Autor Tema: 16. MALONOGOMETNA LIGA VUKOMERIČKE GORIC 2019. – MNLVG 16.  (Posjeta: 6620 )

0 Članova i 2 Gostiju pregledava ovu temu.

Offline kuntakinte

  • Jezerača
  • ******
  • Postova: 7271
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #75 : Kolovoz 12, 2019, 03:25:46 poslijepodne »
Ogledanomu kojnu ni kaj zubi ogledati
 Kak je des lep i sunčan dan v MP3. Pogotovo `Očiče. Domačini ruliju ruke, veliju, pijača ide kak luda. Najprije su na šanku ordinerale specijalne jedinice konobarov a da su oni dobro šlagerali nazočite posel su preuzele konobarice. Glediš kaj bi, kam bi... Lučelnica počela grupisnje. Veli neminovna statistika da su do pol kola zrustali osem gajbi, osem gajbi(!), pive. Nad tem bi se i Markuševec mogel zamisliti. Kokošar veli, praf zapraf, negov radnik ga je prepovedal, da je dva put skrenul v krivu. Jedva našel Cerovski, a ni prvi put vevo. Obišel Jeberič, Opatiju, skoro postavil štand pri Sv. Roku na Cvetkovičevomu bregu... Spod centralnoga suncobrana, tere domačini veliju da imaju na hitajne, čak su jenoga i v škole otprli, sediju Barber i Iva Spod Brega. To je društvo, z velikum karmum, zame! veli Barber, onak z okola, nam saki put Vincu potiraju van, on je jaki, onda se z lakti... Reko, ak je jaki i onda se z lakti, to su dva pari kobasov da * * *. Veli, a, kulko ti imaš let? Ajd po cigaretline i pivu! I donesem ja tak cigaretline i pivu... Veli, a, kaj si mi cigaretline donesel, am ja ne pušim. Veli mu Iva Spod Brega, po kaj si čoveka poslal to ti je čovek i donesel, kaj sat očeš. A, kaj bum ja sat žnemi, nikak se z škatulum ni mogel pomiriti Barber. Reko,.. gledi,.. tu ti na šaktule z debelemi slovi piše da nemreš ostati truden ak pušiš. Ja sem ti na godišnemu, sigurno ni Iva nema vuvu dobu drugoga posla... A-a, veli Iva a nezna kam bu i kak bu to zišlo. Pak ti potpali a mi bumo dva tjedne sprobavali jel istina to kaj piše na škatule. Veli, a, kaj bi mogli, kaj si? Reko, si, nek kaj, nemo te sat, da ti je najgorje, samoga ostavili. Mi smo humani. Kakvi? Kaj ti to dojde? Reko, da ponami očeju glive rasti... Veli, a, ovo kaj ti snimaš, ak bi ja to mogel videti, da ja baš vidim. Da ja vidim,.. nam saki put Vincu potiraju van, on je jaki, onda se z lakti... Reko, jako teško,.. jel imaš ogna? To ti je više, ovak, kak bi ti ja to, ko tebe, povedal, kak da bi zbaleral, išel raskopati bale a onda išel, pak, te bale na ruke balerat. Veli Iva, am vidiš kuliki je to posel, to su veliki posli, to ni za samo jenoga čoveka, imaš kaj za pripovedati a kamo li za delati.., i nastavi. Nek, mene nekaj drugo *, nemam ja žifcof zato, da vidim... Da nam Vincu potiraju van,.. Kak bilo da bilo, selo još navek stoji ali je tradicija otišla v MP3 krasne. Došle nove lopte, a se su još navek na broju i kaj je još navek najgorje, nijedna ni preluknana. I gacije su zgubile svoju moč i oštrinu. Došli neimenovani izvori i mam da su podigli nos v zrak pitaju; kaj ima za jesti. Reko, da sem ja došel rezali su merlin. Merlin!? Am nismo zajci, kaj bumo stem..? Ide negdo z brega, šepa, sav zamotan v forbante, samo mu nos štrči van. Isti Herman, ali drukčiji. Veliju, kaj je bilo? Ma, čera smo išli z "Dva Jarana", najprije se vu nas zaletel zavoj, onda nas je najprvo trknula bandera pak šuma. BMW slaščikan kak kojnski * posle saobračajke. Pak. Si dolaziju do kioska de inače stojiju novine ali novin niks. Pak de su novine? Če smo si dobri, velimo da su novine na lajne(, kakve lajne pak ni to cucek da je na lajne), a ak nismo velimo da je je odnesel onaj drugi z terem si jednak tak nismo dobri.
 Dok su se Tesari tesali za of odlučujuči meč, kaj odlučiva o mnogočemu i ničemu, Ojtna se spuščala na radnu temperaturu v plitkem ladu brojne suncobranov i samo tu i tam zdigla vuvo da čuje kaj puknuta ekipa spod centralnoga suncobrana trebi. Osim bažula. A bažula je bilo i za izvoz. I bažulinja za pušiti. Kulko je popularen nogomet i Liga na Ojtne govori i sam podatek da su morali odbijati se redom golmane da bi pak na gol malo pustili predlajnskoga golmana Alena. V ovakve konstelacije stvari v kontekst očitoga se postavla mogučnost da pod Cumbulom malo (za)brani i Ilija. V nogometnem defileu i retrospektive. Z druge pak strane stvari Lučelnica ni pustila da se nijovi brojni navableni navijači vrneju domom razočarani, žedni i trezni.
 Gruntovčani su se posložili da jem se pak nebi trfil sindrom Kravarska na Pokoskomu i da je nebi negdo * da su namerno pustili utakmicu. Kak to i tradicija nalaže, zagrijavanje je počelo z pivami. Da nebi trpel kvorum morala se trsiti zvezda jenoga drugoga sela kaj je dopelala najvekšu zvezdu v glevnem sazvežđu naučne fantastike. Štršani su ignorerali saznanje da se Gladovec opasno zagrijava na pivami ali su da se vidi "do je do" počeli dan, i zagrijavanje, z gajbum. Nemreš živeti, zvezda peče, oče te vubiti. I oni su počeli koristiti taktiku "najprije ja a posle mene ti". Sigurno ne radi funkcionalnosti nek se tak more bole popiti. A na druge strane Mata je moral sam popiti tri komade za razliku od Štršanov kaj su ove svoje podelili po pol. Ne bracki nek po pol.
 Rekel je Barber, sad, sad, sad ovi naši igraju. A, "ovi naši" su se jedva skupili, nema do tri pive popiti. Još da tu odbiješ ove jazavčare kaj budu po šume iskali lopte statistika je gorja od Plenkovičeve. Ali ni se tak loše kak se čini. More i gorje. Na kraju prvoga tala je napušča, ne zanavek, jena od najdugovečnije gastarbajterske zvezde na nogometnem polu cerovskoga nogometnoga čuda, ili "kak je Tomo za* i statistiku i propozicije i cug i šefa stanice i čistačicu i dva i pol kilometre štreke". Se se zvezde sele na druge zastave, ostale su samo šahovnice, srpi i čekiči, i zvezda kaj prži se v 16, iako je bliže bilo 17. Neimenovana je zvezda dela v jutro vodu topit za koprive popariti za napoj a onda je otišel `Očiče i zabil za prvotnu akciju. Na pol se utakmice setil za svijne i skoro ga je v kolene odseklo. Dobro ak je del na drva, bu se gaslo, ali ak je na plinu, most ni lonca više ni v komadu. Il mu čovek nebi rekel da je to bil lonec. Na negovo mesto mam povlačiju privatnoga lugara z Jeberiča kaj je baš negde vu tu dobu išel šumum kak Grigor Vitez i zagledal tere bi bukve večeres mogle noge dobiti. Na druge strane stoji kartel Pabla Eskobara z belemi brki i mokremi čubami i koše pene. Predator v semi nastavki je goli * zavo. Oni nemaju kaj zgubiti. Lost case. Kak dvanajst žigosane, samo je ni 12 i nisu žigosani. Nekakvi su drugi, i drugački. A utakmica? Barber je popušil se kaj se moglo popušiti. Samo su još ostali suncobran i leva štumfa ali mu je nestalo novin, da to smota. Legija je puknula jenoga počasnoga, v regularnem talu, se drugo su spucali Robijaši. I pucalo se do dugo v noč.
 Kaj povedati za derbi dana? Kravarska je most malo prekesno došla. Da su došli ob pol jedenajst i da su sobum zeli meter i pol krmenatlinov most bi z te mele i bilo kruva. Ovak su se nasukali na preveč "minute" i "faulov". Šika, posle se ispostavilo, ni bila osakačena za Tonu, čak "yes, little duck". Draš je do pol oglobal škrlak, več je mislil prejti i na tenesice. Kumi načimaju Leptire ali se ovi vračaju i tu se utakmica, nekaj zmed stabilizera i trga. Najvekši je problem bil za Fičeka, on nikak ni nafčen braniti celu (jen hit, starem prepoznat a mladem nepoznat; ja sam devojka sa sela stavi mi ga cela). Il negdo nega il on nekoga, mora, na utakmice. Još ni probal sam sebe, tehnički, iako ni taj zaplet situvacije ni neizgleden. Kumi imaju penalizacije pun kufer ali je golman Leptirov za taj vid posla i tu felu mušterije zaprl "radnju". Ak more z igre - ok, ak nemre - zdravo, doviđenja. A, moglo je.
 Pefci negde bežiju počasni krug. Gjalski se spravla za selačku bunu. Maže cipele `špekom i brusi rogle. Bile su velike šemse da tri Šebeki okitiju Tomekovu ledinu, za silu i četiri. Most i pet. Ali je veliki izbornik rekel ne. Zec je pak zvezda peterca. Tata Brajko je Kumeku otprl pivu, veli, jel buš dale znal i mogel sam. De si ti bil dok sem ja.., mislil si je Kumek ali mu je samo rekel, bum. Veliki Bozanič je skoristil priliku da se ze semi pozdravi, do got je naišel dobro je naišel. Za tu dobu Indijanci z Markuševca su sprobavali eno-ponudu. Kvantiteta zadovolava, kalibar haubica 155, dve litre žive vage. Sad je samo malo problem kak baždariti litru i pol vode na dve vina. Ja verujem da su i to uspeli do zajdne utakmice dok mesec i suze sv. Lovre nisu osvetile teren. A i v nogometu su uspeli. Jedino su, za razliku od, denešnega protivnika a prijašnega domačina, Kojzače seli malo dalko od muzike da jem se gudi na flašu. Ali ni to ni nerešiv problem za pleme kaj se se mejne bavi z nogometajnem a se više z ognenum vodum. Ak neče Muharem k Brdu oče Vrh k Muhamedu.
 Štefeka ni, ali tu je kum Zeko. I Tajson, kaj se spozdravlal z Kokošarom kak da su `54 skupa bili vojske. I Šekiji, cela familija. I Krizni štab. Kikija ni bilo ali treba je pogledati vodostaj na moru pak ak se podigel moglo bi biti da je tam. Il mi oko fleksa. Mamič se samo povlačil po pozadine, veli, * bu mene negdo brojil kulko sem ja popil. Odkad su se Švabi vrnuli z mora nemreju se poloviti kak ni rakova deca. A da je Kiki bil, (do veli da ni?) rastopil bi se na pol kak Snegulica i sedem Kon-Tikijev da je videl kaj i kak  ovi Šekiji delaju i deluju protiv Švabov. Rekel bi Mamič, glavno da je pijača mrzla.
 Ovi Tigriči baš se nedaju na poludomačem terenu * sekomu. Došlo pol sela, dva izborniki, dva autobusi izvanrednoga prevoza komadov. Kakove očeš, moreš birati, bole ti nje nek oni tebe. Ili najprije ti nje a posle oni tebe. Pavušek je pobral pozitivne kritike po selu, si su gledeli prek satelita kak je municijozno branil pak se ni mogel zgovoriti da pak nebi stal na gol. Još nekteri ne veruju da je to bil on. V publike bi skupil još jenu kombineranu ekipu Sinov ali ovo je Velike 6. Na druge strane Dube em ima em ima sreče. I ak te ide ide te.
 Rekli su Robijaši, osim kaj su glumili stupe i rasvetna tela (* bi oni glumili da nisu pobedili) , da se za ovakve terene, da več ne počima Liga raneše, pripraviju dva kompleti lajbekov. Jenem crveni, jenem žuti. Na glave jem deti naglavne lampe, iza poziciju i trokut, naprovo maglenke, na pleče telečak z baterijami i dejdali vudri ga Blaš. Da vidiš nogometa. Pak smo imali situvaciju "Gorni Ruševec - Novo Brdo na Novem Brdu" de si iščeju pravicu a nigdo nevidi ni prst pred nosom. Navodno su Miši pobedili i navodno su Glumci zgubili. Ni jeni ni drugi još neznaju kaj jem se trefilo.
Najte kaj zameriti. Da pijem kolu pišem gluposti. Do se još po istine pomogel.
wwwg tablice

Offline kuntakinte

  • Jezerača
  • ******
  • Postova: 7271
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #76 : Kolovoz 16, 2019, 04:21:28 poslijepodne »
17. KOLO se igra : Dubranec   15. kolovoza 2019. 15:30 -
Gornja Opatija - Gladovec 5:0
Cerovski Vrh - Velika Buna 3:1
Pokupsko - Šiljakovina 1:6
Novo Brdo - Dubranec 0:1
Lučelnica - Strezojevo 2:0
Donji Hruševec - Kozjača 4:1
Kravarsko - Opatija 5:2
Gornji Hruševec - Hotnja 12:1
Markuševec ---
wwwg tablice

Offline kuntakinte

  • Jezerača
  • ******
  • Postova: 7271
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #77 : Kolovoz 16, 2019, 10:00:24 poslijepodne »
Cerovski Vrh - Velika Buna, MNLVG16., 2019.08.15., Dubranec
https://rutube.ru/video/3110c6011fe960112bffd0776362cedd/

Pokupsko - Šiljakovina, MNLVG16., 2019.08.15., Dubranec
https://rutube.ru/video/49b964064dfbba1be30aa21562739cba/

Novo Brdo - Dubranec, MNLVG16., 2019.08.15., Dubranec
https://rutube.ru/video/20b065da9b9a22a8accdce7255471372/

Kravarsko - Opatija, MNLVG16., 2019.08.15., Dubranec
https://rutube.ru/video/83fdab94d0a37562d98d63fc2579b4ff/

Gornji Hruševec - Hotnja, MNLVG16., 2019.08.15., Dubranec
https://rutube.ru/video/6aa22c8eb79e36b85e0835dbcc3d8059/
wwwg tablice

Offline kuntakinte

  • Jezerača
  • ******
  • Postova: 7271
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #78 : Kolovoz 18, 2019, 08:08:47 prijepodne »
Proglašenje pobjednika 1

Proglašenje pobjednika 2

Isti *, drugo pakovanje, kak milde sorte i king size.
wwwg tablice

Offline kuntakinte

  • Jezerača
  • ******
  • Postova: 7271
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #79 : Kolovoz 18, 2019, 10:27:29 prijepodne »
Ovo nete gledeli na televizije 3

Ak neznate kaj bi z vurum svega života, eto rešejna...
wwwg tablice