Autor Tema: 16. MALONOGOMETNA LIGA VUKOMERIČKE GORIC 2019. – MNLVG 16.  (Posjeta: 31307 )

0 Članova i 2 Gostiju pregledava ovu temu.

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #15 : Lipanj 22, 2019, 07:19:24 poslijepodne »
Apsolutno romantično, fatamorgana
 Kaj bi povedali, do je krif? Bela baba ili črni cucek? Do bi rekel da bu na dan Ivana F. i Tome M. vrak kola baš ober Novoga Brda zesipal... I da je po rasporedu za trejte kolo prva bila na sporedu Gladovec - Lučelnica? I da je Šika - Legija odgođeno za nektera bola vremena? I da bu po Ruševcu raskrivalo iže? Ali kak to v Evrope je, po evropske pravne stričevine, navek se počme od početka, nebudi vam potuženo. Tesari su dokurili pol vure prije da bi se dobro podgreli. Za razliku od Gruntovčanov kaj su došli "pet do dvanajst" i još mesto da se podgrijavaju za* Lučelnicu. Taman da sem dolazil ide z kontrabajsa Dragan Đajič na malem fergusonu i vozi stole i stolce. Reko, Đajič, (ovo mi se dopada, da ja pišem, navek ispadnem pameten) bilo bi ti bole da si dopelal suncobrane i šatre mesto stolcov. Ajoj,dej budi točen, am mi toga imamo na hitajne. Buš videl. Veli on. I skoro je bil v pravu. I krivu. Kokošar je mislil da si konačno bu nekaj prislužil jel na Nou Campu nigdar ni omanulo. Reko, idem malo pod* Gruntovčane na igrališče pod suncobrane. A onda je počel rokenrol. Lučelnica je prva skužila de pes jajca nosi, prijnemi tuča valda pada saki den, i vlovili su priliku za kulturnu eskivažu a mi smo ostali zarobleni pod suncobrani. Kaj imaju šiberdah... I od tud smo se sega nagledeli; kak se pod krovom pri šanku pive pijeju (Tesari su uspeli plasiknuti dve runde još pri zagrijavanju), kak kokošar pokriva imovinu i na vrh meče produžni kabel, da ga veter ne odnese (am navek v avutu moraš imati rezervni kotač i 5-6 kvadrov domače izrade baš za takvu prigodu, ili silu), kak nam se boja obleče mejna z "suvo" v "mokro", kak se "fi" tuče mejna od lešnaka do oreja i nazad (nekteri budu tukli i z kokošini jajniki i purinemi jajci, pak nojevemi jajci i kokosovemi oreji, i to su oreji, ne, z tikvajnami i kotači od FAPa...). Videli smo mi da naša enklava ima po ovakvem vremenu mejne šanse da opstane nek Srebrenica i onda smo si `rabro zakoračili v kišu. I dobili po *. Ni ovo prvi put da ona tuče po Lige na Nou Campu ali je prvi put da ovak kvalitetno mlati da nijena utakmica ni odigrana. Rekel bi jen poznati i priznati opegejec, * ligu, ode mi trsje v MP3... Đajič je samo gledel kaj se događa v režije i za zapisničkem stolom. Veli, ak je odgođeno, nosimo odojka van i gotovo. Ak se igra, čekamo i * mu *. Posle miga z Ministarstva za obranu od tuče, odgađajne utakmic i nošejne odojka Đajič je spalil tri rafalne plotune ze svojega priručnoga žepnoga topničtva, mrknul z batom v gong i viknul; - Nosi ga!!!. I onda su ga oni donesli. Išla je (ne)predviđena večera v tri sleda; najprije sira samoga, pak odojka i na kraju gulaš, od šumske plodov, presečeno z plitkem jarkom domače kaplice ili slubleno z prefinem Vukovarskem, a garnerano z raznemi maštovitemi prilogi. Odkad su Miši osvojili prelazni pehar nisu prestali slaviti. Veliju, dok je prinami mi slavimo. I još vele da ak kaj ostane od gulaša budu ga pritopili za tork da si moreju probati, niš mu nebu. Odojek ne do onda preživel... Fizički i tehnički. Onda je trebalo pojti domom... Šta je ovo, kru te *!? Amazona teče po ceste ze sela v Boriščak. Jedva preživel. Da je tu kraj... Pri semišču spod Kravarske, tam de je negdo trknul lisicu, ili lisjaka, nis se išel pod rep nagledat, tenkovska vodena prepreka. Jel to teče prek ceste z Buredela ili v Burdel? Most ni gaz pol metra ali ima ga. Fala Bogeku kaj sem si kupili prigodno amfibijsko vozilo, kaj me ni ostavilo na pol Burdelskoga jarka, i kaj sem si još jemput denes opral noge. Ak se ovo nastavi treba bu v Rusiju otijti po nekakov ZIL, VAZ i UAZ. To bi trebalo rešiti taj problem.
 I kak to navek da čovek, dobro, ne baš čovek, zabi gasiti kompresor of se baš saki put vužge ob dve vure popolnoči? I zbudi selo. A of kaj ga je vužgal krmi kak i Hrvacka akademija znanosti i umetnosti.
Najte kaj zameriti. Do se još od istine pomogel? Da pijem kolu pišem gluposti.
...
- In kola veritas!, povedali bi stari Glagolji. Na to se zdigel od šanka i svoje bondovski počrnelo lice uperil prema mene Mamič; - Kaj ti driščeš, tuljan, foka kurilovečka!? In vino veritas, rekli bi stari Latini. Na te se reči z čoška podigel Bledi Lik i rekel; - * vas * pijani zalokani... In piva veritas, povedali bi stari Čirili. Na to je ze šekreta zlezel Sv. Savo Štrpčef; - Kaj Veritas!? Komu Veritas!? Zakaj Veritas!? Da vam ja nebi dal Veritas! Onda je počel zasukavati kratke rukave i potfrkavati lačevice na bokserica...
Onda se zgasilo svetlo, tu i tam opala kmica, nekomu i mrak, a berba šamarelic je bila v punem jeku.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #16 : Lipanj 23, 2019, 10:11:41 poslijepodne »
4. KOLO se igra : Donji Hruševec   23. lipnja 2018. 15:30 -
Gornja Opatija - Markuševec 0:2
Hotnja - Dubranec 0:3
Novo Brdo - Kozjača 2:1
Cerovski Vrh - Opatija 3:5
Gornji Hruševec - Gladovec 1:1
Pokupsko - Donji Hruševec 1:3
Strezojevo - Velika Buna 1:2
Lučelnica - Šiljakovina 0:3
Kravarsko ---
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #17 : Lipanj 24, 2019, 01:15:52 prijepodne »
Zaporožec CC, ful, osim kože
Blejk Karington si je baš premišlal kak bu mrknul Đefu Kolbiju, kaj mu je zmrdal bivšu žanu Aleksis, 145 milijardi dolarov da mu se f sobu pripetil sin Đef. Veli, stari, * te *, of tvoj sin, a moj brat, Stiven se čudno ponaša, kak da je peder. Veli Blejk Si Si Karington, dej naj bedastoče povedati am se več šest put ženil, tri put z muškemi. tri put z ženskemi, smo mu si bili na svadbami. Da je kaj žnem v neredu, da se propederil, am bi več negdo videl. Kaj ima novoga? Buš škropec popil? Veli, ščem škropec? Z vinom ili z vodum? Am smo mi bogata hiža, kaj bedastoče spitavaš... Veli Đef, dej mi onda poškropi vino z vodum. Očeš pol-pol, ha? More, dej. Ili očeš 2 v 8? Oču. Kaj si rekel kaj buš? Niš, nis žejden. Aha, nis te razmel. Sem mislil da niš nečeš. Bum vodu. Da ti znaš kulki ludi od vode miraju... Onda bum vino. Očeš ono kaj si mi pred pet let za rođendan dal? Si točen, am to ni cucki nečeju piti... Onda ščem da te počastim? Idem na operaciju, budu mi slepo oko zvadili, pak bi trebal pol litre krvi a znam da imamo istu krvnu grupu, pak sem došel pitat jel bi mi dal? Dobro, posudil, ajda... Čega? Guzice, čega! Očeš gverca? Imam pol litre tri lete iza frižidera... Imaš beloga? A-a, z cvebum... Stari, to si sam pij, od toga jedino moreš dristu dobiti. Imam i dva deci rakije od zelene sliv iza ormara... Kaj očeš da grižu dobim i od toga parnem? Kaj si za Stivena povedal? Da ima novu flizuru. * ga vrak pišek, am ne mora cela opčina znati da je letos bila plača v naše kompanije, se mogel drugo leto iti štrigat v drugu faru... Nigdar taj ni znal z penezi, a kaj da ti povedam, znaš i sam. Pred sedem me je let pital da mu kupim cigaretline. A de su ti oni kaj si dobil da si se fermal? Popušil... Vužgal!? Dečo moj, tak se ne žive, nem ja tebe sako leto kupoval škatulu Opatije. Da je nisi popušil još bi je navek imal. I nebi mu molci zašli v žepe... Točno! I nebi mu molci zašli v žepe... Kaj veliš de su SemiĐo, Kristal i Samanta? Mene se čini da se kurvaju po selu. Ajd, da i one kakov dinar doneseju fižu...

 Komu bi zafaliti na kiša free danu? Ivan Krstitelu, Josipu Cafu., Sidonije ili Zdenke? Mislim, ni baš bil total free. Od Kušanca do Male Bune dere, fala Bogeku, "brisači-na-3", veliju prectavniki 8 sile da je i Kravarsku dobro vumilo a, bome, i Gladovec se smočil. Zgleda da smo mi svoj fasung popili čera. Na Ruševcu pak nekakova kemija vlada, kemijske tiple i tak to. Fajn se sveta skupilo, ovi kaj čera nisu stigli penezi potrošiti na Novem Brdu skoristili su priliku da se rešiju te stvari kaj je žuli, ili svrbi. Če mislimo na istu stvar. Muzika je demonterana v Dom (čemu inače Dom služi), pred Domom suncobrani, šatori i tak to, ober šanka i stolov jednak, jedino je semaforđija ostal zakinut, i pod vedrem nebom. Da nebi bilo da su si zakinuti, nekteri su i okinuti (z loptum, istina ne med jajnike kak v Gladovcu), kak bi to povedal Đim Keri v filmu "Glup `gluplji"; - Opal sem z utovarne rampe za avijon. Pak. Tu su bile i krvničke borbe oko muzike; ova u-životna protiv CD-benda protiv USB-simfonije.
 V Markuševcu su videl da ak ne naprave totalnu mobilizaciju kola se nedu genula z gliba na početku lige. A ak prepustiš početek bole da nisi ni igral jel posle da se si sprakseraju teško da buš komu bod scukal ze zubi. Joža se moral sleči, veli, šume komarcov za zaklati, nesmeš stati. Švabi su se ponovili, veliju, zeli dve plavuše na akcije, model Brigite Nilsen v najbolemi dani. Tutu su pak počele loviti žele za ausflugom, mogel je pocicati još teroga, da ni bilo sreče. Veli Maminjo, bu bole. Da nas vuk poje.
 I to da vidim! Da igraju Velika Buna i Argentina. Ojtna skoro kompletno kompletna, nekakovi autsajderi z ruba nogometnoga spektra (kak bi Precednica povedala) fale, kaj su do sad držali kičmu ekipe. To lepo, mlado, novo, speglano, upraf neznam kak jem ni žal friške drese fundati. Na druge strane došli i konobari, Lukafčani, Šekiji, i of ostali inventar. Saobračajec na golu Bebe se začuđujuče dobro držal dok ga nisu načeli kum Zeko i Konobar. Onda je Savet samoupravljačev donesel jednojajčanu odluku da se uvede v igru Messi da stabilizera istu. I Messi je to napravil kak nigdo drugi nebi.
 Letošni dupli domačini su probali parerati raspoloženem Kojzačanom, čijega kibica su neimenovani izvori nastojali držati dale od zapisničkoga stola da nebi negdo nekoga moral izručevati v Haag radi Ruševečke transkriptof. Krizni stožer Novoga Brda je malo izostal ali je zato igrački nafilan z internacionalci kaj brane boje sela. Za razliku od Manekenov de je krizni štab došel prekompleten, iskala se piva više, a igrački malo šepavo jel Marko tzv. Pevec negde (g)ladi jajnike. Gjalskoga je najprije načel kapetan ekipe, kak se to i šika, a onda su se lepemi željami pridružili i si drugi z tugujuče rodbine. Da jem malo pokvari veselje z svojum Desankum dal si je truda još jen član klana Pevec teroga baš sad nečemo imenovati radi zaštite osobne podatkov i u svezi glede malog mede i čimbenika ukrudbenog. Još se moremo teri put setiti da su baš na ovem terenu oboreni nekteri rekordi Breške lige pak bi ovum prilikum spomenul Kup MNLVG. da su v iste ekipe igrali 4 z iste iže čija imena i ime ekipe radi politike kolačičef nemremo povedati.
 Prokleti Ruševec! Prokleti Ruševec! Rekli bi Legionari. Pak jem se trefilo da posle dobre igre cocneju na Ruševcu. Nekaj ne štima z Čučinem okom. Igra je bila ajnc-a ali su se na momente "prehombinovali", pak problem čuča-lopta, kaj retko da ide skupa. Na druge strane Duba je moral zeti bič da bi ovi negovi povlekli jel reč više ne pomaže. A da te ide-ide te; pak je predelala kemija 9-10. Ja neznam do je delal ove male Šandorove ali da je ide - ide je, da počmeju tenfati suvleju do kraja. Neznam de je of mali Suki, taj valda ide samo na Plenume de se je i pije a nogomet ga baš ne interesera...
 Ona utakmica rivalov za osvajanje srednega mesta na tablice de se večinu utakmice spipava žila protivnika. Kulko su Obadi za dve lete pali za tulko su se Gruntovčani podigli ali... Još na Ruševcu ima onoga žara i zujanja, da se nemreš ni okrenuti ni puknuti a da bar jen ne vesi na tebe. Šan-Ku je zroštilan kak kišna glista ali poznavanje taktike i filozofije Vrapcov z Male Bune spasilo je Gruntovčane od debakla. Veli, "mi planeramo da moremo premeniti plan". Dej ti sad prebij tu taktiku i enigmu... Obadvoji kvalitetno podšprajcani z druge strane crte, nogomet na visine, tempo jednak, bez kalkulacije. Utakmica - Miss Breške lige. Da je završila a zaintereserani napustili teren i bližu okolicu i otputili se na prve crte šanka skoro pol publike je falelo.
 Brojna nogoloptačka svita z Opčinskoga središča uveličala je ova selsko-nogometna događajna. Most je malo falelo držačev pive i odstupnice ali na terenu se lepo zacrnelo v farbami Pokupčanke. Domačini su brojčano nastojali parerati, na terenu, a v publike se osetila znatna nadmoč - red veličine viagra-normabel. Štršanom ili paše of teren ili voliju piton, ne gledeč na rezultat, nema predaje. Napadaju ne u hiljadama, ne u tisučama, ne u stotinama, ne u desetinama nek u parovima a nekad i sami solo. Kakov je to fanatizam, da ne upotrebim i nektere druge reči tere još nis nafčil a pitajne je jel i bum. Šinovi loviju prikluček na osnovu akumulatorov a onda se hitaju v prednost z iskustvom da bi završili na krile publike kaj je nosi kak kareranu rubaču. O pol vijagre neču opče trošiti reči. Jedino je Zvona malo razočaran, veli,.. teren je malo presuv. Da je kanta vode, več bi bilo leže... hititi se na glavu. Jedva čeka kakovu poplavu, i gostovanje v Trsišču.
 Veli Števa da kaj ovo igra Buna protiv Bune. Nemrem ja znati sečiju gentiku par kolen vu rikverc i poznati se punice, tece, vujne, zelve, šurjake i sl. tugujuču rodbinu. Baš moraš biti "otud" da bi znal "to". Pri Robijaši su na privremenem radu stanoviti trudbeniki z Bune kaj baš ni pomoglo v brikanju taktike Glumcov. Dok su se Glumci zagrijavali Robijaši su brusili taktiku i strategiju i kovali plane. Zlatokosa ni došla ali je zato tu bil standardno odlični Sina kaj je v majce "Zalokane device" blistal kak svetlo na početku tunela. Na kraju podela bodov, bracki, ne po pol.
 Ono, fajer se fajerov. Je trebal biti. Tesari su dopelali se klučne igrače na Čučino oko, jedino su Miku ostavili z krive strane crte. A neznaju oni da su Stari Mački med Obadi jenem potezom znali rešavati utakmice. To ti je več druga filozofija nogometa, medgeneracijski jaz, to se ne vuči v škole, to nemreš kupiti. Moreš samo imati ili neimati. Ali kaj je za saku falu i respekt, publika je prati, ak treba i na Ojtnu. I Novo Brdo. Ove crnogorske kume letos pere nekakov špurijus, nemrem je prebiti niti z rengenom. Mrki se, japa Mrki, parkeral mam do semaforđije, da nebi bilo "po evropske pravne stričevine", Joža je zel vojke v ruke i pazil na ekipu, dok su drugi zeli pol vijagre i pivu i pod* ze strane. Utakmicu su rešili konkretniji napadi i više vertikale a mejne paralele, i dijagonale i krivule i kojničeve skokov tzv. kavalinjo rampate skok.
Najte kaj zameriti. Do se još od istine pomogel.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #18 : Lipanj 24, 2019, 09:24:23 poslijepodne »
Novo Brdo - Kozjača, MNLVG16., 2019.06.23., Donji Hruševec
www.rutube.ru/video/32627fc79250296762dca8a8e174f7ca/

Cerovski Vrh - Opatija, MNLVG16., 2019.06.23., Donji Hruševec
www.rutube.ru/video/14474561fc10151924d6433f2c894997/

Gornji Hruševec - Gladovec, MNLVG16., 2019.06.23., Donji Hruševec
www.rutube.ru/video/fe2879f135063f796fbd6c784cb65ea5/

Pokupsko - Donji Hruševec, MNLVG16., 2019.06.23., Donji Hruševec
www.rutube.ru/video/b3988e534095e5951ceec84d21279694/

Lučelnica - Šiljakovina, MNLVG16., 2019.06.23., Donji Hruševec
www.rutube.ru/video/f01f5f2fee71f8e4add5231ac630a3a1/
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #19 : Lipanj 24, 2019, 09:30:20 poslijepodne »
Onomatopeja tišine
 Cela horda neduvov čeka da se of tjeden zavleče v Ligu; bajkači, bagun, runješ, danje, voha, pečni ban, hižna kača, ftič papič, vedi i vede, dušice, glođani, posvečkari,.. se na samo Petrovo, i Pavlovo, i Krešu (ak se zoveš Krešo na Petrovo - mila majka) i v nedelu na Rimske prvomučenike, Kaju i Emilijanu.

5. KOLO se igra : Šiljakovina   29. lipnja 2019. 15:30 -

Opatija - Lučelnica
 Šandorovi killeri protiv Jožine Tesarov teri su i žedni i gladni pobede, još ako Mazo dojde... i Suki... i of moj, kak se zove...

Kravarsko - Pokupsko
 čista politika, tu ni nogometa ni kaj bi oko natepel; dva opčinska središča.

Markuševec - Novo Brdo
 Limuni skuplaju bode kak glad večeru a Mišem treba... kak Sušcu mesecu.

Gladovec - Hotnja
 Rekel bi silencium stampa ali... da počmejuj godišni? I kulko Ojtnanov stane v VW-4, onda su tu i ovi z ruba nogometnoga spektra...

Dubranec - Strezojevo
 Sad te vrak *. Na Kocke cukora ak zvezda dere prekovremeno navek se dogode nekava čudesa za Glasnik i Zapisnik da zutra imamo kaj za čitati. Most "to" ne "taj dan".

Kozjača - Cerovski Vrh
 Aj-haj! Sad se ti vadi protiv Manekenov na "skoro domačem terenu". I još ako nutre zajde Sepinho, zamotan do vrata kak mumija z forbanti, i još taj želeni sraz prežive zmučeni šilakovečki asfalt, iako je to teren de svoje maestralno nogometno umeče (umijeće, da gospođa nebi imali pokvarene misli) prezentera i garderobu prelufta stanoviti brko, kratkoga brka i još krajše korde.

Donji Hruševec - Gornja Opatija
 Kvantna geometrija, atomska fizika i nuklearna inženjerija. Rekel bi Maminjo; dej ne drišči.

Šiljakovina - Gornji Hruševec
 Več vidim pol sela oko igrališča, ono pol ni moglo od Dnevnika, v prvemi redi naglancana čela, negde odostraga, z trejte linije šanka, Mrki i Joža probaju rukovoditi z ekipum kaj je skros posteklela na domačem terenu.
 
Velika Buna - na žalost tu Glumci gube te tri bode kaj je budu posle teško nadoknadili.


Šinobus zvan alko`ol

6. KOLO se igra : Lučelnica   30. lipnja 2019. 15:30 -

Gornji Hruševec - Opatija
 Ove ze sredine su najbole. Za posaditi živce na štake.

Velika Buna - Dubranec
 Hmmm... Jel bu to Buna prva kak lani Brdo? Okolo poprek? Ili bu Žac napravil šlus svojemi maestralnemi kombinacijami. I šahovskemi judo potezi.

Cerovski Vrh - Markuševec
 Sami derbiji, dej gledi. Ovo nisu čista posla... Treba bu zvati Komisiju. Joža, kulko si platil ovakov raspored!? Šank bu planul dok si rekel kotlokrpina. Ili rašpa za drevo. Ili otorinolaringologija.

Lučelnica - Kozjača
 Mada faka... Ovo je za žifčani slom na kredit. Od ovoga pucaju štokrlini na pleče. Još samo da se vrne Briki z Amerike, i negva "Čika borača kon semen in pelo"

Hotnja - Šiljakovina
 Sad, zavisi kak budu Mrki i Joža složili plan, taktiku, strategiju, i jel budu Bebe ponorele. Tzv. Lude Bebe.

Strezojevo - Gladovec
 Ono, kak Pavle sam na svetu, Mali princ na zrnu graška, Princ osvaja Ameriku, Buč Kasidi i Sandas Kid, Rambo 3, Čera, des, zutra v Saboru, ali malo drugač. Kak da v gulaš mesto paprike hitiš vugorek. Od lakta.

Novo Brdo - Donji Hruševec
 Tu se na ovakvemi utakmica dobiva ili gubi prvo mesto, prelazni ili neprelazni pehar i šajbica fi 4.

Gornja Opatija - Kravarsko
 Rekel bi Maminjo; a, kaj nam moreju? Si bumo popili prije i posle utakmice, ak treba i za vreme utakmice, i bumo si pojeli. Ovo drugo, `oče ni bitno. Dobil, zgubil, ista stvar. Ja bi volel da mi pobedimo ali jaki su ovi. Jel ti znaš kaj je Kravarska? Oni nisu prvi, saki put bili, ali su sako leto bili skoro prvi. Mi nje moremo, to bez dalnega, a jel je bumo... (Hina)

Pokupsko - dalko gostovanje ali ak te svrbe gume na autu, se vidimo.
« Zadnja izmjena: Lipanj 24, 2019, 09:32:10 poslijepodne kuntakinte »
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #20 : Lipanj 25, 2019, 10:47:34 poslijepodne »
3. KOLO se igra : Novo Brdo,   25. lipnja 2019. 15:30 -
Kozjača - Gornja Opatija 3:6
Dubranec - Gornji Hruševec 3:2
Velika Buna - Hotnja 5:1
Donji Hruševec - Kravarsko 0:2
Šiljakovina - Cerovski Vrh 5:5
Opatija - Novo Brdo 1:3
Gladovec - Lučelnica 1:3
Markuševec - Pokupsko 1:2
Strezojevo ---
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #21 : Lipanj 25, 2019, 10:48:32 poslijepodne »
12. KOLO se igra : Opatija   27. srpnja 2019. 15:30 - (Lučelnica,  `Žlebečiče). Službeno.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #22 : Lipanj 26, 2019, 10:33:12 poslijepodne »
Kozjača - Gornja Opatija, MNLVG16., 2019.06.25., Novo Brdo
www.rutube.ru/video/53db1d3e2a345a7b17af34471e59e83b/

Dubranec - Gornji Hruševec, MNLVG16., 2019.06.25., Novo Brdo
www.rutube.ru/video/69cefcd2f118c22b0b8a5fbdf810350d/

Šiljakovina - Cerovski Vrh, MNLVG16., 2019.06.25., Novo Brdo
www.rutube.ru/video/3d85d548e6dbae67faf07ab779a026ea/

Opatija - Novo Brdo, MNLVG16., 2019.06.25., Novo Brdo
www.rutube.ru/video/f1f2bb12c67a4bd1b53a645a5f44daab/

Gladovec - Lučelnica, MNLVG16., 2019.06.25., Novo Brdo
www.rutube.ru/video/7f44a4c3295e0b5d7c2ef99da9f4f6ba/

Markuševec - Pokupsko, MNLVG16., 2019.06.25., Novo Brdo
www.rutube.ru/video/27009b9367654c17df0d61cd713238d3/
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #23 : Lipanj 27, 2019, 01:52:37 prijepodne »
Čamil i Mujo
 Joža G. je mirne duše pomalo delal svoje trsje i briguval o svem slivaru kaj mu ga je deda posadil. Vina ni pil ali rakiju, to je več druga pesma. Se do jenoga dana dok se pred negovum ižum dok je on špičil kolce za bažul i paradajz ni stavil kombi z teroga je zišel van plunuti Ivo Robič. Veli, na tečnomu rvackomu teroga Ožinec ni baš najbole razmel, da bi oni v koprodukcije (ščem vragom?) z hbom, htvom, đeografikom (a?) snimali kak zgledi jeden den na selu, kaj bi posle prikazivali po škola, po vane, na satelitu, da su jem na Opčine preporučili nega a i bili bi volni nekaj platiti. To su prave reči! Več na prvu se našemu Ožiču ideja dopala, on je navek bil za koprodukcije, glasu politike se nesmeš opirati a i penez nigdar dost, kak i vreč z Virovitičke sladorane kaj vinu i rakije davaju pravu jakost i šmek. I dokončali oni tak da bi mogli dojti, da bi Joža mogel i tak to. Da je došel taj den na Jožinem se gruntu zjatilo ludi kaj je ni bilo nigda ni dok se još z poloprivredum aktivno bavil. Kak da je zadruga pak f kupu, samo još Japa fali da se to tira i rastirava na posel. Ali, tu je bil nekakov od meter i žilet kaj se nebi mogel voziti na beciklinu z ramum, na pol plešivi, z brki i očali, kaj je sem zapovedal. Na negvem gruntu i fundušu. To mu se ni dopalo. Ovi nosiju kufere, ovi nosiju ovo, ovi nosiju ono, to vrzi sim, to vrzi tam, cucek nesme biti na lancu ( nek de bu * materine bil, ak ga pak pukne ptsp am vas se bu poklal i pogutil kak torec piščence ), vugni kantu z napojem (kaj bum olijandere nosil i žnemi svijne ranil?), premeni firunge i stolnak, nisu autentični (oču te *, nek kakvi su?, premeni si je sam, * te * kilavi...), vugni televizor (nek kaj bum kravu `rit gledel?), vužgi peč da se ogen vidi (po letu?, če si i ti čovek božji točen, kaj još i da ižu vužgem da moreš pijane vatrogasce snimati?)... Veli, znači, snimali budu Jožu na raznemi lokacijami po gruntu i on bu povedal kak zgleda jen den na selu a onda budu se to zmonterali v jen film. Veli Joža, a, jel moremo prejti k Števe?  Veli mali, nemremo, Števa ni v scenariju. Znam da ni, on je tu gore, prek brega v drugem zaselku. Mali ga je tak mrsko pogledal i odrezal kak trsna kosa grebenice zaraščene v trave. I, veli, da mu da znak on počme povedati a da mu da pak znak on stane povedati, jednostalno kak bažul na šalatu. I, počeme mali; kamera, ide, svetlo, ide, zvuk, ide, se, ide, i pokaže Ožiču. Joža počme povedati kak negda da ga je sused Franc `lovil na ruške da mu krade; Ja sem Joža G. ze sela toga-i-toga i povedal vam bum kak zgledi jeden den na selu. Najprvo da se stanem prejdem v kujnu de me na stolu čeka flaša z rakijum (mali je podigel jenu obrvu). Tu si popijem jenu rakijicu (mali je zdigel i drugu obrvu). Onda se oblečem i popijem si još jenu... rakijicu (mali je raširil oči i zapalil duga svetla). Onda idem zakuriti f peči a onda si popijem još jenu... rakijicu (maloga je počel švic oblevati). Posle idem f štalu zesnažiti, naštrajiti, naraniti blago i živinu, i pustiti živad. Poberem jajca i vrnem se fižu. Onda si popijem još jenu... rakijicu (malomu se lalafka obesila, sama od sebe). Za tu dobu je baba več nekaj spravila za jesti pak idemo k froštuku. Ali prvo si popijem još jenu... rakijicu, a gda-gda i dve (malomu je počelal lalafka igrati kak niske mavune da čežne ideju race). Posle k mene dojde sused Števa, on je tu gore, prek brega v drugem zaselku, on jako voli dobru kaplicu, ali ne prebira preveč, jedino nemre,.. slabo podnaša vodu, da se malo pospomenemo. I popijemo si... rakijicu. A gda-gda i dve. Stani! Sve stop! Činilo se da bu maloga srce pobralo kak je zgledal v licu. Kamera, stop, svetlo, stop, zvuk, stop, se, stop. Pa, majku mu staru, jeste vi, deda, normalni!? Je, a, kaj..?, Ožiču niš ni bilo jasno. Pa, ne delamo mi emisiju o promocije alkoholizma med decum nek o emisiju edukativnoga sadržaja kaj se bavi z jenem danom na selu! Am sem vam se po istine povedal, niš vam ja tu nis lagal... Oža se držal sve storije kak Titanik dna. Dobro, dobro, dobro... Nek jel vi to morete kak zamaskerati, da velite nekaj drugo a da ne zijdete z konteksta? Ožič se čudil kak cigan belomu kruvu... Neznam, neznam, neznam, da velite da ste delali nekaj drugo, neznam, neznam, neznam, kaj bi bilo korisno za mlade... Da ste prečitali knigu! Da sem prečital knigu? F štale? Pa, da... Da nisu bile dve vreče cukora več zakaparene v dučanu Joža bi to se rastiral z roglami z dvorišča ali ovak samo je mogel reči;.. dobro... Da su se ovi pak pripravili mali je počel šlebekuvati; kamera, ide, svetlo, ide, zvuk, ide, se, ide, i pokaže Ožiču. Ja sem Joža G. ze sela toga-i-toga i povedal vam bum kak zgledi jeden den na selu. Najprvo da se stanem prejdem v kujnu de me na stolu čekaju... knige. Tu si... prečitam jenu knigu. Onda se oblečem i prečitam si još jenu... knigu (mali je složil blaženo lice kak Marija na oltaru samo su mu još čislo i skloplene ruke falele, ni mogel veruvati da se ide kak podmazano). Onda idem zakuriti f peči a onda si prečitam još jenu... knigu. Posle idem f štalu zesnažiti, naštrajiti i naraniti blago i živinu, pustiti živad. Poberem jajca i vrnem se fižu. Onda si prečitam još jenu... knigu. Za tu dobu je baba več nekaj spravila za jesti pak idemo k froštuku. Ali prvo si prečitam još jenu... knigu, a gda-gda i dve. Posle k mene dojde sused Števa, on je tu gore, prek brega v drugem zaselku, on je, ovak, jako načitan čovek, i ne prebira preveč, jedino nemre,.. slabo podnaša novine, da se malo pospomenemo. I prečitamo si... knigu. A gda-gda i dve... Na večer znamo otijti v našu selsku... kapelicu... malo si još prečitati. Tam je jen zit od zida do zida i od plafona do poda pun knig kakve ti srce želi i... čitaaamo do dugo v noč. Dok nam... knižničarka ne veli da je dost. Činilo se da se mali bu rascvel kak pori luk na mesečine. Kamera, stop, svetlo, stop, zvuk, stop, se, stop. Na kraju mu je povedal, z suzum v oku, vam bi deda treba tu spomenik podiči z razloga kaj ste napravili za su decu i mlade i kaj ste je pospravili na pravi put. Veli Joža, z više pol flaše rakije v riti; Je, bome, nek deca... čitaju... kak i mi.

 Prema Neobrcke, živuče, nogometne enciklopedije, kaj se prenaša z kolena na koleno, z levoga na desno, i tak to, za Čamila i Muju veliju da je jen igral v napadu a drugi v obrane. Kak Boro i Ramiz. Kaj je još opalo sobotu z onum tučum još mi ni jasno ali nekakovi se baroki i renesanse događaju v ove naše Lige. V nedelu na Ruševcu milijon milijona ljudi a f tork na Nou Campu na ova naša autonomna i autonomaška nogoloptačka događanja pohrlili su oni kaj nigda ili retko, zajdnu dobu, pohode slične manifestacije, da ne velim onu reč tere se baš sat nemrem zmisliti. Da nisu došli preslaviti Adalberta, Vilima ili Doroteju? Kokošar je, konačno,  došel na svoje, tržilo se se v 16, ili je teret vuspeha bil v tem kaj je docukal sneju ofarbanu v plavo. Milina. Došlo je široko izaslanstvo Ilovače, ne brojno, ni visoko, z tri "u načelu". Dok su dva kontrolerali kak se tokom konzumacije mejna temperatura v pive trejti je, osim toga, kontroleral kak muzika igra, sam na dens floru, na pol metra od zvučnika dok mu cigaretlin teroga je zabil nategnuti ni dogorel do kopita. Opasno je to da te pogodiju šlageri v osetlivo doba jeseni života da imaš viška penez a manjka čas. Jen od one dan da te v pol tjedna pogodiju dva črni labudi; jen f sobotu kaj ti zamlati trsje i rastira narot i drugi kaj ti, vuz Božju pomoč, se to vrne z kamatami, i to još po hrvacki, šumske mere, i još pol trejtoga kaj te baš na of sveti den * da si nemreš popiti v ovakve, ne smaragdne, ne biserne, ne platinaste, nek još ober toga, atmosfere jel moraš iti zutra na haltere. A atmosfera je bila "otišel sem z pivum a vrnul se z gemištom" tipa. Taman za razdužiti vozačku pri gosponu, ili gospodične nadzornice prometa. Nek se ide` kuzdu pisinu! Pukla sajla od kočnice, letva od volana i si luft-vajnkuši na rafalno. 121 kojn odlazi f kmicu, šemeritno, ekscentrično i epicentrično. Onda naletiš na umirovlenika F.I., a ni Frajno Tuđman, pak na Ime i Vincu z Gustelnice... Brrrrr... Nedaj vam Bok toga nigdar,.. do sobote.
 Imam za rešiti nekakov vanjsko trgovinski deficit z Drašom, još od Bele nedele, vodi me z 2:0 v rundami. Reko sad je taman prilika, za skočiti "v" Vukovarsko, i ožujsko. Taman da bum, na pol puta, počela utakmica, ni sim ni tam, ni vrit ni mimo. Dok sem ja rešil vanjsko trgovinsku razmenu ovi za minutu nabubali tri gole, rafalno. Da sem čubel pod razbelenum zvezdum celi dan, ma, kaj dan, tri mesece, bi si trgali noge i kopali oči na centru. Kaj češ... Znal je reči moj pokojni deda Janko; do nima sreče bu mu iža i na vode zgorela, i, bole se roditi bez nosa nek bez sreče. Če imaš sreče bu ti zrasel. Gjalski prema ocenami trbuhozborcev 7/10, na veru, prije utakmice. Manekeni ekipno solidni, ima nove šprajcerov ali i nekteri faliju. Retko viđena preširena kažnjenička ekspedicija dotepla se z Gorne Opatije. Ovulko je ni bilo ni da su doma igrali. Maminjo samo okreče tri deci v ruke dok mu se rosa sceja do lakta i kaple v štumfu. Nirvana. Zen. Centreran. Pi (3.14) i Či v ravnoteže. Nikakov mu * zvana nemre prebiti auru. Čakre v balansu. Čisti 6. Nebo br. 7. 8 krug raja. Device ga držiju za... ruku. Nje 14. Neznam jel se vrnul z toga vantelesnoga iskustva... Jel ga do videl na ovem svetu...? Rekel bi Tomaž Kek; zaprem se f sobu, sednem, otprem si pivu, i uživam, v pobede. Zemla zove Mamiča, Mamič, javi se... Nekteri su se kladili na Kojzaču na fejsu, da jem sad ne spominam imena i ne kažem z prstom najne, ali onjemi v nastavku.
 Na Nou Campu još se nisu smirile padaline, još ni utakmica dobro počela a več goli curiju kak tuča. Fletneše od golov se mejnaju prazniki i posti; Dan žena, Vuzem, korizma, blagoslov iže... Nekteri su si zeli i godišni tokom  utakmice, 5 minut šumske mere. Dobro kaj nisu spucali celi godišni jel nebi imali ščem pucati po Ruševcu. A pucalo se, malo kaj ni milicija došla. Da to ni bila rana utakmica z plitkum anticiklonum drugač bi to završilo. Obadi su dopelali i rezervni sastav 3. poziva.
 Zakaj je Velika Buna velika? Nektera sela nemaju tulko duše kulko je Sina dopelal igračev. Dve klupi za rezervne igrače su jem premalo. Treba bi negde parkerati nekaj zglobno, autobus, trajvan ili cug de bi si stali. Ili su počeli igrati za penezi..? A Bebe... Na najbole tradicije crne labudov, crne kojnov, killerov favoritov, nova se generacija spravla da upokoji bar jenoga, ili scuka nekomu vnaprovo napisane bode. Još nisu apsolverali "bunker-baštu" i "svi i sve u napad" ali imaju dinamita v nogami, i širše. Kaj znači renome, brand ili trade mark Bebe videlo se da su preluknali saobračajca Glumcov, da se crv sumle zavlekel v postroj Bune, strav(a i užas) nalejal splašene okice a panika se zavlekla v kosti - v zraku se moglo nanjušiti "gotovi smo", poštenja mi. A samo par minut prije se moglo čuti novu filozofiju "Ekipe z Križajne" (kaj bi za amblem mogla imati Andrijin križ); ima nas dost, ne moraš iti van, igraj dok ne parneš. Ili; pa, kaj si moral dati gol!? Zakaj nisi dodal Žoržu, bil ti je na centru? Ili Maceku, on je golmanu vezal žnerance? Zakaj nisi puknul van? Kaj se moraš sam!? Kaj nismo rekli da bumo skupa? I na kraju, da su pozdravili se Bebe, ali se Bebe, bukvalno i doslovno se, odbili su pozdraviti navijačice iste. Kaj to ni (ne)gentelemenski? Onda su po uzoru na rimske kohorte stali v krug i rekli po prilike ovak; sira, putra,.. poroga luka, jajec i krumpera. Ak su to letošni prvaki,.. ovo bu gorje nek evrovizija.
 Si su došli prekbrojni i punobrojni, i igrački i navijčki i pijački (mama kaj si mi kupila u pljački?) pak tak i Šinovi. Navijačice v traper minica, volani se više ne nose, nek voze. Neznam kak su uspeli v prošlomu kolu nasnubiti bivšega golmana da se reaktivera. Jesu mu frkali ruku na pleče dok ni pristal, jel bila f pitajnu ucena, jesu ga omamili z alkoholom, jesu potpisali ugovor z gospođum teroga se of moral držati ili je samo gospođina bila zajdna, neznam, ali znam da ga of put ni bilo. Ali bilo je Crne pantere crvene boje, v nastavku teksta Crvene pantere, i vuz taj bi mu špicnamet bole išel 3/4 kimono nek dres. Mada, i panteru bi mogli zameniti za pumu, jaguara, kuguara, kaguara, geparda, ajkulu, tigra, lava, pumu, ajkulu, pumu i još 4 jaguara. Da Leptiri nisu došli z praznum haubicum videlo se još utakmicu prije da su se na ekranu vrteli sastavi za iduču utakmicu. Anđo. Dosta je reči samo Anđo. Glavni stožer disloceran na isturenomu zapovednomu mestu. Osovina Ivica-Šuki. Netreba crtati. Standardna kičma ekipe, pojačajne od "fotogejične" Barbaričanov i Killer. Da taj igra, zabija. Ak ne zabija, ne igra. Jenostalno kak pori z lukom. A onda je naj* i kimono i puma i ajkula i panda i 4 jaguari.
 Nekteri su se kladili na Kojzaču na fejsu. Pitajne je na kaj su se kladili v ove utakmice tera je imala više zavojev nek da ju je delal Markus Gronholm. Da nebi bilo na jene spovedi; grešil sam jako puno; z mišlum, rečjum, delom i prepustom; moj premašeni gol, moj gol, moj... Kriva je kladarica. Kumi fletno kanalizeraju utakmicu prema sigurne luke za istovar tre bodov, a i pojačali su si vodenu dozu z dve flaše na tri. Nek se vidi kaj je raskoš. Dok Hrc soli jajnike, Prco kleči na kuruze i moli pokoru doma za se premašene gole i krivo dodane lopte, Tomo je skrpal ekipu "Bok čuvaj brani". Kumi stalno vodiju i davaju gas ali nikak se odlepiti od Legije kak da su svezani z pupčanum vrpcum ili štrikom za vuču. Čem ti bole bežiš i ovi pojačavaju, nekaj. Vukovarsko. Kak da bi cucku svezal konzervu za rep. Skoro kak repriza Cerovski - Markuševec na iste lokacije. Skoro, ali ni.
 Došlo je se kaj je moglo dojti z Opatije i nezine nogometne emiratov. Muške sile obostrano kvalitetno zastuplene, zelene frule lagano brboču, žene zostale totalno, čast izuzetkom, ili izuzetnem, dok se druge kladiju po fejsu ili su grezle v prometnem štoplinu na fejsu. Dok se stari Miši naslikavaju za Glas koncila a posle podgrejavaju za utakmicu mlade svrži kaj uletavaju v ekipu oko 2030. paseju saki pokret uzorov i zvezde z teremi su v krvne veze. Jedino kaj mene, ko takvoga, nepatvorenoga, malo *, osim vida, je spoznaja da od četiri igrače tri imaju rukavice na ruka. Sat, il su to buduči golmani, matematiku na stranu, il se spravlaju iti vuglena zmetat. Moj Rođeni je mam dal sem na znajne da bu on napisal račun, potpisal, obračunal i naplatil. Komu milo, komu drago. Nekteri su se pak tak jako zagrejavali da su i vrgajne našli...
 I Gruntovčani su "obilno" došli, skoro kak i sobotu, onu sobotu, ali kaj se pak trefilo na Lučelnice, Bok moj... Kak je to negda povedal Krpica; pusti seno, pusti blago, tenesice v auto i pravac Novo Brdo.  Klučni feler v Gladovcu, glavni stožer ni prispel a skup z tem ni zapovet za napat. Kaj znalački koristiju, vuz se iskustvo z futsal lige, Tesari preusmeravaju najprije izmeničnu struju v istosmernu a posle istu na svoj akumulator konto. Onda si je celo mnoštvo posle utakmice zagajbalo spod barjaka.
 Tajnik društva "Bez starca ni udarca" z Markuševca načima Štršane svojemi bravurami. Štršani zujiju i letiju oko gola kak da jem je negdo f gnezdo pehnul. Mladi ubadači koristiju nisku izmaglicu i zalazak sunca iza brkov Boriščaka, kak i kadrovsku nepotpunost v rede Markuševca, da bi jem ga kvalitetno vrgli. Pri slabe vidlivosti i opče pomutnje Limuni su prekesno skužli da su napiknuti. Da je fanfara več poprilično natekla ni ostalo puno časa za lečenje i kontranapad. Više ili/ili. I Cowboysi su se odlučili za jeno kvalitetno lečenje. Duše. Vuz pogled na zalazeče sunce, izlazeči mesec i rosnu pivu. I prekputa Štršane kaj su zubmi pootpirali celu gajbu pive vuz pogled na rosnu travu i još rosneju pivu i skalp Bledolikoga kaj vesi z opasača. Ajd, mobilnoga teleta. Pitajne je jel prije nestalo zubi il pivi.
Najte kaj zameriti. Da pijem kolu pišem gluposti. Do se još po istine pomogel.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #24 : Lipanj 29, 2019, 09:54:23 poslijepodne »
5. KOLO se igra : Šiljakovina   29. lipnja 2019. 15:30 -
Opatija - Lučelnica 4:5
Kravarsko - Pokupsko 4:0
Markuševec - Novo Brdo 1:1
Gladovec - Hotnja 3:0
Dubranec - Strezojevo 2:1
Kozjača - Cerovski Vrh 5:2
Donji Hruševec - Gornja Opatija 3:3
Šiljakovina - Gornji Hruševec 2:2
Velika Buna ---
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #25 : Lipanj 30, 2019, 12:29:54 prijepodne »
Yes, little duck!
 Zgubil se Mujo v đungle. Dva je tjedne lutal, nigde Konzuma, kartice ne primaju, se kaj bi štel pojesti bi radi i nega pojelo. Steščal se, nemaš čemu vritnak stisnuti. I onda ga vloviju ludožderi. Donesli oni nega v svoje selo, ogen gori, na ognu veliki rajnglek, voda se naleva, Mujo gledi... Glediju i oni nega; poglavica, vrač, mesar i kuvar; kaj bi žnem... Vidiju, ni za juvu, za meso pogotovo. Posle pol vure dokončali se oni da ga budu složili na gulaš, da se ne potepel. Poglavica sedi na stolcu na prestolu i gledi, mesar plasiknul Muju `vodu, kuvar dodava se kaj treba a vrač meša pomalo. Gledi poglavica vrača a of sako malo z velikum kuvačum plesikne Muju po glave. Posle pol vure dojde poglavica vraču i cukne ga za rame; vrač, vrak, tri, kaj ga tučeš? Am to ne za jesti! Veli vrač srdito; * mu * * gladnu, sav nam krumper bu pojel!
 Navek to za* zijde da se voziš na svemu matoru a onda prije zavoja preceniš da ničesa ni iza i da se moreš prepelati kak nor čez koprive. A onda skužiš v sekunde prije katastrofe da iza zavoja stoji šleper. Matoru ni niš, malo farba zgulena kak da bi se muva posrala a ti radi te sitnice, i promene ličnoga opisa, moraš zlupati par selfijov za novu osobnu. Jel više nisi spodoben k sebe. Kumi su si, i si drugi krivi i zaslužni, dali truda, da bi ostali trudni i, da bi rezendicijalno zdajne i spektakl bili nezaboravni. Ali... Veliju kibici da kaj to Velkom ni mogel bole pokositi a ne pomlatiti, da se trava mam po rose diže, kak čuna, prava pionirska. Števa je mam zjutra da se rosa povlekla z garaže zrival drona i vudril frišku polituru da se sveti kak pesja jajca da bi i prosti narot mogel videti kak se to zgleda spod kape nebeske z božje perspektive. Kaj smo još nafčili..? Da ni jena vojska ni uspela bez logistike. To ne postoji. Osim partizanov. I da nis ja na tvojem nek ti na mojem.
 Jedna od one kaj bi bilo dobro da su ovekovečene za nektera bola vremena da denešne zvezde moreju nukom kazati kak se je to negda igralo, ali ni. Ostaja samo narodna predaja kaj se bu kopitala skupa z praznemi flaša na nekterem šanku v bliže i dale budučnosti. Kak i ono da se z Dubranca išlo pešice igrat na Šilakovinu, pred 20 let. Tesari trgaju Tigriče kak smotlek leskovine a ovi nikak puči. Čak z publike adreseraju svoje nezadovolstvo na saobračajca Opatije; nebi taj mene više branil za Lučelnicu, veliju. Da su je načeli, Alenko pak vrača, Tesari dižeju, Šaki pali reaktivne matore Hispano-Suiza, ovi pak dižeju... I na kraju jem je ostal zdignut, barjak. Tigriči su morali poštambilati one pive z zagrijavanja z još jenum gajbum, "južnjačke" utehe.
 Derbi zmed dve opčinske središč je bil derbi dok su Štršani držali vrata zaprta, "X" v zraku, "0" na terenu i bod v žepu. Da se otprlo tu više ni bilo pomoči, pogotovo jel su Leptiriči imali dukšu štabnu klupu kaj otpira nemoguče bezbrojne mogučnosti kombinacije. Rekli bi Vrapci z Male Bune; Mi planeramo da moremo premeniti plan.
 Miši tu navek vodiju krvave boje, jes rekel. Ni Limuni nisu bole sreče, tu je moj rođeni ostavil prst. Još Liga ni dobro ni počela a Markuševec bije kadrovske bitke, nedostatek kvoruma, bolovanja, apstinencije a da još dojdeju godišni... Kak bilo da bilo, i krvi do kolena, utakmica je ispunila očekivajna, i brijački i razbijački, a prevagu je odnesla mrzla glava kaj se vrnula z halterov. Ne tulko rezultacki kulko strateško-taktičko-plansko-igračko-napadno-obrambeno-tajmaucki.
 Jena od one v teremi Gruntovčani bistriju dobrosusecke odnose, kakva je čeka i zutra, i odnose v Dolnem domu tablice. Bebe su zaprle vrata na liftu i držiju stisnute zube da jem ne vujde. Gruntovčani napadaju, Bebe se braniju, kosti pucaju, faulov i više nek je zapisano. I držiju oni jenu kvalitetnu "bunker baštu" do pred sam kraj, da jem je kapnulo, da je negdo na 1. katu stisnul gump i otprl vrata. Imaju Ojtnani svoje prilike ali sami promašaji su je sprečili da je ne pogodiju. Jel tak, Števa?
 Neočekivano, za dom, spremni Robijaši su na muke vrgli Ilovaču. Ilovača bitku bije i z Robijaši i z terenom i suci, jedina svetla točka na početku tunela je ona v publike. Robijaši su kapitalizerali utakmicu mejne, i to dobro. Jednak kak je i Peki kapitalizeral Grgine udarce.
 Da je Precednik bil, on bi se slekel i gol bežal oko i po terenu. Još jena od one kaj bi bilo dobro da su ovekovečene a nisu. Imaju one dve narodne mudrosti kaj veliju "da te ide-ide te" i "da te nejde-nejde te" a da to vržeš v jenu utakmicu dobiš ono kaj smo mi gledeli pol vure. Ili da jena ekipa treba 12 za "dosta" a druga 102 i ova druga pobedi "z pol * snage". Legija mlati kak stigne ali neeebi zašla da si * odgrizneš i na njega se z čelom postaviš. Ovi drugi kaj got pukneju ide nutre i to v kategorije "eurogol". Posle utakmice krš-lom na šanku. A, zutra je novi dan...
 Šinovi pak imaju "novoga" golmana, z obzirom na rezultat taj je osuđen da i zutra brani. Ak se kaj kvalitetno ne skurva. Mamič ni v sponzorske majce i nosi vodu, posle utakmice čak i sok, nebi ga čovek poznal, da ga ne pozna. Ruševec je namučil ove negve da se več činilo da bu "pantera" bode vozila na Ruševec, na dva put. Ali, stanoviti gospodin Josip Brajković dela of dan prekovremeno, i kvalitativno i kvantitativno.
 Odi, pusti se, pusti šank, idemo igrat. Cela se elita skupila z obadve strane crte, Kumi znutra, selo zvana da bi dostojno preslavila Petrovo, po mogučnosti z pobedum. Čak je i Šiki, pak, postal, kum. Rekel bi svet; * utakmicu bez faula. Ali, ovo je nova kategorija; dva poluvremena - 0 faula a utakmica dobra. Obadi v kvorumske krize, dve izmene, skoro "mini mi". Prvo poluvreme zima Šika na "laganini" a onda se v drugem budiju Obadi i z "5"-e brzine hitaju v "R"(ally). Dobro zajne, škoda za domačine kaj nisu uspeli piknuti jagodu na šlag na torte.
Najte kaj zameriti. Do se po istine pomogel.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #26 : Lipanj 30, 2019, 11:14:15 prijepodne »
Kravarsko - Pokupsko, MNLVG16., 2019.06.29., Šiljakovina
www.rutube.ru/video/bca7d22b721033f3a8bdc6eede8e7bc7/

Markuševec - Novo Brdo, MNLVG16., 2019.06.29., Šiljakovina
www.rutube.ru/video/957ef933c10a2efcd1f19fe3bf8c9ea1/

Dubranec - Strezojevo, MNLVG16., 2019.06.29., Šiljakovina
www.rutube.ru/video/7e32222ebd900bedce7c837c46328ae2/

Šiljakovina - Gornji Hruševec, MNLVG16., 2019.06.29., Šiljakovina
www.rutube.ru/video/b1d68fbbfc6db9befb3579c06e6512d4/
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #27 : Lipanj 30, 2019, 01:54:28 poslijepodne »
JOŠ JEDNA VAŽNA OBAVIJEST: DOGOVORENI SU SUSRETI SA POSAVSKOM LIGOM. SUSRETI BI BILI U SUBOTU 17.08.2019. MI SMO DOMAĆINI. TRAŽIMO ORGANIZATORA TOG DOGAĐANJA. PET UTAKMICA JE PREDVIĐENO. TEREN TRAVNATI. PA TKO OD TRAVNATIH TERENA JE ZAINTERESIRAN ZA ORGANIZACIJU, NEKA SE JAVI POVJERENIKU DA OBJASNIMO UVJETE.
 BABA JULA !!! - 05/2019
Datum: 30.06.2019.
http://mnlvg.velikagorica.com/liga/herald/74


Važna napomena: NAKON "DUGOG" PREGOVARANJA I RAZGOVARANJA, NAKON RAZMATRANJA SVIH PONUDA, NAKON UKLJUČIVANJA U POGON ZAKONA O PONUDI I POTRAŽNJI, NAŠI DIČNI NOGOMETAŠI Z OPATIJE ODLUČILI SU DA ĆE SE KOLO U NJIHOVOJ ORGANIZACIJI ODIGRATI U ILI NA LUČELNICE. ZNAČI, 27.07.2019. SUBOTA, OPATIJA DOMAĆIN NA LUČELNICE. OK.
http://mnlvg.velikagorica.com/liga/herald/73

Dva put, službeno. A dva put je, osim kaj je dva put, i bedaku dost. Ak ni (pre)visoke škole završil...
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 16. MALONOGOMETNA LIGA VUKOMERIČKE GORIC 2019. – MNLVG 16.
« Odgovori #28 : Lipanj 30, 2019, 10:14:35 poslijepodne »
6. KOLO se igra : Lučelnica   30. lipnja 2019. 15:30 -
Gornji Hruševec - Opatija 1:1
Velika Buna - Dubranec 0:2
Cerovski Vrh - Markuševec 0:3
Lučelnica - Kozjača 3:1
Hotnja - Šiljakovina 0:9
Strezojevo - Gladovec 2:4
Novo Brdo - Donji Hruševec 2:0
Gornja Opatija - Kravarsko 1:3
Pokupsko ---
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: Ruski hakeri – MNLVG 16.
« Odgovori #29 : Srpanj 01, 2019, 05:27:51 poslijepodne »
Gornji Hruševec - Opatija, MNLVG16., 2019.06.30., Lučelnica
www.rutube.ru/video/a86f4075e7d50fa465f8c6ae55e348e3/

Velika Buna - Dubranec, MNLVG16., 2019.06.30., Lučelnica
www.rutube.ru/video/a393721708e28f0be1ac1e02506467c3/

Cerovski Vrh - Markuševec, MNLVG16., 2019.06.30., Lučelnica
www.rutube.ru/video/e575e42fd2b25e366408ef682e1575ad/

Lučelnica - Kozjača, MNLVG16., 2019.06.30., Lučelnica
www.rutube.ru/video/2861fb34b16b0b6ef192398b16ad2ecb/

Strezojevo - Gladovec, MNLVG16., 2019.06.30., Lučelnica
www.rutube.ru/video/1261554c66becf4d0c313311192ce892/

Gornja Opatija - Kravarsko, MNLVG16., 2019.06.30., Lučelnica
www.rutube.ru/video/f9170fe6e4f984fc322631db99780ce5/
wwwg tablice