Domaće teme > Događaji
Živinska farma - predstava Pučkoga teatra OSS-a Buševec
Ljudevit Kaj:
2014-06-26
Živinska (životijnska) farma v Buševce:
Evo tera se živina bu došla na binu
Novelu je za kazališče bilo treba dramatizerati, v čemu su buševski kazalištarci više neg vuspeli. Predstava je originalna i osebujna po kajkavštine i originalnem popevkam (songem)...
Svine Napoleon, Snowball i Squeller, magarec Benjamin, pes Pela, kojni Boxer i Mollie, ter dve bezimene krave, člani su živinskoga carstva tero bu zavladalo binum (v) petek, 27. lipna, v Domu kulture Buševec ob 20,30 vur. Živinsku farmu Georgea Orwella za Pučko kazališče OSS Buševec režirala je Romana Rožičova (Zubečkina), hrvatska redatelica i scenaristica, v javnosti poznata kak autorica kultne TV emisije „Parlaonica“.
Pripovedajne je to o pobune potlačene i zlostavlane živine tera nakon svrgnuča čoveka tirana postaje svoj gospodar na jene farme. No, jako hitro, nakon osvojene slobode i vuspostavlene jenakosti, započimle raslojavajne med živinum. George Orwell je ovu alegorijsku pripovest napisal leta 1945. kak kritiku stalinizma, ali se odnosi i na sve utopističke režime tere nakon vuspešne početakov vuništi ludska narav sklona moči i pohlepe – pripoveda nam redatelica istikajuč kak se u ove tragikomedije moremo(pro)najti i mi sami.
ODRAZ NAŠE STVARNOSTI
- Živinska farma se more prenesti posebno na našu hrvatsku stvarnost, kajti smo i si mi krenuli v promenu sustava z nadum da bu nam bolše. Krenuli smo v borbu za slobodu. V početku smo si bili jenaki kak i v sem režimem, ali ta neka ludska potreba za pohlepum i moči jako se brzo iskristalizera, ke je još pre 69 leta Orwell napisal v sve pripovesti. Tak da je ovo delo i dale aktuelno, ne samo v Hrvatske, neg i v svetu. Si pripovedaju o demokracije, a ono odzaj (v pozadine) z semi nami dirigeraju određeni lobiji. Pod maskum slobode, demokracije i jenakosti, negdo se bogati i na(d) svem bližnem, bratem i sestram ter naredi (napravi) nasil(j)e i vuzurpera ono za ke se na početku zalagalo – veli Romana Rožičova.
Živinska farma je novela teru je za kazališče bilo treba dramatizerati, v čemu su buševski kazalištarci više neg vuspeli. Predstava je originalna i osebujna po kajkavščine i originalnem popevkam (songem).
- Ovu kajkavsku verziju teru smo nazvali „Živinska farma“ priredil je i na originalen način dramatizeral mladi avutor Matija Katuličov (Kočov) teromu je to prvo delo takve vrste. Novelu je sažel i interpreteral na kazališni način – dodaje redatelica.
POZNATA IMENA POTEKLA Z BUŠEVCA
Pučko kazališče Buševec v sve 90 let postojajna pripravilo je čak 120 kazališne premijer. Reč je o amaterskomu kazališču tero se prema sve kvalitete more vuspoređivati i z znatno vekšemi profesionalnemi kazališči. Ž-nega su i zišli mnogi profesionalci, poput holivudskoga glumca Zvonimira Črnka (Zvonka Frajninovoga), glumca i redatela Renea Medveš(e)ka (Matičinoga), pevačice i glumice Vande Winterove, glumca Filipa Deteličovoga (Bablinovoga), ter još mnoge druge, poput naše sugovornice Romane Rožičove, tera se još v mlademi dani zalubila v kazališne deske baš v Pučkomu kazališču Buševec, da bi kesneše završila Akademiju dramske umetnosti v Zagrebe.
Kazališče v Buševce ima sigurnu budučnost kajti se vu-jnemu stalno pojavluju nove snage zalubljene v dramsku umetnost, kak su na priliku studenti privatne glumačke škole Ana Katuličova (Kočeva) i Tvrtko Kovačevičov (Ivek-mes(ar)a Miška Kovačevičovoga), a tu je i mlada pevačica Vanesa Petrac (Imbrina ) teru se više zanima i gluma.
Zvir:
http://www.kronikevg.com/zivotinjska-farma-u-busevcu-evo-koje-ce-sve-zivotinje-doci-na-pozornicu/
Ljudevit Kaj:
Premijera predstave “Živinska farma”
Piše Petra Rožičova, 26. lipna 2014.
STOP
"ŽIVINSKA FARMA"
ZABRANJUJE se dolazak svim ludima na premijeru predstave "ŽIVINSKA FARMA" jer su svine, krave, kojni, magarci, pesi, kokoši, pure, race ... preuzele vlast na farme. Si oni teri skupe hrabrosti i ipak odluče dojti 27.06.2014. petek u 20,30 vur v Dom kulture Buševec videti predstavu teru je sklepala Romana Rožić po tekstu Georgea Orwela, bit će kaštiguvani plaćanjem ulaznice na farmu u visine od čak 20 kn po živomu čoveku.
Tvrtko Kovačević, Bojan Tošić, David Bobesić, Irena Rožić, Vanesa Petrac, Nenad Lukić, Damir Brebrić, Vera Pribanić, Barica Kovačević, Zlatko Vnučec, Goran Vnučec i Josip Kos budu oživeli likove životinj na farme i to na kajkavskom. Skupete hrabrost i dojdete, morti bu farmeru stvarno trebala pomoć da znova preuzme vlast na farme.
Potpis ž i v i n e ……..
http://www.cityportal.hr/premijera-predstave-zivinska-farma/
Ljudevit Kaj:
Živinska farma v Okuju
ŽIVINA PAK ZLO(-)KUJE
O-kuje! (O-kuse!)
GICA ORWELLICA:
(GRAD) VELIKA GORICA - GICA ORVELIKA
****************************************
"Živinska farma" v Okuju
Ak ste mislili da se „živina“ na Orwelove „Živinske farme“ primirila, varate se. Pak dižu bunu - ov put imaju spravišče v Društvenomu domu Okuje.
Tam bu se 13. velače z početkom ob 19:30 vur zestala sa „živina“. I to baš pred Valentinovo i Fašnik, šteli buju farmera stirati z farme. Če mu očete pomoči ili samo videti kak se bu to se okončalo dojdete v Okuje.
Drugemi rečmi: si teri ste prepustili predstavu Pučkoga kazališča Ogranka selačke sloge z Buševca zdelanu po Orwellove „Živinske (životijnske) farme“, ovoga petka navrnete se v Okuje. V društvenomu domu Buševčani buju vupriličiti još jenu kajkavsku predstavu.
Režiju potpisuje Romana Rožičova, a predložek dramatizacije Matija Katuličov.
Organizator događajna je Mesni odbor Okuje, a vulaznina na predstavu je Vaš (d)rago-volni, drago-kravni prilog.
(Čakavski) Zvir = (kajkavski) zver:
http://www.vgdanas.hr/Dogadjanja/Clanak/11542/zivinska-farma-u-okuju.aspx
* * * * * * * * *
Više (narisane) detaljof v priheftancu (prilogu)*
Pozdravlaju vas "živine" z Pučkoga kazališča Ogranka selačke sloge Buševec.
* * * * *
OGRANAK „SELJAČKE SLOGE“ BUŠEVEC
PUČKO KAZALIŠTE
GEORGE ORWELL
ŽIVINSKA FARMA
REŽIJA: ROMANA ROŽIĆ
Predložak dramatizacije: MATIJA KATULIĆ
IGRAJU:
Napoleon – svinja TVRTKO KOVAČEVIĆ
Snowball – svinja BOJAN TOŠIĆ
Squeller – svinja DAVID BOBESIĆ
Benjamin – magarac IRENA ROŽIĆ
Pela – pas VANESA PETRAC
Boxer – konj NENAD LUKIĆ
Mollie – konj DAMIR BREBRIĆ
Krava – 1 VERA PRIBANIĆ
Krava – 2 BARICA KOVAČEVIĆ
Stari Major ZLATKO VNUČEC
Farmer – 1 GORAN VNUČEC
Farmer – 2 JOSIP KOS
Narator ZLATKO VNUČEC
Scenografija: ROMANA ROŽIĆ, NENAD ROŽIĆ
Glazbena pratnja: VANESA PETRAC, BOJAN TOŠIĆ
Tehnika i izrada scenografije: MARIO DETELIĆ , ZVONIMIR ČRNKO, NENAD ROŽIĆ
Kostimografija: MICHELA MUZGONJA,
Izrada kostima: KARMELA KOS
Šaptač: JOSIP KOS
Organizacija: NENAD ROŽIĆ, ZLATKO BOBESIĆ, MILENKO TOŠIĆ
13.02.2015. Petak ob 19,30 vur
Društveni dom Okuje, vulaz: dobrovolni prilog
Organizator Mesni odbor Okuje
*
Ljudevit Kaj:
De je (barem nominalno) trave za popasti - tu su i živine
"Živine" z Pučkoga kazališča Ogranka selačke sloge Buševec z predstavum „Živinska farma“ nastupile su 16.02.2015. v Kulturnomu centru (KUC-u) Travno.
https://hr-hr.facebook.com/KUCTravno
http://www.kuctravno.hr/hr/
Ljudevit Kaj:
27.02.2015. med vuki (v) Vukovine
Kajti vuki (vukovi) isto spadaju v beštijarij...
... živine" z Pučkoga kazališča Ogranka selačke sloge Buševec z predstavum „Živinska farma“ nastupaju (v) petek 27.02.2015. (v) Vukovine.
* * * * *
VGdes (VGdanas), 25.02.2015
Živinska farma (v) Vukovine
Pučko kazališče Ogranka selačke sloge nastavla z novem zvedbam „Živinske farme“ teru si ovoga petka (27.02.2015.) ob 19:30 vur morete pogledeti v Društvenomu domu (v) Vukovine.
Pokle Buševca, Okuj i Novoga Zagreba „Živinska farma“ dohaja v Vukovinu i to 27.velače.
- Ob 19,30 vur živine budu vu Društvenom domu Vukovina znova skupljali svoje sledbenike i probali budu sve Vukovinske farmere svrgnuti sa vlasti. Zbudete se ljudi i dojdete da pomoremo farmeru da preuzme vlast na farme, jer živine kak su krenule ne misle stati. Če sada niš ne poduzmemo ko zna de im je kraj – poručili su organizatori.
http://www.vgdanas.hr/Dogadjanja/Clanak/11666/zivinska-farma-u-vukovini.aspx
Navigacija
[0] Lista Poruka
Idi na punu verziju