Autor Tema: 16. MALONOGOMETNA LIGA VUKOMERIČKE GORIC 2019. – MNLVG 16.  (Posjeta: 895 )

0 Članova i 2 Gostiju pregledava ovu temu.

Offline kuntakinte

  • Jezerača
  • ******
  • Postova: 7167
  • ...besposleni internetski masturbator...
16. MALONOGOMETNA LIGA VUKOMERIČKE GORIC 2019. – MNLVG 16.
« : Ožujak 27, 2019, 12:17:00 prijepodne »
Metepuvi v debelem črevu
 Na same svete Montana i Maksima, v ranu odvečerku, da su boli gazdi podojili krave i naštrajili štalu, Nijovo Poverenstvo po šesnajsti put je pozvalo Apostole breškoga nogometajna na Plenum. Za čudo Božje iako je f pozivu pisalo da bu na igrališču, de su i goli rekli laku noč, zestanek je održan pod krovom. V brojne svite retko do se našel sam dojti; večinum su si sobum, kak Sinjski alkari, zeli partnere. "Alkar Pero Perič. I njegov Momak." Da se več čudesa događaju kak na elevatoru za kuruzu ni nas mimoišlo ni najvekše v noveše povesti Breške civilizacije; Markuševec se setil "dojti zdoma". Da su ovi počeli nositi "žute kristalne kocke vedrine" i slagati je na "nevidlivo mesto" Presvetli jem je rekel;
- Ostavi to tu, da si vidiju. Most si do bu štel i popiti...
 Apostoli Breške lige koristili su "zdoma" za pružanje bolega korisničkoga iskustva i funkcionalnosti. "Zdoma" služi i za alkoholizeranje prometa, davanje mogučnosti delenja na šanku i za puščanje glasa kaj odgovara momentalnem korisničkem iskustvu (Tarzan, Đejn, Hulk, Mirko&Slafko, Čita, Mujo&Haso,..). Postavke "zdoma" moreju se kontrolerati i konfigurerati specijalnem klučem za posebne namene ili priručnem alatom v predelu štoplina. Čem više štoplinov ot "zdoma" disloceraš z prvobitnoga položaja v drugobitni položaj pobolšava ti se korisničko iskustvo i funkcionalnost. Z nastavkom pobolšavajna korisničkoga iskustva počme te pomalo * funkcionalnost, po cesta te stavlaju muški (f plavem), ak si baš totalno korisnički iskusen na momente te lovi da vidiš i štrumfe, bele miše i roze slone. Spinaš se po zide kak puš, moreš hoditi po plafonu, prelaziš čez zide kak da je ni, malo te * vuva da prelaziš čez dvokrilna vrata i tak... Ono, niš posebno...
Ni bilo Ilovače, čera je fajn puvalo, kamen gori, val se peni...
 Iako se lani govorilo, i to insajderski, da Bebe letos hitaju tenesice na klin to se, zgleda, kak za sad * stoji, ne trefilo. Posle, "U, * te!", more čovek vu to ime samo povedati; - Vržete jem mam pive ladit. Je da bi oni i kaču, i to kipuču, jel, ali, ret je ret. Bole da prepadne selo nek običaji.
 Da smo več pri selu, običaje i onem kaj se trefilo; kak se lani pripovedalo, kaj se dekle štelo - to se dekle snilo, došli mi do Lučelnice. Joža je održal jen motiverajući govor, vuz Števinu moralnu podršku dok je Petko zafrkaval z nosom ober pive, kaj bi i kamen rasplakal zakaj bi "Tesari" šteli vlesti v Ligu, kaj Liga dobiva, o povesti od mezozoika do osvajanja Meseca. Ja bi mu i bez izborov dal na osnovu ovoga "kredita" da bu precednik sabora. Veli, ni njem do prvoga mesta, il da jem se dopada prelazna kanta Breške lige il da neznaju kaj bi po letu dva mesece sami sobum a ono na kaj su mnogi zvadili male crne teke i zapisali tri bode, podvlečeno z žutum, je bila izjava "dostojno bumo zamenili Vukomerič". Na ove reči su jednojajčano v trideset i četiri i kusur jajec prijeti v Ligu.
 Tužna srca i suzna oka morali smo konstaterati da nas je v mlade dobi ot par breškonogometne lige napustil Vukomerič. Kak se i šika pravomu mužu to nam je i službeno došel povedati Joža; on je je dopelal v Ligu on je je i otpelal. Rekel mu je Prijespomenuti da je dosad on bil šef Jože i Števe z Lučelnice a sad budu oni nemu. Joža se z tem nikak ni mogel složiti i pomiriti.
 I za krajnost da nebu se završilo z malemi *darijami potrudili su se Tigriči kaj su uspeli registrerati jenoga mega ceplenoga kurilovčana na svoj konto. Veliju, Duba dela na naftne platforme v Severnem ledenem morju, nemre saki čas dojti domom nametat f pečku, ovi mladi kak su se nalutili nikak se razlutiti, Šaki se ostavil i muzike i nogometa i... koječega drugoga v korist šumadije. Da vjutro vlezne nutre nezna se od* van dok ne ostane bez nafte, vujla i benzina. Kaj ti je lubaf... Si neki * delaju a šteli bi si i pomalo ze strane nogometa pikati. Čak si i Sulio premišla da bi prešel med amatere. Za sad tulko, ak mi do kvalitetno ne poravna čuču za prijeizrečeno, vidimo se.

 Najte kaj zameriti.

 * Poverenstvo za pretakajne belajnka z levoga v desno jajce jednojajčano je odlučilo da je "zdoma" stari `rvacki pozdraf a spodoben je k malo mlajšemu `rvackomu pozdravu "bezeca", kaj je v čiste opreke z pozdravom "bezbezeca", teri se odnaša na one kaj pregusto zabiju dojti "zdoma". Pak je je gušče treba pozdravlati. Ili jem z kojekakvemi coprijami probati stirati, ili fundati, kaču f žepu.
wwwg tablice

Offline Ljudevit Kaj

  • Jezerača
  • ******
  • Postova: 4002
Odg: 16. MALONOGOMETNA LIGA VUKOMERIČKE GORIC 2019. – MNLVG 16. / BREG-ZIT
« Odgovori #1 : Ožujak 31, 2019, 11:07:53 poslijepodne »
Citat:
Tužna srca i suzna oka morali smo konstaterati da nas je v mlade dobi ot par breškonogometne lige napustil Vukomerič.
http://www.forumgorica.com/index.php?topic=3099.msg56842#msg56842

Trdi i meki Brexit komenteraju i malobreški ligaši

Igrale se bregligje…

Trdi Breg-zit:
„Ojdi proč Vukomerič, Vuko(a)merika i naj se zastaviti do Amerike.
Dal Bog da z glavum vudriš v trdu „Ilovaču“.

Meki Breg-zit:
„Pomalo odi, Vukomerič, Vuko(a)merika, da ne opaneš na trdu „Ilovaču“.

Citat:
Felix Srečkec / BRE-KSIT
Trdi i meki Brexit komenteraju i kandidati teri oču vlesti v E.U.
http://www.forumgorica.com/index.php?topic=2914.msg56844#msg56844
« Zadnja izmjena: Ožujak 31, 2019, 11:16:55 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline kuntakinte

  • Jezerača
  • ******
  • Postova: 7167
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16. / BREG-ZIT
« Odgovori #2 : Travanj 01, 2019, 11:38:11 poslijepodne »
Tužna srca i suzna oka morali smo konstaterati da nas je v mlade dobi ot par breškonogometne lige napustil Vukomerič.
... malobreški ligaši
...bregligje…

Ovo bi ti prije bil Vuk-sit.

I ni niš malo; velikobreški.

Breg lignje; kak na Panonskem morju, tak reči mam vuz obalu, stoji Vukomerov otok tak jednak i na Jadranskem stoji Korčula. Veliju da pot bivšem Vukomerovem otokom pozoj spi kaj mu je glava negde pri Kupincu a rep v Brestu. Da mirno ne spi se tera cesta ili šuma pot brek omekne.
wwwg tablice

Offline kuntakinte

  • Jezerača
  • ******
  • Postova: 7167
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #3 : Svibanj 14, 2019, 11:54:51 poslijepodne »
16. MALONOGOMETNA LIGA VUKOMERIČKE GORIC 2019. – MNLVG 16.

15.06. GORNJI HRUŠEVEC
16.06. HOTNJA
22.06. NOVO BRDO
23.06. DONJI HRUŠEVEC
29.06. ŠILJAKOVINA
30.06. LUČELNICA

06.07. VELIKA BUNA
07.07. GORNJA OPATIJA
13.07. KRAVARSKO
14.07. GLADOVEC
20.07. MARKUŠEVEC
27.07. OPATIJA (u POK/ŠIL/VEB/GOH?)
28.07. STREZOJEVO (u DOH)

03.08. KOZJAČA
04.08. POKUPSKO
10.08. CEROVSKI VRH
15.08. DUBRANEC
wwwg tablice

Offline kuntakinte

  • Jezerača
  • ******
  • Postova: 7167
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #4 : Svibanj 14, 2019, 11:57:00 poslijepodne »
16 MALONOGOMETNA LIGA VUKOMERIČKE GORICE 2019
RASPORED ODIGRAVANJA ZA POČETNA KOLA

1.kolo, SUBOTA, 15.06.2019., GORNJI HRUŠEVEC
Strezojevo - Gornji Hruševec
Velika Buna - Lučelnica
Dubranec - Cerovski Vrh
Gladovec - Novo Brdo
Šiljakovina - Gornja Opatija
Opatija - Pokupsko
Kozjača - Kravarsko
Markuševec - Donji Hruševec
Hotnja ---


2.kolo, NEDJELJA, 16.06.2019., HOTNJA
Kravarsko - Markuševec
Pokupsko - Kozjača
Gornja Opatija - Opatija
Novo Brdo - Šiljakovina
Cerovski Vrh - Gladovec
Lučelnica - Dubranec
Gornji Hruševec - Velika Buna
Hotnja - Strezojevo
Donji Hruševec ---
wwwg tablice

Offline kuntakinte

  • Jezerača
  • ******
  • Postova: 7167
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #5 : Svibanj 15, 2019, 09:03:00 poslijepodne »
Humina
 Došel je i taj dan. Da se vidi čija baba bombu nosi. Zajdne nad* prije početka *. Obično se čekalo Manekene, Šiku, i sličnu egzotiku kaj je tak dalko da se more od štale z pol cigla nahititi do Sporckoga centra, ali su se vremena nepovratno premenila. Najvekša nevola za slobodnoumnomislečega muža v najbolenmi letami široke svetonazorov je da mu baba doma prisedne kiklu pak se nemre stati i na dugoočekivani Plenum dojti, na vreme, i z volum. Drugi, pak, par šleputkov je da se nekaj z i v Kušancu skurvalo. Il se selo tak predužilo il je se dale od Bunske plešivice. Nekteri su se petnajst minut vozili čez Kušanec i nikak do Bune dojti. Ak je zakazala koza ni zakazal rok, i pečenje v dolnem talu pleč; Tigriči su se isprsili pošteno, valda bu "stanoviti Klasnič z Kurilovca" to znal kompenzerati v predelu obrane prve crte šanka, jel kaj su ti ludi napravili to več dugo ni zapamečeno v kratke povesti breškoga nogometajna, bil bi čak tulko kuražen da velim nigdar,.. da logistika odigra maestralno a prvi igrač zakesni na teren pol vure. Kak jem je to uspelo, da me * malo vekša zadruga izbeglic, ja neznam. Pive čekaju prigrejane na dvosobnu temperaturu a Tigričef ni kaj bi oko natepel.
 Kaj sem još štel sra*..?
Ak bu letošna Liga kakov je bil zajdni Plenum most je bole sem deti culo na pleča i pravac Sedinjene Nemačke Države. Jen viđeniji član Breške nogometne konfederacije bi rekel: katastrofa! Jel bila prejaka anticiklona il mere globalnoga zatoplejna, preveč vitaminov v moje pive, kemija unutar strukture, neprolaznost krize, privatizacija droge, preveč kiše, premalo snega, nestašica suše, predrobna tuča il to kaj je kuruza potirala kak spalena z bedzgove puške rešila bu Komisija za istraživajne droge i sukoba interesa. Da su Apostoli videli kak su Tigriči rešili svoje subcidijalne probleme "kak da bi Oreškovič prodal Končar" sem su pošle skomine jel si imaju nekakve špilere i španere "z druge fare". Posle početnoga gubitka kontrole, inicijative i povlačenja Bok se skoncentreral i rekel; Halt! * se kak se got znate, ali od drugoga leta. Of popis glumcov vredi do 2020. a drugo leto Plenum ne trajal 25 minut  nek 5445 minut dok se ne dokončamo kaj i kak dale, do koga i s kem. Da je svladan taj "Fantom ze Zaselka", il Fanta, mislilo se da je dale se kamilica. Ali je brus. Ojtna i Gladovec imaju svadbe. Jel bi ovak il bi onak i kak bi... Bil sem tam ali neznam kaj je rešeno; kvantna filozofija. Broj 17 je četiri put zvlačen i tri put vračan f škrlak, Bok čuvaj `brani.
 Bila je inspekcija igrališča na Ojtne. Centralni zakluček jednojajčane komisije je ; kupete ofce. Kaj budu kupili ovi na Bune nezna se; il suce il napraviti dan otprte vrat na šanku, tzv. "pijavica u gostima". Ak se preširi na se sfere vugostitelske ponude mogla bi biti i "Trakavica".
 Na rubu Plenuma je "puščen golub z jatom" da bi drugo leto most pustili 1-2 ekipe, kaj ni/su uspela/e vlesti v, ili z, TPMNL, jel su letos dve ekipe, navodnom, odbili, da odigra/ju revijalno Brešku ligu. Kolo-dva bi se igralo prijnemi, i tak to. Dosta otprta, radna, tema kaj išče još dodelavajna, ak bu kaj z toga.
Navodno, velim, navodno, su Švabi imali dobru žetvu riže, medkultura je letos detela, a Svevišnega prosiju letos pri Trsišču da jem priredi vreme za mak i konople. Ne indijanske nek baš domače. Z rižum su i prezadovolni, več jem ide na vuva van, a veliju da bi z ovem bili još zadovolneši. Ono vreme ot lani jem je rešilo problem krtov; nekteri su se potopili, nekteri su stradali v prometu da su se probali spasiti od ftaplajna, su je nogometaši zgazili na terenu, a retki preživeli su našli svoj mir na igrališču pri Kravarščice. Oni su našli svoj mir ali ga je Brajko zgubil.
 Obično da ludi kosiju to ide il po kvadratu i po vure, jedino pri Švabi ide po litre. Veli Mamič, kosili smo (igrališče), popili smo šest litri vina. Onda kulko to je trave!?

 Najte kaj zameriti.
wwwg tablice

Offline kuntakinte

  • Jezerača
  • ******
  • Postova: 7167
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #6 : Lipanj 12, 2019, 02:25:28 prijepodne »
Izbor za "Mistera, spred dučana"
 Napisati bilo kaj pametno bilo bi glupo.
Počelo je tureranje za najvažneje događanje ovoga leta. Kaj povedati a da se ostane na pozicije statike. Posle zajdnega Plenuma kaj je bil na sv. Matu apostola na samo Vidovo ob pol četvorke počima jubilarna 16. Breška liga. Stvar je dost čupava po pitajnu glavne glumcov pak je davati bilokakve prognoze dosta naivno da ne velim nekteru drugu reč i ne budem pregrub prema sebe. Ali kaj me je to da prečilo..?
 Traja taj okršaj predugo. Na jene strane, v korneru, nepokoleblivi, krvi žedni, Brajko a na drugem korneru krti. Deli je samo ledina z 548 krtolovcov. Kak več skoro mitska bitka feldmaršala Svete Borojeviča i digitronov na Soče. Z jene strane "Zmaj od Soče", dobro sad, of put nek bu "Pozoj ot Kravarščice" a z druge strane, praf za praf, ze se stran, mrski crnci. Kak je to povedal pokojni Patulek; pukel je štil, pukla je i šajba.

Strezojevo - Gornji Hruševec
 Ak se kaj ni i ne premenilo prva na repertoaru, šlager sezone, večni mladiči;
Robijaši otpiraju z Obadi čija se glavna sneja preselila v mistično selo Čakanec, kaj je regulerano na nivou Lige. Kulko su Robijaši spremni na `đenje i kulko jem bu trebalo dok se ne prespominaju i kulko bu to striček Slavek mogel pošarafiti, kaj zvana, kaj znutra, rešilo bu pitajne pobednika i pobeđenoga.

Velika Buna - Lučelnica
 Da su pri Glumci vojke opale z kol pitajne je jel je do zdigel. Velika nepoznanica z novum nepoznanicum. Pitajne je kaj bu Ševa dopelal na Kravrščicu, jesu došli novi dresi i tak to.

Dubranec - Cerovski Vrh
 Rekel je na Plenumu stanoviti P. z Cerovskoga Vrha da nisu spremni prodati utakmicu Ilovače za nikakvu pijaču i penezi. Ja bi se žalil; 200 kuna je 200 kuna ali v pravnem sistemu, teroga nesmemo rušiti,..

Gladovec - Novo Brdo
 Selo kaj ima izbornicu, da bi reč rekel, i selo kaj ima vekši stručni stožer nek igrački kader. Na vagu se zna do dobiva, strateško-taktički isto, statistički jednak ali...

Šiljakovina - Gornja Opatija
 Mrkijevi pioniri, kaj su malo navlekli kile, nepoznatoga sastava čekaju kakovu jem sudbinu budu odrezali Mamičevi (12) žigosani. Ne igra se zajdna tak da...

Opatija - Pokupsko
 Takoreči bratoubitačna. Pek na golu, Šestaki oko gola, Tigriči z novem glumcem. Još samo fali moj intimni prijatel za komentatora. Pak.

Kozjača - Kravarsko
 Do zna jel i kak je Glavnokomandujuči z Kozje drage preživel personalne i socijalne vuspehe i kak se to bu reflekteralo na ostatek jata. Bila je smena v stručnem stožeru Leptiričef tak daaa...

Markuševec - Donji Hruševec
 Sad, zavisi kak su jeni i drugi otporni na komarce. Kak kvalifikacije za ulaz v MNLVG, samo fali kiša.

Hotnja ---
 Mislili su neki več nas neče biti, zato kaj smo mi tak lani rekli i povedali, ni veselje svoje, i cugu, nisu mogli skriti, ali još nas ima... Pogotovo da se zarolaju pive spred dučana. Iako "stara" ekipa letos su  Bebe velika nepoznanica, i tak bu ostalo do nedele. Do bu a do ne bu, igral, bumo videli. Lani je je pral predlajnski sneg z istekom trajanja, ali po hrvacke zakone, kak i meso, i taj se računa pod lajnski, iliti po domači, friški. Kak bu to letos zgledalo sam Bok zna. Rekel je Mika; igramo, makar cela ekipa v preširenem sastavu završila na transplatacije jeter. Bole da prepadneju jetra nek običaji. Dobri stari običaji na cveču cveča cvetovoga cveča se stadionov v okolice, i prikolice, stadionu "Kravino sedlo".

-

Trojstvo, ob pol četvorke, na Ojtne, a slavi se Ilija, ne golman.

Kravarsko - Markuševec
 Jel su Leptiri došli k sebe, do je još bil i bu i kak zgleda krvna slika ekipe? Jel OFK Mladost bila na pripremami v toplica, jel se dron v šume zgubil dok je * iskal i počem ideju rezervne gume za istoga.

Pokupsko - Kozjača
 Štršani v gostima, ak je glavnomu golgeteru ostalo još kaj zubi ni greda kak se budu pive otpirale. Manekeni sigurno nosiju svoj prenosni USB sustav S-600 "Trokrilni ormar". O igre nebi trošil struju dok ne vidim z kem imamo posla.

Gornja Opatija - Opatija
 Nepoznanica dve poznanice. Jel Duba v Emirate? Do kulko staklari delaju? Jesu Parikožari podigli barikade da pomoreju Švabom pobediti? Kulko je Mamič spremen odojkov v sezonu uložiti? Jel cucek Žučo z čem želudec pokvaril? Kulko se popilo dok su išli "pašum"?

Novo Brdo - Šiljakovina
 Ševi metal. Ak Poštar ne napne štrajnge odoše kola pod brek. Jednak tak ak Tona ne zajde v utakmicu z 120 %. I jednak tulko kil.

Cerovski Vrh - Gladovec
 Teško je bilo kaj predvideti, jel ak bu Tomekova Legija više pratila kaj dela Izbornica nek kaj se događa na terenu...

Lučelnica - Dubranec
 Ak se Žacu od ovoga ne zdigne čir na jedenaestercu neznam od čega bu. Neznam kulko su Tesari vični na "specifičnosti Kravinoga sedla"... I funkcionalno vino "Jebežlivec". Oštre prenamene z subjekta v objekta i tak to.

Gornji Hruševec - Velika Buna
 Vmori me nežno, povedala bi jena američka sneja.

Hotnja - Strezojevo
 Zajdna a bratoubitačna. Ak Bebe nedu mogle narivati loptu v gol budu zrivali se Robijaše z loptum na dotično mesto. Ak povedeju; "V šumu! V kuruzu!"

Donji Hruševec ---
 Ono da se kvalitetno naleješ na Lige a da nisi niti zgubil niti pobedil. Rekel bi japanski vojni analitičar Šeng-Či; da si pobedil v ratu teri opče nisi vodil. Rekel bi pokojni Puntek; "Dej me razmi če me razmeš ak me razmeš da me razmeš."

Kaj su zašlogale Vile Suđenice ostaja nam da vidimo. Da ne govorim o suve slive i brze izmene.
Najte kaj zameriti, ak morete.
wwwg tablice

Offline kuntakinte

  • Jezerača
  • ******
  • Postova: 7167
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #7 : Lipanj 15, 2019, 11:04:29 poslijepodne »
1.kolo, SUBOTA, 15.06.2019., GORNJI HRUŠEVEC
Strezojevo - Gornji Hruševec 2:6
Velika Buna - Lučelnica 2:1
Dubranec - Cerovski Vrh 3:3
Gladovec - Novo Brdo 2:1
Šiljakovina - Gornja Opatija 3:2
Opatija - Pokupsko 4:5
Kozjača - Kravarsko 3:5
Markuševec - Donji Hruševec 1:1
Hotnja --- krajcali smo se z svadbum
wwwg tablice

Offline kuntakinte

  • Jezerača
  • ******
  • Postova: 7167
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #8 : Danas u 01:45:14 prijepodne »
425 jahačof alkoholipse
 Moja gajba i ja i draga puna pive.. Ludi moji, kaj se ovo događa, a de smo stali ono, a, ... Jel se planet Nubiru strknul z Božicum Sreče pak su z dekadnoga prek kubnoga završili na kvantnomu svemiru il je kadet jajce trknul pri Trsišču cucka Žuču dok se of spravlal za medeno mesečarenje ja ne bi znal ali ... Da se Liga otpira na `Ojtne za se *darije je krivo "Kravino sedlo" ali da se Liga otpira pri Kravarščice zna se da je igrališče nagrajeno z 549 nagrade za najbole igrališče znači da objekt nemre biti krif onda se si loviju subjekta, i to za "grčku". Ludski faktor bu jenoga dana kvalitetno popil šore, šteli mi to il ne. Si su pomalo postali svesni da se Liga ne dobiva v zajdnem kolu, jel v zajdnem kolu popravka ni, nek f prevem. A pri svesnosti obotem pojmu si nastojiju startati hipersonično ali samo se retki domogneju te žele i brzine. Drugi završiju z 200 kune mejne v žepu, po pitajnu Žalbe, il z dve minute po pitajnu "subjektivnoga dojma" i "verbalnoga delikta". Kaj čoveka, dobro, ne samo čoveka nek i Kurilovčana, veseli je da su nove generacije navijačic stasale za Ligu da se samo postavla retoričko pitajne jel je to endemska vrsta rezerverana samo za Gorni mi ga Ruševec il se bumo "očno" pasli i drugde. Da smo več pri endemskemi vrstami i srodnemi rodi i padeži, ono kaj je pred dve lete zgledalo kak kata-strofa, a, bome i na letošnem Plenumu ni dalo bog-te-pitaj kakve optimistične primisli, na Ruševcu se pokazalo kak promašaj. Kaj pijana zalokana budala z Kurilovca kaj piše bedastoče da pije kolu oče z tem povedati? Počele su se vračati lastavice z juga, legende, otpisani, bivši, endemske vrste i autohtoni subjekti. Letos, na početku Lige, čovek, more biti zadovolen, viđenem... Da ne velim, zadovolen. Kak je to zgledalo da se riba zove "list";..
 Jako (pre)motiverani, iako su i drugi bili isto tak jako motiverani, Robijaši su istoga momenta, da ne velim mam, iskali ekstra slikajne za enciklopediju nogometa. Peki je kazal zavidne bravure z visokem naglaskom na obranu z slepem okom i levum obrvum ali funkcionalni nedostatek mase i volumioznisti je zel svoje. A, da! Novi dresi! Mustra INA Rafinerija Sisek. To sigurno ne prešlo nezamečeno i nezapamečeno, med navijačicani, v Kongu, Čileu, Obale oglodane belokosti i Ban Gladešu. Kak su ovi Obadi pustili ze svega jata maloga Zlodiča nejde mi v glavu niti z pištolom za svijne tuči. Mali je sretno odsel pri Švabi (a mogel je i med Irci).
 Tesari v nepoznatem Č-sastavu imali su prilike upoznati Glumce v M3-sastavu. Obično da nova ekipa vlezne v Brešku ligu prvi jem je problem aklimatizerati se na proporcije, pravila, zakone, ustaf i poslovnik. Zgleda da je početnička sreča počela pomalo * i Glumce; da prvo poluvreme završi z 7-7 v fauli sigurno je znak za opču uzbunu v Ustafnem sudu. Na su sreču drugo nam je polunevreme doneslo kamilicu za gablec pak se to se pomalo kultiveralo.
 Nije čuča na prodaju, ni čuča ni prikolica; popeval je negda Milodrag Ugurguzovič. Neno je napravil opču mobilizaciju v selu i semi zaselki kaj magnetizeraju, koaleraju i graviteraju k Dubrajncu da mu se ne trefi "Črni labud f gostima". Žac je daval moralnu samozatajnu podršku. Počele su se vračati "zgublene nade"; Joža se ni (pre)prodal Tesarom nek stoji na dispozicije svoje (pra)stare ekipe, z Leve Štefankov i zemle nedođije vrnul se Šeki, neobrcki zet, kaj bi nekteri nazvali srečum, dok se drugi nebi složili žnemi. Po pitajnu žgaravice, krvnoga tlaka i očnoga zapalenja. Puleni DVD-a Cerovski Vrh nisu mejnali puno, skoro bi povedal niš, jel ekipa kaj pobeđiva, ak pobeđiva, se ne mejna. Čak je i Tomica donesel čvrstu odluku v Korizme da se letos bu odrekel nogometajna, ak Bok drugač ne veli. Se je v negvemi rukami. I Reči. Mali neurozni Lukafčan je napravil više koristi nek štete tak da mu nekteri moraju spustiti škrlak do zemle. Ni bilo potrebe, ni trebe, da se v igre švica Messi, OnajKajSamumSvojumNazočnoščuRešavaUtakmice. Ilovača ni opala, a da bu, nezna se.
 Gospari su si z Divje dubrovačke vaterpolo lige donesli maske za ronjenje da se skrijeju od sveta. Sekaj, kak da je mi ne poznamo... I novi dresi, i novi sponzori. Ruška te Zimača v čelo kušnula, kak prava ekipa. Prad par se mesec povedalo da nima do igrati, je, ziher, nekteri glumci su se bole i više držali klupi i pive nek nogometajna, valda misliju da budu tak prije zdigli spomenik palomu borcu, Medo se počel više baviti z reproduktivnemi sporti, Šan-Ku si je rašarafil kolena... Izbornica je pala... To opče nima veze da Osvetnik Zoro z brojem 10 razdrapi neprijatelsku mrežu kak japansku ižu od papera z krampom. Origami, tatami i tak to. A ak je Šan-Ku rašaraflen kak tek onda zgleda da je zašaraflen!? Nueva Brdo si je jednak tak priskrbelo nove drese a, bome, dobro su i došli Števini grbi z fejsa za nakititi iste. Taman da je prešireni stručni stožer z Nou Campa povedal da nima do prijnemi dati gola of kaj je ocenen kak nemočen ga je vrgel, rekel bi Mile; ko pas majci. Poštar mi je na poštede; il ga žuli * il nimaju broja dresa zajnega...
 I Šika si je priskrbela nove drese. Kak bi vam povedal..? Najbole; "Strezujevo negativ". Ali ni samo tu problem... Odkad su bili na ekskurzije v Crne Gore si su se pokumili uzduž i poprek; kum prek kuma, nemreš veruvati, kak ni v drveni šporet. Mamič je imal problemov, v * te *; kak pokrpati ekipu da je frtal fali. Zlodi je došel, pod sumlivemi okolnosti, ali nemre on sam rešiti utakmicu, kak ni bicka od 300 kil. Tuta dela čudesa božja, nogometne abortuse, od obrane do napada, zgubi loptu v napadu i stigne još obraniti na svem golu, vuz malu pomoč "maloga od Supermena", Tona vrača istum merum. Jedino Rakič nema pandana z druge strane. Brajkovič bros dela punum parum ali nejde kak ni tate Želku naivna umetnost.
 Došli su navijači, il nabijači, Tigričef z organizeranem vanrednem prevozom v Brajkovu autonomiju da bi potšprajcali svoje pulene. Čak se i Mali z šume zlekel. Mega su Kurilovčana jednak tak dočarili na poprište bitke. Ali! Velim, ali! Kaj je se Pek uspel mobilizerati graniči z naučnum fantastikum, praksum urote i otmicami ovozemalcov. Jedino se Jole ni pojavil, zajdne vesti povedaju da su ga negde f šume oteli partizani. Suma sumarum, krem de la krem veteranof kontra isto takove kreme juniorov OFK Kupe. Pitajne je bilo do bu postal posle utakmice krem de la cipele ovem drugem. V drugem se poluvremenu utakmica otprela kak krafska * na telenju. Šumari sufleraju Malomu da otkopči prikolicu, ali ludi moji, oni nisu svesni da nega * statika. Naprovo ima gevigte a zabil je zakopčiti pluge. Posle se lepo popilo, nema kaj.
 Dok Precednika ni jel je na pripremami z OFK Goricum v Gornem Levom Neobedišču negovi "mali od kujne" su počeli delati *darije. Najprije su si dali naštampati majce z "K`ZJAČA", z takvemi je sigurno nebi pustili na Bleiburg. Onda su bivši ovčari počeli delati rajčulu tak da je malo falelo da je sudačka dvojka ne eutanazera z elektrošokerom z utakmice. "Trokrilni ormar" ni `zostal tak da smo bili spašeni od maratonske tonske probe. Ali! Velim, ali! Zagi je v Švicarske v zatvoru. Tam hobla drvene žlice i dela Lipovica radijatore. Do bi ga mogel zameniti? Jedino Majoneza, kaj je Šebeku na oči mast vadil. Da bi se štel zlagati onak kak ja najbole znam povedal bi da je utakmica bila repriza letošne z Trsišča. Krvi do kolena, blata od kolena. Ali! Niti blizu. Leptiriči su kolo vodili. Šuki je došel još jutro posle zornice da dobro snimi protivnika. Kak "Družina spod Križnoga brega" ima stanovite probleme z (KVS) kvalificeranum radnum snagum tak je v igru dospel moj Ivica kaj se pokazalo kak pravi pogodek v tandemu z prijespomenutum kravarskum snejum. Kak negda v Reke Barnabás Sztipánovics i Igor Musa. Skupa vrediju za tri igrače, saki sam niti za pol. Na su sreču Leptiriči imaju sreču v nesreče da imaju golamanov na hitajne. Inače...
 Fali Brebričef, ima je ali je fali... Valda su pak v Grčke... Buduči da se si v prvem kolu rivleju kak rubača v rit ovo malo i čudi ali... Črni se zdigel z (nogometno) mrtve. Lani se grozil da više ne ali kaj je pamet kontra srca? Kak gume i mator. Jel moram pak povedati; novi dresi? Kak na modne revije, Nosiju se kak mladenka zamuš. Da ovo izbeglice vidiju mesec bi se dan ober slike plakali. Limuni držiju tri bode v ruke kak dekla vrapca a onda je jemle penalizacija v zajdne minute. Ma, kaj minute, sekunde.
Najte kaj zameriti. Do se još po istine pomogel...
Ne budi vam potuženo...
wwwg tablice

Offline kuntakinte

  • Jezerača
  • ******
  • Postova: 7167
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #9 : Danas u 12:00:24 poslijepodne »
Velika Buna - Lučelnica, MNLVG16., 2019.06.15., Gornji Hruševec
www.rutube.ru/video/ac01050d7bbaceea018edded4f09723e/

Dubranec - Cerovski Vrh, MNLVG16., 2019.06.15., Gornji Hruševec
www.rutube.ru/video/0715167cc74daf4c177e8e47e8e55569/

Opatija - Pokupsko, MNLVG16., 2019.06.15., Gornji Hruševec
www.rutube.ru/video/408d9a2b0cba418dfed6d5a281a22b14/

Markuševec - Donji Hruševec, MNLVG16., 2019.06.15., Gornji Hruševec
www.rutube.ru/video/dcec399e30e33aba3b988ed53ce2dc35/
wwwg tablice