... I već je daje tekal potok, pa rečica, nastalo je jezero, otprlo se more. Sprotu se navrezal cel kup živjenja va ken je voda odrejevala mod živjenja. Kade je bilo vodi, tu se moglo živet. Tu su se kuće mogle storit, tu se blago moglo gojit. A kade je vodi i blaga, je i blagostanja. Bila ona nablizu al nadugo va brentah ju se nosilo. Doma šparalo i skrbno rabilo. Za razliku od Kirije va mojen kraje ni reki ni potoki pa se vodu s krova spravjalo va bačvi, lati, lodrice, kamenice... Zidale su se šterni i šternice, čistile škalnice, čuvala saka rajska kap. Tako poučena od svojni da su voda i kruh dve najvažneje stvari za obastat, prijela san knjigu Zlatice Balas otprtega srca. Čitala i čitala. Stranicu za stranicun. I pustila da zviru spomeni. Moji i njiji. I prišlo mi da gren od jenega do drugeg njijega studenca, da hodin i pohajan videt to čudeso od vodi ko mojo selo nima, da se poigran va Slanen potoke, da mi nogi zmoči Mavrićev slap, da seden i gledan kako se sunce kupa va Maštelcu, da š njin pod ruku gren z Kričine, spod Saftić, Šarari, Barac i Mavrić, pa da ga prepasan i okon okovan prej leh mi pobegne va Ričinu, Dubračinu, šprlentastu Vinodolčicu kako su ju svojni zvali... al va more. Morda na ten pute trefin i Marijana Mavrića s pinelićen v rukah?! Moje čestitki, maestro.

Sveta voda
   
    Sveta voda, Božja vodica
    Sunce znad studenca...
    Poli studenca sinjali žitka.
    Studenac do studenca,
    izvori žitka,
    živa voda.
    Uz studenac vrela,
    živa istina.
    Zvire vrelo spod kamika.
    Zmed dvi strani kandalot.
    Kamo po vodu?
    Takov je bil žitak.
    Skrivena Udolnica
    sveta voda,
    Božja vodica...
    Za preživit voda studenica.


   Griški je kraj bogat studenci. Pa sejeno ni bil sakemu naredan. Za donest vodu rabila su krepka ženska pleća, dobra plašćenica, šesna brenta i more koraki. Ki put se hodilo uru do vodi i uru od vodi. Muka na muku. I saki dan sponova. Za blago je vodi moralo bit aš jedino se z blagon i grunton moglo preživet. Za takovo živjenje, magar bilo teško i mušno, Bogu se hvalilo. I selo je obastalo. O semu temu va ovoj knjige piše Zlatica Balas. Zasenjala je jeno vreme. Vreme od brenti do vodovoda. Va sa pasana leta Grižane su rasle i širile svoji krejuti, a duša poetesi Zlatice Balas umela j' poć za ten finen kanton vodi i studenac... Se j' to čekalo da neki va knjigu pospravi. Sad je ta knjiga sen divojkan, materan, ženan i dovican, ke su onako mušne ma kantajuć vodu nosile i živjenje produjile, spomenik do neba ozidan.
    Drugi griški spomenik ženskoj, ka j' svojni si četiri kantuni od kuće držala, dokle su muži po svete skrbeli, storil je vrsni umjetnik, profesor i akademski kipar Zvonko Car. On je otprve razumel žensku muku i oprtil njoj brentaču da domišja oneh ki prihajaju kako griško tnalo na ženskeh plećeh počiva. I sada Griškinjica na najlepšen dele Grižan stoji i more gleda. Najveću vodu, najlepšu bogatiju našu. Voda pred očijami ka nas hrani. Voda na hrbate ka j' othranila. A vodarica kot prinčipesa, va papučah. Ko se mesto još more pohvalit s takovun dotun? Grižane imaju neko otajstvo va sebe. Morda je ono skriveno jušto va toj vode aš va sakoj kuće neki al piše al riše. I nisu tu samo Zvonko Car, Julije Juraj Klović, Marijan Mavrić al Stipica Juričić, ki je i za ovu večer va sale storil izložbu svojeh slik, nego i fanj mlajeh za keh će se komać čut. O mlajemi i starejemi skrbi i Mladen Barac, ki je ovu večer sen gušton čital deli od knjigi.
    Jedan dan kad naše generacije nestanu, ako se ovi studenci bude zapustilo i ne redilo, dečina nete znat kako se vodu na plećeh nosilo, pod Tribaljsken jezeron kosilo, va Slanen potoke igralo, va Ričine po trbuhe plavalo, z mora morsku vodu kuhalo za dobit pešćicu soli... Pokora jenega vremena je zgubjena. Da ne bude i pozabjena, va ovu j' knjigu pospravjena. Zavavek. A da se stori ovakova knjiga trebaju leta. Morda je nekemu teško razumet kako je Zlatica pedeset let slikala i zapiševala se ča se va Grižanah dogajalo. Pedeset je let se to čuvala. Na kup spravjala spomeni starejeh, štorije od studenci i stare harti za prvi vodovod. Pak, danaska govorit od peril kad su va sakoj kuće makini al od brentač kad treba lih odvrnut špinu, spodabja na neki stari starinski film. Živjenje vavek mučeć pasuje... Va ovoj knjige ono j' našlo svojo mesto. A da je nutreh baš se, i ni! Morda će neki mlaji počet dopiševat pa tiskat novu knjigu, magar to bilo i potle drugeh pedeset let!


http://novine.novilist.hr/Default.asp?WCI=Rubrike&WCU=2859285F286328612863285A2858285828612863288A288D28632863285C285C285F285D2859285828632863286328592863G
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #100 : Listopad 13, 2009, 01:07:15 prijepodne »


Réčki „Nôvi list“, 17.09.2009. / Kolumně
Beseda
9 člankov na čakavskomu:
* * * * * * * * * * * * * * * * * * * * * * * * * * * * * * * * * * * * * * * * * * * *


Članek 3/9


obašli smo

Izložba ka slavi život i budi spomeni
 
Stara ženidbena dugačka halja i muška svečana roba obavijena ručnikon otkanin va gospodskon selu pred 150 let simboliziraju ljubav dvoje mladih pred Bogon stopljenih va jedno biće, va dobru i zlu do smrti

Piše Zlatica BALAS,
Slika Ivan FUĆAK

 
Slika
Izložbu je postavila Biserka Fućak, precjednica Udruge »Gromišćina zemja«
javascript:openWindow('aspx/showimage.aspx?id=447484',545,541,'');


 
Od vavik su naši ljudi rojeni va vih krajih hodočastili. Nigda pišice va prošeciji, a danas malo na lahče – vozeć.
    Ne tomu davno o blagdanu svetog Bartola spametila san se moje učiteljice Milke Blašković ka je bila rodon z Cernika z plemenite familije Maršanić. V niku ruku njoj va spomen, a i zato ča me z Grobinšćinun veže puno prijatelji zaputila san se z mojin mužen na blagdan Svetoga Bartola va Cernik, zaštitnika bolnih. Mesto j' to ča raste. Dica se rajaju ali raste se i va duhu, ča smo se osvedočili slušajuć i propovid patera Zvjezdana Linića. Nakon svečane maše šli smo malo priko puta kamo j' nas privabil plakat va dvoru crikve, va čitaonicu pogljedat izložbu postavnu va čast stote obletnice izgradnje crikve na ovomu mestu. Već na vratih dočekala nas je slikovita čobanska roba ku su napravile Grobničanke, da se ne pozabi. Kako smo usput saznali stare generacije vavik su gljedale da do Bartoje fine košnju po gorah kako bi sukli sagdanju robu, ofriškali se i šli slavit svojega sveca da bi se potla veselilo i tancalo. Nutri va čitaonici va zrcali ogljedala se izložba postavna na temu svetih sakramenti.
    Ko prvo bil je prikaz slavljenja života postavan na belon lancunu uz kopiju Mikelandjelove slike udahnuća života Adamu od Boga, bila j' tu i kopija ranog Leonarda da Vincija, slika Navještenja, slika ultrazvuka živa stvora va materinoj utrobi, noseća ženska čije ditešce kušuje nerojenog brata ili sestricu i slika srićne matere ka potla poroda gljeda svoje dite. Valje kraj toga je krsna haljica va kakovoj se ta dičina krste, pa slike cerničkih župniki i državna zastava. Pitala san autoricu izložbe Biserku Fućak ča to znači, a ona mi brzo odgovorila:
    »Kad bi se naše matere va soj onoj siromašćini bile bale dice ne bi bilo Hrvatih, države, ni zastave pa ako ćemo ju očuvat moramo počet slavit život«.
    Imeli smo zadovoljstvo vidit svečane popovske misne ruha ove župe z početka XVIII. vika, napravne i bogato naštikane rukami vridnih časnih sestar, misne obredne posude i latinski Misal z istog vrimena. Onda tako lipo na trobojnon platnu smišljeno postavne, čini mi se umjetničkun rukun prelipe va svojoj beloj jednostavnosti haljice kakove su nosile divojčice pred sto let na prvoj pričesti i birmi.
    Stara ženidbena dugačka halja i muška svečana roba obavijena ručnikon otkanin va gospodskon selu pred 150 let simboliziraju ljubav dvoje mladih pred Bogon stopljenih va jedno biće, va dobru i zlu do smrti. Našla se tu i šenica aš pogača se morala hitit priko krova kuće da glad preskoči mladu familiju. Popi svojih župljani priprave, a puno njih i nepripravnih sprogode na zadnje počivališće. Tu je i obredna črnina, pribor za zadnju, z novin zrizane vijesti o poginulih Cerničani po svitu i obavijest o brodskih havarijah ke je puno Cernišćic zamotalo va črno se ako su one i strigle svoji čufi, vlasi, pred olatoron va crikvi svetoga Kuzme i Damjana na Kukuljanih zavetujuć se i moleć da jin se muži živi vrnu z vijaja ki j' dural i po 15 let na kakovon staron jedrenjaku. Ovdi mi se ta tužnija stran života učinela nikako poznata i naravno, samo je srića ča o tomu retko kad mislimo.
    Na drugon zidu je bila halja z trobojnicun pod prsi stotini divojak ke su tako obučene dočekivale važne delegate ki su prišli na blagoslivljanje crikve pred 100 let prema zapisu tadašnjega župnika va Spomenici župe Cernik. Va nas su gljedale z slik dične divojki obučene va blagdanju robu, a skrozi na kraju šare slike hodočasnicih z Župe Cernik hodeć po kršćanskih putih celoga svita kroz vrime.
    Tuliko toga lipoga vidit na jednon mestu osjetiš niko velo blaženstvo i mir. Duša ko da se topi od miline i nemoreš a da se i sam ne najdeš va ton vrimenu. Vrimenu, ko ni baš mazilo čovika, aš za zaradit ki solad na kraj svita i šparat ga, šparat… a puno put otkinut i od svojih ust ali ga prnest doma da se kupi robica ditetu za krst, pričest, birmu ili za ženidbu pa i smrt.
    Osjetila san duh moje učiteljice ka je zasigurno kad su je krstili bila obučena va tako lipu ko sunce čistu belu haljicu. Puten kad smo se vrnjevali z Grobnika fakat san se ćutila zdravije ko da je i meni sveti Bartol f ton nič pomogal. Verujen da se tako puno njih ćutilo ki je imel sriću vidit tu smišljenu izložbu, ali zasigurno i zafalit se vavik domišljatoj Biserki Fućak, precjednici Udruge »Gromišćina zemja« ča je z puno srca i zrelog razmišljanja se to sabrala, posložila i na takov način pokazala svojin mešćanon pa i onin ko ča smo mi zdaljega kuliko voli svoj kraj i svoji koreni.


http://novine.novilist.hr/Default.asp?WCI=Rubrike&WCU=2859285F286328612863285A2858285828612863288A288D28632863285C285C285F285C2860285C28632863286328592863Z
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #101 : Listopad 13, 2009, 01:08:15 prijepodne »


Réčki „Nôvi list“, 17.09.2009. / Kolumně
Beseda
9 člankov na čakavskomu:
* * * * * * * * * * * * * * * * * * * * * * * * * * * * * * * * * * * * * * * * * * * *


Članek 4/9


DA SE NE POZABI

Razgljednica Hrvackog sokola z 1908. leta
 
Društvo je osnoval Dragutin Šepić, učitelj Blaškovićeve škole. Na Osnivačkoj skupštini biran je Upravni odbor ot osan člani na dvi leta, zibran je Šepić za starešinu, a za tajnika Mićo Mavrić-Poštarov

Piše Stipica JURIČIĆ
 
Slika
Razgljednica sokolaši z Grižan – osnovani su pred više od 100 let
javascript:openWindow('aspx/showimage.aspx?id=447463',545,478,'');



Kad ti v ruki pride ka stara razgljednica z tvog kraja, ospu te tepli sureži ot sriće, razgljedaš, išćeš ča poznato, gljedaš obrazi bil prepoznal ku poznatu rigu. Slažuć razgljednice, pala mi voče jedna z 1908. leta, Hrvackog sokola z Grižan. Ma ki zna ki su to bili sokolaši, z kih sel, sul koren protegli va današnje vrime, sakakova se pitanja vrzu po glavi. Kad nič počmeš iskat, prekapat, spićevat to i najdeš, morda ne valje se, bar niki sled. Tako mi Toma Mirov z Marušić štimano pokazal da va svojoj bogatoj arhivi čuva Statut društva Sokol z 1909. leta, a par riči napisil je 1967. leta i Iva Andrin va svojin Antovarskin zapisimi.
    Hrvatski sokol Grižane-Belgrad osnovan je 20. studenog 1908. leta, a Pravila društva, pisana po nigdanju, lipin krasopison, odobril je Odjel za unutarnje poslove Kr. hr. slav. dalm. zemaljske vlade, br. 29903-1909. ot 22. svibnja 1909. va Zagrebu. Društvo je osnoval Dragutin Šepić učitelj Blaškovićeve škole. Na Osnivačkoj skupštini biran je Upravni odbor ot osan člani na dvi leta, zibran je Šepić za starešinu, zamjenik starešine, za tajnika zibran je Mićo Mavrić-Poštarov, blagajnik, poslovođa i nadzornik društvenih prostorija i sprava. Misečna članarina bila je 50 forinti. Vrime je to kad su muški hodili po svitu za delon, vježbe se održavale celo leto, zato su većinun bili člani butigeri, zanatlije, fanj je bilo postolarih i opančarih kot i pisari. Va dvorišću Luke Balasa, postolara z Blašković, bilo je gombališće kadi se nediljun gombalo, a gombalo se i na Griškoj placi. Kotarski slet više put je održan Podbadanj, a onda bi večer palili kriz va gradini, pa je celi trdi Badanj svitel. Imeli su himnu ku su va paradi pivali. Oprava je bila siva, a na kapi z desne strane utaknuto je bilo sokolovo pero. Prvi svecki rat prekinul je društveno delo, a finjenicun rata jopet se počelo gombat, doduše va novoj državi kot Jugoslavenski sokol i pero više ni bilo na desnoj strani kape nego na čelu. Na razgljednici va sredini sidi učitelj Šepić, precjednik društva, a do njega kako san mogal po drugin slikami videt, tajnik Mićo Mavrić– Poštarov. Za drigih ne znan niš, lipo bi bilo da se dozna i zapiše imena drugih sokolaši, a ov mali okršak o njimi ot srca je čestitka za stoti rojedan.


http://novine.novilist.hr/Default.asp?WCI=Rubrike&WCU=2859285F286328612863285A2858285828612863288A288D28632863285C285C285F285C285E285B28632863286328592863D
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #102 : Listopad 13, 2009, 01:09:12 prijepodne »


Réčki „Nôvi list“, 17.09.2009. / Kolumně
Beseda
9 člankov na čakavskomu:
* * * * * * * * * * * * * * * * * * * * * * * * * * * * * * * * * * * * * * * * * * * *


Članek 4/9


DA SE NE POZABI

Razgljednica Hrvackog sokola z 1908. leta
 
Društvo je osnoval Dragutin Šepić, učitelj Blaškovićeve škole. Na Osnivačkoj skupštini biran je Upravni odbor ot osan člani na dvi leta, zibran je Šepić za starešinu, a za tajnika Mićo Mavrić-Poštarov

Piše Stipica JURIČIĆ
 
Slika
Razgljednica sokolaši z Grižan – osnovani su pred više od 100 let
javascript:openWindow('aspx/showimage.aspx?id=447463',545,478,'');



Kad ti v ruki pride ka stara razgljednica z tvog kraja, ospu te tepli sureži ot sriće, razgljedaš, išćeš ča poznato, gljedaš obrazi bil prepoznal ku poznatu rigu. Slažuć razgljednice, pala mi voče jedna z 1908. leta, Hrvackog sokola z Grižan. Ma ki zna ki su to bili sokolaši, z kih sel, sul koren protegli va današnje vrime, sakakova se pitanja vrzu po glavi. Kad nič počmeš iskat, prekapat, spićevat to i najdeš, morda ne valje se, bar niki sled. Tako mi Toma Mirov z Marušić štimano pokazal da va svojoj bogatoj arhivi čuva Statut društva Sokol z 1909. leta, a par riči napisil je 1967. leta i Iva Andrin va svojin Antovarskin zapisimi.
    Hrvatski sokol Grižane-Belgrad osnovan je 20. studenog 1908. leta, a Pravila društva, pisana po nigdanju, lipin krasopison, odobril je Odjel za unutarnje poslove Kr. hr. slav. dalm. zemaljske vlade, br. 29903-1909. ot 22. svibnja 1909. va Zagrebu. Društvo je osnoval Dragutin Šepić učitelj Blaškovićeve škole. Na Osnivačkoj skupštini biran je Upravni odbor ot osan člani na dvi leta, zibran je Šepić za starešinu, zamjenik starešine, za tajnika zibran je Mićo Mavrić-Poštarov, blagajnik, poslovođa i nadzornik društvenih prostorija i sprava. Misečna članarina bila je 50 forinti. Vrime je to kad su muški hodili po svitu za delon, vježbe se održavale celo leto, zato su većinun bili člani butigeri, zanatlije, fanj je bilo postolarih i opančarih kot i pisari. Va dvorišću Luke Balasa, postolara z Blašković, bilo je gombališće kadi se nediljun gombalo, a gombalo se i na Griškoj placi. Kotarski slet više put je održan Podbadanj, a onda bi večer palili kriz va gradini, pa je celi trdi Badanj svitel. Imeli su himnu ku su va paradi pivali. Oprava je bila siva, a na kapi z desne strane utaknuto je bilo sokolovo pero. Prvi svecki rat prekinul je društveno delo, a finjenicun rata jopet se počelo gombat, doduše va novoj državi kot Jugoslavenski sokol i pero više ni bilo na desnoj strani kape nego na čelu. Na razgljednici va sredini sidi učitelj Šepić, precjednik društva, a do njega kako san mogal po drugin slikami videt, tajnik Mićo Mavrić– Poštarov. Za drigih ne znan niš, lipo bi bilo da se dozna i zapiše imena drugih sokolaši, a ov mali okršak o njimi ot srca je čestitka za stoti rojedan.


http://novine.novilist.hr/Default.asp?WCI=Rubrike&WCU=2859285F286328612863285A2858285828612863288A288D28632863285C285C285F285C285E285B28632863286328592863D
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #103 : Listopad 13, 2009, 01:10:15 prijepodne »


Réčki „Nôvi list“, 17.09.2009. / Kolumně
Beseda
9 člankov na čakavskomu:
* * * * * * * * * * * * * * * * * * * * * * * * * * * * * * * * * * * * * * * * * * * *


Članek 6/9


Škura bura

Gol i autogol

Piše : SLAVICA MRKIĆ-MODRIĆ

Slika
javascript:openWindow('aspx/showimage.aspx?id=447465',200,263,'');



Pokla one sramote na Vembliju, lipo j bilo čut da smo i mi nekomu zapucali gol. A jušto to j rekal precjednik Mesić ki'vo dan va Splitu kad je komentiral odnosi Slovenijun. Ma bolje leh ča Štimac komentira reperezentaciju, Stipica j skomentiral tu političku utakmicu zmed nas i Slovenci ka se igra na već niki ne zna kuliko produžetki. Rekal je da j na tomu političkomu igrališću igralo fanj igrači, da j saki dal kuliko j mogal, ma da j intanto činjenica da j gol Slovencon zapucala premijerka Jadranka Kosor. Ma, da bi besedu rekli! Se ča j rekal – stoji. Ako znamo da j Severina pred jedno mesec dan rekla kako j Jadranke šundrala nogu, onput ni teško dokončat da se Jadranka oporavila i da sad puca kod pravi golgeter, odnosno golgeterica, ma ča Severina mislela o tomu. Za ostat va forme ni dosti leh jedan gol, sad je pred Jadrankun velo delo i veli trening. Kamo će na pripremi i ki će njoj bit trener, ki maser, a ki savjetnik, teško j reć. Jedino ča j poznato je, da ju ako misli reprezentaciju otpeljat na prvenstvo zvano Europska unija, čeka još utakmica z Holandijun, Finskun, Velun Britanijun i Belgijun. Suci bi njoj tu bili od vele pomoći aš glavna napadačka taktika teh reprezentacij je jušto pravosuđe i naši odnosi z Haagon. Tako da premijerka zna ča njoj je trenirat.
    Tuliko o golu, a sada ćemo malo o autogolu. Nažalost, ni bil leh jedan. Si govore da j va timu od premijerki puno oneh ki imaju jušto ta talent. Mislin za zapičit autogol, ma da j nekako najbolji i najbrži va tomu ministar zdravstva. Sad, je ale ni, teško j reć, ma ako j gljedat po pasaneh šetemanu dan, onput je istina. Me par da mu ih je uspjelo dat tri. More bit ih je bilo i već, pa sad nemojte zet ovo tri zdravo za gotovo. Prvi je zapucal kad je klal embargo na umjetnu oplodnju, a on bi jušto kod ginekolog ča j po profesije trebel znat ča ljudimi znače deca. Drugi j zapraskal kad je zakon o fumanju šal prepravljat, pa ga j prepravil na krivo, ča će reć po sistemu kvadrati, a ne pravice. Najme, ča će sad si oni ki imaju miće oštarijice, one jušto za s nog kafe popit? A ča? Klast ključ va bravu aš namesto 50 kvadrati va kuliko se sme fumat, oni imaju 49 ale 25 pa pu njih dim već pači. Logika mu j od dreka, aš va veću oštariju stane puno više ljudi, va manju manje ča će reć da j va konačnice razina dima ista. I sad on treti autogol, ki mu j i najhuji, a ta je da on kod ministar zdravstva nikako ne more dozvolit da mu ljudi leči, odnosno ne leči dohtor Mengele, pardon, dohtor Mujkanović. On z Gospića jako dobro zna kade su Vrhovine i kuliko j va Like dohtor svetinja, va zimsken periodu najveća, aš kad napada sneg ako te tvoj neće prijet, do drugoga nećeš živ ni doć. I namesto da reagira dočin je prvi put Mujan načinil pizdariju, on je još dohtor i još leči samo onoga ki mu paše. E, Dado, Dado, prošal si va ocat, nekad ti se ovako ča ne bi moglo dogodit. To su van te ministarske fotelji. Dočin se va nju posedeš – opustiš se i pokažeš pravo lice.


http://novine.novilist.hr/Default.asp?WCI=Rubrike&WCU=2859285F286328612863285A2858285828612863288A288D28632863285C285C285F285C285E285D28632863286328592863J
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3523
Odg: POČAKAJ (PO-ČA-KAJ) - Lipa naša čakavska
« Odgovori #104 : Listopad 13, 2009, 01:11:10 prijepodne »


Réčki „Nôvi list“, 17.09.2009. / Kolumně
Beseda
9 člankov na čakavskomu:
* * * * * * * * * * * * * * * * * * * * * * * * * * * * * * * * * * * * * * * * * * * *

Članek 7/9


Nasmejte se, ovo j' život parićal

Čitanje

 
Kad je mića Tončica prišla školu rekla je da ume pisat ma ne i čitat.
    – Napiši svoje ime – zamolila ju j' meštrica.
    Tončica je zela komad harti, neč naškrabala i dala ga meštrice ka ju je pitala ča to piše.
    – Ne znan – rekla j' Tončica – tr san van rekla da ne umen čitat.

T. U.

http://novine.novilist.hr/Default.asp?WCI=Rubrike&WCU=2859285F286328612863285A2858285828612863288A288D28632863285C285C285F285C285E285E28632863286328592863M
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549