Autor Tema: "Plemeniti puti" Vojka Miklaušičovoga  (Posjeta: 8470 )

0 Članova i 1 Gost pregledava ovu temu.

Offline Ljudevit Kaj

  • Jezerača
  • ******
  • Postova: 3892
Odg: "Plemeniti puti" Vojka Miklaušičovoga
« Odgovori #15 : Veljača 23, 2013, 11:30:57 poslijepodne »
Nastavek (z) prethodnoga lista


(Plemenito-putena) vraštva Vojka Miklaušičovoga (6, 7)


H) Vraštva (6)
(6. od vukupno 7 stranic)


Grlobol:
Slanine par listov na rubec i okolom vrata omotati. Žalfijinom varenikom popirati. Piti lipovu vareniku z jajcem zmešanu.

(Influenca):
Lipovu vareniku vruču kak se spoti.

Kamenac:
Koščice od šipka posušiti i stuči v prav i na vode piti.

(Katar v nosu) Na'od:
V postele popiti bezgov čaj ali lipovu vareniku. Odmakati noge v tople vode. Luk dišati i zapalenu kukuruznu koru kruva.

Kašel:
Varenika od plučnaka ali lipe. Bezgov cvet na vode ali mleku
pak na restalen slad. (Zobukovina - sjemenke i pahulje 4' kuva-
ti).
Glavicu luka črlenca v jamici slada deti v peč. Sok te piti.
Vareniku od Verbascum Schraederi. Med z nastruganem 're-
nom.

Od zmije:
Prosti duvan namočen v rakiju na ranu priviti i pol čaše vareni-ke od Aster montane tri put na dan toplo piti. Extrakt od iste biline i meda i lanenoga semena i z vodom namočenog duvana na ranu priviti. Gornu vareniku piti.

Bodec:
Cigel zamotati v krpu. Kimla stuči z medom zmešat pak na krpu i na to mesto deti.

Proti bluvajnu:
Vareniku od sporiša, vinski ocet ali kiselo mleko.

Jak kašel:
Zrna od borovice vu vinu kuvanom zdrobiti.

Slabe zube:
Kuvati od kopine list vu vinu i stem zube popirati.

Grlo:
Žalfiju vu vinu kuvati i piti. Z medom i toplom vodom popirat.

Za pluča:
Plučnak kuvati vu vinu i sako jutro na tešče.

Prolev:
Česnaka v rakije par put na dan piti ali vu vinu.

Želudec:
Spariti črnu metvicu i majkinu dušicu i pripiti.

Če se do poseče:
Gaveza koren skopa se i stuče posušen i sa starem salom na ranu privije. Potle se posipa s pravom od stučene kopine lista.

Zubna bol:
Spirati z vodom kuvanog korena jagode.

Muzol:
Veže se z ciklenem perjem.

Kurje oko:
Maže se guskinem salom.

Kukec na prstu:
Vrači se zajčevem salom.

Nazebine:
Spiraju se v slane vode.

Otek:
Oblaže se s parjenem listjem od hebeda.

Lišaj:
Maže se s belajnkom.

Nahod:
Sapi se s kuvanom kruglićom repom.

Krč:
Preveže se stučenum borovicum i drožđenkom natira pak v toplo.


(178)

* * * * * * * * * * * * * * * * * * * * * * * * * * * * * *

H) Vraštva (7)
(7. od vukupno 7 stranic)


Za grlobol:
Luk črlenec zežmikati i grglati z otem.

Za madron:
Treputec stuči i piti. I za maternicu.

 Za siputlivost:
Ozimi jačmen i borovo korejne kuvati i onu vodu piti.

Žena za mleko dobiti:
Naj je leču.

Od navadnog (spačenog) kašla:
Piti med i toplo mleko.
V borovice na melu skuvati i piti i z kruglicum se repum sapiti.

Vused:
Mazati z mastjum od jajzbeca.

Za zube smrdeče:
Masti hrženoga kruva v vinski ocet namočena.

Za vodu pustiti:
Piti vodu od skuvane voščike.

Otok krvi:
Ženske sok od poriluka stučenog popiti.

Od križe:
Sok od stucenoga belog luka deti v crnu kavu prez slada i piti.

Od poroda:
Srejdnu koru oskoruša kuvati v belom dobrom vinu i mlačno piti.

Na mesto de je kaca piknula:
Deti kopitnak stučeni.

Kak zubi i zuberine očvrsneju:
Listje kupine polske v vinu kuvati i zotem več puti zube spirati.

Suprot upale kože od sunca:
Limun zežmikati i malko posoliti. S tem se mazati nu nek se samo posuši.

Od vuvobole:
Becgov cvet namočiti v rakiju i levati vuvo. I borovo olje.

Od ran od pozebe:
S kopriv, olja i soli narediti mast i s tem mazati.

Od lišajov:
Stučenem korenom ščavjaka (posipati) mazati ali s penom z gorečeg sirovog dreva kaj pišči.

Od pozebe:
Črlenca stuči i na pozebu deti.

Za žene krv staviti:
Varenika od korejna kopriv i kojnskoga repa.

Proti zime:
kopice v žganicu namočiti. Z lesičjom masti namazati ruke i noge.


(179)
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3892
Odg: "Plemeniti puti" Vojka Miklaušičovoga
« Odgovori #16 : Ožujak 23, 2013, 12:19:15 prijepodne »
Citat:
F)  SADRŽAJ
I. DIO
CRKVENE POPIJEVKE.....................................................                             9
              KORIZMA............................................................                     43
                      O Marija, Mati Boza................................................           43

KORIZMA

O Marija mati Boža


1.
O Marija mati Boža
Puna milosrdnosti
K tebe tuži duša moja
Postavlena v žalosti.

2.
A da mi se Bog smiluje
Da mi gre‘e oprosti
Milošču me tvum daruje
Molim Mati Marija.

3.
A kajem se z srca svega
I zdihavam pretužno
Kaj uvredil jesem Boga
Jako grdo i stužno.

4.
V Jezuševo da si otprem
I Marije Imenu
Prede vusta nek ja zaprem
Na skrajdnemu vremenu.
 

Pripev:
Smiluj se zvrhu mene
O Marija prosim tebe.
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3892
Odg: "Plemeniti puti" Vojka Miklaušičovoga
« Odgovori #17 : Kolovoz 15, 2013, 09:56:57 poslijepodne »
Devica Marija v Turopolu

Citat:
"Plemeniti puti" Vojka Miklaušičovoga
I. DIO
CRKVENE POPIJEVKE.........................................................              9
        MARIJANSKE   .........................................................             55
               Išla Marja.......................................................              60
               1-27.............................................................               61
http://www.forumgorica.com/kajkavski/'plemeniti-puti'-vojka-miklausicovoga/msg45070/#msg45070


Išla Marja

Išla Marja na Bistricu
Išla Marja čez goricu na Bistricu
Gda je k Bistre dohajala
Sami zvoni pozvajnali.
Sama s'vrata odpirala,
I svečice vužigale,
Sam Jezušek Mešu služi,
Angelki mu podvarjaju,
A Marija Boga moli.

(60)


1.
Vesela budi Marijo  .....…..…...Sveto nebo!
Lepe ti dare nosimo  ....….…..Sveto nebo!
Jenu zelenu vejicu . ......….....Sveto nebo!
Primli ju primli Marijo  . …...... Sveto nebo!
Mi tebe Mati molimu   …..…....Sveto nebo!
I Tvega Sinka prosimu ......... Sveto nebo!
Da nami gre'e oprosti . . …. ..Sveto nebo!
I duše naše zveliči....……….....Sveto nebo!


2.
Vesela budi Marijo  ....……......Sveto nebo!
Lepe Ti dare nosimo.….….......Sveto nebo!
Saki zelenu kiticu .…….…........Sveto nebo!
Primli ju, primli, Marijo ... ......Sveto nebo!
Mi Tebe Mati prosimo . . … ....Sveto nebo!
Poglej Ti, Mati, grešne nas . .Sveto nebo!
Moli Ti Sinka za naš spas …. .Sveto nebo!
Faleni Otec, Sin i Duv .…….... Sveto nebo!
Falena budi Marijo...………..... Sveto nebo!


3.
O Marija svetla zorja šetuj nami v pomoč z gora.
O Marija beli denek i zrok našeg zveličejna
Nas v žalosti razveseli to dušica grešna moli.



4.
1.
Obečal se sam Jezuš
Da bu došel k ručku
Z svojom svetum Materum.

2.   
Ni ga bilo k ručku
Bude došel k obedu
Svojum svetum Materum.

3.
Obečal se sam Jezuš
Da bu došel k obedu
Z svojum svetum Materum.

4
Ni ga bilo k obedu
Bude došel k večere
Svojum svetum Materum

Pripev:
Niklo niklo drevčece
Z ote črne zemlice.


5.
Stoji nam pole široko
Dober nam večer gospodar!
Jeste li v iže veseli?
Z Božem smu mirum veseli
Mi Boži darek nosimu
S čem nas je Jezuš daruval
Z Blaženum Devum Marijum
Svojum presvetum Materum. Amen!



6.
O Marija premila
Zlaten venčec vejala
Na se ga primerjala
Vuz Jezuška sedala
Jezuš ima zlatni križec
Za škrlakom vrpčicu
Za vrpčicum kiticu
Na kitici tičicu.


7.
O Marija Bogorodica (roža) skrovnosti
Ka si svemu svetu precvela puna milosti
Podeli nam Tvu milošču Deva Marija premilostivna
O Marija Tebe grešniki milo glediju
Vbogi ludi zmožna gospoda milost prosiju.
O Marija Tebi težaki poju na polu
I na pomoč pravi junaki zovu vu boju.
O Marija Tebi se mole si redovniki
I od Tebe pomoč prosiju verni ižniki.


(61)


8.
Dej nam Jezuš dojti levko čez te gore
Jezuš i Marija med ne sunce sija
Sim šetujte o dušice pred Marije sveto lice.
Resprestri svu ruku pak nam put prekriži
Se te vinske gore se to žitno pole.
Sem našem domarom i sem nam romarom
Marija pomozi i z Sinekom svojem.


9.
Zorja je zorja, beli je den
Pomagaj nam Deva Marija
Pomagaj mi očko zorju snovati
Zorja je zorja, beli je den
Pomagaj nam Deva Marija
Pomagaj mi majko zorju snovati.
Pomagaj nam Deva Marija...



10.
Ovo vam je ono Ime koga duvi plaše se.
Al vu gore al na vode al vojaki v taboru
Ali koj po putu hodi naj mu na pameti bu.


11.
Levku noč od Boga pomoč
Majka Marija z vami
Naj vas Boža ruka brani.



12.
Službu Božju jesmo čuli................Marija
Milošču Tvu prosili smo   ....…....….Marija
Marija Marija milošča sa..………......Marija
Pred Tvem kipom klajnamo se  .. .Marija
Nazaj k domu shajamu se............Marija
Marija Marija hodi z nami..............Marija


13.
Šetala se Magdalena
K Majke Bože na Volavje
Pak je nosi lepe dare
Lepe dare na ontare
Same svece i duplere.



14.
Šetuvali tri Boži angelki
Polek dvora smilene Marije
Smiluj nam se smilena Marijo
Podaj nam te kluče od raja
V raju lepo lepše bit ne more
Blago nemu teri ga uživa
Blago nemu i rodu negvemu.
Smiluj nam se smilena Marijo
Podaj nami te kluče od pekla
Da vidimo kak je v peklu grdo
V peklu grdo grše bit ne more
Teško nemu do vujnega dojde
Teško nemu i rodu negvemu.


15.
Marija si je sela
Dobri moj Bog!
Tri vence plela
Smiluj nam se Bog!
Prvič je plela
S te žarke šenice,
Drugič je plela
S trsove rozgvice,
Trejtič je plela
Zdravja i veselja.



16.
O Marija Mati Boža...
Ar si segdar dobra Mati
Zavetnica grešnika
A ne daj mi ne, vmirati
Prez Božega mešnika
Daj kak zajdna reč mi bude
Jezuš Jožef Marija
Smrtne da počutim trude
Pomoč Tvu kak spoznam ja.


17.
V svetlomu raju najlepše
De se dušice vesele
Tu bi se radi i naše
Rezveseli je o Marija.



18.
O Marija ka si nas od Turka obranila.

(62)


19.
1.   
Kralica nebeska, o Marijo,
Obrano zemelska, oj Marijo!
Obraz svoj obrni k nam, o Marijo,
Milost z neba sprosi nam, oj Marijo!

2.   
Koj' se k Tebi vutiče, o Marijo,
Milosti zgubit neće, oj Marijo!
Koj' se Tebi v ruke da, o Marijo,
O Marijo primli ga, oj Marijo!

Pripev:
Naša lubezna Gospa,
Majka Božja Bistrička
Sprosi, oj moli za nas.



20.
1.   
Mi smo Boži putniki, putniki
V Bistricu putujemo, v Bistricu putujemo
Majku Bozu štujemo, štujemo:
U, u, u Majku Božu Bistričku.

2.   
Majki Božoj faliti, faliti
Majki Božoj faliti, Majki Božoj faliti
I svečice paliti, paliti
I, i, i Majki Božoj Bistrički.

3.   
Falimo i dičimo, dičimo
I milošce prosimo, i milošce prosimo
Od Device Marije, Marije:
E, e, e Majke Bože Bistričke.

4.
Čaščena i falena, falena
Vu se veke vekoma, vu se veke vekoma
Sveta Deva Marija, Marija:
A, a, a Majka Boza Bistrička.

Pripev: 
O Bistrička Mati grešnikov pomoč,
Mi k Tebi smo došli, skaži nam svu moč.


21.
1.   
O dušo krščajnska sim vezda šetuj,
Ter ovde Mariju od srca poštuj:

2.   
Nu časti i diči presveto Trojstvo,
Na zemli k Njoj kriči nevolno ludstvo.

3.   
Marija, Marija oglej se na nas
Nebeska Kralica zveliči Ti nas.

4.   
Pred Tobom, o Mati, žalosten klečim,
Večkrat sem zagrešil, pokoru želim.

5.
Kad budem vumiral, o Mati šetuj
Mi grešnu dušicu Ti Sinku daruj.



22.
O Marija Mati Boža Ti nebeska jesi roža
Svetoga čisla Kralica i molečem pomočnica
Lepi venec sveto čislo jesmo spleli ovde ki smo
Z molitvami nanizali i v skrovnosti prikazali.
Po vrednosti svetog čisla o Devica Ti prečista
Da od Boga mi dobimo kaj za koga te sprosimo
Da nam čuvaš svetu staru Katoličku mater cirkvu
Da krščajnstvo naše celo v jedinosti bu živelo.


23.
Falu dejmo mi Marije Majke naše
Milostivne za velike niz milošče
Ka čini po vsem svetu
I ojzdek takaj v Bistrice
Pri tom svojem čudnom kipu
Kam dohaja vnogi zagovornik.



24.
Potekla je bistra voda
Spod javorka zelenoga
I spod brega visokoga
Vuž nu ide vuska steza
Poj ne idu Boži ludi
Boži ludi proščeniki.

(63)


25.
Falen Isus Marijo, falen Isus Device,
Falen Isus Majko naša zagovornice!
Došli smo Te pohodit i z angelom pozdravit:
Zdravo budi, Majko naša zagovornice!
Došli smo se potužit, grehe svoje položit
Daj nam Sinka pokaži, suze naše posuši
Moli Boga Ti za nas, sada i na smrtni čas



26.
Romar se na Bistru spravlal, Mariju je sobom zval:
Hodi z nami Marija, Majka Božja Bistrička.
Hote, hote, romari, ja hum došla za vami.
Da je došel k Materi, Majke Bože Bistričke
Pred oltar je poklekel, kak je već navajen bil,
Da je Majku zagledal, milo se je rezplakal.
K nemu dojde Marija Majka Boža Bistrička:
Kaj je tebi mili romar, kaj se gorko plačeš ti?
Kak se ne bi plakal ja, kad sem mešu zamudil!
Muči, muči, mili romar meša oče druga bit!
Sam ju Jezuš služil bu, Marija pri meši bu.


27.
Sveta Jana denes nam je porodila lepu čer
Ku po svetom je porodu Jezuš si za mater zel.
Od angelov je čisteša nebo joj se veseli
Od se svecov je sveteša Sveto Pismo kak veli.


(64)

* * * * * * * * * * * * * * * * * * * * * * * * * * * * * *

Velika G(r)os(s)pa (v) Vukovine

Vukovina
 
Vesela budi Marijo
Vesela budi Marijo  .....…….....Sveto nebo!

Lepe ti dare nosimo
Lepe ti dare nosimo  ....……....Sveto nebo!

Vu desnoj ruki ošter srp
Vu desnoj ruki ošter srp  ..…..Sveto nebo!

Vu levoj ruki zlaten klas
Vu levoj ruki zlaten klas  ..…..Sveto nebo!

Vu trudnom srcu zafalu
za ovu žetvu letošnu....……….Sveto nebo!


Vukovina Small | Large

« Zadnja izmjena: Kolovoz 15, 2013, 09:59:10 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 3892
Odg: "Plemeniti puti" Vojka Miklaušičovoga
« Odgovori #18 : Kolovoz 19, 2013, 08:58:43 poslijepodne »
Citat:
"Plemeniti puti" Vojka Miklaušičovoga
I. DIO
CRKVENE POPIJEVKE.........................................................              9
        SVECEM   ...................................................................         68
               1-4...............................................................               68

http://www.forumgorica.com/kajkavski/'plemeniti-puti'-vojka-miklausicovoga/msg45070/#msg45070

 
SVECEM


1. Sv. Peter
 
Mi smo išle k Petreku   ............Rano jutro na Petrovo
Mi ga bumu prosili....................Rano jutro na Petrovo
Š čem se bumu gostili  ............Rano jutro na Petrovo
Peter nam je kluče dal.............Rano jutro na Petrovo
S čem odpremo naše dvore.....Rano jutro na Petrovo
Naše dvore i komore ...............Rano jutro na Petrovo


2. Sv. Lovrin(e)c

1.   
Išel Lovrinec po(putu) svetu
Koj čela po cvetu
Hodil hodil devet let
I desete jeden den
Nazaj se povrnul
V jenu goru visoku
Kudek ludi ne hode
Nit lov lovci ne vode

2.   
Da je došel sred gore
Mam je našel polece
V tom polecu cirkvicu
Te se cirkve potrudil
Bogu se je pomolil
Bogu se je v ruke dal
Mi rečenu, budi falen
Sveti Lovrinc navek Amen.



3. Sv. Martin

1.   
Oj sveti Martin mlinci i guska
S tobom bu naša veza vek vuska,
Hrgina kruva čutura vina
Oj sveti Martin skoro bu zima.

2.   
Novo je vino se pokrščeno
Oj sveti Martin naj bu jakleno
Kaj ga z veseljem budemo pili
Kajti se bumo k zime ženili.


4. Sv. Valent

1.   
Valent Valent cvet rumeni
Zebral te je Bog lubleni
Neje vraštva nit vračnika

2.   
Od svetoga Valentina
I te sluga knigu čita
Od Gospona Jezuša.



(68)

* * * * * * * * * * * * * * * * * * * * * * * * * * * * * * * * * * * * * * * *

KUD SV BENEDIKT Z MIČEVCA

28 11 2009 KUD SV BENEDIKT, NASTUP U AUSTRIJI U GRADIŠĆU U CRKVI SV LOVRENCA U TROJŠTOFU 1 DIO, 05:59

28 11 2009 KUD SV BENEDIKT, NASTUP U AUSTRIJI U GRADIŠĆU U CRKVI SV LOVRENCA U TROJŠTOFU 1 DIO Small | Large

Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549