HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Pedesete let Fašnika ni bilo ...


Pedesetih godina Fašnika ni bilo. FAŠNIKA NI BILO. NI

(LK: a črno, sajavo?)


Pričala Magdica iz Gospića da su za maskenbal morali napisati Supu molbu sa | opisom spola, maske i kostima kako bi dobili ulaznice. Grupisanje se dozvo-:. lilo samo plesnim parovima.

U našem domu Fašnik i Pepelnica slavljeni su svih crvenih godina. Mama je ispekla četrdeset krafni, s jednako debelim žućkastim fajfom, bjelim kao štaub | šećer, delali su se važni u piramidi na našem Trešnjevačkom stolu.

Za Fašnik su došli na obed kumovi Fuštar. Jelo se kiselo zelje sa suhim rebricama uz krumpir kuhan u slanoj vodi. Tata je od Repuša donesel domaće ki-1 selkasto vino iz Vivodine. Popevalo se do večere. Posle svake runde krafnih, | nova popevka.|
Za večeru smo klopali češnjovke sa hrenom razblaženim sirom i vrhnjom.

- Živio Obrad! Živila kuma Micika!

- Živili Katica i Joža koji su jedini hteli biti vjenčani kumovi kad sam rastepel Micikin brak. Ja mislim da buju hteli biti i krsni kumovi! Živili! Živili!

Ujutro, bunovni tata Joža se brzo brijal dok je mama Katica, da niko ne vidi, začađala ruke.

- Bok, Katica!

- Bok, Joža. Zagrlila je mama tatu, dala pusu i pogladila lice. Bok, Joža. Dojdi sposla ravno doma.

Čudno je gledal tatu puni jutarnji tramvaj. Neki su se smijali a najglasnije Štefica kad je šef Josip ušel u kancelariju.

- Lepo te Katica namaškarala. Svaka joj čast!


Ivan PAHERNIK


Zvir:
Hrvatsko slovo, br. 881., 9. ožujka 2012. (papernato izdajne)
www.hrvatsko-slovo.hr

* * * * * * * * * * * * * * * * * * * * * * * * * * * * * *

(i) hrvatsko slovo….

Zake su Nemci Nemci, a Slaveni Slaveni?

Legenda veli da su pri prvomu zestanku Germanov i Slavenov ovi prvi (t.j. Germani) bili v mejnine (bilo je je mejne neg Slavenov), pak su se branili mučajnem (šutnjum -ŠTAndardno rečeno). Na-to su Slaveni rekli: pusti je, oni su nemi, Nem(c)i.
Vugri su tak prevzeli naziv német.

Slaveni su se spominali – bili su "rečiti", a na puno slavenske jezikov se "reč" veli “slovo”
(Slovenci, na priliku, za rečnik vele slovar)

Tak su nastali nastali Sloveni (Slaveni), Slovenci, Slovaki, Slavonci, …


Zvir (nemački):
http://de.wikipedia.org/wiki/Nemez


Zake su Hrvati Hrvati?
Jerbo su se od negda šteli (h)rvati.

* * * * * * * * * * * * * * * * * * * * * * * * * * * * * *

GA Tresnjevka - Protuletje se otpira, 03:43

GA Tresnjevka - Protuletje se otpira

[Ljudevit Kaj]

7 Plus Regionalni tjednik, 07.03.2012.

Zločesta vrtoglavica

Nogometni život vu staračkomu domu

Autor: RADAR

Kak god da okreneš, vu Velkom Selu pri Dravi ne ide bez cirkusa. Kajti cirkusantov ima kulko ti volja. Se posud. A vu nogometu ko šodra. Ve kad je Zlatek Jegulja otišel z kluba kaj grca vu dugovima, došel je za šefa neki novi, kaj nema veza s nogometnim HNS-om, a ima veze s partijskim HNS-om.

Taj se bu odma hitil na glavu, kak je rekel. Ili je morti već opal na glavu, kaj ni rekel. Pa laprda o svemu i svačemu, a najmanje o nogometu. Taj bu igrače kaj bi nogomet igrali za klub smestil vu starački dom. Vu pograničnom području. Kajti vu njegovom staračkom domu, vu pograničnom području, ima mesta.

No to ni jedini kapitalni potez za spas kluba kaj je suspendiran i zadnji na tablici bankrot lige. Novi precednik veli da bu klubu kaj je pred stečajem vrnul ime firme kaj je pred stečajem. A ima i dugoročne planove. Postavil bu bankomat, prodaval bu hrenovke na tribinama i imal restoran brze hrane na stadionu tak da bu deset gledatelja, ak ih tulko dojde na utakmice, imalo utisak da imaju kaj jesti.

Pa im nebu dosadno dok nogomet glediju. Posebno ak budu jeli hrenovke kaj pucaju. A i igračima bu lakše, kajti budu mesto sendviča od perizera, mogli imati topli obrok. Vu staračkomu domu.


http://regionalni.com/tocka-na-i/kolumne/nogometni-zivot-vu-starackomu-domu-8798/

* * * * * * * * * * * * * * * * * * * * * * * * * * * * * * * * * * * * * * * *

DE JE DELA, TU JE I KVAR(TEKS)A

Čevap vu so(lo)munu

NK VARAŽDIN

Solomun izabran za predsjednika, igrače odmah smjestio u starački dom!

http://www.vecernji.hr/sport/nogomet/solomun-izabran-predsjednika-igrace-odmah-smjestio-staracki-dom-clanak-381990

* * * * * * * * * * * * * * * * * * * * * * * * * * * * * * * * * * * * * * * *

Vrtoglavica - V(e)rtig(lavic)a – Vertigo
(kajler)
trailer for "Vertigo", 02:19, Alfred Hitchcock, 1958

http://www.youtube.com/watch?v=D0bV2gh4E7Y

* * * * * * * * * * * * * * * * * * * * * * * * * * * * * * * * * * * * * * * *

FARINGAŠI - VERNI SE NAZAJ.mp4, 02:57

FARINGAŠI - VERNI SE NAZAJ.mp4

[Ljudevit Kaj]

Glas Podravine, 09.03.2012. 

Moza(i)k  (z jajci)

A kaj da danas kuham?

Sećanje na prijatelja

Morti bute rekli da tu ni mesto za ovakve tekstove ili se zapitali kakav je to naslov i kaj ta ima veze z tjednim jelovnikom. Bute i u pravu, ali mi najte zameriti kaj bum malo sentimentalan i tužan. Ovih dana nas je napustil dragi prijatel Krešo Ružić Čvrknja, čovek s kojim smo delili desetljećima puno toga.

Ne mislim pisati nekrolog nego se samo setiti naših prekrasnih druženja uz iće i piće z čovekom koji je istinski užival u hrani i z nama to delil. Bil je istinski gurman, ali morti pomalo tu i tam malo prebirijiv. Dugogodišnji lovac nije jel divljač, ali bi za Jendraševo k prijetelju Fjaki znal donesti friški ulov kakti za poklon.

Jemput sam već davno napisal kakje to zgledaloz divljači. V gorice bi donesel srnetinu, al ju ni jel nego smo morali v paprikaš zmešati junetinu koju je onda zbiral iz ranjgle. Zbog njega smo godinama hodali v Lengrad na "pulj"(gađanje glinenih golubova), gde su oni njegva braća bili glavni organizatori.

Sećam se odličnih paprikaša ili pak friške dravske ribe na kotlovini kaj je prava delikatesa, al je bilo i jako žedno. Perad ni baš preštimaval, a za silu bi pojel lopara z hren sosom. Zato je volil pohance al ne od peradi. Zapamtil sam rečenicu: "Krmetina braco. Dok ti moja mamika spoha vratinu to ti je nekaj!“ Na roštilj z njim otiti v Slaven bil je poseban doživljaj.

Mi bi naručili čevape ili ražnjiće, a njegova je naruđba glasila; "Prosim lepo čevape i botu (štapić ražnjića)!" Moram vam reći da se i meni to jako zdopalo i godinama je i moja narudba bila takva, Dok bi pak došli na janjetinu vu Vlajsalav i za trojicu naručili kilu odma je imal dodatak naruđbe: „Dve kile. Bum videl kolko nam bu ostalo!” Naravno da smo to lako zmazali I onda otišli na fini gemišt kod Gabreka na Brege. Roštilj je obožaval i ne samo jesti nego i peći.

Neposredno prije bolesti je bil ma godišnjicu mature v mojim goricama glavni na roštilju, pekel je celo popodne i pazil da svi dobe svega po malo i da bu pečeno kak bok zapoveda. Nije mu bilo strano ni slatko. Godinama bi na Jendraševo On i Češka zbirali po tacama samo pišingere. Znal bi viknuti gazdarici: „Dekla, daj one drobne!" A pijača? Za aperitiv bi obično prosil „onoga huncuta”, domaći pelinkovec jako gorki, a posle bi si dobru klopicu potera val z gemištima. Zanavek nam bu ostal v sećanju njegov komentar Badelovog slogana „Pij malo, pij dobro”: „Koji je to mulec zmislil. Kak bum pil malo ak mi je dobro!"

Draganovec, berbe, Martinja i Vincekova više nigda nebudu ista. Falel nam buš prijatelju Ti i tvoje popevke: „Gda bi se zrušile te legradske gore” ili pak „Lubil sam te sedam let”. Nek ovaj tjedan prijatelju jelovnik bu u Tvojem stilu.


                                                     ivan.ferencak@kc.t-com.hr

* * * * * * * * * * * * * * * * * * * * * * * * * * * * * *

Pondelek
Juha/Glavno jelo:   Vinski gulaš od bočinga.
Desert:   bilo kakvi  drobni kolači; može i od jučer.

Tork
Juha/Glavno jelo: Sekeli gulaš ali svakak z vrhnjem.
Desert: Kaj vam paše posle kiseloga zelja?

Sreda
Juha: Kobasičja juha z vrhnjem.
Glavno jelo: Kuhane kobase, restani krumpir, salata od friškoga zelja.
Desert: Bojim se i predložiti nekaj konkretno obzirom na desert za sledeća četri dana.

Četrtek
Juha/Glavno jelo: Čušpajz grah sa suhim mesom.
Desert: Naravno gemišt. Ili morti pivo?

Petek
Juha: Riblja juha ala fiš.
Glavno jelo: Dravska riba u kuruznom brašnu, krumpiršalata.
Desert: Pogledajte pod četrtek.

Subota
Predjelo: Čvarki, prga sira, špek i kuruzni kruh.
Glavno jelo: Roštilj mešani; svakak nek buju čevapi bota (ražnjići).
Desert: Posle ovoga u obzir dolazi samo litra i voda.

Nedela
Aperitiv: Huncut: domaći pelinkovec.
Juha: Goveđa juha od flama z rezancima.
Toplo predjelo: Kuhana govedina z hrensosom.
Glavno jelo: Pohana svinjska vratina, pekarski krumpir, salata nije obavezna.
Desert: Pišingeri, draganovečki gemišt.

* * * * * * * * * * * * * * * * * * * * * * * * * * * * * *

Glas Podravine, 02.12.2011. 
Moza(i)k (z jajci)
A kaj da danas kuham?

Pak je došlo vreme kolina

http://www.forumgorica.com/kajkavski/hr-kaj-ne-lepa-nasa-kajkavska-tiskajne/msg40263/#msg40263

* * * * * * * * * * * * * * * * * * * * * * * * * * * * * *

Kajkavsko kulinarstvo (sjevernohrvatska gastronomija)

http://www.forumgorica.com/kajkavski/kajkavsko-kulinarstvo/   

* * * * * * * * * * * * * * * * * * * * * * * * * * * * * *

Ansambl Lado - Da bi se zrušile te Legradske gore, 02:43

Ansambl Lado - Da bi se zrušile te Legradske gore

[Ljudevit Kaj]

PROTULETJE V MOJEM SELU


Protuletje je došlo stiha i tak pomalim kaj celo selo o tom ne zna. Se v mojem dvoru je pisano. Drevje dobivajo zeleno listje. V protuletje ftiči  mi popevleju pod blokom. Protuletje fest deši. Dok idem v školu gledim još čuda cvetja. Sunce koje je zmrzlo ve greje celo Međimurje i zvlači decu vum z hiži, kaj se pejo igrat. Čmele su  provirile iz čmelinjaka da se pripreme kaj naprave med. Imam pun vrt tulipani, a i narcise cvetejo. Od sega mi je najlepše protuletje.

MISLAV POKRIVAČ, 2. A


Protuletje se otpira. V zimi je trova bila hrđova, ve je pak zelena. Ja volim joko tulipane. V protuletje roste se cvetje. Popevleju ftiči na mojem bloku. Dok ja spim vuni sunce svetli v moju sobu. V mojem dvoru ga čuda protuletnog cvetja. I ftiči na mojem bloku spiju. V mojem je selu čuda dece i čuda cveti. Se je v mojem selu cifrasto. Tak pa se meni lepo igrati vuni z drugom decom. Ja jako volim protuletje!

LUCIJA KOŠAK, 2. A


Stiha je došlo protuletje v moje selo. Cvetje deši po celome selu. Poslušam cvrkutanje ftiči. Dreva su zelena od  listja. Vuni sveti sunce. Srečna sam kaj je došlo protuletje. Deca se igrajo po celi vulici. Celi dvor mi je puni visibabi. Srečna sam kaj je konačno došlo protuletje.

MELANI KANIŽAJ, 2.A


Stiha dohaja protuletje. Kam god poglednem se je cifrasto. Jako volim poslušati kak čmele zujijo. Vjutro dok se zbudim  ftiči mi popevleju na obloku. Deca z moje vulice se vuni igrajo. Si skup poslušamo kak ftiči popevleju i onda pa i mi popevlemo. Moja baka sadi narcise. Mama i tata sadiju mrkvu, lukai petrožila. Ja sam se jedva fčekala protuletja. Jako rada imam protuletje!

ENA MIHALKOVIĆ, 2.A


V protuletje je se topleše i topleše. Ftiči popevleju i se je lepše. Ružice su se zbudile i procvele su. Sunce zove decu  kaj dojdeju vum. I ja se pem igrat z njima. Si bumo se igrali lovače i skrivače. Jako sam srečna jer je protuletje došlo v moje selo.

NIKA BAŠIĆ, 2.A


Protuletje je došlo v moje selo. Cvetje se je otprlo. Se je pisano, dreva su zelena od listja. Čuje se kaj se do ve ne čulo. Čim se zbudim čujem kak ftičeki popevleju. Se posut je cvetje. Sunce pak greje. Došlo je protuletje!

MELANIJA FEGEŠ, 2.A



Zvir:
http://www.os-vnazor-pribislavec.skole.hr/upload/os-vnazor-pribislavec/newsattach/192/Protuletje%20v%20mojem%20selu-2a%20razred.doc

* * * * * * * * * * * * * * * * * * * * * * * * * * * * * * * * * * * * * * * * * *

GA Tresnjevka - Protuletje se otpira, 03:43

GA Tresnjevka - Protuletje se otpira

[Ljudevit Kaj]

Međimurske novine, 2012-04-19

Premišlavanje Jožeka radnika

Gorčanski HRAST vam je jako čudno drevo

Biračko telo Gorčana je Hrasto dalo dva večnika. I ve počnejo muke po Hrasto jerbo gda so se prebrojili glasi i skubicireli izborni rezultati zazvedilo se gda gorčanska levica na čelu z načelnikom Moharičom, šteri je i zakuhal gorčansko političko krizo, ima 6 večnikov, a gorčanska desnica, štero vodi gorčanski hadeze 7 večnikov. Tak vam je to zgledalo prve dneve posle minulih izvanrednih izborov. A unda je počela politička trgovina. Vsi znamo gda lanec poči tam gde mo je nejslabeša karika, tak je bilo vu Gorčano jerbo je gorčanski načelnik i esdepeov sabornik procjenil gda bi to mogel biti Hrast i gospon Katanec. I neje se prevaril. Makar znamo gda se članovi Hrast ne bavijo „političkom trgovinom“, ali so se prodali i prešli so z desne strane na levo. I to brez žmigavca.

Piše: Jožek radnik


Lani se na našoj političkoj pozornici pojavila nova stranka Hrast, štera je mela na pameti kaj spremeni vse ono vu našoj hrvaškoj politiki kaj je nej valjalo. Pod Hrastom so se skupljali vsi oni šteri so meli poštene namjere, vsi oni šteri so, do fčera, nej bili spremazani vsemaj političkaj maščaj, vsi pošteni šteri so nej gledali sam svoje interese, vsi oni šterima so humanistička i krščanska načela bila na pameti. Vu prvomo listeko, šteroga je Hrast, unda još kak pokret vu političkaj pelenaj štampal, je pisalo: U Hrastu je nemoguća „politička trgovina“ jerbo liste sastavljaju birači… Niti je leto dni nej minulo i več se Hrast poškliznul i vse ono kaj so hrastači govorili je palo vu tibro na prvomo ispito šteroga so polagali. Najme kaj, znamo gda so Hrastači nej dobili povereje biračkoga tela niti na izboraj za varaždinskoga gradonačelnika, a niti pak so prešli praga na izboraj za sabornike, ali so zato čuda bole prešli na lokalnaj izboraj vu našemo međimorskomo Gorčano. Biračko telo Gorčana je Hrasto dalo dva večnika. I ve počnejo muke po Hrasto jerbo gda so se prebrojili glasi i skubicireli izborni rezultati zazvedilo se gda gorčanska levica na čelu z načelnikom Moharičom, šteri je i zakuhal gorčansko političko krizo, ima 6 večnikov, a gorčanska desnica, štero vodi gorčanski hadeze 7 večnikov. Tak vam je to zgledalo prve dneve posle minulih izvanrednih izborov. A unda je počela politička trgovina. Vsi znamo gda lanec poči tam gde mo je nejslabeša karika, tak je bilo vu Gorčano jerbo je gorčanski načelnik i esdepeov sabornik procjenil gda bi to mogel biti Hrast i gospon Katanec. I neje se prevaril. Makar znamo gda se članovi Hrast ne bavijo „političkom trgovinom“, ali so se prodali i prešli so z desne strane na levo. I to brez žmigavca. Ne bi vam znal reči kaj na to veli jivo biraćko telo, štero so prevarili jerbo da so Gorčanci šteli dati svojega glasa esdepeovcima ne bi zaokružili hrastače. Vidite kak to zide gda mladi odgovorni i nekorumperani političari brez svojih osobnih interesov spremenijo strano sam zato kaj bi mladi Robi Katanec zutra bil ravnatelj škole jerbo mo to sabornik Moharič more zrihtati. Tak se bar po Gorčano prepoveda. No, kaj ne bi vi mislili gda je to jegov osobni interes, nej to je interes sela, interes župe i gorčanskih đakov i zato ne razmem kak so to nej prepoznali ovi desni gorčanski političari, šteri se ve fujijo na Robija i kunejo mo vse po spisko. Morete si misliti kajkaj vsega se dragi Božek pšak naposlušal. Brzčas oni imajo nekaj protiv načelnika i sabornika Mohariča, šteri je vu zadjih štriri-pet let uspel posvaditi celo selo. Ali mladi Hrasta to ne znajo, jerbo so stopram fčera dojšli vu politiko. I zato so Moharičo dali još jedno šanso. A niti pak se ravnatelj škole ne zbira vsako leto, pak tre zeti dok se nudi. Železo se kuje dok je vroče. A što se još gda i gde brigal za to kaj je štelo biračko telo dok je svoje glasa dala Hrasto? Najgerek sam kak bode dale shajal Hrast gda je na prvomo ispito opal i gda se raspočil čim so mo pokazali cugle vlasti. Tak delajo te mladi, odgovorni, pošteni i neopterečeni katolički političari. Ili pak smo vsi, ipak, črleni pod kožom? Najgerek sam kak bode to, itak, na vse zadje zišlo, jerbo što z vragom tikve sadi…!!!

Mađari, nej vsi sam nešterni, bi šteli kaj bi Međimorje znova bilo jivo. Nigdar nebrejo zabiti kak jim je bilo lejpo gda so se špancerali i šepurili po Međimorjo kak gazdi i gda so hasnuvali vse one dobrote i finote štere je dragi Božek dal nam na ovomo našemo falačeco zemle med dvemi vodami. Još bi razmel gda bi Mađerke znova štele kajbi mi Međimorci bili jivi, očem reči, kajbi one znova bile naše, kak je to bilo pre sto let, jerbo još navek nebrejo pozabiti kaj so jim jive mamice prepovedale kak je lejpo bilo deliti živleje z frčnim, drčnim i dobrim međimorskim težakima. Mađerke so nej mogle nikak pozabiti Međimorce jerbo so tu zazvedile kaj je to globoko oranje. No, nebrem nikak razmeti zakaj se naš župan Ivek mam uzjogunil čim je šakica mladih Mađarov, posle par flaši tokajca, privatizerala Međimorje kak jiv hatar. Pak i mi Međimorci kajkaj toga prepovedamo posle sedme flaše graševine. Tak, napriliko, i ja sebe primem vu miseli kak bi štel gda bi mi žena furt mela 25 let, jerbo bi mi bilo topleše vu posteli i mejepot bi se hodal gret vu krčmo k Juliki i Štefici. Ali nikaj od toga, makar bi ja to jako štel. Tak bi i Mađari šteli. No, brzčas, so vidli kak mi mlačno slavimo 9. januara, Spomen-den od gda smo odišli od Mađerki i 1919. leta se prepojili Lepoj našoj. Najme kaj, mi to tak slavimo kaj Mađari mislijo gda nam je žal kaj smo to naprajli, pak nam sam očejo pomoči kaj se vrnemo nazaj tam gde smo 1918. leta bili.

Prvih sto dni nove kukuriku Vlade je minulo. Nebrem reči gda se je nej nikaj spremenilo: pdv je odišel gori, cene benzina i nafte rasrejo iz minute v minuto, cene plina so eksploderale, a prvi potprecednik je najavil gda bode i struja podražila. Burze se punijo z težakima,a i zdraviče nam je vse dražeše ako očemo preživeti. Ali to je još nej vse, pak vsaki minister mora nekaj doprinesti vu kaso. No, kuliko čujem, tu se nebode postalo, jerbo tre toj krizi pokazati roge. Pak bodemo došli na to gda so oni, štere smo natirali, bili zlatni. A kaj moremo gda mi navek prekesno zazvedimo gda so vsi novi hujši


Zvir:
http://www.mnovine.biz/novo/index.php?option=com_content&view=article&id=13018:goranski-hrast-vam-je-jako-udno-drevo&catid=301:joek-radnik&Itemid=575


Vide(l)o:
KUD Goričan- Leto, Leto, 01:58

KUD Goričan- Leto, Leto

[Ljudevit Kaj]

Zagorski list, 2012-04-24

Za dušu, za spomenek

JURJEVSKI TJEDEN

Bilje kak bilje Jurjefski je tjeden negda bil najbolši za sejatvu koruze i kaj česa druguga. Reklje se da semenje zasiejane h jurjefskem tjednu dojde k sreče i dobre rodi. Sveti Jura je bil navestitelj konca zime i početka ljipuga cajta i dela po gruntu.
 
Pri nas se prie prec ljiet h večer prie Jurjevoga kre njivi ilji na breščeku složil kup koruznice, suhalja ilji graje i gda se spustil mrak te se vužgalje. Bilji su te Jurjefski kriesi. Njihof ogenj i topljina triebalji su odgnati zloče i kumer teri bi čez ljete delal škodu po gruntu i sejatve. Kre gorečuga kriesa skakala su deca, a dečki i puce hkralji bi poskrivečki, kaj stariejši nej vidlji, kakef kušljec. Negda su i puce kre kriesa znale zapopievti.

Piše: Nevenka Gregurić


Retke več denes, pri nas, dišiju brazde zaorane zemlje. Malje sme se pogospočilji i nišče baš preveč neče delati. Nikomu se ne splati. Pune burze nezaposljene ljudi, a h vrte posajeni kameni i rožice. Ne splati se ni vrteka delati. I sikak je tak.

Negda je skuplješe nektere semenjiče nek vreča onuga kaj bi trieba posejati ilji posaditi. A kak se semenje na domačije pospravlja davne sme več pozabilji i retke gde več do njega moči dojdi. A negda su na prsnica na čavlju vesilji sakojačke male culce z šofi zavezani, a hu njem sakojačke semenja. Semenje se je čuvalje i retke gda komu napre dalje. Prie nek nej žanjska sebe posadila nebi dala semenje druge. Misljilje se da je bi je ona tere bi dala semenje, prie nek bi sebe posiejala, odnesla sreču. Bilje kak bilje Jurjefski je tjeden negda bil najbolši za sejatvu koruze i kaj česa druguga. Reklje se da semenje zasiejane h jurjefskem tjednu dojde k sreče i dobre rodi. Sveti Jura je bil navestitelj konca zime i početka ljipuga cajta i dela po gruntu.

Negda, dok su naše štaljice bila pune blaga do Jurjevoga su se slobodne širem pasle kak i h jesen. Blage je bilje po cieljem polju. Nu, na Jurjeve je bil zadnj dan takve slobode. Kravice su išle k domu z nakičeni rogi. Pastiri su po polju bralji rožice i metalji je blagu na glavu. Te je bil znak da buju od Jurjevoga morale nositi za rogmi štrik i da se neju smele pasti kud bi štele. Za Jurjeve se reklje i da je te ciganjski dan. Jurjevo ilji Đurđef dan slavilji su cigani h svoja čerga. Kak su oni hodilji po sela i šatre postavljalji bljizu moste i rieki, trebalji su dojti topljiejši cajti. Za Jurjeve se reklje da je došla prtuljet i da se bu moči biti vanje.

Dobre su unda ljudi znalji da bu poklje Jujevoga moči videti sakojačke cigane teri su prihajalji sake ljete. Oni su po sela hodilji krpat lonce, popravljat imbriele ilji kupuvat stare krpljinje. Radi toga su jih zvalji kotljekrpači ilji lohari, krpenjari ilji imbrelari. Cigani bi došlji kre moste pri rieke razapelji šatre i bilji par dane dok po sela nej obavilji posle tere su triebalji. Te je trajalje tak cielje ljete, a znalje je ve čpočeti poklje Jurjevoga.

Sveti Juraj je na crkvena sljika pokazan kak vojnik na bielomu konju  kak se bori z zmajem. Bielji konj je bil znak čistoče, kak je bil i život svetuga Jurja. Zmaj je pak tuj radi toga kaj bi prikazal zlo. Pripoviedalje se da je Jurek bil rimski vojak i da je obranil princezu od zmaja teru su žrtvuvalji. Radi toga je bil preglašen junekem. Kak rimski vojnik nie veruval h pune Boge nek same jednuga, h Isusa Krista i krščanstve.

Naše gore ljist, car Diokljecijan je bil najgorši i dal je mučiti i smaknuti sakuga gdoj je priznal krščanstve. Radi toga su mučilji i Jurja. Natezalji su ga na kolu, pikalji z kaj česem da se odrekne vere. Nu kak god da je dobil rane od mučenja mam bi mu, nekakvem čudem, zacieljele. On se nie odrekel svoje vere, pak su ga radi toga na kraju smeknulji. Odrubilji su mu glavu na 23. travnja 290. Od unda se svetkuje spomen na njega i slavi Jurjeve.

Pri nas se prie prec ljiet h večer prie Jurjevoga kre njivi ilji na breščeku složil kup koruznice, suhalja ilji graje i gda se spustil mrak te se vužgalje. Bilji su te Jurjefski kriesi. Njihof ogenj i topljina triebalji su odgnati zloče i kumer teri bi čez ljete delal škodu po gruntu i sejatve. Kre gorečuga kriesa skakala su deca, a dečki i puce hkralji bi poskrivečki, kaj stariejši nej vidlji, kakef kušljec. Negda su i puce kre kriesa znale zapopievti.

Denes nie Jurjefske kriese, ni dečkof ni puc ok njih. Ostalji su same stihi Jurjefske piesmi tuj i tam zapisane.

„Liepi Jura kries nalaže
h ljievoj ruki kries nalaže
na Jurjevo na večer.
Liepi Jura kries nalaže
desnom rukom venčec vija
na Jurjevo navečer…“


Zvir:
http://www.zagorje.com/kolumne/pregled/za-dusu-za-spomenek-jurjevski-tjeden


DOŠEL JE, DOŠEL JURAJ ZELENI, 01:08

DOŠEL JE, DOŠEL JURAJ ZELENI

[Ljudevit Kaj]

Dnevnik tate Bena, 2012-04-26

Gotovo bolovanje

Genijalac tjedna je sikak ministar financija. Veli on da se mora zabraniti odlazak u penziju mlajšima od 65 ljet, i da se treba razmisliti o tome da se to čak i poveča. Delati do 65 takvima kak je on, kaj samo sediju i češeju se po jajcima nije problem. Najbolje bi bilo da uopče nejdemo h penziju, nego da delamo dok ne krepamo, a da si država ostavi te peneze kaj saki mesec uplačujemo u mirovinske fondove, da imaju barem za platiti svoje povlaštene penzije.


Piše:Tomislav Benčič

Od prošlog tjedna opet delam. Doktor mi ne da več bolovanja. Veli da je se h redu i da morem delati. I da pazim na sebe. Da nejdem preveč po suncu, da pazim da nebum na vetru ili propuhu i da se ne naprežem preveč. Po suncu baš i ne hodim jer ga baš sad i nema preveč. Ali veter zbeči nemrem. Puše saki dan. I kak da ja onda dojdem na posel, a da nem na vetru?

Još mi je doktor rekel da tu gde me je rezal mažem s nekakvim gelom. Normalno da nejde na recept. I mala tubica, nemate ju kaj za videti dojde 340 kuna. Još moram paziti da tu gde mi je rez nebi iritiral z nečim. Ne zna ni kak bi izvel da oblječem košulju i denem kravatu, a da mi kragljin od košulje ne dojde na ranu koja ide od vuha se do pol vrata. Kak mi još pol lica nije praf u funkciji nemrem se niti spominati normalno. Još mi je teško pripovedati. I sad ja trebam delati sa strankama.
 
Zbog kolumne od prošlog tjedna sam dobil po nosu. I to od svoje žene. Napala me da kad je ona meni rekla da treba posudu prati prije nego kaj se dene h mašinu za posudu prati. Velim ja to njoj, a ona meni veli da nije rekla oprati, nego isprati. I u čemu je razlika? Kaj nije to isto ko da prvo pometem, a onda idem usisavat?

Ovo vrijeme mi nikak nejde na ruku. Pokušaval sam cjeli tjedan pokositi dvorišče. Kad god sam imel vremena ili je curelo, ili je bilo mokro. Na kraju sam ipak uspel h subotu pokositi travu, a žena je nekakve rože posadila.

Kad sam prošli tjedan došel na posel dočekalo me je neugodno iznenađenje. U vidu platne liste. Dobil sam menjšu plaču nego inače, ali sam mislil da je to zbog bolovanja. I kad sam pogledal listu videl sam da su opet počeli s neisplačivanjem svih oddelanih prekovremenih vur. Odlučili su da plačaju do 10 prekovremenih. Bez obzira kolko si ih delal.

Kad god treba šparati špara se na malim ljudima. Zadnji primjer za to je struja. Za kučanstva buju zdigli cijenu, dok za gospodarstvo ostaje ista cijena. Morti da se nije natpis elektre nalazil na rukavu Dinamovog dresa ili da se nije u Bosnu u bescjenje prodavala struja do ovog poskupljenja ne bi ni došlo.

Genijalac tjedna je sikak ministar financija. Veli on da se mora zabraniti odlazak u penziju mlajšima od 65 ljet, i da se treba razmisliti o tome da se to čak i poveča. Delati do 65 takvima kak je on, kaj samo sediju i češeju se po jajcima nije problem. Najbolje bi bilo da uopče nejdemo h penziju, nego da delamo dok ne krepamo, a da si država ostavi te peneze kaj saki mesec uplačujemo u mirovinske fondove, da imaju barem za platiti svoje povlaštene penzije.


Zvir:
http://www.zagorje.com/kolumne/pregled/dnevnik-tate-bena-gotovo-bolovanje

[Ljudevit Kaj]

Za dušu, za spomenek, 2009-05-04

'Živio prvi maj, dva dane fraj!'

Bilji su te cajti gda se do smetlara, zidara, doktora, živinara, vučitelja, i da ne nabrajam dalje, držalje kak do čoveka i radnika. Podjednak su tie radnički svetek ovršavalj, saki kak je znal i mogel. Nigdar tkaljec ilji preljec nie bil zaviden svojemu direktoru če nie plandral i roval po zemlje kak on. Bil je radosten kaj si je za te dane mogel posel hititi napre.

Zmenilje se dosta toga za tie svetek od gda sem ja bila mala i išla h školu. Pozabilji su si na one kaj su mene vučilji h školje vučilji, a i stariejši: ...“ same zadovoljen radnik je dober radnik..“

Piše:Nevenka Gregurić


Tak se nekak govorilje z veseljem prie ne tak pune ljiet. Bilji su te oni „grdi“ cajti reklji bi denes onie teri su negda takaj larmalji, one kaj sem h naslovu napisala. Denes, hnogi od njih zafrkneju z nosem i kak da su pozabilji da još navieke živiju i ljudi teri dobre pamatiju. Same, denes su došlji drugi cajti, zmenile se šege, a borme i kaputi.

Bilji su te cajti gda se do smetlara, zidara, doktora, živinara, vučitelja, i da ne nabrajam dalje, držalje kak do čoveka i radnika. Podjednak su tie radnički svetek ovršavalj, saki kak je znal i mogel. Nigdar tkaljec ilji preljec nie bil zaviden svojemu direktoru če nie plandral i roval po zemlje kak on. Bil je radosten kaj si je za te dane mogel posel hititi napre. Radniki- seljaki z veseljem su čakalji tie svetek jer su bile zadnje sejatve koruze, a z tem unda i nakasanje po njiva. Babe seljanke- radnice, rihtale su svoje vrteke jer njim vura nie zvonila i fabrike su bile prazne. Deca su se takaj raduvalji jer se nie dva dane išlje školu, a bile su i priredbe za tie državni svetek. Malje se je bolje za priredbu zrihtalje, pa če su se i posudile h selu biele pljujzice i plavi ili črni šoseki, senek se išlje na priredbu h školu z veseljem. Malje je tere diete išlje školu pred tie radnički svetek kaj nej neslje h ruka kiticu holjera ilji žganca. Vučiteljice su z njimi nakinđale školu i razrede, a z viškem veselje bambale k domu. Tišinu prvugamajskuga jutra prekinula je budnica teru su žmahne i kak se šika odigralji šplehari po breščeka skore sakuga sela. Če bi si i prispal na tie svetek, budnica te je stirala z postelje. Štacuni su bilji zaprti, k meše se nie išlje pak su tie svetki bilji baš onak praf, za familjiju na kupu. Čez dan, zemlja se znala zatresti od pucanja z karabitem. Pucalji su deca i stariejši skore podjednak. Nekaj kesniejše gda su se več i po selu počele koturati alte, bila je te priljika da se za 1. maj doma se brze pohasni i ponapravi i prejde nekam na vojnički bažulj, teri se odnavieke deljil zabadave.

Zmenilje se dosta toga za tie svetek od gda sem ja bila mala i išla h školu. Pozabilji su si na one kaj su mene vučilji h školje vučilji, a i stariejši: ...“ same zadovoljen radnik je dober radnik..“

Kak je unda zgledalje radniki su nekak si bilji veseljieši i zadovoljnieši. I denes se igra budnica na tie radnički svetek, alji več ju malje gdoj i čuje i njoj se raduje gda je larmanje okolji nas tak fejst da več put i sami sebe jedva čujeme. Radost na ljicu ljudi teške je videti. Sakuga pritiščeju veljike brige jer nigdar niesu sigurni kaj jih zutra čaka. Z tuljenje fabrik, gde su njihovi starci zaslužilji kakve takve penzije, več davne nie čujti sirenu. Pritišče sakuga čoveka one kaj nemre nigdar znati kaj donaša denes, a još menje kaj donaša zutra. Kak da sem nad glavami viesi teški križ življenja, pak je radosti se menje i menje. Deca pak več davne niesu ničemu vesela. Oni se več tak nikomu i ničemu ne radujeju. Za njih je te još same jeden dan teri nejdeju h školu i teri buju završilji tak kaj buju duge spalji, a unda se pretegnulji, zaprlji šalaporke kaj njim nej sunce gladilje ljice i cielji dan tipkalji na mašine. Igra i dukanje bose po ledine z pajdaši i naganjanje ne da niesu pozabilji, nek niesu ni nafčilji.

I tak, negdašnji svetek več nie takef svetek. Još buju same oni teri imaju svoju kakvu takvu penzijicu teru su zaslužilji hu cajtu gda se je reklje, živio prvi maj dva dana fraj, svetkuvalji. Raduvalji se buju svojem penzionerskem izletu, zestalji se na kakve ledine, pojelji si dober gulješ, spilji kupicu vina i pospominalji se z pajdaši. Neju ni vidlji gda bu mesec počel zezavati zviezde i spuščal se mrak jer buju z domaču mužiku probalji razgibati zadrvenjele kosti. Morti buju kosti i škripale, alji se ne čulje od njihove pesme i grljenoga smieha. Kak je ljudem malje trieba za sreču, gda bi te znalji prepoznati sviet bi bil ljepši i cinfranieši. Unda bi i onie, kaj moreju, vrnulji sreču radniku h srce, a smieh na ljica. Ovak, gda ljudem prihaja starost teške da se buju generacije budučih penziče mogle i imele opčem kak zdej zgledi, smejati na jeden radnički svetek. Svetek, teri se ovršava kak spomen na prie pune ljiet gda su radniki bez prava i pravice reklji: „Za petram božje, dosta toga!“


Zvir:
http://www.zagorje.com/kolumne/pregled/za-dusu-za-spomenek-zivio-prvi-maj-dva-dane-fraj-


Vide(l)o:
decki z bregov - kam pa ides micika, 01:45
(Na Ivanščice 01.05.2008.)
decki z bregov - kam pa ides micika

[Ljudevit Kaj]

Glas Podravine, 2012-04-27

Moza(i)k z jajci

A kaj da danas kuham?
Kaj mislite o švedskom stolu

Stolova ima svakakvih, ali meni je uglavnom najdraži of švedski. Moram vam spripovedati moj prvi susret z tim stolom. Bil sam na putu z jednim kolegom v Beogradu ohoho vremena prije rata i odsjeli smo v Jugoslaviji za ono vreme jednom od najbolših hotela.

Dojdemo mi vjutro v restoran i hoćemo pozvati konobara, kad vidimo da si drugi gosti sami nosiju odnekud klopu. Krenemo za njima kad imamo kaj i videti: ogroman stol krcat s koječim pa ni neznaš odkud početi. Nismo škrtarili: natrpali smo si koječega, dobro se pogostili i debelo se smijali upravi hotela jer smo ovak neiskusni mislili kak smo ih zaribali jer smo pojeli puno više neg je to bilo v normalnim situacijama v drugim hotelima gde su posluživali konobari ono klasično.                   

No, bogatstvo ponude je za mene bilo čudo samo tak dugo dok nisam došel par let kasneše v one prave hotele gde fakat nisi znal kaj prije zeti. U minhenskom Hiltonu sam bil jemput na nekom seminaru, gde je kotizacija bila paprena, ali seje splatila ne samo zbog korisnog sadržaja nego i očaravajućeg švedskog stola. Kreneš z nepreglednim predjelima, nastaviš z glavnim jelima i raznim prilogima kojima neznaš ni imena i konačno najednom posebnom stolu završiš z desertima. Ono kaj me je posebno oduševilo je piće. To ne uzimaš sam nego se lepo zavališ v svoj stolac diviš se panorami, a konobar z kolicima kruži po restoranu i biraš kaj ti srcu drago od biranih pića.

V tom istom gradu sam drugi put bil v hotelu Quins koji je takaj imal bogatu ponudu, al sam i se zaribal za doručak na odlasku. Pajdaš i ja smo fino doručkovali, ali sam si kakti za put zel i one fino zapakirane "slastice" nek se najdu na putu. Dok sam nakon 3-4 vure vožnje te "slastice" otprl imal sam kaj i videti. To su vam bili fino zapakirani suhi dvopeki za koje trebaš litru tekućine da ih probaviš.

Ko mije kriv kaj ne čitam kaj na omotu piše. V Budimpešti mi je pak ostal v sećanju hotel Meriot. Osim bogatog stola z gotovom klopom tu su bili i živi kuhari koji su pred tebom spremali ono kaj si pokazal da oćeš baš taj moment jesti. No, moram priznati da i jako fini švedski stol more za par dana postati malo jednoličan. V luksuznom hotelu Forum v Bratislavi sam jemput v komadu bil devet dana i sva ta klopa, za oko privlačna, nakon tolko vremena više ni tak primamljiva. Prije polaska doma sam mami javil: "Prosim te da mi skuhaš samo domaću juhu od finoga falačeca junetine, i   malo hren sosa i malo pirea". Za kraj moram pofaliti jedan hotel v susedstvu: Turist vu Varaždinu. Letima sam išel na poziv mojeg kolege Franje na Rotari-bal i moram reći: svaka čast. Jede se dve-tri vure, sve je lepo servirano i moram reći jako dobro pripremljeno.

                                                                                 ivan.ferencak@kc.t-com.hr



Petek
Juha: Juha od šaranove glave glave i repa.
Glavno jelo: Pijani šaran, na podlogi od krumpira i riže.
Desert: A kaj bi drugo osim gemišta.

Subota
Juha/Glavno jelo: Imam pak dve varijante vezano uz vreme: ili lagano predjelo i roštilj v goricam ak bu lepo vreme ili nekaj skromno z testeninom doma ak bu kiša. Desert: Ovisi koju varijantu bute zbrali.

Nedela
Juha: Graškova juha z kašicom.
Glavno jelo: Pečena teleća koljenica, dinstano povrće, mladi krumpir.
Desert: ledeni veter (tak se zove kolač), čaša vina.

Pondelek
Juha/Glavno jelo: Složenac od kelja, riže i kobasi.
Desert: Sok od naranđe

Tork
Juha: Krem juha od mrkve i karfiola.
Glavno jelo: Pečena špicrebra, pečeni krumpir, salata.
Desert: Ledeni čaj.     

Sreda
Juha: Paradajzjuha.
Glavno jelo: Rižoto od piletine i gljiva.
Desert: Puding.

Četrtek
Juha/Glavno jelo: Čušpajz od poriluka zfaslranclma.
Desert: Čaša pive.


Nek Vam bu u slast!
Ak ste negde zapeli gore vam je moj mail. Javite se.


Zvir:
Glas Podravine (paperneto vundajne).
Živopisano vundajne:
http://glaspodravine.hr/

* * * * * * * * * *

Šve(n)dski stol:
Mirko Švenda Žiga i mamičini štrukli
Žiga u Lisinskom - Mamica su štrukle pekli, 04:51

Žiga u Lisinskom - Mamica su štrukle pekli

[Ljudevit Kaj]

7 Plus (b)regionalni tjednik, 03.04.2012.

Zločesta vrtoglavica

Turističkim stazama korupcije

Autor: RADAR


Čehi fakat razmeju kaj je turizam. Pa ga non stop jačaju. Nečim novim. Kajti pivo i knedličke, lepe puce i dobra zabava, nisu dosti. A tak i onak  uvek treba nekaj novo gostima dati. Za dobri doživljaj i sjećanje.

Tak ve turisti kaj hodiju vu Prag moreju iti i stazama korupcije i na licu mesta videti  kakve su  sve pizdarije političari, bande i mafijaši, delali vu svetu tranzicije.  Japanci, Nijemci i drugi kaj vu Češku hodiju vu velkomu broju, moreju na korupcijskoj turi videti kak zgledi nepostoječa hiža, na čijoj je adresi  bila prijavljena  hrpa firmi za pranje, šamponiranje i masažu  penezi.

Videti se more i znamenita vila vu turbo-pomodarskomu  stilu,  nekadašnjeg direktora češkoga Hepa kaj je drpal peneze nameštanjem javnih natječajov. Češka korupcijska tura obuhvaća  i fakultete,  gde su se  diplome mogle kupiti kak grincajg na placu.  Samo  za malo veće peneze. Ima i drugih vrlih znamenitosti na toj turi, pa ko voli, nek izvoli. I to videti.
 
Veliju da budu Čehi korupcijsku turu kandidirali za orginalni turistički proizvod EU. A morti je to početak razvoja korupcijskog turizma. Kaj ni loše za Hrvacku koja, za razliku od Češke, ima puno više korupcijskih znamenitosti za pokazati. Neka pati kome smeta…   


Zvir:
http://regionalni.com/tocka-na-i/kolumne/turistickim-stazama-korupcije-9281/

* * * * * * * * * * * * * * * * * * * * * * * * * * * * * * * * * * * * * * * *

Vrtoglavica - V(e)rtig(lavic)a – Vertigo
(kajler)
trailer for "Vertigo", 02:19, Alfred Hitchcock, 1958

http://www.youtube.com/watch?v=D0bV2gh4E7Y

* * * * * * * * * * * * * * * * * * * * * * * * * * * * * * * * * * * * * * * *

Vid.e(l)o:
Drele i Vid Balog-Remetinec

Drele i Vid Balog-Remetinec

[Ljudevit Kaj]

Goranski tračar

7.  svibna 2012.

FREZAM, ŠTIHAM, OREM, SADIM I….

Tračarski jeziki, z nekolko pouzdanih izvorof, rečeju, da su lokvarski večniki, nakon kaj je proračun usvojen, spustili ruke i va šoku zapljeskali sami sebi.


Morda u se neki ot vas pitali gdi san tolko dugo, a morda su i neki ot vas va zadnje vreme i sami ufurali va goransku poljoprivredno  eksploziu kaj je ot kraja prošlok meseca rasturila puno pajdašija, pa i ovu našu gemištarsku okoli šanka kot konobarice Darinke. Najme, prošli je mesec donesal puno oblakof i vlage, tenperature su se zdignjivale ko goranski životni standart (kaj bi rekli, ispot proseka), pa su babe več ko proročki najavlivale do bo sađenje kunpirof i drugih artiklof za sledeču zimu opasno kasnilo

Kat je sunčeko konačno zasvetlio iznat Gorskok kotara i kat se konačno nekaj zelenjave pojavilo po stablima, došli su dani kat je  najbedastije pitanje kaj si ga mogal postavit goranskom čoveku glasilo – gdi ideš, jer je ono nudilo samo četri moguča odgovora: gren frezat, gren orat, gren štihat ili gren sadit.

Va takovim okolnostima se na par dani raskopala i gemištarska pajdašija okoli šanka kot konobarice Darinke , a to ti, sinak moj, za goransku tračariju ima vidlivih posledica na inspiraciu.

I onda se trefilo velko čudo! Usret sezone, kat svaka ruka kaj drži matiku vredi zlata i kat je zbok svega  toga društveno – političarski život zapal va tešku krizu, čuješ da su se z tih istih matika ruke jednoglasno zdignule tam gdi bi se čovek najmanj nadal.

Daklem, novo opčinarsko veče va Opčini Lokve, kaj se po starom narodnom običaju moralo birat iza političarske krize i prijevremenih izbora, se ni samo sastalo, neg i jednoglasno usvojilo ovogodišni proračun!!!

Tračarski jeziki, z nekolko pouzdanih izvorof, rečeju, da su lokvarski večniki, nakon kaj je proračun usvojen, spustili ruke i va šoku zapljeskali sami sebi.

-  Viš vraga – reče moj pajdaš Joža – a kat novine napišeju da gracke i opčinarske večnice nekat podsečaju na kazališne prectave, onda se političari uvrediju. Pa takaf velki aplaus bi si poželil svaki glumac


Zvir:
http://goranski-tracar.bloger.hr/default.aspx?date=1.5.2012#date7.5.2012

* * * * * * * * * * * * * * * * * * * * * * * *

FA Ivan Goran Kovačić, Zagreb - Z međimurskog cvetnjaka, 05:55

FA Ivan Goran Kovačić, Zagreb - Z međimurskog cvetnjaka

[Ljudevit Kaj]

7 Plus (b)regionalni tjednik, 28.03.2012.

Zločesta vrtoglavica 

Smeče koje niko neče….

Autor: RADAR


Došlo je i proleće, godine Gospodnje 2012. A smeće zamotano vu folijama i dalje stoji tam gdi trune već letama. Vu Brezju. Na sliku i sramotu Velkog Sela pri Dravi.

Denes tu sramotu saki kaj vu selo ide more i po noči lepo videti. Kajti smetlišče, selsko, ilegalno, ve i javnu rasvetu ima. Kaj i terapijski značaj blesiče za one kojima mrak na oči opadne. Od smrada. Dok blizu trulih bala hodiju.

Ti ve imaju svetlo. Kak je krenulo još budu med smetje i reflektore deli. Tak da burgemajster, kaj ga pišeju Goran Promil ne imal zamračen pogled. Prema balama. Nek jasnu sliku. Prema balama. I po noči. Pa bu morti manje mantral kam da otpela i zakopa tulki otpad. Kajti ovo smeče fakat niko neče. Ni vu Totovcu, ni Jerovcu, ni Davoru, ni vu Tunguziji…

Mađimurci su mu, kak pametni ljudi, lepo rekli nek se ne zajebava i nek smeče otpela vu fabriku MBO kaj mu vu Brezju, pred nosom zgotovljena stoji. Slavonci pak, ni vu ludilu, za tuđi balirani smrdljivi drlog mesta nemaju. Kajti i onak svojega prek glave imaju. A i tam bi se seljačka buna zdigla, dok bi prva bala stigla. Pa niko praf zapraf reskirati neče. Dok Goran, se posud, uzalud, trži smeče.


Zvir:
http://regionalni.com/tocka-na-i/kolumne/smece-koje-niko-nece-9173/

* * * * * * * * * * * * * * * * * * * * * * * * * * * * * * * * * * * * * * * *

Vrtoglavica - V(e)rtig(lavic)a – Vertigo
(kajler)
trailer for "Vertigo", 02:19, Alfred Hitchcock, 1958

http://www.youtube.com/watch?v=D0bV2gh4E7Y

Vide(l)o:

Kmica, kmica, črni vrak
Anja Šovagović & Viline - Kmica (Krapina 2011) Popevke zanavek 9.9.2011. HQ,
(A.Dedić - D.Britvić - A.Dedić) 1976.
Anja Šovagović & Viline - Kmica (Krapina 2011) Popevke zanavek 9.9.2011. HQ

[Ljudevit Kaj]

Međimurske novine, br. 869, 2012-05-04

Pak kakši bi to bil 1. maj brez bažolja?

Nebrete veruvati kak se vremena menjajo. Negda so ljudi z 60 let bili stari i robavi, a denes se poglednem vu špigelj, kak nas je podučil minister Jovanović, ali ne fljučnem jerbo vu njemo vidim čistam mladoga čoveka za šterim se, još navek, puce obračajo. No, ali sam one malo ozbiljneše…

Piše: Jožek radnik


Spituvlejo me ljudi, naši dragi i brižni Međimorci, kaj je z Ivijom Sanaderom, jerbo sam več dugo nej nikaj o jemo pripovedal, oliti pisal. Malo me je štrecnulo, jer nišči nema rad dok ga se na red pobira, pak tak niti ja, ali kaj bodem o jemo pisal gda je još na sodo i igra ping-pong z sodom, Uskokom i vsima nama štero čakamo kaj vrne nekše peneze tua gde jiv je zel. Vu državno kaso. A čim se to bode pripetilo mam vam se bodem javil.

Kotač sreče se furt obrača i med hadezeovcima šteri so zgubili državno vlast, a ve se prepravljajo kaj zmenijo precednico Jaco i zaberejo novoga precednika. Kak zgledi Uskok bode dokazal gda je Darko Milinović, šteri bi štel biti glavni hadezeovec, mel namočene prste, i to do lakta, vu flašico z pekmezom (čitaj: črni fondoš hadezea), tak gda bode, brzčas, hadezeovsko precedničko foteljo mogel sam senjati.

Neje to bilo tak zdavnja, pak se još navek zmislimo kak so nam kukurikači, vu predizbornoj kampanji, nudili plan 21 i žnjim mahali kak z nečim novim i velikim. Minulo je nekaj vejč od štiri mesece nove Vlade, ali nikaj smo nej vidli od toga plana. Za 1. maj so zmočeni i preslabo plačeni težaki iskali od Milanoviča i Čačiča kaj se genejo, nek prebacijo vu peto brzino i nek zalaufajo i plan 22!!! Morem vam reči gda je Vlada mam ispunila zahtjeve težaka i zdigla ceno plina 22 posto. I unda bode nešči rekel gda je to nej demokracija gda Vlada furt posluša glas naroda i donaša odluke po njegovoj volji. Srečen je narod šteri ima takšo vlast.

Makar ga ovo leto nej nikših izborov vu plano ipak je Prvi maj nej minul brez bažolja. No, kakše leto takši i bažolj. Tak je bar bilo vu Totovco, stalnoj esdepeovoj bazi. Nej znati što je to šparal na biračkomo telo, ali bažol je plival po tajero, tak gda je letošnji bažolj nej bil niti sluga lanjskomo predizbornomo. Spominali so se Savčari gda je vse drugač dok se esdepeovci ravnajo kaj dojdejo na vlast, ali čim dojdejo unda se špara na vse strane. Nebrem to razmeti, a tak malo je tre ljudima kaj bodo srečni i zadovoljni. Sam porcija dobroga bažolja, šteri se unda jako dauko čuje.

Čistam drugač je bilo vu Mačkovco, na Martici, gde so se zišli čakoski „seljaki“, očem reči, haesesovci. Tam se skuhal pravi bažolj i to takši kaj je žlica na jemo stala, a takši i mora biti. Bil je malo žejen, ali za pravim se bažoljom i mora prašiti. Nekak si gruntam, pak što bode mel dobroga bažolja ak to ne bodo meli seljaki. Vsaka čast pucama i dečkima iz haesesa i jivomo precedniko Zokijo Vidovićo.

Gorčanski so opčinski večniki prodali svoje komunalno poduzeče Gorinko priločkomo Prekomo jerbo Gorinka več nikaj ne vredi i sam je terh za opčino i opčinsko kaso. Tak je bar bilo rečeno. Ak Gorinka nikaj nema i nikaj ne vredi zakaj jo je unda, itak, Prekom kupil. Po tomo so Priločanci v kmico fritnuli, ali kuliko poznam priločkoga gradonačelnika ne bi rekel gda je to ruom tak bilo. Brzčas so se gorčanski i priločki saborniki nekaj dospomenuli vu Zagrebo kaj opčinski vječniki nesmejo znati. Bar za ve. A to se vse bode posle vidlo i zazvedilo kak i to kaj bode z gorčanskim smetjom, što bo ga i gde sorteral, što bo ga komposteral ili pak recikleral. I što bo to vse platil? Novozebrano opčinsko vječe je nej ruom dobro započelo svoj kratki jednoletošnji mandat, jerbo so več na svojemo prvomo zestanko počeli resprodavati obiteljsko, očem reči, opčinsko blago. A tak so se štimali dok so zafremali Gorinko, a ve dok se na smetjo da jako dobro zaslužiti, ve so jo i to za nekše drobne peneze prodali.

V nedeljo pred Prvim majom je bila ferma vu čakoskoj starešoj cirkvi Svetoga Mikloša. Kak i navek tu se zišlo hajdig ljudi. Cirkva je bila puna,a bilo je dostik onih šteri so nej zišli vu cirkvo, pak so pred cirkvom čakali kaj fermanje jive dece mine. No, štimung ne bi bil pravi gda so se nej Čakovčanci vozili z beciklinaj to Fratarskomo trgo i po glavnoj vulici. Vsi znamo gda gracki komunalci i redari ne delajo po nedeljaj, ali bi i ovi kaj se vozijo z beciklinaj morali meti nekšo pamet, a nej kaj kružijo okoli dece i jivih roditeljov. Vse ima svoje vreme i svoje mesto, pak tak i beciklini.

Nebrete veruvati kak se vremena menjajo. Negda so ljudi z 60 let bili stari i robavi, a denes se poglednem vu špigelj, kak nas je podučil minister Jovanović, ali ne fljučnem jerbo vu njemo vidim čistam mladoga čoveka za šterim se, još navek, puce obračajo. No, ali sam one malo ozbiljneše…


Zvir:
http://www.mnovine.biz/novo/index.php?option=com_content&view=article&id=13168:pak-kaki-bi-to-bil-1-maj-brez-baolja&catid=301:joek-radnik&Itemid=575

* * * * * * * * * * * * * * * * * * * *

Em sem išče ne tak stara, v pedsetoj leti...
Kom3dija - Medjimurski lepi decki, 02:41

Kom3dija - Medjimurski lepi decki

[Ljudevit Kaj]

Varaždinske vesti, br. 3514, 2012-05-08

KAJ je naše pitanje i naš odgovor, naša duša i naša popevka

Piše: prof. Barica Pahič

Juraj Habdelič bil je najvekši pisac stare kajkavske književnosti


Vište, i ovie put se potvrđuje stara narodna mudrost štera veli da se ni rodil kie bi siem vgodil, pa tak ni ja nemrem. Zate naviek moram računati i na one šteri rado prečitaju nekaj od naših starih kajkavskih spisateljov, kak i na one štere zanima same denešnje življenje. Najbolje je da to ide na smienu. Ovie put bu to o Jurju Habdeliču (1609. – 1678.) šteroga književna znanost derži za najvekšega pisca stare kajkavske književnosti. I on je živel vu Varaždinu gdi je bil profesor na gimnaziji, mešnik i rektor “Tovaruštva Jezušovoga”, a dr. Alojz Jembrih ga derži za jezičnoga reformatora, zato kaj je narodno kajkavsko govorenje postavil na razinu književnog jezika i ostal “temelj kajkavske književnosti” do ilirizma.

Glavna su mu dela “Zercalo Marijansko” i “Pervi oca našega Adama greh”, a tie mešnik je bil i jako dober govornik i propovednik pa su na njegovim mešama cirkve bile prepune. Sliedi jen kratki diel njegve predike v šteri je upozoraval na grešno ponašanje onodobnih Varaždincov, bolje reči Varaždinki:
“Otpri vre vezda oči, ti gospica, ktera si goder, ali purgarica, ali plemenita, ali gradovena, ali mlada, ali stara, ali gospodična, ali vdovica ka se izebranem vinom napajaš, ka se tak cifrasto opravljaš, ka više svoje lase ravnajuč neg Boga moleči vremena trošiš, ka tuliko mehkeh blazin na postelju svoju kladeš, ka se tak mehko v đolđ (baršun) i svilne poplune zavijaš, ka toliko z pišmum (mošusom) smrdiš…”

Ali je ni same špotal. Imel je on smiljenosti i razumievanja za stradanja seljačkih buntovnikov i prie i pokle velike bune. Njegov zapis o tem je poslužil i Augustu Šenoi da napiše govor Matije Gupca, prie odlučujučeg boja z velikaši, v svem romanu “Seljačka buna”:
“Bratja, vitezi rekši, znate se kaj ste se v ov tabor spravili, zakaj ste hiže, žene i decu vašu ostavili, znate kak vam je do sad sreča proti plemenitašem, ki su vas pervo nemilo derli, služila. Znati tulikajše morate da vezda, ku vezda imeli neste, priliku imate na verh sreče vaše priti. Ov je den,  ov je harc (boj) ki vam vekivečnu hvalu i diku, pače željenu slobodu friško i batrivo (junački) se gospodu pobijajuči obladate, doprinese. Ali nas ne velike i strašne muke, ves vaš opstanek na vekivečni špot, ak herpte obernete i pobežite, dopelja. Ada ste ljudi, ke ja štimam, vitezi, serčno oružja se deržite, na neprijatelja vudrete. Ne strašite se lisikanja sablji njihoveh… Denes nam je srečno dobiti, ali viteški vsem poginuti”.

A mesto Domači zafrkancij, štere mi ne stanu v određeni prostor, morti se nasmejete one predike poštuvanoga predigara i spisatelja Habdeliča.


Zvir:
(str. 35)
http://varazdinske-vijesti.hr/pdf/3514.pdf

JURAJ HABDELIČ TUROPÔLSKI
http://www.forumgorica.com/kajkavski/juraj-habdelic-turopolski/

Raca plava po Drave - FA Turopolje, 02:59

Raca plava po Drave - FA Turopolje

[Ljudevit Kaj]

Materinski dan
(Š)prem.etalka: 8. mart = 13. maj

Zagorski list, 07.03.2011.

Za dušu, za spomenek

FEJST SE RABI „DEJ MAMA“ RIETKE „NA MAMA“

Denešnje življenje se vrti same oko onuga kuljike zvoni h žepu. Tak več put deca mieriju ljubaf prema starcem ilji matere po tomu kuljike njim je h žep spravila. Teške da moreju razmeti da je z praznuga žepa bilje teške nekaj dati. Nu one kaj ima največu vriednost, vriednost tera nema ciene je majčina ljubaf. Čista, veljika, tiha tera se kaj tat skriva h denešnje halabuke. Ona ju rieva, tira, alji se neda.

Piše: Nevenka Gregurić


A evo nam još malje i došel bu 8. mart. Praznika teri se negda slavil kak Majčin dan. Hnoga je mati dobila darek od svojuga deteca za Majčin dan. Je, se do cajta dok su se dareki kupuvalji za meterine peneze. Nu kak su se šege zmenile, kak su došle nove si očeju pozabiti na cajte teri su bilji prie. Na cajte gda se ovršavala ljietnica ženjske bune, ga več niesu štele trpeti nepravdu teru su naspram njih delalji. Ženjska kak mama, ženjska kak baba na njive, kak radnica za mašinu fabrike, a pravde ni odnikud. Gda su te vidle pobunile su se prie prec ljiet za ravnopravnost teru denes ženjske imaju.

Radi toga cajta kak spomenek na hnogu tera je zgubila življenje osmuga ožujka za ravnopravnost babi denes, ovršaval se 8. mart. Negda se znalje h šalje reči da su ženjske shodile ravnopravnost i pravicu za se posle i sigde, same doma ne. Za ženjsku je doma ostal posel matere i gazderice kak negda tak i zdej. Istina i bog da se i tuj kaj česa zmenilje, nu matere su bile i ostale svoje familjije stup na teruga se si moreju nasloniti, teruga navieke moreju si drieti, guljiti i hvražati. Majčine srce nigdar nie moglje reči ne, onomu teri je rasel pod njenjem srcem. Matere dajeju navieke čez življenje dece se za kaj onie veljiju:
„Dej mama.“

Matere nigdar nie nič teške napraviti, bi reklji, če h poldan ilji h polnoč za svoje detece ilji familjiju. Na, „dej mama“, matere skačeju oko svoje panjkrete kaj oko ringišpilja. Još i den denes nie moči videti ni vure, ni dana, ni cajta da metere ne razvažaju decu, ne teljiejžiju jih i navlačiju sikam, same da njim se hgodi. Tak i trieba. Radi toga su i matere je. Pune su alte dece kaj starci razvažaju na morje, na skijanje, na sakojačke spelancije. Kak su i negda delale se za svoju decu i familjiju drage njim se vidlje gda su se bar jemput deca, a i muž h ljetu zmisljil na te i daruvalji njim za 8. mart, če nič druge rožicu. Bile su tuj negda i sakojačke priredbe, recitacije, veseljice i popievanje.

Denes sega toga nie. Pune se zmenilje, alji ostalje je iste negda i denes, i furt se čuje, dej mama. Gda pak deca okosmateju još se furt čuje dej, alji jahke rietke, na mama. Pozabi se brze na davanje tera su deteca imiela od matere. Velji se da se posujene mora vrnuti. Im je h druge poslje, alji h familjija več ide teže. Voziju se poodrasla deca, več veljiki ljudi, alji otraga h hnjihova alta retke se de vozi starec na morje, na sanjkanje...., kak su negda starci vozilji njih. More biti da su denes veljika deca strahu kaj se nej njihovi starci htopilji, spotrgalji, nadihalji drukčešuga zraka i zahljeknulji. Kak da deca pozabiju da se bi triebalji nasmejati svojem starcem, a posebne matere, tak kak se ona njim raduvala gda su delalji prve korake, gda su prvi put sami k zubemi neslji žljicu, na pol zljejanu i praznu.

Biti mater nekaj je njaljepše kaj se jedne ženjske more dogoditi. Diel svoje duše, tiela, daha daruje onem terem se največ veselji. Mamina ljubaf ne sehne ni unda gda ne čuje, na mama ilji fala ti mama, za se h življenju.

Denešnje življenje se vrti same oko onuga kuljike zvoni h žepu. Tak več put deca mieriju ljubaf prema starcem ilji matere po tomu kuljike njim je h žep spravila. Teške da moreju razmeti da je z praznuga žepa bilje teške nekaj dati. Nu one kaj ima največu vriednost, vriednost tera nema ciene je majčina ljubaf. Čista, veljika, tiha tera se kaj tat skriva h denešnje halabuke. Ona ju rieva, tira, alji se neda.

Kak je cajt Majčinuga dana bljizu, bilje bi dobre da se baš radi te ljubavi z teru su matere pri ciecu žukale svoju decu, oni zmisliju na nje. Gdoj god je zmislil tie svetek, nie važne. Važne je da se bar na jeden od takve dane h ljetu bar z misli pokuca na vrace onie tere nigdar ne zapreju vraca svojuga srca. Ljiepa rieč, smieh i radost, same je one kaj nič ne košta. Te je same one kaj matere čakaju. Te je same one kaj se velji, „na mama“, moju radost, moje veselje kaj se skupa radujeme Majčinem danu.

SREČEN VAM OSMI MART / TRINAJSTI MAJ !


http://www.zagorje.com/kolumne/pregled/za-dusu-za-spomenek-fejst-se-rabi-dej-mama-rietke-na-mama

* * * * * * * * * * * * * * * * * * * * * * * * * * * * * *

Vide(l)o:
Tamburaski Sastav EXPANONIA Oj Hrvatska Mati, 02:03

Tamburaski Sastav EXPANONIA Oj Hrvatska Mati