Anđeli me čekaju da mi potrgaju krila Ona atmosfera, ne kak da je mrl Tito nek kak na berbe grozdja. Nekaj je bilo divje v zraku, karakter na štakami, pamet v kolice i svest na hitne. Svekoliko događanje je pohodil i humanitarni vođa i veleposlanik mira Sri Sri Ravi Shankar kaj su ga nekteri videli na šanku. Drugi su videli bele štakore, roze slone, pratili isprekidanu žutu crtu po plafonu, pešice, i hrvali se z belemi gorilami v megle. Trejte je poluvreme zasijalo v punem sjaju kak zvezda repatica da ti česne v štagel pun friško pokošenoga sena. Če niste bili nemrem vam ja to objasniti. Otijdeš z gemištom, vrneš se z pivum a presečeš z kolum da moreš s* gluposti. A zajdni put da sem tulko zaudaral po gemište bil je Štenkov memorijal na Udarniku, tam negde oko 1996., praf-za-praf, dan posle. Da su se rešavali zaostatki od zalihe z serije "skupleša voda od vina". Limuni budu dugo pametili of dan. I nijove bar šest poluvremen. Šesto, a sigurno ne i zajdne, ni da me baš briga ali više-mejne tak-i-tak tut moram prejti pak vidim, odigrano je na vajnske terase reprezentativnoga objekta "Pri Masne Kate". A ne mora biti da je bilo zajdne. Most je posle igral film "Povratek Mirka i Slafka". Tak smo se znali i ja i Kovačevič negda da smo išli "na kave" i "na jene" emocionalno potrgati, a nit su bile kave i nit su bile jene. Dojdeš z volum i za dobe a več najdeš Markuševčane spod Janinoga suncobrana v emotivnomu zanosu. Slaže se "Markuševečko korner", nosiju se "litre" i vode, ali ni to ni bez vraga. Veli, pak kaj smo mi najpošteneši na lige!? Kaj je to litra? Nek kaj bi bilo nek litra? Dej pogleč kaj piše na flaše. 7. I. Pol. Deci. Onda kakva je to litra kaj ima sedem i pol deci!? Prinami litra navek ima litru. I još su nam prodali mušicu v flaše, am nismo v Maksimiru v zološkomu vrtu. Da oču gledeti mušice bi otišel domom v pevnicu. Reklamacija! I ide nova litra. Od sedem i pol deci. Veli, dej me naj *, kaj ni prave flaše? Am su se takve! Vino je v flašami od sedem i pol a voda v flašami od litre i pol. Onda kak da mi najdemo pravi omer kulko da zememo vina a kulko vode? Bila je jena bertija na Črnomercu kam su išle stalno iste mušterije, tzv. "inventar", kaj su imale sličen problem i da su se baš stabilizerali po pitajnu omera vina i vode bertija je prepala. Kaj se pak mušice dotikavle, to bi trebal biti pravi znak da je "vino-inside". Osim ak ni kinesko de na saki hekt dobiš škatulu z 100 plastične vinske mušice i 2-3 dron-mušice. Bil sem na jenem "otmenom događaju", tzv. eventu, de su ovi kaj su pili skupe butelje imali v serije i obranu od mušic, tzv. "mušicobran inside", ni vražja ni štela iti na vino a mi kaj smo pili rakiju nismo se od nje mogli obraniti niti z kuvačum za čvarke mešati. Ali, Limunom se lepo omikavalo. Temperatura; ajnc-a, slublivo ze sem, čak i z dregerom. Jedino nemreš pogoditi kulko zeti čega; čas ideš po jeno čas po drugo, nikak v paru. Eno ponudu smo rešili, a bil je održan i "Gastro Lućelnice" de su mrtvu bitku vodili ovi kaj su spravlali "na vilicu" i ovi kaj su spravlali "na žlicu". Pak problemi z kockastemi stativami, neeečeee da ju *. Pak problemi z petkom; iako je bil radni dan mnoge su duše, i tela, došle potrgane bole nek v nedelu posle sobote. I muziku su osakatili godišni, Febo je na morenu. Morali su Mile i Lale najti dostojnu zamenu a Macu si znaju f selu tak da je sled bilo logički.
Došel je Štefek, došel je i otec, došel je i stric, i brat je tu, i kum Zeko je tu, v dresu ot Brežanke, drugem, ne črlenem. Opča mobilizacija. Markuševec ima problem da imaju više navijačov nek igračov. Malo je usko i oskudno z voznem parkom pak se pot hitno po plavem oglasniku iščeju kobače i prikolice za dalka gostovajna. Joža se konča jel bi se sleči, jel se nebi sleči, ak da još jen gol da ne mlajšem zel kruv ze zubi. Dok je tak dumal još su tri "litre" opale kaj je pozitivno utecalo na negov kuraž i on se slekel. I oblekel. Zabadof. Jel da je videl kak se utakmica odvija najrajši bi pobegel v kuruzu i tam se skril. Na terenu sama fiškalija traja. Dok na terenu gori eruptivni požar vojnoga skladišča z atomskem naoružajnem Stric je mrzel, ma, još mrzleši nek Žuja v desanke. Retko dolazi, još ga redeše viđamo a zajdni put smo "ukrstili ruke" na Nou Campu. Obečal mi je da mi za Veliku mešu bu povedal kak držati kojna v neizvesnosti. Pol vure, pol krvave vure gledeli nagajnajne spumpane kožnate stvari po pitonu, zabadof. Golmani dobili mlade; obrambene harmonike raštelane kak metla ot Marice Hrdalo.
Pak nestal golman na Ruševcu! Ovi kak da je jeju na juvu. A, bome, malo se i Buna steščala. Jedina svetla konstanta je ona na golu kaj svetli nepomučenem večnem Sjajem. Veli, gle me, deset pive inhaleral a ni mi niš. Opče ne moram braniti, se se odbija od mene, kak od kontra magneta, da opadnem tri put odskočim, ono, ništa, nemrem se zaleteti v stativu, odbijam se kak balon od čarlija. Žuja je zakon! Došel je i kapetan Kuka drito z svoje plutajuče orejove luske. Slavo je prvi odustal, nemu je i/na pol bilo tu-mač i opala mu je kmica na slepo oko. Jedino se malo pojavila pučina v odnosi zmed šoferof i putnikof. Veli, kaj ideš domom, a kak bum ja išel? Veli, vozi ti autobus na Safski most. Pak, mi smo bližeši Kupe nek Save, jel ti znaš de je Sava? Kaj bum još z avijonom išel domom. Zagrep ima erodrom ali ga Ruševec nema. Moral je sponzor se sponzorov još bole pokupiti vojke v ruke i napeti štrajnge. I se snimiti z mobilnem teletom, da generacije kaj dolaziju vidiju tu muku, čemer i jad, te, v istu dobu, svetle i kmične momente v bližeše povesti sela, tu epopeju naše malobrojne narodov i narodnosti v odsutne bitke z ovemi Bunci, Z jene i druge strane crte.
Draš je na krstitke; dost se, ovak, kesno setil da bi se krstil v poodmakle dobi svega života. Zgleda da je fajn krstitkov v fare jel su Leptiri došli skoro v mini-mi sastavu. Veli Šuki, kaj te to *. Dopelali smo muže kaj moreju piti i popiti, da bar na šanku demonteramo ove žutoklunce z zdravemi jetri. Kaj nam očeju ovi kaj samo cmrčeju soke, ližeju vodu i mučiju se z ovemi smešnemi pivami. A da je bila borba, bila je. Napadaju naši, napadaju nijovi. Posle uvodnoga greštvanja i Pablo Eskobar i negov kolega na druge strane su zaprli vrata na butige. Trejta nerešena, čuden dan, petek je krif.
Zgleda da su Švabi rešili pitajne Urlauba jel su se solidno zjatili. Maminjo šalta gemišt z leve v desnu, v jene gemišt druga na temenu. Valda ladi mali mozek za presudne šahovske poteze. Velika je gužva na tablice, pogotovo v srednem predelu, pogotovo v talu de se stružeju Obadi i Švabi. Rekel bi čovek direktna. Obadi su v nekakve mini krize, nekaj kak Kubanska kriza ali još malo gorje. Dosta je povedati da je Fiček moral spašavati čast sela. Dok je Gabi zapikaval kolce v špice svoje bivše ekipe. Na druge strane se videlo da ga se i Crni zaželel, Joža još i bole, gola i nogometa. Maminju nebi osmeh skinul z lica niti kirurškem putem.
Bebe su morale na megdan dovleči C3 ekipu z v.d. golmanom jel su se "oni z Markuševca" jako razočarali v lubaf, SDA i se kaj vole mladi. Štršani su, valda, rešili pitajne godišnoga, ili ga baš of moment rešavaju, a brojna kaznena ekspedicija pohodila je Lučelničku rivijeru. Jole, i negov krizni štab, se letos malo čudno ponaša, odnosno ne ponaša, jel ga skoro ni za videti na Lige, ali se zato Bekem (re)aktiveral, ne v Štefanke nek v OFK Kupe kaj je usko povezana z MNK/MNE/MNnekaj Pokosko. Bebe su pružale nadlucke napore da bi z igračem mejne polovili navinute Štršane. Z polovičnem uspehom. Više, ovak, kombinacija Rade Končara, to nisu oni frižideri, i Prve proleterske; 1. Milosti ne iščemo niti bi ju vam dali i 2. Pol je mrtve, pol je rajnene, a z ovem kaj je ostalo računajte da moremo popiti kak da smo v punem sastavu.
Moj Rođo je baš zapregel traktor da pe kosit kad, eto ti na, zvoni telefon. Znal je da ne dobro. Mobilizacija. Raspregni kojne, dej jem jesti, naštraji i pravac mesto mobilizacije. Zadužil TDO i vudri. Kojzača, ta gorda poštena stvorejna. Da na igrališču najdeš USB znaš da nečiji mora biti, ni tu zrasel, i još ni kompaktibilen z kineskum simfonijum na kotači kaj igra čudne pesme. Onda išči čiji je a Limuni su več uzduž i poprek pozublali igrališče da bi spasili situvaciju ali štikla kak da je f zemlu prepala. Iako su Gruntovčani nazočili eventu v C4 sastavu Manekeni su je jedva nekak...
Dok Đajič doma špiči kolec za nakoliti odojka negvi puleni su morali oddelati nezgodno gostovajne na Lučekničke nogometne špice. Ekipa brojna i solidna i sigurno bi dobili nekakvu drugu ekipu ali Tesari su tu doma, i logistički i tehnički. Čak su i konobarice prestale dijati i ostavile šank za nekakva bola vremena dok se ne reši pitajne ove utakmice. Morale su se hrvati za mesto z navijači Tigričev teri su se več počeli gruperati za nijovu utakmicu dana. Kuvarice su pomolile nos ober kotla da vidiju kak se utakmica odvija na terenu. A utakmica, kaj da se pripoveda, je bila neizvesna 4/5 časa. Ak odrežemo početek i kraj.
Fiček je nestal, tak da posle ni do imal Tonu, zameniti. Ni bilo nuka ali je bil deda APIS (ak platiš imaš službu) kaj ima i svoju stranicu
www.dej500eura.com (ve-ve-ve dej 500 eura kom). Pak se čekalo na Crvenu Zvezdu da bi Tigriči mogli biti skoro v punem sastavu. Utakmica se stalno trga a Tigriči na kraju prepuščaju šemsu da zvlečeju bot a most i nekaj više.
Najte kaj zameriti. Da pijem kolu pišem gluposti. Do se još po istine pomogel.