Domaće teme > Događaji
Idě REGA prék brega - Festival pûčkoga teâtra severozâpadně Hrvackě
Ljudevit Kaj:
Ide REGA preko brega , 15.11.2008., Festival pučkog teatra sjeverozapadne Hrvatske
28.10.2008
Projekt Regionâlnoga teâtra istodobno bu sě održal v 11 grâdov i nâseli ivâjnskoga kraja
Sméh vuz Regu od Vrbna do Maruševca
Projekt Regionâlnoga teâtra, cil teroga jě da sě stvâralaštvo pûčke teâtrov i družin znôva „spusti“ med nârod i da sě ztem oživi skrôz zamrli kulturni život v večine mâle nâseli, ovo bû sě leto istodobno realizéral v jedanajest grâdov i nâseli široga ivâjnskoga kraja. To znâči da bû, pod duhovitém motom “Idě Rega prék brega”, v Ivâncu, Lepoglave, Kamenice, Višnice, Margečanu, Bednje, Cvetlinu, Vrbnu, Klenovniku, Maruševcu i Salinovcu, istoga dâna, 15. studenoga v rânem večernem vuram, prectavě održalo petnajestek pûčke teâtrov i srodne družin z Varaždinskě, Krapinsko-zâgorskě i okolne županiji.
Nositel projekta jě Turistička zajednica Severno zâgorjě, a detâli projekta dogovorěni su na zestanku Organizâciskoga odbora, teri jě v srédu, 22. listopada, održan v lepoglavske Grâcke véčnice. Za precednicu OO-a zebrâna jě Ljubica Šumečki, direktorica Turističkoga vureda Ivânec, tere bu ov projekt vujedno i svevrsno organizâcisko vatreno krščejně. Inačě, Rega jě prvi put „zaregetala“ pre leto dân, da jě v Vrbnu, Cvetlinu i Bednje zveděno sědem prectavi, a velik odziv publikě, tera jě v vatrogâsnem i društvenem dômem sôčni pûčki humor popratila z zâhtevom „dějtě još“, okurâžil jě organizâtorě da projekt ovo leto preširě na sâ sûsedna mesta i grâde.
Zestanku sě, v imě Zajednicě kulturno-umetničke vudrugi Varaždinskě županijě odazval i Zlatko Peharda. Oduševlen z inicijativum popularizâcijě stvâralaštva pûčke teâtrov, on jě ponûdil organizâcisko i financisko vuklučivajně Zajednicě v Regu.
- Z obzirom na to da v naše županije deluju samo tri pučkě kazališně vudrugě – maruševečki Klâruš, Lepoglavski pušlek i KUD Cestica, mislim da jě Rega odličen projekt promiđbě kazališnoga amaterizma. Zâto bûmo jû podržali na sě nâčině, a v sklopu Regě bu Zajednica KUU-a vujedno oddélala svû ovoletnu 5. županisku smotru kazališnoga amaterizma – rěkel jě Peharda.
Na zestanku, teri su vodili precednik TZ Severno zâgorjě Alen Sajko i Marin Vučić, dogovorěno jě da sě v sakomu grâdu i nâselu održe po dvě prectavě, a iza toga v Ivâncu bu zajedničko družejne se izvođâčov i bandov. Do sad jě dogovorěno sudelovâjně 14 društvi, a nijov broj kâni sě još povekšati. Věč jě napravlen i atraktiven plakât Regě, teri jě, v duvu pûčkoga humora, stilizéran kak kârta ivâjnskoga područja na tere 11 žâb istodobno regečě na sem lokâcijam v terem bûju gostovali teâtri. Mediski pokrovitel Regě jě Radio Ivâjnec, teri bu na dân održâvajna prectavi nekě ojdni prenâšal direktno.
Lj. R.
Zvir:
http://www.iportal.hr/clanak_.asp?ID=3905
Ljudevit Kaj:
REGA – REGIONÂLNI AMATERIZEM V PÛČKOMU TEÂTRU (AD 2008)
Idě REGA prék brega
Na području opčině Bednja sě nastâvla manifestâcija „REGA“, započeta prošloga leta. V sobotu, 15. studenoga, v Cvetlinu, Vrbnu i Bednji buju sě održâlě prectave pučkoga teatra, tere su prošlo leto bilě izuzetno dobro posečěně. V Cvetlinu, v dvorane DVD-a, prectavě počimlu ob 5 vur popôldan (17:00), v Vrbnu v škôlske šporcke dvorane ob 6 vur (18:00 sati), a v Bednje v škôlske šporcke dvorane ob 7 vur navěčer (19:00).
„REGA“ jě na incijativu Županiskoga poglavârstva Varaždinskě županijě i vuz operativnu provedbu Turističkě zajednicě opčině Bednja započeta prošlo leto na području opčině Bednja. Žnjum sě očě obnoviti tradicija pučkoga teâtra v Varaždinske županije. Z dolaskom nôve tehnologiji sě višě sě zanemaruje pučki teâter, a postupno zamiru i drâmske skupině terě obično deluju v sklopu kulturno-vumetničke društvi v ruralnem délem županijě. Pučki teâter, kak nâjizravnešu komunikâciju vumetnikov amatérov z lokalnem, obično ruralnem pučânstvom, tréba znôva popularézirati.
Osnovna ideja céloga projekta jě da sě v jenomu krâtkomu vremenskomu râzdoblu, tékom dvâ do tri dâně, organizéra céli festivâl pučkoga teâtra na području célě županijě, teri bi bil sustavno koordinéran i mediski pračen. Buduči da projekt tréba postupno razvijati, prošlo leto jě oddélana inicijâlna provedba. Konkretno, v mesta Bednje, Cvetlinu i Vrbnu održâno jě najěmput sědem prectavi terě jě izvelo šest amaterske kazališne skupin s područja severozâpadně Hrvackě.
Turistička zajednica Severno zâgorje, kak prâvni slédnik Turističkě zajednicě opčině Bednja, nastâvla projekt i to na célomu svemu području. To jě v skladu z planéranum strategijum širejna festivâla, pa bûju sě tak ovo leto prectavě održalě na jedanajest lokâciji i to na području opčin Bednja, Klenovnik i Maruševec, te grâdov Lepoglavě i Ivânca. Konkretno, v nâselem: Cvetlin, Vrbno, Bednja, Kamenica, Višnica, Lepoglava, Klenovnik, Maruševec, Radovan, Salinovec i Ivânec.
Prectavě bûju sě održâlě v sobotu, 15. studenoga 2008. Zbog opsega festivâla i potrebě odigrâvajna jěně te istě prectavě na višě lokâciji, prectavě bûju počelě v râzličitem terminem od 5 vur popôldân (17.00) do 7 vur navěčer (19:00). Na priliku, v Cvetlinu bû prva prectava ob 5 vur popôldân (17:00), druga odma posle ne v trifrtâl šest (17:45), da bi sě iza toga kazališně skupině preselilě v Kamenicu de bûju prectavě počelě ob 6 vur (18:00) i ob 7 vur (19:00). Na té način ostâvla sě prostor i za trejti nâstup na priliku v Klenovniku ob 7 vur navěčer (19:00) i ob 8 vur (20:00), jel iskustva pokazuju da jě mogučě da věč najavlěně i dogovorěně kazališně skupině otkâžu v zâjnii čas (negativna strâna amaterizma). Prectavě obično trâju oko 30-45 minuti i optimalno jě na jěne lokâcije održati dvé prectavě.
Zvir :
http://bednja.hr/index.php?option=com_content&task=view&id=100&Itemid=1
Ljudevit Kaj:
REGA TEÂTER (AD 2008)
Râspored prectav
OBČINA BEDNJA
Ob 5 vur popôldan (17:00), Cvetlin, dvorana DVD-a:
1) KUD Žiškovec (Međimurska) – Kolo srěčě sě okréčě
Ob 6 vur popôldan (18:00) , Vrbno, škôlska dvorana:
2) TUK Kapela (Bjelovarsko-Bilogorska) – Teštaměnt
3) KUD Občina Donji Kraljevec (Međimurska) – Stanetě malo
Ob 7 vur navěčer (19:00) , Bednja, škôlska dvorana:
4) Društvo žen G. Kraljevec (Međimurska) – Anin gréh
2) TUK Kapela (Bjelovarsko-Bilogorska) – Teštaměnt
GRÂD LEPOGLAVA
Ob 5 vur popôldan (17:00) , Kamenica, škôlska dvorana:
5) AKUD Jesenje (Krapinsko-Zagorska) – Ramzo i Ančica
6) Društvo žen Macinec (Međimurska) – Na smrtnoj posteli
Ob 6 vur popôldan (18:00) , Višnjica, škôlska dvorana:
7) KUD Belica (Međimurska) – Hiža za rušenje
5) AKUD Jesenje (Krapinsko-Zagorska) – Ramzo i Ančica
Ob 7 vur navěčer (19:00) Lepoglava, gracko kino:
8 ) KUD Katruža (Međimurska) – Jabučnica
9) KUD Tuhelj (Krapinsko-Zagorska) – ? ? ?
OBČINA MARUŠEVEC
Ob 5 vur popôldan (17:00) , Maruševec, kulturni dôm v Čalincu:
10) KUD Cestica (Varaždinska) – Natječaj za glasnogovornika
11) KUD Klaruš (Varaždinska) –Veliki gréh i Selski turizem
12) KUD Lepoglavski pušlek (Varaždinska) - Oporuka
OBČINA KLENOVNIK
Ob 7 vur navěčer (19:00) , Klenovnik, lovečki dôm:
11) KUD Klaruš (Varaždinska) –Veliki gréh i Selski turizem
12) KUD Lepoglavski pušlek (Varaždinska) - Oporuka
GRÂD IVANEC
Ob 5 vur popôldan (17:00) , Radovan, osnovna škôla:
13) Vudruga Preslica Sračinec (Varaždinska) – Lažlivka
Ob 6 vur popôldan (18:00) , Salinovec, škôlska dvorana:
14) AKD Sv. Križ Začretje (Krapinsko-Zagorska) – Izbori
13) Vudruga Preslica Sračinec (Varaždinska) – Lažlivka
Ob 7 vur navěčer (19:00) , Ivanec, kino dvorana:
15) KUD Selačka slôga Donja Dubrava (Međimurska) – Međa
16) KUD Strahoninec (Međimurska) - Fačuk]
Zvir:
Večerni list 15.11.2008
Ljudevit Kaj:
18.11.2008
Sjajen vuspeh Regionâlnoga teâtra v jedanajest nâseli ivâjnskoga kraja
Na Rege 2000 posetitelov!
V céle Hrvacke v sobotu navěčer, 15. studenoga, sasvim sigurno né bilo nasmejanešoga kraja od ivâjnskoga! Svedoči o tomu podâtek da sě na prectavam pûčke teâtrov i družin z Krapinsko-zâgorskě, Međimurskě i Varaždinskě županijě v jedanajest nâseli ivâjskoga kraja okupilo višě od 2000 posetitelov. A to vujedno znâči da jě sjajno vuspel projekt Rega, z terem jě Turistička zajednica Severno zâgorjě naumila nârodski humor, teroga neguju amatérskě drâmskě skupině, vrnuti v milje z teroga jě i potěkel.
Iako su sě organizâtori malčicě pribojavali odziva građanov v pojedine veče mesta, pokazalo sě da râzloga za to né bilo. Ludi, žělni sméja i zâbavě, bez opterečejna su pohrlili na besplatně prectavě, pa su organizâtori z zadovolstvom izveštavali da sě grohotalo v Bednje, Vrbnu i Cvetlinu, od sméja su poskakivali v Lepoglave, Kamenice i Višnjice, z osmehom na licu z dvoran su izlazili posetiteli v Ivâncu, Radovanu, Salinovcu, a v znâku nasmejâne lic sobotna jě věčer bila i v Klenovniku i Maruševcu. V organizâciju sě vuklučila i Zajednica kulturno-umetničke vudrug Varaždinskě županijě, a Regu su z penezi pomogli grâdi Ivânec i Lepoglava te opčině Bednja, Maruševec i Klenovnik.
Veliko zâvršno družejne za sě sudionikě i organizâtorě bilo jě v restaurâcijě BVB. Tam su sě pozdravili precednik TZ-a Alen Sajko i Marin Vučić z Organizâcijskoga odbora, pofalě na organizâcijskomu „ognenomu krščejnu“ vupučeně su direktorice Turističkoga vureda Ljubice Šumečki, a na dobre organizâcije čestitkě jě vuputil i precednik Skupštině zajednicě KUU-a Međimurskě županijě Đuro Horvat i precednik zajednicě KUU-a Varaždinskě županijě Dražen Zlatarek. Kletu, najavlěno jě, Rega ide v pohodě céle Varaždinske županije. (ljr)
Zvir / slikôvnica (6 slik) :
http://www.iportal.hr/clanak_.asp?ID=3931
Ljudevit Kaj:
REGA posetila Višnicu
(REGA posjetila Višnjicu)
(16 Nov 2008. Uredništvo )
Vu okviru REGE, festivâla pučkoga teâtra, v Višnice su v subotu, 15. studenoga 2008., gostovalě dvé amaterskě glumačkě družině, glumačka družina z Belicě (Međimurjě) i nama bližega Jesenjâ.
Pred 60-tek posetitelov, v sporcke dvorane osnovně škôlě, izvěli su zajedno dvé kazališně prectavě. Gosti z Međimurja prectavili su z predstavûm „Hiža za rušejně“ (Kuća za rušenje), dok su Višničâně glumci amatéri z Jesenjâ nasmejali z pričûm o Ane i Muje.
Prectavam jě prethodil nâstup, sě bolše i bolše, mlâde višničke tamburâšov terě bûmo na našě zadovôlstvo nâdamo sě čuli još puno pût. Dečki samo napred.
Štěta jě jedino kě ov dogodek né pratilo višě Višničânov.
Zvir / Slikôvnica (9 slik)
http://www.visnjica-zagorje.hr/?akcija=opsirnije&id=39
Navigacija
[0] Lista Poruka
Idi na punu verziju