Novi Postovi

 Str: 1 2 [3] 4 5 ... 10
21
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 15, 2021, 11:31:43 poslijepodne »
Bo Derek, "Ten"
22
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 15, 2021, 11:31:07 poslijepodne »
Milan Juzbašić - Džeki; Gledam Sisak (a vidim Bok, Palanječki)


9. kolo - 17. srpnja 2021. 15:00, Kravarsko

Mala Buna   -   Markuševec   - do v sobotu more skupiti više igračov i to još v radno vreme

Strezojevo   -   Gladovec   - jel Gruntovčani moreju vrnuti Kravarščanom šankovsku kvantitetu i jel Robijaši moreju ponoviti epizodu protiv Dolnega Ruševca

Velika Buna   -   Donji Hruševec   - tu te vrak *i

Gornji Hruševec   -   Lijevi Štefanki   - Obadi su znali na betonu gubiti igrače jel je ruševečko srce jakše od fizike, Obadi bolovanje a Bojsi GO

Pokupsko   -   Opatija      - bratoubilački, mala prednost Štršanom iako... Tigriči su kak mlado vino, nigdar neznaš kak je šekret dalko, jel preblizu ili predalko

Lučelnica   -   Šiljakovina   - nadamo se da je Joža z Lučelnice prestal crneti da nemo gledeli dva Patrice Lučane, ak je Mika Bradekov povedal svoje zavo leto na Lige prednost Tesarom

Kravarsko   -   Kozjača      - iako je "osakračeni" program zajdna budi nadu da budu si z bliže okolice Križnoga brega potegnuli iako je najavleno mokro vreme zvana a potvrđeno mokro vreme za znutra za Badel, razlog više da se si stisneju v intimne atmosfere Doma vuz nekovu kvalitetnu muziku kaj nezna za pojam "tonska proba" i kaj nezna stati da počme, ona od lani more i letos



Milan Juzbašić - Džeki; Izadji mi na sokak (Toni Tonka, curo slatka, suknjica ti kratka)


Od jedenajste vure do pol četere...

Turnir MNLVG - 18. srpnja 2021. 11:00, Mala Buna

11:00 Markuševec - Šiljakovina
11:35 Strezojevo - Lučelnica
12:10 Lijevi Štefanki - Velika Buna
12:45 Donji Hruševec - Kozjača
13:20 Opatija - Gornji Hruševec
13:55 Dubranec - Pokupsko
14:30 Gladovec - Gornja Opatija
15:05 Mala Buna - Kravarsko

... a posle kaj Bok da i sreča junačka do osme vure na večer
23
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 15, 2021, 12:42:52 prijepodne »
Ovakovu repu nema celi Zagrep
 Pol smo prešli. F Potkupinju novi Macolin društveni dom, f Domu šank, na šanku vese stare kuke kak špeki i da do dojde mahneju z rukum. Ili tiraju obade. Osim šanka v Domu je i Draš, na Drašu fertun, kaj bi trebalo značiti da se nekaj "čvrlji". Reko, Draš, jel bu to kaj k čemu? Veli, moraš probati. Je, tak mi je i samomu; da kuvam za Majmunovo, si su "jeli doma". Igrališče pameti i bole dane, veliju da je podloga zahtevna za zalevajne, voda samo prejde čez pesek kak pezdec čez tange. Išče se mali šarafcegar, imbus 7, torx 2, rolcange i čekič 5 kil za štelanje semafora. I fino podešavajne fine mehanike i elektronike. Na šumske magistrale su se malo zdošle "klupi" od plajnki od pokojne štale a nima je do serviserati. Treba bi je v Nemačku na Institut za stare plajnke voziti a korona je, a štrajk "Kmetijske zveze Slovenije", a B. Veliju punobrojni i mnogobrojni izvori nepoznatoga porekla da je dobro kaj su napravili dom bližeše igrališču jel sat ni ni 500 metri do šanka i ne moraš pisati pokaj si pošel da nebi zabil. Prije si moral čekati ZETov autobus da te otpela do tam, če ni nedela ili gužva. Pak meči masku, pak kondukteri, pak plačaj kartu, pak krivi peron, pak krivi kupe, pak of puši, pak of pijan, pak ova posebe razlejala flašu parfema, ovomu noge imaju duvu, of je doma kisal zelje, of zija non-stop v telefon kak tele v štalska vrata,.. To ni smetalo Ive Domitroviču da potpali svoju novu vozilicu samo radi par pivi, gemišta i vode. Pusti, veli, kaj če su putokazi krivi pak krivo skrenem i zabludim. Ovak bar morem, če niš, prespati v avutu. Tu su blizu videli medvede, po šest metri žive vage imaju. Saki. Glava je jena, * ti to. Na Breške TV se gledi kak si je Dumba nogu strgal. Trebiju se utakmice, z minute v minutu, ove naše, ne one z E-nogosmeta. Fino kakio, može dalje.
 Duba je zmršavel, čudo jeno. Ni ga za poznati kak da je opran v kipuče vode. Saf se skočil. 50% ga fali ali ovo kaj je ostalo brani kak celi. Kak Prva proleterska, pol nas je poginulo, pol nas je ranjeno a z ovem kaj je ostalo računajte kak da smo f punem broju. Tigriči su se skupili v solidnem broju kaj je več više pravilo nek iznimka otkat je vojke preuzel Kalif. Mali Bunci nikak obleči nove drese. Il su jem to za v šumu il su jem to piđame, vglavnem, na Ligu je ne nose. Samo se nosa Crna Legija. Na golu je Mali Zeleni, of kaj mu je gol do ramena, smenil Reniča. Veliju, Reniča čuvaju samo za odlučujuče bitke. I da ga žena pusti siže van, a on uspe pobeči na nogomet. Pomalo se stara ekipa "grupiše", još bi tu moglo biti sega. Straško je najavil svoj veliki "COME BACK" čem doktori v Draškovičeve zdigneju palec gore.
 Ovo se ne pameti još od prije nek je Mamič zel vojke Futačov do kraja v sve ruke da domača ekipa nema kvorum ili da ima mini-mi ekipu na domačem terenu. Da bi Švabi bili ovakovi kakvi su sat Mamič je potrgal dva biče, resovu i za mejni vrčak bažulnakov. Jel budu v Gruntovcu prevladali Presvetli, Barulek, Cinober ili Tetec, jel budu dok se oni ne dogovoriju ili dok jen ne prevlada Dudeku ofce su šenicu popasle i zagazile i jel se bu pojavil kakov Boro da se to pretrgne prek kolena, da ne velim prek *a, hiti v živicu i pojde spočetka. I ovak oskudne ekipice posle kurcšlusa Dumbe pripetila se nova ozleda. Dumbe, Tinče,.. na klupe za ozleđene se pridružil i David Borin. Medo je več na li-la posle nezgodnoga sudara z loptum i jedva čeka da ga žena spasi 28-oga. Stare kuke veliju da oni bi, ali "ni broja". Poprilično je duga i ona klupa za "ozleđene" igrače kaj su na bolesničkomu pomazanju jel je boli *. Ovakovu priliku bi i Bebe skoristile da se domačinu krvi na tenku slamčicu napijeju a kak nebi Štršani vođeni killerom Brunum, ubrzani hitronogem Bašičem i razigravani mudrem Dedum. Zakaj mudrem? Zato kaj je muderost spoj iskustva i znanja a ak ga on nema neznam do ima.
 Posle 2:0 več je Franc vikal, dobro, dosta nam je, sviraj kraj. Pak, kam bi kraj sviral am još nismo ni 3 minute odigrali. Dej onda taj-maut, dej pivu, dej kaj daš samo da ovo prestane. Marko je zagrijavanje počel z jenum pravum lambadum, plesom smrti, prljavem plesom iliti kurotresom, ono, da čas mlatiš z pimpekom po prsima čas po kolenima. Si su Šebeki prešli i zagrijavanje i podgrijavanje a skoro si su i igrali. Skoro na nivou "Pevec grupe" na Turniru Lige na Ruševcu. Veli, slikaj ovo, mali, za bertiju, i napiši "prvi put v povesti Lige četiri z iste iže na terenu v iste ekipe". Na druge strane se ludi pitaju da de je Joža. Brojna svita z ne tak blize Lučelnice pohodila je previkanu ladovinu Potkupinja. A i ladovina je otišla pomalo f * ak jem je trebalo zlejati bar tri gajbe v kiler da bi se oladili. Veliju, Jože je noga pocrnela, skros crna. Si su se mam složili da to opče ne mora biti problem. Veliju, crna boja ti opče ni loša, crna ne boli. Ove druge, * mater svoju, boliju. Crne se opče ne moraš bojati. A, da se nije kalemio? A? Da se nije kalemio? A? Da se ni cepil? Oče to tak da ti se potprogrami posle pomotaju, "plavi ekran smrti", "blesiranje sustava" i tak to... Ma, mi sumlamo da ga je kobila ritnula da je išel pripuščat ali...
 Joža je bil izvan sebe, piva mu se greje v ruke a nemre nategnuti jel ga ovi na terenu * kak kauboj kojna. Da treba iti nutre on ide van, da treba van on ide nutre, motaju loptu po petercu dok si sami ne zabiju gol. Ni to više mogel gledeti, pomeknul se dva metre dale, i pak si ni popil. Mamič je došel za rana, letos ne * sponzorske majce ni 2%, samo z placa. Pogledal je svoj savršeni stroj za ubijanje jel de treba kaj podmazati. I Števa je tu, Gabijev brat, ak budu baš si ozleđeni kak Buč Kasidi i Sandas Kid, da more braniti boje i čast Švabov.
 Veli, dečki,.. najte se opče trošiti f prvem talu jel se kamere Breške TV paliju v drugem. Ste videli kak se potepel gol Marku? Dal je gol na Bune Ilovače samo takov, strajnskomu sucu je pukla guma na gača da je videl kakov je to gol bil, ali kak da se niš ni trefilo jel ga of prnjatar z Kurilovca ni snimil. Ali je zato snimil 800 golov od Ilovače kaj su nas nažbukali kak bosanci štalu. Pejo se oblekel kak Deda Mraz za Badnjak, veli, "crveno obuci". Gorencovi sinovi krečeju kak Markus Gronholm v letečem startu, goli padaju, padaju pete, dijagonale, paralele, vertikale, se fele nogometne geometrije. Se ide da nemre bole biti ali Danijel ni zabil reči babe Atifa stare jen dan; "pustete vi to, znali smo mi i bole utakmice gubiti. Goran Ivaniševič je goli * za nas...". Zmed prve i treče bore na čelu mu se počela javlati druga, videl je da tu nekaj ne štima. Se ide a niš ni normalno kak da je Robijaši navlačiju, kak da se tajiju kak stari lisjak med tremi cucki. Da su se kamere Breške TV prižgale pukel je glas Potkupinjem "Saaat!!! Vataj je žive!" Muža više ni mogel zbaviti zabetoneran na golu sputanoga karaktera i ograničenoga mimohoda. Kak da bi cucka na večer pustil z lanca, on je i bez lopte štel vlesti v gol, "Mike Gunner" ga prati v stopu a gda-gda i prestiže. Ludi se križaju iako se cirkva ni nevidi. Sunce te nesijalo, jel bu ovo kak dan prije Velika Buna - Šilakovina. Još i gorje! Robijaši su izvan sebe, Sinovi su v sebe, si se čudiju de je nestal Goran Bare. Danijel je mam po utakmice išel čestitat Slaveku. Veli, Slavek, osnivam još jenu ekipu, Mipovi mališani, kupujem, kaj košta da košta, napiši broj na salvetu, odnesi tajnice i smatraj to rešenem.
 Bojse se kvalitetneje * kvorum. Rezervno rezervni golman je postal standardno rezervni na golu a rezervno pomočno pričuvno zamjensko pomočni... Se ni pojavil. OPG Gudič ni da bi z * mrdnul i pomogel ekipe v tere je mladost ostavil nek samo žmiče pivu i vrti stare uspomene kak se tu negde kališal pred jeno sedem let. Veli da je traktor otpelal domom ali ne pameti, v ove tjeden dan, jel vrata na garaže zaprl. Oberštrumfbanfirer Kravarske je došel za rana, doma si je čvaknul pol vijagre, i zasel za zapisnički stol otkut je mogel kvalitetno pod*. Na kravarskem rezervnem terenu teroga, v ove više deset let kaj ja ovo pratim, nisu nigdar koristili skupila se lepa vrpa kravarske šprajcerov a bilo je tu, bome, i igračov, razne namene, stanja, statusa i kalibra. Vreme, boli glava, duža klupa, dušu dala.
 Kak da su počeli godišmi na Bune, a, bome, poveda se da je bilo i teško domačinstvo. Mnogi su zalegli na kučne nege, nekteri svršili v kučnem pritvoru, ima i one kaj jem se datum pomeknul a i one kaj su zamrli prije bolesničke posteli. Onaj poduhvat kaj su doma napravili protiv prekjakonezgodne Šilakovine očito je zel danak. Žac si je otprl bolovanje samo za nedelu. Mir, tišina, horizontala, lagana jušica kaj dušu leči, rasol, vreča z dve i po kile leda za glavu, usw. Na 2:0 ni počela padati tuča, nekakva niščetna kiša se počela spravlati ali.., i Glumci nisu uspeli okrenuti rezultat. Deja-vu, premeni svečice.
 Veli, bu nas došlo dvajs`. Je, na zajdnu utakmicu. Pametim ja i bole dane da se i vu vekšem broju na Lučelnice šank otpiral i zapiral, nekakva druga vremena. Obadi su skoristili blizinu (dobro)susedskoga igrališča i brojno pohodili event. Kauboji su Obadom teško pali iako bi po naravi problema trebalo biti kontra. V očekivanju kiše.

Najte kaj zameriti. Do se od istine pomogel.
24
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 12, 2021, 04:34:49 poslijepodne »
8. kolo - 11. srpnja 2021. 15:00, Gladovec
Opatija      -   Mala Buna   0:1
Gladovec   -   Pokupsko   0:4
Kozjača      -   Lučelnica   0:5
Šiljakovina   -   Gornja Opatija   1:2
Donji Hruševec   -   Strezojevo   3:4
Lijevi Štefanki   -   Kravarsko   2:6
Dubranec   -   Velika Buna   3:0
Markuševec   -   Gornji Hruševec   5:2
25
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 11, 2021, 12:00:22 poslijepodne »
Nes...ja...3x7
 Zamalo me šlageralo i prvum prilikum da vidim bivšega šefa pišem prijafka; meknuli su z južne strane "transparamentol". Lako za "transparamentol", nek kaj je to jedina ladovina , osim bandere, na južne strane "Križajne". Pogorelič, samo tak. A Križajna je još navek "klasična" i zgovor zakaj je takva je "klasični"; tu non-stop negdo igra. Došel je i novi rent-a-sudec; dve se utakmice mazal z kopertonom da ne zgorel. Veli, lasi nema od drugoga leta, prije je zgubil lasi nek preodil, Marcel Tutu Kolina je goli pimpekijaner zajnega. Na istočne strane Križajne j krumper, i to ni baš bog-zna-kakvi da se vujnem bez vekšega intelektualnoga i fizičkoga napora more najti lopta, a na severne su iskusni Bunci ostavili komad zemle pod dračom, ionak ovi fudbalije se zmalčeraju dok ideju po lopte, dok je mam posle toga drača rezerverano mesto za vugorke, paradajz, mavune i sl. Do onut lopta valda nemre. Idem posle Lige ostaviti aparaturu v trulu korsu da proste ruk morem nekaj vubiti oko šanka kad eto ti Lepoga Nene nosi v rifuze poker žujine proizvodov, nezna kaj bi žnemi. Veli, jel tu de ima kakov šekret? De se tu ide scat? Ma, reko, tu moreš mam iza ove trule korse, to ti je moja imovina. Kaj da ti avuto zapišam!? Jok, Imbra, okreni se kontra. Idem domom pak na iste dispozicije Lepi Neno v povratku. Reko, kaj si pol vure zapišaval trulu korsu. Ma, jok, to mi je drugi put, dej budi točen. Ajd, sat reči... Tu je Grat sponzor, kaj ne. Da nisu mogli dva toje-toje tu dopelati... Ajd, zamisli da sem z ženum, i kaj sat, kaj bu ona... Ma, reko, zemeš ženu pod ruku i pravac šuma prema Klučičkomu. Malo ti bu problem nazat jel je baš žičara na redovitem servisu ali još navek morete potegnuti prema Grobju ili Vojarne... Ti znaš da ja nosim gelere po sebe još od `91... I, kaj misliš da se pem takov * pet kilometri dale radi pišajna?
 15 do. Bojsi su na 2+golman. Tesari su se fajn  skupili, još se trebi ona utakmica na Šilakovine. Saki su dopelali svoju plavušu, jako lepo za videti. Veliju Pirše staromu, dej se odi presleci, za 15 minut igramo. Kaj se bum preslačil ak nas ne dost. Veli, na fejsu su si potvrdili. * te fejs... Vgalavnem, Bojsi kak 102 plivajuča ulaze v utakmicu z marša v forseranje vodene prepreke. Igra se z dva rezervne golmane; rezervno rezervni brani a glavno rezervni igra špicu napada. Drugi slobodno kruže zmed dvemi golmani kak sateliti. Bojsi imaju šanse za vola vubiti ali ju prerivati iza golmana niti pod "R".- Zlatno pravilo, posle rafala promašajev Bojsov Tesari jem ga mečeju z jene kontre. Onda je počelo kapati. Prilike su se preredile a Tesari koriste raskoš duge klupe. Onda su Bojsi rekli da bi jem bilo dost pak su se prešetali van.
 Mam se videlo da bu tu bilo sega da je Iva Godinič došepal na početku prve utakmice z jakum postavum MIPove manekenov. Gabaritno i iskustveno jaki mam su si napravili mesta do zapisničkoga stola da kontroleraju i igru i suce i ove kaj motaju semafor. Ak kaj pojde po zlu mam se uletava i deliju "vaspitne". Štršani jako jaki, si su tu od dede do nukov, osim 20% bitno-nebitne. Prvi napad, mreža se trese, Rambo vadi loptu z mreže. Par minut posle, ista pesma. Veli Gorenc, pustet vi to, znali smo mi i bole utakmice gubiti. Goran Ivaniševič je goli * za nas. bruno vrača nadu Štršanom ali... Nada je ... Posle kvalitetnoga "gukanja" Štršani su se stabilizerali a Sinovi zgubili motiv, ili jem se nišanska sprava raz*.
 Si Šebeki su došli v drese, si Pefci su došli v drese, i Vaso ga je dobil, i donesel. Najprije mi ni bilo jasno koji jem to * piše na pleče jel nikak nis mogel prevesti. A trebalo je samo prečitati; "Nes...ja...3x7". Futači jedino Števu, Gabijevoga brata, nisu oblekli v dres, i Mamiča, on je pelal prasicu pod bika. Badel kreče furijozno, nametnuli su svoju igru Futačom, Mamičeva arka škripi na se strane dok ju Badel torpedera. Jake snage navijačov, i bivše igračov, Badela tam negde spred bine nosiju ekipu, i mrzle pive. Dok se tam negde oko "kokošara" ni prelomil glas; "Kapetane, preuzmi komandu!" No.1 OFK Kupe dela "Sistem restore" i vrača stvari na nijovo mesto. Skoro saki slobodnjak mladomu Mariju na golu Badela stvara bore na čelu dok se od "kokošara" čuje; -Evo ga!!! Evo ga!!! Evo ga!!! Probal je Marko preuzeti komandu i napraviti rošadu ali Crni je skros ponorel i samo je zabijal.
 Bradekov mali je, navodno, potpisal za Inter, ovaj naš, Inter, zato ga ni bilo v prve 11 Šike. Nema veze dok imaš policajca kaj zabija ko lud. Dok je išlo. Šprajceri Šike se baš nisu pokazali i da ni bilo Buše kaj jem je spašaval čast, bilo bi kak na opere na ukrajinskomu, bez filharmonije. Klupa je druga stvar. Tona je poderal glas i đone dok je pisal usmeno prijafke, žalbe i izveštaje. Isti onaj Tona kaj je jeno leto nosil majcu "Bole iti z beciklinom v bertiju nek z mercedesom na posel". Pogodete kaj sat vozi, a ni beciklin. Onda `Uđberov mali pali raketne matore. Fauli padaju na "rafalno". Da je Beli bil on se opče nebi snašel v opče gužve fauleranja i ozleđivanja. Pod Križajnum je sigurno negde izvor svete vodice jel si kaj jedva zijdeju van za par minut uletavaju nazat nutre kak da bi je z razbelenem šarajzlinom dregnul vrit.
 Ste gledeli Spašavanje vojnika Rajana? Da v jene bezvezne bitke, kakve je rat pun, Doktor popije metak? I sam sebe dela trijažu? Tak je nekaj bilo i v Spašavanju vojnika Dumbe. V jenem driblingu noga je ostala stati na krive strane. Dumba išče mobitel, nazove si hitnu i problema nema. Koja kontrola! Da kontroleraš situvaciju problema nema. Problem je bil jedino kak v maksi selu najti mini ekipu ali to je več jen drugi film, komedija strave i užasa. Šakijev mu(ški)harem je i prije situvacije rešil svoj status, i v utakmice i na tablice. Tak da su, da su zapakerali Dumbu i pripravili ga za dostavu, jene mrzle legle ko budale šamar.
 Novi dresi, mislim, most nisu novi nek su friško oprani. ali... Letos se nosi belo. Si su kak mladenke ili sneje. "Belo mi obuci nek liči na radost, otpri jene mrzle da ne mislim na gadost", ili tak nekak. Osim direktora momčadi, on nosi "oker". Ovekovečeno, Za uspomenu i dugo sečanje, Foto Davidovič, Novi Pazar. Na početku Ilovača zabija prvoga ali Robijaši, ne odma, ne mam, ne sad nek istoga momenta zabijaju za poravnanje. Se drugo zavisilo je kulko bu put Ilovača pogodila il uspela fulati Mužu.
 Veliju Kauboji, nam još navek ni jasno kaj ovi z Lučelnice očeju odnas. Napadaju na Jožu Milicajca, se nas napadaju a nam još navek ni jasno de je problematika. Ali, nema veze... Zutra buš ti videl, zutra buš ti videl fešte. Dvajst nas dolazi v Gladovec. Nemo zeli litru za gemište nek pet. Ali to bu zutra. Des su prekjakoneugodniiopasni Leptiriči pojačani z svojum brojnum kazališnum publikum (ni Jože Domitroviča da veli reč) demonstrerali (nad)moč kravarske škole nogometa. Na alkoholnemi (a)steroidi. Čak niti izleti golmana Kaubojev v špicu napada nisu donesli nekakvu promenu, njem. Da je hitil sidro pred golom Kravarske to bi več bila intersantna i još tero leto spominka vredna pojava. Ovak se najviše napatila šank linija Bune.
 Ludi moji, jesu se oni nabežali. Jesu se oni nabežali, ludi moji, za 0:0, a i mi struje potrošili najne. Takoreči domači teren Male z Bune; to se doletava na friškomu Njufukasakiju bez kacige i z pivum v ruke. Ono, domača atmosfera do jajec, samo još fali domača živačka juva z domačemi rezanci. Osim kaj je to domači teren Malem z Bune to je i jen od omilene terenov Mame z Gornega Ruševca. Of put dekice su izostael ali su zato brižne mame pazile da se Prestolonasledniki ne raspaseju predalko od (dečjega) igrališča. Da je sirena oglasila kraj opče opasnosti od nogometa za Bunu i okolicu malo kaj ni počel vatromet na polovice Male z Bune. Još je jen bod uspešno apsolveran. Podignut je mam bivak na polovice i bez logorske vatre prepričavale su se dogodovštine z utakmice i vrtele situvacije i moguči zapleti i raspleti. Ali, kak je taj čovek v črlenem imena Igor Hrenič branil na golu Vrapcov to več zasluživa posebnu knigu. Ni drugi golman,v.d., stanoviti boksač kaj su ga radi prepoznatlivoga stila zvali Kovač, ni se sramote naužil. Tera mu je got v ruke došla ni mu vušla, tera ga je pogodila ni mu zašla (v gol), tera ga je fulala ni mu naškodela. Gledi Šmajhel, i pati!

Najte kaj zameriti. Do se od istine pomogel.
26
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 10, 2021, 10:53:32 poslijepodne »
7. kolo - 10. srpnja 2021. 15:00, Velika Buna
Lučelnica   -   Lijevi Štefanki   3:1
Pokupsko   -   Donji Hruševec   1:5
Gornja Opatija   -   Kozjača      4:3
Velika Buna   -   Šiljakovina   3:3
Gladovec   -   Opatija      0:4
Strezojevo   -   Dubranec   1:5
Kravarsko   -   Markuševec   4:0
Gornji Hruševec   -   Mala Buna   0:0
27
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 08, 2021, 11:17:47 poslijepodne »
Bila si pri Muje
 V ranu petrovsku popoldnevku šank linija Šike obavla zajdne posle i završava pripreme za Ligu. Lučani su za tu posebnu priliku dopelali svoj pokretni vojnički kazan na kotače "TAM 110" v teroga je zapiknuta do balčaka kuvača z tere se puši bažulova juva. Čak je i prekjakodobra muzika pofalila bažul ali su se vnaprovo ogradili od, trajne,jel ,posledic. Kite na bori vuz kop su potkresane pak pogled puca jako dalko na grobje, tam negde do štihače za samoposluživajne, če ludi nečeju plačati velkomce da grobare. I za razliku od ove let da je "veliko" igrališče zgledalo kak gmajne z teroga su vuki pred pol vure potirali krave letos to več zgleda kak da tu ima čoveka. Kak bi to rekel još živuči Goran Bare, kam je nestal čovek. Trava je pokošena, mreže se nišeju na vetru a prigodno su nakolene i one kaj paziju da lopta nebi otišla v drugu faru če ju kakov raspucani Šiloakovec dregne na pijano z osečajem bez osečaja. Vatrogasci su letos pali kak žrtve "krunske šale", KUDovci jednak. Još se jedino male fudbalije drže kak božji volek za slivov list. Tu je navek bilo vedro i veselo jel je mikroklima takova da mami a sigurno su i podzemne vode tak skrižane da ima loše struje i za mejnu nuklearku, ajd, za frtal vekšu nek kaj je bila ona f Černobilu, da zvezda još razbeli piton, očeš-nečeš, ponoriš. Pametiju stareši tu berbu šamarelic, lovanje za gušu, igranje lovice, lanca probijanca i retke prilike da je nezadovol(e)na ekipa podigla bivak oko gajbe pive nasred igrališča tak da se iduča utakmica nemre odigrati, osim pod posebnemi uveti, ograničejni, merami i preporukami. E-e-e-e, baš kak, skoro, des.
 Des Gorencovi sinovi, i pridružene sile, imaju totalno popunjen program, zaostale utakmice, redovne utakmice, turniri, olimpijske igre, mediteranske igre, igre dobre vole, sto čudes. Ima samo jen prioritet f tem, veli Danijel, pazete mi na Zguru. Nek igra ali mi ga najte forserati ili, nejdajbože, da mi ga do potrga. On sam mora otijti pred popa pred ontar f cirkve, i sam se mora zaj*, kak smo se i si. A ne da ga moraju kumi voziti f tačka i potpisavati se zajnega, pak da smo si do groba na noš. A, Tigrili, ludi moji, a, Tigriči! Kak mački. Veliju bila je svadba na Opatije. Prava "starinska domača svadba". Svirala Grupa San Virovitica. Dale niš ni treba reči. O te se svadbe još leta i leta bu povedalo kak se i jeno leto pol Lige govorilo za dete kaj se na Kravarske rodilo. Čak su i najokoreliji manekeni Zagrebačke pivovare pod pritiskom posledic svadbe premenili tabor i potpisali za "Jamničku kiselicu". Jen čas. jeni drugi su pak potpisali za Zenunija. Veli, Kiki, kak tak moreš lizati taj sladoled, još bu i mene došlo, da se zdignem i otijdem pojnega. Ližem da mi leže zajde, veli Kiki.
 Teško donačinstvo ostavilo je traga na Bojsi, iako su povlekli z rezerve rezervu Mamič je okrenul broj z Stockeraua i Dolersheima i pozval dodatno dodatne snage. Veli, * te, ak se ovo ovak nastavi nam ni 25 igračov, iako je ni blizu tulko nemamo, ne dost. Am to ni američki nogomet. Ili kak ide ova reklama sat da ak kupiš kutiju nekakove metkov dobiš kutiju prve pomoči zabadof. Još bu došlo do toga da ak igraš v Breške lige dobiš osigurajne, pet kil gipsa, štaku i rezervne kotače za invalicka kolica gratis. Belomu su još navek jajca natečena i f krive boje, kazal mi je slike z rengena. Oditi more, bežati nemre.
 Završilo je tak da je Pavel pital, kulko je, jesmo pobedili? Ajd, dobro, fala * na udarcu. Utakmicu teru su i Bekem i Zlatni prepustili a Puki ju je rukovodil telepacki. Na druge strane Jura Špetrekov je zasel na vruču klupu Ilovače i probal telefonerati tam de ni signala. Signali su jako bitni. Jen od bivše ak ne i bivši ak ne i prvi da ne velim najprviji golmana Ilovače, kaj je v povesti Lige zapamečen po tem da si je za vreme utakmice v Dubrancu naštrajlil da ne `tonul pri golu, da se još igralo "dole", pri Potočiču malenomu, sel si je mam da je došel iza gola. Veli, nekak mi se dopada da osetim kak lopta ide prema mene, tak mi je kak da još navek igram. I Žac je imal čudne signale. Reko, Žac, za koga navijaš? Mili, veli,.. Kupa mi je telo, Ilovača mi je duša, to su moji. Sem ti povedal kak smo počeli, ne..? Pametiš, ne? I mam po utkmice Žac se distanceral od ove kaj vodu pijeju i otišel med "svoje". Na gajbu Pramenov.
 Navek je dober znak da si rezervnoga golmana mam na zagrijavanju česneš z loptum v jajca. To ti je kak da ti se božji volek zaleti v oko čez otprtu šajbu od auta dok ideš loto uplatiti. Dobro je kaj vu te situvacije imaš orginal golmana kaj je zapravo v.d. golman ali to opče ni bitno. Bitno je da je žena Sovu pustila na utakmicu, ak opere posudje, dve vešmašine veša, razvesi veš i narani svijne. Sova bi pal več na prve štenženice da nema dober 4G signal i memoreran broj od kuma, vi ga ne poznate, kaj voli VAR tehnologiju i filme stare holivucke produkcije. Veli, žena, mi,.. ja sem ovo rešil. Jel morem sat? Moreš. Drugi tjedem kuvaš obed. Ja ti obeda nem kuval! To si ti rekel... V drugem talu je rezervni golman postal glavni golman a glavni golman postal igrač jel se videlo da su je Gorenci dosta siluvali i da je sejeno do ga bu dobil i kulko ga bu dobil. Malo morgen.
 Mali Bunci su isto imali velike plane z golmanom. Veli, glavno da ima lepe tenesice, majcu i da nezna kaj ga čeka. Si rezervni i v.d. golmani su se zgovorili jedino Bibi ni imal pojma vu kaj ide. A i več je sigurno zabil kak je na Kravarske probal pomeknuti gol z "špičokom" a igrom slučaja baš mu je "grah pao" na Kravarsku. Pol ekipe više ne pozna, ni svoje ni nijove, ali je je upoznal. I svoje i nijove.
 Ono da ti lopta oblezne se stative i prečku i da ti ne zajde nutre trebalo bi značiti da tu takmicu neš zgubil. Trebalo bi... Ali ni. Obadi su se lovili sredine tablice i ne puščaju. Tigričem je prešlo v naviku da gubiju minimalno, ali gubiju. Jen mladi Obnad je z glavum probal gustoču šilakovskoga pitona i solidno je prešel a da je teri stereši, bez obzira na ekipu, veru, spol i naciju, to isto napravil, na lopate ili na rogla bi ga odnesli. Kak da avuto pogazi mačka. Dok Kalif tira biznisa v Kalifatu je raspašoj.
 Borba prsa v prsa, Sava Kovačevič na Boška Buvu, Crna Legija na PTS, Valter na Sarajevo, Ljubiša na Batu Životinju, šesta lička na prvu proletersku, Daihatsu na Seng Jong, Lada na Tavriju,.. Videlo se da vu te utakmice bu štofa jel su se šprajceri Kaubojov jako rano našli z litrum i vodum v ruke na terenu Kocke cukora. Komu ni roza megla zasvetila oko šeste vure popoldan taj ni nezna da se kuruza kopa a bome ni kaj znači da 92% selske Brebričev hodočasti nekam. Nekaj je divle v zraku a ni od bažula. Opča navala i provala je bila da su jem suci zabili gol z opsajda z igračem previše z slabo napumpanum neregularnum loptum. Mam su jem išli pokazati kak se Markuševcu drva nose. Da posle jenoga flipera, ali regularnoga, se 5, se po PS, ni da bi A rekli, jen od 92% selske Brebričev, a ni ni jen moj Rođo, zabija sucom, i zbija dva bode Tesarom, z tribine su se počela drva nositi rafalno. Ima jen problem a taj je da klupa Tesarov ima sliku a nema tona tak da misliju da se drva (od)nose na Lučelnicu. Posle utakmice po semi regulami fer pleja Števa ide v snoboke po dodatna pojašnjenja "v plavi Saloon" Kaubojov a nezna da je letos kineska godina Pokvarenoga telefona. Najvekši diler "drvi" gledi Števu i nemre prebiti kod na terem of pripoveda, kak da je se v šiframi. Veli, kaj ovaj oče, kaj me napada, am ja žnem nemam nikakve veze, čak ni slabe autobusne.
 Došel je Franc. Rekel bi Dado Gobac; Srebrne svinje lete kroz prozor, gledam sience fiction bal na votki. Of put je bilo na pive. Onaj osečaj da pobediš bivšega prvaka v zabijanju čavlov v zabijanju čavlov. Sigurno dober osečaj. Pefci fletno delaju razliku a Glumcom suci nedaju da se razmašeju, režeju je kak gladni v Afrike čevape. Taman da se činilo da se moreju vrnuti i protiv Badela i protiv sucov Pefci pak zabijaju. Marija na golu Badela prebiti niti pod "R". Ajd, da ga još fulaju, most bi još i bil gol ali saka ide vujnega kak f kuminu. To je valda genetika, ili to tak dojde po mesecu, i mati mu je imala taj dan pretplatu na loptu. Da je on Marija, a ne Marijo, v prve minute utakmice bi ostal v drugem stanju. Ovak je ostal v blaženem stajnu, golmana pobedničke ekipe. Šebeki su `zostali, oni ili igraju si il ne igra nigdo. Martin je glumil Fabija Kapelotija, i Ivicu Kosteliča na bolovanju. Buna si je priuštila bivšega-bivšega golmana. Kaj reči? Mora trenerati. 5% je talent, 5% je trening a 90% je sreča (kombinacija pive viška i titranja mase v jedinice vremena kroz nasumični put puta slučajni pad plus refleksni trzaj krivum rukum kroz broj odskoka od podloge).
 Veli Pejo, paperi su gore, predal sem papere za penziju, probal sem ali nejde. Imam volu ali kakov steziman me bu na golu fundal z loptum. Buduči da Šika igra doma išče se karta više, iščeju se veze da se bar malo proba asfalt. Nigdo nezna do je izbornik a Mrkiju je laket poplavel kulko su ga netezali. VIP loža se malo jako puno preredila, il više ni IN il je više OUT. Znameniti Šilakovci, i Bunci, su se razmileli oko igrališča kak Rakova deca, nemreš je pratiti, osim ak ne zanemariš Događaj godine na Šilakovine, alias "Šilakovina na Šilakovine". Muža je napravil se kaj je bilo v negove moči, tera ga je got pogodila odbijala se odnega kak od štagla (to Pejo nemre), napad je poginul da ga kvalitetno zatira med stative ali Fortuna je ostala i gluva i slepa i nema na nijove vapaje, da ne velim krikove. Od Apsa "mali" je letos premenil relativni put Šike čez vreme i prostor gledeč efektivni rezultat. Ni to napravil sam ali razlika se vidi. Ko kad Pejo ni na golu Robijašev.

Do se po istine pomogel. Najte kaj zameriti.
28
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 08, 2021, 12:07:04 prijepodne »
Da je počel dragi crtalo metati

7. kolo - 10. srpnja 2021. 15:00, Velika Buna

Lučelnica   -   Lijevi Štefanki   - sobota, prva, kratki jeni, kratki drugi, nek navijačice odluče

Pokupsko   -   Donji Hruševec   - ak ne dojde Bekem, ili Puki ili Pek budu morali zasukati štumfe

Gornja Opatija   -   Kozjača      - Mamič f problemu, Manekeni imaju malu ali postojanu ekipu a sobota je, most ni Maminjo ne dojde

Velika Buna   -   Šiljakovina   - bratoubilački, negda je gorje bilo samo na Mala Buna-Šilakovina, ak je Ruzlin branil

Gladovec   -   Opatija      - Gruntovčane * kvantiteta a Tigriče kvaliteta, gol razlika u * te *, susedi na tablice, ak ovo ni derbi...

Strezojevo   -   Dubranec   - Muža ima sreče kaj bi Ilovača štela "na finjaka" tak da se, most, ne puno i dugo patil a Mika je več nafčen da ga strelaju, ak dojdeju f priliku za priliku

Kravarsko   -   Markuševec   - krvi do kolena, koleno strgano, noga stoji naopak, doktori se čude

Gornji Hruševec   -   Mala Buna   - jena lagana za smiraj dana, dok Pilek vuz instrumental od vuru i pol pozdravla se kume i kume



Mislila sem grunt i hižu dati

8. kolo - 11. srpnja 2021. 15:00, Gladovec

Opatija      -   Mala Buna   - još jen derbi ali prejako je rana i šank linija se ni dost zagrejala za nekakova ozbilneja uzbuđenja, a most se i iznenadimo

Gladovec   -   Pokupsko   - je da su Gruntovčani doma ali Štršani rasteju kak ekipa, bez obzira na tablicu

Kozjača      -   Lučelnica   - repriza Štefankov, samo je pitajne tere utakmice

Šiljakovina   -   Gornja Opatija   - do prvi pikne, piše mu se gol

Donji Hruševec   -   Strezojevo   - bratoubilački, samo je pitajne kak bu teri brat prešel, jel bu bracki ili po pol

Lijevi Štefanki   -   Kravarsko   - papernati derbi, v naravi Radnik-Istra 1861

Dubranec   -   Velika Buna   - znači, tuča pada, idemo prekinuti, neeee, vodimo 2:0, drž-nedaj, Sanda Dubravčič - brončana medalja v umetničkomu klizanju a posle bi na programu kak zajdna trenala biti ona de Bojsi dolaziju direktno ze šanka i osvajaju srebro, mam posle Sande Dubravčič, ali to je bila jena druga lepa pripovest z relativno malo svedokov, živuče

Markuševec   -   Gornji Hruševec   - dost je kesna, ak je v riti zakipelo mogel bi nosač avijonov postati podmornica


...Ali sem se odlučila dati ono kaj ni sopun...
29
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 04, 2021, 10:53:53 poslijepodne »
6. kolo - 4. srpnja 2021. 15:00, Šiljakovina
Donji Hruševec   -   Opatija      1:0
Lijevi Štefanki   -   Gornja Opatija   0:4
Dubranec   -   Pokupsko   4:3
Donji Hruševec   -   Gladovec   3:1
Mala Buna   -   Kravarsko   0:8
Opatija      -   Gornji Hruševec   0:1
Markuševec   -   Lučelnica   1:1
Kozjača      -   Velika Buna   3:2
Šiljakovina   -   Strezojevo   2:1
30
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Srpanj 04, 2021, 01:06:57 poslijepodne »
Slađana Svirković: Nad šankom osoba se nadnela
 Moraš pojti raneše, v rujnu zorju da zbegneš i kompenzeraš vožnju f kolone iza traktorov ili pak iza pokretne ležeče policajcov (penzioneri terem je predužena vozačka dozvola na do "tri točkice" tak da se ne moraju po ceste pitonerati kakove klade nek ovi brenzaju promet de got očeju i stigneju). I konačno dojdeš na "Face of the place" a pod rastom vuz igrališče diskretno vuparkerani sva mali fergusoni, "navitlani", tek su prije dve vure došli ze šume. Romantika, u * te *. Taman sem prispel na šank da čujem kak su se prije po svadba krale torte (Gradiče kradneš tortu a na Kravrske te očeju vubiti, nis bil spočetka, teški su to osečaji). Na jenem kotlu "Pahuljica" meša meso a na drugem Mirta bažul. Nekaj slično "grahu", ali se mam na oko vidi razlika. Kak peraje i gumene čižme. Veli, z Piršinoga vrta, još svekrva nezna da ga je sneja friško pobrala. Samo je slama, bažulinje, za baleranje ostala. A i to je dobro, da se krava teli, veliju. Veli sneja da do ga bu tržil taj ga bu i mešal. I tak... Nemreš z Mirum reč reči samo beži bažul mešat kak da ima trčkalicu. Veli, i ja i Pahuljica jednak mešamo a negvo je 20 kune a moje je 5, dej sat reci. Ma, reko, dej ti prejdi na obračun po komadu kak i on. Ili nek on meša za iste peneze i svoje i tvoje. Da ne bilo da sem ga ja prepovedal ali,.. ni gram mesa ni sfalel ali kila kruva se "potočala" samo tak. Došel je nekakvi začin za bažul kak da ga je krstila zvezda "švedskoga akcionoga filma", Robin Hot. Veli, dva put te peče, prvi put da ješ a drugi put zutra dan, ili most još i isti dan ak su ti brava i panti na zajdnemi vrati za *. Igraju Bojsi na niske strasti; najbole konobarice f selu su priredili, friške frizure, najbola garderoba, friška farba za nofte ali veli Miro; dečki, rođendan je na Lučelnice, svadba je na Opatije, nis baš nekakvi optimista... Veli ponosni vlasnik "navitlanoga fergiča", idem samo otpelati traktor domom i sat sem ja nazat. Reko, jel buš stigel? Ma, ono ti je prvo moja hiža, samo ga zapelam v garažu i zaprem vratam sat sem ja tu. Je... Da nisu došli Števa Kiflinček, Mija Grom i Števa Tišlarov i zaštentali ga četiri utakmice. Ali, kaj je da je, prije noči ga je on parkeral v garažu. Ak ni pak trknul vepra putem... Aaaa, mušic, dragi te kamenčič *... Na Pokoskem ordineraju "očne" a ove Štefanke su "grčke". Čem otpreš zube več ti je nutre.
 Obadi su z Novoga Brda zeli najbole od najbolega kaj su mogli. Prethodnica Tesarov je hitila sidro na šanku još prije dve vur i ne gibleju kak ni Velebit. Obadi imaju skromno zagrijavanje pod sunconrani dok Tesari davaju prednost hlađenju. Da su ovi z trejtoga plana Tesarov počeli zabijati rafalno utakmica je dobila jednosmeren smer. Dok ovi pošeteno zabijaju ovi je z prvoga plana pošteno * na nacionalne osnove kak imaju velika vuva.
 Dobro kaj je bila skoro prva. Da je bila skoro zajdna, pak krvi do kolena. Na milicije su Levi Štefanki na gorjem glasu nek Dubranec. Došla je pojačana patrola, skoro cela smena. Veliju. teri je onaj črni, v dresu Šilakovine, da ni izbeglica!? Ma, kakvi, taj je naš, vele, zaspal je dole na plaže pak je zgorel. Od prekčera vjutro do čera na večer... Ak su konobarice na "max" ekipa je "min". Benija "žilci" malo jakše *. Dobro kaj su Bojsi mladi pak moreju bežati kak navinuti bez zamene. Veliju Glumci dej nas naj snimati po dva put kak prije. Dečki, reko, ak dobro pogledate videjo bute videli da je na jenem podloga trava a na drugem piton, znam, ležal sem kak mrtvec na tem, jen je z Markuševca a drugi je z Pokoskoga. I pak sem zabil stisnuti a i oni nisu bili sigurni jel bola Buna il Babina Greda. Jen tesni rezultat kaj jenem ne jamči da budu pobedili a drugem da su zgubili. Trajala je ta ogorčena borba skoro pol vure dok suci nisu prekinuli tu patnju v polju riže.
 Iako se Čapa po Polane pred dva tjedne žalil da ga žena ne pusti na nogomet zgleda da je na poštede of tjeden. Malo je bil vekši problem najti Leve Štefanke a pogotovo igrališče vuz glavnu cestu. I ta je nedoumica uspešno rešena. Ekipa je očito imala jakši trening i visinske pripreme jel je je anticiklona malo konkretnije načela. Tesari drže utakmicu v ruka, kak zajdne 20 kune za mali pelinkovec samo... Števa, bunski, br. 69, se našel v krivo vreme na krivem mestu i v zajdne minute golman ga je napucal v krivo mesto i lopta se odbila v krivo mesto tak da su Vrapci mejnali dva golube na grane za tri vrapce na grane. A i imali su šemsu za penalizaciju osem minut prije kraja ali Števu nigdo ne shvača ozbilno. Dečki, veli, imaju pet faulov, idemo na penal. Tek da se Hrvoje uspel svojski zboriti za loptu i opasti kak z neba Čapa je dobil priliku za fulati golmana. Ali ga je pogodil v centar. Da ni bilo Števe...
 Skupila se lepa vrpa Kaubojev oko terena, skoro kak negda na Cerovskem. Pogotovo je je razveselilo da je Bartol par put pogodil gol. Je da je i par golmanov poslal na bolovanje ali to su Mamičevi problemi. Najprije su mu rešili jenoga dupliča a onda je i Beli ("-Mario, ideš ti na gol ili ja? -Odi ti...) fasoval prolaz ubrzanoga teretnoga vlaka prek svoje kože, par put. Mamič na sto muka, Mamič vu sto briga, Mamič vu *. Ionak tenka klupa se rastopila dok si rekel "šeraf za drevo z križnum glavum".
 Došel je kum Zeko pogledati jel ta Ilovača još kam more otkat on ne igra jel ga negov poslovođa Tajson informera poprilike kak da bi gluvonemi slepec svedočil na sudu. Kaj se dotikvle Gruntovčanov situvacija je teška i za*. Sova je v kučnem pritvoru, Tinča se, kak čujem, kvalitetno demonteral, Matija je pak v.d. golmana, Kosta se priženil v drugu ekipu, rekli bi, tuga, moj jarane. I onda jem se dogodi "slučaj Ilovača". Messi je skoro dal svega drugoga letos i još ga, navek, dva deliju od negvoga proseka od tri komade po Lige.
 Robijaši su se pogubili v ove Kojzačke oluje ili Badelove revije. Imali su snage za počasnu salvu ali cela utakmica je pripala Kozje drage. Sam Bok kaj je gabaritni Muža stal na golu i kaj ga je, ovak, dost teško fulati, jel bi most rezultat bil i pozitivniji. Za Badel.
 Utakmica tera je bila tak dobra i napeta da sem se zabom zabil i zabil potpaliti videjo nek sem je samo "izudaro" slikama. Štršani su v nedostatku Zlatnoga mobilizerali Bekema jel ionak pozna teren. Naime, on kosi Mirinu i Tijačevu autonomiju. Da je Bekembauer na klupe nema zaj*, pristup je profesionalen i se je okrenuto rezultatu. Jožin i Mrkijev stroj za nogometne egzekucije se sam vodi i navodi a Mika Rakov mu je kak nitro. V autu na struju. Došel je i KL pogledati kakva je trava v LŠ. Veli, prinjem bi ovakvu krmu zlatom platili, da imaju i jenoga i drugoga, il jenoga il drugoga. Nažalost, ili na radost, v teru ga ruku zemeš, se žive utakmice des završiju nerešeno a jednosmerne rešeno.
 V druge utakmice denes su se Obadi namerili na Leptiriče teri letos imaju velike apetite, bar tak zgledaju. Kravarska je Kravarska ali dvaput je dvaput, iako su igrali i prvu i zajdnu. Onaj teri se zakeli na situvaciju z napada a v inzisteranju na iste zabi igrati obranu...

Najte kaj zameriti. Do se po istine pomogel.
 Str: 1 2 [3] 4 5 ... 10