Velika Gorica - neovisni forum

Varaždinskě vésti, br. 3427, 07.09.2010.

Klopotec

Mic po mic smo napravili...

A naslov ovoga vugleca mi je denes opal na pamet, jerbo me dogradonačelnikov špicname iliti nick (nadimak) podsetil na jenoga kulturtregera z bivšeg sistema, koji je za vse kaj je trebalo napraviti govoril: Bumo to mic po mic... Mi smo mu se smejali, ali - mic po mic je puno toga vu varaždinski kulturi stvarno i napravleno. Pak i Špancerfest je mic po mic od Sejma vu Varaždinu došel do ovoga kaj je denes.


Tak je prešel još jeden Špancirfest. I to dobro, na vse strane. Ja sem pratil z očima i vuhima, a Bartol ajfonom pod stolom i ispalo je dobro. Ovoga leta su imeli dobru press službu, koju je vodil gospon Perica Čavlovič, pak je Bartol vse podatke čital spod stola. I ravnatelica na je lokalnoj televiziji tj. Špancer-televiziji rekla na kraju da su ona i mala ekipa celo leto, a ona i vekša ekipa zadnji mesec, fest delali za ovoletni veliki Špancerfest...

Onda je moral i varaždinski gradonačelnik posle reči kak su i on i dogradonačelnik fest delali, a takaj komunalci i policajci da su dobro delali. A bormeš i mi špancireri kaj smo gledali pred sebe, a ne pod stol na ajfon, smo vidli da se dogradonačelnik skoro strgal dok se po ciele dane šetal z gostima po vulicama, a znam da je on i predsednik Turističke zajednice grada Varaždina, znači jako odgovorna osoba.
A naslov ovoga vugleca mi je denes opal na pamet, jerbo me dogradonačelnikov špicname iliti nick (nadimak) podsetil na jenoga kulturtregera z bivšeg sistema, koji je za vse kaj je trebalo napraviti govoril: Bumo to mic po mic... Mi smo mu se smejali, ali - mic po mic je puno toga vu varaždinski kulturi stvarno i napravleno. Pak i Špancerfest je mic po mic od Sejma vu Varaždinu došel do ovoga kaj je denes. Ali je moj Bartol, čim je ne mel kaj gledati na ajfonu, zdigel  je glavu i počel kleti - zakaj se tuliko muzike koja nema veze z Varaždinom čulo te špancirerske dane? Zato smo i za strance malo bili grad na jugu, a malo grad na istoku...

Rekel sem Bartolu da sem i ja o tomu mislil, i kak sam čul ravnatelicu Špancirfesta da ima malo penez i malu ekipu, mortik su se ti ljudi z juga i istoka zažalili na nju i nas sjevernjake, pak su došli zabadaf? Jeni jeni koji imaju puno penez, kak rečemo Bajaga, su mortik platili vu našu kasu da tu popevaju... Na to se je Bartol fest rasrdil i rekel da se mora više družiti z menom a menje z ajfonom, jer vidi da sem ili totalno skrenul ili preveč pivi okrenul. A kak nisem preveč pil, jerbo je pri Đurđi bila bolša hrana od pive, sam ga prosil da još malo gledi vu ajfon, mortik press služba tak ažurno kak je statistiku poslala, mortik pošlje i financ raport, pak bu videl da li sam skrenul.

Velim mu ja da bu drugo leto još bolši Špancerfest, jerbo je pri nam Hrvatom i Varaždincom vsaki novi političar ili festival bolši dok se ne pokaže goršim, i tak sam se vrnul vu mislima na prve Špancerfeste. Pak sem se zmislil cehovskih povorki, pak plehmuzike i konjof, takaj i Tomice Lipljina i Ljubija Kerekeša, pak Dudija Torjanca i Vladija Štefančiča, pak i dece vu kostimima i tamburašof na vsakom vuglu, pak profesorof i đakov Aestas muzike na bini, pak...

Daklem, vsega i vsih je na Špancifestu bilo, jerbo smo mi Varaždinci takšni da ono kaj je dobro vu Varaždinu i kaj treba ljudima vu Varaždinu - z srcem vsi delamo i ne pitamo za cenu. I još si doma pozovemo goste pak ih hranimo vani na štandima, i dare im kupimo, pak ih zovemo i drugo leto. Zato nas ove novokomponirane muzike ne buju stirale vu hiže, pak da skrivečki bez gosti čakamo da Špancerfest projde, a drugi i drugačeši ljudi da se buju špancirali po Varaždinu...


Zvir:
http://varazdinske-vijesti.hr/3427/kolumne/mic-po-mic-smo-napravili?opcija=kolumnisti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Prelistajtě nôvi broj "Varaždinca"
(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1

pdf-pismohrana:
Varaždinskě vésti
http://varazdinske-vijesti.hr/pdf-arhiva
Županiske vésti
http://varazdinske-vijesti.hr/arhiva-zupanijske-vijesti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Preštimani gospon KloPOTec - kajkavski call-um-nist z «Varaždinske vésti“ na tur-for-um-u
 (vupisati  Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Emmerich Kalman: Grofica Marica (2003): Dolazak baruna Kolomana Župana (00.00-04:30) /Hajd'mo u Varaždin (04:30 – 06:28)

Sandra Bagaričova kak Grofica Marica i Vid Balog kak barûn Koloman Župan v poznâte operete Emmericha Imre Kalmana.

Grofica Marica najavlujě zârukě z zmišlenem barûnom Kolomanom Županom kak bi sě réšila dosadne vudvarâčov, no stvari sě zakomplicéraju da nenâdano dohâja prâvi istoimeni barûn, Mađâr z Varaždina, teri jě v novina prečital o svem zârukam.

Silvesterska (i)zvedba 31. prosinca 2003, zagrebečko kazališčě 'Komedija'.
Redatel: Vladek Štefančičov (Vlado Štefančić)

Emmerich Kalman: Grofica Marica (2003): Dolazak baruna Kolomana Župana /Hajd'mo u Varaždin	Small | Large

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Video:
Kalman - GRÄFIN MARICZA - Komm mit nach Varasdin,  04:15
Kalman-Marica grófnő - Szép város Kolozsvár
Szilágyi Olga - Dániel Gábor

Kalman-Marica grófnő-Szép város Kolozsvár	Small | Large

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Opširnešě o "Grofice Marice"
(« privremeno » nedostupno):
http://www.forum.gorica.hr/index.php/topic,2278.msg85330.html#msg85330 [/quote]

* * * * * * * * * * * * * * * * * * * * * * * * * * * * * *

Spot  Več tri dana varaždinske grupe Pot*
* Plemenita Občina Turopôlska
www.turopolje.hr

Pot Vec tri dana	Small | Large

Bjelovarac 2010 08 06 / Kolumna

Zatvorski turizam i strah od Medara

Kaj je ono pravo belovarsko, ono izvorno kaj ni ne'ko drugi kupil, iznajmil, kaj nismo prodali il' bumo prodali... Belovarski vrt nam je zarašten i u njem' se legu zmije i lisice, Pevec je kak' svi znamo kaput, Tehnogradnje već odavno nema, Česmu smo prodali Vinkovčanima, Sirelu Francuzima, Prosvjeta nam je isto tak' davno propala. I kaj nam je na kraju ostalo? Ostal' nam je paviljon, Žuta vojarna i Zatvor. Zato suseda Štefa predlaže da se svi Belovarčani udruže i ak' nam već ni uspel crkveni turizam o kojemu su svi tol' ko pričali kad se uspostavljala biskupija, morti više sreće bu s ovim zatvorskim. 'Ko zna, ipak imamo jaku adute, Pevec, Petrač...


Sad je suseda Štefa sigurna da je bila u pravu. Bjelovarski Zatvor pravi je i jedini sigurni turistički adut. Kak' ovoga leta s gosponom gradonačelnikom ni bila ni na jednom gradilištu, ni joj preostalo nikaj drugo nek' s mladim Topalovićem pohitati u Zatvor na otvorenje izložbe. Verovatno će nekome teško bit' pojasniti zakaj se izložba održava baš iza rešetaka, a sam par koraka dalje, imamo muzeja u kojega smo tol'ko uložili i, ti bog sreće, još uvek ulažemo i ne znamo dokle ćemo. No, čini se kak' to sve nema veze, jer ponovo se pokazalo da nisu važni zidovi, nisu važni novi il' stari laminati, svetlo ovakvo il onakvo, rama ovakva il' onakva. Medakove karikature bile su sam' tak' zalepljene na veće arke kartona i obešene na žicu koja ograđuje prostor u kojemu zatvorenici svakoga dana šetaju. Ni trebalo posebne rame, posebnoga ambijenta, il' posebnoga svetla na ulazu. I zato, sad je suseda Štefa fakat sigurna da ni fulala kad je rekla da na razglednice Belovara, uz paviljon i crkvu svete Tereze treba metati i sličice iz belovarskoga Zatvora. Ak' se uzme prav za prav, morali bi se zapitati kaj bi drugo mogli metnuti. Kaj je ono pravo belovarsko, ono izvorno kaj ni ne'ko drugi kupil, iznajmil, kaj nismo prodali il' bumo prodali... Belovarski vrt nam je zarašten i u njem' se legu zmije i lisice, Pevec je kak' svi znamo kaput, Tehnogradnje već odavno nema, Česmu smo prodali Vinkovčanima, Sirelu Francuzima, Prosvjeta nam je isto tak' davno propala. I kaj nam je na kraju ostalo? Ostal' nam je paviljon, Žuta vojarna i Zatvor. Zato suseda Štefa predlaže da se svi Belovarčani udruže i ak' nam već ni uspel crkveni turizam o kojemu su svi tol' ko pričali kad se uspostavljala biskupija, morti više sreće bu s ovim zatvorskim. 'Ko zna, ipak imamo jaku adute, Pevec, Petrač...

         No, da ovoga leta ne bu tak dosadno, pobrinul se šef Muzeja, koji očito bu sve tužil. Sve koji sve ove godine, kolko traje obnova nisu videli kak on crnči po prašini i divljini praznih zidova Muzeja. Tužil bu on sve koji su slepi kod zdravih očiju i ne vide da je baš on, Mladen Medar, nedovoljni istaknut kao najveći neimar ovoga grada, kojemu bi se dok hoda po korzu trebali klanjati, a naročito ova smećad od novinara, koja se usudi pisati da radovi traju predugo, da preveć koštaju i da ne ide sve onak po propisima. Štefu takva reakcija baš čudi, kaj se on javla, pak ne financira on obnovu iz svoga žepa, nit je odgovoran kaj neko fuša i zmišla dodatne i nepredviđene radove. Al za Medara važi ona Muzej -to sam ja. Pak je posegnul za muzejskom kasicom prasicom i angažiral odvetnika da preti svim medijskim kućama, koje ne uvažavaju dovoljno lik i delo ravnatelja Muzeja, povjesničara umjetnosti...
         I sad je Štefa u strahu za svoje omiljene novinare, boji se da buju kod Ivnčića završili, jer veli Medak, to kaj ti brezobrazni novinari koji nisu dostojni da ih on na ulici ni pozdravi, je kazneno djelo. Pa zato novinari neće napisati da je Medar samoljubiv, tašt, naprasit, prepotentan, umišljen, nekulturan, asocijalan, čangrizav, da konstruktivna kritika ne stanuje na njegovoj adresi i neće napisati da je baš Medar iz Muzeja "istjerao" sve medije, vječno nezadovoljan što zarez nije na pravom mjestu. Ne, ne, nikad to novinari neće napisati.

Čistačica Marica

Zvir:
http://www.bjelovarac.hr/Novosti/tabid/5421/articleType/ArticleView/articleId/21299/categoryId/468/Zatvorski-turizam-i-strah-od-Medara.aspx

Nela Eržišnik,poslednji oproštaj 17.8.2007., 01:42

Nela Eržišnik,poslednji oproštaj 17.8.2007.	Small | Large

Marica Hrdalo Baba (Teta) Ikača
Nela Eržišnik - Prenos nogometne utakmice, 06:22

Nela Eržišnik - Prenos nogometne utakmice	Small | Large

Zagorski list br. … / 24.12.2010.

ZA DUŠU, ZA SPOMENEK

Božič pred vrati

Božič je. Cajti su grdi. Nu i hu te cajte trieba najti zericu radosti, če ne h ničem drugem unda se bar zmisljiti na negdađnje bolše cajte i nadati se da bu druge ljete bolje. Željim vam za Božične dane da jih blagujete z svoju familjiju pri onomu kaj imete, ne žaluvati preveč za onem čega nie. Največe bogatstve je familjija na kupu, pak vam i te željim. Če pak se i te ne dogodi nek vam za stoljem budu pajdaši ljipi spomenki teri su vam negda cinfralji življenje.
 
Srečen vam Božič, mir i blagoslof h tišine, radosti h duše, bez larmanja sakojačke čačke. 


Piše: Nevenka Gregurić
 
Badnjek je, Božiču pred vrati. Ljudi vihrenjuje po štacune kaj bi još teru kunu potrošilji, če njim je ostala, za kupiček kaj bi si pocinfralji najveseljiejši svetek, Božič. Blješčeči i kričeči cajt h teromu se ljudi rihtaju za svetek.
 
Zadnje gruntanje e se je se kupilje kaj trieba, e se je za sakuga kupil dober dar teromu se bu raduval, e bu sega dosta i tak dalje i dalje. Halabuka veljika,več ljudi muči nek njim daje one kaj bi praf za praf triebalje imeti. Sreču, mir, radost, veselje jer se ovršava spomenek na cajt rođenja maluga Isusa. Nu kak da su ljudi pozabilji kaj praf za praf je Božič. Na tjedne prie Božiča lamatiju o dare tere bu njim pod bor del „Djed Božičnjak“.
 
Gda čujem za dedeka Božičnjaka lasi mi se zdižeju na glave. Več dug cajt govorim, pišem poviedam da takvuga dedeka nema. Ak nas gdoj na Božič daruje, te je malji Isusek teremu u njegvu čast i slavime njegve rođenje. A jeden diel ljudi i dalje larma o dedu Božičnjaku. Gda čujem da te nešče velji, mam znam kuljike velja, kaj se veruvanje h Božič dotikavlje. On sam ne slavi Božič radi onuga kaj po vere i cirkve je, nek po onomu kak su si nekteri pripasuvalji. Največ se tuj mislji na one teri su negda za Isuseka i Božič nie štelji čujti, a zdej bi štelji biti veči vierniki od Pape i sveci od Isuseka.
 
Oni pak drugi znaju da se čakanje rođenja maluga Isuseka diela z veseljem pri duše. Na barem kratki cajt ljudi trebaju pozabiti na se zloče tere jih pritiskaju. Teške jih je zbrisati, alji jih treba deti na stran i barem jedn čas z svoju familjiju svetkuvati pri onomu i ob onem kaj imaju. Negda niesu stolji bilji puni sakojačke košte, lomari sakojački hadri i pod cimerem niesu bilji sakojački čački, alji su ljudi bilji srečni kaj moreju z svoju familjiju ovršavati veljiki svetek. Šparalje se čez ljete kaj bi si na veljike svetke moglje privuščiti bolju koštu kaj bi sa familjija bila vesela. Pri hiža se navike našla sajena gibanica, juhica, živače meseke, fini friške pečeni kruhek. Če se pak našlje kaj i pogutnuti i sprati grlje, veselju nie bilje kraja. Za svetek kak da se štelje živeti po one svete pesmice tera velji: „daj nam Bog sega obilje“!
 
A daruvanje o terem denes tak pune šlabekujeme, tak se pune mučime kaj bi delji ilji našlji pod cimerem je šega novuga cajta. Gda si ovak gruntam unda si misljim da je ljiepe ak imame jedni drugem kaj za daruvati. Ipak te su same stvari tere triebame, alji i moreme biti bez njih. One kaj bi triebalji daruvati jedni drugem je daruvanje samuga sebe. Bilji bi te ljiepi i sveti Božični cajti da bi ljudi jedni drugem dauvalji svoje cajte i svoje pajdašuvanje. Bilje bi ljipe i najvekši dar gda bi starci barem kratke cajte bilji z svoju decu, a oni pak z svojemi starci. Hu ovem zbrčkanjomu i brzemu življernju nemame čas jedni za druge, a unda su cajti gda slavime Božič baš pravi cajti za te. Meste da saki luče h svoje komore h moderne mašine i h gruntanju odleti bog zna kam, bilje bi ljiepe gda bi saki fraj cajt od posla i školje bilji skupa i jedni drugem cinfralji življenje. Za tekve dare, gda jedni drugem darujeme sebe nie trieba imeti debele pobelare ilji pune žepe. Za takve daruvanje trieba imeti same dobre volje tera nič ne košta. Srečni bi triebalji biti oni teri svoje cajte darujeju drugomu i tak cinfraju življenje onuga do koga mu je stalje. Ljudi kak da su pozabilji da njim morti za sreču trieba same ljiepa rieč, spominek, smieh ilji same kratke žlabranje za stoljem, pri onomu kaj se ima. Čemu se mučiti z kupičkem onuga kaj osiromaši čoveku žepe i dušu, a morti nikuga ni ne obraduje.
 
Božič je. Cajti su grdi. Nu i hu te cajte trieba najti zericu radosti, če ne h ničem drugem unda se bar zmisljiti na negdađnje bolše cajte i nadati se da bu druge ljete bolje. Željim vam za Božične dane da jih blagujete z svoju familjiju pri onomu kaj imete, ne žaluvati preveč za onem čega nie. Največe bogatstve je familjija na kupu, pak vam i te željim. Če pak se i te ne dogodi nek vam za stoljem budu pajdaši ljipi spomenki teri su vam negda cinfralji življenje.
 
Srečen vam Božič, mir i blagoslof h tišine, radosti h duše, bez larmanja sakojačke čačke. 


Zvir:
http://zagorje.com/clanak/8266/za-dusu-za-spomenek-bozic-pred-vrati-.aspx

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Provizorna pismohrana člankov « ZA DUŠU, ZA SPOMENEK » v Zagorskomu listu:
http://zagorje.com/pretraga/?cx=005765998322074358781%3Ahserwgt4jb8&cof=FORID%3A11&ie=UTF-8&q=ZA+DU%C5%A0U%2C+ZA+SPOMENEK&sa.x=0&sa.y=0&sa=Tra%C5%BEi&siteurl=zagorje.com%2Fclanak%2F8266%2Fza-dusu-za-spomenek-bozic-pred-vrati-.aspx#992

Crtice iz Turopolja
Nedjelja, 02 Siječanj 2011 09:21
http://www.hns-vg.com.hr/index.php?option=com_content&view=article&id=234:crtice-iz-turopolja&catid=1:latest-news

-

Crtice iz Turopolja
Srijeda, 22 Prosinac 2010 22:31

Objavljen  je prvi tekst u rubrici Crtice iz Turopolja. Bit će pisane u obliku kratkih priča iz povijesti Turpolja na kajkavskom (turopoljskom) jeziku. Na ovaj način želimo popularizirati korištenje turopoljskog govora i tradicijsku kulturu s jedne strane, a također čitateljima omogućiti upoznavanje povijesti kraja u kojemu živimo.

Crtice piše Zdravko Lučić, vrstan poznavatelj turopoljskog govora i povijesti koji se do sada svojim angažmanom pokazao kao ključna figura turopoljskog kraja u očuvanju tradicijske kulture; od pisane riječi, oživljavanja zaboravljenih običaja, obnove Plemenite opčine turopoljske i kao jedan od glavnih aktera sad već dvadesetogodišnjih nastojanja za povratom imovine zemljišnim zajednicama. Nadamo se da ćete uživati u čitanju naših Crtica iz Turopolja.

Piše Zdravko Lučić

Viš, samo keaj ga nies vlovil!

Gdo i malo pozna Turopole boar je čul za Kouče. Ni oko kojega naziva bilo teruga turopolskuga sela nie tuliko nedoumice, neznoajna, podrugivajna i prenemoagajna kuliko oko Kouč. A stvoar je tak jednostavna. Naime, čez stoleča glasovne promeni se čestoput staroslavenski gloas o pretvoril u u: roka-ruka, koča-kuća, Korilovec-Kurilovec, Dobranci-Dubroajnec itd. V imenu Kouča je fonetska promena zastala na uzlaznom dugom dvoglasu ou. Osim Koučanov malo ga gdo zna prav zgovoriti. Zbog joala se onda prenemoažu. Objašnaval sem s tiem da smo mi Koučani bili do pre 80 let šumum zaokruženi poak smo se sporeše grackomu govoru podvrgevali. K tomu se još koješta more nadometati tak da slušoač ne zna keaj bi si zaprav mislil. To i spoada malo v koučku štimu.

Nu, to nie tema ove crtice. Tema je s prvuga svetskuga rata. Kad je rat progloašen su se, bi reči, bojovneši Koučani sprdali da tu kakti nikakvoga rata ni ne bu. Am naši dečki buju Srbe z batinama pomlatili i pretirali. Oni pak keaj su se okuplali oko Radičov gda su k Gospockem dolazili niesu  baš tak razmišlali makar i bili zoato da priestolonoaslenika treba osvetiti.. Nu vu to vrieme su bili majnina.

Večina v Dolne i Gorne Kouča su se prezivali Čunčič i Lučič. To su bila najbrojneša prezimena v Turopolu. Iza jnih su bili Kosi, ali u više sel. Nu, s poradi toga je saka zoadruga istuga prezimena imela svoj noadimek. Zmed ostale su med Lučiči bili Bolteki i Pintari. I oni se sad zdohoajaju.

Franca Boltekovuga su zvoali Čača a Jožu Pintarovuga Biba. Bili su to frčni i drčni dečki, okretni i noagli. Dečki za juriš. Za piti su istom tak bili naviek raspoložni poak su po se prilike z pesmum i v rat otišli. Selski dečki rat moru durati, al ak se oduži znevidi im se. Tak su i jarani, Čača i Biba kad su se na odsustvu v Kouča v opčinske bertije zestali, negde sedamnajste, zaklučili da oni više pod kaplarsku komoandu ne bi išli i da nejdu. Keaj je je, al toga je nimi dosti i predosti. Na te reči vredelo je i povleči, pak i zapopevati: Care Karlo i carica Zita keaj ratuješ kada nemaš žita!

Bilo je v Turopolu i v drugem selam takve zelenokaderovske slučajevov i odluke. Znoa se poak, žandari v takve prilika moraju uredovati, probati takve v red napelati, zaprav poloviti. Bili su to pri nam noajgušče stasiti i brkati Ličani, debele obrv i mrkuga pogleda. Se zazebeš.

Z jutra su onda žoadari v Kouče došli i zavjeli Čaču i Bibu doma. Jel su žgance pojeli, ne zna se. A onda ž nimi dale, čez šumu Kneje put Mraclina. Prek ceste je mam bila Mraclinska šuma tak da po ceste niesu morali ni hoditi. A keaj je to – ni četiri kilometre doalko. K poldoanu su več bili tam.

Oko mraclinske cirkve je bil drveni rastovi plot. Jen žoandar je ostal čuvati vlovlenike a drugi su otišli po Mraclinu lovit mraclinske zelenokoaderaše. Gda su se žandoari med vulička zgubili, Čača – kakvuga ga je Bog okretnuga stvoril! – skoči k plotu, primle se za letve, sukne prek plota kak striela i zaproaši put Kouč. Biba se lecne poak za jnim. Ali ni žandar nie spoal v službe, čul je da se plot zatresel i skočil je za Bibum. Zgrabil ga na vrh plota - E nećeš, sokole! Biba je kakti zastal v zroaku i otpovrnu mu oštro - Pusti, pusti me, ti Boga tvega, viš, samo keaj ga nies vlovil!

Velika Gorica, na Boadnjak 2010. leta
http://www.hns-vg.com.hr/index.php?option=com_content&view=article&id=229&Itemid=49

Mi smo z Koč,idemo se kopat. 

G+M+B

Stric-vujc, stric-vujc.
Zaružil je tujc
na čarna vrata hižna,
starinska alamižna:
vu ime Baltazara,
vu ime čarnega cara,
egiptovskeg Gašpara,
udelite krajcara!

Obširneše::

STRIC-VUJC
http://www.forumgorica.com/kajkavski/pro(iliti)za-kajkavsku-p(r)oeziju/msg27154/#msg27154

* * * * * * * * * * * * * * * * * * * * * * * * * * * * * * * * * * * * * * * *

RAZGOVOR – Vladimir Gerić, redatelj i prevoditelj drame »Na Sveta Tri Krala ili kak' očete« koja se prikazuje u okviru 18. zagrebačkog histrionskog ljeta
 
KAJKAVSKI SE NE SRAMI NI NJEŽNOSTI NI SLABOSTI

Svaka se »norma« s vremenom istroši, postaje neosobna, općenita. Zato bježi u »šatru«, odnedavna u nepodnošljive prostarije i anglizme. Da ne spominjem povampirene politicizme i srbizme, koje nam mediji i pojedini političari sve više podvaljuju, kaže Vladimir Gerić

http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23621/#msg23621  

* * * * * * * * * * * * * * * * * * * * * * * * * * * * * * * * * * * * * * * *

W. Shakespeare: Na Sveta tri krala... - KAJ, XXXVI, Zagreb 4-5 (2003.)

kajkavski prijevodi


WILLIAM SHAKESPEARE:

NA SVETA TRI KRALA
ILI
KAK OČETE

Prijevod: Vladimir Gerić, Zagreb

Z angleškoga pretočil na kajkavski
i malo podomačil,
za HISTRIONE,
Anno Domini MMIII
Lacko Gerić*

* Naslov Shakespeareova originala " Twelfe night, or what you will"; za izvedbu u sklopu ovogodišnjega Histrionskoga ljeta "na horvatski z anglikanskoga igrokaza pretočil i postavil" Vladimir Gerić, a "postavljenju pripomogel" Vid Balog

Dramatis personae:
   MEDVEŠKO      ...je ban, neje ban
   VIOLA         .. .je srečna nesrečnica
   ZLOVOLKO      ...je bogec zalubleni mrnđek
   LIVIJA         ...je nesrečna srečnica
   TOBI PODRIGAČ                   ...je, bu pil dok ima
   DRAŠ ZIMLJIČICA   ... je jen vitez
   NORJAK      .. je spametni norc
   MARIČA      .. je jena veselača
   SEBASTIJAN      .. je na svoju mamu
   ANTON         ...je luturan   
   FABEK         ...je bi...
   VELEČASNI      .. je fest jako jaki plebanuš
   VALEK         ...je kojekaj
   FLOSAR      ...je sim, pak tam
   POČIMALJE      ..jesu fine puce kaj lepo zgledaju
                     i lepo popevaju,
                            a ima ih se kaj za videti
                            i kaj za čuti
Histrioni, dečki, pucke, stražari, mužikaši....

PETI ČIN
1.
Glumec, Mariča
MARIČA
Anda, ak me voliš, pokaži mi njegovoga lista!
GLUMEC
Draga moja Mariča, napravite i vi meni jenu uslugu.
MARIČA
Se, kaj želite!
GLUMEC
Najte od mene iskati da vam pokažem njegovoga lista.
MARIČA
To bi bilo, kak da mi darujete cucka, pak onda za revanša od mene isčete da vam ga vrnem!
Dohajaju Ban, Viola, Korlek i plemiči.


Nâstavek:
http://www.forumgorica.com/kajkavski/pro(iliti)za-kajkavsku-p(r)oeziju/msg9200/#msg9200

Međimurske novine, 2011 03 15

Premišlavanje Jožeka radnika

KULIKO ZAPRAV VREDI GRACKA ZEMLJA NA SEMIŠČO???

Kuliko vidim za grackoga političara nej tre pamet, vejčpot se nuca kuraž i vupeši. Oni na vlasti na zestankaj vječa nucajo roke i to one štere se brojijo, a oni drugi več delajo z jezikom. Makar so nej bili vu političkoj školi, hadezeovci i liberali so več pokazali zobe, nešterni svoje, a nešterni socijalne, a kak bi to vse zišlo gda so još završili to napredno školo, to sam dragi Božek zna.

Piše: Jožek radnik


Ve je moderno kaj se vsi bunimo protiv vsega, no nej ruom protiv vsega nek protiv ovoga teškoga živlenja štero nam je privoščila naša vlada, očem reči, koalicija na vlasti, pak se vsi bunimo protiv jiv. Tak vam vsaki političar šteri bar malo drži do sebe mora naprajti svojega prosvjeda (kak sam to lejpo po gracki rekel), sam oni ne morajo šteri imajo starešo deco, pak unda deca to napravijo mesto jiv (jabuka ne curi dauko od dreva). Nej znati kaj čakajo hadezeovci i „seljaki“ kaj ne napravijo svoje prosvjede, oni bi se morali buniti protiv ovih šteri se bunijo protiv jiv, ak nečejo kaj jiv biračko telo pozabi.

Čakoski gracki večniki so meli navuke kaj bi bili čim bolši vu svojemo poslo, kak čim pošteneše trošiti gracke peneze i kak čim duže i trdeše držati cugle vlasti vu svojaj rokaj. Vu Čakovec so došli stranjski navučiteli kaj so vučili mlajše i stareše večnike kaj nebi zišlo gda imamo neškolane političare. Morem vam reči gda so ovi na vlasti hodali vu školo, a oni kaj bi šteli biti na vlasti so nej došli, jerbo so i ovak preveč spametni. Kuliko vidim za grackoga političara nej tre pamet, vejčpot se nuca kuraž i vupeši. Oni na vlasti na zestankaj vječa nucajo roke i to one štere se brojijo, a oni drugi več delajo z jezikom. Makar so nej bili vu političkoj školi, hadezeovci i liberali so več pokazali zobe, nešterni svoje, a nešterni socijalne, a kak bi to vse zišlo gda so još završili to napredno školo, to sam dragi Božek zna. Poglednite kuliko je škola hasnila precedniko vječa, Gordano Vrbanco: kuliko gud so hadezeovci i liberali plašili jegovoga konja (čitaj: precedničko foteljo), makar se konj i parpot zbincnul, on se je nej dal i nejso ga uspeli hititi vum sedla. Nebrem razmeti kaj so se hadezeovci i liberali zgrabili za to kaj se nešterne stvari ne delajo po poslovniko, pak se i druge stvari delajo kak komo paše, a nej kak treba. Imajo oni praf, nišči nezna kuliko penez fali vu grackoj kasi, no to se i da zrečunati, ali nišči, brzčas, nezna gde bodo se našli tej penezi kaj se zakrpajo te luknje vu grackomo proračuno. To vam i mene jako muoči, jerbo ja vam vse plačam kaj se od mene išče, a ve dok nekaj moram dobiti vum ve nikak nebrem na red dojti. Nebrem nikak razmeti kaj se oporbenjaki bunijo kaj gradonačelnik za nekše drobne peneze resprodavle gracko zemlo na Semiščo. Najme kaj, maher za zemle, očem reči, vještak je zrečunal kajbi se tua zemla trebala prodati za 80 eurov po kvadrato, a gradonačelnik je zmenšal ceno na sidikalnih 23 eura, teca bi rekli: pak je to dal za Bog plati! Uspel sam zazvediti gda je na toj zemli bilo smetje gda je vještak zrečunal ceno, a posle so smetje otpelali i čistam mi je nekak normalno gda je mam cena pala. Još sam vam štel reči kaj se navek dela po poslovniko: brojijo se glasi i što prvi ima sedemnajst jegova je pravica. A što je kriv oporbenjakaj kaj nigdar nebrejo prvi dojti do sedemnajst.

Minuli tjeden je naš Kotoripčan Joža Horvatov preslavil svoj 96 rođendan. Kak sam mel za čuti, pre gracki vuri gde so oni šteri vse nejbole znajo, došel mo je čestitat i Štefek Mesičov. Joža je prijel čestitke z jegove roke, unda ga je zapital: Kaj Štefek, ti si još živ? Ne bi se štel mešati, ali je Joža pozabil gda je Štefek dvajsti let mlajši odjega.

Spominali so se, vu vteco, dva petletni dečkeri, Štefek i Ivek. Veli Štefek: - Jaca nam je zahuzala vse državne peneze. – Štera Jaca? – zapital je Ivek. – Ona glavna! – otpovedal mo je Štefek. – I kaj bodemo ve? – neje se dal Ivek. – Ve moramo iti na vulice kaj si to povrnemo! – mudruval je Štefek. – A unda? – nekaj je tu Iveko nej bilo jasno. – Unda si moramo zebrati nekoga spametnešega za glavnoga! – završil je Štefek kunštno. A kaj moremo, deca kak deca. Tak vam to zide dok deca preveč gledijo televizijo.


Zvir:
http://www.mnovine.biz/index.php?option=com_content&view=article&id=5235:kuliko-zaprav-vredi-gracka-zemlja-na-semio&catid=68:joek-radnik&Itemid=127


* * * * * * * * * * * * * * * * * * * * * * * * * *

Živopisano izdâjně (onli. ne-potpuno, html)
http://www.mnovine.hr
Elektrônsko izdâjně (pdf)
http://www.mnovine.hr/index.php?option=com_wrapper&view=wrapper&Itemid=95

* * * * * * * * * * * * * * * * * * * * * * * * * * *

Međimursko-novinski premišlant JOŽEK RÂDNIK na tur-for-um-u
(vupisati  Premišlavanje vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

Zagorski list, 29.3.2011

ZA DUŠU, ZA SPOMENEK

LAFRE

Lafre su se metale na sebe i unda gda je bil običaj hoditi h gosti po mačkare. Negda niesu bile veljike i preštimavane gosti kak denes. Pri ženidbe h mala trošna hižica h gosti su išlji same najbljiži rod. Pajdaši teri su štelji pocinfrati ženidbu svojuga pajdaša oblačilji su se h mačkare i došlji si zatancati dvie tri poljke ilji valjčeka. Za svoje prihajanje h gosti, dobilji su nekaj za zagriznuti i pogutnuti. Če se nej h čieve gosti došlje po mačkare bila je sramota.

Denes, kak da su  Fašunjek i Pepelnica prešlji i z datuma i dana. Dobre se zna da oni sake ljete miejnjaju datum, alji da su navieke Fašunjek h tork, a Pepelnica h sriedu. Nu zdej , kak te čovek malje bolje luče, nie su same na te dane lafre ljudem na ljica. Nekak, zgledi kak da jih furt nosiju na sebe.

Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Je da je več Fašunjek za nami, alji još furt nekteri nosiju lafre. Moderni su cajti tak su i moderne lafre. Duge trieba lukati da bi mogel čovek znati e nekteri na ljica imaju lafre ilji su te za zbiljič njihova ljica.

 Negda su se ljudi oblačilji h mačkare i metalji na sebe lafre jemput, dvaput ilji morti tri četiri put h ljetu. Lafre su metalji nase za Fašunjek i Pepelnicu. Na ljice su metalji lafre i gda se išlje po mačkare h gosti. Ljudi su metalji lafre po sebe kaj bi bar na jeden kratki cajt bilji nešče drugi. Največ su se oblačilji h ciganice ilji cigane, h živinu, mladeniče ilji pak h sirotinju vekšu nek su bilji. Lafre su se delale doma od canjke, dronjke, drieva, perja, papiera ilji onuga kaj se našlje pri ruka. Kak po navade muži su se rade oblačilji h babe, a babe pak h muže. Tak su muški imelji na sebe svitreke, kiklje, štunfe z štrunpantljini. Njihove slukave noge bile su smieha vriedne, pak se mam znalje da se pod lafru babe, skriva muški. Zabadave su ceki od perja bilji mehki i rupci zavezani kak se šika, senek se mam znalje da kosmata ruka pripada nekteremu selskomu mužu.

Hicne babe se niesu dala mužem pod pete pak su i one na sebe metale lafre i oblačile se h muže. Moglje se tuj videti babe h muške ancuge i škrljakem na glave. A za škrljak kak se šika bila je zapičena rožica ilji kakva zelena kitica.

Spretnejši su pak za Fašunjek delalji lafre od drieva kak glave, konjske ilji teruga druguga živinčeta, i unda ga oponašalji. Tak su fašničke povorke bile popračene z mužiku, alji i z roktanjem svinj, kukurikanjem kokota, bečanjem kaj kravica ilji pak z ropanjem kaj da beži konj. Ljudi su se veseljilji, hodilji od hiže do hiže, popievalji, a za nagradu dobilji piti i kakef krafljin. Z sobu bi nosilji slamnatoga Fašunjka teruga bi na kraju gda su obhajalji se svoje pajdaše i hiže, vužgalji. Z vužiganjem Fašunjka nekak su si štelji olakšati dušu i skuriti se one kaj jih je tiščalje. Poklje takve norije ljudi su snelji lafre sebe i krenulji dalje. Lafre su se metale na sebe i unda gda je bil običaj hoditi h gosti po mačkare. Negda niesu bile veljike i preštimavane gosti kak denes. Pri ženidbe h mala trošna hižica h gosti su išlji same najbljiži rod. Pajdaši teri su štelji pocinfrati ženidbu svojuga pajdaša oblačilji su se h mačkare i došlji si zatancati dvie tri poljke ilji valjčeka. Za svoje prihajanje h gosti, dobilji su nekaj za zagriznuti i pogutnuti. Če se nej h čieve gosti došlje po mačkare bila je sramota. Istina i bog da je znalje biti več klap teri su se obljiklji h mačkare i na sebe delji lafre pak su se znalji med sobu i potuči. Znalje se iti dima i z potrenem nosem, pak je takef još par dane imel „lafru“ na sebe. Bilje kak bilje ljudi su se raduvalji sakomu kratkomu cajtu gda su delji na sebe lafru. Z lafru na ljica bilji su vrijedni smieha, a te su i štelji napraviti. Poklje takve hincljive cajte če su imeljim napravljene lafre, spravilji su je na kljin nekam h komoru ilji na najže i rabilji jih gda su drugi put triebalji. Oni pak, teri su metalji na sebe lafre narisane z sajami, zgoretemi šibicami ilji pak črljenem papierem teri je puščal farbu, dobre su zepralji ljice i z čistem išlji dalje. Poklje Fašunjka, Pepelnice ilji goste niesi več mogel drugi dan videti lafru ni na jednem ljicu.

Denes, kak da su  Fašunjek i Pepelnica prešlji i z datuma i dana. Dobre se zna da oni sake ljete miejnjaju datum, alji da su navieke Fašunjek h tork, a Pepelnica h sriedu. Nu zdej , kak te čovek malje bolje luče, nie su same na te dane lafre ljudem na ljica. Nekak, zgledi kak da jih furt nosiju na sebe. Gda je jemput na sebe deneju teške jih snimljeju. Unda gda jih dug cajt nosiju več bez njih nemreju biti. Lučeš onak oko sebe pak neznaš e nekteri imaju na sebe lafru ilji njim je  ljice lafra.  Čoveku je morti draže da mislji da mu nešče kre njega ima na sebe lafru i da ju bu snel. Ražalosti se saki unda gda vidi da pred njim nie lafra nek praf za praf prave ljice, lafra teru nie moči sneti.
 

Zvir:
http://www.zagorje.com/clanak/8575/za-dusu-za-spomenek-lafre.aspx


* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Provizorna pismohrana člankov « ZA DUŠU » v Zagorskomu listu:
(vupisati ZA DUŠU, ZA SPOMENEK v gôrnomu desnomu čošku (Google prilagođeno  pretraživajně) na slede e stranice):
http://www.zagorje.com/

* * * * * * * * * * * * * * * * * * * * * * * * * * * * * *

Pregled člankov dete do 2011-03-30:
http://www.zagorje.com/pretraga/?cx=005765998322074358781%3Ahserwgt4jb8&cof=FORID%3A11&ie=UTF-8&q=ZA+DU%C5%A0U%2C+ZA+SPOMENEK&siteurl=www.zagorje.com%2Fclanak%2F8575%2Fza-dusu-za-spomenek-lafre.aspx#1110


* * * * * * * * * * * * * * * * * * * * * * * * * * * * * *

GA Tresnjevka - Tu za repu tu za len, 01:58
Tu za repu, tu za len, tu za masno zelje.
Fašnik se je oženil, pepelnicu zaručil.
Pepelnica zaručnica, Fašnik mladoženja.

GA Tresnjevka - Tu za repu tu za len	Small | Large

 

Zagorski list, 24.4.2011

ZA DUŠU, ZA SPOMENEK

VUZMENA DUHA

Bila je te nektera druga duha teru je denes več teške najti. Nie te duha teru denes rabiju naše hiže, a ide z sakojačke cinfraste flašic. Te nove duhe po cvetju sake felje stirale su z naše hižic tak dobre stare šnjofe. Denešnji nosi nemreju podnesti duhu dima, duhu podvujene šunke i sega onuga kaj je negda bilje diel življenja. Se lucke, bez duhe i žmaha, nekak je denes mlajšem pune boljše. Stariejši se pak ne vračaju starem šegam i duham nek rajše očeju hgajati mledem nosem i želučekem. Tak da mlajši ni neznaju kakva je fina negdašnja duha, domače prave košte. Posel za pripravljanje za Vuzem denes se takaj diela na brzinu, pak se negdašnji žmahi i duha, če bi i bilji, nemaju cajta zavljieči po hiža.

Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Z cvietnu nedelju, punu sakojačke rožic, kitic palmi, masljini i skore pozabljenoga drinjka, počela je najvekša priprava k veljikomu svetku Vuzmu. Pri nas je drinjek več skore ocvel. Nekak sem si misljila da je te napravil pri nas nasmaret gda ga več retke gdoj na cvietnu nedelju samuga nese na blagoslof kak negda. Dok sem ocvielu kiticu drinjka držala h svoja ruka, zmisljila sem se cajta kak se negda dan prie Cvietne nedelje išlje po kitice drinjka k onomu gdoj ga je imel ilji čak fustu gde je za krajem znal cvesti. Kitice drinjka stiha su se hplele h jeden ljipi kitnjasti pleter kaj nej preveč stršale, a unda se i strgale. Tak hpleteni, nesel se na mešu i poklje blagoslova i prešecije donesel k domu. Z kiticu se k domu i gospodare donesel blagoslov i nada da bu čez ljete se došle k sreče.

 A unda se z prve dane poklje Cetne nedelje hasnilje se po vrta, trsja i njiva kaj bi ves veljiki posle bil gotof do Veljikuga četrtka. Na Veljiki četrtek poklje devete nie se smelje po zemlje nič rovari. Veruvalje se da gda ruješ po zemlje, kak da ruješ po tielu ranjenuga Isusa. Ves posel teri se je delal na Veljiki četrtek i dalje, bil je po hiža, dvorišču i štalskem stanju. Se se čistilje, frižalje i pripravljale za veljiki svetek. Zelena dvorišča nie bilje trieba kositi jer je retke de i stigla zrasti visoka trava. Se je te stigla „pokositi“ živinica tera je dukala po dvorišču i punila putače z mladu i friškuzeljenjavu. Kak nie bilje furt prec jela, tak su se si raduvalji svetku, jer se za njega nie šparalje. Želja za finu koštu bila je još vekša jer se na Veljiki petek nie mrisilje, a bil je te i veljiki post. Same malje dece i betžnikem nie se branilje da pojieju nekaj kaj se je jelje saki dan. Si drugi niesu smelji jesti nič ilji čistam malje. Nie se jiela nikakva zamjenska nemrsna košta. Tie dan h ljetu postilje se i te je bila kak žrtva za zmišljavanje ne življenje i križni put Isusof. A unda na Veljiku subotu kak da je se živnulje. Več za rana se kadelje z rafunga, a duha se širila ne same po hižica nek prek na dvorišče i po cieljem selu.

Bila je te nektera druga duha teru je denes več teške najti. Nie te duha teru denes rabiju naše hiže, a ide z sakojačke cinfraste flašic. Te nove duhe po cvetju sake felje stirale su z naše hižic tak dobre stare šnjofe. Denešnji nosi nemreju podnesti duhu dima, duhu podvujene šunke i sega onuga kaj je negda bilje diel življenja. Se lucke, bez duhe i žmaha, nekak je denes mlajšem pune boljše. Stariejši se pak ne vračaju starem šegam i duham nek rajše očeju hgajati mledem nosem i želučekem. Tak da mlajši ni neznaju kakva je fina negdašnja duha, domače prave košte. Posel za pripravljanje za Vuzem denes se takaj diela na brzinu, pak se negdašnji žmahi i duha, če bi i bilji, nemaju cajta zavljieči po hiža.

Negda se pak  za ran čulje vudirnje mužara h terem se tukel mak, šumele su žrvi, a žerafka je skakala z rafunga kak da naveščuje veljike veselje tere se pri hiža pririhtava. H loncu na šparetu kipela je posmujena šunka, a njenja duha dražila je nosnice ljudi, a da nie bilje ropanja po hiža čulje bi se i skruljenje h želuce. Dišale su hiže pečena gibanica od orehe, maka sira, a pri bogatieše i po režičkove i gibanice od fig. Vuzem bez kugljiva nie mogel prejti kak i bez pofarbane jajec ilji pisanic. H večerku na Veljiku sobotu h grdencu, h komore ilji pak na samem stolu bila je pririhtana košta za Vuzmeni obrok. Senek, nie se načinjala gibenica za jesti nek su se kosalji pokoštaljci teri bi se speklji h pojme ilji malje kostroljice. Makar su curele sljine od želje senek se nišče nie vufal zeti nekaj od košte kaj nie bil red. H večerku se složila košta, sega po malje h košaru i hjutre rane nesla na blagoslof. H cirkeve se miešala duha friške pečenuga gibenja i šunke, z duhu zašvicane ženjski tere su se žurele h brieg k cirkve. Našlje se tuj duhe i po blagu i kočaku. Nu nišče nie frkal z nosem. Bile su te duhe bez tere na stolu nej moglje za Vuzem biti kajčesa. Vuzem, ni pri siromaku, nie bil bez kokošine juhice z domačami riezanci, kuhane šunke z friške naribanem hrenem teri je piškal nosnice, kuhanje jajec. H radosti kaj još navike pred mojami nosnicami špancieraju mene tak dragi starinski žmahi i duhe, željim vam:

 SREČEN VUZEM!


Zvir:
http://www.zagorje.com/clanak/8642/za-dusu-za-spomenek-vuzmena-duha.aspx

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Provizorna pismohrana člankov « ZA DUŠU » v Zagorskomu listu:
(vupisati ZA DUŠU, ZA SPOMENEK v gôrnomu desnomu čošku (Google prilagođeno  pretraživajně) na slede e stranice):
http://www.zagorje.com/

* * * * * * * * * * * * * * * * * * * * * * * * * * * * * *

Pregled člankov dete do 2011-05-09:
http://www.zagorje.com/pretraga/?cx=005765998322074358781%3Ahserwgt4jb8&cof=FORID%3A11&ie=UTF-8&q=ZA+DU%C5%A0U%2C+ZA+SPOMENEK&siteurl=www.zagorje.com%2Fclanak%2F8575%2Fza-dusu-za-spomenek-lafre.aspx#1110


* * * * * * * * * * * * * * * * * * * * * * * * * * * * * *
Vuzem v Maruševcu, 0:38
(Kvalitéta tera sě čujě)

03. 04. 2010 su Kapilješčani i Čalenčani došli na gmajnu da pokažeju Mašovčanima kak se strijela s hilzami , a 2011 nek oni dojdu k nama na našu gmajnu pri zviri, pa nek pokažeju če znaju strijelati.

Vuzem v Maruševcu	Small | Large