Autor Tema: Vicevi 1  (Posjeta: 234733 )

0 Članova i 1 Gost pregledava ovu temu.

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni, vidi) Vici 1 / Prečanka
« Odgovori #705 : Ožujak 25, 2019, 12:25:28 prijepodne »
- Sako se jutro stanem ob šest poradi gimnastike.
- Pa nes znal da se baviš (z) gimnastikum!?
- Pa ne ja, neg suseda prek puta (prečanska suseda).
« Zadnja izmjena: Ožujak 25, 2019, 12:31:38 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni, vidi) Vici 1 / Mamica; Recept; Mašča; V autobuso; Pošteni kradlivec
« Odgovori #706 : Travanj 13, 2019, 11:30:12 poslijepodne »
ZVONA, Mesečni list čakovečke žup,
Jurjevščak (traven, mali traven) 2019.

Šala mala

 Mamica
Pelala se mamica z taksijom i dok jo je dimo dopelal mamica ga pitala:
- Kuliko sam dužna za foringo?
- 100 kuni – otpovedal je šofer.
Mamica je zela z bukse 5o kuni i dala je šofero. A on veli:
- Mamica, nesam rekel 50, nego 100 kuni. A mamica mo je otpovedala:
- To je moj res, pak si se i ti pelal z menom!

Nikaj bez recepta
Dojde tat z maskom v apoteko i naredi:
- Dejte mi se peneze štere imate v kasi !
- More, ali sam ak imate recepta – otpovedala mo je apotekarka.

Mašča
Pita navučitelica Tončeka:
- Tonček, kaj ti misliš zakaj je mašča v mleki?
- Zato kaj ne škriple dok se krave dojijo!

V autobuso
Barica pripoveda svojoj nejbolšoj pajdašici Miriki:
- Fčera sam se pelala z autobusom v školo i šofer me je furt gledal kak da nemam karto…
- I kaj se je pripetilo?
- Nikaj. A ja sam jega gledala kak da jo imam…

Pošteni kradljivec
Pavlek zove policijo:
- Tu je Pavlek z Putjan. Pred dva dni sam vam prijavil da mi je nešči fkral bukso, a denes sam jo
našel.
- Prekesno. Kradljivec je več priznal!

Ne pozna ga
Mali Štefek se igra i onak usput zapita mamo:
- Mama, što je on čovek šteri sako noč prinas spi, vjutro spije dve šalice kave, nekaj mrgoče sebi v
brado i unda zgine?
A mama mo lepo otpove:
- Štefek, kaj što je, pak je to tvoj japa!

Citat:
NEKAJ ZA ČAS KRATITI
Nek hiti kamena što je brez grehov

       Več smo duže od mesec dni v korizmi de se prepravljamo za naš nejvekši katolički i krščanski svetek Vuzem. Korizma je vreme da si gruntamo o našemo živlejo, bar bi morali, vreme da moramo podvleči  crto pod svoje živleje i vreme da sredimo račune z dragim Božekom.
….
Se smo se dospomenuli. Nejpredi poravnamo račune z dragim Božekom, unda s familijom, sosedima i pajdašijom, a posle dojde na red šunka, hren, jejci i druge dobrote i finote. Srečnoga vam Vuzma želem i kaj bo naš dragi Božek i dale pazil na nas i kaj bo nam pomagal kaj bodemo čim meje pot zglajzali z pravoga pota šteroga nam je on pokazal.

Obširneše:
http://www.forumgorica.com/index.php?topic=356.msg56859;topicseen#msg56859

Zvir:
ZVONA, Mesečni list čakovečke žup,
Leto XXV, br. 4, traven leta 2019.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov   
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline kuntakinte

  • Jezerača
  • ******
  • Postova: 7353
  • Karma: +0/-0
  • ...besposleni internetski masturbator...
Odg: (Veni, vidi) Vici 1 / Mamica; Recept; Mašča; V autobuso; Pošteni kradlivec
« Odgovori #707 : Travanj 14, 2019, 09:56:42 poslijepodne »
- Mama, što je on čovek šteri sako noč prinas spi, vjutro spije dve šalice kave, nekaj mrgoče sebi v
brado i unda zgine?
Tak se Štefek jeno jutro zdigel raneše nek inače i v kujne najde nekakvoga stričeka z kosmatum ritjum kak nekaj pregrna po frižideru.
- Si ti most novi babysitter?
- A-a. Ja sem novi mother****er.
 ;)
wwwg tablice

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni, vidi) Vici 1 / Padobranec, v školi, Na sodo, Vreča, Gobe
« Odgovori #708 : Svibanj 19, 2019, 06:41:42 poslijepodne »
ZVONA, Mesečni list čakovečke žup,
ROŽNAK (FILIPOVŠČAK, SVIBEN) 2019.

Š a l a  m a l a

Padobranec
Opal je pabodranec na drevo, zahačil se za kito i visi. Do jega je došla soseda Marika i spituvle
ga kaj se mo je itak pripetilo:
- Kaj? Pak neje mi se otpral niti jeden padobran!
- Dečec, naj se nikaj čuditi, pak prinas ti je v nedelo ne nikaj otprto!!?

V školi
- I kak ti je v školi?
- Dobro, jako dobro. Se je vredo! Imamo fajno navučitelico, fajna je, ali je ne preveč
spametna!
- Kak to misliš?
- Pak furt nas nekaj spituvle!

Na sodo
- Kak se zovete?
- Ivek Ivkovič
- Da ste se rodili?
- 1971!
- Bračno stanje?
- Neje za zdržati!

Vreča
Trgovec zvoni pre potnaj vrataj i nudi Bariki vrečo za spati:
- Ne nucam! Za jeno takšo sam se več oženila.
Pepel
- Kaj vam je to nutri vu vazi? – zapita gost domačico.
- To vam je pepel od mojega moža!
- Ajoj, jako mi je žal!
- Fala Božeko kaj sam se bar nekomo premilila, mož steple pepela seposod de god ftegne!

Gobe[/b]
Tilčika bere glive, dojde Štefek pak joj veli:
- Soseda, najte to brati, to so vam otrovne gobe!
- Znuom, sosed, znuom, ne berem za sebe…, to bom prodala!

Citat:
NEKAJ ZA ČAS KRATITI

Kaj mobiteli delajo z nami?

Vuzem je minul hajdi fletno, a tak smo ga dugo čakali, tak smo se dugo prepravljali za jega, a mam po Vuzmu so počele prve Pričesti i Ferme. Znate da je ne mali svetek pre hiži dok imate doma prvopričesnika ili pak fermanika. Istina Božek da se čuda bole prepravlamo de bode fešta posle meše nek za mešo, ali kaj moremo ak smo takši. Kaj bodo sosedi ili pak ovi na Fesbuko rekli ak bodemo na obedo meli meje od dvajsti – tridesti ljudi i ak se bodemo rezišli predi večerje, očem reči, brez večerje. Se je jako važno jerbo znate kak je to hudo ak dojdete na hudi glas. Kak bilo da bilo dobro je i lepo kaj deca hodajo v cirkvo, na veronauk, na Pričest, Fermo, tak se zna i vidi da dragi Božek stanuvle pre naši hiži.

Nastavek:
http://www.forumgorica.com/index.php?topic=356.msg56884#msg56884

Zvir:
ZVONA, Mesečni list čakovečke žup,
Leto XXV, br.5, sviben 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov

« Zadnja izmjena: Svibanj 19, 2019, 06:51:09 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline kuntakinte

  • Jezerača
  • ******
  • Postova: 7353
  • Karma: +0/-0
  • ...besposleni internetski masturbator...
Odg: (Veni, vidi) Vici 1 / Padobranec, v školi, Na sodo, Vreča, Gobe
« Odgovori #709 : Svibanj 20, 2019, 09:34:35 poslijepodne »
Opal je pabodranec na drevo, zahačil se za kito i visi. Do jega je došla soseda Marika i spituvle

Ideju šporcki padobranci prvi put skakat z avijona a mednemi jen kaj muca. Veli jem `štruktor;
- Nabrojite do deset, kak smo vučili, povlečete ručku i padobran se otpre, a dale po knige. Jel to jasno?
- Je!
- J-j-j-j-j-e...
I skočiju si padobranci, sem se padobrani otpreju samo onomu kaj muca ne. On se Bare, pri mlake, zapiknul v krumper do pasa, kak bajuneta. Noriju vatrogasci, vozi milicija, hitna zavija kak čagli ob pol četere vjutro. Da su si došli do nesrečnoga padobranca on jem je nekaj štel povedati;
- Š-š-š-š-š-š-š-š-e-e-e-st...
wwwg tablice

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni, vidi) Vici 1 / Zajam _Truba _V krčmi _Zaostali so _Ribički
« Odgovori #710 : Lipanj 16, 2019, 11:45:53 prijepodne »
ZVONA, Mesečni list čakovečke žup,
IVANŠČAK (KLASEN, ROŽENCVET, LIPEN, LIPANJ) 2019.

  Š a l a  m a l a

Zajam
Štacunar pita gospođu:
- Gospođo, najbrž ste donesli zadjo rato za dečji beciklin?
- Je, kak vi se znate!
- A, je dečec kaj zrasel?
- Je, je, fčera se je oženil.

Truba
Đurđa se je dopelala k automehaničaro i pita.
- Morete mi namonterati glasnešo trubo?
- A zakaj nucate glasnešo?
- Probajte razmeti, pak brenze mi ne delajo!

V krčmi
Štef za zadjim stolom srdito pozove konobara:
- Konobar!
- Prosim lepo!
- Zakaj ste mi na računo kcoj deli i datuma?
- Pak, znate, da je vreme penez!

Zaostali so
Gastarbajter Tonček je došel dimo na urlab i Franc je bil najgerek:
- Kaj je novoga privas v Dojčlando?
- Oni so nejmeje deset let za nami!
- Kak to misliš?
- Pak još navek se imajo!

Ribički
Inšpektor za ribičiju zapita Drageca šteri lovi na Dravi:
- Imate dozvolo za ribičijo?
- A, kaj bom žnjom?
- Kak to mislite?
- Pak, ribe ionak ne znajo čitati…

Citat:
NEKAJ ZA ČAS KRATITI

Proščeje je cirkveni svetek

Neso več niti proščeja kaj so negda bila, rekel bi moj dugoletni pajdaš, profesor Kapun. Negda je Čakovec bil nejvekša fara ne sam v Međimorjo nek i v celoj Zagrebečkoj nadbiskupiji i zato je mel proščeje dva dni. Odnaveke se je znalo da se Prcinkulovo obslužavle dva dni.
***
Se razmem, i proščeja i svetkuvanja, ali tre iti na proščeje črez cirkvo, a ne mimo cirkve. Ak za se imamo cajta unda moramo meti i za Božeka. Tre paziti kaj nas dragi Božek i Sveti Tonček ne bodo na red pobirali.

Nastavek:
http://www.forumgorica.com/index.php?topic=356.msg56903#msg56903

Zvir:
ZVONA, Mesečni list čakovečke žup,
Leto XXV, br.6, lipen 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov
« Zadnja izmjena: Lipanj 16, 2019, 11:52:37 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni, vidi) vici 1 / Prazna kupica; Kaj se more ak je tak; Kak stvorjeni..
« Odgovori #711 : Listopad 06, 2019, 10:31:42 poslijepodne »
ZVONA, Mesečni list čakovečke žup,
MALOMEŠNJAK (RUJEN, JESENŠČAK, RUJAN) 2019.

Š a l a  m a l a

PRAZNA KUPICA
- Vidim da imaš prazno kupico. Bodeš još jeno?
- I kaj unda nek napravim z dve prazne kupice?

KAJ SE MORE AK JE TAK?
Štefek pita pajdaša:
- Kaj ti misliš o debelim ljudima?
- Kak to misliš?
- Živijo ono duže ili krajše od ovih šlank?
- Živijo krajše, ali pojejo čuda vejč...

KAK STVORJENI
Francek je na spominku za posel:
- Za posel nočnoga pazitela sam kak stvorjeni...
- Kaj si z tem štel reči?
- Pak zbudim se na saki i nejmenši šum!

BILO JE LEPO DOK JE TRAJALO
Na Zavodo za zapošljavanje pitajo Tončeka:
- Kaj ste i gde do ve delali?
- Delal sam pol leta v hotelo. Pral sam posodo i kupice!
- A, posle?
- Posle je pomalem tajerov i kupici bilo se meje dok so se ne zdošle!

RECEPT
Dragec se je potožil pajdašo:
- Kaj nek napravim, žena mi ima probleme?
- Pak kakše?
- Zgubila je glasa.
- Pak to čistam lefko rešiš!.
- Pak kak?
- Dojdi jempot dimo posle pol noči pod gasom...

JAPEK
Kapetan pregledavle četo mladih vojnikov. Dok je došel do kraja vrste reče zadjemo:
- Kakše si vole denes, sinek?
-Tatek!
- Prosim!
- Mama te več dvajsti let išče, a ja sam te tu našel!

Citat:
NEKAJ ZA ČAS KRATITI

Dej ti Božek doživeti moja leta...

Odišel je naš pajdaš z šterim smo se na letali hecali, pajdašili da god je bilo cajta, odišel je naš profesor Vladek Kapun. Dogorela je jegova životna sveča, očem reči, Božek ga je pozval k sebi na račun. Se smo o jemo čuli ove dneve, kak ono kaj smo znali tak i ono kaj smo ne znali.
…………………….
Furt mi se po glavi mota jegova vječna rođendanska čestitka: „Dej ti Božek doživeti moja leta, a meni kaj ti to bodem čestital...!“

Nastavek:
http://www.forumgorica.com/index.php?topic=356.msg57028#msg57028

Zvir:
ZVONA, Mesečni list čakovečke žup,
Leto XXV, br.9, rujen 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov

« Zadnja izmjena: Listopad 06, 2019, 10:36:14 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni, vidi) vici 1 / Škotska; Bik Tusti pita kravo Liso; Zna kaj mo je;
« Odgovori #712 : Listopad 13, 2019, 04:07:33 poslijepodne »
Š a l a  m a l a

Škotska

Škot veli svoji betežni ženi:
- Idem v apoteko po vračtvo za tebe, dojdem črez dve vure.
- A kaj ak ja predi hmerjem?
- Nebuš tak fletno.
- A kaj ak ipak hmerjem?
- Unda vgasi svetlo!



V štali
Bik Tusti pita kravo Liso:
- Čuj, a kaj je z našom Šekom?
- A kaj bi bilo?
- Brzčas je betežna, saki den je se bole mršava?
- Ne, neje.
- A, kaj pak je unda?
- Drži djeto, prepravlja se za mis čakoski trati...

Zna kaj mo je
Konobarica Julika prepoveda pajdašici Štefici:
- Vidiš onoga tožnoga gospona za tretjim stolom?
- Vidim, a kaj mo je?
- Bukso je zgubil.
- Kak znaš?
- Ja sam jo našla....

Halo, policija
- Halo, halo, odma dojdite! V stano Novakovih je maček!
- Ali to je policiska stanica!
- Vredo, vas sam i zval, dojdite mam!
- Ali zbog mačka nebomo dohajali. A što to zove?
- Novakov papagaj....

Na sodo
Sodec spituvle lopova:
- Je li ste bili da osuđeni?
- Jesam, ali jako zdavnja.
- Pak da je to bilo?
- Pred dvajsti let.
- To je zaprav bio zdavnja. A kaj ste do ve delali?
- Sedel sam...

Nigdi nebreš biti siguren
- Sosed, kam itak idete tak svetešje oblečeni?
- Idem na sprevod, cimermana, šteri nam je hižo prekrival je povozil auto.
- Na kaj smo došli, denes čovek niti na krovo nebre biti siguren od teh autov!

Deca se igrajo
Na plaži upita gospon Drageca:
- Brez zamere prosim, je li je ono tam vaš sinek?
- A šteri?
- On, šteri hiče peska v moj škrlak.
- Ne, to vam je ne moj sinek. Moj vam je on drugi, šteri sprobavle je li vaš radio igra pod vodom!

Citat:
NEKAJ ZA ČAS KRATITI

Sveti Jeronim Štrigoski

Nekaj si gruntam da si je sveti Jeronim sam zbiral de se bode narodil najbrž si ne bi zebral ovoga našega “falačka zemle med dvemi vodami“ šteroga zovemo Međimorje. Najme kaj, ve da se je zazvedilo i da knige pišejo kak se je svet Jeronim pravzaprav narodil v našoj Štrigovi, štero so unda stari Rimljani zvali Stridon, ve smo mi Međimorci još ne sigurni, još se okrajamo, da se je to najbrž ipak prinas pripetilo. Odnegda so nam još pripovedali kak se je sveti Jeronim narodil v Stridono šteroga so rezrušili Goti, a te Stridon je bil smešteni na meji izmeđo Dalmacije i Panonije. To je sam sveti Jeronim napisal o svojemo rodnomo mesti.

Nastavek:
http://www.forumgorica.com/index.php?topic=356.msg57030#msg57030

Zvir:
ZVONA, Mesečni list čakovečke žup,
Leto XXV, br.10, LISTOPAD 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov
« Zadnja izmjena: Listopad 13, 2019, 04:17:21 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni, vidi) vici 1 / Halo, policija; Nočni ftič; Lenčina; Pokora; Pekel
« Odgovori #713 : Prosinac 31, 2019, 12:35:23 prijepodne »
ZVONA, Mesečni list čakovečke žup,
VSESVETČAK (VETERNJAK, ZIMŠČAK, STUDENI) 2019.

Š a l a  m a l a

Halo, policija

- Halo, halo, sam dobila policijo?
- Dobili ste, gospođo, rečite kaj nucate!
- Gospon policaj, pomorite mi, ne znam kaj naprajti.
- Kaj se je pripetilo?
- Moj Štef vam je odišel pre tri dni po kalampera i još ga ne dimo. Kaj nek napravim?
- Gospođo, pak skuhajte nekaj drugo za obed

Nočni ftič

- Minulo noč mi je sosed zvonil v štiri vure. Norc jeden, nema nikšo pamet. Tak me je splašil kaj mi je skorom bušilica pala z rok.



Lenčina

Na boks mečo sodec odbrojavle boksačo v ringo da se javila stareša žena z prvoga reda v publiki:
 - Zabdav brojiš, te se ti ne bode stal, znam ti ja jega z tramvaja!

Pokora

Dojde žena dimo i več z vrat kriči:
- Dragi, kupila sam ti čevape kaj se opravdam kaj sam ti štrajfala auta!
- Kaj si naprajla?
- Kupila sam ti čevape!

Telefonski spominek

- Halo, Štef, gde si?
- Tu sam v peklo!
- Dok ti vrag zaspi dojdi prek pota k Juliki na gemišt!

Mokri spominek

Jura: Štef, si ti da pil hudo vino, tuduma?
Štef: Znaš da jesam!
Jura: I kakše je bilo?
Štef: Kaj kakše, pak dobro!!

Kak se zeme

Dragec pita pajdaša:
- Dohaja ti punica v posjeto čuda pot?
- Opče ne dohaja!
- Kak si ti srečen čovek.
- Zakaj sam srečen? Pak stanuvle z nami….

Žene so glavne

Dojde Tonča k direktoro na spominek:
- Moja žena misli, da bi ja moral meti vekšo plačo…
- Bomo vidli, dojdi zutra.
- Zakaj zutra?
- Bodem odvečer pital svojo ženo…

Citat:
NEKAJ ZA ČAS KRATITI

Sveti Tinček gorični

Čim se spomene sveti Tinček (čitaj: Martin) i jegovo godovno mam se si spominajo de bodo ga preslavili, z kim i kak, a nišči ne pita kaj bi se išlo vu Sveti Martin, Podturen ili pak Sombotelj de je sveti Tinček župni patron. Nekak se si spominamo de bodemo preslavili godovno toga našega nejvekšega sveca, očem reči, v čijim se to bode goricaj pripetilo, što bode krstil mošta, što bode dinstal zelje, pekel čurke, kuhal bonceke, a što bode mlado vino nosil na stol. Najbrž si mi znamo mi Međimorci, a posebno ovi naši z brežnoga Međimorja, otkak so kuruzo prestali sejati i kalampera saditi, a mesto toga so posadili trsje, nejbole poštuvlejo dva svece, a to so sveti Vinci januarski da počne delo v goricaj i svetoga Tinčeka da se most krsti i posle toga se mesto zmazanoga kalnoga nezerenoša i rotorana mošteka počne piti čisto, fino, zdravo i spametno vino. Ne moram vam niti govoriti kak mi Međimorci ipak bole poštuvlemo svetoga Tinčeka jerbo unda so si posli šteri se delajo vezani za pune lagve v pelnici i pune stole v kleti dok sveti Vinci bole vleče na gorične škarje, motike, rasuhe, tačke, šprice i se drugo kaj se posla dotikavle.

Nastavek:
http://www.forumgorica.com/index.php?topic=356.msg57041#msg57041

Zvir:
ZVONA, Mesečni list čakovečke žup,
Leto XXV, br.11, STUDENI 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov[/
« Zadnja izmjena: Prosinac 31, 2019, 12:47:55 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Sledgehammer

  • Jezerača
  • ******
  • Postova: 5156
  • Karma: +4/-3
  • Spol: Muški
  • oʞɐdoɐu šɐq ɯɐs sɐuɐp
Odg: Vicevi 1
« Odgovori #714 : Siječanj 15, 2020, 04:04:02 poslijepodne »
Kako se na latinskom veli "prostitutka"?

Persona non gratis.
“Ja sam samo pas. I nemam svoj dom. A nemam ni glas. Ti mi moraš reći i ime i gdje ću naći svoju sreću kad zapuše bura ili padnu kiše. Ja sam samo pas. Pogledaj mi oči, dodirni me nježno, budi sve što trebam. Moj čovjek. Moj spas.”

Offline kuntakinte

  • Jezerača
  • ******
  • Postova: 7353
  • Karma: +0/-0
  • ...besposleni internetski masturbator...
Odg: Vicovi; koronašica
« Odgovori #715 : Travanj 04, 2020, 10:14:09 poslijepodne »
Našo Mujo žensku i šta će, kud će, u park.
Veli njemu ženska;
- Ja sam ti, bolan, koronašica.
- Mašala, e, neka si! Koronašice još nisam imo, ajd da i to probamo... Bona, ako je dobra * ne gledam ti ja na vjeru i naciju.
wwwg tablice

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni, vidi) vici 1: Meso je nejglavneše / Spametna ženidba / Teški posel..
« Odgovori #716 : Svibanj 02, 2020, 04:28:03 poslijepodne »
ZVONA, Mesečni list čakovečke žup,
VELIKOBOŽIČNJAK (GRUDEN, DVANAJSTNIK, PROSINEC) 2019.
 
Š a l a  m a l a

Meso je nejglavneše
Dva pajdaši z istoga razreda se spominajo:
-   Mi saki den imamo doma meso
-   Nej lagati, meso je predrago kaj bi si vi to mogli privoščiti?
-   Imamo, imamo! Šest dni je v škriji, a sedmi den na stolo!

Spametna ženidba
Pajdaši so se dugo ne vidli pak se spominajo:
-   Čujem da si oženil Kineskinjo, pak zakaj?
-   Pak kaj bodem mel Božjega mira!
-   Nekak te ne razmem?
-   I sam znaš kak je dauko moja punica!

Teški posel
Dojde Štef k doktoro:
-   Gospon doktor pomorite, saki den zaspim na poslo…
-   A de delate?
-   V gracki klaonici
-   Zadremlete izmeđo klanja?
-   Ne, doktore! Moj posel je kaj brojim birke!

Maher Ivek
V štacuno na kasi so resrdili soseda Iveka:
-   Kaj ste nigdar ne vidli papernate peneze od 70 kuni?
-   Ne, još nigdar!
-   A kak unda znate da so ne pravi?

Tinček ofera
Tinček ofera lepoj sosedi Bariki:
-   Barika, ti si sonce štero greje moje srčeko, brez tebe bi moje živleje bilo prazno i kmično…
-   Dragi Tinček, nek to zemem kak tvoje oferanje, da me imaš rad ili pak kak vremensko prognozo???

V brijačnici pre Juri
-   Počim je rezanje lasi?
-   40 kuni!
-   A podbrivanje?
-   30 kuni!
-   Vredo, unda mi podbrij celo glavo!

Doktor Baltazar
-   Gospon doktor, ja vam tak glasno hrčem kaj se od toga zbudim. Pomorite, kaj nek stvorim?
-   Kaj? Pak odidite spat v drugo hižo!

Policijska
Policajec je zastavil kamijona teretnjaka:
-   Več tretji pot of tjeden vas zastavljam kaj vam povem da resteplete po cesti ono kaj vozite na prikolici!!!
Citat:
NEKAJ ZA ČAS KRATITI

Isusek ranjka, otprite mo vrata
                                                                                                                               
     Nebrem veruvati da je več tuliko let minulo otkak imamo svojo Varaždinsko biškupijo. Več so 22 leti minule otkak je ve več blagopokojni sluga Božekov, a unda naš nadbiškup i kardinal Francek Kuharičov podelil veliko Zagrebečko nadbiškupiju na čuda menših biškupija tak da smo i mi dobili svojo skupa z Varaždincima, Zagorcima i Podravcima. Znamo da je prvi naš i varaždinski biškup bil monsinjor Marko Culej, ali je jega naš dragi Božek pozval k sebi na račun pred devet let i posle jega je biškupskoga ščapa v roke zel monsinjor Jožek Mrzljakov. Dvanajst let je biškup Jožek vodil našo biškupijo po bregima i grabama, po sim nevolama štere so bile pre njom i morem vam reči da se je jako dobro znašel vu tem poslo. Ve da mo je nejbole išlo, ve dok je se te biškupske posle delal, kak se to veli z malim prstom, ve mo je pozvonila životna vura  i moral se je zafaliti.

Nastavek:
http://www.forumgorica.com/index.php?topic=356.msg57068#msg57068

Zvir:
ZVONA, Mesečni list čakovečke žup,
Leto XXV, br.12, prosinec 2019. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov

« Zadnja izmjena: Svibanj 02, 2020, 04:32:15 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni,vidi) vici 1: Ribička/Pomlađivanje/Nejo je razmel/Odišel k vrago/Obed
« Odgovori #717 : Svibanj 02, 2020, 04:38:41 poslijepodne »
ZVONA, Mesečni list čakovečke žup,
SVEČEN (VELJAK, SVIČAN, VELJAČA) 2020.
 
Š a l a  m a l a

Ribička
Ribički inšpektor pita Štefa šteri lovi ribe na Dravi:
-   Gospon Štef,  imate vi dozvolo za ribičijo?
-   Kaj bom žnjom?
-   Kak to mislite?
-   Pak ribe ionak ne znajo čitati…

Pomlađivanje
Stareša gospođa je došla kozmetičarki i reče:
-   Štela bi nekšo fino kremo za lice kaj mi pokrije staračke bore.
-   Imam vam tu jeno štera bi vas pomladila nejmeje dvajsti let.
-   Takšo nečem!
-   A zakaj ne?
-   Kaj mi nej zeli penzijo!

Nejo je razmel
Sodec spituvle moža čija se je žena vtopila:
-   Nekaj sejeno nikak ne razmem
-   A kaj?
-   Zakaj ste ne pomogli ženi dok je kričala dok se je ftopljala?
-   Nesam znal da se ftaplja.
-   Kak ste ne znali?
-   Pak kričala je isto kak i doma!

Odišel k vrago
Dragec je došel k advokato, a of ga je zapital:
-   Ste vi iskali od svojega dužnika nek vam vrne peneze?
-   Jesam!
-   I kaj vam je rekel?
-   Nek idem k vrago!
-   A, kaj ste vi naprajli?
-   Došel sam k vam!

Obed
Jednoga dneva si je mož pre ženi naručil obeda za drugi den:
-   Draga ženice, prosil bi te kaj mi zutra za obed prepraviš nekaj kaj sam nigdar ne mel
-   Vredo dragi, morem ti nekaj predložiti?
-   Prosim lepo
-   Priprajla bom ti možđane!

Se za lov
Joža pita štacunarko v robni hiži:
-   Prosim lepo de bi mogel dobiti se kaj nucam za lov?
-   Morete tu prinas.
-   Kak to mislite?
-   Puške i metke morete dobiti na drugomo kato, opravo na prvomo, a divljač v prizemljo!

V restorano
Konobar pita gosta:
-   Je šniclin bil vredo?
-   Kaj se dotikavle moje struke bil je super!

Citat:
NEKAJ ZA ČAS KRATITI

Zakaj navek zbiramo črlene?

     Minuloga Božiča so nam zeli političari, očem reči, nesmo za božične svetke meli nikšega mira jerbo smo dva pot morali iti glase davat. Još je Došašče niti ne došlo do svojega kraja, još je niti mali Isusek ne došel v naše hiže, a mi smo morali iti zbirat precednico, a kak smo to ne naprajli kak treba morali smo mam po novi leti, za Tri kralje, iti još jempot. I kaj smo naprajli? Pak smo zahuzali, kak je rekla moja teca, pak smo mesto precednice zebrali precednika, mesto Kolinde, dofčerašje precednice, smo zebrali Zokija Milanoviča, šteri bode cugle državne vlasti vu svoje roke prijel črez par dni. Kaj se dotikavle hodanja glasi davat i zbiranja precednice oliti precednika moram vam reči da smo pak zahuzali jerbo smo ne zebrali onak kak nam Božek zapoveda. Zakaj tak velim? Pak zato kaj smo se mi Međimorci zadji pot dok so nas brojili i popišuvali izjasnili da smo katoliki i da verjemo v Božeka i da verjemo kak Božek postoji i da je on stvoril sveta i da još navek ravna z svetom i takših nas je bilo prek osemdeset procentov, a ve dok smo hodali glase davat i to v božično vreme ve je prek osemdeset procentov nas Čakovčancov i Međimorcov počrlenelo i svojega glasa dalo partijco Zokijo Milanovičo, šteri se več na leta fali kak Božek ne postoji, kak so ljudi postali od majmuna i kak se kaj se čoveka dotikavle mine čim čovek hmerje.

Nastavek:
http://www.forumgorica.com/index.php?topic=356.msg57070#msg57070

Zvir:
ZVONA, Mesečni list čakovečke žup,
Leto XXVI, br.2, veljača 2020. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov
« Zadnja izmjena: Svibanj 02, 2020, 04:40:38 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4040
  • Karma: +0/-0
Odg: (Veni, vidi) Vici 1: Spominek/Jabuka/Gazda/Taksi/Buksa/Raka
« Odgovori #718 : Svibanj 02, 2020, 04:44:42 poslijepodne »
ZVONA, Mesečni list čakovečke žup,
SUŠEC (GREGURJEVŠČAK, PROTULETNJAK, OŽUJEK) 2020.

Š a l a  m a l a

Ribička
Mož se je vrnul z ribičije i vidi da ga žena nekak čudno gledi i na smeh se drži:
-   Kaj me tak čudno glediš?
-   Soseda Štefa mi je rekla da te je vidla v ribarnici!
-   I kaj ti je to čudno? Pak prijel sam tak čuda ribi kaj sam nekaj i jim prodal…

Spominek
Dva težaki se spominajo:
-   Jura, kak biti opisal našega šefa?
-   Ne bi ti znal reči, Štefo!
-   Šef je čovek šteri kesni na posel dok ja dojdem na vreme i šteri dojde na vreme dok ja zakesnim!

Jabuka
Velečasni na vjeronauku upita Tinčeka:
-   Zakaj so Adam i Eva na smeli jesti jabuke z dreva spoznaje?
-   Pak valjda so jabuke bile pošpricane…

Gazda     
V naši hiži sam ja gazda i se kaj nucam mi žena donese. Napriliko ako očem toplo vodo žena mi je mam donese.
-   A kaj boš z toplom vodom?
-   Pak nebom valjda v mrzli vodi pral posodo…?

Taksi
Pijanec je pozval taksija kaj ga otpela v hotel. Dok so se pelali taksist je spazil da se pijane slači:
-   Pomalem gospon, najte se slačiti, još smo ne v hotelo.
-   A, tak? To ste mi trebali predi reči jerbo sam ostavil šolce pred vratima!

Buksa
-   Štef me ima tak rad kaj več deset let nosi mojo sliko v buksi – pofalila se Barika.
-   A zakaj se unda ne oženiš za jega?
-   Jer osim slike nema nikaj drugo v buksi!

Raka
Markijo je hmrla žena. Dok je ženi spunjaval zadnjo željo prosil je v pogrebnom poduzečo:
-   Prosim vas rako od stakla.
-   A zakaj od stakla?
-   Moja žena je jako rado gledal črez oblok…

Citat:
NEKAJ ZA ČAS KRATITI

Božek, dej mi strpleja, ali mam!

     Da bi mi bogoboječi ljudi šteri delamo stisko v cirkvi, očem reči hodamo v cirkvo i verjemo da Božek postoji meli tuliko strpleja za našega Božeka kak imamo z kockarnicama, oče reči, automat klubima Božek bi nas jako rad mel. Ali ne, v cirkvi smo čistam drugačeši. Dok nekaj nucamo od Božeka, dojdemo dva – tri pot k meši, zmolimo pet – šest očenašov i čakamo kaj nam Božek pomore ono kaj smo ga prosili. I ak se to ne pripeti mam smo nervozni, srdimo se na Božeka i vlečemo zvezde z neba i namečemo Božeko čuda sega sam ne nikaj dobroga i lepoga. Što bi rekel da smo mi takši, v kockarnici igramo, davlemo peneze i čakamo, kak tovari kaj trava zraste, i nejveč pot to niti ne dočakamo, ali zato v cirkvi i pre Božeko se mora biti mam ak oče kaj nas bode i dale viđuval v cirkvi. Kak da mi v cirkvo hodamo radi jega, a ne radi sebe.  Znate ono staro pučko izreko:
- dej mi Božek strplenja, ali mam!

Nastavek:
http://www.forumgorica.com/index.php?topic=356.msg57072#msg57072

Zvir:
ZVONA, Mesečni list čakovečke žup,
Leto XXVI, br.3, ožujek 2020. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov
« Zadnja izmjena: Svibanj 02, 2020, 04:46:33 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549