HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Međimurske novine, 14.06.2011.

Premišlavanje Jožeka radnika

IDE I REMETINEC ZNAMI VU EVROPO???!

Piše: Jožek radnik

Najgerek sam, kuliko bode, itak, rešta dobil Ivo za vse ono kaj je zahuzal i kaj je privatizeral vu svoj žep, ak je naš doktor Muršić, šteri je zaračunal to ak je nešterna žena štela kaj joj malo globleše pogledne med noge ili kaj joj malo duže nutri frfra nek je to predviđeno po zakon (i to sam onima štere so bile trudne), dobil 14 meseci rešta, a kaseral je sam 1900 ojerov i 2200 kuniča. Još me nekaj gvinta: jeli bode Ivo vse to vrnul kaj je skrivečki pozobačil, a i ono kaj so mo jegovi, zna se, pajdaši vu logožarima nosili.



Piše: Jožek radnik

Kak se nam vse to kaže, Lesi bo se vrnul dimo, očem reči, lopov bo se vrnul nazaj k nam jerbo je prinas nejveč toga poharačil. Tak so rekli soci vu Osterajhu, mortik je vrnul Hypo banki kaj je tam bil kriv, tak gda naš turistički vodič napušča Evropo i dohaja dimo kaj ga naša domača pravica i naši soci zemejo vu svoje roke. Tam gde je na leta haračil, tam nek i odgovarja. Dok se zazvedilo gda se to bode pripetilo mam se iskalo mesto za jega po reštima širom Lejpe naše i na vse zadje so mo preprajli kabineta za delati, premišljavati i spati vu Remetinco. Nekak sam si gruntal gda bode mel zajedničkoga kabineta z Polančecom kaj se bodo spominali vu štiri joke i kaj si ponovijo vse ono kaj so mortik zabili gda so hercuvali kak precednik i potprecednik vlade vu Lepoj našoj, ali je potprecednik zbegel, istekel mo je mandat. No, kuliko sam mel za čuti pre gracki vuri, a tam se shajajo oni šteri vse znajo, a negda i vejč od toga: Ivo bode sam vu gajbi , a niti se nebode španceral z drugima z rešta, kaj ne bi utjecal na svjedoke. Najgerek sam, kuliko bode, itak, rešta dobil Ivo za vse ono kaj je zahuzal i kaj je privatizeral vu svoj žep, ak je naš doktor Muršić, šteri je zaračunal to ak je nešterna žena štela kaj joj malo globleše pogledne med noge ili kaj joj malo duže nutri frfra nek je to predviđeno po zakon (i to sam onima štere so bile trudne), dobil 14 meseci rešta, a kaseral je sam 1900 ojerov i 2200 kuniča. Još me nekaj gvinta: jeli bode Ivo vse to vrnul kaj je skrivečki pozobačil, a i ono kaj so mo jegovi, zna se, pajdaši vu kogožarima nosili.

Vu minuli petek je naša premijerka bila pre precedniko engleske vlade kaj joj reče gda i mi pemo, na vse zadje, vu Evropo i kaj nam reče gda se bode to pripetilo. Kuliko smo meli za čuti, to se bode pripetilo za dve leti 2013. leta. Prosim vas lejpo, kaj nebode nešči rekel gda je broj 13 nej srečen broj za nas Hrvate, a i za nas Međimorce jerbo i mi pemo vu EU skupa z Hrvatima. No, najte me krivo razmeti, srečen broj po temo, ak je to kaj pemo vu EU nekša sreča? Nej znati, zakaj mi moj črvek šteri mi frfra vu glavi neda mira nek me tira kaj vas pitam na šteromo se jeziko naša Jaca spominala vu Engleskoj, jerbo se pripoveda gda jenoga engleskoga razme sam Milan Bandić, još navek, gradonačelnik vu belom Zagreb grado?

Več hajdig let se mi Međimorci utrkivlemo s Zagorcima što bode bolši. Pred dvajsti, tridesti let so Zagorci, očem reči, Varaždinci hodali k nam glet kak se treba poštelati grad vu šteromo bodo vsi, od dece do starcov, rado živeli, a več deset let mi gledimo prek Drave i čudimo se kak Varaždinci vse znajo i morejo, a mi vsaki den zaostajamo. Kuliko sam mel za čuti, čakoski gracki oci so po skrivečki hodali prek (i to pre Orehovici) kak bi se nekaj navčili i kak bi mi, ipak, dostigli Zagorce. Nejsam do kraja vpučeni, jeli so uspeli do kraja prekoperati toga modela i jeli so uspeli vse tajne zazvediti? Brzčas je gradonačelnik Čehok uspel nekaj skriti pred temaj našaj špijunaj, tak gda nebremo očekivati kaj bi i naš gradonačelnik završil vu Remetinco. Vidite gda je nej navek dobro gledati vu ljucki tajer i juriti naprej fletneše nek naš konj za trko (čitaj: gracka kasa) more zdržati. Verjem gda čakoski gradonačelnik ne bode silil vu Remetinec sam zato kaj se bode, ruom vu semo, zravnal z Varaždincima, makar to građani od jega iščejo.

Jako sam najgerek kak bode zišel Vladek Canjuga, izbornik naše ženske rokometne reprezentacije i jeli nebode završil vu Hago, jerbo je, do nogu, potukel, kaj nebodem rekel rasturil, srbsko reprezentacijo vu Varaždino ono minulo soboto. A vsi znamo gda je Srbija vu cukor piksi kak Evrope, tak i socov vu Hago. Lejpo sam govoril Vladeko, pusti jim ak očeš dugo i mirno živeti, ali, kak vidite, neje me posluhnul.


Zvir:
http://www.mnovine.biz/index.php?option=com_content&view=article&id=6481:ide-i-remetinec-znami-vu-evropo&catid=68:joek-radnik&Itemid=127


* * * * * * * * * * * * * * * * * * * * * * * * * * *

Međimurske novine:
Živopisano izdâjně (onli. ne-potpuno, html)
http://www.mnovine.hr
Elektrônsko izdâjně (pdf)
http://www.mnovine.hr/index.php?option=com_wrapper&view=wrapper&Itemid=95

* * * * * * * * * * * * * * * * * * * * * * * * * * *

Međimursko-novinski premišlant JOŽEK RÂDNIK na tur-for-um-u
(vupisati  Premišlavanje vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Klopotec 2011 06 14
 
Varaždinskě vésti, 2011 06 07

Klopotec

Svecki prvaki v ribičiji


Kak je Bartol bil se žifčaniji i besniji  nad tem svojim ajfonom, tak sem mu rekel da mora prestati svoju žifčanost  prenositi na lublenu i nas, svoje prijatelje, koji nesmo tak žifčani, jerbo sve kaj se človeku dogodi dok je živ i zdrav se nekak  reši. A da ne bi moral piti te tablete za smirenje, sem ga podsetil da je negda hodil na ribičiju na Dravu i da mu je to pasalo. Hodil sem i ja z njim, ali sem prestal otkak me zgrabila ta alergija na ne znam kaj, jerbo svi doktori i testi  nesu mogli najti kaj mi to tera suze na oči i šmrklje na nos, a niti dihati nebrem. Videl sem da je najbolje da se sprehajam samo po centru grada ili da se držim doma dok je ta alergenska situacija grda, a to isto već meriju pak nam doktori javlaju gda ne trebamo nosa rivati vun. Bartol neje mel problema s alergijom, ali je prestal hoditi na ribičiju bez mene. Kak saki človek nekaj od slabosti  ima, tak Bartol ima slabost s žifcima i portalima, pak sem mu kak prijatelj savetoval da si lepo zeme te svoj ajfon bez kojega nebre, a koj mu dere žifce, i z njim ide na ribičiji na Dravu, kad već neje alergičar, a meštriju za ribičiju ima i to i svoju i moju. I to ne bilo kakvu, skoro da smo i soma mogli s tem vloviti, a lovili smo poduste,divere i kedere. Znal se zalomiti i koj šaran ili ščuka, ali meni i Bartolu samo ako su ih pravi ribiči naterali vu beg, pa su zalutali vu naš pličak.

I tak me Bartol posluhnul i otišel na Dravu, na naše staro mesto. Neje prešlo dugo, a moj  mobitel zvoni. Smrzel sem se, jerbo smo se dogovorili da me zove samo ako je nekakva nevola. Brže sem zdigel slušalicu i čujem žifčenjaka kak kriči, ali mi je bilo ležeše jerbo sem čul da kriči srdito, a ne nevolno. Kajpak da je na ajfonu videl vest da je naš ribič Kosmačin svetski prvak vu ribičiji, a Škorić treći na svetu, a on, Bartol je srdit jer već tri vure sedi kraj Drave i niti kedera neje vlovil. Od srca sem mu se nasmejal i podsetil ga da je išel vu ribičiju da si zleči žifce, a ne da jadne kedere polovi do kraja. Kak naš prijatel Ipac furt visi na Dravi i već je polovil ves ribički fond, a jengova lublena više nebre niti čistiti niti jesti te ribe, tak je lepo pospravil  kedere vu škrinju i gda god hoćemo moremo ili iti k njemu kaj nam on speče, majstorski  kak zna. Tak sem i Bartolu rekel da lepo i dale,vkuliko zdrži leči žifce i čeka kedere, a ja bum nazval Ipca da odmrzne svoj paket i speče, pak se lepo pri njemu najdemo i proslavimo to kaj vu varaždinskomu klubu imamo  i svetskoga prvaka i brončanoga  vu ribičji na plovak ili kak smo to mi negda zvali na štoplin. Dok sem čekal da Ipac speče kedere, a Bartol se vrne z Drave, moral sem si pripraviti novi recept za lečenje Bartolovih žifcof, jerbo to kaj više nema ni kederof v Dravi, to ga je još više ražifceralo. Bum mu predložil da se skupa španceramo okoli Bedekovičke gda bu „Varaždin pod zvezdama“ , pak i vu Zvezdaranici moremo gledati zvezde. Jedino se bojim da bu oblačno ili dežđ, pak bu onda još žifčaniji. Zato moram meti i rezervnu varijantu, pak bum mu dal novu knjigu naše profesorice Pahić Grobenski koja ga mora moći vmiriti, jerbo se lepo zove „Ulovljene priče i kajkavske povede“. Znači da ima i književnoga hrvackoga i našega  kajkavskoga. Gda oba dva pročitamo, ak bu curel dežđ bumo to jako brzo obavili, a onda imamo kaj danima pripovedati, kak o književnom hrvackom koj se muči s stranim rečima, tak i o kajkavskom kojega hoćemo čuvati i lepo pisati i govoriti.


Zvir:
http://varazdinske-vijesti.hr/klopotec/svecki-prvaki-v-ribiciji.html

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Prelistajtě nôvi broj "Varaždinca"
(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1

pdf-pismohrana:
Varaždinskě vésti
http://varazdinske-vijesti.hr/pdf-arhiva
Županiske vésti
http://varazdinske-vijesti.hr/arhiva-zupanijske-vijesti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Preštimani gospon KloPOTec - kajkavski call-um-nist z «Varaždinske vésti“ na tur-for-um-u
 (vupisati  Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Emmerich Kalman: Grofica Marica (2003): Dolazak baruna Kolomana Župana (00.00-04:30) /Hajd'mo u Varaždin (04:30 – 06:28)

Sandra Bagaričova kak Grofica Marica i Vid Balog kak barûn Koloman Župan v poznâte operete Emmericha Imre Kalmana.

Grofica Marica najavlujě zârukě z zmišlenem barûnom Kolomanom Županom kak bi sě réšila dosadne vudvarâčov, no stvari sě zakomplicéraju da nenâdano dohâja prâvi istoimeni barûn, Mađâr z Varaždina, teri jě v novina prečital o svem zârukam.

Silvesterska (i)zvedba 31. prosinca 2003, zagrebečko kazališčě 'Komedija'.
Redatel: Vladek Štefančičov (Vlado Štefančić)

Emmerich Kalman: Grofica Marica (2003): Dolazak baruna Kolomana Župana /Hajd'mo u Varaždin

* * * * * * * * * * * * * * * * * * * * * * * * * * * * * *

Spot  Več tri dana varaždinske grupe Pot*
* Plemenita Občina Turopôlska
www.turopolje.hr
Pot Vec tri dana

[Ljudevit Kaj]

Zagorski list, 23.06.2011

ZA DUŠU, ZA SPOMENEK

KOMU SMIETA MOJE „LJ“

Malje me čudi kak denes nekteri teri su z Zagorja prešlji, moreju tvrditi da se tak h Zagorju nigde ne govori i da za te niesu nigdar ni čulji. Ne govori se h cieljem Zagorju kak tam h nektere kraje gde vuk poldan tulji, a ljesica poštu nosi. Ni pri mene se ne govori koj, ni ve, pak mi ne opadne na kraj pameti da misljim da se tak negde h našem ljiepem kraju ne govori.

Dam zapraf da se nešče ne složi i ne dopada mu se kaj sem napisala, alji h svoje „lj“, ne dam hpehnuti. Do takve „dušebrižnike“ teri se pitaju kam je nestal naš dragi kaj, slabe mi na domačije držime. Morem njim same reči da ne moraju strahuvati za naš, a več davne ne njihof kaj. Naš dragi kaj, nestal bi brze radi onie teri več ne jieju bažulj, nek fažol, teri su pozabilji na rubače i zubače. On bu ostal i za njega nie trieba strahuvati dok je maljeke, kojtaše i vegače.

I ja gda pišem ovu svoju kolumnicu oču najbolje. Oču da si h nogi z žnju prikratiju cajte, če su pri volje. H šalje njim znam reči da ju moraju prečitati tri put. Prvi put da se počneju vučiti čitati, drugi put da se nafčiju čitati i trejti put da razmeju kaj je napisane.

Ljepotu zagorskoga govora cinfraju baš te kaj h sakem kraju ilji čak selu drugačeše govoriju. Kakve bi te bilje polje gda bi na njemu cviela same jedna roža. Kakef bi te unda bil spominek gda nej bilje tuljike drage i ljiepe rieči teri ga cinfraju?


Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Piše: Nevenka Gregurić

Gda čovek diela nekteri posel z volju, navieke ga oče napraviti najbolje kak zna. Kuharica sto i sto put skuha dobru juhu, a unda se dogodi da nie ni za koštati, a kamolji za jesti. Pri pecilu kruha saki put zna biti se najbolje i gda baš očeš da bu se kak štima nekaj nie dobre i od finuga kruha nič. Čovek unda sam sebe pošpota i nada se da bu drugi put bolje.

Iste je tak i z semi nami teri nekaj šrajbame. Pri šrajbanju gruntame kak bi triebalje napraviti i napisati onak kaj bi ljudem bilje dopadne. Onak kaj bi barem jeden cajt malje pri čitanju od nečega odehnulji ilji neke doznalji.

Nu, kak god očeš da bu ispalje dobre, negda se i fulja. Ima i onie teri pak čitaju nekaj napisane i če ispadne slabeše ilji dobre oni najdeju prigovor. Radi toga se nej triebalje preveč srditi. Ne velji se zabadave pri nas:
„Sto ljudi i sto i jedna čud!“
Unda se te i k tomu i svedoči, da nemreš sem hpetiti. Ima i onie term nemreš h petiti da se rezapneš. Oni navieke iščeju faljinge, več put gde ih ni nie.

I njim trieba dati zapraf, če jih te veselji. Moja je babica znala reči da sakomu kuhilu prigovaraju one selske babe tere neznaju ni zafrik speči, a kamolji kaj druge.

I ja gda pišem ovu svoju kolumnicu oču najbolje. Oču da si h nogi z žnju prikratiju cajte, če su pri volje. H šalje njim znam reči da ju moraju prečitati tri put. Prvi put da se počneju vučiti čitati, drugi put da se nafčiju čitati i trejti put da razmeju kaj je napisane.

Od prvuga dana gda pišem  pišem onak kak me vučila govoriti moja mama i babica. Pišem, a i govorim med pajdaši baš tak. Odvajkada su nas, teri živime h par sela, bljizu Zaboka, radi našuga, spominjanja zvalji, a i denes zoveju „maljeki“. Zoveju nas baš radi toga kaj rabime pune „lj“. Negda su nam, gda su se još ljudi znalji šaljiti med sobu, brbralji gda bi nas videlji ovak:
„Malje telje se htopilje.“
Nekteri su se ljudi radi toga jahke srdilji, alji su i dalje ostajalji pri svojemu „lj“. Istina i Bog, denes se se več tie „lj“ počelje gubiti, gda se ljudi očeju prijeti gospočije.

Malje me čudi kak denes nekteri teri su z Zagorja prešlji, moreju tvrditi da se tak h Zagorju nigde ne govori i da za te niesu nigdar ni čulji. Ne govori se h cieljem Zagorju kak tam h nektere kraje gde vuk poldan tulji, a ljesica poštu nosi. Ni pri mene se ne govori koj, ni ve, pak mi ne opadne na kraj pameti da misljim da se tak negde h našem ljiepem kraju ne govori.

Naše Zagorje je bogate sa sakojačkemi ljepotami. Nema ljepše breščeke, nek pri nas. Bistre potočece kaj brbočeju med breščeci i skup z riečicami hladiju polja. Iste tak naše je bogatstve h našem govoru. Sake selje ima svoj način pripoviedanja, sakojačke šege tera ga baš po tomu zacajhaju. Gda nečega ima več unda je i bogatstve veče, tak je i naš kajkafski spominek bogat radi toga kaj h sakom selu pripoviedaju drugač. Teže razmem Jesenjanca, Bednjanca, alji se ž njimi štimam jer su oni bogatstve čuvane h škrinje za generacije tere prihajaju. Saki pravi Zagorec kam god da bu prešel ne dal da mu nešče sračka po onomu kaj puni tu škrinju z bogatstvem tera je htkana h življenje ljudi teri imaju svoj kraj h srcu.

Pišem te radi dvie „mudre“ glave tere su prešle z Zagorja i unda se čudile kaj cigan bielomu kruhu, kaj ja h svoje kolumne pišem baš onak kak sem se nafčila govoriti i tak sigurne bum dok bu pameti. Dam zapraf da se nešče ne složi i nedopada mu se kaj sem napisala, alji h svoje „lj“, ne dam hpehnuti. Do takve „dušebrižnike“ teri se pitaju kam je nestal naš dragi kaj, slabe mi na domačije držime. Morem njim same reči da ne moraju strahuvati za naš, a več davne ne njihof kaj. Naš dragi kaj, nestal bi brze radi onie teri več ne jieju bažulj, nek fažol, teri su pozabilji na rubače i zubače. On bu ostal i za njega nie trieba strahuvati dok je maljeke, kojtaše i vegače.

Ljepotu zagorskoga govora cinfraju baš te kaj h sakem kraju ilji čak selu drugačeše govoriju. Kakve bi te bilje polje gda bi na njemu cviela same jedna roža. Kakef bi te unda bil spominek gda nej bilje tuljike drage i ljiepe rieči teri ga cinfraju?


Zvir:
http://www.zagorje.com/clanak/8823/za-dusu-za-spomenek-komu-smieta--moje-lj.aspx


* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Provizorna pismohrana člankov « ZA DUŠU » v Zagorskomu listu:
(vupisati ZA DUŠU, ZA SPOMENEK v gôrnomu desnomu čošku (Google prilagođeno  pretraživajně) na slede e stranice):
http://www.zagorje.com/

* * * * * * * * * * * * * * * * * * * * * * * * * * * * * *

Pregled člankov dete do 2011-06-28:
http://www.zagorje.com/pretraga/?cx=005765998322074358781%3Ahserwgt4jb8&cof=FORID%3A11&ie=UTF-8&q=ZA+DU%C5%A0U%2C+ZA+SPOMENEK&siteurl=www.zagorje.com%2F#1067

[Ljudevit Kaj]

Zagorski list, 2011 06 10

Dnevnik tate Bena

Martin h Zagreb, Martin z Zagreba

Pogledam na raspored i vidim da ga je šef ničim izazvan zmenil i da ne delam hjutro nego popoldan. Pa sam s istim cugom s terim sam došel i išel natrag doma.

Ima i drugih noviteta na željeznici. Nova je još jedna dionica gde cug pelja supersoničnim brzinama od 20 kmh.


Piše: Tomislav Benčić-Ben
 
Slika:
http://www.zagorje.com/thumb.ashx?path=/ckfinder/userfiles/images/komentatori/bencic.jpg&width=430&height=250


Vjerujem da ste to iz naslova več puno put čuli. Onda i sami znate na kaj se pod tim misli. Sigurno si i mislite zakaj sad pišem o tome. Jer se to dogodilo i meni. Da sam bezveze išel tek tolko da sam išel. Igrom slučaja išel sam h Zagreb. Na posel. Kak mi je završil godišnji, tak sam normalno kak mi je smena za delati prešel hjutro na posel. A kad tam, došel je i kolega.

Pogledam na raspored i vidim da ga je šef ničim izazvan zmenil i da ne delam hjutro nego popoldan. Pa sam s istim cugom s terim sam došel i išel natrag doma. U međuvremenu, mi je šef ipak smenu vrnul na staro kak je i bila. Ali, sam ja zato par dana bil predmet raznih šala i pošalica na poslu.

Več sam par put spomenul naše gradske ulice. Največ ovu h kojoj živim. I njezino katastrofalno stanje. Pa sam, kad sam videl da krpaju rupe na cestama okolo naokolo, pomislil da se bu morti nešči zaje… i došel h moju ulicu. Ali, nije. Kad vidim, kak su ceste pokrpane ne znam e je bolje da se rupe pokrpaju ili da se ostaviju kakve jesu. Jer, na isto mi dojde e s kotačem od auta hdrapim h rupu ili na zakrpu.

Svako malo vas davim i sa svojim poljoprivrednim radovima. Prošli vikend je žena spukala malo mrkve (tak i onak ju je trebalo sprepukati) kaj je bilo za juhu h nedelju. To su još jako male mrkvice i na njima je dobro kaj se ne moraju rezati nego ih samo cjele deneš kuhati. Tak sam i napravil. Skuhal sam te mrkve, zvadil ih van kad su bile kuhane i del h lonac tijesto da se skuha. Međutim, mrkvu je zagledala Gracia i hoče ona. Kak neš detetu dal. I ona oce jos, oce jos mkvice. Onda sam joj cjelu zdelicu z mrkvom dal nek djete jede kad joj je fino. Tak i onak se za mrkvu veli da je zdrava. Uglavnom od mrkve je h juhi ostal samo okus. Svu mrkvu mi je Gracia pojela, malo joj je i Sandra pomogla.

Več neko vrijeme nisam spomenul željeznice. Kak sam bil na godišnjem videl sam da su h prometu neki novi vagoni. Čak su peljali i po zagorskoj štreki. Čim je meni godišnji završil tih vagona nema. Valjda u željeznicama pratiju kad sam ja doma, a kad delam i onda meni za inat kad sam doma deneju nove vagone, a čim ja počnem delati te nove hmekneju i vrneju natrag stare. Ima i drugih noviteta na željeznici. Nova je još jedna dionica gde cug pelja supersoničnim brzinama od 20 kmh.


Zvir:
http://www.zagorje.com/clanak/8795/dnevnik-tate-bena-martin-h-zagreb-martin-z-zagreba.aspx

* * * * * * * * * * * * * * * * * * * * * * * * * * * * * *

Zâgorsko-lisnati kolumnist Tomislav Benčić-Ben na tur-for-um-u
(vupisati  Benčić vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Provizorna pismohrana člankov „Dnevnik tate Bena“ v Zagorskomu listu:
(vupisati Dnevnik tate Bena v gôrnomu desnomu čošku (Google prilagođeno  pretraživajně) na slede e stranice):
http://www.zagorje.com/

* * * * * * * * * * * * * * * * * * * * * * * * * * * * * *

Pregled člankov dete do 2011-06-28:
http://www.zagorje.com/pretraga/?cx=005765998322074358781%3Ahserwgt4jb8&cof=FORID%3A11&ie=UTF-8&q=Dnevnik+tate+Bena&siteurl=www.zagorje.com%2F#994 
 
* * * * * * * * * * * * * * * * * * * * * * * * * * * * * *

Hura Ben! Ben Tur Hur

Ben-Hur (1959) Trailer Kajler, 04:04

http://www.youtube.com/watch?v=8SOT0ofuscU

[Ljudevit Kaj]

Međimurske novine, 21.06.2011.

Premišlavanje Jožeka radnika

NEJ ZNATI KAJ, ITAK, PEDERI IŠČEJO VU MOŠKOJ RITI???!!

Piše: Jožek radnik

Kuliko sam uspel zazvediti naš poznati labodoritaški treneri Ćiro Blažević, šteroga so BBB zvali „Ćiro peder“ je nej bil na gej paradi vu Zagrebo i neje dal podrško tomo tak važnomo skupo za ulazak Lejpe naše vu Evropo. Nej znati jeli nam to nebodo ovi vu Briselo zeli za zlo?


Piše: Jožek radnik

Več tri dni nikaj drugo ne delamo nek se vseposot (na televiziji, radio, novinaj, interneto) falimo kak so Zagrepčanci svecki ljudi jerbo so, vu soboto, zmagadili pedere, šteri so se kušuvali, za roke držali i špancerali se, vu svojemo grado. Bilo je to čuda lepše nek vu Splito gda so jiv Dalmoši fljučkali, grdo jim nametali, fučkali jim i kameje hitali. Dalmoši se zgovarjajo na to gda so se vu Splito pederi nej držali sam za roke nek i za pimpeke, i to po Rivi, pak jiv je to vužgalo tak gda so jiv niti policaji nej mogli zastajti. No, Zagrepčanci so vse zdržali i to kaj so se pederi za roke držali, kaj so se kušuvali, brzčas ga seksa nej bilo jerbo ga nišči nej spomenul. Najte me krivo razmeti, ali ne vidim kaj se ve mi z tem falimo, očem reči z temaj pederaj? Včera so bili pederi, zutra bodo lezbijke, unda bodo dojšli na red pedifili, a ja vas ( a i sebe) lejpo pitam gda se bodemo mogli pofaliti z nečim normalnim. Vsi šteri brojijo i pišejo, prepovedajo kak je nas Hrvatov svakoga dneva vse meje i meje, a kuliko se ja razmem vu posel posle šteroga se deca dobavlajo, od pederov i lezbijki nebremo očekivati gda nas bode vejč. Čul sam pre čakoski gracki vuri kak so se spominali gda so na pederskoj gej peršeciji, vu Lepoj našoj, bili Mujo i Haso  sam vam ne znam je li je to bilo vu Splito ili pak Zagrebo. I dok so oni mirno gledali povorko pita Mujo Hasija: - Bolan, Haso, jesi ti gda kresnul šteroga pedera? Haso ga zbočki pogledne i otpove mo: - Nesam, Mujo, ali sam kresnul jednoga šteri je kresnul pedera! Tak, nek se zna. Najbrž so Mujo i Haso bili vu belomo Zagreb grado, jerbo je zbogradi jiv ta zagrebečka parada bila međunarodna. Kuliko sam uspel zazvediti naš poznati labodoritaški treneri Ćiro Blažević, šteroga so BBB zvali „Ćiro peder“ je nej bil na gej paradi vu Zagrebo i neje dal podrško tomo tak važnomo skupo za ulazak Lejpe naše vu Evropo. Nej znati jeli nam to nebodo ovi vu Briselo zeli za zlo?

Nejglasneši kritičari esdepeove vlasti i župana Perhoča so negdašnji haenesovci, a ve nezavisni županijski večniki Joža Posavec, Zdenko Horčićka i Predrag Kočila. Lejpo so nam zračunali kak je županova kasa vsaki den vse vejč dužna i gda nas ova županiska vlast pela vu propast. Nej znati kak je naše međimorsko biračko telo nej ostajlo Jožija na vlasti, ak je on tak dobro delal, nek je glase dalo Ivici i tak pustilo esdepe na vlast. Verjem gda bode Joža mel šanso za župana na novaj izboraj, za dve leti, ak ova vlast ne zahuza županijo i predi bankrotera.

Nekak vu isto vreme gda so po Zagrebo i Splito bile te gej pederske peršecije jedna malo menša moška grupa se motala i po Čakovco. Hodali so od gradonačelnika do župana, nej so bili prijavleni na policiji, ali so bili najavleni i štečili so peneze. Nejso to bili težaki emtečeja vu stečajo nek igrači, publika i uprava rokometnoga kluba Međimorje. Vsi znamo gda so dečki, očem reči, igrači i treneri, oddelali svojega posla, ostali su vu Prvoj ligi, ali penez odnikod kajbi uprava platila vse ono kaj je obečala. Ne znati jeli bode kakši hasen od teh peršeciji jerbo vu gradonačelnikovoj i županovoj kasi pauki još navek mreže pleteje, ali i dečki morajo od nečega živeti. Lejpo i dobro je to kaj jim vsi vse obečuvlejo, ali z nečim si treba i tajera, očem reči, želoca napuniti.

Nej znati jeli sam ja to dobro razmel našo precednico Jaco štera vsima nama obečuvle, a posebno onima šteri so zidali kajkakše hiže, kleti, štale, garaže, škedje, vikendice brez paperov, gda bode vse to priznala i vsi bodo papere dobili. A po tomo bodo došli na svoje i oni šterima je ministrica Dropulić zrušila vikendice na morjo, pak jim bode vse jiv znova zazidala i to tak kaj bodemo to platili mi porezni obvezniki z svojih žepov. Nej znati kak dugo moremo mi to vse zmagaditi?


Zvir:
http://www.mnovine.biz/index.php?option=com_content&view=article&id=6545:nej-znati-kaj-itak-pederi-iejo-vu-mokoj-riti&catid=68:joek-radnik&Itemid=127


* * * * * * * * * * * * * * * * * * * * * * * * * * *

Međimurske novine:
Živopisano izdâjně (onli. ne-potpuno, html)
http://www.mnovine.hr
Elektrônsko izdâjně (pdf)
http://www.mnovine.hr/index.php?option=com_wrapper&view=wrapper&Itemid=95

* * * * * * * * * * * * * * * * * * * * * * * * * * *

Međimursko-novinski premišlant JOŽEK RÂDNIK na tur-for-um-u
(vupisati  Premišlavanje vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Varaždinskě vésti, 2011 06 28

Klopotec

Klopotec samo klopoče

Z nekaj penez od grada i nekaj od sponzorof, ima dosta programof da si svi najdeju kaj jim se dopada. Kak vidim, mortik buju meli za sladoled i pivicu, jerbo su banke i Vlada donesli odluku da pomogneju ljudima vraćati kredite, kak vu „švicarcima“ koji su odleteli do neba, tak i vu tobož stabilnim eurima i kunama.


Bartol mi je zameril da samo klopočem gda već svi sve znaju, pak sem se malo zamislil.  Pa valjda i ja znam nekaj prije drugih? Naravski da znam i to ono kaj me zanima, a zanima me gda i gde bu koja lepa priredba, gda i gde bu neko naš pokazal nekaj lepoga, zanima me i gda i gde morem videti kak neko stranjski dela nekaj lepo, pa da i mi tak moremo. I onda sem mu brže išel poslati mejl o tomu kaj ja znam prije drugih, pak i njega morem o tomu obavjestiti.

Eto, dolazi ljeto i godišnji odmori, gda i publika i kulturnjaki  ideju po moru, ali vu Varaždinu bude priredbi i to raznovrsnih – i koncertof sve fele mužike, i  kazališta, i folklora i dečjih i književnih   priredbi, a sve to već  letima skup s drugim kulturnjakima organizera Koncertni ured. Tak i po letu, oni Varaždinci kojima treba kultura,  imaju kulturu, a turisti pak lepo uživaju na terasama, pred fontanom ili vu Staromu gradu.

Već ovu sredu je kraj fontane đezirali profesor Eldan i njegov Kajtebriga trio, a od  četrtka do pondelka je po četrti put bil Tjedan tradicijske kulture. Saku subotu bu pred zgašenom fontanom Samir dopelal rok mužikaše, a ak bu dežđ, buju vu Rogozu. Pred fontanom  bu  i vu torek dvajstiosmoga Francuski klub predstavil francusku alternativnu grupu i mužiku, a vu petek bu na istom mestu deveti „ Fontana bluz festival“ naših dečkof koji su se malo engleski prozvali. Kazališče bude pokazalo vu Rogozu i Europi mediji svoju „Ljepoticu iz Leenana“ i svoj Kazališni studio mladih, a Jagoda bu svoju Singericu igrala vu atriju Staroga grada. Još bu i Čarli igral na Stančiću sedmoga srpnja, a tam bu i“ Big Band Čakovec“ petnajstoga. Na Stančiću bu se ružilo četrtkom, a vu Staromu gradu buju sredom Sofija, Darko, Armando i Petra popevali i igrali klasičnu glazbu.

Pri kraju srpnja bude i gudački kvartet Dominant z Moskve igral vu Staromu gradu vu petek, a vu subotu tridesetoga bu Književno društvo  na svoji Srebrni cesti  imelo Večer kratke priče. VANIMA bu sve svoje nove filme pokazalu vu kinu Kult vu petek dvajstiidrugoga i s tem počela progam svoje dvajstiipete obletnice. I još buju dve subote vu kolovozu na fontani igrali đez i rok i taman gda je  varaždiskomu kulturnomu  letu kraj, bu  za par dni, zapraf devetnajstoga, počel Špancirfest. A znam već i da bu dvejezereidvanjste lete Špancirfest počel sedamnajstoga kolovoza!

Točni  dani i vreme svih ovih programof  buju i na veb stranici Koncertnoga ureda, i vu letkima i na portalima i vu novinama, tak da si svi moreju odrediti gda  buju se žlaburili vu vodi, a gda buju s sladoledom ili pivicom pratili programe. Već znam da bu Bartol  saki put gda se dogovorimo da se najdemo na terasi na koncertu ili priredbi, koja mu se ne dopada, zmislil da je zgorel na Akvasitiju i da nebre vun, ali nikaj zato. Z nekaj penez od grada i nekaj od sponzorof,ima dosta programof da si svi najdeju kaj jim se dopada. Kak vidim, mortik buju meli za sladoled i pivicu, jerbo su banke i Vlada donesli odluku da pomogneju ljudima vraćati kredite, kak vu „švicarcima“ koji su odleteli do neba, tak i vu tobož stabilnim eurima i kunama.


Zvir:
http://varazdinske-vijesti.hr/klopotec/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Prelistajtě nôvi broj "Varaždinca"
(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1

pdf-pismohrana:
Varaždinskě vésti
http://varazdinske-vijesti.hr/pdf-arhiva
Županiske vésti
http://varazdinske-vijesti.hr/arhiva-zupanijske-vijesti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Preštimani gospon KloPOTec - kajkavski call-um-nist z «Varaždinske vésti“ na tur-for-um-u
 (vupisati  Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Emmerich Kalman: Grofica Marica (2003): Dolazak baruna Kolomana Župana (00.00-04:30) /Hajd'mo u Varaždin (04:30 – 06:28)

Sandra Bagaričova kak Grofica Marica i Vid Balog kak barûn Koloman Župan v poznâte operete Emmericha Imre Kalmana.

Grofica Marica najavlujě zârukě z zmišlenem barûnom Kolomanom Županom kak bi sě réšila dosadne vudvarâčov, no stvari sě zakomplicéraju da nenâdano dohâja prâvi istoimeni barûn, Mađâr z Varaždina, teri jě v novina prečital o svem zârukam.

Silvesterska (i)zvedba 31. prosinca 2003, zagrebečko kazališčě 'Komedija'.
Redatel: Vladek Štefančičov (Vlado Štefančić)

http://www.youtube.com/watch?v=uDB2rH8WF_U

* * * * * * * * * * * * * * * * * * * * * * * * * * * * * *

Spot  Več tri dana varaždinske grupe Pot*
* Plemenita Občina Turopôlska

www.turopolje.hr
http://www.youtube.com/watch?v=uvcq6Z-wl0U

[Ljudevit Kaj]

GLAS ZAGORJA 01. LIPNJA 2011. / ZAGORJE INFO

REČ ZAGORSKOG MUŽA

Vesel biti trieba!

Te da trieba je srčeke i za druge meti, te nahčiti je trieba, a pak kak god da se na lete vučiš – lepe je z vsega toga videti moči da toga se nahčil niesi a niti da se same tak ni nemreš vsega toga ni nahčiti, ak toga ti gliboke h srčeku nie, ak niesi praf nasajen. Zate ti je navek šteti trieba, šteti da čem bolši bi bil, da za človeka ti je jedine vriedne vse dati i da jedine je vriedne i praf navek vesel biti, jer ak si i vesek buš – iste tak i vsemi poljek tebe veselejše bu.


Piše: Rajko Fureš

Življenje navek nemre iti unak kak vsaki med name si te i želi, negdar moči je jedne vrieme tirati ga tak kak ti se o če. A te kaj i kak ti se če – e te praf, te nekaj pak čistem druge i je. I tak vse skup ti zgledi tak da niti si rastumačiti nemreš, a po istine sit e morti priznati moraš, ak te nečeš ili ak te češ, a pak največ put niti si mu je a niti mu po pravice i zaistinu gospodar biti moreš, kak god da tip o glave vse te skup lazile. Gospodar je same jeden. Gospon nemre nekteri drugi biti, kak god da vsaki med name morti bi krajil male sim pak male i tam, kak god da vsaki med nami nekaj i če, gde bi po svojem delal, prie ili kesnejše bu mu azlamenjene vse te skup i bile, tak da kak god da češ ili te nečeš videti ili pak razmeri – jedine tip red očmi bu te kaj jedina pravica je, da same Jedini praf kak Otec naš more skrbeti za vse nas, kak i navek skrbi. Da vsaki med name dela kaj če, da si vsaki med name dopovedati nič neda, da navek same tira tud gde nie iti trieba, ili da još bolj same po sebe gledi i da ga briga nie za vse une kaj trieba im je, kaj malički su - unda nič nebi bile unak kak praf je, kak jedine je biti i trieba. Življenje trieba rede meti, i po svietu, kak god da ga dobre glediš i kak god da si študeraš otom da se morti nekak drugač spelavati splati a morti iste tak i more, navek te bu prie ili kesnejše steple i povedale ti te da tuj ti doba nie, da tuj te nehči prijel nebu pod kroveka si da hlada si bi našel ili da se pred dežđem skirl se bi. I zaistinu te i tuj morti i nie same tak kak si hutu dobu ti gruntati moreš, morti se vse te skup nekak nemre spelati, a kak ti se spelati od navek več triebale, a pak kak je - je i kam te pe – pe, i pak ti kak te vse skup i češ, i kak god da si spremišljavaš kak zišle vse te skup bu, zišle vse te skup na istie bu. Pak dok gruntaš si otom kaj bu i kak bu, zakaj bi otpiral nekaj otom gda i kak se delati trieba, kak god da povedaš i kak god da češ sam sebe dopovedati, ovak ili unak, prie ili kesnejše priznati sebe i vsemi ti je trieba, priznati da triebaš vesel biti, same tak i nikak drugač. Trieba je leteti, trieba je šteti, trieba se je h vis deti, ali navek trieba gruntati po pravice, navek se je spamtiti trieba toga da leteti je trieba – ali nigdar da nesme se pre visoke prejti. Gdo god da pre visoke prejde, kriliče su mu se mam potkurile su, tak da, kak god da štel je te zbeči, nie mogel več ne same se zdiči nek se več nie mogel niti zastanoviti da z pre visokoga se ne spusti kak kamenček. Unda ti se več moči prijeti za nič mogle nebu, je rod tebe nebu nič ni ostale, iste kak odtebe same bu se pamtiti mogel same tragek bleščeći, kaj jemput je bljesiknul pak več ga videti nie se mogle.

Unda gda te draplje, gda dihati ti neda, unda ti pak vse te skup zgledi unak kak te nigdar niesi ni štel da igdar ti zgledele bu. Najgorše ti je, navek, dok se h senjah vidiš, kak od tebe i poljek tebe nihči vižejši nie, kak nihči i nigdar od tebe bolše nie mogel a niti nie delal, jer kak god i kaj god po tom pitanju delal, prie ili kesnejše došel buš tam gde vsaki med name dojde, došel je ili bu. Kak god da vse te skup štel ti bi zbeči, kak se god štel z vsega toga bi i zvlječi, zvlječi ti se nigdar nie od vsega toga same tak i moči. Morti moreš ti se male h jednomu cajtu i zastanoviti, morti se moreš male hititi h stran, morti ti se negdar vse te skup vidi tak kak da ti nehči odostrag dojde i kak da če te napasti dok ti najmenj tomu se nadaš. A kaj druge hutom cajtu povedati nek te da nie te same tak, da nie te furt ni moči povedati a da ljudem več na vuhe nebi išle tu tvoje cendranje i te kak si nemreš i nedaš dopovedati, dopovedati da trieba je na cieli sviet se negdar ogledati a ne same nase.

Kak god da nekaj zemeš, z tere god da strani nekaj ideš gled, e bi pogledal nekaj od zdola ili bi išel vse te skup od zgor gled, vsikud i vsejene nie vse te skup tak naopačne kak ti se negdar h prvi cajt i začinile. Da se splati otprieti vse te skup i da se more obrnuti nekaj kaj krive je nasajene, da se more ovak ili pak nekak čistem drugač, vse te je nekaj kaj ti zgledi unak kak da furt se vrti – a ne zgledi ti nigdar unak kak morti ti se bi i štele. Vse te skup niti nie ti moči za rastumačiti ak nie poljek tebe vsega unoga kaj se stepsti more i kaj je moči same tak pogledati, kak nekaj na kaj nie nič druge moči zadeti nek same smeh teri navek vsemi nam trieba. I unda gda češ si dopovedati da sam nemreš, da na druge ljudi trieba ti je gledeti, da ž njimi trieba ti se iti spominati, unda ti se z vsega toga skup same more na kup deti čistem jedne velike nič, ak same nase misliš i ak za druge ne same da lepe reči ti nie. Te da trieba je srčeke i za druge meti, te nahčiti je trieba, a pak kak god da se na lete vučiš – lepe je z vsega toga videti moči da toga se nahčil niesi a niti da se same tak ni nemreš vsega toga ni nahčiti, ak toga ti gliboke h srčeku nie, ak niesi praf nasajen. Zate ti je navek šteti trieba, šteti da čem bolši bi bil, da za človeka ti je jedine vriedne vse dati i da jedine je vriedne i praf navek vesel biti, jer ak si i vesek buš – iste tak i vsemi poljek tebe veselejše bu.


Zvir:
http://www.radio-krapina.hr/wp-content/uploads/vjesnik/broj-81.pdf , str.41

* * * * * * * * * * * * * * * * * * * * * * * * * * * * * * * * * * * * * * * *

81. Glas Zagorja

Iz tiska je izašao novi (81.) broj Glasa Zagorja. U rubrici političari govore riječ ima ministar poljoprivrede, ribarstva i ruralnog razvoja, Petar Čobanković. U kolumni «Vrijeme nade» urednik Zvonko Franc otkriva što znači pohod pape Benedikta XVI. Hrvatskoj. Tema ovog broja je posvajanje u Hrvatskoj, duga borba do dječjeg osmjeha i mogućnost da parovi koji nemaju djece ipak postanu roditelji. Pročitajte i intervju s folkloristkinjom Senkom Jurinom koja otkriva kako očuvati folklor, tradicijsku kulturu i baštinu. Naši reporteri zabilježili su razna događanja Krapini – zagorskoj metropoli, Gradu Klanjcu, te u općinama Hum na Sutli, Marija Bistrica, Tuhelj, Sveti Križ Začretje, Đurmanec, Jesenje, Radoboj, Stubičke Toplice, Mače, Veliko Trgovišće i ostalim zagorskim općinama i gradovima!Preko 2 000 čestitki Radiju Hrvatsko zagorje Krapina, jer, 44 nam je godina tek!!! Razgledajte izložbu Radio i novine nekad i danas do 25. lipnja u gradskoj knjižnici u Krapini. U sportskom intervjuu gošća je svestrana sportašica Petra Glavač, najsportašica KZŽ. Filmski kutak, pjesnička riječ, preporuke iz knjižnice, svijet umjetnika, vremeplov, umjetnička radionica, junaci našeg doba – to je Glas Zagorja, glas za Vas, u vašim trgovinama i ugostiteljskim objektima diljem KZŽ.

DÂVNI-LÂD iliti DOWNLOAD[/b]
Otvorite u PDF formatu kliknite ovdje:
http://www.radio-krapina.hr/wp-content/uploads/vjesnik/broj-81.pdf

http://www.radio-krapina.hr/32189/vijesti/81-glas-zagorja

* * * * * * * * * * * * * * * * * * * * * * * * * * * * * * * * * * * * * * * *

Pismohrana Glasa Zagorja:
http://www.radio-krapina.hr/informacije/vjesnik

* * * * * * * * * * * * * * * * * * * * * * * * * * * * * * * * * * * * * * * *

Vide(l)o:
Lepi cajti - Mix Veselo, veselo Zagorci, 03 :19

Lepi cajti - Mix Veselo, veselo Zagorci

[Ljudevit Kaj]

Zagorski list, 01.02.2011

ZA DUŠU, ZA SPOMENEK

ŠPAMPET

Negda su ljudi imelji drugačke špampete, tere su babe morale dopeljati zamuža. Tišljer je sake puce, po naruđbe starce, napravil postelju i romar. Pri bogate familjije bile su naručene dvie postelje i dupljit romari. K tomu su išlji još i natkasljini, malji stoljek, a i psiha. Se te bil je mebljin i po njemu se šacala saka sneha tere je došla zamuža. Najvežnejšei su senek hu tem mebljinu bilji špampeti.

Negda su špampeti bilji krajši, ne radi toga kaj bi ljudi bilji pune menjši nek radi toga kaj su spalji na nasložene vanjkuše pod glavu, skore sedeči. Kak su špampeti bilji menjši i vužeši, ljudi su se več med sobu stiskalji. Več su se morti imelji i radi. Morti?! Tak si ja misljim. Kak su denes postelje veljike, muži i babe moreju spati saki na jednem kraju, a da se ne dotekneju.


Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Špampet ilji postelja od vajkada je bilje meste gde su ljudi otpočinjalji, alji ruku na srce i največ delalji na svoje nasljednike. Kak se mienjaju cajti mienjalji su se i špampeti. Oni niesu bilji navieke isti za sakuga čoveka. Negda se dobre znalje kakvi su bilji sirotinjski špampeti, a kakve kraljefski ilji bogatuševi. I denes se špampeti med sobu razlikuju. Hnogi, teri dielaju špampete faljiju svoju robu kak je najljepša i najbolša. A unda gda ga tirbaš kupiti ispadne sikak i sakak. Če kupuješ špampet tek vidiš kak je te kak da kupuješ mačka h vreče. Ščem se odlučiš napraviti kupiček unda h čudu lušeč pri kupičku.

Špampet ilji postelja odnavieke je imiela sklajdnjice, okvir i deske na tere su se metalji strožaki. Denes gda kupiš špampet kupiš jednu ilji dvie skladnjice i deske tere dojdu ze strani. I te bi triebala biti postelja. Če pak očeš na nje spati unda moraš kupiti još podnice kaj bi se postelja mogla rabiti. A unda na podnice sakojčke moderne madrace za teruga se teške odlučiti. Gruntaš i gruntaš teruga da kupiš kaj bi ravniejše i zdraviejše spal. Takef špampet gda ga i pri hiže imaš nie teške saki dan malje poravnati i on je napravljen za spati. Negda su ljudi imelji drugačke špampete, tere su babe morale dopeljati zamuža. Tišljer je sake puce, po naruđbe starce, napravil postelju i romar. Pri bogate familjije bile su naručene dvie postelje i dupljit romari. K tomu su išlji još i natkasljini, malji stoljek, a i psiha. Se te bil je mebljin i po njemu se šacala saka sneha tere je došla zamuža. Najvežnejšei su senek hu tem mebljinu bilji špampeti.

Oni su bilji čvrsti i teške jih je bilje resklenuti. Saki špampet je imel svoju podnicu napravljenu od desiek. Na deske je došel strožak. Strožak je bil zešit od jutovine i punil se z perinjem, sake ljete z friškem. Z gornje strani strožaka bila je rupa čez teru se h jutre rašile perinje tak kaj je strožak stršal. Na strožak se diela tuhica od perja. Sake postelje ilji špampetu pripadalji su tri vanjkuši. Če su bile dvie postelje unda je triebalje šest vanjkuše. Gda su se narašilji strožaki tuhica na nje se diela rušica. Na rušicu su se posložilji vanjkuši jeden do druguga. I oni su moralji biti dobre narašeni i jednak poravnani. Poravnana postelja prekrila se z pokrivaljem od cinfrastoga platna. Bogatieše snehe su dopeljale zamuža pokrivale teri su po kraje imele zešite fradđe. Franđe su trake z resicami. Na postelju i na prekrivalje na sredinu gde su bile glave del se još cinfrasti vanjkuš. On je bil napravljen od matlas svile. Po sebe je imel rožice ilji kakvu živinicu. Na napravljene postelje ilji špampete  niese čez dan ljiegalje. Babe su jedne drugem poluknule čez obločeke da vidiju e su postelje napravljene. Po selu bi bilji prešlji veljiki špoti da postelje niesu bila porihtane kak spada. Ljudi su si čez dan poležavalji, po ljetu po senjake, a po zime po kluplja tere su bile h kuhnje ilji na zbite drvene postelje tere sme zvalji „priče“. Ja sem si kak diete misljila da se tak zoveju radi doga kaj me je mati znala držati h krilu, sediela „priča“i pripoviedati priče. Nišče negda, a denes još menje znal reči, radi čega se tak ta drvena postelja ilji špampet zvala.
 
Negda su špampeti bilji krajši, ne radi toga kaj bi ljudi bilji pune menjši nek radi toga kaj su spalji na nasložene vanjkuše pod glavu, skore sedeči. Kak su špampeti bilji menjši i vužeši, ljudi su se več med sobu stiskalji. Več su se morti imelji i radi. Morti?! Tak si ja misljim. Kak su denes postelje veljike, muži i babe moreju spati saki na jednem karju, a da se ne dotekneju. Gda se nedotikavaju unda i jedni na druge pozabiju. Tak se unda ljudi odvadiju jedni od druge i če se dotekneju mam jeden drugomu smietaju. Unda kaj si nej smietalji prejdeju na drugu postelju, h drugu komoru. Brze tak pozabiju na cajte gda su njihovi špampeti škripalji od skupne huncutarije. Nekak si denes gruntam da su za se kaj se mladem ljudem dogaja, kaj nečeju skupa spati i biti, krivi špampeti. Denes su špampeti preveljiki i ima ih preveč. Radi toga bi triebalje delati menje špampete i pune vužiše. Dvoje, teri hu njem skupa spiju inda bi  poslušalji kak diela srčeke onuga drugiga. Morti unda nebi tak brze pozabilji na ljiepe i cinfraste cajte, tere se tak brze odrekneju.


Zvir:
http://www.zagorje.com/clanak/8412/za-dusu-za-spomenek-spampet.aspx


* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Provizorna pismohrana člankov « ZA DUŠU » v Zagorskomu listu:
(vupisati ZA DUŠU, ZA SPOMENEK v gôrnomu desnomu čošku (Google prilagođeno  pretraživajně) na slede e stranice):
http://www.zagorje.com/

* * * * * * * * * * * * * * * * * * * * * * * * * * * * * *

Pregled člankov dete do 2011-07-05:
http://www.zagorje.com/pretraga/?cx=005765998322074358781%3Ahserwgt4jb8&cof=FORID%3A11&ie=UTF-8&q=ZA+DU%C5%A0U%2C+ZA+SPOMENEK&siteurl=www.zagorje.com%2Fclanak%2F8412%2Fza-dusu-za-spomenek-spampet.aspx#1067 

* * * * * * * * * * * * * * * * * * * * * * * * * * * * * *

Milo Hrnić – Postelja, 02:52

Milo Hrnić - Postelja

[Ljudevit Kaj]

Zagorski list, 2011 07 01

Dnevnik tate Bena

Pišanje

Kaj se samog pišanja tiče ja znam više-manje usmjeriti mlaz. I to usmjeravanje mlaza je prednost muškog pišanja ispred ženskog. Mi muški se moremo potpisati h snjegu. Onima teri imaju krače ime je to lakše, nego nama teri imamo duga imena.


Piše: Tomislav Benčić-Ben
 
Slika:
http://www.zagorje.com/thumb.ashx?path=/ckfinder/userfiles/images/komentatori/bencic.jpg&width=430&height=250

Si valjda znate kaj je pišanje, pa vam to nebum posebno pojašnjaval. Jer se ni ja več ne zmislim kaj smo iz biologije vučili točno. Zmislim se da su u igri bubregi. Oni u sebe navlače kamenac iz vode i ak pijete preveč vode ili razvodnjenog vina onda vam se h bubregima napravi kamen. Ili više njih. Če su kameni menjši neki ih uspiju popišati i veliju da to fest boli.

Kaj se samog pišanja tiče ja znam više-manje usmjeriti mlaz. I to usmjeravanje mlaza je prednost muškog pišanja ispred ženskog. Mi muški se moremo potpisati h snjegu. Onima teri imaju krače ime je to lakše, nego nama teri imamo duga imena. I se ovo kaj sam do sad napisal nema nikakve veze s onim kaj sam zapraf štel napisati. A isto je povezano s pišanjem.

Štel sam napisati kak Gracia ljepo piša h kahlicu. I kak več ne nosi pelene. To je financijski i dobro i nije dobro. Dobro je kaj več ne trebam kupovati pelene. A nije dobro kaj trošimo več praška za veš.

Uglavnom prije nekog vremena pokazali smo Gracii kahlicu i kaj se na njoj dela. I neuspješno ju metali na nju. Sve dok ona nije sama odlučila pišati h kahlicu. Kad je počela skidati pelenu i iti na kahlicu skužili smo da počinje odvikavanje od pelena. Za početak smo joj metali pelenu kad je išla spat, a sad više ni to. Gracia ne samo da se popiša h kahlicu, nego ju i sprazni. Kak to zapravo zgleda. Kad joj je sila pišati prvo sve oko sebe o tome obavijesti. Pa se skine. Onda umjesto da si sedne na kahlicu tam gde kahlica je, mora ju donesti pred nekoga od nas i tek onda si ju dene pod rit. Kad se popiša svim prisutnima mora pokazati sadržaj kahlice i onda ju sprazni. Zna si sesti na kahlicu i onda kad joj se ne piša. Naročito hvečer kad treba iti spat. Onda joj se „piša“ svakih pet minut.

Spavanje po noči smo uspeli nekak dopeljati h red. Ne baš sto posto, ali funkcionira. Neko vrijeme nije štela spati nikak. Pa smo ju znali deti h auto, malo se prepeljati i onda bi h autu zaspala. Sad smo u pogon deli madrac iz kinderbeta. Njega si dene na pod h dnevnu sobu, donese jastuk i poplun i legne si. Zeme si nekakvu bebu ili kakvu drugu igračku (na primjer hčera je zaspala s Patricijinom rukometnom loptom) i za par minut zaspi.

Rad na poljoprivredi več daje rezultate. Žena je pospravila par tegli zimnice razne, a skuhala je i par tegli pekmeza. Mrkvu h juhi kuhamo več mesec dana, a od neki dan i grašak. H subotu sam i tikvice napravil za jesti. I svima su bile fine. Recept je isti ko i lani. Ali za one teri su ga pozabili bum napisal opet.

Zemete par tikvica. To vam je isto ko i buča, ali manje. Tikvice poberete, donesete doma, ogulite, očistite, naribate, posolite, ožmeknete, ožmeknete, ožmeknete (bar ih ja tri put ožmeknem). Če morete jako stisnuti ne morate tri put žmikati. Ali če nemrete sitsnuti jako onda ih slobodno i četri put ožmeknete. H tikvice dodate koje jajce. Če imate malo tikvica denete jedno jajce, če imate več tikvic denete več jajec. Promješajte. Dodajte malo vegete (kak kome paše), ali i ne morate če nečete. Dodajte brašna i se skupa promješajte. Morete i prezle deti ak vam paše. Nemojte deti preveč brašna i prezli jer smesa prije nego kaj se ide peč nesme biti preveč gusta. S malo večom žlicom ili s šefljom tu smesu mečite na tavicu z vručim uljem (gdo peče na masti more i na masti to speči, ali i mast mora biti vruča) i pečite prvo na jednoj, onda i na drugoj strani. Jesti toplo. Ne jesti vruče jer bi se mogli speči.


Zvir :
http://www.zagorje.com/clanak/8825/dnevnik-tate-bena-pisanje.aspx

* * * * * * * * * * * * * * * * * * * * * * * * * * * * * *

Zâgorsko-lisnati kolumnist Tomislav Benčić-Ben na tur-for-um-u
(vupisati  Benčić vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Provizorna pismohrana člankov „Dnevnik tate Bena“ v Zagorskomu listu:
(vupisati Dnevnik tate Bena v gôrnomu desnomu čošku (Google prilagođeno  pretraživajně) na slede e stranice):
http://www.zagorje.com/

* * * * * * * * * * * * * * * * * * * * * * * * * * * * * *

Pregled člankov dete do 2011-07-05:
http://www.zagorje.com/pretraga/?cx=005765998322074358781%3Ahserwgt4jb8&cof=FORID%3A11&ie=UTF-8&q=Dnevnik+tate+Bena&siteurl=www.zagorje.com%2Frubrika%2F65%2Fkolumne.aspx#1037   
 
* * * * * * * * * * * * * * * * * * * * * * * * * * * * * *

Hura Ben! Ben Tur Hur

Kajler
Ben-Hur - Trailer [1959] [32nd Oscar Best Picture] , 03:03

Ben-Hur - Trailer [1959] [32nd Oscar Best Picture]

[Ljudevit Kaj]

Međimurske novine, 28.06.2011.

Premišlavanje Jožeka radnika

KAJ VAM NEK REČEM: MI JOŽEKI VSE MOREMO!!!

Piše: Jožek radnik

Moje čestitke mladomo dvajstiletnomo Jožinomo dečeco Teamo, želem kaj još dugo bode sam i ledičen kaj si nebode moral iskati sneho (čitaj: strateškoga parnera) i kaj bodo jegovi težaki navek meli kaj delati. Znate kak smo mi Međimorci, mi navek sam za posel pitamo, ali ak ga jega posla unda vsakoga prvoga i plačica sedne vu žep, a dok je plačica, unda i pajdašija cvete i tok tak kaj so i naše žene zadovoljne dok dimo dojdemo.

Piše: Jožek radnik


Šteli mi to priznati ili ne, ali vreme ide i to čudapot čuda fletneše nek bi mi to šteli, ali dok dojdejo nevole unda se nejvečpot vleče pomalem kakti siva megla. Tak vam je ove dneve poduzeče Team z Čakovca preslavilo svojih prvih dvajsti let otkak so ga zafremali i otkak je na svojemo kruho. Vsi znamo gda je gazda Teama gospon Jožek (brzčas mislim gda vam ne moram znova reči kak se i tu dela o mojemo imejako) Švenda, šteri je zanata spekel vu negdašnjemo GeKajo i kak je nej bil zadovolen kak se vu toj fabriki delalo vu ono predratno vreme 1991. leta odišel je na svoje i svojega kruha služit. Kak je on bil građevinac dobro je znal gda je to kruh z sedem kori i gda se niti jedna kuna nebre zaslužiti na lepe oči nek treba dobro zasukati rukave, flučnuti vu  vžikane i z žulima  zdelane zidarske roke i tak dojti do črnoga kruha, šteroga so građevinci nafčeni jesti vsaki den. No, kak je gospon Jožek premazani z sim građevinskim maščama, on je znal kak dojti i do beloga kruha, kak najti posla kaj bode on, a posebno jegovi težaki, zadovoljni z onim kaj imajo na stolo, ali i vu žepo. Ve vidite kak je to, tej jegov Team je več pravi dvajstiletni dečko i več bi si moral pucu iskati kajbi vu zamuš išel, očem reči, kajbi mo trebalo biti leži i trebal bi meti svoje mesto pod graditeljskim soncem ove Lejpe naše, a ne kaj ve mora težake tirati na burzo jerbo nemajo kaj delati vu ovoj našoj zemli vu šteroj teče med i mleko. No, tak nam bar velijo oni šteri so na vlasti. Oni vsima nama furt govorijo gda nam je jako dobro, sam nej znati zakaj mi to unda ne znamo. Moramo biti strpljivni jerbo nam je naša Jaca pokazala pota do Brisela, očem, reči, Evrope, a Evropa bode, kak Big Brader, rešila vse naše probleme, kak one štere več ve imamo, tak i one štere bode Evropa zmislila čim mi dojdemo za zeta. Za ve se nikaj ne pripoveda kuliko nas bode tua Evropa pravzaprav koštala. Ali pustimo tuo, pak mi smo navek čuda vejč trošili nek smo meli. Malo sam zglajzal, ali evo mene nazaj kaj nastavim tam gde sam počel: moje čestitke mladomo dvajstiletnomo Jožinomo dečeco Teamo, želem kaj još dugo bode sam i ledičen kaj si nebode moral iskati sneho (čitaj: strateškoga parnera) i kaj bodo jegovi težaki navek meli kaj delati. Znate kak smo mi Međimorci, mi navek sam za posel pitamo, ali ak ga jega posla unda vsakoga prvoga i plačica sedne vu žep, a dok je plačica, unda i pajdašija cvete i tok tak kaj so i naše žene zadovoljne dok dimo dojdemo.

Minul je još jeden nedelski sejam Mesap. Kuliko sam videti vsega ga ovo leto bilo meje na Mesapo: čuda je menši bil plac na šteromo se održaval sejam, a to sam zato kaj ga bilo čuda meje izlagačov. A čim ga bilo meje izlagačav došlo ga i meje publike, a jedino so gosti bili vsi na brojo, a to brzčas zato kaj je došel minister Pankretič, pak so se vsi šteli žnjim slikati. To znate gda ga kravi nej bilo, ali so zato konji došli kaj nam vsima govori gda konji i krave so još nej vu vezi, makar nas Evropa tira kaj mi priznamo te čudne istospolne i nekše druge zajednice, ali konji na to nečejo pristati. Morem vam reči gda so jedino vinogradari bili na visini zadatka, a isto tak i pajdaši šteri doma žgajarijo i došli so vsi šteri so bili pozvani. Ak pak je več bilo tak unda smo jiv i mi došli pogledati vsaki čas jerbo je krug po šteromo smo se gibali bil čuda menši tak gda smo na isto mesto došli čuda fletneše i vejčpot nek smo planerali. Jeden preštimani gospon vu anjcugu i hojspinklino mi je lejpo rekel gda je letošji sejem bil tuliko slabeši od lanjskoga kuliko letošnji direktor Mesapa Vitomir Kirić ima meje kil od lanjskoga Marjana Novak. Vu prvi mah sam se žnjim složil, ali mi je jen čas moj črvek nej dal mira, tak gda sam si, črez noč, pregruntal gda nebre ruom vse biti vu kilaži, mora tu biti nekša kvaka i vu nečemo drugomo.


Zvir;
http://www.mnovine.biz/index.php?option=com_content&view=article&id=6623:kaj-vam-nek-reem-mi-joeki-vse-moremo&catid=68:joek-radnik&Itemid=127

* * * * * * * * * * * * * * * * * * * * * * * * * * *

Međimurske novine:
Živopisano izdâjně (onli. ne-potpuno, html)
http://www.mnovine.hr
Elektrônsko izdâjně (pdf)
http://www.mnovine.hr/index.php?option=com_wrapper&view=wrapper&Itemid=95

* * * * * * * * * * * * * * * * * * * * * * * * * * *

Međimursko-novinski premišlant JOŽEK RÂDNIK na tur-for-um-u
(vupisati  Premišlavanje vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * *

Pismohrana Jožeka radnika
http://www.mnovine.biz/index.php?option=com_content&view=category&id=68:joek-radnik&layout=blog&Itemid=127&layout=default

* * * * * * * * * * * * * * * * * * * * * * * * * * *

Navihanke - Volim Jožeka, 03:28

Navihanke - Volim Jožeka

[Ljudevit Kaj]

Varaždinskě vésti, 2011 05 10

Klopotec

Kazališče bu otprto

… videl bi da naše kazališče dela ko grom, kak svoje predstave stare i nove, tak i gostujuće i da je skoro saku večer puno. A novu predstavu, čija bi premijera trebala biti negdi pred kraj  lipnja, čak delaju vu Ptuju i to vu toplicama „Terme“ Ptuj, na kaj je Bartol zehnul i rekel da to znači da bu i vu našim Varaždinskima onda verovatno, pak si bumo onda lepo spojili lečenje i uživanje vu predstavi.


Pak me je Bartol splašil s tem svojim fejsbukom da bu neko  zaprl Kazališče, pak mi je odmah bilo jasno da je popravil ajfon i da ga moram zvleči vun, jerbo par danof je bilo tak grdo i zima da niti ja nisem išel nikam. Gda smo se seli sem mu samo nabrajal zakaj nebre, a niti neće niko zaprti kazališče, a niti kulturu opće, naročito mužiku vu gradu glazbe, kulture, baroka i cvetja. Da je išel malo dale na fejsbuku i ajfonu, videl bi da naše kazališče dela ko grom, kak svoje predstave stare i nove, tak i gostujuće i da je skoro saku večer puno. A novu predstavu, čija bi premijera trebala biti negdi pred kraj  lipnja, čak delaju vu Ptuju i to vu toplicama „Terme“ Ptuj, na kaj je Bartol zehnul i rekel da to znači da bu i vu našim Varaždinskima onda verovatno, pak si bumo onda lepo spojili lečenje i uživanje vu predstavi. A ja , koj je furt vu kulturi, a malo vu topicama, sem  mu se pofalil kak sem srečen da polefko  asfalteramo  cestu po koji bumo skupa išli kulturni  i zdravstveni turizem, jerbo su  do ve kultura i zdravstvo vu turizem išli po dosta zrovani zemljani cesti oliti  makadamu. A skupa moreju zaraditi od ljudi koji si telesno zdravlje čuvaju vu toplicama, a duševno vu kazališču,na koncertima,  s knjigama.

Onda se malo primeril, pak smo se išli prošetati starom rutom po parku, pak prek Habdelićeve po Dućanskoj prema Korzu i Gajevi iliti Gospocki vulici, i vu Dućanski lepo visi baner prek ceste s kojim nas naša arena zapraf Max Bogl (s preglasom  ali mi se  nigdar ne da po kompjutoru iskati ) Tehnobeton, Bog ga blagoslovi, poziva na koncert „Rajko 100 violina“ devetnajstoga majuša i za kojega me moja lublena već odavno pita ali sem nabavil karte. Nisem, se razme, jerbo samo shodavlem i diskuteram, a mesta de jih morem kupiti su mi pred nosom: Suvrenirnica na Korzu  naših  novin, koje Bog budi z  nami, točno  toga datuma  slaviju svojih šezdeset i pet let izlaženja pak bu mi srce i radi toga veselo, ondak i Koncertni ured vu Kazališču i Rock Art Caffe na Preradovićevi vulici. Tak smo se lepo obadva vputili da lublenima kupimo karte, a usput smo zeznali da moreju iti z vnukima  na koncert koji do pet let ne trebaju karte, a za školarce je vu Koncertnomu uredu po pol cene i to ova jeftinejša karta za sedamdeset kuni, samo se moraju vu školama prijaviti vučitelu ili tajniku. Za naše lublene je po osamdeset kuni, pak bumo tak cele familije mogle iti i vuživati vu romskim majstorima violine koji ju igraju z duše. Dobro je i to kaj bu  Rajko ze sobom dopelal i plesače i pjevače, pa buju naši ljudi maksimalno mogli uživati ne samo vu violinama kak je bilo vu Zagrebu vu Lisinskomu, nek i vu romskom folkloru i pjevačima.

Gda smo to sve lepo obavili i znali da ve moremo merno doma na obed, jerbo gda lubleni pokažeš karte celi svet ji je odmah lepši, pak i ja z njim, no ondak smo se vuputili prema naši Gajevi iliti Gospocki vulici, koja je sve više prava gospocka, jerbo je lepo vređena i z vuna i znutra. Dvorišča su skoro sva otprta i vuređena s cvetjem, a skoro sako ima i kafić i terasu vu koji buju turisti vuživali, a mi skup z njimi, dok bumo znali da svima lepo, a mi još i zaradimo. Tak se bumo zmišljali kak smo letama hodili vu Grac i tam trošili naše peneze, ali je melo koristi, jerbo smo se nafčili od njih kak i sebi i drugima ulepšati život.

Da smo malo mlajši bi mi bili prešli peške i do Drave, jer je tam najlepše dok je lepo vreme, ali smo se spominali da bumo na Dravi sigurno desetoga i jedanajstoga lipnja gda buju deca mela svoj Varaždin rok fest tam na špici, a i dvajstičetrtoga i petoga gda buju deca z udruge VUK , kajti je varaždinska andergraund  iliti podrumska scena za nas engleski nepismene. I još sem na kraju, prije nek smo se rastali, rekel Bartolu, da sem ga z velikim zadovoljstvom vlekel po gradu za karte, kad je tak kompjuterski nepismen, da na ajfonu čita samo nekaj, a ne i to da za sve te koncerte,  more karte kupiti prek kompjutora i EVENTIMA.


Zvir:
http://varazdinske-vijesti.hr/klopotec/kazalisce-bu-otprto.html

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Prelistajtě nôvi broj "Varaždinca"
(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1

pdf-pismohrana:
Varaždinskě vésti
http://varazdinske-vijesti.hr/pdf-arhiva
Županiske vésti
http://varazdinske-vijesti.hr/arhiva-zupanijske-vijesti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Preštimani gospon KloPOTec - kajkavski call-um-nist z «Varaždinske vésti“ na tur-for-um-u
 (vupisati  Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Emmerich Kalman: Grofica Marica (2003): Dolazak baruna Kolomana Župana (00.00-04:30) /Hajd'mo u Varaždin (04:30 – 06:28)

Sandra Bagaričova kak Grofica Marica i Vid Balog kak barûn Koloman Župan v poznâte operete Emmericha Imre Kalmana.

Grofica Marica najavlujě zârukě z zmišlenem barûnom Kolomanom Županom kak bi sě réšila dosadne vudvarâčov, no stvari sě zakomplicéraju da nenâdano dohâja prâvi istoimeni barûn, Mađâr z Varaždina, teri jě v novina prečital o svem zârukam.

Silvesterska (i)zvedba 31. prosinca 2003, zagrebečko kazališčě 'Komedija'.
Redatel: Vladek Štefančičov (Vlado Štefančić)

http://www.youtube.com/watch?v=uDB2rH8WF_U

* * * * * * * * * * * * * * * * * * * * * * * * * * * * * *

Spot  Več tri dana varaždinske grupe Pot*
* Plemenita Občina Turopôlska

www.turopolje.hr
http://www.youtube.com/watch?v=uvcq6Z-wl0U

[Ljudevit Kaj]

KAJKAVSKI BLOG

Štefov svijet

18.07.2011. ponedjeljak

O SVEMU PO MALO ...

A sad konačno  znamo i kad budu izbori, a zapraf ne znamo kad budu, jer nam je onaj seljak s črljenim nosom i spopucanim kapilarama najprije rekel da izboreki budu zmed berbe i kolinja,  kak je pri nama kolinje od navek  28. ili 29. 11. i ak ga je predsednik zel za ozbiljno, ondak bu izboreke pomeknul bliže berbi ili barem Martinju


Ostal sam denes pomalo zaprepašćen, začuđen i splašen kad sem čul kak je ona sa sedim lasima kaj stalno nosi lopatu s sobom i meša betona, rekla da Brač zgleda kak mjesečeva površina. Mam sem se setil kak mi je lepo rekel Blaž kad je prečital prošli članak gde sem napisal da nosi lopatu mesto mekle, Štef ti si nori sto posto, kojeg si ju vraga išel podsjećat na meklu? Će nam ta draga gospa prečita kaj si napisal, bu zela meklu i morti odleti na mesec, i se bu dobro će gore ostane, al` bumo naježili če se odzgora vrne doma, gdo joj bu više ravan?... A sad konačno  znamo i kad budu izbori, a zapraf ne znamo kad budu, jer nam je onaj seljak s črljenim nosom i spopucanim kapilarama najprije rekel da izboreki budu zmed berbe i kolinja,  kak je pri nama kolinje od navek  28. ili 29. 11. i ak ga je predsednik zel za ozbiljno, ondak bu izboreke pomeknul bliže berbi ili barem Martinju, naravno  ak mu ova s sedim lasima kaj se vrnula iz svemira u međuvremenu ne posudi meklu. Ovi kaj hočeju vlast su se konačno dogovorili da su se sve dogovorili i da se više ni treba nikaj dogovarjati već samo čekati pečene golubeke da im počneju padati s neba. A u HT-u vlada idila, istina prihod ne raste kak su si mnogi željeli ali fala  Bogu svaki dan kapa polako. A imel sem za čuti jednu lepu teoriju o tome, kak firme koje ne znaju kaj bi delale s penezima deliju dividendu. Kad sem to čul mam sem nazval Iveka, Vinka, Drageca i Blaža da se žurno najdemo Pri beloga konja na limunskom ožujaneru, jer nam je firma očito vu krizi „ideja“. Kad smo se stali sem dečkima mam izložil svoj plan kak bi mi praf za praf sad trebali uskočiti i dati svrsishoden prijedlog kam potrošiti te silne peneze kaj smo zaslužili, jer je očito da gospon Mudrinić i njegva ekipa više ne znaju kaj i kam s penezima. Kak su im zmanjkale ideje, su odlučili deliti tu bezveznu dividendu, koja samo dokazuje da ne znaju kaj bi delali. A da bi saznali i dali svoj doprinos u ovim teškim vremenima kad nedostaje čak i ideja, dečki su se mam dali u teška razmišljanja. Poslije dugotrajnog produktivnog razmišljanja, uzevši u obzir sve pokazatelje i trenutne aktivnosti koje smo usmjerili na budućnost, odlučili smo  da si mesto daljnjeg razbijanja glave spijemo još jednu rundu, jer je Dragecu ostalo još par jezerač od dividende… i prije nek je Bara počela gasiti svetlo, smo se kucnuli i svi vu jedan glas viknuli… „živela dividenda“! Je, su me neki prijateli nazivali, pak me pitaju kuliko naplaćujem sliku na reklami na naslovnici jednog od sindikata u HT-u. Morem reči da baš nisem zadovoljen izgledom i fućka mi baš ni dobro zišla, pak sem se odlučil da se bum mam obratil onima kaj su mi poslali tužbu, onom odvjetničkom društvu B&G-B i prosil ih da podignu tužbu protiv navedenog sindikata jer koristi moju sliku bez moje dozvole. Al` ak nemaju nikoga lepšega i lepšu sliku od ove, bum im ja poslal koju, imam ih u raznim pozama, gdje plešu na stolovima, spavaju na sastancima, glođu janjetinu i jedu škampe … ili da morti još malko pričekam, bu v novinama skoro zišla jedna sasvim nova u dosad neviđenoj pozi ….

Se skupa pozdravlja Vas Vaš!        (Štef )

http://bigblog.tportal.hr/stefovsvijet?comments=false#28713

* * * * * * * * * * * * * * * * * * * * * * * * * * * * * * * * * * * * * * * *

Vide(l)o:
Stjepan Jimmy Stanić i Barbara Trohar - GOSPA JELA (Dimnjačar Štef), 01:53

Stjepan Jimmy Stanić i Barbara Trohar - GOSPA JELA (Dimnjačar Štef)

[Ljudevit Kaj]

Zagorski list, 15.07.2011

ZA DUŠU, ZA SPOMENEK

KULJIKE NAS JE

Unda je tak pisaru postalje jasne da se diela o deset komade dece tere je Štief imel, a ne o eroplanu DC10, na tere je on misljil. „Štiefi“, a i „Mice“ denes gruntaju drugač. Več jih je teške navabiti da se oženiju, a kamolji da imaju več dece. Kuljike god mi štelji i srdilji se na nje, trieba jih razmeti. Imeti denes jeduga ilji več panjkrate je kaj da si si del „štrik za vrat“. 


Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250

Baš sme imelji za čujti ove dane podatke kuljike nas živi h Ljiepe naše. Popisalji sme se h duž i poprek i gda se se zbrojilje, ljudem se povedalje kak nas je pune menje nek nas je bilje prie deset ljiet. A gda si čovek malje bolje pregrunta nie baš te niti tak menje ljudstva, gda se te mieri z veljičinu jednuga veljikuga grada. Kak god da su podatki grdi pokazalji su da nas je se menje i menje. Da nas je menje sakomu je jasne, same ne oniem teri nam furt kažeju mesec h vode i tvdiju da nas je tuljike kuljike i prie deset ljiet, same da niesu si popisani jer su prešlji van Ljiepe naše po sakojačke poslije. Sakomu gdoj ima nekuga vanje, svojiga z familjije, a tuj morem svedočiti i ja, dal ga je zapisati tak da se je i on zbrojil k tomu kuljike nas je.

More biti da onie teri misljiju da nas je iste kak prie deset i več ljiet imaju svoje popise. Na nje su sigurne onie teri su več odavne prešlji z naše kraje i več sami, a kam ne njihova deca pozabilji reči :
„Dobar dan!“

Ak na te računame i imame jih na spisku gda nam trebaju, a dobre se zna, gda i za kaj, unda nas mortič i je tuljike kuljike i prie, a more biti i več.

Sakomu teri pak živi h ove Ljiepe naše več je odavne bistre da su cajti kakvi su bilji prie, kaj se rađanje dece dotikavlje deljehke za nami. Z toga cajta ima i onie stari vic teruga sem vam več morti i negda spripoviedala, alji dobre se i na njega zmisljiti.
Bil je tak iste h jednem cajtu življenja popis sega i sačega. Hu tem cajtu nie se hodilje po sela popisavati nek je saki gazda išel na kotar popisati svoju familjiju i se kaj je imel.
 
Tak je došel Štief, popisati svoju siročinju i gda ga je pisar spitaval kaj se ima, počel je nabrajati. Nabrojil je onak žalosne da ima malu bajticu i štaljicu, staru kravicu i par kokoš. Unda je malje zastal kak da ga je sram i rekel:
„Znate gospon pisar, ja vam još imam dece, deset.“
Pisar je snel nočalji, pogledal h Štiefa i nie mogel veruvati kaj mu je rekel.
„Štief. Pak vi mene zafrkavate. Vi da imate DC10?“
Još bolje srameče, Štief je pogledal h pod i još bolj srameče rekel:
„Je gospon pisar. Imam dece deset.“

Malje nervozen pisar lukal je Štiefa i gruntal si da tie malji čovek diela ž njega bedaka. Hude je nabral obrve i pital ga onak strogoči.
„Tak Štief. Ti veliš da imaš DC10? Dobre i da ti te poverujem, alji gde ti je unda pista za sljietanje?“
Štief je ves počrljenel od srama i postihuga rekel.
„Je gospon pisar. Pista za sljietanje je moje Micike med nogami!“

Unda je tak pisaru postalje jasne da se diela o deset komade dece tere je Štief imel, a ne o eroplanu DC10, na tere je on misljil. „Štiefi“, a i „Mice“ denes gruntaju drugač. Več jih je teške navabiti da se oženiju, a kamolji da imaju več dece. Kuljike god mi štelji i srdilji se na nje, trieba jih razmeti. Imeti denes jeduga ilji več panjkrate je kaj da si si del „štrik za vrat“. Da bi ga same obljiekel i nahranil dok dojde na sviet trieba imeti pun pobelar penez. Za peneze tere potrošiš za jedne deteče šlape, moreš kupiti barem jedne ilji dvoje za odrasloga čoveka. A kak su grdi cajti teške si je denes kaj i privuščiti. Če se bu tak išlje i dalje za popisati za jedne pedeset ljiet teške se bu več i najti ljudi. Radi toga bi triebalji gruntati oni teremi je te posel. Nebi triebalji misljiti same na sebe, svoje panjkrate i familjiju nek i na Ljiepu našu i ljudi teri hu nje živiju. Zabadave bu državae, ak hu nje ne ljudi.

Kak god denes obrnulji, istina je sakomu pametnomu bistra da nas je saki dan se menje kuljike god da te nekteri očeju skriti. Sakomu je takaj jasne da je več onie mesta h terem se več hmira nek rodi. Če se ne mladem dalje da služiju peneze neju ni imelji opčem delati decu i nas več je, a i bu, se menje i menje. Tak unda dobre zname da nas nie več, niti iste nek se menje i menje, makar onie teri furt kažeju mesec h vode lažeju sami sebe, a unda tak misljiju i nas.


Zvir:
http://www.zagorje.com/clanak/8842/za-dusu-za-spomenek-kuljike-nas-je.aspx

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Provizorna pismohrana člankov « ZA DUŠU » v Zagorskomu listu:
(vupisati ZA DUŠU, ZA SPOMENEK v gôrnomu desnomu čošku (Google prilagođeno  pretraživajně) na slede e stranice):
http://www.zagorje.com/

* * * * * * * * * * * * * * * * * * * * * * * * * * * * * *

Pregled člankov dete do 2011-07-25:
http://www.zagorje.com/pretraga/?cx=005765998322074358781%3Ahserwgt4jb8&cof=FORID%3A11&ie=UTF-8&q=ZA+DU%C5%A0U%2C+ZA+SPOMENEK&siteurl=www.zagorje.com%2Fclanak%2F8842%2Fza-dusu-za-spomenek-kuljike-nas-je.aspx#1067 

* * * * * * * * * * * * * * * * * * * * * * * * * * * * * *

Vide(l)o:
Teta Liza i Lado - Deca, moja deca, 03:01

Teta Liza i Lado - Deca, moja deca

* * * * * * * * * * * * * * * * * * * * * * * * * * * * * *

Žiga u Lisinskom - Deca moja deca, 03:24

Žiga u Lisinskom - Deca moja deca

[Ljudevit Kaj]

Zagorski list, 2011 07 08

Dnevnik tate Bena

Krava

I kak je i red otpeljal sam ženu van. Na koncert. Teri? Zadruga i oni si drugi kaj su igrali. Bilo je ljepo i veselo. I dok je Zadruga igrala „Ja živim vu malomu selu“ žena se zmislila kak naša Gracia još u životu nije videla kravu.

Moje kulinarsko umijeće se dopalo nekim čitateljima pa evo još jednoga recepta. Ovaj put za mahune.


Piše: Tomislav Benčić-Ben
 
Slika:
http://www.zagorje.com/thumb.ashx?path=/ckfinder/userfiles/images/komentatori/bencic.jpg&width=430&height=250


Prošli tjedan nam je bila godišnjica. Braka. Meni i ženi. I to več deseta. I kak je i red otpeljal sam ženu van. Znam da vas interesira kam smo prešli. Na koncert. Teri? Zadruga i oni si drugi kaj su igrali. Bilo je ljepo i veselo. I dok je Zadruga igrala „Ja živim vu malomu selu“ žena se zmislila kak naša Gracia još u životu nije videla kravu. Patricija je za kravu, kad ju je prvi put videla rekla da je Milka, dok je za Sandru bila mali slon. Gracia zna kak zgleda riba, zna za lava, vuka, tukana, medu, tigra, slona i mnoge druge životinje.

Neke domače životinje je videla. Videla je koke i raznu drugu perad, razlikuje vavu od mici, zna i kak pajcek zgleda, a zna i oponašati pajceka. Ali kravu još nije videla u živo. Sreča pa imam doma nekakav crtani gde je krava u glavnoj ulogi i sad bar okvirno zna kak krava zgleda. Možda je več došlo vrijeme da se te razne „domače“ životinje počneju metati po zoološkim vrtovima jer kakva je situacija još malo pa buju to postale egzotične životinje.

Moje kulinarsko umijeće se dopalo nekim čitateljima pa evo još jednoga recepta. Ovaj put za mahune. Kaj vam se za to treba? Trebate mahune, krumpira, luka, nekaj mesnatoga (kobase, meso kao takvo…), mljevena crvena paprika, sol, vegeta, kiselo vrhnje (crveno), voda, paradajz u tubi, a če imate morete deti i mrkve, paprike, paradajza. Valjda sam sve nabrojal. Nisam. I brašno vam treba. Če sam još kaj pozabil bute videli h samom receptu.

Če imate svoj vrt onda h njemu poberete mahune, skopate krumpira, spuknete malo luka, mrkve, češnjaka, poberete koji paradajz če vam je več zreli, eventualno i papriku. Če nemate svoj vrt onda to kupite na placu ili h dučanu. Mahune očistite, operite i narežite na manje komade. To če imate zmržnjene mahune iz dučana ne treba delati. H jednu rajnglu ili lonac denete mahune, krumpir (oguljen i narezan na kockice ili neki sličan oblik) i slanu vodu. Če nemate slanu vodu denite običnu i posolite ju. U međuvremenu dok se mahune i krumpir kuhaju očistite i na sitno narežite luk teri vam treba za podinstati. Uz luk morete podinstati i malo češnjaka, mrkve, paradajza i paprike. Sve to treba očistiti i na sitno narezati. Počakajte dok se mahune i krumpir ne skuhaju. Kad se skuhaju, a more i malo prije toga, podinstajte luk i ak hočete i se drugo kaj sam par redova više napisal. Kad je podinstano denite na to mahune i krumpir koje ste prije toga ocedili. Se skupa zmešajte i malo podlijte z vodom. Dodajte kobase. Ili suhog mesa. Če imate sirove kobase skuhajte ih prije i narežite na kolutiče. Vegeterijanci preskačeju navedeni korak. Zemite vrnje i zlijte ga h nekakvu posudu. Dodajte malo vode i brašna. Promješajte i denite k svemu ostalome. Dodajte vegete, crvene paprike i malo paradajza iz tube.

Nemrem vam napisati točne količine jer nisam nič vagal, nego ja to mečem sve od oka i malo sprobavam pa prema okusu i začinim. Kad se to se skupa zmješa i zakipi onda je gotovo. Mahune i krumpir se nesmeju preveč dugo kuhati jer se budu raskuhali. Znači morate biti brzi. Kad je gotovo nesme biti preveč vodenasto jer nije dobro. Ali nije dobro niti da je tak gusto da žlica stoji nutra.

 
Zvir:
http://www.zagorje.com/clanak/8838/dnevnik-tate-bena-krava.aspx

* * * * * * * * * * * * * * * * * * * * * * * * * * * * * *

Zâgorsko-lisnati kolumnist Tomislav Benčić-Ben na tur-for-um-u
(vupisati  Benčić vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Provizorna pismohrana člankov „Dnevnik tate Bena“ v Zagorskomu listu:
(vupisati Dnevnik tate Bena v gôrnomu desnomu čošku (Google prilagođeno  pretraživajně) na slede e stranice):
http://www.zagorje.com/

* * * * * * * * * * * * * * * * * * * * * * * * * * * * * *

Pregled člankov dete do 2011-07-25:
http://www.zagorje.com/pretraga/?cx=005765998322074358781%3Ahserwgt4jb8&cof=FORID%3A11&ie=UTF-8&q=Dnevnik+tate+Bena&siteurl=www.zagorje.com%2Fclanak%2F8838%2Fdnevnik-tate-bena-krava.aspx#915   
 
* * * * * * * * * * * * * * * * * * * * * * * * * * * * * *

Hura Ben! Ben Tur Hur

Kajler
Ben-Hur - Trailer [1959] [32nd Oscar Best Picture] , 03:03

http://www.youtube.com/watch?v=LlzfqVtmxVA

* * * * * * * * * * * * * * * * * * * * * * * * * * * * * *

Vide(l)o:
Zadruga - Krava mi je v detelju vušla, 03:16

Zadruga - Krava mi je v detelju vušla

* * * * * * * * * * * * * * * * * * * * * * * * * * * * * *

zadruga ja zivim vu malome selu, 02:45

zadruga ja zivim vu malome selu

[Ljudevit Kaj]

GLAS ZAGORJA 01. SRPNA 2011. / ZAGORJE INFO

REČ ZAGORSKOG MUŽA

Nemreš sam!

Ak pak življenje maš kak pajdaša, ak se ž njem spominaš i ak štel bi da ruku si date, unda i od življenja nadati se moreš da pajdaša poljek sebe buš mel.

Une kaj jedina pravica je, te je te da same ostaje i same stoji življenje tere se obrača male po male, za vse nas kaj na svietu sme je. Vurica vsakoga med nami čaka, vsaki tak med nami zase piše čez življenjiče si, vsaki
se spomina ovak ili unak, ali une kaj se spremeniti nemre i neda je i te da pokučil na vrace vsaki med nami bu. Najgorše je i te ak se pokučile tuj bu i bi, ak se došle bu sam na vrace tere
se otprieti mogle neju, jer življenje se drugač poteple je i bu. Najgorše bi bile te ak za kvaku buš prijel i ak neš nič napraviti mogel, jer poljek sebe neš nikoga mel, nikoga teri ti pomogel bi da vrate te otpreš!


Piše: Rajko Fureš

More vsaki med nami une kaj more, ali une kaj nemre - nemre. Za razmeti je i te da nekteri te put vse te skup naopak povlječe, za razmeti je i te da more vse te skup te h krivu stran otpeljati, ali mora se dobre razmeti i te da vrieme denes drugač se vrti. Denes več nie nič unak kak do hčera bile je. Najgorše je za vse nas te da navek se nehči z nami nahitavlje, da navek nas obrača i da navek nam poveda kak trieba se je vladati po tom kak nehči za strani nam komandu daje. A nihči med nami neče a niti je te igdar štel, da ga se zabrenza i da nazaj ga se vlječe z vsem unem naopačnem. Pak se iste tak more i dogoditi da h vsemu tomu skup nemreš si ni pomoči, te je tak i moči, ali une kaj moči nie – te je te da nemre se same tak odvrteti
une kaj se nie smele niti doteknuti. Vsaki med nami morti negdar i male drugač pogledati more, more se vsaki zmisliti kak do hčera vsega je bile i kak nie triebale niti se zmisliti nate da triebale šparati bi. Iste tak, unak čiste prek noči, kak da vse te skup spreobrnule se i kak da
vse te skup naopak se je obrnule i te tak čist mam zgledele je tak kak da nič se nigdar dogodile nie. Dogoditi se more a dogoditi se iste tak i ne mora, jer vse kaj življenje vsakomu
med nami donese ili donesti more, te je une kaj se negdar neda ni spregruntati a neda se iste tak niti doteknuti. Tu nam jedine i najdrajše življenje svoju dobu ma, tu življenjiče niti drugačke nemre biti, življenje je tu jedine takve da se ž njem nezna, ak se do njega ne drži i ak se ž njem če naopak obračati. Ak pak življenje maš kak pajdaša, ak se ž njem spominaš i ak štel bi da ruku si date, unda i od življenja nadati se moreš da pajdaša poljek sebe buš mel. Zaistinu te ljehke nie, jer ak življenje za pajdaša maš, mel buš pajdaša najbolšega, mel buš une kaj se neda z nikakvami penezeki kupiti, mel buš poljek sebe une najvrednejše tak da
sam bil ni nebuš. Najlepše je pajdaša meti, i na ovom življenjiču te najlepše je kaj na zemljičice toj mame. Zaistinu je vsemi nami najlepše te gda človek pajdaše poljek sebe ma, najlepše je te gda se do pajdaštva i pajdaše drži. Nie ljehke z ljudmi se spominati i ž vsemi njimi živeti kak z pajdaši. Nie ljehke do ljudi držati, a nie ljehke i z ljudmi življenje živeti. Nie ljehke vse te skup jer, kak i same življenje nigdar ni nie ljehke bile. Po pravice je za povedati i te da ak češ praf živeti vse moraš po malu delati. Jedine ak se češ vladati naopak, ak se češ na jemput obrnuti krive, unda vse te vsikak jedine i more ziti. A pravica kak i vse une vriedne, vse te same na jednu stran nasajene biti more, vse te skup nemre se niti drugač obračati nem je te več od navek zapisane bile. Najgorše je pri nas vse une videti, vse une kaj se čeju najemput same zgledavati i kaj čeju krajiti vsikud same ne unde gde triebale bi. Nie te same tak ljudem pred oči deti, pred očmi se ljudem more same pravica kazati, jer vse une kaj na krivu je stran nasajene, vse te skup niti nemre drugač se obrnuti nek te naopak nasajene je.
Da tak nie trieba i da tak nesme se h življenju živeti, te je une kaj vsaki med nami dobre znati bi triebal, jer nie se same tak obrnuti moči od uneh kaj prek noči su gosponi postali su, pak več niti pogledati nečeju na vse une z terami do hčera su živeli. Une kaj jedina pravica je, te je te da same ostaje i same stoji življenje tere se obrača male po male, za vse nas kaj na svietu sme je. Vurica vsakoga med nami čaka, vsaki tak med nami zase piše čez življenjiče si, vsaki
se spomina ovak ili unak, ali une kaj se spremeniti nemre i neda je i te da pokučil na vrace vsaki med nami bu. Najgorše je i te ak se pokučile tuj bu i bi, ak se došle bu sam na vrace tere
se otprieti mogle neju, jer življenje se drugač poteple je i bu. Najgorše bi bile te ak za kvaku buš prijel i ak neš nič napraviti mogel, jer poljek sebe neš nikoga mel, nikoga teri ti pomogel bi da vrate te otpreš!


Zvir:
http://www.radio-krapina.hr/wp-content/uploads/vjesnik/broj-82-83.pdf

* * * * * * * * * * * * * * * * * * * * * * * * * * * * * * * * * * * * * * * *

82./83. Glas Zagorja

Novac, medijska slava ili političke pozicije nisu automatski garancija zadovoljstva – za Glas Zagorja govori prof. Ivan Đikić, jedan od najpoznatijih znanstvenika današnjice;  Pročitajte intervju s ministrom unutarnjih poslova Tomislavom Karamarkom – borba protiv korupcije jedan je od prioriteta u radu policije; Zašto glasati za Europsku uniju – o Hrvatskoj i novom svjetskom poretku piše urednik Zvonko Franc; Otkud to da se djevojke ne žele udavati, da mnogi muškarci ne žele imati ni jednu ženu, a mnogi žele imati više od jedne – pita se u svojoj kolumni magistar znanosti Zdravko Mršić; Kako do novaca iz Europske unije doznajte iz aktivnosti Zagorske razvojne agencije; Idu svati mlade ni nova kajkavska predstava na Opatovini.Naši reporteri zabilježili su događanja u Krapini – zagorskoj metropoli, Gradu Klanjcu, te u općinama Hum na Sutli, Tuhelj, Lobor, Sveti Križ Začretje, Đurmanec, Jesenje, Radoboj, Petrovsko, Marija Bistrica, Mače, Veliko Trgovišće, Stubičke Toplice.

Pod Strahinjčicom, sportska je kolumna Milorada Videkovića, u ovom broju nazvana Rulet milijuna – Na dobrom putu omladinska je škola Zagorca.

Pogled s Opatovine, obljetnice, zagorje info, mislim dakle jesam, reč zagorskog muža, glas srca, kultura info, preporuke iz knjižnice, pjesnička riječ, umjetnička radionica, sudbine, zanimljivosti, Turistička zajednica Krapina, Zelena škrinja, iz drugog kuta – to je Glas Zagorja, glas za Vas, u vašim trgovinama i ugostiteljskim objektima diljem KZŽ.
.

DÂVNI-LÂD iliti DOWNLOAD[/b]
Otvorite u PDF formatu kliknite ovdje:
http://www.radio-krapina.hr/wp-content/uploads/vjesnik/broj-82-83.pdf
http://www.radio-krapina.hr/glas-zagorja

* * * * * * * * * * * * * * * * * * * * * * * * * * * * * * * * * * * * * * * *

Pismohrana Glasa Zagorja:
http://www.radio-krapina.hr/informacije/vjesnik

* * * * * * * * * * * * * * * * * * * * * * * * * * * * * * * * * * * * * * * *

Sam-(k)o-bor

Vide(l)o:
Desinečki pajdaši - Mix Samobor je lepa varoš, 03:32

Desinečki pajdaši - Mix Samobor je lepa varoš