Autor Tema: Hrvatske cirkvene i svetovne popevke Florijana Andrašca  (Posjeta: 5517 )

0 Članova i 1 Gost pregledava ovu temu.

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Hrvatske cirkvene i svetovne popevke Florijana Andrašca
« : Kolovoz 14, 2013, 11:07:13 poslijepodne »
Hrvatske cirkvene i svetovne popevke Florijana Andraš(e)ca, kantora v Dekanovcu v Međimurju

II. prešireno i zmejneno vundajne


Skupil i stručno v(u)redil
MIROSLAV VUK-CROATA


Kantorov životopis napisal
vlč. JOSIP DRVODERIČ


Recenzenti
Dr. Juraj Kolarič
Mo. Miroslav Martinjak
Dr. Ivo Sovič
Dr. Stjepko Težak


Za nakladnika
Vlč. Josip Drvoderič


Lektor
Dr. Stjepko Težak


Oblikuvajne i notografija
Tomislav Koščak


FRANJO BOŽIČ
baščenik ostavščine Florijana Andraš(e)ca


Zagreb, 2002.

* * * * * * * * * * * * * * * * * * * * * * * * * * * * * *

Broj stranic: 324.
V knige su (i) note i reči  158 popevki

* * * * * * * * * * * * * * * * * * * * * * * * * * * * * *

http://www.mtraditional.com/andrasec.html

* * * * * * * * * * * * * * * * * * * * * * * * * * * * * *

KAZALO

Miroslav Vuk - Croata: Predgovor drugom proširenom izdanju........    .......5
Recenzije
          Dr. Juraj Kolarić   ...........................................…........................     ..  8
          mr. art. Mo. Miroslav Martinjak...................................……………......   18
          Prof. dr. Stjepko Težak   ..........................................…………….….....…20
          Prof. dr. Ivan Sović     ...................................................……….…………23
CRKVENE POPIJEVKE............................................................ ………….………..27
MEĐIMURSKA ZEMLJA............................................................. ………….………77
MEĐIMURSKA LJUBAV, RADOST I TUGA.....................................…...........  127
MEĐIMURSKI SMIJEH........................................…................. .................  195
DODATAK   ............................................................................... ............  251
          O pjevačima   .............................................................. ............... 253
          Bilježenje popijevaka i analiza...........................................  ......   254
          O glazbenoj analizi desetak popijevaka  ..............................  ...   256
          Analiza.................................................. ................................. ....  257
          Popijevke   .............................................................................  ..   261
          Miroslav Vuk - Croata: Prvi susret dr. Vinka Žganca i
          Florijana Andrašeca nakon rata i nastavak suradnje................. .. 268
          Moj prvi susret s kantorom Andrašecom............................  ....  ....272
          Josip Drvoderić: Florijan Andrašec - hrvatski pučki pjesnik
          i skladatelj crkvene i svjetovne glazbe   .................................. ... 279
          Rječnik manje poznatih glazbenih pojmova.........................…..     313
          Rječnik manje poznatih riječi  ....................................  ..........  .... 314
          Stvarno kazalo redosljeda popijevaka   ............................  .  ..... 315
          Abecedni registar naslova popijevaka...............................  …  …. 319
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Hrvatske cirkvene i svetovne popevke Florijana Andrašca
« Odgovori #1 : Kolovoz 14, 2013, 11:08:51 poslijepodne »
Predi tjeden dan je bila Sveta Jana po julijanskomu kolendaru, po teromu ju slave i Rusi.
O međimursko-ruske Svete Jane v nastavku....

* * * * * * * * * * * * * * * * * * * * * * * * * * * * * * * * * * * * * * * *

Svete Ane
(reči i napev: Florijan Andrašec)


1.
Pozdravimo denes ovdi draga brača i sestre,
svetu Anu kakti majku čiste Djeve Marije,
kojoj zagovor je fčinjen od ove obitelji
da se njoj v čast na 'vom mestu ov kip lepo postavi.

2.   
Denes se je ispunila želja srca njihovih
da bi kipa svete Ane dali blagosloviti.
Koji bi jih navijek sječal na primljenoj milosti,
zagovorom svete Ane koji su zadobilji.

3.   
Sam čin kipa svete Ane na ovo nam svedoči
kako mati ljiljan daje v ruke Djevi Mariji
u znak nevine čistoče, sveto pismo tak veli
da jedina se bez greha mogla na svet roditi.

4.   
Na tom činu zahvalimo prvič Bogu dragomu
a za tim na ovom trudu i ocu duhovnomu
koji jesu ovog kipa denes blagoslovili
i sve ljude ki su ovdi tu pred kipom nazočni.

5.   
Starešine i cemeštre ki su ovdi med nami
kaj i oni pri tom činu blagoslova prijeli.
Naj ov kip bu kak kinč sela i dika obitelji
tulikajše i sem meštrom ki su ga postavilji.

6.   
Preporučimo se denes, o dušice krščanjske,
svetoj Ani kakti majki čiste Djeve Marije,
nek nam bude pomočnica vu životu svaki čas
i pred Bogom vu nebesi da se moli za sve nas.



Napev v čast svete Ane jen je od najpopevaneše međimurske školničke, a v zajnu dobu i zborske napevov u čast razne svecov. Ina(t)čicu ovoga napeva v srednoueropske cirkvene glazbe ne najdemo nigde. Samo v cirkvene pesmarice BOGOGLASNIK tiskane v Petrogradu leta 1900., pod brojom 61 najdemo ina(t)čicu našoga napeva v popevke v čast blažene Device Marije pod naslovom KO PRESVJATEJ DJEVJE BOGORODICE SVETLEJŠA DENNICE DJEVO VLADIČICE MARIE. V Međimurju ov napev živi v više ina(t)čic od početka 20. stoletja v sem župam vuz reku Muru, a najverojatneše su ga z Rusije donesli vojniki i zarobleniki za vreme il okončajnem I. svetske vojne, med teremi je bil i Florijan Andrašec.

                                                                         (M. Vuk - Croata)


* * * * * * * * * * * * * * * * * * * * * * * * * * * * * *

JANE 00002, 04:30

JANE 00002
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Hrvatske cirkvene i svetovne popevke Florijana Andrašca
« Odgovori #2 : Kolovoz 16, 2013, 11:49:11 poslijepodne »
Svetomu Roku

Reči i napev: Florijan Andrašec
harm. o. Klement Vlado Novak


1.   
Dragi krščeniki, brača preljubljena
na 'vom svetom mestu denes skup spravljena,
ki ste simo došli k Roku na proščenje,   
ja vam bum povedal njegovo življenje.

2.   
Sveti Rok se rodil vu Francoskoj zemlji
roda bogatoga, jako pobožnoga.
Njegvi roditelji nesu več imeli,
jedinoga Roka, njega v navuk dali.

3.   
Gda je škole završil, spunil svoja lieta,
njegvi roditelji preminuli svieta.
Blago i bogatstvo bokcom je ostavil
po širokom svietu sveti Rok se spravil.

4.   
Kud kod po orsagu sveti Rok putuje,
tuožne i žalosne posud glase čuje,
ar je bila kuga na se štiri strani,
sveti Rok pomaže, betežnike hrani.

5.   
Svetomu se Roku tou ljudstvo smililo,
ar vielku pogibelj ono je čutilo.
Na kolieni kliečeč zdigel ruoke gori
v vielkoj poniznoči Bogu se je molil:

6.   
Odvrni betege, kaštige svou silo,
o, Bog svemoguči, z ljudstvom prosim milo.
Trapil se je Roko, skoznuval črez noči,
za nevoljno ljudstvo isprosil pomoči.

7.   
Hitimo se anda na koljena doli
i prosimo Roka kaj bu za nas molil!
Za maršicu našu, naše gospodarstvo,
malo Međimuorje, zemljicu Horvatsku.

8.   
Gda pak bu nam hmreti, s toga svieta 'diti,
o, prezmožni Roko, naj nas pozabiti!
Kak putnik došetuj z nebes po nas doli
i dušice naše 'tpeljaj v nebo gori!

Citat:
(K)AJDE PRI SVETEM ROKU


Pri Svetem Roku
 
Pri Svetem Roku zvoni zvonijo,
veselo vabijo k sebi na breg.
Sod se belijo, friške dišijo               (išče bleščiju*)       
robače čiste i bele kak sneg.     (2x)

 
Doli pod lipom mužika igra,           
trži se krama, vince i sok.
Pije se, zleva, tanca, popeva
kak da to plača sam Sveti Rok.     (2x)


Denes je gore velika meša,
sve je proščenje, Bog nam ga dal.               (svete*)
Si buju došli, skupaj se našli,
nebum ja kakti bogec ostal.     (2x)


Ideme puce Svetemu Roku
bume se zišli kak i navek,
zabili brige, zabili muku.
To bu za dušu blaženi lek.     (2x)
       
 
* (Dekla se mota okoli mene,
dečec bi nekaj lepega štel.
Treba i spiti, rundu platiti.
Gde bum ja tulike peneze zel?)     (2x)



* bis Gjure Kaisera
http://www.index.hr/forum/21/odlagaliste/tema/5473/zagorci-svih-zemalja-ujedinite-se.aspx?p=91

* *  * *  * *  * *  * *  * *  * *  * *  * *  * *  * *  * * 

Kajda - Pri svetem Roku, 03:04

Kajda - Pri svetem Roku

Pri Svetomu Roku – Kajda, 03:36

Pri Svetomu Roku - Kajda
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Hrvatske cirkvene i svetovne popevke Florijana Andrašca
« Odgovori #3 : Kolovoz 17, 2013, 10:50:09 poslijepodne »
Svetomu Roku

Romarska
Harm. Florijan Andrašec


1.   
Dragi krščeniki, posljuhnite mene,
od svetoga Roka povem vam življenje.

2.   
Sveti Rok vam je bil roda velikoga,
gazde štimanoga s francoskog orsaga.

3.   
Njegov otec, hergec, preštimane časti,
dane su mu bile velike oblasti.

4.   
Majka se je njegva Liberija zvala
bez odvetka tužna vnogo let ostala.

5.   
Verno Gospodina Boga je molila
i po velki prošnji ona je dobila.

6.   
Da njoj po anđelu bilo nazveščeno
kaj bu jedno dete od nje narođeno.

7. 
Jošče po anđelu bilo je to znano
da se bu za Roka ovo dete zvalo.

8.   
Gda se ovo dete na svet porodilo,
narodo nevoljnom na pomoč je bilo.

9.   
Tak se sveti Roko gori je othranil,
a blago svog oca stricu je ostavil.

10.   
I gda je navršil četrnajset leta,
genul se od doma potem velkog sveta.

11.   
Predi nego z doma bil bi se otpravil,
japeku, mamici zadnju reč je stavil:

12.   
»Zbogom, japek, majka, moram vas 'staviti,
ar je došla vura mej po svetu iti!«

13.   
Dojde v jeden varaš do jednoga kloštra,
tam je našel patra iz svojega roda.

14.   
V kloštru je kak sluga betežnike dvoril,
črez den i noč dugu skoznuval i molil.

15.   
Potlam išel dale gde je bila tuga,
nad maršicom vladal hudi beteg kuga,

16.   
ne samo maršečka neg' i človečanska,
kaštigala ljudstvo roka je božanska.

17.   
Svetomu se Roku to ljudstvo smililo,
al velku pogibelj ono je čutilo.

18.   
Na koleni klečeč, zdigel roke gori
v velkoj poniznoči Bogu se je molil:

19.   »Odvrati kaštigu, betegov so silo,
o, Bog svemoguči, z ljudstvom prosim milo.«

20.   
Trapil se je Roko, skoznuval črez noči,
za nevoljno ljudstvo isprosil pomoči.

21.   
Dobil je Rok jakost gospodina Boga
da v kužni nevolji pomore sakoga.

22.   
Vnoge betežnike z molitvom ozdravi,
lepo jih podvori kakti otec pravi.

23.   
Kud goder šetuval, vračil betežnike,
trapeči svo telo obračal grešnike.

24.   
Gdo se onda s pravog srca k njemu fteče,
za dušu i telo pomoč najti oče.

25.   
I ti, duša, ako staneš kesno rano
vek svetoga Roka vuzavaj zažgano.

26.   
Sveti Rok pomore vu sakoj nevolji,
v' človečjoj, maršečoj strašnoj kužnoj boli.

27.   
Na denešnji denek anđel mu nazvestil
da bude vu miru on moral vumreti.

28.   
To se je zgodilo šesnajstoga augusta
da je dušu spustil, zaprl sveta vusta.

29.   
Vu velkoj svetosti Rok preminul sveta,
bil je onda ron star tridesti dva leta.

30.   
Dragi krščeniki, eli ste razmeli
vu kom' burno pomoč i ufanje meli?

31.   
Hitimo se anda na koljena doli
i molimo Roka kaj bu za nas molil!

32.   
Za maršicu našu, naše gospodarstvo,
malo Međimorje, zemljicu Horvatsku.

33.   
Gda pak bu nam hmreti, s toga sveta 'diti,
o, prezmožni Roko, naj nas pozabiti!

34.   
Kak putnik došetuj z nebes po nas doli
i dušice naše 'tpelaj v nebo gori!

35.   
Po svetom Roku Bog naj bude hvaljen
na zemlji i nebi na se veke, amen!

* * * * * * * * * * * * * * * * * * * * * * * * *

Kajda - Pri svetem Roku, 03:04

Kajda - Pri svetem Roku
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549