Ševa ` kukuvačinem gnezdu, iliti
Boj za štiglecova jajca
Okupacija vražjega kotla na Dolnem Ruševcu od strane Ujedinjene Breške Emiratov je počela v ranu popoldnevku. Vruči propuh topi salo i podgrejava jajčeca dok švic obleva ponosno čelo i rosnu pivu a za puni ugođaj samo fali negdo kaj bi z kitum maval spod nosa i oko glave. Na svoje su došli tum prilikum navijači Badelove manekenov popularni Zlatni "Vječiti dječaci" kaj su se igrali na travice z kanticum i vodicum a z svojum su igrum animerali i dober tal publike do te mere da su suci morali prekinuti utakmicu, na čas. Za kletu su organizatori najavili da budu samo zajne pripravili peska, nijalke, klackalice, tobogane i druge zanimacije kaj deca vole, tak da jem ne dosadno dok veliki igraju nogomet. Taman da se zvezda omeknula iza brega, Elita bila na pol probe, klima se stabilizerala, ekipa naelektrizerala, piva pošla kak da ju Želko deli za dati gol več je bilo treba pojti domom jel zutra je novi, radni, den. Kaj se organizacije dotikavle, Krpiči su skoro nadmašili sami sebe.
V prve utakmice su Bojsi ostali malo zabezeknuti z veličinum igrališča (Maxx XXL) i klimum na istomu. Tigričem je najvekša briga bila jel se buju dosta zbrojili da se oduzmeju. Samo kaj je na kraju ispalo da je je oduzela klima i veličina trejtega kruga vražjega kotla na "Old chubby buttu". A Bojsi, ti stari rutineri, svoj strav posle pobede moreju preimenovati v "oprez" a oprez je majka mudrosti, za oca se nezna, a mudrost i leta ideju ruku pod ruku. Veliki 5ko ni ni jenoga del, jel to znači da je meša gotova il mu se pogubil trenutek inspiracije, tzv. špurijus... Tigričem zgleda letos jako fale jedno do dva "Š", Šaki&Ševa. Šaki nabija po Kurilovec cityu, nabija i po tuđe kože po cele Lige, a Ševa nabija za Bisere.
Baš da smo pri Bisere, oni su došli na "Old" totalno oduzeti i čak jem ni 15 minut umetničke pauze ni bilo dost da se zbrojiju. Mali Bunci su bili v letargičnem raspoložejnu tak da su i, više-mejne, prepustili podgrijavanje. Jole je videl da nekteri posli jednostalno nisu zajnega pak se zalepil na mrzlu pivu kak flaster i se gledel z sigurne daline. Posle "bute-nebute" Biseri istrčavaju na teren v "mini-mi_čudnovati kljunaš sastavu" pojačani z drugem ešalonom mobilizacije (Pršo&Klasnič). Do je ne pozna nebi je poznal. Jako fletno po početku utakmice nekteri su počeli patiti od čirov na želucu, žifčene problemof, izlevov,... ali utakmica se morala završiti. Vrapci su tekme pristupili majstorski lagano, jel radi "kotla" il (samo)uverenosti v svoje sposobnosti, i dok 4/5 ekipe beži z jezikom do pupka, Straško, najvekši trkač v ekipe, se ni uspel nit ošvicati. A da je pal prvi gol maloga Janka več su se počele kapariti pive na šanku.
Utakmica je odigrana. Buna je vlovila Brdo na spalu, jel kak inače objasniti tri lake komade. Tu vrhunski selektor Buco nit je više mogel pomoči nit je imal leka. Zahuktalem strojem z Bune Major je rukovodil tata Huđber kaj se vešto skrival od uroklive pogledov v ladu štihače. Si su ga čuli- nigdo ga ni videl. Glumci love zamah i pitajne je kulko budu Leptiri mogli pratiti tempo.
Domači su Ruševlani bili potrti od pripreme Lige, den predi su imali masovnu spoved od svega selskoga popa, inače čudo neviđeno, da je bilo najavleno bilo bi zabileženo, evidenterano i podastrto () a da su Bebe zvadile asa z rukava Krpiči su se pogubili kak beli piščenci f šume. 5 igračev nemre napraviti kulko jena igračica, nastala je jagma do ju bu čuval, napadal, i se drugo kaj ide vuzto. Dok su se Krpiči jagmili stari lisjak Slavek je skoristil priliku i podeblal si još malo statistiku- do je jagmil- jagmil je. Na žalost Bebe Zvona je anuleral "jagmu", (il ju je Slavek?), ali piše se bod veliki kak hiža. Krpičem most još ni des ni jasno kaj se dogodilo...
V sudaru precedničke svite i Obadov ovi prvi su prešli gorje a kaj bi tek bilo da Ico ni imal svoj dan. Kak su ga imali i Vječiti dječaci. Ni mala stvar da ti suci posvete tal svega dragocenoga vremena i se reflektore okreneju prema tebe. Zgleda da su se Obadi rešili coprije na crne drese, il su Manekeni prebrikali pod zvezdum. Il su Dječaci prebrikali na suncu. Obadve ekipe podšprajcane z svojemi karavani publike pružile su zanimlivu sliku nogometajna na terenu, i oko terena.
Megdan Ilovače I i Ilovače II je završil klasično, kak i skoro saki vikend odkad je Barišič napravil Vincekom igrališče kak "diku zemelsku". Ilovača je spreroštala svoj postav tak da se skoro ni sami nisu poznali a tri goli kaj jem je dala predzajdna ekipa je sigurno posledica toga. Sa sreča kaj su oni dali pet više. Potencijalni strelec z jenoga od prethodne kol se tulko razočaral v nogomet da ni nit dresa zel of put a negov, i moj, prijatel odmara hemeroide na lukobranu Punta Lubenice. On je isto zdigel nogu od sega. Ilovača II se malo našminkala za "Old" tak da su na utakmicu prispeli i retko viđeni Joža i negov ekipni kolega Vinca, po vokacije tenk, kaj je uspel v gol narivati i loptu i obranu. Jedino su zabili dopelati svoj broj "77", most bi žnem i pobedili, ali mu se za dva tjedne nadam.
I za kraj ona teru su Švabi dobili na zelenem ali, zgleda, zgubili za zelenem. Kravarska je pak bila na dolne amplitude sve forme kaj znalački koriste Švabi i najprije je tučeju z igrum a onda z fauli. Faul po faul penal, penal po penal gol, gol po gol, ono... V drugem talu Leptiri davaju počasni gol i si, zumba, na šank.
Majstor Mrki i negva skromna ekipa kibicov ni gubila vreme nek je i of put da su bili slobodni došla snimat protivnike. I popraviti statistiku šanka.
Još malo pa nestalo a prije nek nestane stvari stojiju ovak;
13. KOLO se igra : 04.08.2013. OPATIJA U POKUPSKOM, 15,30_7SS_La Kupacabana
CEROVSKI VRH - GORNJA OPATIJA - 5-0 za Vrh, po več sprobanomu receptu XĐ
GORNJI HRUŠEVEC - DUBRANEC - apsolutna nepoznanica, još ak vidimo hase z rukava...
DONJI HRUŠEVEC - KOZJAČA - Krpičini šinovi na Badelove manekene, rekel bi da se veliki derbi bu odigral na šanku
NOVO BRDO - HOTNJA - jel Bebe imaju još kakvo `đenje
POKUPSKO - VELIKA BUNA - prednost domačega terena protiv prednosti na tablice
OPATIJA - MALA BUNA - jena kvalitetna, lani su obadvoji obečavali
ŠILJAKOVINA - LIJEVI ŠTEFANKI - dostojna zapirajna kola
KRAVARSKO - biti il ne biti
