Autor Tema: 12. MALONOGOMETNA LIGA VUKOMERIČKE GORIC 2015. – MNLVG 12.  (Posjeta: 24401 )

0 Članova i 1 Gost pregledava ovu temu.

Offline kuntakinte

  • Jezerača
  • ******
  • Postova: 7273
  • Karma: +0/-0
  • ...besposleni internetski masturbator...
Odg: 12. MALONOGOMETNA LIGA VUKOMERIČKE GORIC 2015. – MNLVG 12.
« Odgovori #60 : Kolovoz 15, 2015, 12:22:08 poslijepodne »
Pajute v megle
 Veli; Novi način života otuđio je ljude jedne od drugih, a samim time u zaborav su počele padati i zabave, ali i turniri kojih je u prijašnjim vremenima tijekom ljeta bilo na desetke (danas ih se može izbrojiti na prste jedne ruke, op.a). Ja bi dodal na popis i raritet prošle vremen pod nazivom Vatrogasne zabave, povezene z pojmom "vatrogasna kava, kotlovina i kobasi" - ne/matrijalna kulturna baština. Kaj se pak turnerov dotikavle vevo imamo orginal novine z `88 kaj pripovedaju o heklanju pri Parikožare i širše;
 "Haklerski Grand slam turniri
   /Park, De Monte... Summertime 1988./
...Titule NAJ priljepljene su slijedećim ekipama i pojednicima -
najpijanija ekipa, prve brade turnira, najhladnokrvniji pojedinac, najklempaviji igrač, najčupaviji, mister promašaj, najljepše noge turnira, prva škemba, najtemperamentniji igrač, najbolji taktičari, primi uvijek više od protivnika, najbolji golman, najdrinker, najbolji igrač turnira... naj(ne)ugodnije iznenađenje turnira, najbolji igrač, najbolji strijelac, "mali vlahov" za najljepše noge, "najtekma za dušu", najbolji šuter iz daljine, najbolje dotjerana ekipa,

...Malen si, uzak i trošan, al` nas još uvijek nosiš, čamče na Kupi
 The Legend SEX KUBURE niski krasnih rezultata ove godine pridodale su i drugo mjesto (dvije gajbe ožujskog) na tradicionalnom hakl turniru kojeg organizira CO SSO POKUPSKO u suradnji sa RVG-om.

..."GALA `88." /Treći ovogodišnji Grand slam/

http://mraclin.hr/kosa-br-5/ "

 Bila je to doba dok je najpopularneša bertija na Gorice bila Gala na kolodvoru. Se sečate Gale? Kaj, *, se opče sečate kolodvora? Dok su se prijespomenuti hakleri švicali i ladili nekteri od nas su se nastojali zahaklati v Bakaričevu školu, tera je pred tero leto napravlena ali ne i zgotovlena. Taman su tu negde i završili dvoranu tak da se na fizički ne mora iti z tekum i šlapa a govorilo se (gledi čudes, kak i des!) da se još bu i bazen delal. Najpopularneja flizura je bila "fudbalerka" ala Mladen Bodalec, najpopularneje mesto v škole "pušiona", nutre su još navek se pipe delale a vane su si cigli i ploče bile na svem mestu skup z bistum VB. Slušala se Čorba, Đavoli, Pušenje, Jabuka,... pušila "stoša". A, de ste vi bili `88.-e?
 Da vas na Cerovskem dočka Trg Marice Hrdalo i ulice Grete Gabor i Maslenka Masleše pune avutov znate da se nekaj ozbilno događa a "nit su snjezi nit su labudovi" a bome nit je "fešte od mora i ribe" (oseti se malo na ribu ak se par dan ne pereš, i na sir, šleputke..). Mislili smo da se posle epizode "1 suncobran na Pokoskem" slična serija nemre dogoditi, i bili smo v pravu, 1/1, 100%. Ova se zvala "0 suncobranov na Cerovskem". A zvezda pripeče... Sa sreča kaj nigdo ni okleštril onu živicu kaj od čardaka oče nekam na igrališče tak da se narod kak divli bicko more zaletavati vujnu i podnju. Da se nebi bilo tak črno bumo rekli da je stolov i klupi bilo na hitajne, tulko je još na Lige nismo videli. Neznam do se zajnemi plakal ali tu su. Trava je mnoge znenadila, izdajnički je otkrivala da je stanovita briga ojne vođena, očekivali su da je ne videti, nit za lek. A tek prašina... Neznaš kam bi ju zapisal, jel pod stepsku il savansku. Za sakem prelaskom igrača vuz očaranu publiku zajnem se širil Brut, "Pokošeno seno". Se sečate Bruta, ne? Najvekši neprijatel mu je bil Pino Silvestre, "Borova šumica" (ne od Ivane Banfić), a najvekši prijateli rubača z merlini, črne lače i naglancane "špičoke", nekaj zmed "Pajo Patak i Čačak". To se i sad nosi, evergreen. Prve dame mam da su došle napravile su svoj "pičvajz korner" i nikoga od muške nisu pustile nutre da jem ne kvari osobni doživlaj nogometa. (Ker Janez to dela z občutkom...) Obično da ludem daš da si sami nacrtaju igrališče oni to naprave tak da potroše mejne vapna a to kaj je za širinu gola preusko nikoga ni briga. Za vertikale je dobro, za paralele i duple cucke kak se zeme.
 Prvi, ma, kaj prvi, prije prve su na lice mesta došli Tigriči v raznobojnemi belemi dresi, da se nebi mešali z črlenemi ot Balerin, iako to (jenomu) Iveku ni smetalo na zagrijavanju od pol vure z mrskemi protivniki. Još jen više-mejne oportuni banalni razlog je kaj su Šilakovci imali loptu a Tigriči su samo mogli zamišlati, kak Sandi Cenov, da ju imaju, tam negde na Opatije. I još drugi isti takov razlog, Šika se zagrijavala vuz živicu a Tigriči na "mesečine". Da se nebi ostalo na tem "trener se trenerov", teri je i odgovoren za ovakov briljanten, il biseren, rezultat, je sejeno došel v - črlenem. Navodno je svega beloga zgubil na Bune (pošteni nalazniki najdete se na šanku) iako ja mislim da ga je prodal. Za šumu je dober. Balerine su ovu utakmicu doživele kak "biti il ne biti"; `Ožek je dobil svoju priliku, novi igrači se sprobavaju, 4 (!!!) selektori kurtešuju vuz aut liniju. E, viš, to zna biti za*ano, kak je to naš `Ožek osetil. (A zato kaj ga je del v igru Mrki ne osetil kak ga Lučani * na suvo :) ) Jen ga šele levo, drugi desno, trejti v napad a četri ga vadi van, se v istu dobu - i sad ti igraj. Dobro kaj ni Buša došel personalno nek je samo poslal sve izaslanike jel bi jem se on još masti navadil bar za kotel 80 litri. Več se sa sila sveta počela jatiti oko igrališča da je Mamič došel v svem reprezentativnem autu z svem telopojiteljem. Iako su Šaki i Pota kolo vodili kaj se golov dotikavle Duba se nažifceral da ga/je je prebila Šika kak topli nož maslo. Posle utakmice su se počele otprati gajbe kak kinder jajca v vrtiču, ni se znalo do pije do plača. Ma, dobro, se se znalo. Posle su sledile playboy poze po trave i gajbami, dekontaminacija gač od mravcov...
 Po dobrem starem običaju Jole se pomalo šmajhlal prema šanku okolo-poprek. Pri jene je utakmice zvan igrališča, na deruge prejde lesu, na trejte je iza gola i dok si rekel kotlokrpina a mesec se nagleda iza oblakov eto nega na šanku. Si znamo da je najvažneje ostaviti dojam i uspostaviti kontakt, čak i z protivnikom. Kaj se po tem pitajnu dogaja na igrališči nikak ni bilo jasno Čirole kaj se z kompletnum familijum skrival iza živice na bregu kak "maček pot šlemom". Da je najnušil da je se, bar prividno, v redu izdal je komandu za pokret i mešanje. Z prijepristiglemi kibici, ne z ritjum. V tem mešajnu se skoro strknul z Mazalom, Trenerom se trenerov i Bledum kopijum Marka Mlinariča, trojstvo, se v jene osobe, kaj se baš vračal z nabave z Zagrebačke pivovare. Išel je po "čavel". Naš junak "skoro, zamalo" saobračajke se je probal olakšati tak da odloži svoje atribute na klup baš do našega tate Želka kaj je držal "jezuševke" od svega najmejnega ponosa teri je dobil pak priliku zaigrati, of put protiv "zlatnih dječaka", ali ne ot Ivice Šerfezija. Utakmicu je popratilo "svekoliko mnoštvo" sat več i v nazočnosti generalnoga sponzora i v.d. glavnoga sponzora. Kakva je razlika opče me najte pitati, tulko se baš ne razmem v medicinu. Konačno je i Črni našel nekoga komu bu natenfal teri gol a i z toga nebi bilo niš da ni bilo Danča. Kramari su donesli se fel fesov, kap i škrlakov ( nekak mi fali teri sombrero v "obitelskem pakeranju", fi cca. 2m) a da suncobranov ni, deca imaju penez onda i kramari trže, i to po one "magazinske" - šteta bi bilo da propadne stvar kad se vidi da smo tako savršen par. Garant! Po utkmice Mamič je odletel po gajbu kak da ga si medvedi gojne, a puno ni zaostajal ni Kiki - treba je napojiti žedne, duše.
 Iako su tekme aktivno nazočile, da ne velim sudelovale, ili igrale, živuče legende spod Lakovice v vidu Čirole ml., Bozaniča st. i Pevca st., legendarnoga, videlo se da bu tu problemov jel su Pevec sr.(edni) i isto takvi Šebek otišli v Bosnu na more. Na golu je celu plejadu sve golmanov trebal zameniti Precednik kaj se nikak ni dal odvojiti od dudice i zelene trubice a se to pod paskum Sepa, Kumeka i Šebeka zlatnoga. Zlato mu je ostalo ot APN-ca. Se zalagajne sve Mišev ni videl Đaja kaj se pomalo šmajhlal k Ilovače - stari lisjak... Na muke se poznaju junaki, pravi sportaši dok šacaju utakmicu nacicavaju vodicu a friške zvezde su več od staroga dobile pivu - rasa se nesme zatreti. Ovi prvi valda nisu zaslužili ni za vodu a kamoli za gablec... Glavni selektor Novoga Brda se za ovak važnu utakmicu prispodobil kak Milo Hrnič, sav v belem, samo je v pozadine falela ona lagana "dalmatinac nosi lončić oko vrata..." i da povede pesmu. A zna. Čul sem na sva vuva, očiju mi, dece mi, poštenja mi! X) Manekeni su se još kak tak držali dok jem Miši nisu počeli prodavati po par parov duple pasov. Tak oni prešečaju golmana i obranu z leva na desno pak z desna na levo onda obrana pak otijde z leva na desno a golman veli; - Ma, * ti ja bum bežal sim-tam, zabij gol. Tu mu ni pomogel niti škrlak ot v.d. glavnoga sponzora. Bozanič je počakl zajdne pet minut utakmice da malo prelufta dres ali onda su več kola bila dobro debelo pod bregom z kotači prema gore i rudom zapiknutem v jarek.
 Onu kaj jenem otpira sa vrata a drugem zapira došlo je pogledati "milijon milijona rulje". Počasne prve dva rede su si rezerverali svati z Dubranca. Jedino se Tajson delal pameten pak je gledel utakmicu z čeke, valda da mu lopta pivu ne razleje. Želko se skoncentreral na teren z dve v ruke, kaj je sigurno sigurno je, još ni palo ni prvo poluvreme a prva je pala kak čahura. Za najvekše napetosti na igrališču Precednik i Jole su se jedva krajcali v publike da se z dropci ne strkneju. A atmosfera, mogel bi ju balerati i prodavati Dinamu i HNS-u. Dej zamisli Škajnca kak vođu BBB-a na vrhu tribine i mesto * navijačke pesmice se v kritičnem momentu zdere; "Ne daj, * te * !!!!!"  Ma, nebi on tam navijal ni za šleper "plave pramenov", premalo je pive v igre, v sakem pogledu. Neznam kakov je to vražji običaj na Cerovskem da se si sako leto polevaju. Ak jem je tulko do polevanja mogli su celo leto zalevati igrališče pak bi bilo i nekakve koristi. ;)
 Dražove pulene je utakmica na Cerovskem zatekla skros na skros bez glavnoga štaba, prištapske jedinice i taktičke pozadine, jedino kaj jem je bilo v korist je da su došpelali na "Ščukin berek" mlade snage i nade. Niti Mirini puleni nisu bili kompletni ali su v taktičkem smislu bili na nivou jel su v tjeden dan prelazili teoriju ove utakmice nas malobunskomu nogometnomu vučilišču "General Mijo Kibla - Bomba". Ni puno prešlo a več se videlo da "Kibla - Bomba" dava rezultate da je Bibi preluknal čuvara pečata Leptiričev. Miro je mam umereno svršil, to je to. Još samo malo popeglati igru i uskladiti plane z novonastalum situvacijum. Đaja i Buco su si otišli na šank nekaj nafektati, Buna gledi, čudi se, Kumek i Sep nemreju k sebe dojti, Draš se čas oduba, čas krili z rukami (valda priziva kišu da se tak ne praši). Pa, kaj je budu pak zatrli na "Ščukinem berku"!? Anđelkov sreten dres donosi prevagu i v drugem talu da su si Leptiri malo uskladili toplomere se dolazi na svo mesto. Normalno da mora dojti na svo mesto da Kravarska celu utakmicu igra z šest igračov i golmanom. Tak bi i Gruntovčani rašarafili Cibonu. Samo nikak da Števa predela pri Vrapci...
 Bojsi su na nezgodnu tekmu protiv Slavekove Strele došli bez šefa Mire a v te nezgodne utakmice nezahvalnu ulogu da bu golman je dobil Krpa, z steklenemi nogami. Strele su nastupale v sastavu; Jan Suchopárek, Pavel Nedvěd, Václav Němeček, Jiří Němec, Karel Poborský, Pavel Kuka, Radek Drulák, Luboš Kubík, Radek Bejbl, Pavel Srníček, Vladimír Šmicer, Martin Kotůlek, Karel Rada, Pavel Novotný, Ladislav Maier. Se spričavam če sem teroga zabil. Slaveku je bila malo frka da do bu čuval Japanca, on par ove negve cverglinov odnese skupa z loptum v gol. Na su sreču v ekipe ima jenoga dobro kalibreranoga igrača za takve i šumske posle. Dok je naš Muža čuval Alena priliku da se zapiše  med strelce, na Alenovu poklon loptu, je dobil Blaš. Čem je malo čuvaru popustila koncentracija Alen je mam poslal golmana pak po loptu v mrežu. V.d. golmana, da se razmemo. Obično je to jednosmerna dok ove male pirane ne nasmukaju na kulko je steklenemi noga golman Bojsov a onda ide "rastepanje ruške tepače". Štefanki su se jedva zaprli da je Strele ne pozobleju. Repriza letošne utakmice na Bune protiv Cerovskoga i one od pred par let na Novem Brdu kontra Gorne Opatije. A da je Miro bil, Bojsi bi mu se krvi napili...
 Obično se na, i za, slikajne priprave najboli dresi tak da se i za sto let bu videlo kakva je to ekipa bila i tak su Plemenitaši zleteli pret kameru v svemi poznatemi zeleno-plavo-črleno-belemi dresi, kak da je je voda donesla. Dok su trajala ta protokolarna nad*avanja z vudiranjem na kipec Brajka je nekaj vlovil drem pak je prijel ponuđenu ruku "alfe&omege lige" da ga malo zameni na fučkule. Kaj da vam velim, prirodni talent, naturalna mistika, medicinski fenomen. Velite kakov medicinski fenomen!? Službeno Brajko je zajnega goli... pištol, samo fučkulu more imati. Franc v istu dobu fučka, vleče čik i pivu - medicinski fenomen! na druge strane igrališča čekala je druga fenomen-alna ekipa potšprajcana od sve stare članov, i iskusne, da. Videlo se da domači teren ni prednost Plemenitašov da je Mika hudo preluknal Alena teri je posle iskal krivca teri je ostavil strelca da mu rastepe junf. V se te napetosti Tigriči su smogli snage otpreti 45-46 gajbu "zakonite" ali bleda kopija Marka Mlinariča više ni imala snage nit stati nit sedeti. "Patos". Dok je trajalo nad*avanje Bebe i Plemenitašov Petrac ja pak zgubil šapku, of put ni radi Coce nit pijavice nek ardi nekatere pijanice, il pijanca. Dobro dok je glava na mestu, i ak bu po Velike Meše. Reko, dobro si prešel, moglo je biti i gorje; vbu-vbu-vbu... ono ga krave vezne zelena jabuka a sucu fučkula. Kak je utakmica počea tak je i završila, vuz "kardinalnu" grešku pomočnoga suca kaj je zamalo rezulterala z izletavanjem igračev z terena i uletavanjem publike v istoga. Terena, ne suca. Ne staneju si, mislim, nismo preobali...
 Rasprave zmed suca i Bebe most još navek trajaju. Da bu utakmica zmed dve Ruševcov *ačka videlo se još prije da je Najbolo Igrač Lige počel par utakmic prije delati *darije pod utecajem nepoznatoga špurijusa, il špirita. Obadi su došli skoro, skoro, na prvu utakmicu tak da su imali duge visinske i taktičke pripreme. Il jem je negdo saboteral štampanje rasporeda. Radi rasprave zmed bivšega suca i Bebe morala je biti prekinuta i utakmica, tak da se si još jemput skoncentreraju. Bibi je legel na mravinak, jeko nezgodna stvar ak nisi mravojed. Šou program Ilovače je i dale trajal ne gledeč na tonsku probu grupe "Fanfare" kaj opče ni smetalo Zlaje na golu Obadov kaj je pak v životne forme kak negda "kad je momak bio". Jedino ga je mal zasmetalo da ga je preluknal Matej v stilu "brutala". Veli se da je genetika zajebana stvar. Po Najbolem Igraču Lige to bi značilo da su negvi bratiči dobri strelci a on more dobro popiti. Amen.
 Najte kaj zameriti. Istina je voda gliboka, a na dnu most ima kaj biserov.

-

Se se zna osim ak vevo niste prvi put... 15. osemnika, tri vure, spod Trga Selačke bune 1573, ak nisu izmene i dopune radi pokoskoga dana opčine i turneranja na 7SS pod nazivom "Fazani v duše".
DUBRANEC - GORNJA OPATIJA - zajdna šansa da si Švabi poprave malo rejting, naprave povesni iskorak, il ak je utakmica rešena prije utakmice da si poprave "psihofizičku formu i duševno stanje", G+G+G...
HOTNJA - DONJI HRUŠEVEC - nebi štel biti Krpičem v kože, Bebe slažeju ove z Dolnega doma kak cvergline
STREZOJEVO - CEROVSKI VRH - još jena kaj rešava stanje v Dolnem domu, obadvoji imaju popravni, do bu sezonu završil z pobedum
MALA BUNA - LIJEVI ŠTEFANKI - derbi, ne direktni ali...
ŠILJAKOVINA - KRAVARSKO - Šike gori a Leptiriči za prestiž, il G-K-G ;)
KOZJAČA - OPATIJA - klizni derbi, Tigriči moreju jako visoko ili čak zameniti mesto z Badelovemi manekeni
POKUPSKO - NOVO BRDO - nebi se baš kladil...
GORNJI HRUŠEVEC - VELIKA BUNA - nekak mi se čini da Obadi nemaju koncentracije za zajdne kolo, il jem ne paše dubrajnski beton, vglavnem - zapirajne Lige
wwwg tablice

Offline kuntakinte

  • Jezerača
  • ******
  • Postova: 7273
  • Karma: +0/-0
  • ...besposleni internetski masturbator...
Odg: 12. MALONOGOMETNA LIGA VUKOMERIČKE GORIC 2015. – MNLVG 12.
« Odgovori #61 : Kolovoz 16, 2015, 10:13:21 prijepodne »
15. KOLO se igra : 15.08.2015., DUBRANEC, 15:00
DUBRANEC - GORNJA OPATIJA 5:2
HOTNJA - DONJI HRUŠEVEC 0:3
STREZOJEVO - CEROVSKI VRH 3:3
MALA BUNA - LIJEVI ŠTEFANKI 0:2
ŠILJAKOVINA - KRAVARSKO 2:0
KOZJAČA - OPATIJA 3:7
POKUPSKO - NOVO BRDO 0:5
GORNJI HRUŠEVEC - VELIKA BUNA 2:2

-

Plasman MNLVG12. 2015.
1. Dubranec
2. Kravarsko
3. Velika Buna
4. Novo Brdo
5. Šiljakovina
6. Lijevi Štefanki
7. Opatija
8. Gornja Opatija
9. Mala Buna
10. Gornji Hruševec
11. Kozjača
12. Pokupsko
13. Donji Hruševec
14. Hotnja
15. Cerovski Vrh
16. Strezojevo


 Najbolji golman
Nikola Feljan, Dubranec

 Najbolji strijelac
Ivan Šandor - Šaki, Opatija

 Najbolji igrač
Stjepan Feljan, Dubranec

 Najbolji domaćin
Gornji Hruševec

 Fair play
Strezojevo

 Najbolja šestorka Lige
Nikola Feljan, Dubranec, najbolji golman
Josip Domitrović, Kravarsko
Ivan Krpečanec ml., Lijevi Štefanki
Danijel Škojc, Velika Buna
Ivan Šandor - Šaki, Opatija, najbolji strijelac
Stjepan Feljan, Dubranec, najbolji igrač
wwwg tablice

Offline kuntakinte

  • Jezerača
  • ******
  • Postova: 7273
  • Karma: +0/-0
  • ...besposleni internetski masturbator...
Odg: 12. MALONOGOMETNA LIGA VUKOMERIČKE GORIC 2015. – MNLVG 12.
« Odgovori #62 : Kolovoz 17, 2015, 08:15:18 poslijepodne »
17.08.2015 
Dubranec proslavio povijesni uspjeh
http://www.vgdanas.hr/Sport/Clanak/13007/dubranec-proslavio-povijesni-uspjeh.aspx


Dubranec osvojio naslov bez ijednog poraza
 Kol 17
http://www.kronikevg.com/dubranec-osvojio-naslov-bez-ijednog-poraza/


ILOVAČA GORI
16.08.2015
http://www.zsugvg.hr/tekst/hotnews/ilovaČa-gori-9-1496.html

-

Mala Buna - Lijevi Štefanki, MNLVG12., 2015.08.15., Dubranec
https://rutube.ru/video/a9286ae58319535e4ae0213211b946cd/

Šiljakovina - Kravarsko, MNLVG12., 2015.08.15., Dubranec
https://rutube.ru/video/d67e4edad921c51b23251b7611b6c59d/

Kozjača - Opatija, MNLVG12., 2015.08.15., Dubranec
https://rutube.ru/video/54bf0cf6b5edc6376d67f565f32d2ad1/

Pokupsko - Novo Brdo, MNLVG12., 2015.08.15., Dubranec
https://rutube.ru/video/7c47cff888c696fb32d7ce99182c3ac6/

Gornji Hruševec - Velika Buna, MNLVG12., 2015.08.15., Dubranec
https://rutube.ru/video/e7ce027cd4e18e347b82f4f21c4b4744/

-

Proglašenje pobjednika, MNLVG12, 2015.08.15., Dubranec
https://rutube.ru/video/43cf3af8a893639cc47209545910dc05/
wwwg tablice

Offline kuntakinte

  • Jezerača
  • ******
  • Postova: 7273
  • Karma: +0/-0
  • ...besposleni internetski masturbator...
Odg: 12. MALONOGOMETNA LIGA VUKOMERIČKE GORIC 2015. – MNLVG 12.
« Odgovori #63 : Kolovoz 23, 2015, 09:45:17 prijepodne »
Zajdni škropec
 Kak je to i običaj v me fare na Veliku mešu se obijdeju sa žarišča društveno-kulturno-sporcko-religijskoga značaja v bliže okolice. Na su sreču benga je pak pojeftinela ali to nas ne * jel je gazda natočil srebrnu strelu do štoplina pred par tjednov po skupleše tarife. Nek se vidi kaj je raskoš! Put nas najprije vodi po reprezentativne državne ceste broj 31, ak me osečaj ne vara, do centra verskoga turizma našega dičnoga kraja kaj sako leto se nižeše pada v mojemi očmi, il su mi oči se vekše. Odojek na sakem čošku po 100 kuna, muve gratis. Više ni nit nogometa fajn let na igrališču odkad se tam služi meša. Da zajde v nekakva leta čovek se pita... Na križajnu dve državne cest odlučivamo se za D30 (il D31, vrak bi ga znal) i veselo pozdravlamo organe kaj reguleraju prometavalo z cvilenjem zimske gume. Nova cesta kaj je pred par let bila "spod čekiča" več kaže da je čekič ni "prijal". Obilaznica nekam tone v Lomicu a bome i prije i posle nadvožnaka srebrna strela pitomo skače kak kojn da mu stisneš na rit komad razbelenoga železda. Nadvožnak je na istem mestu ali cesta pomalo putuje. Srebrna strela nas vozi vuz legendarna igrališča na Male i Velike Bune, Kravarske i Gornem Ruševcu a pustoš na ceste kaže da je des blagdan. Tek pred Gornem Ruševcem se krajcamo z Brajkom kaj je malo prerano pošel, i to na krivu stran, valda ima čvenk na Kravarske z malem Đi-Pijem. Na Opatije imamo kaj za videti, a nisu kvalitetne sneje. Stanoviti obrtnik, stanoviti otec ot stanovitoga muzičara, stanoviti otec ot stanovitoga igrača i stanoviti prijatel ot Maslenka ze Šilakovine je zavezel svoju plavu strelu v bertiju do šanka, samo mu kuka gledi van. Negdo je zabrijal da je v "drajv in" McDonalcu. Pozdravlamo osoble ak je preživelo. To mu je sigurno ostalo od onda da je z Maslenkom bil v Švicarske v zatvoru. Več na Šestak Brdu počima novi "Hajvej Tuhelj", tu bi več pomalo i avijoni mogli sedati. Srebrna strela z stravom ide prek mosta na Hojtnice da ju "regulerani" jarek ne odnesel. Dok nisu "poduzete mere zaštite od poplave" nigdar se ni ni čulo za Hojtnicu i most. Odkad su ju "zaštitili" i na vesti je a negdo bi mogel i bez glave ostati najne. I vujne. Na Pokosko dolazimo tam negde zmed svečane sednice, meše i jedače i pijače. Na Kupacabane rekord - ne pametim da sem igda na taj dan videl tak malo ludi tam. Pozdravlamo Bebe i falimo muziku; penzijoneri imaju zabavu. Mužika igra tečno i čisto kak z cedeja a čageri vudiraju kak da jem je zajdna. Veli Miro; Ajde, idemo! Reko, samo odi, i požuri, tak i tak te bum prestigel. Če niš čez bokse. X) Program za dan opčine počima popoldan a nogometni turnir se križa z Ligum, čista klasika, tak da mi se čini da se tu nedu kruva žili. I prestigel ja tak Miru čez bokse kak sem i rekel... Na dolnem, "ritopičnem", ulazu v selo na legendarnem stadijonu "Potočič maleni" vidimo da je negdo pokupil "lepo balerano, nema kaj" za kaj smo "optužili" jenoga kuma ali je ispalo da ga je negdo prestigel. Nadamo se da ga ne prestižeju i pri druge posle, i tak to. Na mala vrata, z mađarske strane, čez bokse smo se prišmajhalali pod glavno igrališče skupščine opčine Dubrajnec kaj pomalo kaže da mu je mil Goran Bare ("Na putu preeema dooole!!!"). Nekak je sanerana friška štenženica a Jura i Mika imaju visinske pripreme da poprave crte na "blizne" z specijalnum "Youbitu" farbum. Dok se jeni pacaju na gornem šanku, teri je zaklenut, i zgledaju se, da ne velimo prodavaju zjake, večina sveta se več počela jatiti na dolnem šanku "Š-2" f ladu. Prvaki su angažerali svoje kvalitetne gospođe da ordineraju, i bole polovice, z gore strane šanka a oni z bole strane vrte retrospektivu uspeha, i neuspeha, kak na terem polu, tjeden dan unazad. Ponosni korisnik "trube za prvaka" dan je počel z vodum ali najte dati da vas to prevari. Da smo več pri "trube za prvaka", kaj putuje, čini se, skupa z prelaznem peharom, il pred peharom, a došla je z Novoga Brda, kak štafeta, kaj je sem "došla vuva", od Gradonačelnika na niže, naknadno smo čuli v pondelek da je nestala, kak i Petracov škrlak. Veliju "zli jezici"; nestala je dvanajst vur prekesno. Pali su glibokoumni predlogi da se za potrebu Prvaka i višu silu z tajnoga skladišča i sklonišča spela van stara vatrogasna sirena "na navijanje". Nekteri su se setili da bi jem negda Raščani mogli vrnuti i mužar kaj bi za ovakove prilike i neprilike dušu dal. Osim z trubicum akademska elita se bavila i z apstraktnemi pitajni kak npr; kaj dela lenta za krave vezati tam vuz one ošišane zapišane bore. Na kraju su se si složili da je to sigurno za ždrebice, il bivolice, vezati. Cca. 20 komadi. Taktička mesta na i oko terena su zauzeli suncobrani, kom. 2, ne oni "Alisa..." nek gorički, ove ni lako otpuvati. Ak ne puše. Dečki z Ilovače su si dali naštampati i majce, posle one lubičaste pred tero leto sad su zebrali naranđaste, a mogel su biti i roze, z rožicami, i tekstom Krastavci 2015 Prvaci 2015 i na pleče "MNK Dubranec". Neznam kak je v se te pripovesti prešel Bandič kaj se lani dobro naigral v dresu Ilovače...
 Posle tradicijonalnoga i formalnoga vudirajna na kipec za društvene i selske novine a mam posle da je Petrac malo skališal fučkulu jadi i slatke muke su mogle početi. Širša društveno-politička zajednica je z zanimajnem popratila zbivajna na "betonske štenženice" dok su zametne bile mešne toalete a ni treba zabiti nit jenoga cucka. Bole da nas je više. Se su opcije, plani i teorije bile otprte se dok Štefek ni piknul prvoga a onda je počelo samo realno. Ilovača se je poskrbela za jeno pojačajne a i rano su se setili. Dok su ovi na štenženice vupirali kak sivonje došel je i glavni sponzor z svojem podmlatkom kaj ga vuči na slatki život ali stara narodna veli da do nima v glave ima v nogami. Tak da se moral vrnuti a decu ostaviti na ceste jel se Dubrancu nit pišat nejede bez šarajtuša.
 Utakmica zmed dve pulenov istoga sponzora, z tem da su jeni zeli drese a drugi jok, počela je več z klasičnem "Rembrandtom na pive". Dok su se dečki "kačili" po golu kak po autobusu, il zaprežnem vozilu, Kumič je je probal poslikati z loptum. Da je poslikal ove dva črlene od sponzora neznam kak bi to završilo. Kaj bi mati rekla. Pak bi bilo z novina po glave. Sponzorska ekipa SE1 ni dala da ju znenadi od prošloga tjedna nadiruča sponzorska ekipa SE2 a da je Najboli Igrač Lige videl da bi SE2 mogla i pomisliti na vračanje rezultata potpalil je matore na turbo i rešil utakmicu. Da se činilo da je utakmica rešena, iako se z Bebami nigdar nezna, priliku da sprobaju dubrajnsku štenženicu su dobili ovi sponzorovi dva mali črleni. Pak. Dve su utakmice jedva bile dost sponzoru da prečita friške novine, ima tu most 7 strane, od toga 5 statistike. Stalno su ga ovi z nogometa ometali. Nemreš...
 Za utakmicu zmed Strele i Plemenitašov, de su goli padali rafalno, Beli, Šuki i šukijev mali su se dobro pripravili z sandukom Slane plamenov. Dok je mali norel okolo stari i Beli su se trsili da Jura kaj je kupil prazne flaše ima kaj delati. Marac i Muža su nas, i Plemenitaše, počastili z specijalitetom teri kak da je zišel z kujne Mišev; v stilu Pankija i Damira su preluknali Tomekove pulene. Veliko "grupisanje" leptirov spod šanka snimila je i gorička milicija pak su poslali jenu patrolu organov da se to pogleda. Kak ni jeno zlo ne dolazi samo tak je i kiša počela se bole špecati z tenzijum da prejde v plovu a to je bil znak Ilovače da sklopi 50% suncobranov (il kišobranov) i tak raskrije Bebe i Krpiče v lubavnem zanosu prema tekuče tvari a se to da bi pokrila svoje kvalitetne gospođe i bole polovice. I šank "Š-2". Jen od rafalne strelcov je i buduči nemački kuvar; sino, naj nikoga otrovati. Ak i otruješ naj reči odkud si. Reci z Bugojna, il valjeva.
 Z dolaskom Šebeka na svem zlatnem APN-cu Manekeni su imali složenu rezervnu ekipu za veliko finale Lige pod kodnem nazivom "Ilidža `68". To baš ni preveč intererseralo buduču zvezdu dana i večeri kaj je z familijum pretresala friške novine v carstvu ladovine. Čuda se događaju! Mamič se pak vrnul na pive il su mu počeli točiti gemište v pivske flaše. Svoje kružejne oko punice najpoznateša huskvarna na Gustelnice je završila spod dubrajnskoga doma i to baš v nezgodno vreme. Nezgodno za Bibija, teromu je jena lopta "nezgodno odsjela" na menze. Bilo je i nogometa... I to tulko da je neumorne kibice Kravarske prečilo da se slobono prešečeju prek igrališča, kračem putem, do tribine Istok. Morali su oni to nasilno rešiti.
 Dok je kiša neumorno pod*avala narod se stisnul pod ono malo krova, ono malo šanka , kišobrane il kak jen, pokazalo se, jako mudri brzomisleči kibic v auto. Isti je auto parkeral na samem križajnu tak da vuz potpalene brisače ima celo igrališče na oku - saka ti dala radi ovakvoga "bubrega"! Balerine su došle pokazati nove drese v pogodete tere farbe iako smo jenoga več videli i na Cerovskem. Odkad je Tona zagrizel za gol kak pitbul vidi Fiček da tu više zajnega ne kruva tak da se moral preorjenterati na napad. Dosadna kiša je potirala kibice Breške lige ali ni neumorne skuplače lopti kaj delaju kak mravci; tri brane cestu i breg na severu a dva susedovu papriku, paradajz i vugorke na jugu - petica z zalaganja. Leptiri su dopelali pojačajne na suočavanje z Balerinami, ima Anđelkov broj ali mu još ni raven kaj se dotikavle prva dva poluvremena, v trejtem ga dobro debelo šije - rasa se nesme zatreti. Most šije Anđu ali za ostatek ekipe još mora puno trenerati. Balerine su tak stisnule Leptiriče da žuti na golu ni imal komu dati, loptu, a Mrki je dva put pokazal da negov stari i Joža  nisu zabadof provodili besane noči v glavnem štabu pri lakomomu Jure dok su kovali plane kak z jenem potezom neutralizerati kravarsku Sigfridovu liniju i nijov blitzkrieg.
 Sem je privlekel pažnju Cico kaj je z zakonitum stal kak saobračajec pri križajne dok su se Tigriči slikali za rengenski list a Manekeni razgibavali udove. Netom posle je došel pasat nepoznatoga broja bez prikmičene šajbe i otprl gepek. Glumci su pojurili k nemu kak deca na sladoled jel su konačno došli dugočekani novi dresi. Jeee!!! Samo... Vrak nigdar ne spi. Prvi je problem kaj su dresi "Hojtna 2011" replika - ajd bar nisu v letos moderne farbe. Drugi je da je za našu zvezdu dana i večeri ostal, jel ni bil dost fleten, najmejni S-3 broj. On jednostalno ni mogel veruvati, za decu bi bil dober ali za muža... Čak ni za babu. Na su sreču mam prije "w" je parkerana kučija Mišef kaj su se preslačili za troboj z Pokoščani. Onda je zvezda probala komparerati na sebe "Mišji" sponzorski dres z "Glumačkem" višesponzorskem dresom ali v istem broju - rekla bi Zadruga da je bila na probe "Nebo i zemla". A dobro, veli, bum golman, inače da se "ovo" opere morem se zadušiti vujnem kak da me piton preguknul. Na terenu br.1 Gips je vodil desetoboj z statistikum, Pefci, Šebeki, Bozaniči, suci, Mazalom, ze semi, ali je imal na su sreču dost prijatelov kaj su mu pomagali da dostigne cil. Na žalost mali Šebekov je višekratno moral iti van jel su suci imali posebni red vožnje i kriterije za nedelu i blagdane na tere su se mnogi des osmeknuli. Glumci su se stacionerali na svem starem mestu, mam iza table "Rezereverano - Velika Buna", pod smogorom na križajne. Tam su valda kak doma iako ovde i kokoši paseju pod ručnum.
 Miši su na dubrajnsku štenženicu dopelali sa sva ojačajna jedino je Panki dobil slobodno. Mislili su da buju mogli rešiti pretnju zvanu Pokosko i v ovem i ovakvem sastavu. Ribiči su se pak lišili usluge Prosinečkoga kaj je zauzel mesto z druge strane crte na mestu Joje i druge visoke dužnosnikov glavnoga štaba. Normalno z zakonitum v ruke, nemreš galamiti na suvo, a bilo je matrijala. Da je Ribiče preluknal Tomo na asistanciju Mišela Žutomu se pridružila i bleda kopija Marka Mlinariča i to mišlu, rečju, delom i propustom. A i novine si je došel prečitati. Probali su Pokoščani vrnuti istum merum ali tata Žaja kak da je z prve strane gola prevlekel mrežu.
 Kaj reči? Da navijači v pol utakmice naletavaju v teren da bi tebe il tve poteze pozdravili i riskerali osobno upoznavanje z Sanaderom v Remetincu slobono moreš reči da si zvezda. Ak tvoju ekipu prate na utakmica nabijači z Kurilovca, Male Bune, Hojtne, Strezojeva, kaj nema nit Barca, onda si još vekša. Jel do čul da je do ze Strezojeva otišel na utakmicu Barcelone? I ja mislim... Iako sem mislil da se Obadi nedu baš trudili v zajdne utakmice Lige oni su pokazali zavidnu ozbilnost i požrtvovanje v igre i zamalo jem je uspelo da Bunu hitiju na pleča. Na trejte pak strane navijači su totalno deklaserali obadvoje z svojum igrum. Nezna čovek kaj bi rekel. Široke narodne mase su čas uletavale čas izletavale z terena v slavlu svoje zvezde; nektere su čak i digali v poze kip slobode. Zlajo se vrnul na gol Obadov i samo blešči kak pun mesec; se mu ide, očeš bravurozne obrane, očeš parade, očeš krpanje obrane.
 Posle ove utakmice z one strane ruba incidenta najhrabrija publika se zaputila put Doma Revolucije na Trgu Selačke bune 1573. Se kaj vala i vredi na Brege tiskalo se v dubrajnskem domu. Leptiriči na čelu z Drašom zauzeli su pozu i poziciju ne dalko od šanka dok su se drugi motali spred doma. Brojna novinarska pera i kamere su štrocale poznate brežane, pehari i priznanja na čelu z malum đamijum čekali su da napustiju svečanu ložu i otpute se na nektero intimneje mesto.

Strezojevo drugo leto juriša na prvo mesto, kamikaze-harakiri-katana-bušido-tatami-ninjucu-sansei-origami-haiku-piva od lotosa-celi život riža-sake od đenarike-jastučenje... Jak-pe je na utakmice goh-veb razdrl glas a na podele nagrade tenesice od prešetavanje gore dole. Mislil je uvaliti fair play Muže ali of ni podoben za to kak ni beciklin za skokove vodu.
Neslužbene novinarke su prešetale čez salu sve obline i službene majce pračene čeznutljivim pijanemi pogledi široke DPZ a kak je atmosfera rasla taj je i rasel broj neslužbene novinarov i slikarov.
Cerovski je žrtvoval Jožu za podelu nagrade - neznam kak mu se buju odužili il refunderali. Si drugi junaki "nikom ponikoše". Sad mi je opalo na ovo malo pameti, zakaj nigdo ženu ne šele po nagrade i priznanja?
Hojtna se mam popravila da je selskoga internacionalca poslala v pečalbu, fussbalom za brotom.
Črni z novum flizurum se prešetal po bine da vidi kak je to da si miss emisije znanje imanje. Igrala frakcija A ili B rezultat je isti.
Pokosko je žrtvovalo Krunu za podelu medale, bole Krunu nek dva i pol sanduke pive.
Badelovi manekeni su podelu obavili na visoke noge, zasluženo priznanje je prijel oberštrumfbanfirer. To se vidi da je protokol najvažneši...
Zlajo je radne mandure prevzel priznajne za ekipu Obadov a Mateo za najlepši funduš v Lige.
Priznajne za 9. mesto je preuzel team menager jene jake ekipe kaj voli tvrdi nogomet i meke ove... Da Liga traja 8. kol sigurno bi bili jako visoko.
Mamič je prevzel priznajne za svoju ekipu kaj se držala visoko v Gornem domu. Nemu se nekam žurilo kak i lani da smo snimali najavu; jedva su došli z pive z zbornoga mesta i več jem se nekam žuri - k Mamiču na bambuse.
Jako visoko sedmo mesto, ali ne i najviše, moreju oni i bole, su zauzeli Tigriči. Priznajne je preuzel šef kriznoga stožera a zmed redov kurtoaznoga govora kibici su mogli prečitati da drugo leto ideju na trejte mesto. Oni su skromni.
Kvalitetno šesto mesto su si priskrbeli Bojsi z najmejnem golmanom v Lige teri je preuzel zasluženo priznajne i v svem stilu povedal par reči kak se šika.
`Ožek je konačno došel na svoje i smenil je se, i igrače i štab Šilakovine i prevzuel priznajne za letos peto mesto a bome je najavil i radikalne promene. Drugo leto ak nedu prvi do Velike meše onda budu sigurno do Petrova.
Ona najgora medala, inače rezerverana za Kojzaču, drvena brezova, letos je pripala Mišem, i to zaluženo. Ima one kaj bi ubijali zajnu. Letos je priliku za preuzimanje dobil Poštar, i da pokaže svoje PR potencijale. Zadovolil je, kulko čujem, ak budu pak spod trejtega mesta on pak preuzima. Za nekaj više mora još puno žgancov pojesti.
Beli i Škojc su napravili Iskorak i pošli Kontra bine čvrsto se držeč za ruke; Beli zna put a Škojc de se pali mikrofon. Tu su preuzeli pe`ar od najvišešega prectavnika Zajednice ŠUGVG i povedali par reči po protokolu.
Števa se baš najlepše smestil na dva sanduke pive da bole vidi a onda se radi dodele pehara za tradicionalno drugo mesto i birane reči moral zdiči. Kaj ti je život.
Onda je počela ludnica ove z Feljanove iže i srodne duše, te odi gore te odi dole, te priznanje ovakvo te nagrada ovakva, pa ti ga dava of pak ti ga dava on, pa slikajne ovakvo pa slikajne onakvo, pa trubica sim pa nosi ga tam. Dobro, bar je posle Bandič dobro ispal. V sem tem slavlu su pošpricali neslužbenu novinarku, z pivum.

V nastavku potprograma plesnem podijem je vladal princ lascivnoga plesa, z dve zakonite v ruka. Da ga je videl Trick rekel bi; sino, odi filme snimat, da te vidim znam da sem ulogu dobil prek veze. Da ga je videl Travolta niš nebi rekel samo bi otišel domom i tam se zaprl v ormar i plakal il ženu tukel.
A da nekam idete... Nigdar, ali nigdar, najte pustiti da vas Šilakovec pela jel se bute našli v šekretu z krvavum nogum.

Gotovo.
Most...
wwwg tablice