Autor Tema: HR.KAJ.NĚ? - Lépa naša kajkavska / pregled tisKAJna  (Posjeta: 329730 )

0 Članova i 1 Gost pregledava ovu temu.

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Kak se obleči za Vuzem? / HR.KAJ.NĚ? - Lépa naša kajkavska / tisKAJna
« Odgovori #705 : Ožujak 31, 2015, 11:58:32 poslijepodne »
Zagorski list, jurjevščaka (travna, maloga travna) 2014.
e-vundano: 19.04.2014.

IZ BAKINE PUČKE BILJEŽNICE
Z mamičine pučke (japo)teke

Kak se obleči za Vuzem?

Se treba biti friške oprane i spieglane. Deca mouraju dišati i imeti najlepše haljinice i lače na sebe, a žejnske trebaju bitu vu beline, ali je dobre i da nekaj na sebe imaju boje ljubičic. Ljubičasta je boja za najvekši svetek i rubače te boje oblače sam za posebne cajte.



Kako su se naši stari priređivali za Uskrs, najbolje je znala hraščinska baka Ivka, pučka prognozerka.…

Nekad su u Zagorju, a što se poštuje i danas, na Veliki četvrtak od podneva prestajali svi radovi na zemlji. Zašto je tomu tako i kako su se naši stari priređivali za Uskrs, najbolje je znala hraščinska baka Ivka, pučka prognozerka.


- Znale se da si posli na polju i vu gorica staju na Veliki četrtek prije puoldan. Od onda nije smeti vu zemlje rovati jer je tam tijele Isusa Krista i zemlja se ne sme dirati jer je tuo grijieh. Gazdarice se od onda spravljaju za velike dane, peču se mlinci, gledi se štera se pu piščetka zaklala i koji komad šunjek se bu del kuhat - savjetovala je baka.

A iako su Zagorci nekad bili u prosjeku puno slabijih finanacisjkih mogućnosti nego danas, za Uskrs bi se stavilo najbolje na sto.


- Na Vuzem je najglavneši obrok froštukelj. Za froštukelj se ije blagoslavljena hrana: kuhana šunjka, jajca, ren, mladi luk i kolač. K semu tomu paše kupica domačega vina, pive, a za decu malinovec - rekla bi baka.

Za najveći kršćanski blagdan treba lijepo urediti kuću, a i staviti najljepšu opravu na sebe.


- Hiža muora biti jake vređena, na stuolu novi stuolnjak zvezen z piščanci i pisanicam. Na podu ne sme biti ni jedne smeti i se treba biti friške oprane i spieglane. Deca mouraju dišati i imeti najlepše haljinice i lače na sebe, a žejnske trebaju bitu vu beline, ali je dobre i da nekaj na sebe imaju boje ljubičic. Ljubičasta je boja za najvekši svetek i rubače te boje oblače sam za posebne cajte - mudrozborila je baka.


Zvir:
http://www.zagorje.com/kolumna/iz-bakine-pucke-biljeznice-kak-se-obleci-za-vuzem-1

* * * * * * * * * *

(VU)ZEMI MENE, (VU)ZEMI MENE…
…PREPISANU FTICU

(FTIČEK VELI, FTIČEK VELI…)

CINKUŠI ft. DARKO RUNDEK - TIČEK (official video), 05:06

CINKUŠI ft. DARKO RUNDEK - TIČEK (official video)
« Zadnja izmjena: Travanj 01, 2015, 12:04:09 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Tito znova na Pantovčako / HR.KAJ.NĚ?-Lépa naša kajkavska/ pregled tisKAJna
« Odgovori #706 : Travanj 10, 2015, 11:56:33 poslijepodne »
Međimurske novine, br. 1020, 03.04.2015.
e-vundano 07.04.2015.

Piše: Jožek radnik

Premišlavanje Jožeka radnika

Tito znova na Pantovčako

Nebrem zdržati i moram vam povedati, a vi ste to kak moji verni čitateli i zaslužili, kaj se je( vse) pripetilo v minulo sredo (1. travna):
- Tito je, očem reči, jegova bista, znova dopelana na Pantovčak jerbo so antifašisti na red pobrali precednico Kolindo i da je ne bisto vrnula na staro mesto, oni bi postajli svojega šatora na Jelačič placo i to polek koja.



Davor Šuker, precednik našega hrvaškoga labodoritaškoga saveza je zebrani v Izvršni odbor, očem reči, vu vlado evropskoga labodoritaškoga saveza (UEFA) čiji je precednik Mišel Platini. Vseposot se pripoveda da je Šuker "igrač" Zdravkija Mamiča i da mo je on pomogel kaj je uspel dojti na krov labodoritaške Evrope. No, kaj se Mamiča dotikavle on, i to več na leta, vedri i oblači z našim hrvaškim labodoritašima, labodoritašenjem i labodoritaškim socima, tak da je unda ne nikše čudo ak je on i zrival Šukera za ministra v Platinijovo labodoritaško vlado. Kak bilo da bilo, Šuker je mel željo dojti v UEFO, a Mamič mo je sam tu pomogel. Ali tu je ne kraj, kuliko sam mel za čuti, v sredo se je v Zagrebo, na janjetini "Pod starim krovima" šepetujilo, i to dosti glasno, a nejglasneši so vsi bili dok je peti liter našega međimorskogha pušipela došel na stol, kak bode gospon Mamič zrihtal i gospi Vesne Pusič kaj i ona dojde za glavnoga tajnika v UN. Vrag bi ga znal kak dauko sežejo Zdravkijovi ščepci i kaj vse on more ili pak nebre. Nešterne stvari nam je pokazal i dokazal, a živleje ide dale. Verjem da vam je poznato da se vse glavne i nejglavneše stvari dogovarjajo pre mladoj i friško pečenoj janjetini, mladomo luko i dobromo, kaj dobromo, nejbolšemo vino na sveto. Šuker se je dal v roke Zdravkijo i jegove senje so se ostvarile i zato verjem da ak bi se i Vesna dala i ona bi mogla dojti tam kam oče. Fondoš je zafremani prvoga dneva ovoga meseca i zato verjem da je to skorom stoprocentno sigurno da se bode z te mele dober kruh jel.

Dosti dugo se je šepetujilo kak bode banka zblokerala našo bolnico i to sam zato kaj ne plača zajma šteroga je zdavnja zela, a šteroga je hrvaška Vlada obečala doli vudriti. Nebrem razmeti zakaj je banka hitila blokado našoj bolnici, a dužna je Vlada, očem reči, Zoki Milanović. Kuliko sam vpučeni v te zajam za našo bolnico, pak jega je, ve več negdašnji župan, Ivek Perhočov prestal plačati, a Matek je sam odnesel duge precedniko Zokijo i to skupa z prvom potprecednicom Vlade Vesnom Pusič. Pak kaj te naši glavni političari tak fletno pozabijo kaj so obečali? Ili pak je to kaštiga Mateko kaj vleče haenesovce vum z "kukuriku" koalicije? Vrag bi ga znal?

Još nekak morem razmiti Zokija i ministre, šteri se zvlačijo kaj ne bi platili duga za našo bolnico, a pred tri mesece smo jim prepisali bolnico kaj bodo oni žnjom gospodarili i hercuvali i ak je tak, a tak je, unda je čistam normalno da je Vlada dobila vse: hiže, zgrade, betežnike, doktore, sestrice, očem reči, vse dobro i kaj se unda čudijo kaj so ve i dugi jivi. Pak tak bi vsi delali, a tak več i na leta delajo z nami Međimorci, kaj dohajajo ka nam v Međimorje, poberejo vrhje (čitaj: vse svoje na vreme plačamo), a kiselo mleko i sirotko nam ostavijo. Rekel sam, još nekak morem razmeti državne političare, ali nebrem nikak razmeti naše domače, međimorske sabornike. Nebrem razmeti gospođo Nadico Jelaš, kak more reči da bi bilo kontra zakono ak bi država platila našega duga banki? Kak more to biti ak banka plača duga za svojo bolnico, štero smo joj pred tri mesece dali onak gešenk. I još nekaj, dok smo delali mi Međimorci naše bolnice z svojimi penezi, unda je to ne bilo protuzakonito? A dok smo naprajli unda smo dali državi i unda se je ona nikaj ne bunila. Čudno je to kak vu toj Lepoj našoj vredijo jedna pravila i jedni zakoni, tam prek Drave, a čistam drugi na ovom našem falačko med dvemi vodami. A mortik smo si mi Međimorci sami krivi kaj nebremo počakati kajbi nam država nekaj naprajla, onak gešenk kak to vsima drugima dela.

Isto tak smo zišli i z našim međimorskim vodovodom. I tu smo si vse sami naprajli, celo Međimorje, očem reči, vsi Međimorci i Međimorke imajo vodo za piti vu svojimi pipami i ve za nagrado plačamo po jeno kuno po sakomo kubiko vode štero spijemo ili pak ponucamo kaj bodo i naši sosedi v Lepoj našoj, z šterim smo si mi navek bili zdobra, isto meli kak pipe tak i vodo za piti. To je ne, prosim lepo, protuzakonito?

A isto tak ili pak nekaj sličnoga imamo i v plino. Tam isto moramo plačati poreza ili pak štibro i to sam zato kaj smo si sami vse naprajli, a drugi nemajo nikaj od toga. I tu se je pak pokazalo da čavel šteri strči visoko gori navek dobi po gopco. Čuda je bole lenguzati i jafkati, jesti i piti i čakati dok država otpre keso i počne delati i na jugo kaj bode vse mel kaj so si ovi "bedačeki", ne bedačeki nek norci, na severo sami naprajli.

Kuliko sam mel za čuti, v Priloko je nešči posadil par mekoti afrički slivi. Nesam uspel zazvediti što je to tak spameten bil, očem reči, je li je to naš čovek ili pak je nešči došel na naš hatar jerbo je tu prinas prava zemla, štera davle sve od sebe, pak bode prinas afrička šliva nejfletneše zrasla. Ipak, kuliko sam mel za čuti da tu prste ima gospon Gregoraš. Najme kaj, on je dopelal afričko slivo v Prilok, a ve bode i preširil malo svojega hotela jerbo čim bodo slive zrasle mam bodo ljudi i žene dohajali v Prilok na Marino deco delat. To bi trelo biti nekaj slično kak vu onom filmo z velečasnim. Kak bilo da bilo z tem poslom bodo vsi prefiterali, a posebno žene jerbo se pripoveda kak tua afrička sliva ima trdo koro, a tua trda kora pomaže moškima kaj bodo meli trde bote, a vsi znamo da se trdom boto vse more: i deco delati, očem reči, puniti vrtece i škole kaj bodo tete i navučitelice mele kaj delati, a isto tak trda bota se more koristiti v medicini i kozmetiki jerbo znova donaša osmeh na lica naši ženi. Sam tre slive furt zalevati i medicinski turizam bode buknul prek noči.

Nebrem zdržati i moram vam povedati, a vi ste to kak moji verni čitateli i zaslužili, kaj se je vse pripetilo v minulo sredo (1. travna):
- Nejpredi je, i to mam od jutra, zagrebečki gracki načelnik Milan Bandič zafremal Stranko Remetinečkih reštantov. Čim se je to zazvedilo, počeli so se buniti ostali reštanti da bi i oni šteli dojti i pojačati to novo stranko jerbo joj je program nejbolši do ve. Čaka se da čim prvi fiškal dojde v Remetinec bode zmenil statuta tak da bodo i reštanti z Lepoglave, Turopolja, Pule, Reke, Splita, a i oni z Mostara se mogli baviti z politikom.
- Tito je, očem reči, jegova bista, znova dopelana na Pantovčak jerbo so antifašisti na red pobrali precednico Kolindo i da je ne bisto vrnula na staro mesto, oni bi postajli svojega šatora na Jelačič placo i to polek koja.
- Banka je povlekla blokado naše bolnice, jerbo je, tak so bar rekli, bankarski podvornik to blokado odnesel na krivo mesto. Najme kaj, podvornik je trebal to blokado odnesti v kontejner v pelnico, a ne v bolnico. Jako sam najgerek kaj se bode pripetilo podvorniko?
- Darko Horvat je dobil opomeno pred isključenje iz politike jerbo je počel coprati. On je pred nekaj vejč od mesec dni pocopral da bode bolnica blokerana. Nebrem razmeti kak je on to znal? A mortik je podvornik v banki jegova rodbina?
- V sredo je bila velika spoved v glavnoj i starešoj čakoskoj cirkvi Svetoga Mikloša Biškupa. Da je ne v pitanjo ispovedna tajna bili bi zazvedili je li je župan priznal svoje grehe vezane za "kukuriku" koalicijo i zakaj sili vum i je li je to bil greh, pogreška ili pak je vse to del pod jeden zajednički nazivnik: politika. Iz županovih zobov v Božekova (čitaj: župnikova) vuha i tu je kraj vsemo. Župan je pokoro zmolil, a mi se moremo spominati, tračati, coprati, poslušati, magaditi.


Zvir:
http://www.mnovine.hr/kolumne/Jožek%20radnik/1/Tito%20znova%20na%20Pantovčako
i(l) str. 64. sim:
http://issuu.com/mnovine/docs/mnovine1020i     
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine 
       
* * * * * * * * * * * * * * * * * * * * * * * * * * * * * * * * * * *

Imam rada Jožeka rad(nik)a

grupa BLUE JEANS - volim,volim jozeka, 03:14

grupa BLUE JEANS - volim,volim jozeka
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Da mi je na vlasti biti mesec dni! / HR.KAJ.NĚ? -Lépa naša kajkavska/tisKAJ
« Odgovori #707 : Travanj 15, 2015, 11:08:49 poslijepodne »
BITI MINISTAR(KA) U (PR)AVNOJ VLADI:
SAMO SMENA (ZGLAJZANE) STALNA JE
Jena (kult)ura – dva pandura

* * * * * * * * * *

Varaždinske vesti, br. 3665, 31.03. 2015.

Piše Barica Pahič

KAJ je naše pitanje i naš odgovor

Da mi je na vlasti biti mesec dni!

… a javil se slučaj ministrice kulture. Tue je podsetile na slučaj švedske ministrice štera si je na deržavnu karticu kupila štrumfe pa muorala dati ostavku.
Drugač je tuo prinas. Naša ministrica kulture si je posujavala peneze z deržavne blagajne. Gda se tuo otkrile i dalje je bila štičena v interesu Koalicije f šteru su bili priključeni haenesovci s pet postotkov glasov i pet ministrov. Nebi se ni znale da ministrica nie „provaljena“ f Saboru. Onda su se i oni šteri su ji deržali lojtru, obrnuli protiv nje.



Ljudi nigdar niesu zadovoljni z onemi na vlasti. Odnašanje „imajučih i premogučih“ prema običnim ljudem naviek su razlogi zadovoljstva ili nezadovoljstva za te. Mi sme mislili da bume na zadnji izbori nekaj bitne premenili i doživeli istinski osečaj da je v društvu se vređane po pravice i poštenju. Ali kaj bi! Pokle sakih izborov se znuovič uveravame da se zebrani, čim zasiedneju vu fotelju vlasti, nekak spreoberneju pokazujuči muoč šteru donaša fotelja f šteru su fcopnuli. Dek njiev šief pripovieda o poštenju, oni počneju delovati samostalne. Nie na opču, neg na svoju privatnu korist, ili f korist stranke štera jim je omogučila fotelju. Tuo je iste, jer da niesu pripadniki stranke, fotelja bi jim bila „pusti san“. Zgledi da je čist prirodne; gda se duojde na vlast, imeti priliku za krast.

Taman se stišal slučaj Sanadera, Merzelove i Saba, a javil se slučaj ministrice kulture. Tue je podsetile na slučaj švedske ministrice štera si je na deržavnu karticu kupila štrumfe pa muorala dati ostavku. Nieje bile razumievanja za žensku s poterganimi očicami na štrumfi. Ak je ministrica i zna kaj smie, a kaj nesme, nek pazi na štrumfe i naj s hiže ne zijde bez gotovine. Kaj se nesme, nesme se – rekli su glasači nesmiljeni za ministričin problem. Da je hodila s potrganimi štrumfami, nebi ju optužili za kriminal. Kritizierali bi ju same stručnjaki za modu, kak i našu predsednicu, ali ju nebi natirali na ostavku. Tuo pak je dobre upozorenje za našu Kolindu. Bolje ji je hoditi v obleki šteri prigovaraju drmatori v mode, kulike god bili popularniji od nje, neg drmatori f politike. (I naj furt ima rezervne štrumfe.) Čistuoča je nie pol zdravlja, neg cieli mandat.

Drugač je tuo prinas. Naša ministrica kulture si je posujavala peneze z deržavne blagajne. Gda se tuo otkrile i dalje je bila štičena v interesu Koalicije f šteru su bili priključeni haenesovci s pet postotkov glasov i pet ministrov. Nebi se ni znale da ministrica nie „provaljena“ f Saboru. Onda su se i oni šteri su ji deržali lojtru, obrnuli protiv nje. I tak si je priskrbela vritnjaka šteri ji nie ostavil traga same na duši. Otraga nie poplavela od vritnjaka. Veliju da je črnjafke na „komandi pozadine“ dobila zate kaj je male več potegnula pa ji se zmantale, dezorentierala se i našla na organu za sedenje. Tie se slučaj još komentiera. Jeden od naših zluradih kritičarov si je na te zdehnul: Da mi je na vlasti biti mesec dni! Nie jasne je li mislil da bi on v deržavi mam napravil reda ili na te kulike penez bi si za te vrieme pospravil v žep.


Zvir:
http://varazdinske-vijesti.hr/kaj-je-nase-pitanje-i-nas-odgovor/da-mi-je-na-vlasti-biti-mesec-dni.html
i(l) str. 23 sim:
http://varazdinske-vijesti.hr/pdf/3665.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1 

* * * * * * * * * *

Brezova metla
Jena (kult)ura – dva pandura

Jedna vura dva pandura 1, 0:56

Jedna vura dva pandura 1
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: I unda nej biti minister!!!? / HR.KAJ.NĚ? - Lépa naša kajkavska / tisKAJne
« Odgovori #708 : Travanj 17, 2015, 10:06:51 poslijepodne »
Međimurske novine, br. 1021, 10.04.2015.
e-vundano 13.04.2015.

Piše: Jožek radnik

Premišlavanje Jožeka radnika

I unda nej biti minister!!!?

Ve znam zakaj je lepo biti političar i zakaj se vsi, osim nas Međimorcov, cukajo za ministarske fotelje. Pak je to, ljudi moji, preštimani moji Međimorci i preljubljene Međimorke, kruh brez motike. A i desertlina, očem reči, kolača dobiš da očeš sam malo globleše porineš kartico nutri. Probal sam ja svojo porinuti i to sedem - osem pot, ali nikaj, vrag neda vejč vum kak sam nutri del. A mortik ne znam dosti dauko nutri porinoti jerbo nemam večernjo političko školo, a i nesam bil na kurso za ministra. A ve mi je več prekesno kaj bi svojoj mamiki ili pak japeko bajal kaj so me ne v takšo školo dali, a ne kaj so mi sam navek motiko i rasohe v roke rivali.



Kaj je to aglomeracija čakoske varoši? To je, kuliko se ja razme v politiko, pravzaprav jedna velika septička graba. Morete si zamisliti da je došel precednik Zoki i to z dva ministre, Jakovinom i Zmajlovičom, kaj zapiči prvo lopato i započne kopanje te velike gracke čakoske septičke grabe. Prosim vas lepo, najte mi zameriti, ali Čakovčare čeka nekše veliko, kaj nebom rekel sranje, ak jim je tre tak velika septička graba? Ne znati kakše pak unda stopram sranje čaka naše sosede Zagorce vu Varaždino, šteri bodo delali dvapot vekšo grabo nek je čakoska. Nejso te septičke grabe nekša velika sreča, ali ve znamo da se bodo mela kam skriti vsa ta sranja štera so pred nami, a i naši težaki bodo meli kaj delati. Jednim udarcom bodemo potofjali dve muhe.

Da je ne minister za kalamper, ciklo, mrkvo, luk, mak, konopljo i šalato, Tihomir Jakovina, bil v Čakovco ne bi znali da je još navek, bar za ve, za vse felere i fulanja ove "kukuriku" Vlade još navek kriv hadeze. A znate zakaj? Jerbo je ova Vlada još nikaj ne naprajla! Kuliko sam razmel ministra Jakovino, bode vsaka Vlada, od ve nadale, morala vse posle do kraja stirati predi nek jo naše biračko telo natira v ropotarnico povjesti. Nebrem razmeti zakaj je to tak, ali tak je, jerbo sam mi kak biračko telo furt živimo v Lepoj našoj onak kak moremo, a političarima vsake štiri leti znova počne bolše živleje. Ali ne vsima, sam zebranima! Kak ga ne dosti penez za vse unda sam bole živijo zebrani, a mi osleki, vsake štiri leti, počnemo znova čakati kaj bode i za nas trava zrasla.

Neje se sam, ve več negdašja, kulturna ministrica Andreja Zlatar Violič parila z bankomatima, makar so jeni računi prvi splivali, očem reči, došli na svetlo dneva. Čim so toga ministričinoga zmazanoga veša novinari obesili na štrik srama kaj se posuši, precednik Zoki je postrojil vse ministre i pred jif je dopelal bankomata i of je z prstom pokazal na vse one šteri so ga podsilili i vlekli vum žnjega ono kaj jiv ne sleduje. Ve mi se je vužgala ona zadja albanska svečica i ve znam zakaj je lepo biti političar i zakaj se vsi, osim nas Međimorcov, cukajo za ministarske fotelje. Pak je to, ljudi moji, preštimani moji Međimorci i preljubljene Međimorke, kruh brez motike. A i desertlina, očem reči, kolača dobiš da očeš sam malo globleše porineš kartico nutri. Probal sam ja svojo porinuti i to sedem - osem pot, ali nikaj, vrag neda vejč vum kak sam nutri del. A mortik ne znam dosti dauko nutri porinoti jerbo nemam večernjo političko školo, a i nesam bil na kurso za ministra. A ve mi je več prekesno kaj bi svojoj mamiki ili pak japeko bajal kaj so me ne v takšo školo dali, a ne kaj so mi sam navek motiko i rasohe v roke rivali.

Razmem vse to da prilika dela tata od čoveka, ali tat je on šteri krade, a i on šteri vrečo drži, očem reči, da so i onima, šteri so prepustili te bankomat-račune, isto tak ostali prsti zmazani od pekmeza. I te perpetum mobile je delal kak podmazani: mi bedaki smo punili državne kase, a oni zebrani i prebrani so jif praznili, očem reči, punili so svoje žepe. A minister Lalovac jim je držal štanjgo, kaj bi rekli čkomel je kak da se to jega ne dotikavle. Trelo bi i jegove kartice malo dati v roke šekutoraj. Što pak nam je kriv kaj sam plačamo, a ne pitamo v čije žepe te naši penezi pravzaprav idejo? I unda je čistam normalno da penezi sfalijo dok tre vrnuti zajma za našo bolnico jerbo so jif ministri potrošili črez nered. Gombal sam doma na te ministre tak da sam niti ne videl da je došla k nam teca Franca, a ona je več osemdeset let fiškal v našoj familiji, pak mi je rekla: Ah, Jožek, nej se sekerati, ti to smeta na lepoto, šparaj si to malo kaj ti je još ostalo, pak je jif dvajsti, a nas štiri milijone i nebrejo oni nikak tuliko vum dnesti kuliko mi moremo nutri deti. Brzčas teca ima praf, neje ona bila zabadaf nejspametneša v seli predi kak je Guglin došel na svet. Živleje je prekratko kaj bi se čovek zbogradi tega sekeral.

Denes je petek, vsa je sreča kaj je ne pak trinajsti, ali je zato deseti april.Nesam siguren je li je denes nekši svetek ili pak osvetek, ali teca Franca je rekla da je nekši vrag je. Veli, i na radijo so rekli. No, pustimo na stran i radio i teco, štel sam vam sam reči da do dneva denešjega je naš župan, haenesovac i mladi laf, Matek Posavcov, još navek ne hičeni vum z stranjke. To nebre biti brez vraga jerbo znamo kak so fletno vum leteli Čačić i Linič čim so jim malo bole krila zrasla nek je to, od precednika, bilo dopuščeno.

Imam još navek papernato vozačko dozvolo i morem vam reči da mi još navek vredi. Tak so i policaji rekli. Ali kaj mi to vredi da so ključi od auta pre ženi, a i pes, šteri sam ženo posluhne, furt spi pod zadjim kotačom. Gde je ve to županisko poverenstvo za ravnopravnost nas moški i naši ženi? Gde je - to te ja pitam? A dok sam ja ženo ne pustil po kvasa, za fašnik, mam so policaji doleteli. I to dva i z "maricom".

Vseposot se slavi i fešta za sedemdeset let otkak so nam, zadjipot, bar za ve, oslobodili naše malo Međimorje od Mađarov. Zmislim se dok sam hodal v pučko školo, pak nam je učiteljica dala za zadačo nek pitamo doma kaj je to seks, kaj je grupni seks, a kaj je to ljubezen. Nejpredi sam pital japo, on me je sforšibal k mami, a mama me je poslala k mamici. Mamica je bila sestra od tece France, pak je, ruon tak, vse znala. Rekla je, sednise Jožek bodem ti jo to pomalem povedala. Sel sam si polek je na šamlek i počela je: Tak ti je to bilo, nejpredi so se, pred kraj rata, Švabi dotepli k nam v Međimorje, jiv so Mađari pustili nutri jerbo so v isti rog puhali. I unda so nas Švabi počeli jahati. Jahali so, ali so i plačali. To ti je ne dugo trajalo jerbo so se nekod z Kotoribe dotepli Bugari. Jif ga čuda bilo, pak se več jif doteplo k vsakoj hiži i vsi so, kaj bom ti rekla, jahali. Neje lefko bilo vse te nevole zdržati, ali i oni so platili kuliko so nas ponucali. Još smo i trigelta dobile. Na vse zadje so došli partizani i to nekud z Kalnika. I oni so dugo ne meli v rokaj ili pak pod sobom žene, pak so i oni hodali po hižaj. A kaj smo si mi mogle pomoči, ak je bil rat unda je bil rat za vse tak da smo si i mi žene morale nekaj premagaditi. Morem ti reči i oni so nas venodjali, ali so ti oni zmislili ljubezen sam kaj ne bi morali plačati. Vse sam razmel, ali denes se več nišči ne spomina o tomo kuliko so pretrpele naše Međimorske žene i kuliko so doprinesle kaj je ne čuda vejč Međimorcov završilo na grobjo, nek so doprinesle tomo kaj so se popunile familije tam gde je nešči v logoro ostal.

Za vsaki svetek je čakoska glavna vulica zlišpana kak se i šika. Za Valentinovo so visela na žici ober vulice velika črlena srčeka. Vsi so rekli da je muštro za veliko srčeko dala gospa Boška z turističkoga ured. A za Vuzem so bile obešene nekše male pofarbane jejci. Makar sam vse okoli spituval nikak sam ne mogel zazvediti što je, itak, dal muštro.


Zvir:
http://www.mnovine.hr/kolumne/Jožek%20radnik/1/I%20unda%20nej%20biti%20minister!!!?
i(l) str. 56. sim:
http://issuu.com/mnovine/docs/mnovine1021i     (?)
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine   
   
* * * * * * * * * * * * * * * * * * * * * * * * * * * * * * * * * * *

Žiga i bandisti - Lepo je na svetu živeti, 03:07

Žiga i bandisti - Lepo je na svetu živeti
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Dečici na veselje / HR.KAJ.NĚ? - Lépa naša kajkavska / tisKAJne
« Odgovori #709 : Travanj 20, 2015, 11:54:18 poslijepodne »
Varaždinske vesti, br. 3667, 14.04. 2015.

Piše prof. Barica Pahič

KAJ je naše pitanje i naš odgovor

Dečici na veselje

Dr. Eduard Kušen je z liepimi rečmi prikazal vriednesti knjige „Imali smo dvorac, Dječje igre u prirodi“ i posebne naglasil da je ona oblik čuvanja tradicije i da ilustracije oplemenjuju sadržaj knjige, a mr. Ernest Fišer je govoril i o praktične vriednesti knjige štera je dečici na veselje. More dobre dojti i roditeljem i dedekem i babicam šteri imaju sreću imati vnučeke pa jim je preporučil knjigu.



Preteklega tedna, 8. travnja, v organizacije Matice hrvatske i Varaždinskega književnega društva v Kazališču, v dvorane Europa media predstavljena je knjiga Ivanke Kunić „Imali smo dvorac, Dječje igre u prirodi“. Predstavljači su bili recenzenti dr. sc. Eduard Kušen, mr. Ernest Fišer i prof. Ružica Marušić-Vasilić kao ilustratorica knjige. Svečanost je vodila i o autorici knjige govorila potpisnica ove kolumne. Dvorana je bila bila prepuna.

A kaj je tuo izazvale tak veliki interes publike? Morti i tuo kaj su nastupala dečica pa su i njievi roditelji šteli videti kak se vu vrtiču i f škuole igraju. Ili morti zate kaj je Varaždincima autorica več poznata kak književnica štera je objavila več pesničkih i proznih knjig. Profesionalne pak je dielala kak vučiteljica, nastavnica i profesorica - pedagoginja; prosvetna savetnica i ravnateljica škuole. Stalne je nastavljala svoje školovanje dek nie postigla i akademski naslov. V svem prosvetarskem delovanju iskazala je posebnu naklonest za izvannastavne aktivnosti z dečicom s šterom je postizala velike uspehe. Za tuo dobivala i najvekša priznanja i deržavne nagrade. Nie se same igrala z decom. Napisala je i stručne knjige f šterimi je i teorijski obrazlagala dečje stvaralaštve i praktični pristup temu poslu. Isticala je zakaj se deca trebaju i muoraju igrati i da čez igru deca prenašaju i čuvaju narodni jezik, razvijaju maštu, pokazuju svoje sposobnosti i vuče se življenju.

Tuo su na predstavljanju pokazali „klinci“ štere su zvežbale odgajateljice Dječjeg vrtića „Škrinjica“ Slavica Koščak i Marica Košić i dečica pervega, drugege i trečega razreda OŠ Vidovec pod vodstve vučitelic Anice Kolarić, Biserke Posavec i Verice Grd. Svojimi nastupi dečica su jake razveselila publiku pa su nekojim mamicam od nežnesti i suzice potekle.

Dr. Eduard Kušen je z liepimi rečmi prikazal vriednesti knjige „Imali smo dvorac“ i posebne naglasil da je ona oblik čuvanja tradicije i da ilustracije oplemenjuju sadržaj knjige, a mr. Ernest Fišer je govoril i o praktične vriednesti knjige štera je dečici na veselje. More dobre dojti i roditeljem i dedekem i babicam šteri imaju sreću imati vnučeke pa jim je preporučil knjigu. Prof. Marušić-Vasilić je pojasnila kak su nastajale ilustracije i kaj ji je bila najvekša inšpiracija, a izdavač knjige Dean Težak potvrdil je veliki interes za nju. Na kraju se autorica zahvalila semi ki su sudelovali v predstavljanju, publiki i svojimi sponzori pa zaključila da je baš bile liepe.


Zvir:
http://varazdinske-vijesti.hr/kaj-je-nase-pitanje-i-nas-odgovor/decici-na-veselje.html
i(l) str. 25.  sim
http://varazdinske-vijesti.hr/pdf/3667.pdf   
Aktuelni broj VV:
http://varazdinske-vijesti.hr/online/Main.php?MagID=1&MagNo=1   

Citat:
Patrik Kovač – Radast, 01:08
33. Smotra dečjoga kajkavskoga pesništva "Dragutin Domjanić"
Sv. Ivan Zelina, 26.10.2013.
Radast, Patrik Kovač, 5. (Raz)red
OŠ "Petar Zrinski", Čabar, PŠ Tršče
Pelatelica: Ingrid Žorž, prof.

https://www.youtube.com/watch?v=hVXM7VuPoFU

Veselo Zagorci
Sinovi Zagroja i Mirko Korotaj - Veselo, veselo zagorci, 02:53

Sinovi Zagroja i Mirko Korotaj - Veselo, veselo zagorci
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Bole vrabec v roki nek. / HR.KAJ.NĚ? - Lépa naša kajkavska / tisKAJne
« Odgovori #710 : Travanj 23, 2015, 11:58:19 poslijepodne »
Međimurske novine, br. 1018, 17.04.2015.
e-vundano 20.04.2015.

Piše: Jožek radnik

Premišlavanje Jožeka radnika

Bole vrabec v roki nek.

Precednik Z. Zoki Milanovič je ne došel na rendes makar ga je precednica Kolinda G. Kitarovič jako lepo zvala. Neje niti rekel da nebo došel i zakaj je ne došel. Mortik je Kolinda morala na Pantovčak deti tri biste: jedno od Jožeka B. Titija, drugo Ivija A. Jusipoviča, a tretjo od Štefeka S. Mesiča, unda bi se mortik Z. Zoki Milanovič i pojavil. Neje vupal biti sam z Kolindom!



Ne znam zakaj Zvonkec Golobov, naš vodeči međimorski antifašist, misli da je vekši i jakši antifašist od mene, a ja sam vekši od jega i imam nejmeje tridesti kil vejč od jega, pak me je ne pozval na svetešjo antifašističko sesijo, vu čakoskomo Kulturnomo centro, gde se pripovedalo o temo kak smo se pred sedamdeset let rešili fašizma, fašistov i okupatorov. Pak je Međimorje naše malo od vsih nas Međimorcov i ak je bilo oslobođeno pred tak čuda cajta unda je red da vsi skupa popevlemo "Po šumama i gorama.", a ne sam zebrani. Kaj se popevaja dotikavle, ne znati de so itak trenerali kaj so tak zdušno popevali kaj so jim grljanjki drhtali.

 Morem još razmeti Mladena Novakovoga, precednika Županiske skupštine, kaj me ne pozval na svetešjo sesijo našega međimorskoga parlamenta, kaj bi tam mogel pozdraviti našega večnoga precednika Štefeka Mesiča, jerbo je Šajerica ne dosti velika kaj bi vsi nutri zišli. No, nejde mi nikak v glavo kaj Štefek itak ima z oslobođenjem našega Međimorja?

Niti dragi Božek ne zna što vse okoli te naše bolnice i toga vražjega zajma ima tu svoje prste. Najme kaj, od župana, šteri je haenesovec, se čuje kak naši međimorski esdepeovci brenzajo kaj precednik Zoki i jegov minister Lalovac ne vrnejo zajma banki i denejo točko na i kaj se dotikavle naše nove bolnice. Z druge strane esdepeovci znajo da je župan bil protiv kaj se bolnica deblokera jerbo je on vu tem poslo ne mel svoje prste. I kak ve mi obični smrtniki, bili bole ili meje betežni, nek znamo vu šteromo grmo (čitaj: v šteroj stranjki), leži zajec, očem reči, gde je pravica.

 Vsi čakamo kaj se oglasi čakoski načelnik jerbo bi on mogel malo vejč svetla donesti vu to dosti kmično i betežno situacijo okoli bolnice. Najgerek sam, jako sam najgerek na čijo bi se itak strano stal načelnik Štef, nejglavneši gracki otec i jeden od nejjakših, ak ne i nejjakši esdepeovec v Međimorjo.

 Ja se vam preveč ne razmem vu to mešetarenje z penezi, ali sosed Tonča je v tem pravi maher. Znate, on vam je na leta bil nekši činovnik v zadrugi, trguval je z pajcekima i teličima tak da je navek mel v žepo pušlek penez, a to je siguren znak da se on razme v peneze, očem reči, mešetarenje. Spominali smo se o toj našoj zablokeranoj bolnici i političarima šteri se motajo okoli je. Rekel mi je: Nešči tu nam hiče peska v oči i vse nas vleče za nos. Ak je banka zablokerala bolnico, a jeje, unda je zela peneze kuliko je bolnica bila dužna, očem reči, naplatila si je duga šteroga je župan (čitaj: država) ne vredo plačala. I kak unda more županija i dale biti dužna - to te ja pitam? Malo sam si pregruntal, očem reči, malo mi je to gruntaje duže trajalo, ali na vse zadje vam morem reči da sosed Tonča ima praf.

 Unda pak se je zbudil i on moj vražji črvek i ve pak i mene nekaj gvinta kaj se dotikavle toga betežnoga zajma za bolnico. Pak je toga zajma, ljudi moji, prestal plačati negdašji i več pozableni (bar od esdepeja) župan Ivek Perhočov i kak so stopram ve banki sfalili te penezi od zajma? I to ruon ve dok se naš župan ravna na krov državne politike. Najbrž je to, rekla mi je teca Franca, nešči naručil i to nešči komo je naš domaći međimorski jal ne dal mira. A vi znate, to ste več meli priliko čuti, da je teca Franca pravi mali selski, očem reči, vulični fiškal i da zna čuda vejč od Interneta.


Naši međimorski županijski večniki so pravi mali norci. Najme kaj, oni se bavijo z politikom, sedijo v našemo međimorskomo parlamento i vodijo našo županijo za nekše drobne peneze. A znate kak stari ljudi velijo, ak je neka jako fal to nebre bogzna kaj vrediti. Najte me krivo razmeti, ali vsaki posel ako čovek dobro napravi ima i svojo ceno. Nebre biti da ga v županijski kasi je penez za vse sam ne za one šteri ga delijo i vodijo posle onak kak dragi Božek zapoveda, onak kak mi očemo i nucamo i na vse zadje svojega posla delajo tak kaj bodemo mi šteri smo jif zebrali zadovoljni. Nebre biti istina da vsi županijski večniki pre našaj sosedaj v Hrvaškoj vredijo čuda vejč od našega čoveka. Pak smo došli na ono kak se za nas i spominajo v Lepoj našoj, da smo mi Međimorci za kramp, motiko i lopato, a ne za škole i politiko. A v zadje vreme bar čuda vejč hodamo vu škole i fakultete, ak ne mi unda bar naša deca, ali kaj nam unda te diplome pomažejo ak smo i žnjimi jako slabo plačeni. Vse je to tak, ali na vse zadje je nikomo ne jasno kak je to da mi čuda delamo, malo služimo i čuda imamo. Kaj moremo reči, čuda imamo jerbo čuda delamo i vsejeno je je li delamo z diplomaj ili pak brez jif! Brez diplomi moremo, ali brez lopate i motike  nikak!

Strahoninski esdepe je odišel po riti k meši. Posle zgublenih zadjih izborov vse opčinske fotelje i stolce popunili so pobedniki. Tak to zide dok imate vrapca v roki i plazite po drevi kaj bi došli do goloba, a unda i golob i vrabec skupa odletijo dok ste se vi poškliznoli po suhoj kori. Pak se je još jempot pokazalo ono kaj nam naši stari furt šepetujijo: bole je vrabec v roki nek golob na kiti! Ali ljucko srce nigdar zadovoljno neje, pak makar bilo i esdepeovo.

 Priločki gracki načelnik Ljubek Kolarekov je moral za petnaest minot dojti vu Ministarstvo ak je štel dobiti državno zemljo kaj proširi svojo gospodarsko zono. Vidite i po tomo smo mi Međimorci ne jednaki z onima v Lepoj našoj. Nam državni političari davlejo 15 minot i dok scuri pesek na vuri baba z kolači odide i to zanavek, a naši sosedi na jugo Lejpe naše, oni dobavlajo po 15 dni kaj dojdejo po svojo zemljo, očem reči, jif prosijo, pak na vse zadje nikaj od toga. Zakaj? Pak so ne oni na tom sveto kaj bi delali, za to smo mi Međimorci, oni so tu kaj bi uživali v plodovima našega dela. Kuliko vidimo, vsaki je zbogradi nečega na sveto.

Precednik Z. Zoki Milanovič je ne došel na rendes makar ga je precednica Kolinda G. Kitarovič jako lepo zvala. Neje niti rekel da nebo došel i zakaj je ne došel. Mortik je Kolinda morala na Pantovčak deti tri biste: jedno od Jožeka B. Titija, drugo Ivija A. Jusipoviča, a tretjo od Štefeka S. Mesiča, unda bi se mortik Z. Zoki Milanovič i pojavil. Neje vupal biti sam z Kolindom!


Zvir:
http://www.mnovine.hr/kolumne/Jožek%20radnik/1/Bole%20vrabec%20v%20roki%20nek.
i(l) str. 64. sim:
http://issuu.com/mnovine/docs/mnovine1022i         (!?
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine     

* * * * * * * * * *

Zor', zora, zlatna zora, zanavek bum bila tvoja,
golubek moj beli, za moj život celi!


Kajda- Golubek moj beli (službeni spot), 03:57

Kajda- Golubek moj beli (službeni spot)
« Zadnja izmjena: Travanj 24, 2015, 12:14:23 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Kriza, kriza, kriza... i njene odzvanjanje / HR.KAJ.NĚ?-Lépa naša kajkavska
« Odgovori #711 : Svibanj 04, 2015, 08:44:07 poslijepodne »
Varaždinske vesti, br. 3668, 21.04. 2015.

Piše prof. Barica Pahič

KAJ je naše pitanje i naš odgovor

Kriza, kriza, kriza... i njene odzvanjanje

Je, kriza se pune spominje i v novinami i na TV-u. Vladajuči se hvale kaj su se napravili da bi bile bolje i kaj buju napravili da se zijde s krize, a same posujavljeju nueve peneze. Oporbanjaki pak kritizieraju i obečavljeju... F semu tomu saki čas opadne viest kak je nieki proneveril velike peneze, kak je nieki od vladajučih znuovič zel pune za svuoj luksuz ili duobil veliku otpremninu, maker se pokazale da je nesposoben ili da je smienjen po kriteriju političke podobnesti.



Idem na banku plačat račune i dek stojim v redu, čujem spomenek onie pred menom i za menom, a rieč šteru največ put čujem je - kriza. Ljudi se tuže da jim kriza ne da živeti. Ne da ni meni. Onda se „riešim“ čist pristojnega kupa penez za plin, struju, proračun Grada, za groblje, telefuon i kredit (fala Bogu da je pri kraju) i tak „olakšana“ idem dalje računajuč kak bum dalje. V Dučanski dvie ženske srednjih liet stojiju pred štacunom z obučom, glediju nuove modele i zdihavljeju: Zabadav! Da nieje kriza... Male dalje, na vuglu jen stari zabundani harmonikaš rastieže mieh, a pred njim na asfaltu nekšna škatuljica i nekaj sitniša šterega su samilosni prolazniki nutra hitili. I ja hitim kunu a f sebi zmrmljam: Kriza. Idem na plac i gledim gdi je kaj i po čem je kaj i kalkulieram; za kaj imam ili nemam penez.

Je, kriza se pune spominje i v novinami i na TV-u. Vladajuči se hvale kaj su se napravili da bi bile bolje i kaj buju napravili da se zijde s krize, a same posujavljeju nueve peneze. Oporbanjaki pak kritizieraju i obečavljeju... F semu tomu saki čas opadne viest kak je nieki proneveril velike peneze, kak je nieki od vladajučih znuovič zel pune za svuoj luksuz ili duobil veliku otpremninu, maker se pokazale da je nesposoben ili da je smienjen po kriteriju političke podobnesti.

I onda tumačiju da je se po zakonu. Onda se ljudi (tu mislim na slabe plačenu ili nezaposlenu bokčiju) pitaju kie diela takve zakone i za koga. Kie tuo nudi menedžerske ugovore za otpremnine štere si mi plačame podobnikem. Ništ dobrega ne napraviju, ali je sejene duobiju velike peneze jer da na njih imaju pravo. Potpisali su takev ugovor! Ništ zate kaj je za vrieme neuspešnega posla imal veliku plaču. Treba ga još nagraditi kaj je odstupil! Kaj nekaj sličnega naskorem nie bile i prinas vu Varaždinu? Kaj s toga nie jasne zakaj se tuliki rievljeju f politiku i na vlast?
 

- Pa tu je več neg ja šest liet dobim svoje profesorske mirovine – rekla je jena prijateljica o slučaju v HABOR-u. I nie mi je trebala reči jer je i z menom tak. Njemu je nie kriza. Kriza je same nam. Ali kaj? Šuti i trpi. I onda me zmislila na stari, ali male osuvremenjeni vic kak je jen ogorčeni človek na briegu kričal (med ljudmi ni vupal): fašisti, antifašisti, komunisti, nacionalisti, titoisti, reformisti, kapitalisti, laburisti... A berde mu je odzvanjale: ...isti... isti... isti... I još je dodal: liberali, ideali... a berde njemu: ali.. ali... I još sme se tomu smejale. A i kaj bi druge? Same je smieh besplatan.


Zvir:
http://varazdinske-vijesti.hr/kaj-je-nase-pitanje-i-nas-odgovor/kriza-kriza-kriza-i-njene-odzvanjanje.html
i(l) str. 26.  sim
http://varazdinske-vijesti.hr/pdf/3668.pdf   
Aktuelni broj VV:
http://varazdinske-vijesti.hr/online/Main.php?MagID=1&MagNo=1     

* * * * * * * * * *

Citat:
DOBRE LJUDE HOČEM BLIZU
DA POZABIM NA TU KRIZU,
TANCALA BUM SVE DO JUTRA
BRIGE REŠILA BUM ZUTRA

Obširneše:
http://www.forumgorica.com/kajkavski/popevke-sem-slagal-i-recice-bral-kaj-danke-i-kaj-nocke/msg47402/#msg47402 

AKUD Žensko Kazalište G.Jesenje - Ni me briga - TV Spot, 03:38

AKUD Žensko Kazalište G.Jesenje - Ni me briga - TV Spot
« Zadnja izmjena: Svibanj 04, 2015, 08:49:38 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Caro carovo, a Božeko jegovo / HR.KAJ.NĚ? - Lépa naša kajkavska / tisKAJne
« Odgovori #712 : Svibanj 05, 2015, 11:33:48 poslijepodne »
Međimurske novine, br. 1023, 24.04.2015.
e-vundano 27.04.2015.

Piše: Jožek radnik

Premišlavanje Jožeka radnika

Caro carovo, a Božeko jegovo

Neje lefko živeti v Lepoj našoj jerbo so nas odnavek naši stareši vučili da nejpredi tre dati caro carovo, Božeko božje, a ono kaj ostane je za nas i naše živleje i mi se toga još navek pridržavlemo. No, kak smo več rekli, denes je to jako teško jerbo dok damo caro jegovo za Božeka nam čistam malo ostane, a za nas čistam nikaj. Kak je odnavek bilo tak je i denes, car (čitaj: država i jeni sastavni komadi) nam je predragi. Vsi sam rivlejo roke v žepe nas bokčekov i ta nam navek nekaj najdejo. Ne znati kak bode dugo to trjalo? Neje zabadaf država ženskoga roda. Ne znati kak dugo bodemo mi to zdržali? Kaj ne bodemo zišli kak Joškijov foringaški koj: dok ga je privčil kaj mo je ne jesti daval unda mo je fcrkel.




Lejpa naša je jedna od retkih ak ne i jedina država na sveto v šteroj se čuda još navek događajo. Najme kaj, prinas je kriza i recesija nejpredi počela sam smo jo mi ne mam prepoznali, ali zato je i nejduže prinas. Od kak so kukurikači prijeli cugle vlasti v svoje črlene roke vse je genulo nekam doli, nekam nazaj, očem reči, curik i kriza se je šepurila po Lepoj našoj kak da se je tu rodila i da je tu prinas zrasla. Gospodarstveniki i obrtniki teško dišejo, penzionercima i vsima drugima je voda do guta, franki nas kolejo, a devizna klauzula duši. Vsaki den naši kukurikači zmišluvlejo nove poreze, namete i trošarine, a unda se jempot, kak ftič feniks z pepela, javi minister poduzetništva i obrta Gordan Maras, gledi nas v oči i uveravle nas kak je Lejpa naša zišla vum z krize. To je rekel, a da je ne trepnul z okom. Da je on pravi minister šteri bi stal zaj za svojim rečima unda bi i mi jemo veruvali, ali ovak moramo biti kak i sveti Tomaš: dok ne vidimo ne bodemo veruvali.

 No, to je još ne vse, ministro Maraso štajngo drži i potprecednik Vlade Branko Grčič jerbo nam je i on rekel kak Lejpa naša leti v bolše zutra i to tak kaj jo nišči nebre zastajti. Ak smo mortik ne veruvali ministro Maraso, ali Brankec je čovek šteromo se mora veruvati. Ne sam da je on potprecednik Vlade, on je i profesor šteri nam vuči naše mlade i kak takši nebre govoriti ono kaj je ne. A to kaj mi još to ne vidimo o čemo nam on pripoveda to je čistam nekaj drugo. I v Bibliji piše: Blago onima šteri verjejo, a ne vidijo.

 Neje lefko živeti v Lepoj našoj jerbo so nas odnavek naši stareši vučili da nejpredi tre dati caro carovo, Božeko božje, a ono kaj ostane je za nas i naše živleje i mi se toga još navek pridržavlemo. No, kak smo več rekli, denes je to jako teško jerbo dok damo caro jegovo za Božeka nam čistam malo ostane, a za nas čistam nikaj. Kak je odnavek bilo tak je i denes, car (čitaj: država i jeni sastavni komadi) nam je predragi. Vsi sam rivlejo roke v žepe nas bokčekov i ta nam navek nekaj najdejo. Ne znati kak bode dugo to trjalo? Neje zabadaf država ženskoga roda. Ne znati kak dugo bodemo mi to zdržali? Kaj ne bodemo zišli kak Joškijov foringaški koj: dok ga je privčil kaj mo je ne jesti daval unda mo je fcrkel.

Čakovčanka i slikarica Marika Šafran Berberović je v našemo Staromo grado pre Vladeko Kalšano izložila svoje slike i napravila izložbo kaj bodemo i mi mlajši vidli kak lepo ona riše i piše.. Ona je več gospa v svojim letima, nesam jo pital za leta, ali več joj je osamdeset na hrpto, ali još navek dobro zgledi i ne bodete veruvali v Zagrebo, de denes živi, jo čuda bole poštuvlejo nek mi Međimorci. Najme kaj, nišči od županiskih političarov, nišči od grackih ocov je ne našel cajta kaj bi došel na otvoreje izložbe, nišči je ne došel kaj bi pozdravil Mariko, a ona se tak štima z Čakovcom i našim falačkom zemle med dvemi vodami. Brzčas je ta izložba bila napravlena v krivo vreme? Kuliko vidim vse vejč i vejč je takših, a posebno kulturnih događanja, napravleno v krivo vreme. Još bi razmel da bi to jen čovek moral vse sam obhajati, ali imamo jif tuliko kaj jif jedva plačamo, a oni nikam ne ftegnejo dojti.

Priločki Pikač pak pika. Več sedemnajst let dohaja na prvi april i jemo je vse dopuščeno isto kak i fašniko. To so cajtungi vu šterima novinari i uredniki slobodno vsakoga na red poberejo i vsakomo morejo spočitnoti vsako falingo. Tak se bar falijo. I kuliko vidim Priločanci, ne sam da to magadijo, nek se i štimajo z svojim Pikačom. Nejgerek sam kak bode to dugo? Pikačo želem dugo živleje i zdravoga humora.

 No, neje sam Pikač došel na svetlo dneva v Priločkoj fari, otprli so i novo kompostano. To je ona štero so herbali od Gorčancov jerbo so jo oni ne šteli, očem reči, ne vupali naprajti na svojemo hataro. Znate kaj so Gorčanci govoril, da je to prava ekološka bomba. Vidite, tak je i moj pajdaš Feri otpelal k svoji hiži seks bombo štera se Pištijo nudila i ve imajo pet dece. Kak bilo da bilo priločka kompostana je predelala i još bodo Priločanci dobavljali vsako leto po sto kil gnoja za svoj vrčak i to onak gešenk. Baš se je, kuliko vidimo, gradonačelnik Ljubek raskoražil, a Gorčanci bodo, najbrž, hodali štečit komposta v Prilok za svoje vrčake. Kak se je fletno to kolo sreče tu obrnulo!!!

  Mlada Tončika Ciglarova z Držimorca nas vuči kak je nejleži moči loviti svoje senje. Fala dragomo Božeko kaj je još ne moja žena zazvedila za to "nevolo" jerbo ak bi ona lovila moje senje da god bi nutri našla našo sosedo Bariko. Sam dva dni posle kak je Tončika bila v novinaj sam na plafono v hiži vu šteroj spimo našel staroga kotača od peciklina zamotanoga z ferbantima. Ne znati kaj on tu dela, a ne vupam pitati, ali sam se dospomenul z sosedom Barikom kaj jo ve jeno vreme nebum senjal.

 Meli smo priliko zazvediti od našega čoveka z Muzeja, gospona Kalšana, kak so za vreme rata vsi meli svoje tajne službe, očem reči, špijune, kak Mađari, tak Nemci, ustaše, pak i partizani. Vsi znamo da je rat zdavnja minul, tu mislim na onoga Drugoga, ali so špijuni ostali. Oni so delali, i to v tri smene, dok smo mi ne ratuvali, a prekpreveč posla so meli i za vreme ovoga zadjega Domovinskoga rata. Navek je političare zanimalo kaj delajo protivniki dok mislijo kaj jif nišči ne vidi, pak je tak i do denes ostalo. Verjem da ste čuli kak je leteči tajer kružil po nebi nad Čakovcom i da je bil pomaranđasti. Isto tak vsi znamo da je pomoranđasta boja od naših narodnjakov tak da je moguče da je nešči prek Drave pustil Letečega tajera kaj malo poslika nas Međimorce i da vidi kaj mi pravzaprav gruntamo o haeneseovcima. Ili pak so to Reformisti šteli videti kak mi dišemo je li smo za jive reforme, štere nam nudijo, sam so ne poslali svojega ljubičastoga tajera nek so ga maskerali v pomaranđasto farbo. A more biti da jim je te tajer ostal od unda dok so bil vsi pomaranđasti, pak jim je ve predrago bilo kupuvati drugoga. Jezero pitanji, a sam jeden odgovor: mortik bomo zazvedili kaj je to bilo, a mortik nigdar nemo. Dok so špijuni v pitanjo ne dojde navek istina na svetlo dneva. Morem vam reči da se mi zdi da i mjoa žena ima nekoga što mene špijunera. Ne da zna de sam vse bil, nek i zna kam sam kanil iti, a nesam ftegnul!


Zvir:
http://www.mnovine.hr/kolumne/Jožek%20radnik/1/Caro%20carovo,%20a%20Božeko%20jegovo
i(l) str. 64. sim:
http://issuu.com/mnovine/docs/mnovine1023is
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine     

* * * * * * * * * *

Išla žena v melin (Mlinar v krčmi)
Kaj se pripetilom, kaj se dogodilo

Carevi - splet međimurskih pjesama, 03:56

Carevi - splet međimurskih pjesama
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Japanski radniki i internetski komentatori / HR.KAJ.NĚ?-Lépa naša kajkavska
« Odgovori #713 : Svibanj 07, 2015, 10:46:39 poslijepodne »
Varaždinske vesti, br. 3669, 28.04.2015.

Piše prof. Barica Pahič

KAJ je naše pitanje i naš odgovor

Japanski radniki i internetski komentatori

Nedavne sem se, listajuč staru dokumentaciju, namierila na tekst z starih čist požutelih novin pospravljen sam Buog zna zake, o tem kak su Japanci f jene svoje velike tvuornice napravili dvoranu s figurami sieh značajnijeh tvuorničkih šefov v prirodne veličine. Radniki pak f te dvorane moreju provoditi svoj dnevni odmor i na figure šefov smeju kričati, špotati jih, kleti pa i pljuvati na njih. Japanci su, veliju te novine, to zmislili zate da si radniki moreju dati oduška, riešiti se nakupčanih frustracij i onda olakšani iti dalje delat.



Tuo me najprie nasmejale. Par dni pokle, dek sem na internetu čitala novine(curel je dejž pa niesem mogla nikam iti niti mi se kaj važnejšega delale), imiela sem časa otprieti i pogledati i komentare drugih čitateljov. Komentari štere sem čitala prizvali su mi v sviest onu japansku mudroliju i pomislila da je i mogučnest komentieranja naših novinskih člankov takaj jen oblik rešavanja nakupčanih frustracij razočaranega, obespravljenega i obesposlenega naroda. Ljudi moji, čega se tu se najde! Nie same komentarov neg i člankov šteri su povod za njih.

Komentiera se se. Od toga kaj si je oblekla štera glumica, kak je ova ili ona „zablistala“, „zasjenila“ i „bez daha ostavila“ ta i ta. F sakem broju novin je bar jena nekoga „ostavila bez daha“ pak zgledi da je bar puol ljudi, pred šterimi se ukazala, na aparati za kisik. Takaj muora biti bar jen članek o tem kak je nieki „doživel šok“ pak se šokierani štancaju kak na tvuorničke pokretne žnuore, a „šokieranje“ postane dosadne. Muora se znati i reči kaj kie misli i o ritačima lopte; kulike šteri vriedi na tržišču, kie je zabil gol ili je promašil... I se tak do politike; kie je tu komu zabil kakšnu cviku. Kaj opasniju, tuo bolju. Nie važne je li istina ili nie. Pogotove v ove pretpredizborne duoba.

Zna biti jake zabavne. Z tega se more videtii kie je kak ideološki ofarban i kie je najbolj maštoviti v zmišljanju nedostatkov (morti i po zadatku). Ide se od pravega obožavanja nekega, do krajnjega obezvređivanja, ponižavanja i gaženja v blate protivnika. Poglečte same kakev se riečnik vutem rabi! Tu ga nie granice ni vu veličanju ni v prostuete. Morti takev riečnik ljudi rabiju same f pijanem stanju ili v največem jadu i čemeru.

Nema tu kulture, kavalirštine niti obzirnesti. Ili je tuo zbilja zmišljene same zate da bi se ljudi pokazali kakvi su i rešavali se frustracij svoje bespomočnesti? Trebale bi ipak znati da je preterane ponižavanje, kak i preterane hvaljenje, jednak bedaste i nekorisne.


Zvir:
http://varazdinske-vijesti.hr/kaj-je-nase-pitanje-i-nas-odgovor/japanski-radniki-i-internetski-komentatori.html
i(l) str. 25.  sim
http://varazdinske-vijesti.hr/pdf/3669.pdf     
Aktuelni broj VV:
http://varazdinske-vijesti.hr/online/Main.php?MagID=1&MagNo=1     

Citat:
(PO)PLAVA RACA PO DRAVE DUGE REKE (JANGCE)
Kineski (il japanski?) sindrom*
(* http://hr.wikipedia.org/wiki/Taljenje_jezgre_nuklearnog_reaktora )

http://www.forumgorica.com/general-discussion/humor-ili-tu(r)mor/msg54634/#msg54634

Kineska plava raca (patka)
河中鴨_Raca plava ~ 克羅地亞_Croatia, 02:08

河中鴨_Raca plava ~ 克羅地亞_Croatia
« Zadnja izmjena: Svibanj 07, 2015, 11:06:44 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Idem si po jakše očale / HR.KAJ.NĚ?- Lépa naša kajkavska / pregled tisKAJna
« Odgovori #714 : Svibanj 11, 2015, 09:06:47 poslijepodne »
Međimurske novine, br. 1024, 01.05.2015.
e-vundano 04.05.2015.

Piše: Jožek radnik

Premišlavanje Jožeka radnika

Idem si po jakše očale

Kam god putuvle precednik naše i hrvaške Vlade Zoran Zoki Milanović vseposod prepoveda kak se na vse zadje ipak vidi nekši hasen od toga kaj dela jegova Vlada. Čim sam to čul petnajstipot nekši vrag mi je ne dal mira i prijavil sam se doktoro, očem reči, doktorici
(vsaka čast doktorima, ali ipak je lepše se dati v roke dokoricaj) za oči nek me dobro spregledne i nek mi da nekše bolše, ak ne i nejbolše očale kak bi i ja mogel videti te rezultate.

Jako je grdo ak ljudi več na leta delajo, a mi nikaj ne vidimo. Nam je vse huje i huje, a oni nam prepovedaji da nam je bole i da so došli bolši dnevi. No, vse bode vredo jerbo si je doktorica pajdašica z mojom ženom pak bodem dobil i ja nove očale i unda bodem mogel vse videti kaj se od mene išče. Čim se pred menom otprejo te dobrote o ljepote štere nam je preprajla naša nikak i nigdar prežaljena Vlada znate da bodem to nejpredi vam rekel. A komo bi drugomo?

Još navek opslužavlemo Dneve županije. Ovo leto se je to obslužavanje oteglo na jedanajst dni. Morem vam reči da je to preveč dugo. Čuda se to vsega zrivalo vu te dneve tak da je ne muoči dojti na vse kaj so nam naši županijski čelniki preprajli. Čuda je oni Međimorci šteri so si nikak ne mogli zebrati kak i de bi obiležili Den županije, pak unda niti nikam ne dojdejo. Skupa z Dnevom naše županije obslužavlemo i Spomenden da so Peter Zrinski i Fran Krsto Frankopan zgubili svoje živote pred 344. leti v Bečkom Novom Mesto. V minulo soboto došlo je na fešto 18 povjesni postrojbi z vsih krajov Lejpe naše, a došli so i Mađari, šteri štimajo i poštuvlejo naše Zrinske. Stranjski so došli, došel je i biškup Jezerinac kaj je mešo odslužil, a domaći ga ne bilo. Naši saborniki so ne došli, došla je sam Sunčana Glavak kak da je to sam jena županija i jeni Spomenden, kak da so drugi saborniki negdi drugdi zebrani, a ne prinas v Međimorjo. Nikak mi nejde vu to mojo bedasto glavo kak se ne dohaja na županiske fešte jerbo je župan ne žjive stranjke. Niso došli, kak sam več rekel, naši vodeči političari, ali sam ne videl niti naše prosvjetne težake. A nesam jif videl jerbo so ne došli. Kak bodo navučiteli, nastavniki i profesori vučili našo deco zakaj moramo poštuvati Zrinske i Frankopane ak jif oni sami ne poštuvlejo?

Najbrž se je i zato pripetilo da ga v Bečkomo Novomo Mesto bilo vejč ljudi nek na nešternim manifestacijama v Čakovco ili pak v drugim mestima Međimorja. Kak nas bodo drugi poštuvali ak mi sami sebe, očem reči, svoje velikane ne poštuvlemo. Na vse zadje, da si čovek malo bole pregrunta, kak bodemo poštuvali Zrinske i Frankopani, šteri so svoja živlenja dali za Lejpo našo pred 344. leti, ak ne poštuvlemo niti naše branitelje, šteri so se borili, a nešterni i dali svoja živlenja, za ovo Lejpo našo v šteroj denes živimo, a to je bilo pred 25. let. Vse fletno pozabimo i to tak dugo dok pak ne dojde nova nevola.

Čakoska Matica Hrvacka je znova dala naštampati knigo z pučim i cirkvenim pesmama štere je, pred devedeset let, na kup nametal naš muzikolog, skladatelj, profesor mužike i akademik Vinko Žganec z Vratišinca. Celo živleje je delal na glazbi i z glazbom tak da je črez jegove roke prešlo prek tridesti jezeri vsakefele pesmi. Matičari so znova naštampali te pesme tak da jif i mladi, kak oni šteri hodajo v cirkvo, taka i oni drugi, morejo najti na jeni mesti. Vse je to lepo i dobro, ali na predstavljanje knige je skorom nišči ne došel. Vsi se falimo kak je naš Vinko bil dober i spameten, kak je čuda delal, a kak je još vejč napravil za nas Međimorce i Međimorje naše malo, a dok tre dojti kaj se još nekaj nafčimo o jemo i kaj mo zafalimo kaj so jegove pesme nejveč pomogle 1920. leta kaj se je Međimorje zanavek otrglo od Mađarov i vrnulo se svojoj Lepoj našoj. Morem vam reči da nigdi navučitelov, nastavnikov, profesorov šteri se bavijo z mužikom. Znova pitam kak bodo deca znala poštuvati našega Vinkija, ak ga mi ne poštuvlemo šteri smo žnjim, bar malo živeli i znamo kaj je i kuliko napravil za nas. Drugi ga več poštuvlejo nek mi. Pak najte mi reči da smo mi jalni Vinkijo?

Minuli tjeden je po našemo nebo kružil leteči tajer. I to črleni. Ne znati što nas to špijunera? Mortik so to Kinezi jerbo se v zadje vreme oni čuda motajo po našemo hataro, a i črlena je jiva farba. Ili pak nam je to nešči poslal črlenoga tajera jerbo smo na minulim precedničkim izborima svoje glase dali črlenomo Ivijo Josipovičo, pak se ve ovi z Hrvaške delajo norca z nas.

Otkak je naš i šenkoski Dragec Lesarov pustil cugle vlasti z svoji roki, Laburisti so se počeli reshajati kak rakova deca. Vsaki se počel brigati za sebe i vsi iščejo svoja mesta negdi drugdi na politčkom nebo. Politika je vsa vražja ili kak naši stareši Međimorci velijo, prekprokleta i dok ti se jempot zrivle pod kožo nebreš je se rešiti. Tak so i Laburisti zišli: oni so na leta furt išli gori, a dok se je kotač sreče počel obračati na drugo stran i dok so se hapili spuščati, unda so se ne znašli i ve iščejo nove stranjke i očejo još nekšega hasna zeti od onaoga kaj so na minulim izborima hasnuvali.

Z jene strane vsi pripovedajo kak smo mi Međimorci slabo školani, kak smo sam za one posle de je v pitanjo lopata, motika i tačke, a z druge strane naši mladi so nejbolši v celoj Lepoj našoj. Makar je ne za faliti se, ali je sedemnajst letni dečec z Prislavca pripravil dvajsti jezer LSD markici za dilanje med mladima. Kak se to naša deca fletno navčijo vse ono kaj ne bi smela i kak vse delajo sam kaj bi čim predi došli do penez. Kuliko sam mel za čuti, pak je te dečec doma ne bil lačen, a niti pak žejen, ali nekši vrag ga je vlekel v te posel šteri se nesme delati. Vsa je sreča kaj so mo naši policaji stali na rep i tak so te markice ne završile med našom decom.

Pred nami je Prvi maj, to je den da se ne dela i da težaki svetkujejo. Vsaki grad, vsako selo ima nekšo fešto jerbo ovoletni svetek bode tri dni trajal. Probajte si malo pregruntati: kuliko se bode bažlja pojelo te dneve, kuliko bode pajceki i prasci završilo na roštiljo, a kuliko se bode stopram vina ili pak piva spilo. Ak to vse denemo na kup unda se bode vidlo kuliko poštuvlemo toga svetka. I to ne sam zbogradi tega kaj je to svetek dela nek je to i moje godovno. Najme kaj, toga dneva je godovnjak Jožek radnik, a vsi znajo da je to i moje godovno. Siguren sam da nišči od vas nema tuliko fešti za svoje godovno.


Zvir:
http://www.mnovine.hr/kolumne/Jožek%20radnik/1/Idem%20si%20po%20jakše%20očale
i(l) str. 64. sim:
http://issuu.com/mnovine/docs/mnovine1024is 
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine     

* * * * * * * * * *

KUD ''Orač'' Demerje - Dej mi bože joči sokolove, 02:35

KUD ''Orač'' Demerje - Dej mi bože joči sokolove
« Zadnja izmjena: Svibanj 11, 2015, 09:11:20 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Puna mi je kapa sega / HR.KAJ.NĚ? - Lépa naša kajkavska / pregled tisKAJna
« Odgovori #715 : Svibanj 15, 2015, 06:42:20 poslijepodne »
Varaždinske vesti, br. 3670, 05.05.2015.

Piše prof. Barica Pahič

KAJ je naše pitanje i naš odgovor

Puna mi je kapa sega

Sindikati pak kričiju da Vlada ne mari za radni narod i da laže o podatkima o nezaposlenesti. Gde je tu koza, a gde rog? Več ništ ne razmem. Puna mi je kapa sega. Same je Svetski dien bez hlač prešel kak treba, kak god da je f hlačami na nogami Hrvatska, Španjolska, Grčka, Amerika (Baltimor)... Bile je male srečnih slavljenikov Praznika rada. Deržani se buntovni govori i jel besplatni grah. A ni graha nie bile za se.



Ovolietni vuletni dnevi su baš jake dinamični. Ne smenjuje se same sunčane i dežđevite vrieme neg i kojkavkvi dogotki, ne budi rečene afere, producierane čas s lieve, čas s desne strane, a čas s centra ak vam je jasne kie kam spada. Zaredala su slavlja: te Jasenovac, te Praznik rada, te obljetnica Bljeska te Svetski dien bez hlač, te protestni skupi, te opasne, te idilične stvari.

Predsednica je bez pratnje odišla v Jasenovac, gdi je diela cvietje na spomenik i napisala da bespridržajno osuđuje zločin. Radi rieči bespridržajno se na nju obrušila kojkakva „stručna“ javnest štera tu rieč ne razme. Napali su ju da uvodi nekakvi „hadeze-novogovor“. Zabadav je čak i stručnjak, šef za se riečnike i pravopise objašnjaval da je rieč dobre tvorena i hrvatska. Novinari su ji par dni javne „vadili mast“ na TV-raspravami i po novinami. I nie same radi tega, neg i zate kaj je odišla sama, a nie po protokolu i s antifašisti, šteri več lietima ponavljaju frazu „da se više nikad ne ponovi“, kaj več deluje kak mehur od sapunice. Tu ne vriedi ono da je žrtva, žrtva i za one v simboličkem Bleiburgu, a ponovljene vu Vukovaru, Škabrnje, Srebrenice itd. V kritike su jake aktivni bili i otac i sin i „duh sveti šteri izlazi iz oca i sina“ i za ovakve prilike simbolički se ftelovljuje v zvezdu petokraku. Predsednica je poslala svojega izaslanika gosp. Lustiga, šteri je preživel fašiste v Auschwitzu,ali za male nie hervatske antifašiste v Jasenovcu.

Drukčeše je bile na proslave Bljeska. Tu su se našli si z deržavnega vrha i govorili nekaj kaj je čist suprotne onomu v Jasenovcu. Pa kie da se onda vu semu tomu snajde? A Predsednica je napravila i trejči gaf; na peneze šteri su ji radi pobede v predsedničke kampanje pripali, nieje platila porez, nieje na svuoj osobni račun diela nekaj ober 500 jezerač, nekaj dala za porez, a nekaj v dobrotvorne svrhe, neg napravila kak je f kampanje obečala. Tek je s tiem zezvala buru, jer da zakida deržavni proračun i da daje loš primer oniem šteri muoraju platiti porez. V jene stvari ju osuđuju kaj nie oderžala rieč, a v druge zate kaj ju je oderžala. Kaj to nie paradoksalne?

Sindikati pak kričiju da Vlada ne mari za radni narod i da laže o podatkima o nezaposlenesti. Gde je tu koza, a gde rog? Več ništ ne razmem. Puna mi je kapa sega. Same je Svetski dien bez hlač prešel kak treba, kak god da je f hlačami na nogami Hrvatska, Španjolska, Grčka, Amerika (Baltimor)... Bile je male srečnih slavljenikov Praznika rada. Deržani se buntovni govori i jel besplatni grah. A ni graha nie bile za se.


Zvir:
http://varazdinske-vijesti.hr/kaj-je-nase-pitanje-i-nas-odgovor/puna-mi-je-kapa-sega.html
i(l) str. 27.  sim
http://varazdinske-vijesti.hr/pdf/3670.pdf     
Aktuelni broj VV:
http://varazdinske-vijesti.hr/online/Main.php?MagID=1&MagNo=1 

* * * * * * * * **

PUNO LEPE CAJTOV vs. PUNA KAPA SEGA
Duško Modrinić & Melos - Još bu puno lepih cajtov (Krapina 2010) Popevke zanavek HQ, 03:00

Duško Modrinić & Melos - Još bu puno lepih cajtov (Krapina 2010) Popevke zanavek HQ
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Mi Jožeki smo pak nejbolši / HR.KAJ.NĚ? - Lépa naša kajkavska / tisKAJne
« Odgovori #716 : Svibanj 16, 2015, 03:53:35 poslijepodne »

Međimurske novine, br. 1025, 08.05.2015.
e-vundano 11.05.2015.

Piše: Jožek radnik

Premišlavanje Jožeka radnika

Mi Jožeki smo pak nejbolši

Imamo nejbolšega matematičara pre Sveti Jeleni, a to je Martin Jožek Kocijan. Ne bi ga ja falil da je ne zaslužil, ali on je isto Jožek i verjem da mo je te telentum za matematiko i prirodne znanosti od Jožeka jerbo je Martin bole za društvene djelatnosti. Jedino kaj Martin (Tinček) ima od prirodnih znanosti so gorice, grozdje i vino. Znam da se po vino, očem reči, dobromo vino pamet dobi, ali ne takšo formo, ne za matematiko i ne tak fletno. Vsejeno, ne bi on mogel biti nejbolši v Lepoj našoj da je ne Jožek. Dosta smo se hecali, Martino Jožeko Kocijano velike čestitke za ve ono kaj je do ve napravil za sebe, svojo familijo, svojo školo, svojo opčino, našo županijo i Lejpo našo. A to mo je ne prvič. Dej Božek kaj mo ne bode zadjipot. Jožek, vsaksa čast, kapa doli i to do poda.



Kak i vsako leto tak se je i ovo leto za prvomajske svetke pojelo čuda vreč bažola. V Čakovco, pre Staromo grado, so bažula kuhali i delili esdepeovci kak i navek. Nebrem reči, došlo ga hajdi ljudi kak i navek da se nekaj deli zabadav. Morem reči da je i vreme bilo čistam vredo za kaj moremo zafaliti našim mladim pucama i dečkima šteri so se za to pobrigali, makar se pajdaš Tonča z tem ne slaže jerbo, kak on veli, čuda je bolše vreme dok te stvari, očeme reči, dok mi stareši zememo v roke svoje žene i vedrimo. To nam Božek prizna kak svectsko čudo jerbo je dosti teško z svojom ženom spati posle četrdeset ili pak vejč, let od prisege. Z svojom je teško, a z drugima još teži, očem reči, nikak. Kak bilo da bilo nešči se je ipak pobrigal kaj je vreme bilo lepo i kaj je zdržalo, a te nešči je ne bil z esdepeja jerbo znamo da esdepeovci ne delajo stisko v cirkvi i nejso na ti z dragim Božekom. Vse je bilo vredo sam mi je bilo čudno kaj so ne esdepeovci skuhali bar dvajsti kil žutoga bažola za nas šteri ne jemo črlenoga. Znate kak je to: črleni bažol, črlena paprika i z črlenoga esdepovoga lonca unda me posle žgaravica peče. Meli so i dobre gemište, ali teško je žgaravico zlečiti z gemištom, makar i dobrim, zbog mehureki v kiseli vodi.

 Naši "seljaki", čitaj haesesovci so, kak i vsako leto, meli svojega bažola, šteroga jim kuha Ivo na Martici, i oni, makar so v koaliciji z esdepeom, navek kuhajo žutoga bažola, a po jivomo bažolo me nigdar žgaravica ne peče. Najbrž vsaka stranka ima svojega bažola i recepta, kak stranka tak i kuhar.

 Preslavili smo Den županije, a žnjim i Spomenden na naše junake Petra Zrinskoga i Frana Krste Frankopana štere so v Bečkom Novigrado Habsburgovci skratili za glave. Vsi znamo da je 30. april postal Spomenden odlukom Sabora Lejpe naše pred štiri leti i zato je i pokrovitelj Spomendneva precednik Sabora. Tak je bilo i ovo leto sam kaj je mesto precednika dohajala saborska potprecednica naša Dragica Zgrebec. Kak da je precednik, Jožek Leko pozabil gde je Međimorje ili pak je ne vupal dojti. Pak koga se boji, pak i tu so jegovi na vlasti? Bar za ve!

 Nejso več niti skrivečke službe kaj so negda bile. Najme kaj, čim so Perkovič i Mustač v švapskomo rešto nikak nebremo zazvediti čiji so to penezi v švicarskaj bankaj na skrivečkaj računaj, a kaj so došle z Lejpe naše. Ne sam to kaj ne znamo ili pak nečemo reči, što jif je tua znosil nek so i v švicarskim frankima. Dok franki tam lenguzajo, a znamo da Švicarci davlejo kamate malo vejč kak nika, isti čas nam te franki doma falijo kaj bi rešili dužnike z udruge Franak. Vse imamo i dužnike i franke sam nešči bi moral to povezati. Oni isti šteri so nas nagovarjali kaj si zememo zajma vu frankima so naše franke dimo v Švicarsko znosili (kak da jif oni nemajo dosti), a nam so kune dali. To vam je isto kak i z mlekom v štumblekima: vrhje navek nešči drugi pobere, a nam ostane kiselo mleko i sirotka.

 Ne znam zakaj, ali se navelikom počelo pripovedati kak se "kukurikači" ravnajo z vlasti, Ministarstvo obnove i razvitka je najavilo dogradnjo, očem reči, prošireje rešta v Remetinco kaj bodo vsi šteri bodo došli na red i vsi šteri so to svojim poslom zaslužili, meli iste uvjete, očem reči, istoga konfora, kak i oni šteri so do ve bili ili so još nutri.

V zadje vreme si nekak preveč čuda premišlavlem o našemo nadvožnjako pre Staromo Hrasto, šteri je, isto tak, vsaki den vse stareši i stareši i vse bole pogjeni. Počele so ga več boleti staračke kosti. Vsi znamo da ga je, negdi pred cirka, okoli četrdeset let, prek štreke postavil naš inžiner i GeKaovec Danijel Režek i to tak kak da bode zanavek trajal. Najme kaj, nadvožnjaka je napravil, a neje napravil zaklado z štere bi se te nadvožnjak popravljal. Da je to napravil unda bi to bil perpetum mobile jerbo bi most sam sebe zdržaval. Najbrž je to moral napraviti jerbo so denešja deca ne kak negdašja kaj bi zdržavala nas stareše. Denes je vse drugač, pak se mi stareši moramo brigati za svojo deco vse do grobja, a i unda jim moramo ostajti dobroga herba. Pustimo deco i herba, ali vam morem reči da je čakoski gracki načelnik obečal, čim je prijel cugle vlasti vu svoje mlade roke, kak bode nadvožnjaka popravil jerbo je prometni minister Siniša Hajdaš-Dončič jegov hižni prijatel, a i mi z Čakovca imamo svojega čoveka, Veslina Biševca, vu istomo ministarstvo za ceste i nadvožnjake i z te dva adute bodemo vse naprajli. Kak se ovo novo vreme kaže i Siniša i Veselin idejo svojemo krajo, očem reči, jivi mandati, a naš nadvožnjak još navek čeka bolše zutra. Ili bode itak gospon Režek zel to v svoje iskusne, ali vse stareše, roke. No, nebre se niti on restrgati jerbo i jemo vreme ide. Negda je gospon Režek bil mladi, a nadvožnjak novi, a ve je nadvožnjak več stareši i čaka penzijo kaj bode tam skupa z svojim inžinerom.

 Naš župan, Matek Posavcov, nam je lepo, v prvomajskoj čestitki, rekel kak sam vekše plače morejo zastajti Međimorce i međimorske težake na falačeco zemle med dvemi vodami. Ak je tak rekel unda mora nejpredi zravnati svojo plačo z plačom čakoskoga gradonačelnika. Pak velijo da je i dragi Božek nejpredi sebi brado napravil??

 Falijo se čakoski gracki oci kak je grad Čakovec jeden od nejlepših i nejbolših za živleje v Lepoj našoj, a z druge strane otpirajo socijalnoga štacuna jerbo hajdi ljudi nebre zvezati kraj z krajom. Prinas več i ve dela samoposluga za one šteri nemajo, a to so kontejneri po čakoskaj vulicaj. Ali ni ti tu ga ne za vse nek sam za one nejfletneše.

 Imamo nejbolšega matematičara pre Sveti Jeleni, a to je Martin Jožek Kocijan. Ne bi ga ja falil da je ne zaslužil, ali on je isto Jožek i verjem da mo je te telentum za matematiko i prirodne znanosti od Jožeka jerbo je Martin bole za društvene djelatnosti. Jedino kaj Martin (Tinček) ima od prirodnih znanosti so gorice, grozdje i vino. Znam da se po vino, očem reči, dobromo vino pamet dobi, ali ne takšo formo, ne za matematiko i ne tak fletno. Vsejeno, ne bi on mogel biti nejbolši v Lepoj našoj da je ne Jožek. Dosta smo se hecali, Martino Jožeko Kocijano velike čestitke za ve ono kaj je do ve napravil za sebe, svojo familijo, svojo školo, svojo opčino, našo županijo i Lejpo našo. A to mo je ne prvič. Dej Božek kaj mo ne bode zadjipot. Jožek, vsaksa čast, kapa doli i to do poda.


Zvir:
http://www.mnovine.hr/kolumne/Jožek%20radnik/1/Mi%20Jožeki%20smo%20pak%20nejbolši
i(l) str. 56. sim:
http://issuu.com/mnovine/docs/mnovine1025is 
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine   

* * * * * * * * * *

Kratki cajti - Volim Jožeka, 04:13

Kratki cajti - Volim Jožeka
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Nejsmo mi Međimorci za politiko / HR.KAJ.NĚ?-Lépa naša kajkavska / tisKAJne
« Odgovori #717 : Svibanj 23, 2015, 10:38:38 poslijepodne »
Međimurske novine, br. 1026, 15.05.2015.
e-vundano 18.05.2015.

Piše: Jožek radnik

Premišlavanje Jožeka radnika

Nejsmo mi Međimorci za politiko

Kuliko vidimo nejsmo meli preveč ljudi vu Vladama za ovih dvajstipet let demokracije. Čuda vejč ministarskih pomočnikov so nam privoščile naše međimorske puce i žene nek nam je to naprajla politika. Najbrž oni imajo praf šteri velijo da smo mi Međimorci nej preveč za politiko. Vse drugo more, ali politika nam nekak nejde od roke. Nekaj se pripoveda, i to na velikom, kak bode to ve naš Matek
(Posavcov, HNS) vse spremenil jerbo jeni velijo da bode precednik stranke, drugi pak velijo da bode precednik Vlade, tretji velijo da bode minister, a četrti sam čkomijo. I teca Franca je sam stiha!?


Župan naše međimorske županije, Matek Posavcov, je ostal brez svoje desne roke jerbo je Zokijova Vlada jegovoga pročelnika Alena Kajmoviča pozvala v beli Zagreb grad za zamjenika kulturnoga ministra. I kartico bode dobil! Lejpo je to kaj imamo pak jednoga svojega čoveka v Zagrebo i to tak na visoki mesti. No, znate kakši smo mi Međimorci, dok tre iti v Zagreb unda nišči neće, a dok oni sami nekoga pozovejo unda gombamo kak so ne morali ruon jega zeti, kak so si i drugi zaslužili kaj bodo v Zagreb hodali na posel, kak je on ne pravzaprav Međimorec i sam dragi Božek zna kaj se vse ne spominamo. Kak bilo da bilo, precednik Zoki si je sam zbiral, a najbrž mo je pomagala potprecednica, i to prva, Vesna, pak je Alen zebrani. Vsi znamo da je on došel z Ploča k nam v Međimorje i da si je tu našel svojo golubico i da je tu vejč hajdig let i več ima naše međimorsko državljanstvo. Isto tak vsima nama je poznato da otkod ti je žena otud si i ti, tak da je po tomo on naš čovek jerbo je svetojelenski zet. No, to je još ne vse jerbo on vu svojemo prezimeno ima KAJ i brzčas je kajkavec, tak da jegovi stareši stoprocentno vlečejo svoje koreje z naših krajov, očem reči, da se je Alen vrnul sam vu of naš kraj gde so negda i živeli jegovi praprajapice i prapramamice. Verjem da se bo Alen tam dobro znašel i da bodemo mi Međimorci, šterima je kultura posebno jaka strana, a i naše Međimorje malo, meli velikoga hasna od jega.

Ve več dok se spominamo o našim političarima vu Vladi bilo bi dobro kaj napravimo inventuru gde to mi i koga imamo, i koga smo meli, vu Vladi. Nejveč imamo, a i meli smo, pomočniki ministrov. Verjem da se zmislite da je, ne tak zdavnja, bil pomočnik ministra gospodarstvenikov Leo Begovič. On je bil z Dubrovnika, ali je po onoj staroj otkod ti je žena, bil z Gorčana, očem reči, bil je gorčenski zet. Z ministarstva je odišel za precednika uprave državnih strujačov, ali so ga "kukurikači" poslali dimo dok so prevzeli cugle vlasti vu svoje roke. Ve vam ne bi znal reči gde je, ali je stoprocentno v Međimorjo jerbo što jempot dojde v Međimorje te tu ostaja zanavek. Vsaka čast Dubrovniko, šteri je negda bil republika i to dosti dugo, ali so i Gorčanci meli svojo republiko, istinabožek dosti kratko, ali so jo meli. Mi Međimorci imamo i svojega pomočnika ministra pre ministro Hajdaš Dončičo, a to je Veselin Biševac, šteri je k nam v Međimorje došel jako, jako zdavnja i to z Podgorice. V ministarstvo za policaje je pomočnik Žarko Katič, šteri je došel svojo golubico iskat k nam v Međimorje iz Zadra i on se je dosti dugo zadržal v Zagrebo. Negda je bil minister i Marijan Ramuščak, šteri je bil z Varaždina, ali isto tak z našim Međimorskim državljanstvom. V ministarstvo gospodarstva smo jen čas meli za pomočnika Igora Camplina, našega dečka šteromo je japa z Dežele. Još navek imamo Iveka Crnčecovoga za pomočnika ministra v ministarstvo za pravdo i pravico. Najbrž se je Ivek narodil negdi prek Drave kaj se je uspel tak dugo zadržati v pomočničkoj fotelji. Vsi znamo da je pomočnik pre ministro Maraso bil Štef Korajov, naših međimorskih bregecov listek, kaj bi rekli čistokrvni Međimorec, ali on se je tam zadržal samo jedno leto. Našli so mo nekšo falingo i poslali ga dimo. Negda zdavnja je bil pomočnik ministra gospodarstva i naš Međimorec z Domašinca, Dragec Kataleničov. Neje bil preveč dugo, ali je z Vlade prešel v Labodoritaški savez i tam je ostal, kuliko je meni poznato, do dneva denešjega. Par let je bil Dobravčan Darko Horvatov ravnatelj za energetiko pre ministro gospodarstva, a ve je jegov pajdaš z iste opčine, Marijan Vargov, savjetnik vu istomo ministarstvu. Ne bi se čudil da so se Darko i Marijan rodili v koprivnički bolnici ak so tak dauko došli. Kuliko vidimo nejsmo meli preveč ljudi vu Vladama za ovih dvajstipet let demokracije. Čuda vejč ministarskih pomočnikov so nam privoščile naše međimorske puce i žene nek nam je to naprajla politika. Najbrž oni imajo praf šteri velijo da smo mi Međimorci nej preveč za politiko. Vse drugo more, ali politika nam nekak nejde od roke. Nekaj se pripoveda, i to na velikom, kak bode to ve naš Matek vse spremenil jerbo jeni velijo da bode precednik stranke, drugi pak velijo da bode precednik Vlade, tretji velijo da bode minister, a četrti sam čkomijo. I teca Franca je sam stiha!?

Minuli tjeden je minul Majski muzički memorijal posvečen našemo poznatomo kompozitoro Jožeko (mojemo imejako) Štolcero Slavenskomo. Morem reči da je ovo leto Šajerica bila premala za vse šteri so šteli poslušati i uživati v ozbiljnoj mužiki kaj mi se je jako vidlo. No, nišči je ne rekel kak mi v Čakovco imao spomen pločo Jožeko na hiži v šteroj se je rodil i kak smo mo postajli bisto v čakoskomo parko. Mortik je i bole da smo se ne pofalili z bistom jerbo jo je nišči niti ne opral i prepravil za videc, a i ono kaj polek je piše je ne muoči sam tak prečitati. Pak bi ga mogli bar hmiti za jegov rojsni den.

Za razliko od Jožeka, Vinci Žgancov je ne tak dobro prešel. Najme kaj, na predstavljanjo jegove knige, vu šteroj so čakoski Matičari skup deli pučke i cirkvene pesme z 1924. i 1925. leta došlo je jako malo ljudi. A vsi se falimo z Vincijom, šteri je jako čuda napravil za Međimorje jerbo so jegove pesme 1920. leta pomogle ka nam je Evropa priznala da mi Međimorci pripadamo Lepoj našoj i da smo ne Mađari, bil je i akademik, a unda mi ne dojdemo kaj bi mo zafalili za vse kaj je nas Međimorce i za naše Međimorje napravil. Nega bilo niti navučitelov, a niti profesorov, kak bodo unda đaki i študenti došli?

Čakovčanci i čakoski gracki oci nikak da dojdejo na kraj z vranaj v čakoskomo grackomo parko. Vrane nišči nesme pehati jerbo so to ftiči nebeski, a one smradijo vseposod i na vsakoga što se špancera po parko. Nešči je jako dobro vpotil vrane kaj se z vsega norca delajo z čem jif se oče vništiti. Najbrž je još ostalo kaj bi gospon Barič z gracke uprave, šteri je zadužen za vrane, odišel do profesora Baltazara i on bi mo stoprocentno našel nekšega lekeca. Zna profesor od čega muhe (čitaj: vrane) crkajo.

Dečec z Prislavca, šteri je otprl trgovino na veliko, prek Interneta, i solarno trgovino na malo, z roke v roko, očem reči, peneze na sonce za LSD drogo je vse plačal z virtualnaj penezaj. To se mi je jako vidlo, pak sam štel do jega dojti, ali policaji ga skrivlejo kak zmija noge. Najme kaj, pak ne sam vam ja nucal drogo, nek sam se štel zaškolati kak dojti do te virtualni penez kaj bi vrnul zajma v frankima. Pak so brzčas bankari čuli za virtualne peneze. Znate kak je to bilo dok je Štef vse zalužil kaj je zaslužil, pak se je Barika morala skompati z mesarom kak bi mela kaj v lonec deti. Štefo se je to vidlo kak je nikaj ne moral k hiži davati, a vse je bilo na svoji mesti, a i tajer pun. On je navek ženi kazal svojo plačo pred zrcalom i govoril joj je: oni penezi v špiglo so tvoji, a ovi v moji roki so od krčmarice Julike. Jedno večer je raneše došel z krčme i rival se na Bariko. Unda pak je i Barika jega otpelala do zrcala, slekla se je i rekla mo: vidiš Štefek, ona v špiglo je tvoja, a ova tu polek tebe je mesarova. Vse pomalem dojde na svoje, kaj ne bomo rekli kak meni teca Franca velijo: vsaka rit ti jempot dojde na šekret.


Zvir:
http://www.mnovine.hr/kolumne/Jožek%20radnik/1/Nejsmo%20mi%20Međimorci%20za%20politiko
i(l) str. 56. sim:
http://issuu.com/mnovine/docs/mnovine1026is   
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine

Citat:
(i) vlč. Vinko Žganec
http://hr.wikipedia.org/wiki/Vinko_%C5%BDganec
* * *
Tv kalendar 12.prosinac - Vinko Žganec hrvatski etnomuzikolog,  01:34
https://www.youtube.com/watch?v=hYb8zemhDSg

Lepe naše senokoše, Lubil sem te 7 let (Lasi si je rudala)…
KUD "Vinko Žganec" Vratišinec - Lepe naše senokoše, 02:50

KUD "Vinko Žganec" Vratišinec - Lepe naše senokoše
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Pelnica je naša hižica i naša slobodica / HR.KAJ.NĚ? - Lépa naša kajkavska
« Odgovori #718 : Svibanj 29, 2015, 11:27:47 poslijepodne »
Međimurske novine, br. 1027, 22.05.2015.
e-vundano 25.05.2015.

Piše: Jožek radnik

Premišlavanje Jožeka radnika

Pelnica je naša hižica i naša slobodica

       Kaj vi mislite zakaj naše brežne Međimorke magadijo kaj so jivi muoži tak dugo (i to skorom vsaki den) po pelnicaj? Nebrete si premisliti? Pak dok dimo dojdo unda so one na redo jerbo ovo naše svecko vino je nejbolša vijagra za nas Međimorce, a i za vse one šteri ga redovito trošijo.
Ve vidite zakaj velim da so naša međimorska vina nejbolša na sveto: moško telo, očem reči, požerak uživle dok ga se pije, a žene si posle hasna vum zemejo.
       Naše brežne Međimorke si furt (no ne ruon furt) gruntajo gde so jim muoži. No, ne kaj ne bi znale gde so nek neznajo navek v čijoj so itak pelnici, očem reči, v čijoj so se čitaonici (čitaj: vinskoj radionici) štero večer začitali. Znate kak je to, neje moškima navek lefko pota do doma potrefiti gda znamo da ivanski kukci ne svetijo po goricaj, a vinske mušice nemajo lampaše.
       Tri-štiri vinari na Orehovčako so počeli štrajkati. Zaprli so se v nejvekšo Pajijovo pelnico i odbijali so vodo.



Kak i vsako leto tak i letos v majušo obslužavlemo v našoj Međimorskoj županiji Dneve vina. Kaj se vina dotikavle mi se žnjim parimo črez celo leto, ali vsaki sam v svoji pelnici, za svojim stolom, a dok vino ima svoje dneve unda smo v brežnomo krajo vsi skupa. Ovo leto bode ta fešta trajala pol meseca. Počelo je v Štrigovi, a završilo bode v Svetomo Urbano. Minuli vikend se je razgledavala vinska oprema cirka deset minot, a posle so se sprobavala nejbolša međimorska vina, štero so, tak vsi velijo, nejbolša na sveto i na ovim bližešim i vekšim planetima. Nek se ne srdi Stankec Rebernikov, z imenom i conom zvani Rebus, načelnik nejvinske opčine Štrigove v štero spada i Sveti Urban, i Železna Gora, a i štrigoski školski stoloravnatelj, ali mi se nekak zdi da je vino i vse ono kaj se za vino drži (tu mislim na nas Međimorce) jedini šport z šterim se bavijo preštimani Međimorci z brežnoga Međimorja, očem reči, naši Goričanci. A jive preljubljene žene imajo čistam drugoga posla, kaj nebom rekel čistam drugo zanimacijo, jerbo one si furt (no ne ruon furt) gruntajo gde so jim muoži? No, ne kaj ne bi znale gde so nek neznajo navek v čijoj so itak pelnici, očem reči, v čijoj so se čitaonici (čitaj: vinskoj radionici) štero večer začitali. Znate kak je to, neje moškima navek lefko pota do doma potrefiti gda znamo da ivanski kukci ne svetijo po goricaj, a vinske mušice nemajo lampaše. Kuliko sam mel za čuti GPS-i so još ne došli v štrigosko opčino, a i ne delajo na vinsko duho. Dok se poti zgubijo, a hiže skrijejo, unda dohajajo žene po svoje može kaj jif odženejo dimo i kaj jim zemejo vso ono snago štero jim je vino dalo. A to je ne tak malo kak si vi mislite. Kaj vi mislite zakaj naše brežne Međimorke magadijo kaj so jivi muoži tak dugo (i to skorom vsaki den) po pelnicaj? Nebrete si premisliti? Pak dok dimo dojdo unda so one na redo jerbo ovo naše svecko vino je nejbolša vijagra za nas Međimorce, a i za vse one šteri ga redovito trošijo. Ve sam več tak dauko došel, pak vam moram reči kaj je gospa Danica rekla: dok of moj dojde z pelnice on jegov hrmak sam stoji i stoji, pak negda i pol noči mine predi nek ga uspem podrti i spat posprajti. Ve vidite zakaj velim da so naša međimorska vina nejbolša na sveto: moško telo, očem reči, požerak uživle dok ga se pije, a žene si posle hasna vum zemejo. Kaj je Sulejman Veličanstveno prema našemo pajdašo i vinskomo brato Lojzo? Kaj? Mali Ivica! Trsje ima za svakoga pre hiži nekaj. Neste pozabili kak je v svoji pesmi napisal naš Priločanec Ivek Glavinov: dečico mojo bo sladil z grozdjom, a mene pak staroga krepil z vinom, a naše pak si žene navek zemejo ono kaj nucajo, očem reči, ono kaj jim nejbole paše. Več se par let borimo prek naši saborniki kaj bi se graševina mogla dobavljati na recept. Čuda je faleša od vijagre, a hasen je čuda vekši.

Šalo na strano, ali ove prve tri dni festivala vina v Štrigovi se iskala kupica vejč. Lefko je bilo dojti do Štrigove, lefko je bilo najti štrigosko šporcko dvorano, ali je teško bilo najti parking placa tak da so nešterni parkirali tijam na grobljo v Repovi šumi, drugi v Grabrovniko, a tretji v Jalšovco. No, nejso vsi problemi bili rešeni dok sem našel parking placa, stopram se unda trelo boriti kaj sem došel do kupice. Čakal sam na kupico, vlekel sam vse mogoče, političke i pajdašijske veze, ali kupice odnikod, a požerak vse bole i bole suhi. Na vse zadje je ipak vse došlo na svoje, kupico sam dobil v roke, a i telo je došlo na svoje. Nekaj sam si gruntal dok sam vredo čakal za kupico, da bode kleto tre to preseliti na labodoritaško igralište, pod šator, jerbo ga tam bode čuda vejč placa i leži se bodemo mogli pospominati, sprobati vse delicije štere se nudijo, a i vejč nam bode cajta trelo kaj se napijemo.

V dneve šteri so pred nami međimorski i štrigoski turistički težaki i vinari nam nudijo otprte pelnice. To je pravi posel. Dojdeš na grunt i tam te vse čaka kaj nucaš: dobrote i finote kaj želodec ne bode na prazno šlajdral, a vse drugo je v pelnici, lagvima, vu vrčeco. Ne moram vam govoriti da se čujejo harmunike i tamburice, a tu je i bajs, tak da so fešte ne za pozabiti. Dojdite, kaj ne bo zišlo da vam sam pripovedam, kaj bodete i vi meli v tem dnevima svojega tala. Čakam vas v pušipelovom trsjo, lefko me bodete prepoznali, jedino sam vam ja ne zvezani za stup.

Kak i navek, tak so vam nekši vinari zglajzali vum z programa. Jif tri-štiri na Orehovčako so počeli štrajkati . I to ve vu ove svete Dneve vina. Nebodete veruvali, zaprli so se v nejvekšo Pajijovo pelnico i odbijali so vodo. To je trajalo sam jeden den, a unda je štrajk sfondani z gemištima.

Kak i vsako leto tak i ovo v majušo so i maturanti meli svoje dneve. Vsakefele obleki smo mogli te tjeden videti po vulicaj i parko. Nejveč so se ipak zadržavali v parko, tam je dosti placa, friški zrak, zelena trava, a i ne vidi se ak nešterni v nečemo pretirajo. V parko je vse dopuščeno, ak morejo vrane delati kaj očejo unda valjda morejo i maturanti. Mogli biti bilo kak oblečeni, a i na pol slečeni, mogli so biti trezni (ne preveč dugo), a mogli so biti i v šmungo, kak so i nejvečpot bili. No, ne vsi. Dok sam rekel maturanti mislil sam tu i maturantice. Vsi znamo da so na vsaki fešti puce nejglavneše, nejvažneše i nejlepše. One so kinč vsake fešte i brez jif je niti jedna prava fešta ne kak tre. To so zadji cajti da so puce sredjoškoljke, a dečki kak takši se morejo žnjimi pariti. Dok vse to mine, kaj bi rekel tua norijada i te huncvutarije, več nikaj ne bo kak je do ve bilo. Dohajajo novi cajti gde je vse nekak drugač i deca morajo pokazati ono kaj so se navčili. Ne mislim kaj so se navčili v parko neg v školaj. Ono v parko bode jim i dale trelo, ali sam v parko, a ono z škole v živlejo. Što je bole švical v klupaj leži mo bode dale, a što se je puščal kak Ribaričov koj, te bode moral švicati od ve pak nadale. A ve matura, makar i državna, ali to je za jif mačji kašelj. Istinabožek, nešči se toga kašlja prek noči reši, a nekoga kole dosti dugo, tak da se mora žnjim boriti i celo leto. Nigdar smo ne bili vsi isti, makar smo vsi Božekova deca.

Dok sem poslušal kaj je esdepeovec Peđa Grbin govoril o Blajburgo, kam je došlo pedeset jezer ljudi kaj se pokloni onima šteri so sfondani, a do dneva denešjega još nišči ne zna zakaj, a več je minulo sedemdeset let, mam mi je na pamet pala ona stara istina z živleja da vu vsakom žito jega kukolja, pak tak i v esdepeovom.

Z našom kukuriku Vladom nam je ne nigdar dosadno, vsaki den čujemo nekaj novoga. Ne znati što jim to vse zmišluvle i gde? Zadje čudo štero sam mel za čuti je to da je strašno opal broj onih šteri ne delajo i to tak kaj smo skorom morali zaprti burze dela jerbo jif je na burzi sam tristo jezer ostalo, a vu isto vreme je opal i broj onih šteri delajo. Najgerek sam, Kakši je to perpetum mobile, kam so odišli oni z burze šteri so brez posla, a kaj so sobom otpelali i one šteri so do ve delali. Najbrž bode nam minister i potprecednik Grčić mogel to pojasniti!


Zvir:
http://www.mnovine.hr/kolumne/Jožek%20radnik/1/Pelnica%20je%20naša%20hižica%20i%20naša%20slobodica
i(l) str. 72. sim:
http://issuu.com/mnovine/docs/mnovine1027is   
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine

* * * * * * * * * * * * * *

Kavaliri 2002 Pelnico, 03:12
ZAGORSKA KR(IJ)ESNICA 2002

Kavaliri 2002 Pelnico
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Šumska jaguda zmiruje živce / HR.KAJ.NĚ? - Lépa naša kajkavska
« Odgovori #719 : Lipanj 03, 2015, 12:59:12 prijepodne »
Zagorski list
e-vundano 18.06.2012.

Iz bakine pučke bilježnice
Z mamičine pučke (japo)teke


Šumska jaguda zmiruje živce

"Negdar su si naši stari znali zapišuvati kakve je vrijeme bile koji dan i tuo čuvati i po 50 lijiet. I onda si lijiepe videl da greški skore nema. Same sam ja tu tieku zgubila šteru mi je moja babica dala. Kaj buš ?! Šte bi na se mislil „, slijegala je ramenima starica. …

Piše: Zoran Gregurek



Kaj Medardo (8. lipnja) daje, to četrdeset danof traje. Zate je trebale paziti kakve je vrijeme te dan jer bu takve do sredinje srpnja. Če je od jutra sparinjovina i veter puše, i sunjčece se pokazue, ali i oblaki, tak promenjive bude i cijiele lete i ne pravoga vremena. Čovek na selu bu se pune napatil i nagledel vu nebe da vidi jel bu ftegnul sijiene si pspraviti i drugi posel napraviti, mudrozborila bi naša hraščinska baka Ivka na Medardovo.

Što ako se ta predviđanja ne ostvare, pitamo baku.


„ Čuj, od stuo lijet, red je da jene ili dvije lijieta ne tak kak se predviđa. Nemre se furt ftrfoiti (pogoditi). Znaš da je vrijieme prevrtljive i da se zmeni vu puol vure. Ali negdar su si naši stari znali zapišuvati kakve je vrijeme bile koji dan i tuo čuvati i po 50 lijiet. I onda si lijiepe videl da greški skore nema. Same sam ja tu tieku zgubila šteru mi je moja babica dala. Kaj buš ?! Šte bi na se mislil „,slijegala je ramenima starica.

Baka je savjetovala i koje se bilje i voće bere u lipnju.


„ Je, biezgu (bazga) je dobre pobrati već vu svibnju, ali i šestomu mesecu. Od biezge je najbolši sok šteri pomaže i pri prelade i gda te grle boli. Vu lonjčec si natočiš do puol biezginoga soka i puol vode z zdenca i tuo pomalu spiješ. Mam ti bu bolje če te prelada i vu topli dana vlovi. Je, biezgu je i dobre posušiti z nje čaj kuhati šter lijieči cukor vu krvi. Tuo treabju piti šečeraši. Vu lipnju i lipa cvete i treba pobirati njejne cvijitje za čaj. Na najži se cveteki posušiju i onda se kuha fini čaj šteri je dober gda se nešči treba dobre preznojiti. Same oni šteri imaju prblema z srcem, moraju paziti da nej toga preveč spili jer bi im onda srce mogle bubati „,upozoravala je baka.

Što je još ljekovito, a raste u našem okružju?


„ Jagude su fine i zdrave, one nam bubrege i krf čistoju. Poseben šumske, same nje treba najti i duge brati da imaš kaj jesti. List od šumske jagode , gda se od njega čaj zkuha, dober je za staviti pruoljev i da ti živce zmiri. A jagude ti lijieče i žuticu, srčane bolesti i mrviju kamen vu bubregu. Dobre su i kupine za jačanje krvi i ribizlini. Z ribizlini je fini i kolač šte ga zna dobre napraviti. On te krijiepi, same se ne sme vu njega deti pune cukora. Je, i čriešnje, skore sam zabila, one su dobre za probavu. Ali i če nemreš se do kraja poscati, Buog mi grieh opresti (smijeh), onda se petline (peteljke) kuhaju i mam se rijiešiš vode z sebe“,pripovjedala je baka.

Zvir:
http://www.zagorje.com/kolumna/iz-bakine-pucke-biljeznice-sumska-jaguda-zmiruje-zivce

* * * * * * * * * *

Gemišteki z Dolne Voče
Gemišteki iz Voće Cipelica polka,. 01:47
ETNO FESTIVAL CVETLIN 2009.

Gemišteki iz Voće Cipelica polka
« Zadnja izmjena: Lipanj 03, 2015, 01:07:34 prijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549