Novi Postovi

 Str: [1] 2 3 ... 10
1
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Srpanj 03, 2022, 09:02:59 poslijepodne »
5.kolo, 03.07.2022., Šiljakovina, 15,30 sati
Dubranec - Gladovec 6:0
Novo Brdo - Opatija 7:0
Donji Hruševec - Kozjača 1:1
Lučelnica - Kravarsko 4:1
Markuševec - Strezojevo 1:0
Velika Buna - Gornja Opatija 2:1
Pokupsko - Šiljakovina 2:4
2
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Srpanj 03, 2022, 11:14:05 prijepodne »
Vuzel na *
 Poveda mene jeno leto Mali Pepa, veli, rekla čer da bu došel (ne)suđeni zet `svojemi na upoznavanje. A, reko, nek dojdeju, kaj bi jem ja. Ovi moji se rascveli kak pori luk na mesečine. Došel taj dan, ili večer, nekakvi balko, na pol ošišan na pol ne. Veliju, on je nekakovi informatičar, igra nekakve igrice na fejsu, i tak to, kaj ti ja znam... Prijatel i prijatelica žnem. Ovi moji letiju po hiže kak nori, žena nori zmed kujne, špajze, škrijne i frižidera, kaj bi, kaj bi prije, za narezati, za dati, za ovak, za onak. Stara se križa žnum, jena druge ulaze f putanju, f škarje, tragi kočenja od natikači po parketu. Reko, još večeres bum trebal po hiže postaviti semafore ili zbetonerati kružne otoke i lezbeče policajke. Stari ga gledi kak maček biškupa a onda se skočil i trk f pevnicu po vino, ili pivu. Da sem mu je rekel da mi kaj donese bi pak rekel, dej se zdigni, am si mlajši,.. i mene donesi. A sat leti kak da je trknul afričku slivu, ali za bežajne. Ja se zdigel, niti a, niti be. Zišel siže van. Razmeknul letve. Prevlekel se čez plot, otišel k susedu. Kak da sem doma. Cucek cucka pozna. Otišel mu f šupu, zel tri metke z kutije spod staroga ormara. Otišel mu f štalu, z papuška zel papovku. I vrnul se domom fižu. Sednem za stol, na stol denem papovku, zmed sebe i puške osovim tri metke. Stara pobegla f svoju sobu, stari zbrisal f pevnicu, čer se počela plakati, žena se prijela za glavu i viknula "Pepa!!!", ovi negovi neznaju kaj bi - kam bi a zetu se smrzel drek vriti. Se kaj je do onda pojel i popil mu je zabeglo. Reko, sino,.. jesi bil na olimpijade? Da ni. A, kak inače bežiš? Da slabo. Gledi,.. da se upoznamo... ja sem otec... ovo je moje dete. Ak misliš delati *darije moraš fletno bežati. Pokažem z levum rukum levi metak... Pepa!!!, pak se žena zderala. Šta se, koji *, furt dereš!? Ajd f * dok se spominam z ljudmi. Of levi ti je brončana medalja. Onda sem mu z desnum rukum pokazal desni metak. Pogledal sem babu spod oka a ona samo kaj ni... ali si je na fletno premislila. Ovo ti je srebrna medalja. Ovaj srednji ti je zlatna medalja. Sad na dale pazi kaj delaš da se ludi nedu na sprevodu nekaj čudili. Rekel mi je buduči prijetel da sem lut. Ja lut!? Ja lut!?? Ti nisi videl ludoga čoveka, BTJ. Da ja ponorim, da mi žena v nedelu ni dost juvu poladila, pol Markuševca beži v Gorni, pol v Dolni Dragonožec a pol `Trpuce, BTJ. Ja lut!??? Kaj još des nem čul... Tak ti se mi z Markuševca upoznavamo `zeti. I snejami.
 Veli, igrališče nam je malo posedelo. Bilo je čisto ok dok ga nismo prešli z valerom, onda nam je prenaglo došla Liga i sinokoša nam se ni stigla omladiti. Ali! Moraš napisati da smo jedina ekipa kaj stalno i postojano mota štrojzuk oko bandere. Dej gledi, toga neš videl niti na Jelačič placu. Letos smo odustali od suncobranov na tribine Jug ali smo zato spod tribine postavili pontone da nam se do ne ftopil. Ak do i tone ili grezne tu je prek Kruz kaj ga bu počaril svojem malem "dvajspetakom".
 Veli Đajič, mi smo imali tri fele vina, tulko ovoga, tulko onoga, tulko onakvoga... Mislim si ja,ni ni čudo kaj je mene glava kak lonec `40 litri i kaj se z vuvi zadevam za štoke na dvokrilnemi vrati. A osim toga rekel je i da budu na Lakovice postavili barikade da ovi z Dubranca nedu mogli iti f kvar v nijovu faru. To je očito dalo rezultata jel su neobrcke sneje kaj nosiju dres Ilovače viđene kak ob nijove košte pijeju na nijove fešte z nijove gajbe. Dober je strav komu ga je Bok dal.
 Tigriči očeju porušati Gladovec z trona v kategorije "minimalizem". To jem bu teško pošlo za nogum jel Gruntovčani v sakem kolu kažeju zavidnu količinu entuzijazma i domišlatosti, kak z "japankum" (to je ona najmejna špekula od se špekule) rešiti utakmicu, po mogučnosti bez pušinga, ili z čem mejnem pušingom, pobeda bi isto dobro došla kak crncu krema za cipele, z teškem naglaskom na zbegavanje penalizacije po kontu ekipe. Stanoviti Tihomir "ga" je "ubo tiho i ušao u legendu" z čem je razgalil duše se kaj ga poznaju. Ostatek ekipe je probal pratiti tempo teroga je Tijač navrgel ali Lučelnica se pokazala kak preozbilna ekipa, da bi davala šanse kak na pokretne trake. Navodno su i jeno leto bili drugi v Lige. Nekteri povedaju da su osvajali i Turnir Lige. Neznam, prekratko ovo pratim. Minimalizem je samo pojam kaj je povremeno prati u vidu "sindroma Vukomerić" i sindroma Cerovski".
 Veli, oklada je pala, glasala večina, vračamo se z Dubranca samo kak prvaki. Kaj se dotikavle Robijašov ovo više ni igra za prestiž, više ni važno prvo mesto...
Igra se za gajbu.
Ne bilo kakvu gajbu nek gajbu za prvo mesto. Si motivi vuz ovoga zgledaju kak pimpek vuz k*, se gajbe su iste vuz ovu, samo ova je posebna, si protivniki sami od sebe padaju, na putu do gajbe. Za ovo nisu znali Štršani pak su jem podleteli kak kokoš pod Fiat 126 PGL.
 Veli, Tinča je kriv, negdo mora biti kriv, nek bu dete krivo, kaj nas ni dost. Ni za veliku porciju čevapof. Ni ni čudo kaj Boro ima "karte blanše" za ekipu - da je Števe stisnul ruku Števe se mam pol gemišta razlejalo. Zgleda da se na Nou campu negdo dobro omrsil jel Novo Brdo ima novoga, ne killera, nek utovarivača. Ak na Šilakovine zabije još tri gole ima ponudu da ide igrat v Luksemburg za jen belgijski klub z Nizozemske.
 Veli, vrnul se Crni. Ali to je mejni problem, od onoga teroga ni. Mamič spravla slamu, balera, požel je celi tajkuniščak. Dobil je 29 vreč žitka. A posejal 32. Glavno da se vrti. Jes ja rekel da se Števa bu narival v Prvu? Došli su i novi dresi, još se štampa ni posušila. Sponzorov uzduž i poprek. "Levi Štefanki replika" za ekipu i "Pokupsko replika" za golmana. Uglavnem, nebu problema da se bu igralo `Štefanki. Reko, Kruz, jel ono tvoj traktor na ulazu? veli, ni, ali je sličen. Ali to si dobro zametil, vidi se da imaš očala doma. Moj je "dvajspetak" i doma je ali je bil tu jel smo glumili autobuse; bila je meša pri križu pak smo "saobračali" Reko, imam brzo sporcko vozilo kaj razvija enormne brzine tak da niš ispod 2 kune nevidim pri brzine worp 4, ali mi se činilo da je tvoj. A utakmica? Nije baš sve krenulo po planu... Znam, Švabi se nebi baš složili s tem.
 Da smo več pri nove drese, i Manekeni su nabavili nove piđame. SMB replika, da otijdeju `UKrajinu nigdo je nebi videl kak su dobro maskerani. Jedino bi skužili da na jenem mestu votka nestaja rapidno brzo. Glumci se još navek (samo)zadovoljavaju z pripitemi dresi v teremi su jeno leto debiterali `Markuševcu. Utakmica? Se na temu ježa. * ježa. Odmatanje ježa. Trganje vrata ježu. Samo jež na meniju.
 Koja je to budala napisala da je Bole otpisan!? Bole igra ko u mladim danima. Šuki se dal sprovocerati od mučke provokatorov z publike tak da je sopunica "je opal-ni opal" trajala do dugo v noč. Vrvci nisu baš imali svoj dan; mladi mesec, luk pred branjem, mladi paradajz i tak to. Ak je jež bil na meniju na prijašne utakmice "kao takav" je poslužen i na ove. Leptiri dolaziju k sebe prije Šinova i režeju mrežu iza Slave. To se stanje stvari zadržalo skoro do kraja da se Krpa konačno setil kak se zabijaju goli, posle duge apstinencije na golu. Si sretni, si nesretni. * ga, to ti je jež.
 Da je pokojni Šenoa još navek žif napisal bi pak jednak; A u Dubrancu posjekoše nekog čovjeka sabljama samo zato jer su rekli da je Ilirac. Žac je došel direktno z fabrike, z gemištom v ruka. Bi čovek rekel da se piva letos onda sigurno pokvarila do nivoa blizu "apstinencije na rezistenciju na škodljivu tvar". Problem je i da igraš "predsat" i zajdnu. Čekaš a nesmeš se kvalitetno "ušvikati". Šika dolazi z Mercedesom na utakmicu. To je več nivo "gospodin". Mercedwes. doka, iza mešalica na truge i četiri lopate.

Najte kaj zameriti. Do se od istine pomogel.
3
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Srpanj 03, 2022, 09:05:52 prijepodne »
4.kolo, 02.07.2022., Markuševec, 15,00 sati
Novo Brdo - Dubranec 1:1

Novo Brdo - Dubranec 2:1

(Ispravek netočnoga navoda)
4
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Srpanj 03, 2022, 12:10:54 prijepodne »
4.kolo, 02.07.2022., Markuševec, 15,00 sati
Novo Brdo - Dubranec 1:1
Opatija - Lučelnica 1:6
Strezojevo - Pokupsko 3:1
Gladovec - Novo Brdo 0:7
Gornja Opatija - Markuševec 3:0
Kozjača - Velika Buna 2:2
Kravarsko - Donji Hruševec 1:1
Šiljakovina - Dubranec 2:0
5
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Lipanj 27, 2022, 09:50:08 poslijepodne »
4.kolo, 02.07.2022., Markuševec, 15,00 sati (?)
Novo Brdo - Dubranec (?)
Opatija - Lučelnica   
Strezojevo - Pokupsko   
Gladovec - Novo Brdo   
Gornja Opatija - Markuševec   
Kozjača - Velika Buna   
Kravarsko - Donji Hruševec   
Šiljakovina - Dubranec
   

5.kolo, 03.07.2022., Šiljakovina, 15,30 sati
Dubranec - Gladovec   
Novo Brdo - Opatija   
Donji Hruševec - Kozjača   
Lučelnica - Kravarsko   
Markuševec - Strezojevo   
Velika Buna - Gornja Opatija   
Pokupsko - Šiljakovina   


" Izvadite gajbe na balkone
počastite šampijone "
6
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Lipanj 26, 2022, 10:36:30 poslijepodne »
19. MNLVG 2022.
Turnir Lige 2022. - Novo Brdo, 26.06.2022.


GOP - POK 2:7
VEB - STR 0:4
OPA - MAR 0:8
KRA - NOB 2:1
DOH - KOZ 3:5
GLA - ŠIL 0:4

KRA - MAR 2:4
STR - ŠIL 3:1
KOZ - LUČ 6:2
DUB - POK 5:3

KOZ - MAR 4:0
DUB - STR 3:1

Za 3. mjesto, 6m
MAR - STR 6:7

Za 1. mjesto
KOZ - DUB 1:5
7
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Lipanj 26, 2022, 10:21:38 prijepodne »
Ne * po najžu
 Svenul je i taj dan, obasjan `kišum i prožet z oblaki, da se Mamič z domačinstvom špinči. Je da je uspel zakesnet i ma prvu i na "svoju" utakmicu ali,.. kaj je tu je... Ionak ima pretplatu na kišu, kaj je platil to je i dobil. Sat, imaju dve teorije o igrališču, jena veli da mu je šest put parnula kosilica na igrališču dok je kosil a druga veli da mu ni krepala kosilica nek je ga kosil na šest put. To se nezna do pije do plača. A zakaj su goli plavi!? veli, tak je lepše za videti `šumum, ide bole vuz mrežu i travu. Bele farbe ni ni za lek, RAL 9002 ili RAL 9010 niti da komu daš riti ili da si pimpek na kvacle sposečeš, Dost je je bilo za jen gol ali ni je bilo dost za dva, jedino da jenoga pobajsaju v belo a drugoga v ono kaj su uspeli negde krasti. I nisu znali kaj je nutre, dok nisu otprli kantu. Plava je lepa farba. Bila bi i zelena da je zabadof. I boja tikvice, čokolade, zlatna ili šargopirgasta... Milicija je došla iskat farbu ali se nisu ufali z avuta van da su videli kulko nas je. Pijane. Nalokane. Zažerane. Več ob četere. Veli Kumek, buš gemišt? Reko, kakvo je? Kaj? Kaj ja znam, nis još probal. Reko, Joža, reci reč. Veli Joža, isto kaj i lani. Vinalka Korade. Dobro nam se pokazalo i ne giblemo dale v nekakove alkoholne avanture. Ovo vam je drukčija berba, drugo leto, mejne cukora i kofeina, bez glutena i bezvezne kvascof, i kaj je najvažneje, ne sveti f kmice. Jako. Važno je da prebiješ z prvum i ak ne opadneš, ceplen si. Mali je, tu, jen, popil čašu čistoga i opal mu je novet z palca na noge. Inače, se OK. Očete frankovke od lani? * te, kaj to još navek niste popili? Latošna, ali na felu i od gazde od lani. Da dojdeš f Trsišče a z zvučnikov tipa trokrilnoga ormara trešči Gansnrožes/ Paradajz siti znaš da nemre biti slabo. veli Đambalaja, muzika ide na moju dušu. I z mega žepa. Ovi moji tuntleki nisu mogli najti muziku. Pitam ti ja ovoga svega Svetozara kaj zmenum dela da jel oni još navek igraju. Veli da da. A jeste slobodni 6 mesec po Božiču? veli, moram pitati ove svoje ortake ali mislim da jesmo. I da jesu. Cena 18500 €. Ma, penezi opče nisu problem, bum prodal bratovu hižu, trsje i šumu. A, da ob kulko bi dojti. Ob 6. A, pita ti on mene jel bi oni mogli dojti ob dve da se pospojiju, napraviju tonsku probu, vidiju de je šank, kak zgleda šuma i tak to. Ma, dojdi i ob poldan, ak očeš. I ob pol noči, imaš tam de prekrmeti. I to me živo boli *. Samo da imamo nekakvu muziku. Pitam ove svoje jel očeju. Očeju. Pali, vozi. Veli, neznam kak se zoveju ali lepo igraju. Ne samo on, ob sedem na večer još nigdo ni znal kak se zove muzika. Glavno da brenčiju Fenderi i trtmiju Maršali.
 Štršani su se lepo skupili. Mislim, ima tu još apstinentov kaj bi v dresu mogli posetiti prvu liniju šanka. Jole se na temu vina izjasnil na sebe svojstven način; dej plati još par komadi, po jenem nemrem znati, onda ti bum povedal. Čak su nekteri z Glavnoga štaba optužili mene da navijam za Lučelnicu. Samo zato kaj imam dres "Sindikata policije". Na druge strane si je Števa zacementeral mesto v prvem funfu, ili seksu, v teru ga ruku zemeš. Kak mu brat gusto leti van po dve minute mogel bi postati kičma ekipe. Crni se još ni ošvical letos v dresu Švabof. Ili ga * jalovica, ili podrepica ili žila. Sam Bok kaj su se Obadi razišli kak rakova deca pak tu ima mesta za razmnožavanje. Ili je bar bilo v prelaznem roku. Na fejsu, vocapu, vocdaunu, šamaiju, đemdou, tviteru, dinstašgrahu ili kajjaznamčemujoškajvolemladi.
 veli, Markuševec je hendikeperan, ni jem najbole igračov. Šimleša i Barbi nemreju učestvovati v sudelovanju. Šimlešu nova žena drži na kratkem lancu; da mu da dojde na nogomet ali mu neda igrati. Jel če se vevo stroši navečer je za niš, za upiranje na drugem planu. Barbi je na ribičije. Veli, dečki, sori, ovo sem dugo planeral. Tu sem `Peršinovcu na jarku. Čera sem skuval kuruzu, kuruzne žgance z vanilijum i namočil kruv. Odovut ne giblem ni da mi otpadne trejta noga. Bute nekak. Vrnem se da me do prestigne na liste strelcof, dam 15 komadi i pak na godišmi. Limunplavi su pali i na vage, ovi si navijači nebi ni došli blizu 1 tone jel su jem, očito, glavne zvezde, na vage, na bodybuildingu. Most ostaviju teži dojam na Nou Campu. Manekeni su asimilerali nekakve izbeglice z Gorice, sobotu i nedelu ne bereju pamuk pri gazda Srečku pak moreju iti nekam penezi trošit. I nogometa si malo poloptati. Malo je problem za drese. Danchy je XL-long a novi korisnik bi trebal broj XL-wide, ili zgleda dosta pripito. Marijo se prehitil z golmanskoga obranjivača v srednjega levoga zabijača ili asistenta zabijača. Mali se Šebo pomeknul za jeno mesto na klupe tak da je sat za jeno mesto bliže za uletavanje na teren. Na licu mesta se pojavil čovek, isti ili sličen k Bozaniču, i obitaval je v gravitacijskem polu Kojzače. saka sličnost z stvarnemi osobami je zmišlena.
 Veli, najteže je pitonu kičmu strgati. Taj su sport `skusili igrači Dolni Ruševec Uniteda da su jem Tigriči Opatijskoga Kalifata pokazali kaj po nijovem mišlejnu znači "aktivna harmonizerana obrana z natruhami brze transformacije v napadnu formaciju kohorte Svetoga Rimskoga carstva". Nijova visost ni nazočila ove falevredne prectave ali su ju pohodili prestolonasledniki i čak pače aktivno sudelovali v nezine realizacije. Rezultat je bil očekivan tak da se neodvečbrojna kazališna publika z Ruševca ni preveč žifcerala ali se kulturno ladila z pripravki z Mamičevoga Muzeja suvremene umetnosti. Karlo je na druge strane predvodil špičaste napade Tigričef v kombinacije z Števinem Klasničem. Števa je, inače, najjakši BBB na Opatije, mesto krvi čez žile mu teče nogomet, bežal ze škole da bi bil na utakmicami Dinama. Ja znam z prve ruke a on čak ima i slike ko dokaze. Ak to završi na sudu. Markus i Duba su hitili sidro v obrane. Ruševec je je samo pet put uspel fulati, kaj graniči z uspehom v olimpijskem sportu. Svoj obol ove bitke dali su i drugi, zame, bezimeni junaki.
 Tesari su svoj glavni štab premestili na drugu stran terena, da je ne *ju fenderi i maršali z olimpijske pozornice. A i bola je kordinacija da te sunac * v oči. Ali to je goli * za ono kaj je sledilo. Teško je strgati pitonu kičmu ali ono kaj je čekalo Tesare v utakmice z Gruntovčani, vezanje riđofke na vuzel, je se, kaj su pili, ostavilo bez sape, dok su naginali čašu. To bi po deklaracije Olimpijskoga odbora moglo prejti jedino pod zimski olimpijski sport v kategorije hard core porn. Tesari standardni, Števa je zel godišni na šanku da bi zutra na Nou Campu mogel braniti žute boje Lučelnice. To znači v neposrednomu prevodu da ga na Trsišču mejna Joža. Gladovec se totalno mobilizeral, posle deset let pak je sveti gladofski dres oblekel Marko. Ali to ni dost jel Marko navek igra v tandemu z Števum a Števe of put ni bilo jel doma teše gusle z teremi bu guslal f Potkupinju da bu Gladovec domačin. Jako delikaten posel kaj se mora obaviti jako precizno inače se dobiju disco-gusle. Bilo je šanse za Gruntovčane dok jem Tesari nisu pokazali tera je najbole ekipa z Opčine Pisarovina v Lige.
 Rekel je Kumek, gledim tu po publike am je tu pol moje nukov. Rekel je Zlatko, sat bi mogli napraviti pauzu jel imamo utakmicu mejne, i fiju-fi. Početek utakmice. Ja sem z Kurilovca, mene tu niš ni jasno... Još ni Števa ni prešel celi teren na putu do "Koradeovoga zlata" na šanku. Reko, buraz, Vranešič, naj zabiti. A-a, nem. Šus-gol, 26-a sekunda. Vevo se z nikem nemreš niš dokončati, nit je moreš prijeti za reč, nit za roge a bome nit za ono trejte. Bilo je mam jasno da z te mele teško da bu paluva ili makaruna da je mali Mrki uparkeraval pol svega avuta f Trsišču na 48 put. Kak da vozi Boing 777.
 I Božidar je otpal. Nosi bebu na ruke. Veli števa, muči, dobro je dok nas ima više od 6, iako ni 6 ni slabo, ali moremo mi i z 5, malo težeše z 4, ali ni to ni neizvedivo, negda se i 3 čini optimistično ak moraš inače inkaserati 1278.68 KN. Kaj je najvažneje za dobro selo? Da ima dobre sneje; kaj got to komu značilo; za zabijati, ili asisterati v zabijancije. Došel je i tata `Uđber, imal je kaj i videti. Nem ni išlo ali nemu je čisto solidno išlo. Neznam kakve su kritike, ne mislim na utakmicu.

Najte kaj zameriti. Do se po istine pomogel.
8
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Lipanj 25, 2022, 09:58:38 poslijepodne »
19. MNLVG 2022.
14 momčadi
Turnir Lige 2022. - Novo Brdo, 26.06.2022.


Gornja Opatija - Pokupsko   12.00
Velika Buna - Strezojevo   12.35
Opatija - Markuševec      13.10
Kravarsko - Novo Brdo      13.45
Donji Hruševec - Kozjača   14.20
Gladovec - Šiljakovina      14.55
...
(DOH-KOZ) - Lučelnica       16.40
Dubranec - (GOP-POK)      17.15
9
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Lipanj 25, 2022, 08:40:20 poslijepodne »
3.kolo, 25.06.2022., Gornja Opatija, 15,30 sati
Pokupsko - Gornja Opatija 2:1
Markuševec - Kozjača 0:3
Donji Hruševec - Opatija 5:0
Lučelnica - Gladovec 3:1
Strezojevo - Šiljakovina 2:1
Novo Brdo - Dubranec -
Velika Buna - Kravarsko 0:6
10
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Lipanj 22, 2022, 03:12:41 poslijepodne »
Rakija u boje muzike za ples

Lepo mene govorila stara
odi sine za zubara
al je mene štala navek draža bila
nutre svijne, krave i kobila

 Ja sem odnavek mislil da VIS Max5 ima pevačicu. Do sat. Sat, most je premukla, most ju je do teleporteral na porodilski ili ono trejte.
 Tak se ja jeno leto žalim jenomu, jel, prijatelu, z prijatelske i susednem nam druge rvacke države, da nemrem najti orejov za rakiju. Veli, ma, ti turopolski oreji su ti za *. Da vidiš kakvi su od moje babe z Bosne. A, reko, dej onda če je tam je nek baba pošele'po pošte, ili ak se do k komu do*, 72 komade. Za prvu ruku. Da vidimo koji je to *... Ide vreme, prejde rok, od orejov ni kaj bi * našpranjil. Reko, rođo, de su ti bosanski oreji? Ma, veli, nisi ti mene dobro uvatio. Nisu ti to orasi od moje babe z Bosne nek od njezine tetke z Lekenika. Mene se mam prižgal barjak v krivemi farbami. De baš z Lekenika, BTJ!? Am se poveda da tam nigdo ni baš preveč točen. Da pregusto ritopike igraju. Ma, veli, nemaš frke, ni to baš z Lekenika nek z Lekeničke Polane. Ali nisu oreji baš od babine tetke nek od nezinoga sina. Istina, bili su do lani. Ali su na jesen pobegli z slivara f šumu. Kaj nebi bil problem da sin od babine tetke ni malo slep na levo oko a na desno nevidi po kmice. Pak je ni mogel na fletno poloviti po šume. Ali, neboj se! BTJ, kaj da se ne bojim, bojim se, naj mi govoriti da se ne bojim, jel da sem ovo se čul još samo fali šepavi deda kaj po šume lovi lude i z matorkum jem noge reže. Makaki, veli, taj ti je z drugog sela, z Palajičev, samo je šuma deli. Ali, veli, neboj se. Drugo leto sin od babine tetke ti sigurno bu našel te 70 ... 72! ...72 orase. Ne zoveju nega zabadof Tartufaš. On ti z Polane nanjuši da negdo v Lekeniku prdne. I točno zna do!
 Veli, vino smo zeli od onoga Mike... on ga pak jemle od onoga drugoga, teri ga zima od trejtega a trejti od četrtoga kaj ga kupuje od petoga teri ga zima od Svetoga Martina kaj v garaže v bačve meša nekakvu prašinu z vreče od umeta z vodum. Nemaš frke, niš ne otpada, se su glake na mestu, trepavice, obrve postojane, koža se ne guli i ne rola, nofti na svem mestu, z kičme ne raste trejta/četrta ruka. Jedino je malo problem na šišajnu, kak da bi žicu rezal, i da se nofti režeju; trsne škare, škare za lim, škare za armaturu, hidraulične škare za lim 3m, fljeks... Vinska ti mušica nemre opasti v čašu, jedino pod "r", jel ga zbegavaju kak vrak tamjan. Malo se problem braniti od lepice i paukov. Čaša po kmice sveti tak da ti netreba baterija da ideš van scat. A i da ideš scat to se boje prelevaju kak z Bandičeve fontane. Kak da bi spalil okvir obiležavajuče i pancirno-zapalive v živicu.
 Vinotočje Motika, z vami do kraja. V ponude imamo i dodatno i dopunsko zdravstveno, posmrtnu pripomoč, (do)životno osiguranje, popuste na invalicku opremu v suradne z našemi partneri, osiguranje od naleta na pešaka, osiguranje od naleta pešaka i još puno toga. Na vami je samo da pijete. I plačate.
 Letos je na Ruševcu nabitneje bilo prvi ne zabiti gol, jel do ga je dregnul taj ga je i popušil. OFK Kupa se vrnula z maturalnoga, stari su još na bolovanju, mladi bežiju kak navinuti a sredni ni vrit ni mimo. Rekel je jen Franc z Barbarič kaj igra za Kravarsku, neču baš reči teri, ne morate se znati, da kaj su se tulki doselili na Ruševec. veli, gledim slike, čudom se čudim v čuđenju i nevjeverice i pijem pivo. Ali to `oče ni bitno jel su Leptiri kvalitetno skoristili jen dan odmora viška za rekuperaciju prije kuperacije. Te sreče nisu bili Štršani jel su mam z maturalnoga autobusa seli na traktor i vudri ga Blaš balit po Jaguštenovcu i Roženice. Onda je pred večer još opal onaj češel pod onu motiku i pomotala se gefufna na flebice od šlobice. Još su prije utakmice zbalili 200 bal. V takove konstelacije stvari na utakmice ti je najvažneji taj-maut i kraj utakmice. Na su sreču igrale su se samo dve utakmice.
 Najvažneji dogodek tjedna, jen od dva, od* i do* z maturalnoga OFK Kupe, vidno je utecal i na Švabe i na Robijaše. Z tem da se Osoba A još ni vrnula v nogoloptačke vode. Most je ostala za kauciju v Gornem Levom Neobedišču. Ovi drugi Killeri (od FAP-a) su si tu. Razarač nogometnoga tipa v obliku Muže dela kak klepsidra; tera je got lopta do nega došla od nega ni otišla. Mamič ima konstrukcijske probleme. Črnoga ni, Klasničev ni za lek, Mac samo kaj se vrnul si ga več trgaju kak britvu, Gabi je v predizborne kampanje, samo pripoveda, Bumpa dela, odkad se zaposlil f Cirkve saku nedelu služi popoldešnu mešu, Števa ga non-stop nacukava za rukav da bi išel nutre. Veli, stani, po redu, da buš imal 18 onda peš. ajd, bar su Dupliči i Tuta tu. Tuta izvodi ove svoje, kak se to kulturno veli, majstorije. Ima tu i mladine kaj je zbegla z Gornega Ruševca. Kak smo mu rekli dan prije da je na Lučelnicu došel v dresu bivše ekipe; kaj ti ovi tvoji nisu povedali da vi letos ne igrate. Jake navijačke snage nogometnoga tipa Robijašev kvalitetno su pokrivale celi prostor od pet metri zmed šanka i terena. Tu v tem petercu kuna ni mogla prejti da ju oni nevide. Na druge strane je Baja čuval pleča Mamiču da mu ga do nebi ritopično mrsko zatiral.
 Ovi Manekeni su mi se počeli grliti z muškemi, tu bu treba mejnati Prepozicije. To je most normalno v Zagrebu... Kaj je najvažneje za dobru ekipu. Moraš imati dobroga golmana kaj je više nek pol ekipe. A ak ima pravu flizuru vredi za celu ekipu. Kak je jen moj Rođo rekel svemu malomu kaj igra nogomet, a mati ga je tak dala ošišati da mu onaj blatobran z čela non-stop vesi na gubec; ak se ne prestaneš odubati ošišal te bum na čelavo. Štršani su prije prve utakmice došli saki v drukčijem dresu, v najbole tradicije Barbaričanov, do druge se to nekak stabilizeralo. Brune ni za lek ali tu je Niko. Rambo je taman došel malo k sebe. A onda Pefci, Šebeki i drugi pripadniki Ujedinjene Kojzačke emiratov napadaju kak smrt na babu.
 Veli, naj stati blizu ove čelave jel ti nje prve milicija išče legitimaciju, i ove oko nje, jel ti ti i takovi zgledaju sumlivo kak da švercaju podravkin prašek za pecilo i druge teške droge. To je rekel jen, z Gornega Ruševca, kaj se nekulko put prodaval i preprodaval v prelazne sezone. Veli, mislil sem iti v Gladovec ali oni do 18.06. nisu znali jel budu letos igrali. A i imaju ove čelave kaj je milicija oče. Kaj rušaju drva odozgor prema dole, najprije brk a onda drugo. Puna je je Draškovičeva. Rekel je of čelavi uterivač dugoga da ga je lopta trejti put pogodila v moždanu ovojnicu, imate sreče kaj me niste več trejti put pogodili v glavu inače bi vam sem napravil po brata. Ovi Šerifi, zameniki šerifov, Godiniči, Ilijeviči i drugi rabijatni huligani z Ruševca nisu znali za koga bi navijali tak da je to bilo za čuti više kak gusle bez žice ili sinzer-sajzer bez struje. veli, do sat igra? Gladovec - Dolni Ruševec. A, teri su ovi črleni? Gladovec. A, teri su ovi drugi? Da su ovi internacionalci z Gladofca zabili gol publika je bila jednoglasna; sviraj kraj, sviraj kraj Lige, podeli medale dok smo još prvi, idemo pit.
 Ak su Štršani predlani počeli uvoditi juniore v ekipu, ak su Tigriči lani uveli pionire v ekipu, koji su * letos uveli? Cicibane, palčiče ili sisavce!??? Na su sreču tu je Karlo, Števini Klasniči, Šakijevi asistenti. Duba čuva mrežu, da lopta nebi zašla van. Markus drži vagu, jel ova cela ekipa nemre dobiti Dubu na klackalice. A na nesreču z druge strane su Glumci i negdo je moral popiti šore mesto Gladofca za ono od čera. I * ga. Iako se "počesto" na ove vrste događanja nogometnoga tipa more čuti izraz "Ima li ovaj Gospodin oca?" a misli se na strelca (gola) v kontekstu "Dej plati gajbu, stari, BTJ!" zgleda da smo na Ruševcu "prešli Rubikon" z nejasnemi posledicami. Veli, "Ima li ovo dijete majku?" Pitajne je kakov bu nastavek ili epilog...
 V utakmicu Limunplavi ulaze z prvoga mesta a Leptiriči izvan konkurencije. Stara garda z Markuševca je malo "splasnula". Veliju involverani kibici, da je Ilovača prva i da ima najbolega strelca se bi televizije bile tu, se bi novine pisale o tem a da je Markuševec prvi i ima najbolega strelca nigdo ni da bi z * stepel. Neznam z kakvum su dozum napelcali ovu Kravarsku sneju ali kaj taj dela to ni za lude. kak da bi štel biti najboli strelec. Ovi si kaj su negda igrali za Ilovaču zabijaju ko veliki. Ima i ove Gospodinov "kaj su mali ali su veliki ali nisu veliki jel su mali" kaj zabijaju a i imaju oca da to prati po pitajnu tekuče pitajn. Marko i Špajo su otpisani, za ovo leto, golman je drugi ali z iste familije, Doogaree se, privremeno, vrnul, za jeno dva tjedne se vrača Domi, bu nekak. Kaj je najvažneje? Da su Drašu gemišti išli kak da bi hital pilovinu z lopatum f šumu. Proti vetru.
 Ovi internacionalci z Gornega Ruševca delaju čudesa po Lige. Kak da nisu prije imali s kem igrati. Precednik najjakše udruge v ovem čošku galaksije skužil je da više more napraviti na intelektualnomu planu nek na igračkomu. Mada ni kapacitet upijanja ni za zanemariti. Miši su se prosto preširili prek Ruševca, lepo su "pazarili". Novo Brdo do Ruševca! Čini se da je više Šilkovcom pomoglo kaj v ekipu nisu vrgli Mrkija nek Mišem kaj su vrgli Števu.
 Ilovača letos kak da je preguknula lopatu, naopak. Nikak zajti z grča. Da lopta prejde zajdnu liniju obrane nigdo nezna kak bu to završilo, ali to više ni nijov problem nek od onoga na golu. Tesari su rešili dvodnevni turnir na Lučelnice. Nekteri su mam zeli bolovanje, nekteri lečiju telo a nekteri dušu. Pol vure bežali, 0 golova, sakomu po ubod i zdravo-doviđenja.

A, i da, de mi je breskva, BTJ!???

Najte kaj zameriti. Do se još po istine pomogel?
 Str: [1] 2 3 ... 10