Domaće teme > Događaji
Živinska farma - predstava Pučkoga teatra OSS-a Buševec
Ljudevit Kaj:
--- Citat: ---OGRANEK „SELAČKE SLOGE“ BUŠEVEC
PUČKO KAZALIŠČE
GEORGE ORWELL
ŽIVINSKA FARMA
REŽIJA: ROMANA ROŽIČOVA (Zubečkina)
Predložek dramatizacije: MATIJA KATULIČOV (Drakca Kočevoga)
--- Kraj citata ---
Scena 2.: Noč v štale. Majorov monolog (pripoveda svoj sen)
2. NOĆ U ŠTALI. MAJOR PRIČA SVOJ SAN
(dok to priča, nakon kaj su se svi smjestili – pale se svjetla)
Stari Major: (stišava žamor)
Prijateli! Prijateli! Slušajte me, poslunete me. (kad dobije pažnju svih) Dugi sem život bil poživel, i dok sem, sam vu svemu čošku svinca ležal, imal sem i preveč vur za študirati. Ne verujem da bum još dugo z vami i da bum još puno danov poživel predi nek kaj z ovog sveta pojdem, čutim da mi je dug ovo vam povedati. (zastane i pročisti grlo)
Prijateli. Med nami su retki oni kaj ikdar osete sreču teru starost ze sobom nosi. (okrene se i priđe Boxeru, pomiluje ga) Kaj ti, dragi moj, misliš, kaj bu s tobom kad snagu svoju zgubiš? Misliš da te bu gazda v penziju poslal i da bu ti tratinu dal, da na nje svoje zadnje dane čekaš? Kaj god mi napravimo, to nam on zeme! Vkradne nam i proda.. (okreće se drugim životinjama) Kam ode ono za kaj se mi na polu saki dan mučimo? Kam odu jajca kaj ih vi kokoši znesete? Mleko terog vi, krave date? Se nam zemu, a niš nam ne vrnu.
Naša se deca na zime zlegnu i gladna, v snegu, prvo protuletje čekaju. Mame, (okreće se majkama s malom djecom), poglečte si mlade dok ih još morete jer, nabudu si oni još dugo tu med nami. Neki od nje, (naglašeno) teri su sretneši, budu otpelani na semen i prodani, a oni teri takovu sreču nadu dočekali, buju se v loncu našli. Vi svine (okreće se svinjama), kej mislite kaj vas zutra čeka? Niš drugo nek sekira i galge.
Dejte mi povečte prijateli, jesmo li mi si zaslužili takovu sudbinu, kaj nam ju je drugi napisal? Jel to tak mora biti, da za jesti nikaj nemamo i da zmučeni i spat idemo? Jel ni ova farma ze sem svojim polem tak bogata i rodna da bi nas se skup mogla debelo zdržavati? Če je koje leto bilo bolje rodno, kaj smo mi sami od toga imali? Frišku figu! Niš! Velim vam zato, če bi mi toga tiranina čoveka z vlasti itili – mam bi bogati i slobodni postali. Se kaj sad ni moči imati – onda bumo dobili! Prijateli... – moramo se spuntati i zdići bunu. (glasno odobravanje prisutnih životinja, koje Major utiša).
(kad čuje viku odobravanja, nakratko dolazi do Mollie) Tenka je granica kaj ju norija stvara. (okreće se ostalima) Al zapametite si jemput za navek: Naš je sveti dug biti neprijatel čoveku i semu kaj je negovo. Če bi se gazde rešili, najte se nigdar na njega prispodobiti: najte nigdar v hiže živeti, v postele spati, obleku kak on nositi, vino piti, najte peneze služiti; jer se kaj čovek dela – to je greh. A najvažneše od sega – nigdar da niste na drugu živinu ruku zdigli. Nedal Bog da negdo med nami krv svega brata pusti jer, si smo jednaki – jaki il slabi, pametni il bedasti, pernati il kuštravi. Si smo jedno. Brati, si smo živina! Med nami navek mora sloga vladati jer se su živine prijateli. Ni važno kaj se na četiri noge vlečeju il krila imaju – si smo prijateli. Mi smo Blago a si su ludi do jenoga – dušmani!
(ponovno glasno odobravanje prisutnih, počinje glazba – pjesma i ples. Kad sve to završi, ponovno se gase svjetla do polumraka, pali se svjetlo naratora, dok ostale životinje polako napuštaju pozornicu. Ostaju Napoleon, Snowball i Squeller, Boxer, Benjamin i Mollie koje mimikom vode raspravu. Snowball uči nečem Mollie – čitati npr. Ona ga ne doživljava previše)
Narator: Tri su meseci od onda prešli, ali četrtoga Major više ni dočekal. Kaj je štel, to im je povedal i vu srcu sake živine posejal je zrno nade koja ih je peljala v saki novi dan. Kad je Major vginul pametneše se blago mam prijelo posla da njegve reči opčuva, kak ne bi skup žnjim i njegva misel otišla. Kak su mogle i znale tak su jena drugu vučile kak bi trebalo živeti. Zalevale i čuvale ono zrno kaj ga je Major onu večer bil zasejal. No, kak i se drugo na ovom svetu – tak ni to ni navek išlo onak kak se zamislilo.
(pale se svjetla)
Ljudevit Kaj:
--- Citat: ---Dragi moji,
Neke "živine"na Orwelove "Živinske farme" su prilikom dizanja bune protiv ludi nastradale.
Mislili smo da smo ih se tak rešili, ali prevarili smo se. Oni su si našli zamenu i znova dižu bunu ovaj put u Kučama
I to ni mejne ni više nek vu Društvenom domu Kuče, dana 27.03. petek oko pol osem navečer.
Če očete videti kak bu to se zišlo, zemite si 20 kuna i dojdete.
Nebu vam žal.
Više detaljof na plakatu.
Pozdravljaju vas "živine" z Pučkog kazališta Ogranka seljačke sloge Buševec.
--- Kraj citata ---
Ludi dragi,
Živine su se otele kontroli, za sada su otkazale okuplanje u Kučama.
Poslale su dio ekipe na more da vrbuje valda kakve nove tovare ili ko zna kakve se živine.
Kad se z mora vrneju i kad Vuzem prejde onda valda budu imale volu da dojdu v Kuče
Če ste se spremali zutra v Kuče, najte nikam iti jer predstave NEBU!
Primlete isprike ludi z Uprave OSS-a Buševec.
Navigacija
[0] Lista Poruka
Idi na punu verziju