100
« Zadnji post kuntakinte Srpanj 19, 2020, 02:57:36 prijepodne »
Babilonsko dužničko ropstvo
Eto, i večeres zezvedem da sem branil za Odru, i da sem bil najjakši i najbolši, i da mi je gol uspel zabiti samo onaj kaj mi je to povedal. Da se moj pokojni otec zdigne bil bi ponosen na ovakvoga golmana, z refleksi mrtve žabe kaj leži na sred ceste i nogami "Đon Vejn", kak da sem of čas zjašil z Ceze, bez sedla. A, počelo je i više nek obečavajuče, mam da su me pošpricali z deflorantom i zapisali pod jamce za Ligu, da sem uspel sesti med dva stare znance, kaj se znaju jeno trideset let, kaj se retko viđaju, a most je i bole tak, dost se, ovak, izbegavaju, a ja se uvalil kak drek v pecivo. Jen je prije vikal kikiriki-koščice-zanimacija-zacukorene jabuke-lizalice-điđe-miđe a drugi mu je to kral, tem redosledom, mislim, ono, to i ni krađa, ak si na pol metra a on te vidi, i nere ti niš, više otimačina, mada, i to je diskutabilen pojam, ak si mu redovita mušterija, i on tebe, mislim redovito mu kradeš... Više poslovni partneri. Kak i des v Rvacke; če fkradneš 100 kune ti si najcrnji lopov a ak mrkneš 100 milijardi onda si partner. V projektu. Veli, kaj je bila plava farba na akcije? Se kaj je plavo je friško ofarbano. Šank linija dela besprekorno još od pol dan, da su ludi počeli iti odmeše. Posle, praf-zapraf zmed Lige i Igranke je pri kotlu održana konferencija za tisak. Najbolum temum je ocenjena vinska kapla mada pofalena je i kuvarica te je je tum prilikum i dodeleno dostojno priznanje. Službeno. Dok su Kravarščani držali primat v skuplajnu flaš Kojzačani su bili neprikosnoveni v vračajnu lopti. Kak ona stara dobra vremena dok je Luka svojum mačetum haral po Kozje drage.
Kojzača je dolazek svega golmana poratila z gromoglasnem pleskom kak da je Jakov Fak donesel medalu za Rvacku. Imamo golmana!!! Kak je gliboka ta kadrovska kriza most i nevidimo. Vaso je postal redoviti, i redovni, član ekipe. Ne samo da se igra v močvare v Amazone Trsišča. Dok! Na druge pak strane golmani su redoviti i sveprisutni, kaj su mnogi krivo pretumačili iako se pokazalo da to dela kak talijanska vurica. Mada... Postojiju mrvice, skros male, razdora i neslaganja po nekteremi pitajni, recimo kak bi vezati žnerance, jel na vuzel ili rožicu, il bez. Komunikacija je dosta ograničena te saki pokušaj preširivajna iste završava z * il na *. Šutnja je zlato, mada, i pokušaji šutnje završavaju neretko z nabijanjem na *, proterivanje v istoga kak i nuđenjem istoga na degustaciju. Ak pušiš, ne vozi, ovaj, ne igraj. Dok je Muža na Ruševcu blistal kak mladenka prve bračne noči of put mu je fortuna okrenula pleča, il on nje, i moral je Peky svoje napačeno telo i dušu dovleči med stative. Iako! Nekaj, veliju, ne štima z tem golom. Bil je župnik dan prije ali...
Kum Zeko je moral ostaviti šumu na jen dan, il popoldnevku, da vidi kak dišeju tast i punica, i da se prikluči crne legije kaj je znaprova črlena. Tajsonu je ostavil šumu na brigu, i obavest da je se pod videjo nadzorom i da pazi kaj dela, i nedela, da nebi bilo nismo znali. Brojna svita skupila se na Ilovačine polovice, trenutno kvorum ni problem. Problem je jedino kaj nekteri zamreju naslojneni na trejtu gajbu. Ali, dober trening bi trebal i te nedorečenosti rešiti. V teorije Bebe imaju golmanov na hitajne samo je f prakse malo vekši problem nekteroga naj* da stane na gol. Ilija je došel na pivu, onaj zajdni je prekčera dobil otpusno pismo z Draškovičeve, v publike ima potancijala, za mrknuti i dve gajbe, ali su malo srameči za dobiti po fanfare na terenu. Sam Bok kaj je Gladovec pak tri lete "out", posle tri lete "in", i da su ovi kumi z Vukojepca došli malo popraviti krvnu sliku jel inače... I bunker bi prepal. A i ti kumi, Bok `prosti, da su videli da ove druge Bebe nisu za kooperaciju i da odnje ne niš of put, su napravili "ekipu v ekipe" i probali sami rešiti, neke probleme. * ga, mutne slike.
Najdukši put kaj jen stručni druker Velike Bune more prevaliti na Kravarske je od gola do gola, z dolne strane. Dulina puta je zbroj gemištov v jedinice čaš. Tak jenomu prosečnomu stručnomu drukeru Velike Bune treba gemišt i pol od gola do gola. Zakaj je Kravarska opčinsko središče, ne samo administatrativno. Zato kaj igrači velike Bune koriste baš of teren da bi sve bole polovice odpelali van. To ti je ono, "nobel". Stara, idemo na Kravarsku. Ona, gotova. Osim vizualne doživljajov, nekteri su se bivši povremeni i privremeni igrači Glumcov počeli baviti i z tablicum, statistikum i tak to a ni još ni 10.-o kolo. Tak neimenovani, morem ga pokazati, neznam kak se zove, veli, mogli bi početi davati nekakve penezi. Peharov imamo da više neznamo kaj bumo žnemi. Z penezi bi se bole snašli. Mogli bi nekaj i kupiti. Miši su došli z obadve ekipe "par-nepar", malo su drukeri sfušali a upriličeno je i prectavlajne najnoveje Neobrcke nogometne enciklpedije, prilogi za povest. na prectavlajnu je govoril glavni urednik i kolektor Vlado. V prvem talu se govori o Novem Brdu i nogometu od neolitika do sim ali su se autori večinum bavili z najnovejem dobom i trenutno živučemi legendami, kaj se još, službeno, nemaju nameru opraščati od nogometajna. Jeno poglavje je i "Hu iz hu" . Grupa autorov ovo velebno izdajne puno ilustracije i pretkano z foto dokumentacijum završava z sadržajem, popisom skračenic, autobiografijami autorov, igračev i publike. A utakmica je odigrana. Kak je Huđber H1 nacopral. Pak bu treba župnika zvati.
I šilakovečki kumi nemreju najti kemiju, kak da su kume a ne kumi. Koki se vupisal v ekipu a Šokre je ostal dosleden da mu doktor nebi bolovajne prekinul. Tona još leči izviđače kaj mu je nekakva preklapača fundala. More držati pivu ali zakaj riskerati z nogometom? Tu je Kumek došel na svoje, obadva nuki su v prve. Puky nema problema z kvorumom, ekipa je jaka i postojana, kak Noina arka. Tu i tam treba nekaj dodelati i dopovedati ali to spada v nevažne sitnice. Ali nevažna sitnica ni da mi se Davor počel ozbilno med strelca vupisavati, daš mu da diše i on ti ga mam kvalitetno vrgne. Brojni sponzori i drukeri su svojum nazočnošču uvaličali of sportski dogodek. Utakmica - beba. jena od najbole letos. Štršani stalno vode ali onda Jožamiškov zima stvar med svoje noge i preokreče trend, ne utakmicu, trend. Da je bilo još pet minut,.. igralo bi se 35 minut.
Žuti dresi su boli. Ovi novi Dinamo Vinkovci negativ baš nisu ostavili nekakov dojam. Došel je Domi malo zameniti nemački za kravarski asfalt. Ekipa je brojna i stručna, neznam jel do fali, ali fali "klik", ili premneiti svečice. Bosna super bi to rešile revijski. Iako su Leptiri, vuz peklenu podršku tribine, na početku dali gol i držali pozitiven rezultat, osečaj za filing je rekel da je situacija kontra. Vode, doma, a neurozni i nepovezani kak da se prvi put vidiju. Tigriči su čista suprotnost, gubiju na gostujučem terenu, faliju klučni igrači ali mučiju i trpiju. Primaju ga stoički, kak velikoga.
Veli Kovač, a čovek se bavil z boksom, jesu me se natukli, i potrgali mi tenesicu. Ja neznam kaj je ovo bilo. Reko, prva je utakmica, niske su tenzije, nigdo se ni uspel nalejati, stvarno neznam. V oštre konkurencije med Šinovima čak ni priznate internacionalne zvezde nemaju sigurno mesto na klupe Ruševca, o prve petorke opče neču struju trošiti. Teško se dobiva ulaznica a šut karti ima na pretek i deliju se kak predizborni letki. Da golman ne dojde na utakmicu Obadi su v problemu, most i vekšem nek da ne dojdeju igrači. Igrače moreju pokrpati z vitrine a golmani su deficitarna roba. V prvem talu Šinovi šrotaju Obade, Črni i stručni stožer se topiju kak King z belum čokoladum na dekolteu toples plavuše na plaže na Ugljanu oko pol kvalitetne četvorke za idealnoga vručega sunčanoga dana, kak z reklame. V zajdnem frtalu se Obadi budiju i počneju igrati onak kak su igrali do pred dve lete dok je Turopolci nisu nezgodno naguzili v Kuča. Da je bilo još pet minut,.. igralo bi se 35 minut. A v publike prvi put ikad igde na Lige deset plavuše f kupu. Je da skupa nemaju ni 60 let, ali gledi, statistika to nezna.
Najsimpatičneja slika des, dolaze Limunplavi, prvi nosi litru vode i čaše, drugi pehar vina a trejti klup. Onda su si seli pod orej i počeli ritual. Najprije su podelene kupice, kak po Križevečki štatuti, onda je nalejana kaplica a posle popravlena vodica. Ma, kakva Mona Liza, ma, kakva pesnička slika - ovo treba flašerati i prodavati. Ne vino, osečaj. Da su odozgor donesli gemište to nebi bilo to. Treba je negda v životu biti stari maček i šmeker. Čem prije to bole. Kak da igraš za veterane ali v životu. Ovo drugo, kaj se utakmice dotikavle, jem baš i ni išlo na ruku ali,.. da je nem do nogometajna, v temi leti, bi zeli loptu i nagajnali ju `Markuševcu po sinokoše od jutra do mraka i od mraka do jutra. Na druge strane, mamini i tatini, mladost i lepota, Kontraviktorija JR. Veli, najbole nas * to kaj nemamo golmana. Da imamo golmana to nas nebi *. Of zajdni je bil dober ali je dobil otkaz, v Perutnine Ptuj. Odma, prvi gol pada. Strelec, kak se ti zoveš, za zapisnik? Čunovič. Imaš ti kakve dokaze zato? Osobna mi je ostala doma... Dobro, gledi, autobus ti ide za vuru i pol, bumo te počkali...
Mam na početku Švabi su morali na popravni ze slikajna jel novinarska svita ima sliku od ekipe bez Mamiča. Mamiča mora biti, ili se ode f krasan *. Tesari su vuz solidnu podršku z tribine trgali Švabe ali je Crni "ftrgel" golmana Lučelnice pak se situvacija zakumplicerala. Normalno, Tuta je obavil 99% posla i trebalo je samo deti točku na "č". V međuvremenu su Lučelnicu pogodili dva sindromi kaj su pogoršali nogometno egzistenciju "des i tu"; prvi je sindrom "Kravarska na Kravarske, des" a drugi je "Baja Mali Kninđa, Kad neide i ne štima". Totalni prekid na bežičnemi komunikacijami, da je parnul wi-fi operater je prešel na safe mod di-si.
Najte kaj zameriti. Do se još po istine pomogel.
(Veli, mi bumo tebe zbubali onda ti naj kaj zameriti...)
Novi Postovi