Autor: Ljudevit Kaj - Svibanj 29, 2013, 12:35:05 prijepodne
BORUSSIA – BAYERN 1:2
Srečni Bayern osvojil Ligu prvakov! Mandžukić strelec!
Nakon ke je v prošloletnomu finalu (na penale) zgubil, Bayern je sad došel do zasluženoga europskoga naslova
Mandžukić prvi Hrvat teri je dal gol v finalem Lige prvakov
Piše: hd, av/VLM
Nogometaši Bayerna osvojili su Ligu prvaka! V finalu na Wembleyju svladali su Borussiju Dortmund z 2:1. Posle prvoga poluvremena bilo je 0:0, a v 60. minute Bavarcem je pelatvu donesel Mario Mandžukić, na asistenciju Robbena.
Veselje im ne dugo trajalo, osem minut kesneše Gündogan zjednačava z penala. Krivec je bil Dante teri je nepremišleno zrušil Reusa. Pravi šok za Borussiju pripravili su Bavarci v 89. minute. V strelce se vpisal Robben i postal apsolutni junak tekme – zabil za 2:1 i donesel Bayernu naslov Lige prvaka!
Bavarske ekipe ovo je peti naslov europskoga prvaka, a čak deset put bila je v finalem. Samo su Real Madrid (9) i Milan (7) osvojili više europske naslovov od Bayerna, teri se z petum Ligum prvaka zjednačil z Liverpoolom. Z druge strane, Borussiji je ovo bil drugi finale v povesti, a ov put nisu vuspeli ponoviti vuspeh z 1997. gda su pobedum protiv Juventusa osvojili ovo prestižno natecajne.
Hrvatski reprezentativec Mario Mandžukić pak je odigral odličnu tekmu. Drčal je, boril se kak oroslan (lav), a vuz to je vuspel i zabiti. Z igre je zišel v sudečke nadoknade vuz ovacije tala tribin na terumu su bili smeščeni navijači Bayerna. Mandžo je tak postal deseti Hrvat teri je odigral barem jenu minutu v finalne tekme.
Se v semu, tekma je bila dostojna finala Lige prvakov, obadve ekipe odigrale su vrhunsku tekmu, a samo je fantastična forma obadve golmanov sprečila da lučemo pravu golijadu. Navijači Borussije ziher buju žalosni i razočarani, ali senok moraju biti ponosni na sve lubimce jer su na igrališču ostavili i zajni atom snage.
A Bayernovi navijači ziher buju slavili do dugo v noč, londonskem pubem piva bu tekla v potoki. Zanimlivo je, pak, da im se nogometaši Bayerna nesmu pridružiti. Naime, trener Jupp Heynckes zabranil im je slavje jer je 1. lipna čaka finale nemačkoga kupa protiv Stuttgarta.
Zvir:
http://www.vecernji.hr/sport/vijesti/sretni-bayern-osvojio-ligu-prvaka-mandzukic-strijelac-clanak-559518 (http://www.vecernji.hr/sport/vijesti/sretni-bayern-osvojio-ligu-prvaka-mandzukic-strijelac-clanak-559518)
* * * * * * * * * * * * * * * * * * * * * * * * * * * * * * * * * * *
Borussia Dortmund vs Bayern Munich CL Final Promo 2013 HD, 05:20
Borussia Dortmund vs Bayern Munich CL Final Promo 2013 HD (http://www.youtube.com/watch?v=dYuD8QJDq5U#noexternalembed-ws)
