Autor Tema: P Oltar - POrtal naš svagdašni PObôžni i vragolasti / Bogoslavija  (Posjeta: 79529 )

0 Članova i 1 Gost pregledava ovu temu.

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg: Vreme leti... / P Oltar - POrtal naš svagdašni PObôžni i vragolasti
« Odgovori #195 : Svibanj 31, 2015, 12:28:42 poslijepodne »
ZVONA, Mesečni list čakovečke žup,
FILIPOVŠČAK (ROŽNJAK, SVIBEN) 2015.

NEKAJ ZA ČAS KRATITI

Vreme leti…

Kaj nek vam velim, pak vreme leti kak strela, prekfčera je bil Božič, fčera Vuzem, a denes več i Marijičin mesec majoš ide svojemo krajo.
Zbavili smo Fermo i Prve svete Pričeste v obedve čakoske župe. Morem vam reči da se je v te svetešje cajte (čitaj: fešte) nigdi ne spominalo o krizi i recesiji v Lepoj našoj, pak so zato precednik Zoki i jegovi bližeši ministri furt govorili kak smo zišli vum z krize. Dok naš minister za peneze zazvedi kuliko se je penez potrošilo za ove cirkvene fešte brzčas nam bode fčehnul nove poreze. Ne zalukavlejo esdepeovci zabdaf v cirkve dok so one pune i dok mi svetkujemo.



     Kaj nek vam velim, pak vreme leti kak strela, prekfčera je bil Božič, fčera Vuzem, a denes več i Marijičin mesec majoš ide svojemo krajo. Kakši si to cajti došli da se z pajdašima dva-tripot zideš i več si, točneše rečeno, več smo leto dni stareši. Makar je to ne lepo čuti, ali tak se pripoveda i tak čujem: zbavili smo Fermo i Prve svete Pričeste v obedve čakoske župe.
Morem vam reči da se ve održavlejo fešte i za prvo Pričest, a ne sam za Fermo, ali to ne doma, pak naša deca tuliko vredijo kaj jim napravimo fešto v restorano i to ne bilo kakšemo nek onomo na glaso. Morete si misliti kaj se bodo ljudi spominali ak bi to bila fešta doma. A komo od nas je do toga kaj se bodo o jemo spominale žene na mlekari, na čehanjo perja ili pak dok čakajo na red pre dokotoro. Morem vam reči da je došla i nekša nova šega da se nosijo dari i za prvo Pričest, ali so oni nekaj menši nek za Fermo, kaj je ne ispitano, nek si ja tak mislim. Kak sam vam več rekel, minule so Ferme i prve Pričesti v obedvemaj čakoskaj župaj, a ido pomalem krajo i po župama štere delajo okoli Čakovca i po celomo Međimorjo, tak da so štacuni skorom prazni. Sam dragi Božek zna kuliko je kupljeno laptopi, kuliko aparati za slikanje, biciklinov, motorov, televizorov i kajkaj vsega toga drugoga. Pak nejde sestra, brat, vnuk, prevnuk, sosed ili kumič vsako leto na Pričest ili pak na Fermo. Nek dete pamti da je to bilo. Morem vam reči da se je v te svetešje cajte (čitaj: fešte) nigdi ne spominalo o krizi i recesiji v Lepoj našoj, pak so zato precednik Zoki i jegovi bližeši ministri furt govorili kak smo zišli vum z krize. Dok naš minister za peneze zazvedi kuliko se je penez potrošilo za ove cirkvene fešte brzčas nam bode fčehnul nove poreze. Ne zalukavlejo esdepeovci zabdaf v cirkve dok so one pune i dok mi svetkujemo.

      Črez dva tjedne dohaja pap Francek v Sarajevo. Ravnam se i najbrž bodem išel na vuglede  žnjim. Z ve več svetim papom Ivanom Pavlom II sam se videl tripot, v Zagrebo, na Bistrici i v Rimo, z papom Benediktom sam se zišel v Rimo, a ve se ravnam v Sarajevo. Ak more Papa dojti z Rima v Sarajevo, unda morem i ja dojti do Sarajeva, pak se bodemo našli na ničijoj zemli i tam pospominali, a on mi da svojega blagoslova, šteri bode pak držal jedno vreme. A dok smo več v Sarajevo unda nas skorom nikaj ne košta kaj skočimo malo i do Međugorja i zafalimo se našoj nebeskoj Majkici za to kaj nas magadi i potpomaže celo leto, očem reči, več na leta. Što bo nas magadil i potpomagal ak nas ne bode Marijica, pak smo mi jena dečica.

       Dok je znova došla demokracija na hatar ove Lepe naše i v Međimorje naše malo i dok se počela delati cirkva na čakoskomo Jugo, za Antonovo, so čakoski pleh-bandisti igrali budnice i to vjutro v šesti vuri. Najgerek sam jeli se bodo i ovo leto pleh-bandisti tak rano stali i zaigrali predi nek se kokoti stanejo i počnejo kukurikati. Ve mi je palo na pamet, pak jim nebo teško prestiči kokote jerbo oni več ne stanuvlejo na čakoskomo Jugo, to je ve grad, a v grado se ljudima ne šika hraniti marho, makar i ono sitnoga zoba, očem reči, brez zobov. Kak bilo da bilo pleh-bandisti bi mogli dojti da vidimo je li so ne zabili igrati i je li znajo gde je Jug v Čakovco!!!?


Vaš Tonček

* * * * * * * * * * * * * * * * * * * * * * * * * * * * * * * * * * * * * *

Zvir:
ZVONA, Mesečni list čakovečke žup,
Leto XVIII, br. 5, sviben leta 2015.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 750 primerkov


* * * * * * * * * * * * * * * * * * * * * * * * * * * * * * * * * * * * * *

Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.
http://www.zagorje.com/articles/2340/show.aspx

* * * * * * * * * * * * * * * * * * * * * * * * * * * * * * * * * * * * * *

KAJKAVSKA VEČERNICA I MEŠA
a)
pdf oblik (zvirni oblik, z ilustrâcijam):
http://www.pou-zelina.hr/documents/Izdavastvo/51_Kajkavska_vecernica.pdf   
b)
editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294

c) Video:
Kajkavska večernica z mešum: KAJ v Zeline 2008. i 2009.

http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820

Na priliku z leta 2008. (1/5):
Citat:
Kajkavska večernica KAJ v Zelini 2008. 01, 15:00 http://www.youtube.com/watch?v=rImSspAN8xk 

Rajko Suhodolčan i Podvinčani - Žmehki cajti, 03:14

Rajko Suhodolčan i Podvinčani - Žmehki cajti
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg: Proščeje je minulo / P Oltar - POrtal naš svagdašni PObôžni i vragolasti
« Odgovori #196 : Srpanj 12, 2015, 11:19:35 prijepodne »
ZVONA, Mesečni list čakovečke žup,
IVANŠČAK (KLASEN, ROŽENCVET, LIPEN, LIPANJ) 2015.

NEKAJ ZA ČAS KRATITI

Proščeje je minulo, proščeje je pred nami

Škola je minula, ferje je počelo, leto nam je več tu, a deca so prestala hodati v cirkvo, na nedeljno mešo. Najbrž jim je nišči ne rekel da za cirkvo i Božeka ne vredi školsko ferje. Vsi znamo da naša deca pod ferjom čuda duže spijo, ali zato i župniki imajo vsako nedelo štiri meše. Ak jim je pre zaron v deveti vuri, unda nek dojdejo v jedanajsti ili pak navečer. Kaj se vure dotikavle tu ga nega nikšega zgovora, v pitanjo je nekaj čistam drugo.
 


      Morem vam reči da so nas na čakoskomo Jugo i ovo leto vjutro na Antovo budili kokoti kak i vsako jutro jerbo so pleh-bandisti ne došli. Ili so ne našli Juga, kak i Žera, ili pak jif je nišči ne poslal. A vsi znamo kak je to bila lejpa šega od unda gda je demokracija preplivala Trnavo i da se počela zidati cirkva na buzosko-pustakosko-putjansko-travničkom hataro. Nesam vas nigdar pital, je li znate zakaj kokoti kukuričejo tak zaron dok se još nišči ne stane i budijo nas? Pak dok se kokoši zbudijo nebrejo dojti do reči!

      Verjem da ste čuli kak je Dražen Žerič – Žera, „glavni kokot“ v Črlenoj jabuki zglajzal negdi na Južnomo rotoro i nigdi so ga ne mogli najti tak da je nikaj ne bilo od koncertlina na čakoskomo Jugo, očem reči, bilo je sam meša i proščeje v cirkvi. Prepoveda se kak je Žera ne mogel najti čakosko južno cirkvo, a pred dvajsti let je tu popeval i to predi nek je cirkva mela turna i unda jo je našel, a ve da se turen vidi od Svetoga Križa ve jo je ne mogel najti. Najbrž je tu nekaj drugo bilo v pitanjo, kuliko sam mel za čuti nekši drugi veter (čitaj: pajdašija) ga je odvlekel nekam drugam. A to kaj so ga ljudi čakali i kaj je proščeje na Jugo sam jempot na leto jega vam je to nikaj ne cukalo. Kak da se pobratinil z Mladenom Grdovičom i bevanda mo je glavneša od publike.

       Počelo je leto, letne vručine so došle čuda predi nek je i leto počelo. Znuom da nam je vsima vroče, ali dok čovek ide v cirkvo tre se držati i nekšega reda tak da je ne lejpo dok se dojde v cirkvo v krtkaj hlačaj, v letnaj kikljaj i v japankaj kak gud sve to bilo novo ili pak moderno. Vsi znamo da si je naš dragi Božek zaslužil kaj dojdemo kredno oblečeni. Ve dok si malo bole gruntam ne bi znal reči je li je bole da dojdemo v kratkaj hlačkaj, v letnim kikljama  ili pak nikak. Najme kaj, škola je minula, ferje je počelo, leto nam je več tu, a deca so prestala hodati v cirkvo, na nedeljno mešo. Najbrž jim je nišči ne rekel da za cirkvo i Božeka ne vredi školsko ferje. Vsi znamo da naša deca pod ferjom čuda duže spijo, ali zato i župniki imajo vsako nedelo štiri meše. Ak jim je pre zaron v deveti vuri, unda nek dojdejo v jedanajsti ili pak navečer. Kaj se vure dotikavle tu ga nega nikšega zgovora, v pitanjo je nekaj čistam drugo.       

      Prvo nedelo v junjušo je papa Franjo bil v Bosni i v Sarajevo. Čuda se je ljudi tam zišlo kaj ga pozdravijo, a med jimi je bil i jeden bus vjernikov z čakoskoga Juga. Nekaj sam si gruntal, kak je Papa mogel predi dojti v Bosno nek v Lejpo našo? Kak je našel Sarajevo? Kuliko sam mel za čuti, bil je jako najgerek gde je tua Bosna, gde skup živijo Hrvati, Muslimani i Srbi i zakaj  Marijica još dendenes hoda v Bosno, očem reči, v Hercegovino i to v Međugorje. Neje nam Papa čuda toga povedal kaj je tam videl, kak se mo je to vidlo, sam nam je povedal kak bi on štel kaj bi tam bilo. Z Marijicom se je ne zišel, pak si bode još malo pregruntal kaj bode napravil z Međugorjem. Bodemo mi i to počakali. Drugo nam ne preostaja! Do drugoč, do Prcinkulova, do čakoskoga proščeja vas nejlepše pozdravlam.       


Vaš Tonček

* * * * * * * * * *

Zvir:
ZVONA, Mesečni list čakovečke žup,
Leto XVIII, br.6, lipen leta 2015.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 750 primerkov


Citat:
ZVONA, Mesečni list čakovečke žup
Šala mala
Pozablivost (Zaboravnost)
http://www.forumgorica.com/general-discussion/vicevi-1/msg56093/#msg56093

* * * * * * * * * *

Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.
http://www.zagorje.com/articles/2340/show.aspx

* * * * * * * * * * * * * * * * * * * * * * * * * * * * * * * * * * * * * *

KAJKAVSKA VEČERNICA I MEŠA
a)
pdf oblik (zvirni oblik, z ilustrâcijam):
http://www.pou-zelina.hr/documents/Izdavastvo/51_Kajkavska_vecernica.pdf   
b)
editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294

c) Video:
Kajkavska večernica z mešum: KAJ v Zeline 2008. i 2009.

http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820

Na priliku z leta 2008. (1/5):
Citat:
Kajkavska večernica KAJ v Zelini 2008. 01, 15:00 http://www.youtube.com/watch?v=rImSspAN8xk 
Citat:
Pokojni turopolski (buševski) glumec Zvonimir Črnko (Zvona Frajninov) rodil se i ranu mladost preživel  100 metrov od zvon turopolske lepotice - kapele svetoga Iviča (Ivana) Krstitela v Buševce
HPD Zelina - Črnkova popevka zvoni 2013. -, 07:26
Prosijala sjajna mjesečina, I ja jesam moslavačko dete, Moslavački drmeš
https://www.youtube.com/watch?v=DT6OvlJ9ILY

KUD"Sv.Ana",VUČJAK_Karlovac : PROŠTENJE, 10:34
KUD"Sv.Juraj",Draganić_GODIŠNJ­I KONCERT"DOBAR VEČER DRUŽINA"
Karlovec, traven 2012.

KUD"Sv.Ana",VUČJAK_Karlovac : PROŠTENJE
« Zadnja izmjena: Srpanj 12, 2015, 11:26:55 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg: Da je Napoleon još živ / P Oltar-POrtal naš svagdašni PObôžni i vragolasti
« Odgovori #197 : Prosinac 29, 2018, 09:36:40 poslijepodne »
ZVONA, Mesečni list čakovečke žup,
Velikobožičnjak (gruden, dvanajstnik, predzimec, prosinec) 2018.

NEKAJ ZA ČAS KRATITI

Da je Napoleon još živ…                                                                                                                                                                         

     Još zdavnja, a bilo je to na početko 19. stoletja dok je Napoleon, francoski car i vojskovođa čital i poslušal kak je naš Mikula Šubič Zrinski z 2.500 Hrvatov skorom potukel 100.000  Turčinov, rekel: - Dejte mi 100 jezer Hrvatov i pokoril bodem celoga sveta. Kak sam vam več rekel, bilo je to zdavnja i trelo je 200 let kaj bi jeden Hrvat došel na krov sveta i pokoril celoga sveta. No, te naš Hrvat je ne ratuval, on je labodoritaš i bole od sih je nagajal labodo, očem reči, bole od sih drugih ga je laboda posluhnula. Verjem da ste pogunuli da je to Luka Modrič. Znamo si kak je Luka minuli tjeden dobil Zlatno labodo, a kak se sako leto davle sam jena laboda, Luka je postal nejbolši labodoritaš na sveto. A nejbolšega labodoritaša je zbiralo 180 maherov i stručnjakov za labodoritanje. Kaj nek vam povem za Luko, a kaj još ne znate. Zna se da se je narodil v zaseoko Modriči čistam blizu Obrovca i da je kak dečec pasel koze. Za vreme ovoga našega zadjega rata je moral pobeči z rodne grude i kak izbeglica je mel sam labodo i žnjom se igral. Velijo oni šteri so bili bliže da je z labodom spotral vejč oblokov na hotelo nek so to naprajle četničke granate. Ali, kuliko vidimo, sako zlo je bilo za nekše dobro: ovi v hotelo so dobili nove i čiste šajbe, a Luka je postal labodoritaš i to nejbolši na sveto. Posle rata se je Luka hapil nagajati labodo v Zadro i štel je dojti v Hajduk, štel je postati „beli ftič“, ali so ga ovi na Poljudo ne prepoznali. Morete si pregruntati kakše so to suze bile v očima maloga Luke dok so mo Hajdukovci rekli kak mora još čuda žganci pojesti ak oče v Hajduku igrati. No, kak je to več je v živlejo, jegovi so ga ne prepoznali, ali ga je v pamet zel Zdravkec Mamičov i Luka je završil v Zagrebo. Igral je malo v Bosni, pak v Zaprešičo, a čim je prvič oblekel modroga Dinamovoga dresa mam je zapal za oko trenero i dale je furt igral v Maksimiro. Posle ga je Zdravkec Mamičov prodal Englezima i to za vekše peneze nek je vredil, pak so obedva završili na sodo. Englezi so ga posle prodali Španjolcima gde i dendenes igra. V Realo se još navek se vrti okoli jega makar nema niti rušta, a niti pak kilažo. Kak bi moja strina Tilča rekla, neje se v kilaži nekaj je i v glavi. Ruon tak si znamo da je Luka več dugo kapetan naše labodoritaške reprezentacije i da nas je ovo leto v Rusiji dopelal, skup z pajdašima i trenerom Daličom, do srebrne želencije. Neje to tak zdavnja bilo pak se zmislimo kak smo drukali za naše Vatrene i kuliko se toga spilo i pojelo dok so oni bili v Rusiji i kak je nišči nikaj ne delal dok so se naši labodoritaši vrnuli dimo s želencijama. Jedina falinga štero Luka ima je to kaj ima rad dok mo popevle Marko Perkovič Thompson, a to je prinas v Lepoj našoj jako velika ak ne i nejvekša falinga. Posle Rusije so Luki počele cvesti rože i to one nejlepše: nejpredi so ga zebrali za nejbolšega labodoritaša sveckoga prvenstva makar je penala fuljal, a unda je postal nejbolši igrač Evrope (UEFA), a posle i sveta (FIFA). Nejvekša mo je nagrada za te 33 lete kuliko ima i nekaj meje od 30, kuliko nagaja labodo, kaj je osvojil Zlatno labodo. I to jo je osvojil v Parizo, ftruc sim Francozima šteri so nas pobedili vu finalo. Si znamo kuliko pot so nas Francozi pobedili v rokometo, nogometo, teniso, a posebno v rokometo, a ve smo jim ovo leto vrnuli bar nekaj. Ne sam kaj jim je Luka Modrič odnesel Zlatno labodo z grunta i to pred nosom, nek so i naši tenisači potukli Francoze na jivomo hataro, na jivomo grunto, a to nejveč vredi. Da je ve Napoleon živ kaj bi rekel: - Sam vam rekel kakši so Hrvati, se za kaj se primejo v zlato pretvorijo, a vi ste se z mene norca delali! Dugo nam je trelo, ali smo se ipak fčakali.

     Več smo globoko zagazili v Došašče ili kak se to štacunski veli, Advent, vreme čakanja Božiča, rođendana maloga Isuseka. Velijo da je Advent po celomo Čakovco, štadni so seposot od cirkve do Orla, ali Advent so ne štanti, boreki, žarulice, dedi mrazi ili dedi božičnjak, Advent je v srco sakoga od nas. Želem vam sima skupa i sakomo posedno, srečnoga Božiča, nek nam mali Isusek donese zdraviče i Božjega blagoslova, a na to mlado leto sega obilja. Čuda sega sam ne nikaj hudoga.                                                                                                   

Vaš Tonček!

Zvir:
ZVONA, Mesečni list čakovečke žup,
Leto XXIV, br. 12, prosinec leta 2018.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov
                                                                                                                                                               
« Zadnja izmjena: Prosinac 29, 2018, 09:46:23 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg: P Oltar-POrtal naš svagdašni PObôžni i vragolasti/Pozableni pater Kapistran
« Odgovori #198 : Veljača 17, 2019, 01:29:40 poslijepodne »
ZVONA, Mesečni list čakovečke žup,
Malobožičnjak (pavlovščak, prezimec, sečen) 2019.

NEKAJ ZA ČAS KRATITI

Pozableni pater Kapistran

     Odsvetkuvali smo Božića, Štefaje, Ivaje, Herodeševo pak se je dosmickalo i novo leto i to čuda predi nek smo se i nadjali. Počasi so več bili tu i Tri krali. Nebrem vam povedati kak fletno dnevi ido, kak da jeden drugoga tiral. Mam po Božičo so naši fra-patri hodili od hiže do hiže i delili Božjega blagoslova. Božji blagoslov se je restepel po sema onima šteri so bili doma, a i po celomo grunto, očem reči, blagoslovlena je marha štero imamo na grunto, pesi, mački, a i se sadovje štero raste na grunto. No, kuliko sam mel za čuti nešterni od nas so ruon unda dok je župnik došel k hiži ne meli čas kaj bi ga dočakali. Kuliko vidimo nešternima je još navek nekaj glavneše od Božeka i Božjega blagoslova. Kak bilo da bilo, pak zato so i naši fra-patri to naprajli kaj hodajo „z križecom“ od hiže do hiže, od stana do stana jerbo mi nešterni nemamo niti tuliko časa kaj bi se nešterno nedelo ili pak v svetek, bar malo naluknuli v cirkvo tak da unda mora župnik dojti k nam. Župnik se mora brigati za sako birkico vu svojemo stado, očem reči, za sakoga krščanina i katolika na hataro svoje župe. Rekli so mi župniki da je nekaj blagoslova još ostalo tak da ak je nešči ne bil doma dok se je blagoslov delil po jegovi vulici nek se javi pak bode dobil svojo porcijo.

     Mam čim so hižni blagoslovi podeleni mi Međimorci smo obslužavali stoletnico otkak smo Mađare natirali z Međimorja, otkak smo jif poslali dimo i zafremali mejo na reki Muri. Verjem da ste čuli da je to bilo na Badnjak 1918. leta, a 9. januara 1919. leta je bila meša na Fratarskomo placo pred cirkvom Svetoga Mikule na šteroj se je zišlo prek deset jezer naših japici i mamici i oni so Mađarima rekli ZBOGOM zanavek. Od unda smo mi svoji i naši, a Mađari morejo sam sejati Međimorje naše malo, te „Falaček“ zemle nejlepši na sveto. Pred sto let so glavni bili, dok smo foršibali Mađare, Ivek Novakov z Macinca, Đurek Lajtmanov z Priloka, Vinci Žgancov z Vratišinca i fra Kapistran Geci, poglavar čakoskoga fratarskoga kloštra. Kak i sako leto, tak so se i ovo leto obišla znameja: Ivekova spomen ploča v Macinco, Vincijov grob vu Vratišinco, Đurekov grob v Priloko i još je Ivek dobil novoga lava na svojemo grobo. To je se bilo tak sam se je pak pozabilo na fra Kapistrana Gecija šteri je nejveč napravil na tomo kaj tak čuda ljudi dojde na mešo i kaj si šteri so došli v jen glas rečejo vekovečni ZBOGOM Mađaraj. Ne bi vam znal kaj reči zakaj se navek pozabi na p. Gecija. Nebrem reči i toga dneva je bila meša v stareši čakoski cirkvi štero je služil naš i varaždinski biškop, monsinjor Josip Mrzljak, ali ga pre meši ne bilo preveč ljudi. Bilo je malo vejč nek obično, ali je ipak ovo leto bilo sto let otkak je Međimorje naše malo, a žnjim i mi Međimorci odišlo na svoje, očem reči, odišlo je tam kak spada i pripada. Mam smo ne mogli oditi k mami (čitaj: Lepoj našoj) jerbo je ona več bila skupa z Slovencima i Srbima v kraljevini štera je živela, ovak ili onak, se do kraja Drugoga rata. Si znamo kak nam je dugo trelo kaj dojdemo na svoje, kaj nas bode grelo naše sonce i kaj bodemo svoji na svojemo. To nam je uspelo stopram posle Oluje, štera je bila v augustušo 1995. leta. Bilo bi to i predi da so naši sosedi Srbi ne sejali Veliko Srbijo. Znate da je naš Domovinski rat trajal štiri leti jerbo nam je štiri leti trelo kaj Srbima zbijemo z glave kaj bo Srbija hercuvala i z pol Lejpe naše. Ve smo zazvedili da je fra Kapistran Geci izdaval i Međimorske novine, a neje sam bil glavni frater. A novine so navek čuda značile, kak denes tak i unda. Verjem da kleto ne bodemo zabili na našega Kapistrana, a mogli bi mo v Čakovco dati i jeno vulico, bar nekšo kratko i ak več nemamo tak dugo kak je Ivekova.
Vaš Tonček!

Citat:
Šala mala

Zimska oprema
Prometna policajka je zastajla auta:
- Dober den, prosim vas lepo kaj imate od zimske opreme?
- Duge gače – priznal je šofer!
****************
Ostali vici (Plavuša, ljubavne nevole, nova vura, gulaš, lopov):
http://www.forumgorica.com/index.php?topic=123.msg56810#msg56810

Zvir:
ZVONA, Mesečni list čakovečke žup,
Leto XXV, br. 1, sečen leta 2019.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov   


« Zadnja izmjena: Veljača 17, 2019, 01:54:31 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg: P Oltar - POrtal naš svagdašni PObôžni i vragolasti / Kam te svet ide?
« Odgovori #199 : Ožujak 25, 2019, 01:03:56 prijepodne »
ZVONA, Mesečni list čakovečke žup,
Gregurjevščak (sušec, protuletnjak, ožujek) 2019.

NEKAJ ZA ČAS KRATITI

Kam te svet ide?

     Ne znam otkod bi počel? Ne znam kam se to ide? Hajdi toga se je pripetilo sam ne nikaj lepoga i dobroga. Pune novine so sega hudoga, a ruon tak i na televiziji ne muoči videti nekaj lepoga i spametnoga. Rečite mi, prosim vas lepo, kaj nek bi čovek rekel za ovo kaj se je pripetilo v Palovco? Sestra je svojo sestro zamrznula v škrijo i tam jo je držala skorom dvajsti let. Pak kakša je to pamet? Kak se to moglo pripetiti i kaj je to moglo biti med jimi kaj je se to tak grdo zišlo? Kaj je itak to bilo tuliko vredno kaj je sestra sestro sfondala? I to ne sam kaj jo je zatukla nek jo je i v škrijo posprajla i zamrzla. Žjom je tak na leta živela i nikaj jo je ne savest pekla? Dnevi so prehajali, a sestrino srce je postalo se trdeše i trdeše i nikaj jo je ne to sekeralo kaj je naprajla i kaj bi to vum dala i kaj bi priznala krivico? Što bi rekel da se tak nekaj more pripetiti? Si znamo da je još zdavnja, malo posle otkak je Božek stvarjal sveta, Kain likvideral brata Abela, nekaj ga je hudoga obletelo, ali se je to mam zazvedilo i mam se je Kain „obračunal“ z dragim Božekom, očem reči, dragi Božek se je obračunal žnjim. Ali ovo denes, ovo v Palovco to mi nejde nikak v glavo.

     No, neje to se. Par dni posle se je pripetilo na otoko Pago kaj je japa Jožo hitil z prvoga sprata so svojo deco. A mel jiv je štiri. Sa je sreča kaj je niti jednoga ne sfondal i kaj so si preživeli. Brzčas je tu i dragi Božek mel svoje prste i on je malo pomogel kaj so si preživeli. Posle sega je došel japa Jožo i sim nam je mirno rekel, kak daj nam pripovedal kaj se fčera večerjal, kak on ima jako rad svojo deco. Nebrem to nikak razmeti, ima rad svojo deco, a hitil je vum črez oblok i to z prvoga sprata. Razmel bi da je i jega nekaj obletelo, da je bil vroče glave, pak da je jenoga šmocnul črez oblok vum, ali se štiri, to nebrem nikak razmeti? Ili pak kak čovek more meti rad deco i unda jiv hiče črez oblok vum? Kakša to mora biti pamet, kakša to mora biti glava? Pak to nebre biti glava za dve noge, nek za štiri? Najbrž? Kuliko vidimo nebrejo si deca zbirati roditele, očem reči, japo i mamo. Ovo deco na Pago so japa i mama zapuščali, ali so jiv meli radi. Mama je pila, tak bar velijo, a japi je škodilo. Trelo se je nekaj hudoga pripetiti kak se je i pripetilo, fala dragomo Božeko kaj se je ne pripetilo još nekaj hujšega, kaj bi se naši z socijalnoga pobrigali kaj bi deca dobila nekoga krednešega, vrednešega i bolšega kaj bi se za jiv pobrigal. Nekoga što pravzaprav ima rad deco, a ne tak kak jiv ima rad jiv japa Jožo.

     Nebrem veruvati da se saki den pripeti nekaj i to sam nekaj hudoga. Najbrž naši novinari pišejo sam one hude stvari jerbo to prodavle novine, a nikoga je ne brige za one lepe stvari. Ne verjem da se ruon nikaj lepoga ne pripeti pod ovim našim međimorskim i hrvackim soncom. Poglednite, prosim vas lepo, vozil je gospon Tonča ženo v auto i ona mo je furt nekaj bajala, ne joj je bilo prav kak Tonča vozi. I kaj se je pripetilo? Tonča je ne zdržal i jeknol je ženo z laktom pod rebra. Mortik i Tonča ima svojo ženo rad, pak jo je tak jekno kaj joj je tri rebre potral. Makar je ne mam kokot zakukurikal, ali Tončo je mam bilo žal i otpelal je ženo v bolnico. Tam so jo zakrpali, zagipsali i ve Tonča drži pre hiži tri kote, očem reči, kuha, pere, pegla i rinta kak bi „opral“ svojega greha, a v četrtomo si žena počivle i čaka kaj rebra dojdo na svoje. Božek je Tončo oprostil, a ve čaka kaj i žena to napravi. A se ostalo je pokora.

     Nekaj si gruntam kaj bode rekla paloska Spomenka, a kaj pak bode rekel Jožo z Paga dok dojde na Božekov sod i dok se bode našel oči vu oči z dragim Božekom ili pak svetim  Petrom zakaj so to naprajli? Tonča bode svoje čistilište oddelal tak da bode čuda bole prešal!   

Pred nami je Korizma, vreme molitve, oprosta i pokore. Moramo se skockati kaj se ne bodo več takše hamulije pripetile. Kaj se ne bodemo odekli bližnjega svojega!
                                                                                                                     Vaš Tonček!   

Citat:
Šala mala

Na onomo sveto
Štefa je strefil malo jakši srčani udar. Doktori so se naprajli kaj so mogli, ali je Štef sejeno odišel dragomo Božeko na račun. Minuli so sam dva-tri meseci za jim je došla i jegova Verona. Dok je došla gori sveti Peter jo je dopelal k Štefo. Čim ga je spazila mam je doletela k jemo, stisnula ga k sebi i rekla mo je:
- Ljubljeni moj Štef, tak sam srečna kaj bodemo i celo vječnost skupa…
Štef se je scukal z jeni rok, grdo jo je pogledal i rekel:
- Aaaaa ne, ne, to ne bo išlo, kaj si pozabila kak smo prisegli: „Dok nas smrt ne razdvoji!“

Zvir:
ZVONA, Mesečni list čakovečke žup,
Leto XXV, br. 3, ožujek leta 2019.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov   
« Zadnja izmjena: Ožujak 25, 2019, 01:13:50 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg: P Oltar-POrtal PObôžni i vragolasti/Nek hiti kamena što je brez grehov
« Odgovori #200 : Travanj 13, 2019, 11:02:54 poslijepodne »
ZVONA, Mesečni list čakovečke žup,
Jurjevščak (traven, mali traven) 2019.

NEKAJ ZA ČAS KRATITI

Nek hiti kamena što je brez grehov

       Več smo duže od mesec dni v korizmi de se prepravljamo za naš nejvekši katolički i krščanski svetek Vuzem. Korizma je vreme da si gruntamo o našemo živlejo, bar bi morali, vreme da moramo podvleči  crto pod svoje živleje i vreme da sredimo račune z dragim Božekom. Znate, kakši smo mi ljudi i kak teško priznamo da smo nekaj zahuzali, da smo ne hodali po poto šteroga nam je naš dragi Božek zacrtal i pokazal. Si znamo kuliko pot smo obečali, Božeko i sebi, da bomo bolši, i to ne od zutra nek od denes, i si znamo da smo nigdar ne to svojo odluko sproveli onak kak smo obečali. A naš dragi Božek nas je čakal v spovedalnici i kanil nam je, kak i navek, oprostiti se ono kaj smo zahuzali i dati nam novo šanso kaj znova genemo po poto na šteri nas je poslal. Kak se sam steška ravnamo na spoved, kak nam je teško dojti i priznati da smo ne bili kak tre, ali zato dok se spominamo o nekomo drugomo unda smo tu fletni i fčasi znamo kakši so drugi, a ne vidimo sebe. Neje na nami ljudima kaj mi sodimo drugima! Lepo nam je to Jezuš pokazal dok so si napali Magdaleno štera je zgrešila z moškima šteri so ne bili jeni. Kak to mi ljudi delamo mam smo navalili na jo, a unda jiv je Jezuš zastavil i rekel je: - Šteri je od vas brez greha, šteri je ne zgrešil nek prvi hiti kamena! I kaj se je pripetilo? Nišči je ne hitil kamena i kak so se ljudi zišli tak so se i rezišli. Dok je Jezuš zdigel glavo videl je samo Magdalena, jenih tužitelov nigdi. Si oni šteri so šteli kamenovati grešnico Magdaleno so ruon tak bili grešnici, podvinoli so repa pod noge, prignuli glave i stiha odišli. Jezušo je ostalo sam kaj i on oprosti Magdaleni ak je več nišči ne hitil kamena. I oprostil joj je. I ne sam to, prosil joj je nek ne dela več grehe. I nam dragi Božek oprosti naše grehe, a mi mo obečamo da bodemo dale bolši i da bodemo dale išli, očem reči, živeli kak on to od nas išče. Znamo kuliko je leži obečati nek to obečanje zbaviti. Da bi mi držali se ono kaj obečamo unda nej bile stiske pre spovedalnicama. Zna naš Božek da smo mi preslabi kaj bi to mogli zdržati, ali zato nas on saki den čaka kaj znova dojdemo, kaj priznamo kaj smo zahuzali i da genemo dale v bolše i mirneše zutra. Korizma je prilika kaj poravnamo račune z dragim Božekom, ali i z bližnjima svojima. Kak je Božek oprostil nam tak moramo i mi bližnjima svojima, unda je to onak kak nas Božek vuči.

       Bil sam na labodoritaškoj utakmici v Splito de so igrali Hajduk i Dinamo. Si znamo kak je utakmica zišla, si znamo da je Dinamo bil malo spretneši i pobedil je z 1:0. Neje bilo lefko nam Dinamovcaj med Hajdukovcima, ali smo nekak zmagadili. Ne moram vam reči da smo bili stiha kak puži v kučici, da smo zatajili Dinamo kak je sveti Peter zatajil Jezuša. Ali, prosim vas lepo, što bi se gavaleril med tridesti jezer Hajdukovci kak je on Dinamovec i kak mo je plava farba v srco. Čuda mi je leži bilo v beli majci, ali mi je zato z plavom farbom pisalo: Croatia osiguranje. Beli oni, beli mi, samo so oni i beli v srco, a mi smo plavi vu srco i sa je sreča kaj srce ne pušča farbo, pak se je ne vidlo da smo znutra plavi. Štel sam vam pravzaprav reči kak je to bilo dok je Dinamo zabil gola. Čim je laboda završila v golo na tribinaj je nastala takša tišina kaj se je čula muha kak leti. A unda so Bed Blu Bojsi došli k sebi i počeli so drukati. Laboda završi v golo i tridesti jezer ljudi ostane brez reči. Hajdukovci so ne meli zakaj skakati, a mi smo ne vupali.

       Se smo se dospomenuli. Nejpredi poravnamo račune z dragim Božekom, unda s familijom, sosedima i pajdašijom, a posle dojde na red šunka, hren, jejci i druge dobrote i finote. Srečnoga vam Vuzma želem i kaj bo naš dragi Božek i dale pazil na nas i kaj bo nam pomagal kaj bodemo čim meje pot zglajzali z pravoga pota šteroga nam je on pokazal.

Vaš Tonček!

Citat:
Šala mala

Ne pozna ga

Mali Štefek se igra i onak usput zapita mamo:
- Mama, što je on čovek šteri sako noč prinas spi, vjutro spije dve šalice kave, nekaj mrgoče sebi v brado i unda zgine?
A mama mo lepo otpove:
- Štefek, kaj što je, pak je to tvoj japa!

Zvir:
ZVONA, Mesečni list čakovečke žup,
Leto XXV, br. 4, traven leta 2019.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov   


*****

Žigele Živele mlade kajkavke (1)
Žiga i Rebecca Posavec u Lisinskom – maestralno, 03:26
https://www.youtube.com/watch?v=-G387xFolpI


« Zadnja izmjena: Travanj 13, 2019, 11:13:43 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg:P Oltar-POrtal naš svagdašni PObôžni i vragolasti/Kaj mobiteli delajo z nami
« Odgovori #201 : Svibanj 19, 2019, 06:45:41 poslijepodne »
ZVONA, Mesečni list čakovečke žup,
ROŽNAK (FILIPOVŠČAK, SVIBEN) 2019.

NEKAJ ZA ČAS KRATITI

Kaj mobiteli delajo z nami?

Vuzem je minul hajdi fletno, a tak smo ga dugo čakali, tak smo se dugo prepravljali za jega, a mam po Vuzmu so počele prve Pričesti i Ferme. Znate da je ne mali svetek pre hiži dok imate doma prvopričesnika ili pak fermanika. Istina Božek da se čuda bole prepravlamo de bode fešta posle meše nek za mešo, ali kaj moremo ak smo takši. Kaj bodo sosedi ili pak ovi na Fesbuko rekli ak bodemo na obedo meli meje od dvajsti – tridesti ljudi i ak se bodemo rezišli predi večerje, očem reči, brez večerje. Se je jako važno jerbo znate kak je to hudo ak dojdete na hudi glas. Kak bilo da bilo dobro je i lepo kaj deca hodajo v cirkvo, na veronauk, na Pričest, Fermo, tak se zna i vidi da dragi Božek stanuvle pre naši hiži. Si znamo dok je nekša fešta pre hiži si oni pozvani, si oni kaj dojdejo na familijarno fešto nigdar ne dojdejo z praznom rokom jerbo deteto tre nekaj donesti kaj ne bode pozabil da je išel na Pričest ili pak Fermo. Negda so se dari nosili sam na Fermo i to so donesli sam kumi, a si mi drugi smo došli kaj smo delali stisko pre stolo, očem reči, kaj smo pomogli prijatelima i rodbini kaj se pospravi se ono kaj so preprajli za te den i na stol donesli. Negda so se te fešte bile doma v hiži, a denes, vu vreme krize, več to nišči doma ne dela nek si idemo v restorane i to tak kaj oni šteri se na vreme pobrigajo imajo mesta vu vrednešemo restorano, a oni drugi feštajo tam de najdejo mesta.

Kak sam vam več rekel, negda so kumi kupuvali dare za kumiče i to so nejveč pot bile ručne vure, posle so kcoj došle oprave, robače i kravate. Vure i oprave so posle zamenili foto-aparati, v noveše vreme so to lap-topi, kompjutori, a denes so na vlast došli mobiteli i to sake fele. Kuliko kum ili kuma držijo do sebe takšega mobitela kupijio. Posle ferme se kumiči zidejo i na videc donesejo kakšega so mobača dobili. Posle toga se stopram zazvedi kakši so šteri kumi bili, kuliko vredijo i kak so se skazali. Si mi stareši gombamo kakša so nevola te mobiteli, a si znova kupuvlemo deci se noveše i dražeše mobitele sam kaj nemamo brigo z decom. Znate kak je to, dok ne znamo kaj bi z decom, dok nam po glavi skačejo unda jim damo mobitele i si se zmirijo, si ftihnejo, igrajo se saki nekšo svojo igrico tak da mi moremo na miro pogledati nekšo tursko serijo ili pak utakmico. Ve ne moramo doma meti igračke i zabavište dosti kaj imamo mobitela z pušlekima igrici i mam je mir pre hiži. A to kaj deca nucajo nas, a mi ji rivlemo mobitele to je čistam nekaj drugo. Nebrejo deca niti denes meti se kaj očejo, pak smo niti mi ne meli se kaj smo šteli pak smo zrasli.

Ve bi moral nekaj reči o mobitelima, o tomo kakše so to vuteske. Nebrete nekam dojti, a kaj bi našli nekše dete, puce, dečke, žene, može šteri nemajo mobitela i ne frfrajo po jemo. Terase so se v Čakovco otprle čim je sunce malo bole porinulo svojega nosa črez oblake, a čim so stoli i stolci vuni mam se i to se napuni. Dok je tak unda probajte prejti polek stolov i vidli bodete da saki šteri sedi na terasi druzga svojega /v roki i nekaj furt prčka po jemo mesto kaj bi se spominal z pajdašom ili pak pajdašicom z šterom je došel na pijačo. Pomalem bodo mobiteli i Fejsbuk zamenili se ono kaj smo do ve nucali. Negda se je v krčmama pilo, spominalo, zijalo, popevalo, svadilo, a denes so si stiha, kak na grobjo, i saki druzga svojega mobitela i živi v svojemo sveto. To kaj mobiteli zvonijo v cirkvi pre meši, v spovedalnici, na grobjo, v kino, v kazališto, v školi, na sastankaj, po dnevo, po noči, to je več ne nikomo nikaj čudno jerbo je nekak čudno ak prejde nekša špelancija ak nikomo ne zazvoni mobitel. Pred dva – tri tjedne je minul Vuzem, probajte pogoditi je li je nekomo zvonil mobitel na jutrašnjoj meši dok sam nesel na posvečaje? No, trefi se sakomo od nas kaj negda pozabimo vgasnoti mobača, ali dok starešoj ženi zvoni mobač pod mešom i si ga čujemo sam ona ne i dok jo spomenete kaj se čuje unda tre jeden cajt kaj se najde te mobitel v ženskoj taškici. A kaj bi se pripetilo, prosim vas lepo, da na jutrašnjo vuzmeno mešo dojdemo si brez mobitelov? Nikaj, ali probajte si pregruntati kakša bi to sramota bila da bi vas nešči videl ili pak bi se zazvedilo da ste bili pre meši brez mobitela? Sa je sreča kaj se je još ne pripetilo niti jenomo velečasniko ili pak fra-patro kaj bi jemo zvonil mobitel pod mešom. Nej ruon bilo lepo, da bi za vreme propovedi v šteroj velečasnik govori kak tre hoditi k meši brez mobitelov, jemo zazvonil mobitel. Kaj velite?

                                                                                             Vaš Tonček!

Citat:
Š a l a  m a l a

V školi
- I kak ti je v školi?
- Dobro, jako dobro. Se je vredo! Imamo fajno navučitelico, fajna je, ali je ne preveč spametna!
- Kak to misliš?
- Pak furt nas nekaj spituvle!

Nastavek:
http://www.forumgorica.com/index.php?topic=123.msg56883#msg56883



Zvir:
ZVONA, Mesečni list čakovečke žup,
Leto XXV, br.5, sviben 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov

« Zadnja izmjena: Svibanj 19, 2019, 07:15:31 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg:P Oltar-POrtal naš svagdašni PObôžni, vragolasti/Proščeje je cirkveni svetek
« Odgovori #202 : Lipanj 16, 2019, 11:51:05 prijepodne »
ZVONA, Mesečni list čakovečke žup,
IVANŠČAK (KLASEN, ROŽENCVET, LIPEN, LIPANJ) 2019.

NEKAJ ZA ČAS KRATITI

Proščeje je cirkveni svetek

Neso več niti proščeja kaj so negda bila, rekel bi moj dugoletni pajdaš, profesor Kapun. Negda je Čakovec bil nejvekša fara ne sam v Međimorjo nek i v celoj Zagrebečkoj nadbiskupiji i zato je mel proščeje dva dni. Odnaveke se je znalo da se Prcinkulovo obslužavle dva dni. Ali to je ne bilo se vu velikoj čakoskoj fari jerbo je saka filijala mela svoje proščeje, tak smo meli proščeja pre Sveti Jeleni, v Mačkovco, Prislavci, pre Svetomo Roko, v Miholjanaj, vu Vidovco i Vanovco, a i v Saskoj Vesi. Dok se je tua velika fara restepla tak da je saka filijala postala fara došlo je do toga kaj saka nova fara ima i svoje proščeje kak je i red tak da ve hodamo jeni k drugima na proščeja i ne moramo iskati zgovore kaj se bodemo shajali.

Kak so cajti išli pomalem napre tak je i Čakovec dobil još jeno faro tak da ve ima dve. Jena je ostala na severo i to tak kaj župa Svetoga Mikule i dale obslužavle glavno proščeje na Prcinkulovo, a na godovno svetoga Mikule je osvetek i malo proščeje, a na Jugu je zrasla (čitaj: zazidali smo jo si skupa) nova cirkva i nova fara Svetoga Tončeka (mojega imejaka) Padovanskoga. Štreka je meja med temi farami, tak da smo jeni drugima prek štreke. I Južna župa ima svoje drugo proščeje i to na Malo mešo da je cirkva bila posvečena. Ve vidite, Čakovec ima dve fare i dva velika proščeja. Negda, dok je još naš dragi Božek hodal po zemli, je Čakovec mel glavno proščeje na Prcinkulovo i to v glavni vulici, štero je trajalo dva dni. Posle je to proščeje, ruon tak, trajalo dva dni, ali so ga preselili vu vulico prema Semiščo, očem reči, od Kišove krčme do Semišča. Rekli so da se Tito, šteri je držal glavno vulico, pobunil, a kak so naši gracki oci bili vekši katoliki od Pape oni so mam proščeje hitili vum z glavne vulice. No, čim je Lepa naša dobila svojo državo mam se je i proščeje vrnulo nazaj v glavno vulico. I ne sam to, sako leto je to proščeje trajalo malo duže tak da ve glavno proščeje traje celi tjeden. Gracko proščeje počne predi cirkvenoga, a završi posle. Tuliko sega se najde po vulicama, trgima i parkima Čakovca kaj je teško se rezgledati za teh tjeden dni. Se je to lepo i dobro (a nejveč pot i vroče), se te stiske, ringišpili, lunaparki, koji, kobile, koncertlini, pive, gemišti, gvirc i kaj nem dale nabrajal, a nejveč placa ga je i nejmenša stiska je v cirkvi. Tam ste odma na redo, tam je mir, tišina i nejvekši i nejlepši hlad. Ali malo je onih šteri to se i hasnujejo. Malo je onih šteri na te veliki svetek glavne čakoske župe delajo stisko v cirkvi. Nebrem reči, na glavni meši se zato zide lepi broj ljudi, a još navek dohajajo Janezi i Mađari kak hodočasniki.

Od da čakoski Jug ima svojo cirkvo, svojo faro ima i svoje proščeje. I na Jugo proščeje traje duže nek sam jeden den. Nebrem reči da tu proščeje traje tjeden dni, ali neje niti čuda meje. Kak se i šika. Pak so ne južni Čakovčanci meje vredni od ovih z stareše fare. Ovo leto je fara mela svoje proščeje, a si ostali svoje, jerbo da bi meli skupa bila bi prevelika stiska. Ne zameriti, rekel bi profesor Vladek Kapun, pak ovo leto južna fara obslužavle dvajsti let otkak jo je biškup Marko Culej zafremal i od da je prvi župnik, pater Tonček Jesenovič, prevzel cirkvo i vjernike. Posle Tončeka je južne birkice pasel, pater Drago Brglez, a ve pak to dela pater Tomislav Božiček Se razmem, i proščeja i svetkuvanja, ali tre iti na proščeje črez cirkvo, a ne mimo cirkve. Ak za se imamo cajta unda moramo meti i za Božeka. Tre paziti kaj nas dragi Božek i Sveti Tonček ne bodo na red pobirali.

Vaš Tonček!

Citat:
Š a l a  m a l a

Zajam
Štacunar pita gospođu:
- Gospođo, najbrž ste donesli zadjo rato za dečji beciklin?
- Je, kak vi se znate!
- A, je dečec kaj zrasel?
- Je, je, fčera se je oženil.


Nastavek:
http://www.forumgorica.com/index.php?topic=123.msg56902#msg56902

Zvir:
ZVONA, Mesečni list čakovečke žup,
Leto XXV, br.6, lipen 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov

« Zadnja izmjena: Lipanj 16, 2019, 11:55:00 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg: P Oltar-POrtal naš svagdašni PObôžni i vragolasti/ Dvajsti let župe na Jugo
« Odgovori #203 : Kolovoz 26, 2019, 12:31:41 prijepodne »
ZVONA, Mesečni list čakovečke žup,
Jakopovščak (srpen, mali srpen) 2019.

NEKAJ ZA ČAS KRATITI

Dvajsti let župe na Jugo

          Kak to lepo v Evanđeljo piše, v ono vreme dok je Lejpa naša obslužavala tretje leto od kak je Beogrado i Jugi rekla vekovečno zbogom i odišla na svoje, a z tem so se Srbi i četniki ne pomirili tak da smo mi Hrvati ratuvali i borili se za svoje oslobođenje i svojo samostalnost protiv četnikov i jugosoldateske, dok je Lejpo našo vodil prema pobjedi prvi hrvacki precednik Feri (čitaj: Franjo) Tuđman, precednik Vlade je bil Nikica Valentić, precednik Sabora je bil Stipe Mesičov, Međimorje naše malo postalo je dvadeseta županija v Lepoj našoj, a prvi međimorski župan je bil Marijan Ramuščakov, čakoska gradonačelnica je bila Marija Ružičova, Međimorje je bilo v Zagrebečkoj nadbiskupiji, nadbiškup je bil Kardinal Franjo Kuharić, čakoska fratarska župa Svetoga Mikule Biškupa je bila nejvekša v zagrebečkoj nadbiskupiji (cirka 27 jezer duša), župnik i gvardijan je bil pater Ivo Lončarov. V to vreme je postavlen fondoš za zidanje cirkve na sinokoši na čakoskomo Jugo, a postajli so ga skupa precednik Vlade Nikica Valentić i papinski nuncij Giulio Einaudi i to na godovno svetoga Tončeka (mojega imejaka) 1993. leta. Zakaj vam to govorim? Sam zato kaj župa Svetoga Tončeka Padovanskoga ovo leto več obslužavle svojih prvih dvajsti let otkak je zafremana. Verjem da znate kak so z velike čakoske župe Svetoga Mikule nastale još šest župi (Ivanovec, Pribislavec, Mačkovec, Šenkovec, Strahoninec (filijala Savska Ves štera je bila vu velikoj čakoskoj župi) i Čakovec – Jug. A to je se tak posložil prvi naš i varaždinski biškup mons Marko Culej. Dok si malo bole pregruntam, da je unda bil minister vu Vladi Lovro Kuščevič unda bi cirkva bila zrasla prek noči. Znate kaj se je jemo pripetilo, gospon je mel sinokošo na šteroj je zrasla vila z bazenom i to prek noči. A da je on, v ono vreme, držal v roki ministarske cugle, nikši nej problem bil da bi na sinokoši na čakoskomo Jugo bila prek noči zrasla cirkva Svetoga Tončeka. Brzčas cirkva meje košta nek vila z bazenom.

          Cirkva se je počela zidati jerbo je na čakoskomo Jugo zraslo hajdi novi hiži v štere se je doselilo hajdi ljudi i dece tak da je na hataro prek štreke več živelo prek pet jezer ljudi i unda so si čakoski fra-patri pregruntali kak bi tu morala biti i cirkva v štero bi te ljudi hodali. Ova glavna čakoska jim je bila malo od roke. Spominek je o tomo počel 1986. leta, a več 1993. leta je zakopani fondoš za novo cirkvo. A čim je zapičena prva lopata, čim je zakopani fondoš, mi Međimorci smo se prijeli posla tak da je cirkva rasla pomalem i sigurno. Rasla je i dok je dežđ curel, kak dok se fondoš polagal, a i dok je sunce svetilo. Več 1994. so počela prva proščeja i služena je prva meša za Antonovo (i to v pelnici de je denes župni klub), a to je nastavleno se do dneva denešjega. Zidanje cirkve so pomagali si Čakovčanci, a i hajdi Međimorcov je dalo svojega priloga. Cirkva se je zidala, kak i se druge, z onim penezima štere so kulaki obečali (nekaj malo) i z onim kaj so bokci v škreblice nametali. Odbor za zidanje je Čakovčancima pošiljal čeke za pomoč v izgradnji i morem vam reči da so se tu nabrali lepi penezi, a platilo je i čuda ljudi šteri so nigdar ne bili v cirkvi na Jugo, a meli so dobro katoličko srce i šteli so pomoči. Pomalem je cirkva rasla, posle cirkve turen, a posle turna i farof. Sve je bilo zbegecano za devet let tak da je biškup Culej blagoslovil cirkvo 2002. leta, očem reči, za devet let otkak je zakopani fondoš. Posle toga je cirkva znutra zlišpana, a za to je nejveč kriv pater Tonček (moj imejak) Jesenovič šteri je bil prvi župnik i šteri je na čakoskomo jugo hercuval dvanaest let. On je skupa z južnim vernikima postavil mozaike, vitraje, klecale, lustere, križnoga pota, orgulje i kipa svetoga Tončeka na placo pred cirkvom kak i svetoga Franceka pre kloštrom. Posle jega je došel pater Drago Brglez, šteri je zlišpal kapelo Majke Božje, a i dvorišče je kredo dotiral. Znate da on i denes ima jako dobro oko tak da se v cirkvi i okoli cirkve mora biti onak kak dragi Božek zapoveda, ak ne i još lepše. Ve v južnoj župi hercuje pater Tomo Božiček i on ima tu čast i zadovolstvo kaj slaže dvajstiletnico ove mlade župe. Hajdi je toga na kup nametal, izložbe (marke, slike), aukcije, koncertlini sake fele, hodočašća (Ilok, Fatima, Padova, Bistrica), monografija za prvih dvajsti let župe, pileki (blaženomo Lojzeko i svetomo Jožeko). Makar so leta ne velika, ali tre to prefeštati kak je red. Da god se nekaj slaže na čakoskomo Jugo pozvani ste si da vidite kak tua nova cirkva zgledi, kak zgledi „Međimorska Padova“.

Vaš Tonček

Zvir:
ZVONA, Mesečni list čakovečke žup,
Leto XXV, br.7, srpen 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov


« Zadnja izmjena: Kolovoz 26, 2019, 12:37:14 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg:P Oltar-POrtal naš svagdašni PObôžni i vrag./Dej ti Božek doživeti moja leta
« Odgovori #204 : Listopad 06, 2019, 10:34:05 poslijepodne »
ZVONA, Mesečni list čakovečke žup,
MALOMEŠNJAK (RUJEN, JESENŠČAK, RUJAN) 2019.

NEKAJ ZA ČAS KRATITI

Dej ti Božek doživeti moja leta...

Odišel je naš pajdaš z šterim smo se na letali hecali, pajdašili da god je bilo cajta, odišel je naš profesor Vladek Kapun. Dogorela je jegova životna sveča, očem reči, Božek ga je pozval k sebi na račun. Se smo o jemo čuli ove dneve, kak ono kaj smo znali tak i ono kaj smo ne znali. Zazvedili smo da se je narodil v Gornjemo Pustakovco (to vam je prvo selo polek Buzovca) kam so se doselili jegovi roditeli, japek i mamika, z brežne Štrigove. Zazvedili smo da je završil Navučitelsko školo, a i Preparandijo. Ruon tak smo zazvedili da je prvoga posla dobil v Štrigovi, tam je nejpredi špotal i za vuha navlačil đake, ali ne se nek sam one šteri so si to zaslužili. Posle so ga pozvali v Čakovec kaj je reda napravil v čakoskomo i međimorskomo Muzejo, ravnal je z novom III. osnovnom školom v Čakovco, a posle je završil v čakoskoj Knižnici i čitaonici. Več je unda drbal i lohnil po pelnicama i najžima, po staraj prašnataj knigaj i iskal kaj se je to se pripetilo prinas v Međimorjo predi nek je on, predi nekaj vejč od devedeset let, došel na of naš svet. Pisal je članke, eseje, osvrte, listal je povjesnice za se nas šteri smo to ne znali, ne mogli ili pak smo ne šteli. Ovih zadjih ga med nami nejveč.

Probal bom vam nekaj reči kaj ste mortik ne znali. Nekaj sam niti ja ne uspel zazvediti. Ne bi vam točno znal reči kuliko je jeziki naš profesor Kapun govoril, a ruon tak ne znam kuliko je jezikov govoril moj pajdaš i (su)brat Vladek. Znuom da je znal latinski, taljanski, razmil je grčki, znal je mađarski, a razmil je i Nemce. Ne bi vam točno znal kak je stal z slovenskim, a najbrž je i to razmel ak je več v Štrigovi na leta delal, ali se je z Janezima nikak ne razmel i to po pitanjo meje med Međimorjem i Deželom. Pokazal mi je de je kamen zakopani na meji, a te kamen je ve na hataro Dežele. Bar tak Janezi velijo. Nigdar je ne Janezima oprostil kaj so namotali naše Međimorce kaj so velečasnoga Slavičeka pretirali z Raskrižja. Hajdi pot je natepel i one "naše Janeze" šteri so po noči klesali trdo Č na ploče po grobjo v Raskrižjo.

Verjem da ste ne znali da je profesor hodal v pučko školo z mojim japom, kak i to da smo mi pajdašili duže od tridesti let. Tridesti i tri leti so minule od unda dok je kamion tresnul profesora na zebri, ali je naš dragi Božek mel još dosta posla za našega profesora na ovomo sveto pak nam je proživel još 33 leti. Neje bilo lefko, si znamo koliko je mel problemov z nogom štero je lečil osemnajst let, a unda so mo jo doktori odrezali. Dok je dobil protezo i dok je ostal na štakama neje postal i dale je po cele dneve delal ono kaj je nejbole znal: kopal je po staraj prašnataj knigaj i nam je pisal ono kaj je našel, ono kaj je zazvedil, a znal je da mi to ne znamo. Viđuvali smo se na mešama, nejveč pot onima jutrašnjima ili pak dok je popeval, kak na čakoskomo korošo, tak i na ovomo novomo Južnomo. Hajdi ljudi je spituvalo kak to kaj profesor popevle na Jugo, a stanuvle v Čakovco, prek stareše čakoske cirkve.

Kuliko vidimo neso ljudi v pamet zeli da se je narodil v Pustakovco, a posle je stanuval i v Travniko tak da je i ova Južna fara bila ruon tak jegova. Kaj nek vam još rečem, profesor je bil jako dober i spameten čovek, čuda je znal, prava enciklopedija, i nikaj mo je ne bilo teško. Se kaj smo ne znali jega smo pitali i niti jeno naše pitanje je ne ostalo brez odgovora. Ili smo ga dobili mam ili denes,a negda i zutra, ali smo ga dobili. Kuliko sega toga nam je napisal i v ovim našim Zvonima. Čuda toga smo se mogli od jega navčiti, pogotovo ak smo čitali kaj je napisal. Napisal je Monografijo cirkve i župe Svetoga Mikule pred 10 let, a i Fotomonografijo cirkve i župe Svetoga Tončeka pred osem let tak si nekaj gruntam da i dragi Božek kani napisati nekšo svojo monografijo o tomo kak je stvarjal sveta, pak je pozval našega pajdaša i profesora kaj mo on to vred dotira. I kuliko vidimo niti jega je profesor ne mogel odbiti.

Furt mi se po glavi mota jegova vječna rođendanska čestitka: „Dej ti Božek doživeti moja leta, a meni kaj ti to bodem čestital...!“

Vaš Tonček

Citat:
Međimurje, 2010.06.15, br. 2877

Primjer Vladimira Kapuna: more i po međimorski

Baš nas je obradovao Vladimir Kapun: u posljednjim brojevima »Međimurja« svoje kolumne piše kajkavski, na međimorskom idiomu, služeći se mnogim riječima koje su gotovo već zaboravljene. Takve su na primjer: kajkakši, kaštiga, magoditi, omedleviti, na se zadnje, mortik, nakladnuti, tijam, zglednuti, stopram, odškrnuti, pomalem. Tako govore još samo stariji Međimurci.

Kapunom primjer svjedoči da međimurski jezični idiom nije izumro ni kod mnogih naših intelektualaca, premda se u običnom govoru rijetko njime služe. Pokazuje i to da je moguće kajkavski pisati i svakodnevne publicističke tekstove, a ne samo one književne. Treba se samo potruditi. To se odnosi i na pisce ostalih kolumni u »Međimurju«: Vukšića, Lesara i druge – da bar djelomice pišu kajkavski ili da se koriste obilatim izričajima međimurskog dijalekta.

Nastavek:
http://www.forumgorica.com/index.php?topic=274.msg22163#msg22163

Citat:
Međimurje, br. 2943
20. rujna 2011.

SITNICE (NE) ČINE POVIJEST

I fratar zna „činiti povijest“


Autor članka: Vladimir Kapun

Pokret za teritorijalnu reorganizaciju mađarski su franjevci smatrali pravom zgodom da se domognu samostana u Čakovcu i s njim Međimurja. Možda bi u tome i uspjeli da nije bilo o. Vendelina koji je, usprkos svjetovnoj politici, na različite načine dokazao da se „samostan u Čakovcu po pravu i zasluzi pribraja novoosnovanoj provinciji sv. Ćirila i Metoda u Hrvatskoj jer je podignut u granicama Hrvatske, sa svih je strana okružen hrvatskim stanovništvom, upravlja hrvatskom župom“ i tako dalje. Da u to uvjeri i Rim, u Čakovec je doveo i samoga generalnoga ministra o. Alojzija Lauera koji se osobno uvjerio u hrvatski karakter mjesta i kraja, pa je 3. lipnja 1900. u Odluci o osnivanju Hrvatske franjevačke provincije sv. Ćirila i Metoda među dvadeset i dva samostana nove provincije između Trsata i Subotice kao šesti po redu ubrojio i Čakovec!

Mogao bi „priči“ – ozbiljnijoj i stvarnijoj nego se misli – tu biti kraj da se dvadesetak godina kasnije nije dogodila Mirovna konferencija u Parizu na kojoj su se Mađari nadali natrag dobiti Međimurje. I opet je naša povijest sklona spominjati (jedan jedini!) dokaz koji je prevagnuo na jugoslavensku stranu – zbirčicu međimurskih narodnih pjesama od vlč. Vinka Žganca. Svaka joj čast, ali Jovan Cvijić, glavni „naš“ stručnjak za nacionalna pitanja, dobro je znao da „jedan dokaz vrijedi koliko i nijedan“, pa je među svoje argumente uvrstio i ono što je o. Vendelin tako lijepo postigao i što, zahvaljujući Trianonskomu mirovnomu ugovoru, traje još danas.

Nastavek:
http://www.forumgorica.com/index.php?topic=2360.msg41876#msg41876

Citat:
Međimurje, br. 2927, 31. svibna 2011

SITNICE (NE) ČINE POVIJEST

„Viruj Nimcu kako suncu zimsku…!

Autor članka: Vladimir Kapun

 Petar IV. Zrinski bio je čovjek „od mesa i krvi“, sa svim dobrim i lošim ljudskim osobinama, da je pored snage tijela i duha, mišića i uma, imao „sposobnost“ i da pogriješi, pa je jednoj svojoj pogrješci – nažalost, čak u dva dijela! – morao „zahvaliti“ što je završio kako je završio: povjerovao je, naime, onomu protiv kojega se i pobunio.
Pogriješio je Petar prvi put kad je povjerovao „časnoj“ carevoj – još uvijek se čuje „Carska se ne poriče!“ – riječi, dobivenoj ni manje ni više nego preko časna starca biskupa, koji je također „nasjeo“. Naivno vjerujući već poznatom vjerolomniku, krenuo je iz Čakovca na put prema Beču. Pogriješio je i drugi put kad je putem pomislio skrenuti, pa mjesto u Beč otići na istok prema svojemu istomišljeniku zetu koji je tada bio nešto bolje sreće, ali je od toga ipak odustao. Napokon, da je „pročitao“ podmuklo lukavstvo ili lukavu podmuklost svojih neprijatelja, možda je mogao pokušati pobjeći prije nego je kao veleizdajnik dobio okove na noge, možda i ruke. Ali nije, i to ga je, nažalost, stajalo glave – mjesec dana prije nego je navršio pedeset godina života!

Nastavek:
http://www.forumgorica.com/index.php?topic=1817.msg34501#msg34501

Citat:
Š a l a  m a l a

PRAZNA KUPICA
- Vidim da imaš prazno kupico. Bodeš još jeno?
- I kaj unda nek napravim z dve prazne kupice?


Nastavek:
http://www.forumgorica.com/index.php?topic=123.msg57027#msg57027

Zvir:
ZVONA, Mesečni list čakovečke žup,
Leto XXV, br.9, rujen 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov
« Zadnja izmjena: Listopad 06, 2019, 11:01:39 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4022
  • Karma: +0/-0
Odg: P Oltar-POrtal naš svagdašni PObôžni i vragolasti / Sveti Jeronim Štrigoski
« Odgovori #205 : Listopad 13, 2019, 04:11:13 poslijepodne »
ZVONA, Mesečni list čakovečke žup,
MIHOLJŠČAK (KOZAPRST, DESETNIK, LISTOPAD) 2019.

NEKAJ ZA ČAS KRATITI

Sveti Jeronim Štrigoski

Nekaj si gruntam da si je sveti Jeronim sam zbiral de se bode narodil najbrž si ne bi zebral ovoga našega “falačka zemle med dvemi vodami“ šteroga zovemo Međimorje. Najme kaj, ve da se je zazvedilo i da knige pišejo kak se je svet Jeronim pravzaprav narodil v našoj Štrigovi, štero so unda stari Rimljani zvali Stridon, ve smo mi Međimorci još ne sigurni, još se okrajamo, da se je to najbrž ipak prinas pripetilo. Odnegda so nam još pripovedali kak se je sveti Jeronim narodil v Stridono šteroga so rezrušili Goti, a te Stridon je bil smešteni na meji izmeđo Dalmacije i Panonije. To je sam sveti Jeronim napisal o svojemo rodnomo mesti.

Odnegda se je pripovedalo da je rođen v Stridono, ali so to jegovo rodno mesto našli naši sosedi Dalmoši , a unda pak i Hercegovci. Posle so se javili i ovi z Istre i oni so našli nekšega svojega Stridona. Na se zadje so se javili i sosedi Janezi da i v jivoj denešjoj Deželi postoji nekši Stridon. Kak vidite si so se grabali za našega svetoga Jeronima, a mi Međimorci de se je zaprav narodil sveti Jeronim smo dremali kak stari mački, kak da smo ne šteli priznati da je te veliki svetec, šteri je prvi prevel Biblijo na latinski jezik, naših goričnih breščajkov sin.

Hajdi se toga pripetilo kaj govori o tomo da je negdašji Stridon naša Štrigova. Još v dvanajstomo stoletjo je prinas v Štrigovi zazidana prva cirkva svetomo Jeronimo. Posle je tua cirkva vejč pot popravljana, a ovo cirkvo z dva turne so zazidali pavlini v 18. stoletjo dok je v Štrigovi hercuval i bil gvardijan Jožek Bedekovičov. Rečite mi što bi itak, i zakaj, zidal cirkvo svetomo Jeronimo v Štrigovi i to polek župne cirkve da je to ne jegovo rodno mesto. I to na nejlepšemo brego i to z dva turne. I to je još ne se, Ivek Rajnerov je v toj cirkvi narisal svoje nejlepše freske. Spot pod bregom de je bila cirkva je bil čudotvorni zdenec Sv. Jeronima čija je sveta voda kaj koga zlečila. I ljude i marho.

To je još ne se, papa Nikola peti je 1447. leta izdal svojo Bulo za cirkvo rodnoga mesta Svetoga Jeronima v Štrigovi v šteroj je napisal da je cirkva Sv. Jeronima zazidana na mesti de je negda bila hiža v šteroj se je rodil, v šteroj je zrasel sveti Jeronim, hiža v šteroj ga je mama rodila i prva v cirkvo vodila, Boga molit i bližnjeg ljubit vučila i navčila. Papa je pozval vjernike nek dohajajo v Štriogovo, rodno mesto svetog Jeronima de so mogli dobiti posebne oproste kak za sebe tak i za se one za štere so prosili. Ali nam denes je to još ne dosti jerbo znate kak se to veli, mi Međimorci smo navek vekši katoliki od Pape.

Posle toga je Jožek Bedekovičov napisal knigo “Natale solum“, očem reči, “Rodno mesto“ v šteroj je se to napisal i kak se zna i kak je sigurno da je naša Štrigova te Stridon v šteromo je svetla ovoga svega prvič zgledal naš sveti Jeronim. Ve smo i mi zazvedili kak je tua meja izmeđo Dalmacije i Panonije, pred jezerotristopedeset let bila ruon tu v Štrigovi jerbo je unda Dalmacija bila do Drave i Mure. Nikak nebre biti Stridon ili Stridona doli na morjo jerbo je Panonija nigdar ne bila prek Save. Ili kak je Papa Nikola V napisal da so toga Stridona zrušili Goti, a oni so, ruon tak, nigdar ne preplavali Savo. Ve se znamo, znamo dokod je bila Dalmacija, znamo de se je rodil sveti Jeronim, znamo da je bil Dalmatinec z Štrigove, znamo kaj nam je Jožek Bedekovičov napisal, znamo kaj je Papa napisal v Buli, štero nam je z Rima donesel naš cirkovljančan, monsinjor Matija Berljak, znamo što je se i zakaj zidal i popravljal cirkve svetoga Jeronima v Štrigovi, ali još se najdejo nešterni nezerenoši šteri ne verjejo da je ruon tua naša Štrigova to sveto mesto v šteromo se je narodil sveti Jeronim. Pred tri leti je prevedena Bedekovičova kniga “Natale solum“, štera nam je se rekla, a mi smo još navek ne napisali na štrigoske table kak je to rodno mesto svetoga Jeronima. Ali bodemo, ak nam naš dragi Božek da zdraviče, pamet i vupeše.

Moram pofaliti Čakovčance šteri so pred nekaj vejč od 250 let postajli kipa svetomo Jeronimo v čakoskomo parko jerbo so fletno posle kak je zišla Bedekovičova kniga postajli kipa kaj se bode znalo da je v Štrigovi (Stridono), v Međimorjo rođen sveti Jeronim, a Čakovec kak glavni grad Međimorja se štel sima šteri so došli v Čakovec pofaliti kak je sveti Jeronim naš čovek, naš svetec.

Kaj reči, moramo se mi Međimorci, i to si od Štrigove do Kotoribe štimati z tem kaj je sveti Jeronim naš čovek, naš svetec i z onim kaj je se napravil za Međimorje i Hrvatsko. Naši biškupi se štimaju žnjim i zato se Papinski Hrvatski Zavod zove po našemo sveco Svetomo Jeronimo. Verjem da bode to dosta kaj bodemo si, pak i oni nejvekši nezerenoši, priznali i sima pripovedali kak je sveti Jeronim odnavek i vekovečno naš svetec. Štrigovčanci so mi obečali da bodo, črez kratek čas, počela znova hodočašča svetomo Jeronimo v Štrigovo i da bode zdenec z svetom vodom znova predelal. Fala Božeko i Štrigovčancima. A si šteri so do ve ne veruvali, kak sveti Tomaš, morajo iti na spoved kaj z našim dragim Božekom poravnajo račune.

 Vaš Tonček


Citat:
Sveti Jeronim
https://hr.wikipedia.org/wiki/Sveti_Jeronim

Delo na videlo
HRVATSKI ZAVOD SVETOG JERONIMA U RIMU - dokumentarni film
https://www.youtube.com/watch?v=ohoa14qv0wI

Papinski hrvatski zavod svetog Jeronima
https://hr.wikipedia.org/wiki/Papinski_hrvatski_zavod_svetog_Jeronima

Josip Bedeković Komorski
https://hr.wikipedia.org/wiki/Josip_Bedekovi%C4%87_Komorski

Bedeković Komorski
Bedekovići su jedna od najstarijih hrvatskih plemićkih obitelji podrijetlom iz Komora (kasniji naziv Bedekovčina) u Hrvatskom zagorju. Postoje dva ogranka, barunski i varaždinski. Nisu u srodstvu s turopoljskim plemićima Bedekovićima Kobiličkim niti s obitelji Bedekovićima Pobjeničkim.
https://hr.wikipedia.org/wiki/Bedekovi%C4%87_Komorski



Citat:
Š a l a  m a l a

Škotska
 
Škot veli svoji betežni ženi:
- Idem v apoteko po vračtvo za tebe, dojdem črez dve vure.
- A kaj ak ja predi hmerjem?
- Nebuš tak fletno.
- A kaj ak ipak hmerjem?
- Unda vgasi svetlo!

Nastavek:
http://www.forumgorica.com/index.php?topic=123.msg57029#msg57029

Zvir:
ZVONA, Mesečni list čakovečke žup,
Leto XXV, br.10, LISTOPAD 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov

« Zadnja izmjena: Listopad 13, 2019, 04:25:37 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549