Was ist los? Was ist das? Ludi božji, kaj je to bilo Gladovcu pret tjeden dan..? Još ni gotova računica kulko je je na* po pitajnu nogometa, kulko po lokalnem pitajnu, kulko po 6 pitajnu. Još se ludi iščeju i po pitajnu kravarskoga vina; veli kak da bi otprl star gate i teleporteral se nekam z gemištom v ruke a deporteral se z pivum nazat. Nekteri imaju prele v glave po par vur, tzv. blaupunkt, i skuplaju svedoke da de su bili i kaj su delali. Veli, obično me žena niš ne pita da dojdem domom našvasan, of put me samo pitala da kaj sem pil. Kak da ja znam! Nit sem dobil krila, nit kvatro pogon, nit sem se mogel po zidu i plafonu spinati, nit sem mogel čez zide iti - samo me nestalo... I, onda sem se našel, z prelom f glave... Kakov smo to čavel pili!? "Ka da mi je utrnija mozak..." Kučani su došli malo riti pute kazat, pol Mraclina Parikožarov se nacrtalo na "Mamičkane"- tulko Grat Gorica turistov nemre skupiti baš da oče, osim v novina, i statistike... Veliju neslužbeno-službeno da se "Divja horda 2017." letos igra 19.-oga Kuča, na Knejami. Živi bili pa ne mrli i to videli ili "to da vidim pa da umrem".
Nigde nikoga. Samo se kurilovčani do* na kotače. Tek oku pomnijega promatrača ne premeknulo da se z nove pečenjare diže oblak svetlo plavoga dima kaj se med smogori gubi put neba. Da se čovek, dobro, ne baš čovek, srednje sposoben primekne na puškomet od "lokacije" more videti da vredna ekipa koše četiri žute paprike i jenu zelenu, tulko su več luka nakosali da se pol kuvarov plače kak kišna godina, kotel je napal kotlovođu i skoro mu obrve osmudil. Veli Mamič da je tu se prirodno; prirodna drva, prirodni ražen, prirodni odojek... Reko, dej naj mlatiti, kaj ono f pečenjare ni železni stolec na čem se mali okreče? A, je, ali to se ne računa... Taman da je počel * mali se stal okretati. Kaj je to sat!? Trafostanica je pak hitila; veli, dej zabij nutre malo depše brike. I dej požuri, bu nam po pleče zgorel. Ja idem v auto po koperton ak ti neš stigel. Onda se mali pak počel okretati, ali na krivu stran. Bu treba preštemati pečenjaru da mator dojde zvana inače nam se bu zgorelo. To drugo leto, ni nikakva greda. Još bu treba napraviti krov na pečenjare onda bu faza 2-S gotova. A, kulko se v prijašnemi fazami pooopiiilooo. Dok smo delali... Krti su nam napali igrališče! Tu ti je bilo krtolovcov kak v egipacke doline piramide velikoga faraona TuteKamona. Neznam jel bi to trovati, strelati, ftaplati, kupiti kakve male jazafčare da to pretiravaju, spojiti na struju il kaj drugo delati ali ovak više nemre - bu nam se do vubil na igrališču da prepadne ` krtolovec do pasa. Veli, dej pogleč Mamiču oči. Kakve oči*? Oči opče nima! Pol vure je računal kulko koštaju dve pive regularne i voda obična nagažena. Reko si ti pak čera bil šlageran? Veli, več tri dane. Kaj si pak ulje povlekel? Več su mi čube debele kak gumene čižme od natezanja šlafa; ja neznam kam je to vino moglo nestati a bačva je zaprta... Da ga niste popili? I to bi moglo biti... Ali kaj je da je, odojek jem se trefil; nekteri veliju da to ni sreča, da je to iskustvo, drugi * nekaj drugo, trejti samo pod* ali pajcek je Mamiču otprl put v legendu. Veliju da ga budu deli v mamografiju Lige, il enciklopediju, v anale (ma kaj to značilo i bilo vam na pameti), Maminja, ne pajceka. A, problemooof dok ga nisu dobili i nakolili ob pol dan. Nekteri su, navodno, morali 576. put skidati junf. Nekomu. Za prase. A grlenje... Struganje po glave... Kušuvanje... Pak spočetka... Ali se splatilo, sem kaj nisu bili involverani v operaciju "Sluzne oči Katarine". Nekteri su rekli da nebi smeli masno, da jem je doktor prepisal... Mamič je se te * mam rezal z, nek se gone v MP3, da ga baš živo i fantastično boli *. Da ovo ni ni pateka ni bolnica; tabletov ne tržimo... I nek ideju v *. Suci su bili v svečane bele toalete model "Zlatna Buna" sponzora cara Đure IV. Si su se šteli žnemi slikati i grliti, nekterem je to i dobro debelo zabeglo. Vačarenje. V predužetke četrtoga polunevremena v revijalne utakmice zmed Vrvcov i Brežanov, na penale, su depši kraj zlekli Brežani. A v trejtem poluvremenu lokalnoga derbija zmed Gornoga Ruševca i Kravarske Ruševec je najprije povel z 4:2 v gajbami. Posle su se Kravarščani primeknuli na 6:5 v gajbami a onda je došel Božo... tak da bi krajnji rezultat prepustil kompetentnejemi precenci kaj su žnemi i med nemi dočkali fajrunt. Kojzača je zapela na dve, to su bivši Manekeni rešavali za "Dobro jutro". Dosta, ovak, idiličnu sliku je pružal pogled na zvezde Opatije i Kojzače kaj su skakale po stolu kak šlagerane dok su jem se tange, muške, one de špaga dojde z prve strane, i druga rubenina sušila ober glav na dvofazne žnore. Da nebi se bilo idealno i s(a)vršeno poskrbel se Mamič; do o čemu, kurva o Mamiču; ak je krif za dobro nek bu krif i za lošo. Lani se znalo i videlo de je čiji šekret, muški z muškum papučarkum na jene strane i ženski z
labutenkum na druge strane. Ja neznam de jem je letos pamet bila da na to nisu mislili!? Tak se trefilo da su nektere, v krajnje nužde, čiste i nevine, naletele na medveda, il je medved naletel najne, nekteri, čista obraza i bistra oka, na kaču, il kača najne/ga, nekteri došli suve nog a otišli zapišani, nekteri došli čisti i mirišlavi a otišli posrani... Nastalo je sveopče totalno mešajne po semi vertikalami, horizontalami, dijafragmami, dimenzijami i lici(ma). Veeeeliki minus, kak šekret. Na kraju mu je nestalo i luka. Neznam kak nektere rime i radne operacije moreš konzumerati ak nimaš luka. Jer od luka... Evo, baš sad čujem da se počelo pucati z onoga pištola z grbavum cevjum za pucati iza čoška, sat bu i milicija došla i se rastirala v mp3...
Ovo je prvi put otkat je Lige da se Veliki Bunci ne moraju klati z nekem jakem na "Mamičkane" i da je ima dost. Tu su zvezde Gorice, Ferencvaroša, Linca, Maribora, Želje, Vardara, Čelika, Udarnika, Bitole... Vinca je nazval da sigurno dolazi. Tomeku je mam opal kamen ze srca, na kurje oko na palcu, jel je baš i ni. Ali Vince ni ni kaj bi * vuz friške firunge obrisal. Moral je Tomo obleči svoj stari triko za nogometajne model "Batman III", zasukati lačevice i napraviti slalom med krtolovci "Mamičkane". Vinca ni došel "pet do tulko", ni "tulko i pet", nek "trifrtal nekulko" a onda se inače kak školski primer složena igra Legije raspala kak prolev na tuče. To ti obično tak ide da ti naaajboli prijatel posudi štumfe pret mesec dan a ti je "zabiš" vrnuti iako stalno vujnemi igraš, ideš po šume, v šoping v Brežice, Nađkanjižu, Bosanski Novi i Hrelič. Onda te Bok tak kazni da nemreš pobediti Glumce.
Rekel je Buša da bu navijal za Ruševec, to su negvi. Ali srce vleče, kak telek cicu. Obadi su kvalitetno odigrali utakmicu, nijova publika na rubu ekstaze a da su ga dregnuli Tone iza pleč i prek ruba. Veli Tona; i, to je, ko, moj gol, ha..? Tak bi i završilo jel su Obadi polovili se konce igre Balerine da ni bilo "Labuđega jezera" v petercu v režije Brunčija. Scenarij, režija, glavna uloga...
Lucky se demonteral, Franca ni, ni ni Drage, si su drugi tu. Ot Leptirof samo Božji Dar fali ali i on je tu negde, navodno. Da su Manekeni tulko destabilizerani znutra niti kvalitetna Sepova reč zvana nemre pomoči a na druge strane Anđo i Domi se sporazumevaju bez telefoneranja. Čista telepatija, pati tele patim i ja. Negda i predobro, odigraju se dobro a zabiju loptu.
Buduči da je neradna sobota pri Kralu železja sa sila četiri smene se zjatila na "Mamičkane" v Schwarzwaldu. Iako su dali "stolicu" na analizu rezultati baš nisu očaravajuči, osim za Akviziciju kaj je posela familiju v jugiča i pravac Ugljan. On se vu tu gužvu nebi štel mešati, ak treba pomoči tu je, ak ne treba, još bole. Tehnički, neobrcku Akviziciju živo boli ona stvar za prijenapisano, on je je nametal. Mogel je i više ali ni bilo kemije a i počela je za*. Se to ni prepoznala tenka publike Mišef kaj se jedva videla na tribine. Ovo kaj se videlo ni pustilo ni glasa. Posle su se Miši zalepili za Ševce iza gola kakda su jena ekipa, a dve gajbe. Kaj ti je genetika... Nekteri su se probali baviti i z ofiranjem ali su se suočili z kvalitetno lanseranem od*. Neminovni sudar je spasila vučna služba...
"Limunplavaoluja" je nezgodno opala Štršanom kaj se nikak nemreju skoncentrerati kak na početku. Il fali golman, il fali Kuruzni, il je * sindrom "Jaguštanovec". Ševci, pak, vođeni iskusnum rukum dede Jože igraju kak stradivarijeve gusle a da ta ruka otijde van počme nabijanje po "sinzer-sajzeru". Onda se Joža mora žifcerati i zajti pak nutre da jem pokaže kaj je pesnik štel povedati zmed redov gluve pesme.
Derbi se derbijev, ak se bumo za*. Kristuši su probali prodati utakmicu ali Švabi nisu dobro čuli, il su se zgubili v prevodu. Da je muzika došla Slavek jem je mam občituval; najte igrati dok mi ne završimo, niš se nemo čuli. Kak da bi nam zraketerali repetitor na Čelavcu. Dojdete zutra, zutra nete nikomu pačili. Baš ni ostavil nekakov dojam. Švabi su postali kak voditelice dnevnika, il Doris Vrandečič dok je još vodila loto, išlo jem dobro il loše šlapa mora biti otprta. Tata Želko je malo zakesnel na aktualna događanja pak se samo šmajhlal po tribine sim pak tam de bu videl kakvu bolu situvaciju vu bolem društvu.
Opatija v Ajnc-A sastavu, kak da se rešava pitajne prvoga mesta v Bundeslige, neznam jel do doma ostal. Iako je bilo puno sneje z Opatije te nisu nit glasa pustile, most jem se na večer popravi il se za "nočni turnir" čuvaju, kak bi pomogle svoje pulene. Most i nisu tu radi nogometanje... Ilovača skoro totalno defeljanizerana; samo se golman do*, a i on si je zamalo z loptum vubil ženu i dete... Poznati broji-nova lica, neznam jel ovo fejslift il redizajn ali j* zgleda. Pitajne je kulko bu trajalo, ak bu trajalo. Ovi drugi valda mužar iščeju po Rašča...
To ja zovem derbi. I suci su osetili žilu kukavicu breškoga nogometa i pustili da se ludi igraju. Dok se nisu preveč zaigrali... Šinovi su uveli novo pravilo, samo za ovu utakmicu, mislim da više nedu ovak odigrali letos, i nadam se da se varam, da do da gol taj ide van. I plača gajbu. Onda je počela mudrija kak pobediti, igrati i nejti van... A Bebe čekaju nekoga drugoga da mu nasopunaju desku...
Rezultat ne kaže pravo stajne stvari na terenu i da su Bojsi več pomalo i plivali da su je Gruntovčani počeli veslati z naprova odozat i z leva na desno, il tak nekak. Ali broje se goli i tu je statistika neumoljiva.
Najte kaj zameriti. Istina je voda gliboka a ja bogec neznam plivati. Ali po par vur ronim...
Specijalni pozdraf za Grčku:
Sengo fore seku glifu
Traj-na-nina nina-naj-naj
Nina-naj-naj