Autor Tema: 11. MALONOGOMETNA LIGA VUKOMERIČKE GORIC 2014. – MNLVG 11.  (Posjeta: 29430 )

0 Članova i 1 Gost pregledava ovu temu.

Offline kuntakinte

  • Jezerača
  • ******
  • Postova: 7221
  • ...besposleni internetski masturbator...
Odg: 11. MALONOGOMETNA LIGA VUKOMERIČKE GORIC 2014. – MNLVG 11.
« Odgovori #90 : Kolovoz 20, 2014, 12:26:39 prijepodne »
Ad finis ad finem ad ultimum finem tractus in Montibus sanctis
 Na kraju krajev svenul je i taj denek... Da se nekteri breški pačeniki moraju o Velike meše nacrtati pod samem vr`om Gore Pomene ili Pod Sv. Katum. Ni to više kak je negda bilo, sad sako selo slavi svoju Mešu pak se to i malo razišlo, il razvodnelo. Ak čovek srednje životne dobi i iste takve sposobnosti pojde z Gorice ob dve i petnajst za očekivati je da za dobe dojde na Trg Selačke bune broj 1573. Osim ak ne stane na Lukovcu i ne glumi turističkoga vodiča inozemcom. Kak da ni ove kaj su plačeni za taj posel; z desankum je primleju za laket a z prstom leve jem kažeju de moraju nos porinuti, da čubu otpreti i da z rukami malo popleskati. Još da čoveka jaši ova ebola dva dene autoseksualni odnošaji su zagaranterani. A Pod Cumulom živo; nikak zavezati reklame (kak da buju nekam otišle), v celem Dubrancu nikak najti niti kakvoga žneranca niti kakvoga gačnaka. Niš bez dobroga automirisa kaj vesi v škafu na debelem masnem štriku z retrovizora.
 Za utakmicu zmed dve Ilovač se(m) očekivalo da bu revijalna, baš kak jeno leto na Gorne Opatije da si je Tomek očajnički probal samozabiti gol. A predi utakmice naslikavanje za najbolu šestorku, Playmoj, Gloriju, Milu, Bravo, Majstor i Sam u kući 6. Argentinci su se zagrejavali z Bandičem v glave, više onak prek pol vijagre, a Zmajčeki z jenoga od Vrhov Triglava ozbilno kak da se za penezi igra. Pak je došel i Vinca, ovo više ni slučajno, bez teške tehnike niš. Prikazal se i moj intimni prijatel, došel je malo preluftati drese, tak mu je doktor prepisal, i to ne jenoga nek dva. Veliju negvi prijateli, pozdravim ti ja takove prijatele, da je mislil da bu slikajne. Farbe je bilo ali vujla slabo. A onda da su pošli ovi Malkiči, Kolariči, Galoviči, Petraviči, Hermanoviči, Mlikote, Grdeniči, Cerovski, Cekoviči, da Godiniče i ne spominam, de su i kaj su bili, gorelo je nebo i zemla. Reko, valda su jem dali da se malo poigraju pak je budu v drugem talu stisnuli ali... I v drugem talu ista pesma. Ilovaču je zgleda potajnurala i Opatija i Hojtna i Kravarska i breme organizacije. I onda još na vr kak karamela dojde žena, kak je rekel jeno leto Miro, i žena oče svoje. I ode i cesta i Ilovača pod breg. A več su se i skupili poznati putujuči navijači Plemenitašof previkani "Šprajceri" i pijača je mogla pojti. Kak je to Đaje rekel doktor na kontrole; "Ali, umereno!" jel je čeka još jena "direktna".
 Još je jena "skoro direktna" čekala "pritajene favorite" z Velike Bune i "retke svate" z Kravarske teri se v zajdne trečine lige skuplaju kak za izvršenje kazne. Onda je pak palo naslikavajne za "najbolu šestorku", Playmoj i najbolu grupu bez pratnje. V prvem talu su se Leptiriči dopelali v vodstvo posle jene kvalitetne "eci-peci-pec" akcije a v drugem talu Bunci ramnaju z jenoga "ko se nije skrio" penala. Bilo je i druge interesantne stvari, tak su recimo Bebe dopelale svoje nove drukerice. Bome, rano su se zmislili, il predelali. A skoro na samem kraju čudnovati Beli meče z čudnovate pozicije ali ni bilo nikoga da ga nemu dene. I svi sretni da si oko skopaš.
 I dok su si Glumci zagajbali prvu od mnoge počela je "drš-nedaj" utakmica zmed Vrapcov i Bebe pod budnum paskum tate Mire teri se, i ne baš skoro, vrnul z Baklavice. Upiraju jeni, upiraju drugi a ni Šana-Ku da napravi masakr v svem šestercu nek se Mime oko gola Bebe igraju kak v pesku. Ni niti Hrvoja da veli reč niti cele plejade malobunske legende i kibicov da jem  se zaiskri v oku posle sakoga napada Vrapcov. Dok prijespomenuti pačeniki "svoju krfcu su lili" Ribiči su se najprije smestili "na suvem zdencu" v rasporedu "povratak otpisanih" v stavu "žuti sokić si je pila" a posle su se dislocerali na tajno taktičko mesto znano i kak "zmed ljuljačke i klackalice". I da se več činilo da buju Bebe scukale (samo) bod Vrapcom misterijozni vođa još misterjozneše ekipe diže z jako jako duge klupe igrača BB. I taj rešava utakmicu ko od šale. Dejte si zamislite taj potencijal da si na terenu i na klupi jednak dobro igraju... Posle utakmice napad navijačic zagaranteran kak i kriza v Hrvacke v iduče sto let.
 Dok je Bubi probal rešiti nekave zaostatke za zapisničkem stolom z brega se na igrališče spustila divla horda z Cerovskoga Vrha, se prekaleni borci, a šprajceri su ostali na pol brega- viš, to ti je iskustvo. Sezonu tamburanja po Ribiče otpira "stanoviti" Malkič, inače totalno nepoznat strelec, v dolnem talu popisa strelcov. Z istum merum vrača SuperĐuro posle odigrane "tik-tak" a onda se potle tu našel i Kruno, da je bal nek jebal. Posle su se pribiležili v statistiku i Vinca i Dario, of prvi je vodil borbe titanov i gigantov z Bubijem- to se ni znalo do koga jaši v obrane i napadu a of drugi je ostal poznat po brzine. Taj je prije tu nek tam. Verujem da se igra kak v bilijaru da pobednik ostaja za stolom da su Plemenitaši bili kadri tuči se do proglašejna pobednikov, osim most Hojtne.
 Dok se sunce leno spuščalo za breg a "trnoružica" zmed Plemenitašov i Ribičev trajala Manekeni su se spustili skros dole na prvu crtu. Ni Tate Pevca, nega su skauti Gorice kibicali na Cerovskem i dali mu ugovor kaj se ne odbija, on je postal prvi golman kadetov, ali tu je novo lice z poternice i faca z placa. Sep celo leto ni * mrdnul a sad se v zajdnem kolu upriličil, i to kak golman. Kak bi to rekla Stefany Hohnjec; "Mario, pa, to je fantastično!". A to more značiti samo jeno a to je dvoje, da počmemo od trejtega; il k Sečnu otijti po autodizalicu il pripraviti jakše mužov z ščipum. Se je to v redu dok lopte idu vujnega, nijena ne prešla, more on i pružiti nogu levo-desno ali po zakonu verovatnosti prije ili posle mora opasti. Onda ide sudački time-out, priručna sredstva, pak profesionalna ali kak je selo zamrlo više ni ni ludi kaj bi znali digati. Da bu nesreča još vekša Barišičevi asfalteri su jedva pokrpali igrališče i breg kaj se zvezel i sad to tak opterečivati... Taman da je trebala utakmica početi čez celo su se igrališče prešetali Glumci z gajbum korupcije kak jumferica čez gasilanu na vatrogasne zabave. Mamič je samo šacal kulko. Onda je počela utakmica a žnum i fauli "gospođa majka". Kulko got Črni natukel golov Mamiču se klak ni spuščal a onda su mu se i ruke podigle, obodve, i ono kaj velečasni saki petek sluša na spovedi. Mene se čini da smo na ote utakmice videli da se golmani pohrvaju za loptu i službeni posednik je onaj kaj je vumentalno jakši a suci se delaju službeno mrtvi. Čem je otfučkan kraj totalna promena anticiklone, mam su si veseli, lepi, dobri, žejni...
 Počele su i pripreme za onu tere su se mnogi nadali, jen od derbijov dana. Ali najprvo Playmoj, pak jena za Crnekove vesti, za Vujnovičev breg, Mišov dnevnik, Đajinu panoramu... Tigriči su dopelali skoro najbole kaj more igrati na Opatije, samo se Ševa negde putem zgubil, valda bračne obaveze. Miši su se došmajhlali v novemi dresi, tzv. "zelembač luk". Inače dresi svetiju v kmice, imaju i baterije, solarne čotofelije, i osem kotačov, da čovek odnemogne, propelator, sidra, jedra i kumpletnu opremu za prasičkanje. Full, osim klime i kože. Došli su si selski drukeri, osim Crneka, on v Vlade pregovara z Putinom za cenu plina, a najjakši i najvekši od se i još k tomu i rodonačelnik klase se oglasil z priopčenjem prek svoje tajnice; "Nebi ni došel da neznam da budu prvi." Onda su se si med sobum pozdravili, kak da se još nisu videli, mislim, da je to još potrajalo bi i mešu služili. I onda je počelo; Miši trdi, Tigriči plivaju, pak Tigriči trdi a Miši plivaju i to bi tak trajalo do kraja utakmice da Pankiju ni više pukel, čir, i dregnul ga skoro z desnoga centra. Je je se negde čera natukel i kaštiguval- počeli su se Miši nekaj veseliti i z jene i druge strane crte a čem je Mika zdigel prst si su muknuli kak jeden. Kaj ti je pokora. Je negda jen rekel kak je Iva Bunec imal dobre kojne a drugi je mam nastavil;"Da ti znaš kulko su oni batin dobili...". Na spodoben način meče Mika i drugoga, i mam prst v zrak, nejde taj blizu gola. A onda peeeesmmmaaaaa....
 Da smo več pri pesme Bojsi su došli z svojum privatnum muzikum a posle pobede Mišev ova je postala revijalna ali i revijalna je utakmica. Utakmica za statistiku i najbologa strelca. I nega je bilo treba poslikati kak na safariju, kak da ga (još od) lani nisu videli. I to z rengenom. Več se videlo zmed Švabov i Manekenov da ni se gotovo i da ni baš bogzna kak dobro štampati lente napamet. Črni i Šiki su bili ponosni vlasniki 13 priznate i postignute golov, Alen i Šaki 14, Petko 16. I onda je Črni dregnul još 3. Da čovek se to zbroji čist lafko bi se dogodilo da mali Frajno mora v ranu odvečerku paliti hudu mašinu i leteti v štampariju po nove plakete, priznanice, odlikovajna, priznajna i lente. A Slavo, Mika i mali Brajko su baš navijali za tu opciju. I meče Alen dva, skoro i tri, ali, * ga, meče i Petko jenoga tak da je prepala "Teorija o kurblanju hude makine". A Obadi su gukali i zujali kulko su mogli i kulko su jem dali. Kak je to poprilike Mata rekel, "Da smo živi, da smo zdravi, do mora nek nas bavi".
 Dok je "Veče staraca Šilovine" pušilo sve cigare kak da su zabadof i palilo jenu na druge nijovi su puleni počeli podgrijavanje za težek ispit zvan Brazilke. Več je prije Slavo rekel da je videl da tu nigdo nemre puknuti dale od paprike a da bi on čem mu se pruži prilika mogel žmeknuti loptu do šume ili bar do one bajte na rubu horizonta, da ju poruša. A kad ono, "mali tič - veliki krič", jedva do gola, niti prek mreže. Mnogobrojne drukerice, navijačice i ostala tugujuča familija ni se mogla zdočkati da bu počela utakmica, il završila. Zavisi do bi kaj štel kak primarni cil... Širok šor, šumica, gotova je Ligica... Veli Sokol; "Ovo moraš snimati" i kaže na šlapu. Nikak mi ni jasno kaj je to tak bitno v šlape. Veli; "Utakmicu, ne šlapu. Šlapu si moram zažnerati..." Aaaaa, pokvareni putokazi. Mam na početku utakmice "Gospodične u žutom" su zamalo "rastavile na proste faktore" šilakovsku "devu", čovek se složil na asfaltu kak da bi ga na rogla z parme hitil. A da je ponos familije Horvačič, i Barbaričev, najvekše pojačajne Šilovine v zajdne dve lete, piknulo svoj jubilarni... (Ni ga još v statistike!?) gol jena potencijalna sneja i dva kibici su mam obetežali na žifce, i skočili v zrak. Neprimetno. V statistike se spomina nekakov službeni utovar od pol tuceta...
 Najte mi se baš preveč razočarati ak ste probali prves(la)ti naslov, to mi je još ostalo dok sem za popa išel.
Najte kaj zameriti.
Da pijem colu neznam kaj delam. I pišem.

-

Plasman MNLVG11. 2014.
1. Novo Brdo
2. Lijevi Štefanki
3. Šiljakovina
4. Kravarsko
5. Dubranec
6. Gornji Hruševec
7. Mala Buna
8. Kozjača
9. Velika Buna
10. Gornja Opatija
11. Cerovski Vrh
12. Opatija
13. Donji Hruševec
14. Hotnja
15. Pokupsko

 Najbolji golman 22:30
Stjepan Kordić- Žaja, Novo Brdo

 Najbolji strijelac 24:40
Ivica Petković- Petko, Lijevi Štefanki

 Najbolji igrač 25:35
Robert Zlodi- Šiki, Šiljakovina

 Najbolji domaćin
Gornji Hruševec

 Fair play
Velika Buna

 Najbolja šestorka Lige
Stjepan Kordić- Žaja, Novo Brdo
Hrvoje Kolarić- Hrc, Cerovski Vrh
Jakov Ištvanić, Mala Buna
Ivica Petković- Petko, Lijevi Štefanki
Ivan Zagorac- Špajo, Kravarsko
Robert Zlodi- Šiki, Šiljakovina
wwwg tablice

Offline kuntakinte

  • Jezerača
  • ******
  • Postova: 7221
  • ...besposleni internetski masturbator...
Odg: 11. MALONOGOMETNA LIGA VUKOMERIČKE GORIC 2014. – MNLVG 11.
« Odgovori #91 : Kolovoz 24, 2014, 09:38:37 prijepodne »
MNLVG11. Preview 3, 2014.08.22., Mala Buna
http://youtu.be/gVGwiOpJzOU
wwwg tablice