Autor Tema: HR.KAJ.NĚ? - Lépa naša kajkavska / pregled tisKAJna  (Posjeta: 329720 )

0 Članova i 1 Gost pregledava ovu temu.

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Kolinda, Ivo, maškori, prijateli, korizma / HR.KAJ.NĚ? -Lépa naša kajkavska
« Odgovori #690 : Veljača 26, 2015, 08:05:26 poslijepodne »
Međimurske novine, br. 1014, 20.02.2015.
e-vundano 23.02.2015.

Piše: Jožek radnik

Premišlavanje Jožeka radnika

Kolinda, Ivo, maškori, prijateli, korizma

Morem vam reči da mi je jako lepo kaj žena vupa vudriti po stolo, a Ivo je to niti jempot ne napravil za pet let. Kak je teca Franca rekla to je kučni odgoj. Ne bi se štel mešati, ali ne znam gde je jeni mož dok ona doma tuče po stolo, je li ga nega doma ili pak je pod stolom? No, nek si to oni med sobom rešijo, važno da se zna što pre hiži nosi hlače i što je gazda. Ne sam pre hiži, nek i na Pantovčako!



Ovo leto je tak zišlo, na samo fašinsko nedelo je Kolinda Grabar Kitarović prisegnula, pred Božekom i ljudima, da bode precednica vsih ljudi, ženi i dece, šteri živijo v Lepoj našoj, a isto tak i vsim Hrvaticama i Hrvatima, šteri se poteplejo po belomo sveto, v ovih pet let šteri so pred nami. Morem vam reči da je precednica bila jako šik, jako je lejpo prepovedala tak da smo se več v nedelo mogli žnjom štimati i bilo nam je lepo i toplo pre srco kaj smo znali da smo ne glase potepli. Jako je bil vesel i jeni mož Jakob, ali kuliko se ja razmem v politiko on ne bode ve precednik ak mo je žena precednica, on bode i dale ostal precedničin mož. Najbrž čovek zna zakaj je bil vesel? Malo je ljudi v Lepoj našoj šterima je žena precednica. Kak bilo da bilo i naš Božek je dal svojega priloga inauguraciji precednice Kolinde, bilo je jako lepo i toplo vreme, brzčas je i on bil zadovolen kaj se je rešil nezerenuša Ivija.
          Dva dni posle je bil Fašnik, zadji den fašničkog ponorevanja i maškorov. A Fašnik je bil i zadji Ivijov den na Pantovčako. Vsi znamo da je Fašnik den za hurmastoče i te den vsaki more biti ono kaj oče tak da bode Ivo najbrž još precednik. Brzčas je i Ivo bil zadovolen dok je gledal kak so Fašnika obesili i skurili jerbo je kriv za vse nevole Lejpe naše, a isto tak je kriv i za to kaj je Ivo zgubil izbore. Još Ivo nebre dojti k sebi kak je on šteri je bil nejlepši precednik, pravi gospon makar malo apšisani, lejpo je govoril, dopadal se ženaj, a i one so jega štimale, žnjimi je pil kavice. Bil je nejbolši i nejpopularneši političar v Lepoj našoj, a zgubil je izbore od Karamarkija šteri je nejhujši političar i nišči ga nema rad. Mortik je ipak to kaj je gospa Kolinda lepša od Ivija, lepše zgledi, a i mlajša je, prevagnulo pre našemo biračkomo telo. Morem vam reči da se i ja štimam z Kolindom, lepa je, lepo zgledi i zna kaj oče, a isto tak zna kaj mi od je očekuvlemo. Morem vam reči da mi je jako lepo kaj žena vupa vudriti po stolo, a Ivo je to niti jempot ne napravil za pet let. Kak je teca Franca rekla to je kučni odgoj. Ne bi se štel mešati, ali ne znam gde je jeni mož dok ona doma tuče po stolo, je li ga nega doma ili pak je pod stolom? No, nek si to oni med sobom rešijo, važno da se zna što pre hiži nosi hlače i što je gazda. Ne sam pre hiži, nek i na Pantovčako!
          Vsi so bili veseli v nedelo, vsi so pleskali Kolindi, vsi so popevali da je trelo sam je jena gospa ne bila zadovola, očem reči, bila je nekša srdita i bez vole. I vi ste to primetili? Neste? A kak unda znate da je to bila Besna Pusič?

Mam čim smo dobili novo precednico zravnali smo se v Čakovec maškore glet. Kuliko sam mel za čuti, gradonačelnik Štef Kovačov je na jedvite jade predal grackoga ključa maškorima, a unda ga je zmiril jegov pročelnik Barič, šteri mo je stiha pošepetnul da je napravil i jenoga rezervnoga ključa tak da je vse pod kontrolom. Denes so teška vremena i maškorima ne muoči veruvati jerbo što zna što je vse bil pod maskaj i kaj si maškori gruntajo dok jif nišči ne pozna?
          Morem vam reči da mi je bilo jako čudno kaj je v Čakovco na maškorima ne bil niti jeden političar, niti domaći, niti stranjski. Još se je nigdar ne pripetilo kaj ne bi med maškorima svoje prectavnike meli precednik, premijer ili pak ministri. A niti Kolinda je ne došla. Nega bilo niti Liniča, Bandiča, a isto tak mi je ne jasno kak to delajo čakoski turistički težaki da so ne uspeli dopelati bar jedno grupo maškorov z Remetinca. Morem vam reči da je bil jedino Ivo Sanaderov, došel je sam i ne bi ga niti prepoznal, ali ga je pajdaš prepoznal po brojo 10 milijonov. Vsi znamo da so reštanti sam broji v rešto, ali nikak se ne uspel zazvediti kaj je iskal v Čakovco? Mortik ima tu nekše dužnike, plača v rešto je ne vsaki mesec, a stroški so veliki, a i Ivo je navčeni na živleje na velikoj nogi.


Nikak se mi Međimorci nebremo otrči od toga da smo Mala Švicarska. A i nečemo jerbo se z tem štimamo. Kak bilo da bilo, Švicarci priznajo da mi Međimorci imamo velikoga juša i v pravoj velikoj Švicarskoj, jer tam naši ljudi delajo več skorom sto let, pak je unda čistam nekak normalno da so nekšega vraga i tam naprajli. Vsi znamo da so nejpredi naši ljudi tam delali, tam peneze služili, a doma trošili. Kak je vreme išlo tak so čude vejč cajta tam bili i vse meje i meje doma, pak so unda morali i tam nekaj zazidati. Znate vi dobro, da smo mi Međimorci ne zdravi ak nekaj ne zidamo vseposot kud idemo. Nebrem se nikak složiti da Švicarci imajo čuda vekše plače od nas Međimorcov, ne oni sam ono kaj zaslužijo spametneše respoređuvlejo i duže jim traje. I još jedna sitnica koja jim tu pomaže: Švicarci imajo 4500 i naši težaki imajo 4500, sam kaj oni imajo v frankima, a mi v kunama. Neje nam lefko to priznati, ali mi smo na leta jačali franka, a norca smo se delali z naše kune, a ve smo se mi zaškolali i ve bodemo mi jačali našo kuno i sam je pitanje dneva gda bode naša kuna dostigla jivoga franka. Naša kuna je mlada, lepa i v kondiciji, tak da stari franak to bitko najbrž ne bode zdržal. Jedva čakam dneva da bodo Švicarci za svoj stari franak dobili jedno lepo i mlado kuno!

Čakovec, Čakovčanke i Čakovčanci so pak dobili jednoga grada prijatela i to Blagoevgrada v Bugarskoj. Nesam znal da je Bugarsak naša obečana zemla i nebrem nikak zazvediti zakaj se mi ve moramo z Bugarima i Bugarkaj pariti. Nekaj sem mel za čuti, od naših grackih ocov, šteri so išli v posjeto novomo prijatelo, kak je to red i kak to stare međimorske šege nalažejo, da so Bugarke čuda lepše od Bugarov, a i grad je lepi, skorom kak Čakovec tak da ti naši dva gradi bodo lepi par. Nešterni pripovedajo da se je Čakovec i Međimorje z tem odužilo Bugarima šteri so bili v sastavo Črlene armije, a ona je v aprilo 1945. leta oslobodila Međimorje od mađarskih okupatorov. Mi Međimorci dugo i dobro pamtimo i očemo vse ono kaj smo dužni vrnuti. I vse nam to dobro ide jedino ono kaj smo dužni vu frankima tu nam malo škriple. Blagoevgrad kak Blagovgrad, Bugarke kak Bugarke, ali nebrem nikak razmeti zakaj se nečemo dale pariti z Sigetvarom, mi smo jiv grad prijatel, a oni naš ne? Isto tak smo zahuzali vse ono kaj je bilo lepo i dobro i kaj smo meli z Šrambergom v Dojčlando. A ne znam zakaj? Nekak si gruntam, pak se čuda vejč vsega moremo nafčiti od Švabi nek od Bugarki? No, tu sam se malo zaletel, Bugarke imajo čudas lepše cvetje nek Švabice, a vsi znamo da je naš Čakovec grad cvetja.

Korizma je stopram počela, stopram smo na poceko, a več so naši političari počeli postiti, očem reči, odrekli so se nečega kaj jim je do ve bilo dobro. Tak se je, napriliko, čakoski gradonačelnik v Grackomo vječo odrekel "seljakov" i na višeše štenge je del laburiste i "nezavisnoga" Kočilo. Vsaki dela onak kak mo paše. Jako sam najgerek kaj se bode pripetilo ak vsi z opozicije prejdejo na drugo strano, pak unda bode i v Čakovco opozicija na vlasti kak je bila v Međimorskoj županiji pred 15-16 let.

Isto tak so se laburisti, i to predi nek je korizma pravzaprav počela, odrekli svojega mesta v opoziciji, spraznili so ga i odišli v pozicijo, očem reči, na vlast. Imajo oni praf, pak so se oni ne hapili baviti z politikom kaj bodo furt negdi na repo događaja. Na vreme so genuli, dok je još bilo mesta, jerbo nega niti na poziciji mesta za vse, nek sam za zebrane i one šteri prvi dojdejo!


Zvir:
http://www.mnovine.hr/kolumne/Jo%C5%BEek%20radnik/1/Kolinda,%20Ivo,%20ma%C5%A1kori,%20prijateli,%20korizma
i(l) str. 56. sim:
http://issuu.com/mnovine/docs/mnovine1014i   
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine 
       
* * * * * * * * * * * * * * * * * * * * * * * * * * * * * * * * * * *

Glazbeni ansambl Tresnjevka - Turopoljski svati, 03:19

Glazbeni ansambl Tresnjevka - Turopoljski svati
« Zadnja izmjena: Veljača 26, 2015, 08:07:18 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Krava kak vutelovljenje sud-bine / HR.KAJ.NĚ?-Lépa naša kajkavska/ tisKAJne
« Odgovori #691 : Ožujak 04, 2015, 10:04:44 poslijepodne »
Prvo kravica, pa štalica
Tragi-k(o)mična svetla po(z)ornice: kmična Kraveska i svetla Po(dv)ornice
Krava i sud-bine

* * * * *

Varaždinske vesti, br. 3648, 02.12. 2014.

Piše prof. Barica Pahič

KAJ je naše pitanje i naš odgovor

Krava kak vutelovljenje sudbine

Radi Pisave Iva ženi Rožu,a ona ju dobi da bi spraznila hižu za bratevu ženu. Iva hoče biti svega tiela gospodar, a Roža ostvariti puninu svega življenja čez materinstve i ljubav.
Kie je od njih vekša žrtva?



Naše Kazališče spunjava svoje obečanje da bu se brinule za kajkafski repertoar. Pokle „Bogega Ivača, znova“, predstave „iskonskog humora i poezije prostote“, za šteru se more reči da nema ni Varaždinca ni dotepenca šteri ga nie pogledal, bila je „Breza“ B. Radakovića po motivi Slavka Kolara, a ovih dnevov i „Svoga tela gospodara“ v režije G.Para, takaj po Kolarovi motivi.

Pune je tega več rečene o temi predstavami. I mene nekaj natentava da o njimi premišljam, ali naglašavam da si ne vmišljam da sem nekšni kritičar f kazališnem području. Same iznašam osobni dojam. Na ovie zapis me napelava usporedba zmed predstav na Kolarove teme. Nemre se reči da „Breza“ nie bila dobra, ali mi je ostavila, nekšni osečaj neispunjenesti. Išla sem ju pogledati i drugi put. Onie pervi opčutek mi je ostal. Glumcem nemam kaj prigovoriti. Nekaj mi je ipak podsvesne smietale. Onda je došel „Svoga tela gospodar“. Prie tega sem vidla jenu predstavu i film. Temu i radnju pak zna več saki srednjoškolec. Ni tu v glume nie problem. Ne bi vupala govoriti o nijansami. Zgledi da je se štimale, kaj je več put rečene.

Pa gde je onda kvaka? V režije, v tretmanu teme? Je, tue je germ vukem leži zajec. Vidi mi se da je v „Brezi“ bilo preveč „odsustva empatije“ med likovima, a prenaglašena seljačka zaostalost, trdekornest i primitivizam; kakti ti seljaki su bedasti i zabiti. I ova predstava je realistična, a Kolar ostal prepoznatljiv kak i njegev „smijeh kroz suze“, ali se odnosi nekak drukčeše razlažu. Vidi se glibueke čovekoljubive razumevanje za životnu buorbu v siromaštvu i onda gda je smiešna. Niesu Ivini roditelji bezosečajni sebičnjaki, a Iva bedak zate kaj prihvača ženidbu s pucom šteru nemre ni pogledati. Tomu se protivi „cijelo njegovo biće“. Na te ga sili nagon preživljavanja, a tuo znači imeti kravu, vriedne blašče. Krava je vutelovljenje njieve sudbine. Radi Pisave Iva ženi Rožu,a ona ju dobi da bi spraznila hižu za bratevu ženu. Iva hoče biti svega tiela gospodar, a Roža ostvariti puninu svega življenja čez materinstve i ljubav.

S tega onda proistieče jaki dramski sukob. Gda Roža doživi same uvrede i nasilje, ta mučeča i trpeča osoba svuoj krik pobune skažuje kak vrhunec življenske patnje. Kie je od njih vekša žrtva? Iva ipak podsvesne oseti da v sredine štera ga tak pritišče nemre ostati svega tiela gospodar. Slomil ga je Rožin izbor smrti meste poniženega življenja. Tu se onda dogodi čas razumevanja za veličinu ljudskega bola. Iva spije copriju. I tuo nie bile smiešne. Ja sem pustila suzu.


Zvir:
http://varazdinske-vijesti.hr/kaj-je-nase-pitanje-i-nas-odgovor/krava-kak-vutelovljenje-sudbine.html
i(l) str. 27.  sim
http://varazdinske-vijesti.hr/pdf/3648.pdf 
Aktuelni broj VV:
http://varazdinske-vijesti.hr/online/Main.php?MagID=1&MagNo=1 

* * * * *

Zadruga: Krava mi je v detelju vušla, 03:14

Zadruga: Krava mi je v detelju vušla
« Zadnja izmjena: Ožujak 04, 2015, 10:10:18 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Fala ti, Božek za joči sokolove / HR.KAJ.NĚ?- Lépa naša kajkavska/ tisKAJne
« Odgovori #692 : Ožujak 07, 2015, 09:52:32 poslijepodne »
Međimurske novine, br. 1015, 27.02.2015.
e-vundano 02.03.2015.

Piše: Jožek radnik

Premišlavanje Jožeka radnika

Fala ti, Božek za joči sokolove

          Fala ti, Božek kaj sam mogel videti Ivija
          kak odhaja z Pantovčaka i Kolindo, štera mo je mahala,
          fala ti, Božek kaj videl sam te osmeh šteri ostaja
          i regionalisto, šteri odhaja



Mi Međimorci se još navek spominamo za novo lepo precednico i jeno inauguracijo i to vse zbogradi naše stare međimorske pesme "Dej mi, Božek, joči sokolove.", štero je na Markijovomo Trgo popevala Renata Sabljak, jerbo ak ga nas več ne v svetešji pesmi, očem reči, himni Lejpe naše unda smo srečni kak črveki kaj je precednica mislila na nas dok je dohajala na Pantovčak makar smo mi jako slabo ili skorom nikak ne mislili na jo dok smo hodali glase davat. A kaj se more, mi smo, kak biračko telo, zahuzali kaj se Kolinda dotikavle, a ona još navek računa na nas. Kak je to lepo da znamo da nešči misli na nas makar smo mi to ne zaslužili. To vam je tak kak i moja soseda Barika, furt se mota po moji glavi, furt si gruntam o joj, a ona niti da hiti oko na mene, a kamoli da si ga počine na mojemo telo, nek ide polek mene kak polek turskoga groblja. No, pustimo sosedo Bariko nek ona ostane tam de je je, a mi pak se bodemo vrnuli našoj staroj međimorskoj pesmi malo predelanoj za ovo priliko:

          Fala ti, Božek nejpredi za naše malo Međimorje,
           fala ti, Božek za Lejpo našo,
           fala ti, Božek za joči sokolove,
           fala ti, Božek kaj sam mogel videti Ivija
           kak odhaja z Pantovčaka i Kolindo, štera mo je mahala,
           fala ti, Božek kaj videl sam te osmeh šteri ostaja
           i regionalisto, šteri odhaja,
           fala ti, Božek za joči sokolove.


Nekak je čudno završilo minulo leto prinas v Međimorjo, očem reči, v Strahoninco. Tam je več v decembro započela korizma. Najme kaj, tam so se esdepeovci odrekli "seljakov" v Adventu, to je vreme darivanja, a strahoninski opčinski večniki so svojega načelnika nagradili z nogom v rit. Ve so na redo Strahoninčari kaj početkom marcijuša, na pol korizme, rečejo je li se slažejo z esdepeovcima ili pak bodo haesesovco Franceko produžili mandat. Jako sam najgarek kaj se bode itak pripetilo ak bodo Strahoninčari svoje glase dali Sanji, a Strahoninčarke Franceko? Unda bode prinudni upravitelj, gospon Posavec, tam duže na kvarteljo!

 Nebodete veruvali, ali nešči je v čakosko gracko kaso uplatil 3 milijone kuni i razveselil grackoga načelnika Štefa. Morete si misliti kak se je zavinula polica v grackoj kasi, štera je navčena kaj tulikši penezi najempot dojdejo v kaso. Mam je gracki hižni mešter (čitaj: ezermešter) moral mejati polico. Dugo se je skrivalo što je bil te Ded Mraz. Niti gracka financ ministrica Lidija je ne uspela zazvediti što je to itak sranil svoje peneze v gracko kaso. No, na vse zadje se je, ipak, zazvedilo da so te penezi došli z Bugarske kak bi se stoprocentno zacementerala pajdašija našega Čakovca, grada cvetja i dece i jivoga Blagoevgrada, grada cvetje i študentov. Nekak smo se fest dopali Bugarima i Bugarkaj, a vidli so sam naše gracke oce, očem reči, tri kralje, kaj so se tak razbečarili. Kaj reči, dobro smo se prodali!

Priločanci nikak da dojdejo na zeleno kito z našom Vladom i jivim šefom Zokijom. Što jim je kriv kaj so tak visoko odleteli, očem reči, čuda više nek vsi drugi v Lepoj Našoj, pak imajo premalo težaki na burzi dela i ve nebrejo dobiti tuliko težaki za javne posle kuliko nucajo. Kaj so pozabili da on čavel šteri strči preveč visoko navek dobi po gopco, pak so tak ve i oni zišli. Nebrejo nikak računati kaj bodo oni i dale v državnoj cukor-piksi jerbo je te preločki čavel hadezejov, a hamer šteri tuče esdepeov. Ovak so Priločanci preveč visoko, a ve bi šteli kaj bi jif država i dale pomagala kaj bodo još više leteli. Dobro so si ovi v državi pregruntali jerbo ak bi Priločanci preveč visoko odleteli što bo jim do nosa dosegel?

Hrvaški sabornik, Srbijanec ne svojom krivnjom, Milorad Mile Pupavac, je donesel v Sabor selotejpa onoga dneva dok je Branimir Glavaš, šteromo je hrvaški Ustavni sod poništil presudo i robijo od deset let za ratne zločine, došel z Mostara pogledati sabornico v Zagrebo i kaj se malo pospomina z negdašjim pajdašima sabornikima. Mile je štel vsima reči kak je Glavaš optoženi i kriv za "Slučaj salotejp" i lejpo nas je vse podučil kak se selotejp dela kaj bi koristil čoveko, a nešterni ga (mislil je tu na Branimira) nucajo za čistam nekaj drugo. Ali je Mile pozabil da i deca dohajajo na of svet stvorjeni na sliko i priloko Božekovo i to zato kaj bodo delali dobra dela i kaj bodo služili Božeko i ljudima i neje važno na šteroj so strani Dunava rođeni. A nešterni, isto tak, posle skrenejo pak ratujejo protiv svojih sosedov, kaj bi rekli delajo čistam nekaj drugo nek ono za kaj jif je dragi Božek poslal na of svet. E moj, Mile, neje vse onak kak ti to misliš, dosta toga ste ti i tvoja bratja zakuhali kaj se nebre sam tak pozabiti.

Vse kaj mi obični smrtniki ne znamo zna Guglin i Internet. Tam vse moremo najti, prečitati i zazvediti. Nebrem nikak razmeti kaj bode z naše dece da oni zazvedijo kaj zabadav hodajo v školo ili pak na faks. Kaj bodo hodali ak vse kaj nucajo morejo najti na Guglino. Prvi so se počeli protiv Guglina buniti doktori. Oni so cirka okoli deset let hodali po fakultetima, bolnicaj i specijalizacijama, a ve jim dohajajo betežniki šteri vse znajo. I kak ne bode doktoro žal kaj je tulikšega cajta zgubil, a zabadaf. A i mi ljudi smo čudno raslinje, nekaj malo prečitamo na Guglino i mislimo da vse znamo. Pak je čovek ne auto jerbo ak je auto gumija prazna tre jo zakrpati i napumpati, ak auto nejde mortik nema benzina i kaj ne bodem dale nabrajal, a mi ljudi imamo svoje falige, očem reči, vsaki od nas ima nekaj čistam svojega i to je ne isto kaj i sosed ima. Verjem da ste dostipot čuli kak si sosedi i rodbina posojavlejo prahe, sirupe i druga vračstva sam kaj ne bodo morali hodati stisko delat pre doktoro, a beteg nikak da mine. Da je to vredo unda ne bi morali školati doktore nek bi još dendenes coprnice bile glavne v seli. Dragi Međimorci, preštimane Međimorke, pustite Guglina nek on dela svojega posla, a ak vas beteg muoči ravno k doktoro on brzčas nejbole zna kaj vam treba. Kaj ne bodete zišli kak je zišla moja tretja soseda Mica. Ona si je posojavala prahe jerbo so jo križi boleli. Potrošila je prahe od vsih sosedov, i od moje tece France, ali je nika ne pomoglo. Na vse zadje je ipak morala iti k doktoro. I ve ste najgerek kaj je bilo? Kaj? Bila je pucka, za tri mesece. Fajna, zdrava, skorom štiri i pol kile. Fest puca, tak bole fest kak nas krčmar z vulice. A, vidite, Guglin je o tomo pojma ne mel jerbo je Micika opče ne hodala v krčmo.


Zvir:
http://www.mnovine.hr/kolumne/Jožek%20radnik/1/Fala%20ti,%20Božek%20za%20joči%20sokolove
i(l) str. 64. sim:
http://issuu.com/mnovine/docs/mnovine1015i   
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine 

Citat:
Kolindu Grabar-Kitarović na inauguracije čuva i Zrinska garda:
http://www.mnovine.hr/vijesti/hrvatska/aktualno/kolindu-grabar-kitarovic-na-inauguraciji-cuva-i-zrinska-garda
Citat:
fala Božek za Međimurje.mpg, 07:13
       Recital-Marijan Belčić
       Glazba-"šest let je minulo" Gusti Draksar
       montaža - Mario Brezovec
https://www.youtube.com/watch?v=DqAo1noxuDY

Renata Sabljak - Dej mi Bože (inauguracija predsjednice RH), 02:03

Renata Sabljak - Dej mi Bože (inauguracija predsjednice RH)
« Zadnja izmjena: Ožujak 07, 2015, 10:22:01 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Tiho pojte s(pl)ićani slavuji / HR.KAJ.NĚ? - Lépa naša kajkavska / tisKAJne
« Odgovori #693 : Ožujak 13, 2015, 09:53:52 poslijepodne »
Predvuzmeni predbožični (č)lane.k (lajnski sneg)

Varaždinske vesti, br. 3650, 16.12. 2014.

Piše Barica Pahič

KAJ je naše pitanje i naš odgovor

„Moj sokole, širi svoja krila“, ili „Tiho pojte sićani slavuji“?

Onda je nuovi zapopieval pesmu „Moj sokole, širi svoja krila...“ Zezvala je svađu i prekinula zbilja zanimljivu političku raspravu zate kaj je jenega diskutanta raščemeril(a). „ Kaj hočeš? Dam ti ja tvojega sokola! Nacionalist jen bedasti!“
 – Popieval bum kaj hočem! Kaj se špinčiš? Misliš da ti je tuo još Juga? Partijaš pijani.“
Zvršile je s tiem da je nieki pozval policiju. I gda se začula policijska sirena, si su si poseli i zapopievali: „Tiho pojte sićani slavuji...“



Bližiju se božični dnevi i vrieme je čestitanja Božiča i Nuevega leta. Negdar sme pisali čestitke, a denes se menj zate kaj čestitanje moreme obaviti telefonski, z e-mail ili SMS-porukom („jer nema ko nema MB“) pak več ne muorame svoje drobne peneze trošiti na čestitke i marke. Imame modernejšu tehnologiju „priopčavanja“ pak ja svoje dobre želje čitateljem morem poslati i priek novin. Da nebi kesnila, ovie put hočem to napraviti male ranejše. Kak je zapričela predsednička izborna kampanja, more se dogoditi, kak se dogodile f slučaju o šterem hočem pisati, da vas vaše različne svetonazorske i političke opredeljenje posvadi s prijatelji i rođaki pa nit buju oni vam kaj dobrega željeli nit vi njim. Pokle vam bu žal.

Jene privatne društve, skupljene s čist drugih razlogov neg je politika, liepe se zabavljale. Jele se i pile, kucale se s kupicama, popievale “Zato, bračo, pime ga, dok ne pukne zorja...“. Kaj je bil povod okupljanja, niesem mogla znati, ali je z rasprave bile jasne da su različite politički i svetonazorski opredeljeni i suprotstavljeni. Analize i argumentacije štere sem čula nemrete čuti ni na TV-u ni na radiju, a bormeš nemrete jih najti ni v novinami. Mislim pritem na njievu oštrinu, bistrinu i „jake“ rieči štere su se mogle čuti, a v javnim priopčilima jih z pristojnesti (kulike je pristojnesti još ostale) nemrete čuti.

Onda se društvu priključil je nuovi i zapopieval „Moj sokole, širi svoja krila...“ Pesmu sam več negde čula, ali ju ne znam pa ju nemrem citierati, a bile bi dobre. Zezvala je svađu i prekinula zbilja zanimljivu političku raspravu zate kaj je jenega diskutanta raščemeril. Kupicu, šteru je bil podigel da si pojača adrenalin, tie je spustil na stol i komaj se držeči na nogaj, zakričal: „Kaj hočeš? Kaj se ti miešaš? Dam ti ja tvojega sokola! Ak se ne vugneš, tak te ras...dim da se mam najdeš na vulice. Nacionalist jen bedasti!“

 – Kaj pak ti hočeš? Se tebi nekaj priviđa? Popieval bum kaj hočem! Ti bi se bil, a nemreš se deržati na nogami! Kaj se špinčiš? Misliš da ti je tuo još Juga? Partijaš pijani.“ Kaj je dalje bile, ne muoram objašnjavati. Zvršile je s tiem da je nieki pozval policiju. I gda se začula policijska sirena, si su si poseli i zapopievali: „Tiho pojte sićani slavuji...“ Zgodne, kaj nie? Je li treba još kaj reči?

Same tuo da siem želim srečne i blagoslovljene božične blagdane. I bogati stol. Naj vam se ide vu slast! Zberite si pametnu hrvatsku vlast štera nam siem bu na čast. I sikak gospodarski rast!


Zvir:
http://varazdinske-vijesti.hr/kaj-je-nase-pitanje-i-nas-odgovor/moj-sokole-siri-svoja-krila-ili-tiho-pojte-sicani-slavuji.html
i(l) str. 27
http://varazdinske-vijesti.hr/pdf/3650.pdf

* * * * * * * * * *

Dej mi Bogek joči sokolove
Lado Electro - Dej mi, 05:19

Lado Electro - Dej mi
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Gde ga jega dima / HR.KAJ.NĚ? - Lépa naša kajkavska / pregled tisKAJna
« Odgovori #694 : Ožujak 15, 2015, 12:06:29 poslijepodne »
Gde ga je Dim(nik)a, jega i vatr(i)e / Patrie
Citat:
Pajdašija z Xmasičom
Božo Dimnik: Zaizres, posudil sem Mesiću peneze
http://www.vecernji.hr/hrvatska/bozo-dimnik-istina-je-posudio-sam-mesicu-novac-413604
Međimurske novine, br. 1016, 06.03.2015.
e-vundano 09.03.2015.

Piše: Jožek radnik

Premišlavanje Jožeka radnika

Gde ga jega dima

Finski soci so došli do toga da so menageri vu fabriki za ratne aute, dali milijonšesto jezer oeri mita (afera Patria) za posel prinas i pre sosedaj Janezaj. V Deželi je Janez v rešto, a prinas pod milim Bogom nebrejo nikoga najti što bi bil bil finskoga luka podihaval, a kamoli jel. Prinas vse poštejak do poštejaka.
Verjem da vsi znate ono našo staro pučko izreko: Gde ga jega dima, jega i vatre, posle kak so finski riti došle na finske šekrete, tua pučka izreka je isto tak odišla na predelavanje i ve glasi: Gde ga je Dimnika, jega i Patrie.



Vse se to pripetilo vu februaro, meseco šteri je poznati po tomo kaj se gonijo mačke, ali ovo leto je on bil čuda važneši i čuda toga se je v jemo pripetilo makar je trajal, kak i navek, sam dvajstiosem dni. Nejpredi je, na fašinsko nedelo, bila inauguracija novozebrane, mlade i lepe precednice Kolinde Grabar Kitarović, a v tork, na sam fašnik, skurili smo Fašnika, on je kriv, kak i vsako leto, za vse nevole štere muočijo nas v Lepoj našoj. Tak se zazvedilo da vsi mi zabadaf kunemo "kukurikače" jerbo je Fašnik kriv za vse naše nevole za štere znamo, a isto tak i za vse druge štere so još ne došle na svetlo dneva. Nekaj sam mel za čuti da je minister i potprecednik Vlade, Branko Grčić, kandideral kurenje Fašnika prema Eu fondovaj kak bi nam oni pomogli kaj se Fašnika za navek rešimo i kaj bi, posle šest let, i prinas sunce presvetilo po celoj Lepoj našoj, a ne sam na krajo tunela.

          Mam čim je fašnik minul, čim je Ivo zišel vum z Pantovčaka i pustil nutri novo precednico Kolindo, maske so pale. Ali ne prinas nek vu Finskoj. Najme kaj, finski soci so došli do toga da so menageri vu fabriki za ratne aute, dali milijonšesto jezer oeri mita za posel prinas i pre sosedaj Janezaj. V Deželi je Janez v rešto jerbo so soci vidli da ima prste zmazane od fdinskoga pekmeza i poslali so ga v rešt. A prinas pod milim Bogom nebrejo nikoga najti što bi bil bil finskoga luka podihaval, a kamoli jel. Prinas vse poštejak do poštejaka, a naše institucije i dale delajo svojega posla. Najbrž bodo i prinas te vse riti, štere so omastile mostače od finskih oerov (afera Patria), došle na šekret.
          To se do ve još nigdar ne pripetilo na ovomo našemo sveto od kak ga je naš dragi Božek stvoril pak do denes, kaj so finske institucije zazvedile i dokazale da so jivi menageri tam zeli peneze i odnesli k nam i vu Deželo, a prinas se nikak nebre zazvediti komo so dali. Nas so vučili v školi da nekaj kaj postoji, nekaj čega ga je, nebre sam tak nestati, ali brzčas je tu prste mel nekši David Koperfild, šteri je na vse to hitil meglo i tak naše institucije, bar za ve, nikaj ne vidijo. Več ve so dnevi dukši, megle ga vse meje i meje, tak da se bode, nejduže črez mesec dni, moglo i prinas vse videti. Ak nebode došla nekša druga nevola.
          Verjem da vsi znate ono našo staro pučko izreko: Gde ga jega dima, jega i vatre, posle kak so finski riti došle na finske šekrete, tua pučka izreka je isto tak odišla na predelavanje i ve glasi: Gde ga je Dimnika, jega i Patrie.

Naša nova precednica Kolinda si nebre zebrati gde bode delala svojega posla za šteri je zebrana, je li to bode na Pantovčako ili pak vu Visokoj vulici. Kuliko sam mel za čuti, esdepeovci bi jo nejrajši preselili pod šator.

 Ak mene pitate kaj se nek napravi z temaj bistaj na Pantovčako, tu vam se ja ne bi štel mešati jerbo se premalo razmem v kiparstvo, ali kak bilo da bilo nekšega reda tu tre naprajti. Ivijo je vsejeno bilo gde štera bista stoji, jerbo je on nezerenuš, ali nebre biti kaj so jena polek druge, Titijova bista i bista Lojzeka Stepinca. Oni so vse bili sam ne pajdaši.

Meli smo priliko prečitati v ljubljanskom cajtungo Delo spominek z našim županom Matekom Posavcom. Ne sam kaj so se Janezi žnjim spominali nek so ga najavili kak zutrašnjega precednika Vlade Lejpe naše. A vsi znamo da Janezi nigdar nikoga zabadaf ne falijo: najbrž si je naš župan to zaslužil ili pak Janezi imajo nekaj na pameti jerbo oni znajo da mi ovo leto zbiramo nove sabornike, novoga premijera i nove ministre. Najbrž oni vlečejo na svajo jerbo so još dendenes nezna čiji je pravzapraf Piranski zaljev ili pak Savudrijska vala, a i Sveta Gera je još ne stoprocentno gruntovno prenešena na naše sosede makar jo oni hasnujejo od kak smo se rezišli z naše zajedničke negdašje države čije ime nesmem spomenuti brez velike sile. Ak znamo da Janezima nebremo veruvati niti dok dare nosijo unda je sigurno da imajo nekaj za bregom, a komo ve pušejo v jedra, očem reči, protiv koga zdiguvlejo praha, je li je to Zoki, Vesna ili pak Karamarko, to bodemo zazvedili nejduže do kraja ovoga leta. A kaj se našega župana dotikavle ,lepo je znati gda i mi Međimorci, bar jempot, imamo svojega konja za premijersko trko. Kak bilo da bilo, ipak je Dežela članica Evropske unije i ak bode nekaj zahuzala bodo jo ovi v Briselo na red pobrali.

Doktor, profesor, pje(s)nik i pisac, Zvonimir Bartolić, se je ipak vrnul vu svojo Dobravo otkod je tak zdavnja odišel. Kak god je školski odbor bil protiv, ipak so Općinari, čakoska Matica Hrvacka, Zrinska garda i družba "Braća hrvackoga zmaja" uspeli postajti spomen pločo v Doljnjoj Dobravi. Neje ploča postavljena na školi nego na stari hiži Zalan. I neje, kak ste vi mislili, postavljena na zido šteri je brjeni na vulico nek na onomo prema dvoro, tak kaj jo ne bi nešči videl, šteri sam tak, dojde v Dobravo. A profesor se je navek štimal z svojom Dobravom i kak član zmajske družbe si je zel ime: Zmaj Dobravski. No, profesor Bartolić je još dobro prešel jerbo je jegova ploča na zido hiže, a profesor, doktor, pisac i velečasni Rudi Hraščanec, šteri je na leta delal na tomo kaj bode Dobrovčanima čim bole, on ima svojo pločo v ganjko hiže Zalan. Nebrem razmeti zakaj se Dobrovčani sramijo svojih nejbolših ljudi?

Serjenčari se, isto kak i ovi na Pantovčako, nebrejo dospomenuti je li bodo i dale meli vulico Jožeka Broza i je li se bode vrnula vu varoš bista Karla Mrazovića? Neje lefko tu biti spameten i neje lefko niti precedniko Grackoga veča Miljenkijo Cmrečako, a niti grackomo načelniko Draženo Srpako, jerbo je ne muoči vsima dati na praf. Kuliko vidimo niti ovi v Zagrebo, a oni so na Pantovčako pak čuda dale vidijo, ne znajo kaj je bil Tito, je li je bil ono kaj jeni velijo ili pak ono kaj velijo drugi, a niti jeni niti drugi nečejo veruvati da je bil ono kaj velijo tretji. No, verjem da se bodo Serjančari dospomenuli tak kaj bodo vsi zadovoljni i kaj se ne bode posle pripetilo da bodo, v glavnoj grackoj krčmi, jedni pili na levoj (Titijovoj), a drugi na desnoj (načelnikovoj) strani.

Ovo nedelo se bode posebno slavil Dan ženi v Strahoninco jerbo oni idejo na popravni ispit i znova zbirajo opčinare i opčinskoga načelnika ili načelnico. Ve se bode vidlo što v Strahoninco hlače nosi i je li so glavneši moški ili pak vse cugle vlasti pre strahoninskaj hižaj držijo žene. Najbrž bodo moški glasali za načelnico (kak se šika) a žene za načelnika (kak je red), a na krajo bodo o pobedniko odlučivali oni šteri bodo brojili listeke. Kak i navek i kak vseposod!


Zvir:
http://www.mnovine.hr/kolumne/Jožek%20radnik/1/Gde%20ga%20jega%20dima
i(l) str. 56. sim:
http://issuu.com/mnovine/docs/mnovine1016i     
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine   

Citat:
Vladimir Mutak - Nejdeme dime - Zato braco, pijme ga, 05:29
https://www.youtube.com/watch?v=2xiT7hsNWTk

Xmasičovi (s)patrijarhalni problemi


« Zadnja izmjena: Ožujak 15, 2015, 12:10:16 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Dej mi Bože oči sokolove i Korizmu bogobojaznu / HR.KAJ.NĚ?-Lépa naša kaj.
« Odgovori #695 : Ožujak 15, 2015, 02:26:47 poslijepodne »
eMedjimurje
17.02.2015.

SILENDO NEMO PECCAT
(Nigdo ne zgreši mučeč)


Piše: Stjepan (Štefič) Mesaričov

Dej mi Bože oči sokolove i Korizmu bogobojaznu

Saki Međimurec i Međimurka teri drže do sebe, do zavičajne kulture i etno baščine, špinčil se gda je na Kolin(d)auguracije Predsednice RH, Kolinde Grabar Kitarović, vrstna pevačica i glumica Renata Sabljak, otpopevala zvirnu međimursku popevku „Dej mi Bože“.
Ke nam je delati v Korizme, da bumo sebe i Bogu dragi, mileši i bolši?



       Saki Međimurec i Međimurka teri drže do sebe, do zavičajne kulture i etno baščine, špinčil se minule nedele, gda je na Kolin(d)auguracije Predsednice Republike Hrvatske, Kolinde Grabar Kitarović, vrstna pevačica i glumica Renata Sabljak, otpopevala zvirnu međimursku popevku „Dej mi Bože“.
       Špinčil sem se i ja, ke je v ov svečani i povesni dogodek vgrajena naša popevka, tem pre ke je zvedba bila brilantna. Priznam, rajše bi mi bilo da je ovu popevku na svečano i lepo nakinđene bine na Markovom placu, otpopeval naš domači sin Mirko Švenda Žiga, ali nesu navek se žele vuslišane nikomu.
       Ziher bi i prve hrvatske predsednice bilo rajše da je v Međimurju dobila više glasov na zajnem zebirajni. Ali ne. Ne Međimurcem i Međimurkam to zamerila, ke je vidlivo po zebirajnu ove međimurske popevke. Kolinde i Renate fala i saka čast.


       Od zutra, od Čiste srede ili Pepelnice do Velikog tjedna početkom jurjevščaka (travna) bumo v Korizme ili Četrdesetnice, cajtu priprave za najvekši kristjanski blagdan Vuzem.
       Skoro seposud  čujem čega se ludi buju strajali v Korizme. I to verniki i nezerenoši (neverniki). Najviše je se bu strajalo vina, pive i žganice, potem mesne vužitkov i slastic, juterne kave i koječesa drugega. Z druge strane čujem svega župnika, ali i druge velečasne i same cirkvene vrhovnike kak bit Korizme i ne v strajajnu, nego više v čijnejnu, delajnu. Bog niti kristjanska vera v Korizme od nikoga ne išče da ne pije, je, popeva i slično, maker pravzaprav v načelu nema nike protiv toga.
       Post i nemrs su dobrodošli i preporučlivi, no oni (LK: nemrs) su obvezni sakoga petka, a poglavito (LK: post i nemrs) na (LK: Pepelnicu i) Veliki petek i (LK: nemrs) na Badnjak. Daklem, ke nam je činiti (delati) v Korizme, da bumo sebe i Bogu dragi, mileši i bolši?
       Kristjani trebaju moliti za sebe i druge, trebaju biti bolši ludi i primer dobrega vernika. Si trebamo biti obzirneši prema drugem, bolši na poslu, v društvu na svakom mestu. Poslodavci trebaju biti obzirneši prema težakem, ne je zakidati v nihovem pravicam, težaki ne smeju zlorabiti „gazdu“ i ne zimati ke je negovo.
       Banke, javna dalkovidnica, te-operatori i javna poduzetja ne smeju korisnike sve vuslug zakidati za znose i kamate. Novinari trebaju pisati o lepšem stranam ludi, dogotkov i živlejna, a mejne težiti senzacijam. Biti bolši i pobožneši v Korizme, znači dočekati i imati bolši i radosneši Vuzem.
       A Vuzem vole vernici i nezerenoši (neverniki). Prvi z-bog gorestaloga Spasitela, a drugi z-bog šunkice. Kak i „Dej mi Bože“, jedni z-bog toga ke je međimurska pesma (i) lepa, a drugi ke je lepa.


Citat:
Znate razliku med postom i nemrsom?
http://www.zupa-sivsa.com/index.php/tematske-cjeline/92-znate-li-razliku-izmedu-posta-i-nemrsa

Žiga i Bandisti & Zlatko Vitez - Oči sokolove, 04:02

Žiga i Bandisti & Zlatko Vitez - Oči sokolove
« Zadnja izmjena: Ožujak 15, 2015, 02:35:07 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Kakvo bu Jožefovo, takva bu i kuruza / HR.KAJ.NĚ? - Lépa naša kajkavska
« Odgovori #696 : Ožujak 19, 2015, 09:07:10 poslijepodne »

Zagorski list
e-vundano 09.03.2009.

Iz bakine pučke bilježnice
Z mamičine pučke (japo)teke

Kakvo bu Jožefovo, takva bu i kuruza

Pune je Jožekov vu našemu Zagorju i male štera dekla nije vu životu pod obrvu gledela ili rada imijiela kakvoga Joška, Jožicu ili Pepeka. Ne veli se ni zabadava: Majka buožja Guorska, dej mi muža Joška. Naj je kuost i kuoža, same da je Joža.

Piše: Zoran Gregurek



Jedan od najvažnijih spomendana u ožujku je Josipovo, koje se slavi 19. u mjesecu, i koje se vrlo često spominje u pučkoj meteorologiji. Koja je simbolika “Jožefova“, ispričala nam je naša hraščinska baka Ivka.

– Kakve je vrijeme na Jožefove, takva bu i kuruza. Ake bu lijiepe, onda bu kuruza dobra: imijela bu duge i bogata klase. A če bu grde, dešč ili, ne daj bože snijieg, i kuruza bu nikakva, sami ficleki. I sa druga letina bu kak se šika eke bu na Jožefove vedre i jasne vrijieme – govorila je baka. Pitali smo baku i zašto je Josip toliko omiljen u narodu.

– Je, znaš kak ide ona pesma: Volim ja, vuolim ja, vuolim, vuolim Jožeka. Njega grljim, njega ljubim, njega budem kitila, a pokle i njegva budem mladenka. Pune je Jožekov vu našemu Zagorju i male štera dekla nije vu životu pod obrvu gledela ili rada imijiela kakvoga Joška, Jožicu ili Pepeka. Ne veli se ni zabadava: Majka buožja Guorska, dej mi muža Joška. Naj je kuost i kuoža, same da je Joža. I tak ti Jožeke mnuge babe rad imaju - smijala bi se baka. Starica je upozoravala kako nije dobro da u ožujku cvatu pojedine voćke.

– Ake vu trećemu mesecu, ali i vu aprilu, cvetu slive, onda te lete ne pekmusa ni dobre rakije. Jer, sliv bu male i večinom budu grižljave ili pišive - zaključila bi baka.


Zvir:
http://www.zagorje.com/kolumne/pregled/iz-bakine-pucke-biljeznice-kakvo-bu-jozefovo-takva-bu-i-kuruza

* * * * * * * * * * * * * * * * * * * * * * * * * * * * * *

Jožekem i Pepicam, srečen god!

Citat:
Mi Franc Jožef
(Habsburgi)
http://www.forumgorica.com/povijest/mi-franc-jozef/
Citat:
Rode v Čigoč obično dojdu na Jožefovo
SELO ROD – ČIGOČ, 02:28
https://www.youtube.com/watch?v=mZyOlbAy4Sk

Imam rada Jožeka
Zagorski mušketiri Volim Jožeka, 03:56

Zagorski mušketiri Volim Jožeka
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Strahoninčari morajo na popravni / HR.KAJ.NĚ? - Lépa naša kajkavska
« Odgovori #697 : Ožujak 21, 2015, 02:20:54 poslijepodne »
Međimurske novine, br. 1017, 13.03.2015.
e-vundano 16.03.2015.

Piše: Jožek radnik

Premišlavanje Jožeka radnika

Strahoninčari morajo na popravni

Sanja Krištofičova (SDP) i Francek Lehkec (HSS) bodo morali znova v birački ring. Na Den ženi, osmoga marcijuša, Strahoninčari so ne ženi svoje glase dali, bar moški, unda je nekaj žnjimi ne vredo i morajo iti na, kak bi to Dalmoši rekli, prepetavanje. Žene kak žene, znate več kak so one, štera žena bode sam tak, z čistoga mira, priznala da je druga žena, očem reči, Sanja, bolša, lepša i spametneša. To nebremo niti sam tak od jif iskati. Nekaj si gruntam da bi toga izbornoga zakona trelo spremeniti jerbo postavla jako teška pitanja pred biračko telo, a posebno žensko.

 

Zagrebečkoga gradonačelnika Milana Milčija Bandiča so znova zaprli v rešt. Prvipot so ga v rešt otpeljali jedno nedelo v decembro lanjskoga leta, unda je on negdi zmogel, posodil si je kak i vsi političari, petnaest milijonov kuni kaj so ga pustili vum z bajbuka, ali so mo zabranili kaj bi delal svojega posla na šteri je zebrani. Uskoki i Poskoki so mo vsaki den nahajali nove i nove grehe, štere je delal kak prvi čovek Zagreba. Morem vam reči da se je hajdi toga nabralo, ali Milčija je to ne nikaj sekeralo jerbo je on senjal kak bode zafremal novo stranko i kak pe z svojom listom na izbore, šteri so pred nami ovo leto. On je delal svoje, fiškali svoje, uskoki svoje, a soci svoje. Tak so ga soci vrnuli nazaj na posel gradonačelnika, a on je još niti ne ftegnul dojti do svoje fotelje, a kamoli do gracke kase, a več so ga Uskoki znova v rešt zaprli jerbo se je ne tak ponašal kak je obečal dok je daval petnajst milijoni kuni i još so mo našli i nove grehe. Dugo je Milči bil prvi čovek belog Zagreb grada, cirka okoli dvanajst let i za te cajt je hajdi toga napravil, ali, kuliko ve čujemo, i hajdi toga je zahuzal, očem reči, zamračil. Zagreb je veliki grad, skorom pol Lejpe naše, pak so tu i veliki penezi v pitanjo, tak da je, kuliko vidimo, Milči ne mogel zdržati kaj nej bil porinul globleše svoje prste v flašico z pekmezom nek so mo to gracki večniki zglasali. Tak da ve beli Zagreb grad ima nazaj svojega zebranoga gradonačelnika sam je on v Remetinco. Kuliko vidimo več je ne Zagreb glavni grad Lejpe naše nek je to Remetinec.

Čuda je oni šteri bi v Lepoj našoj jeli kruha brez motike. Tak je došlo i na svetlo dneva to kak nešterni prodavlejo maslinovo olje kak nejbolše, a ono je to ne. [(b]Vsi znamo da je lanjsko leto bila suša i da so masline jako slabo rodile, a olja ga isto tuliko kak i vsako leto, ak ne i vejč. Inšpektori so našli da je več od pol olja hujše nek na viziperto piše, očem reči, da nam oljari ili pak trgovci prodavlejo vugurke pod brus. To nam je poznato da bi vsi šteli čim vejč zaslužiti, ali ne znati zakaj minister i ovi v Ministarstvo poljoprivrede skrivlejo te šteri tak delajo mesto kaj bi jif zabili na zid špot- sramote. Znate kak je to odnavek: Tat je on šteri krade, a i on šteri vrečo drži.

 Strahoninčari ido na popravni. Na Den ženi, osmoga marcijuša, so ne ženi svoje glase dali, bar moški, unda je nekaj žnjimi ne vredo i morajo iti na, kak bi to Dalmoši rekli, prepetavanje. Žene kak žene, znate več kak so one, štera žena bode sam tak, z čistoga mira, priznala da je druga žena, očem reči, Sanja, bolša, lepša i spametneša. To nebremo niti sam tak od jif iskati. Nekaj si gruntam da bi toga izbornoga zakona trelo spremeniti jerbo postavla jako teška pitanja pred biračko telo, a posebno žensko. Bilo je jako knap v Strahoninco, a nejbole navečer. Celi den je vse bilo vredo, a čim je den išel krajo živci so vse bole i vse fletneše delali. Rekel sam vam zadjipot, o vsemo odlučivlejo oni šteri brojijo glase, a ruon te so Franceko čistam malo premalo nabrojili tak da bodo morali znova v birački ring Sanja i Francek, a gospon Markus bode sodil, on bode autrihter. On mora biti pošten jerbo ak on bode za nekoga drukal unda se bode mam znalo da bode on drugi zgubil. Glasi se bodo i ve drugoč davali tajno tak da vsaki svojega da komo oče, kak moški tak i žene. Ipak je osmoga marcijuša nekaj rešeno: esdepeovci (v novomu občinskomu veču) več nebodo mogli rušiti proračune, ve je loptica odletela na drugo strano mrežice tak da je na servi desna strana.

Vse se meja kak na poslo, tak v politiki, a i v školaj. Najme kaj, negda so naši stareši hodali v škole z tablicaj i kamenčekaj, neso meli olovke i teke, a ve naša deca ili pak vnuki hodajo z tabletima i pak ne nucajo teke i olovke. Dok so v rokaj ili pak pod pazduhom bile tablice vse ostalo je moralo biti v glavi, a denes so tableti tak spametni kaj se glave več ne nucajo. Jako sam najgerek kam bode to vse došlo, pak vsi se bodemo sam prek tableti, očem reči, interneta spominali. Ne znati kak se bodo itak deca delala? Je li tam bode vse po staromo ili bode i tu nekaj novoga zmišleno. Znate kaj me gvinta, kaj se bode ipak pripetilo ak bodo žene dobavlale deco brez nas moški? Ak bode do toga došlo unda bodemo mi moški na ovomo sveto kak trinajsto prase, višak od šteroga glava boli!

 Dobravska opčina, očem reči, načelnik dobravske opčine oče zaposliti jedno Matejo kaj mo bode delala vse one posle štere ve nišči ne dela. Brzčas si je gruntal, ak more naš župan meti Matejo kaj mo dela vse kaj treba, more si i on jedno takšo na posel zeti. Dosti dugo si je zbiral i ve jo je našel. Kak je to lepo dok čovek, i k tomo načelnik, ima srečo i najde takšega težaka kakši mo treba. Morem vam reči da so ne vsi takše sreče. Nekaj sam mel za čuti da mo Dobrovčani bajajo kak si na posel jemle pajdašovo kćer, pak ne bo valjda zaposlil kćer od onih šteri ga ne trpijo. Roka je navek roka hmivala. A kaj vam nek rečem, pak i ja bi isto pajdaša ili pak pajdašico zel na posel.

Znate kaj, tu vam ja nekaj ne razmem i basta! Nebrem razmeti zakaj se županija, gradi i opčine svadijo okoli Međimorski vodi? Ak vsaki grad i opčina ima svojega vodovoda, a ima jerbo vsima teče voda z pipe kuliko jo god malo otškrhnejo, gde je unda županijski vodovod? A mortik župan ima praf, celo Međimorje je nejpredi županija i vsa voda teče po županiskom hataro, a unda ide v gracki ili pak opčinski vodovod, tak da mora župan meti svojega nadzornika tam kaj se bode boril za županisko zemlo i županisko vodo, kaj se nebo rovalo po zemli brez reda i kaj se nebo međimorska, očem reči, županiska voda rezlevala. Verjem da sam jim pomogel tak da se bodo čakoski gradonačelnik i župan čuda leži dospomenuli.

Na vsa zvona se je minister Hajdaš - Dončič falil dok je otpiral posla kaj se počne delati most kopno - Čiovo. Vsi smo bili veseli kaj bode i ova Vlada, štera več ide svojemo krajo, očem reči, več se za jo dela mesta v ropotatnici povjesti, ali je to naše veselje jako kratko trajalo. Čim je dišla televiziji z gradilišča odišli so i težaki i bageri. Bil sam minuli tjeden na gradiliščo i našel sam tam jednoga bagera i to onoga maloga dečjeg i jednoga težaka. Da bi se minister Hajdaš - Dončič ve prestal podbrivati, predi si bode po bradi gazil nek of težak napravi toga mosta o šteromo se spominamo i šteroga čakamo cirka pedeset let.


Zvir:
http://www.mnovine.hr/kolumne/Jožek%20radnik/1/Strahoninčari%20morajo%20na%20popravni
i(l) str. 56. sim:
http://issuu.com/mnovine/docs/mnovine1017i     
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine   

* * * * * * * * * *

Da mi daju dečke izbirati…
Kata: Samoborci piju vino z (Kata)lonci
Respekt Samoborci piju vino z lonci, 03:32

Respekt Samoborci piju vino z lonci

Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Cvietje, slike, popiefke, žene / HR.KAJ.NĚ? -Lépa naša kajkavska / tisKAJne
« Odgovori #698 : Ožujak 28, 2015, 11:21:39 prijepodne »
Citat:
CVETNI(ČKI) MIRACOLINO
(Mraclinsko "vladino" čudo)
http://www.forumgorica.com/politika/felix-sreckec/msg55799/#msg55799

Varaždinske vesti, br. 3663, 17.03.2015.

Piše prof. Barica Pahič

KAJ je naše pitanje i naš odgovor

Cvietje, slike, popiefke, žene...

Dogajanje je v svem velikem škrljaku, kakti znaku da se o umetniku diela, otprl Dražen Pavlović, poznati varaždinski slikar i načelnik (jer mu je na čelu) LUV-a. A otprl je izložbu slik na šterimi je naslikane cvietje sieh fela i boja. Pravi blagdan za oči! Slike pak je naslikala naša varaždinska književnica i amaterska slikarica, od nedavne umirovljena profesorica Ružica Marušić-Vasilić.



Furt je liepe gda se nekaj slavi, pogotove gda se na kupu najde cvietje, slike, popiefke, žene i zahvalna publika.

Tak je bile i 7. ožujka ovega našega, od kojkakvih, dogajanj prilične merzlega i vetrovitega, zmiešanega 2015. leta. Ove dogajanje je bile f Konzumu pri gruoblju, f šterem Likovna udruga Varaždina (LUV) ima svoje prostorije, štere ji daje vlasnik rečene trgovačke hiže, gospon Todorić. kaj znači da i on more i hoće male namegnuti i potpomoći područje kulture. Dogajanje je v svem velikem škrljaku, kakti znaku da se o umetniku diela, otprl Dražen Pavlović, poznati varaždinski slikar i načelnik (jer mu je na čelu) LUV-a. A otprl je izložbu slik na šterimi je naslikane cvietje sieh fela i boja. Pravi blagdan za oči! Slike pak je naslikala naša varaždinska književnica i amaterska slikarica, od nedavne umirovljena profesorica Ružica Marušić-Vasilić. Kaj si morete zamisliti lepše ime za slikaricu cvietja, maker i nie same cvietja? Ilustriera ona i knjige svojih prijateljic.

Ali štos nie bil same f cvietju jer je Ružica naša, kak je več znane, i pesnikinja i pripovedačica, članica Varaždinskega književnega društva f šteremu deluje od njegvega osnivanja i tuo nie same z objavljivanjem svojih popiefki i pripovetki, neg , največ put, i kak suurednica Varaždinskega književnega zbornika, glasila VKD- a. Bila je ona v jenem mandatu i predsednica VKD-a, a i denes je aktivna v Upravnem odboru Društva i organizatorica mednarodnih susreta varaždinskih pesnika s onemi v nama susednimi deržavami. Zate je nie iznenađujuće kaj je na svečanest otpiranja svoje izložbe pozvala i druge članove Društva i ženske (Pahić, Bogojević, Ribić, Marušić-Vasilić) i muške Slukić, D.Žitnik, Pakšec, Furjan).

Kak je izložba bila dien prie Međunarodnoga dana žena i glazbeni diel programa imiela je žena, kantautorica i pevačica Mirjana Pospiš, publika je vglavnem bila ženska, voditeljica je bila žena, takaj članica VKD- Ivanka Kunić, a čitane su pesme na temu žena. Šteta je same kaj nie bile mikrofona pa rieči popifki niesu mogle jasne dospeti do sieh nazočnih. Tak je pored svečanesti otpiranja izložbe slik s motivima cvietja, proslavljen , pomale zanemareni mednarodni ženski dien.

Pokle ove liepe svečanosti je publika, štera se ili namerne ili slučajne (radi dolaska f kupovinu v ovu robnu hižu poradi radoznalesti kaj se tu dogaja) zbrala v tem liepem prostoru, razgledala izložbu i čestitala autorice. A kaj bi lepšega mogel biti dar ženam za njiev praznik v ovem siem nam kriznem duobu, neg cvietje i pesme?


Zvir:
http://varazdinske-vijesti.hr/kaj-je-nase-pitanje-i-nas-odgovor/cvietje-slike-popiefke-zene.html
i(l) str. XY.  sim
http://varazdinske-vijesti.hr/pdf/3663.pdf   
Aktuelni broj VV:
http://varazdinske-vijesti.hr/online/Main.php?MagID=1&MagNo=1   

* * * * *

Stari il novi fosili?
Novi Fosili - Rožica sem bila, 04:08

Novi Fosili - Rožica sem bila
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Pak si mi sosedi moramo pomagati / HR.KAJ.NĚ?- Lépa naša kajkavska/tisKAJne
« Odgovori #699 : Ožujak 28, 2015, 02:36:42 poslijepodne »
Međimurske novine, br. 1018, 20.03.2015.
e-vundano 23.03.2015.

Piše: Jožek radnik

Premišlavanje Jožeka radnika

Pak si mi sosedi moramo pomagati

Nesam znal kak je to sosed Tonča premagadil kaj je ostal brez kroflinov, jerbo znate kak je to, hiža bre kroflinov, na fašnik, je isto kak i selo brez cirkve. Kaj sam drugo mogel, popolne sam odišel soseda prosit kaj mi škarje za obrezavanje posodi, pak sam mo odnesel krofline. Sosedo sam ne videl, škarje sam dobil, gemište smo si spili. I to ne sam jednoga. I vse je pak došlo na svoje. Pak se mi sosedi moramo pomagati! No, za sosedo na znam!



Kak smo rekli, prekzutra Strahoninčari idejo na popravni, očem reči znova morajo iti zbirat staroga načelnika ili pak novo načelnico jerbo jim je to v prvomo krugo ne uspelo. Bar so tak rekli oni šteri so glase brojili, a kuliko znamo jiva je navek zadja. Nekaj mi furt v glavi rovle črvek kak bode to itak zišlo. Najme kaj, stari načelnik Francek Lehkecov je znova sam brojil svoje glase i on je nabrojil dosti, kuliko jemo tre i rekel je da so za jega izbori gotovi. Najgerek sam ve je li on bode prekzutra došel znova. Znate kak je to v labodoritanjo, ak nešči ne dojde unda je 3:0 za protivnika? Ali nejglavneše je da dojde biračko telo, da oni rečejo za koga so, koga oni očejo: načelnika ili načelnico! Najbrž bode tak kaj bodo žene svoje glase dale načelniko, a moški svojega načelnici. Ve sam srdit kaj so naše institucije još navek ne vum dale rezultate popisa ljudstva od 2011. leta tak da još ne znamo je li je več ženi ili pak moški med Strahoninčaraj! Kak bilo da bilo ili kak bi deca rekla, još dvapot se stanemo i vse bodemo znali. Da sam Strahoninčar ja bi znal komo bi svojega dal!

Još smo ne staroga pijaca v red dotirali, a več se nam nudi kaj bi zafremali novoga i to nejlepšega otod pak vse do belog Zagreb grada, Kaniže, Jeruzalema, Ormoža, Krapine, Koprivnice, lepšega i od Varaždinskoga. Neje vse v temo kaj bi naš čakoski i međimorski pijac bil nejlepši na videc, nek bi on bil nejbolši po onomo kaj bi se tu nudilo. Tu bi se moglo kupiti vse domače, vse naše međimorsko, vse ono kaj je nejbolše za naša, od dela i teškoga živleja, zmočena tela. Ak sem dobro razmel Bojana Perhoča, šteromo je to na pamet palo, on bi štel kaj bi vsi Međimorci, a stopram naši prvi i drugi sosedi, dok očejo nekaj dobroga, finoga i vrednoga najti za pojesti, došli na čakoski pijac i tu bi vse našli kaj vredi i kaj nucajo za dugo, srečno i zdravo živleje. Kuliko sam mel za videti tu bi bila i domača krčma z domačaj žganicaj, domačom tiblicom, turošima i drugim sirima, domačim kruhom, kakšega so negda jeli naši japice i mamice, a na vse zadje i naša međimorska vina štera so, to več znajo i vrapci na drevjo, nejbolša na sveto i ovim bližešim planetama. Još ak bi naš maestro Laci Vargov, a on je fahman za takše huncvutarije, zmislil i pesmo za naš novi pijac unda bi to bil pijac kakšega je ne mela niti negdašja Austro-Ugarska. A ona je bila na glaso.Bojan je to lepo zamislil, kaj lepo, jako lepo, ak ne i nejlepše, ali najgerek sam je li je on ne par let napre odišel. Ali ve je vreme kaj se o tomo počne spominati i premišlavati. Pak je i Tesla bil čuda dale napre, ali je, na vse zadje, ipak vse došlo na jegovo. Mortik se i v našaj glavaj vužge nekša žarulica, pak genemo po Bojanovom poto, v svetleše i bolše zutra. Kost je hičena, na redo so gracki oci kaj počnejo o temo gruntati.

 Nekaj si furt gruntam kak je dauko od Dobrave do Kotoribe? Vsi mi govorijo da so ta dva negdašja sela, a denešje opčine, prvi sosedi makar još navek nemajo pravo cesto kaj bi jif povežuvala. Rekli so mi još nekaj: ovi v Kotoribi so levi, a Dobravčani so desni, pravzaprav so mi šteli reči da v Kotoribi držijo cugle vlasti esdepeovci, a v Dobravi hadezeovci. Kak je da je, a to je najbrž tak zbogradi tega kaj je naš Joža Horvat, pisac i moreplovec z Kotoribe, on je bil levi, a Zvonkec Bartoličov, pjesnik, pisac i profesor z Dobrave, on pak je bil desni. Nekaj si gruntam, pak dok idete z Čakovca i dojdete do Vidovca, pak vam je unda Kotoriba levo, a Dobrava desno i unda nebre nikomo biti čudno kaj je i v politiki tak zišlo. No, nesam vam to štel reči, nek mi nikak nejde v glavo kak ovi levi morejo vse naprajti jerbo je Joža Horvatov dobil i školo v Kotoribi i vsi Kotoripčani se štimaju žnjim, a ve so mo postajli i spomen pločo na hiži v Zagrebo gde je delal i živel, a Dobravčani so se nekak na jedvite jade dospomenuli kaj Zvonkeco postavijo pločo na Kulturnomo domo i to na dvoriščo, kaj jo ne bi što stranjski videl, a vsi so se borili, z rokaj i nogaj, kaj Zvonkec ne bi, niti slučajno, zalutal v Dobravsko pučko školo.. Ne znati kaj je, itak, Zvonkec kriv svojim Dobravčanima i Dobravčankama z šterima se je navek jako, kaj jako, prekpreveč štimal. Što zna, mortik bode i Zvonkec dobil školo dok mo bode sto let otkak se je narodil?

Žene se, več na leta, borijo kaj bodo vu vsemo jednake z moškima. Kaj vam bodem rekel, nekaj si gruntam, ne da so jednake nek so nas prestigle i ve se mi moški moramo boriti kaj ne bodemo papučari i kaj bodemo, bar tu i tam, jednaki z ženami. Morem vam reči da je vse to počelo od mladi. Deca skup v škole hodajo, pak se unda i parijo posle škole. Nejpredi smo meli za priliko videti te mlade kak se parijo po parkaj, a posle da i skup pijejo, tak je došlo do toga kaj se ve več i doktori, očem reči, psihologi, pedagogi i kak se vse drugač ne zovejo, spominajo o temo da so puce i žene počele piti vejč nek dečki i mi moški. Ve vidite, de so nas fčehnule? Tu desmo nej bole haklik i gde smo mislili da nas nigdar nebrejo dostiči. Nikak mi nejde vu to mojo debelo glavo da se nam more pripetiti da bodo žene mesto nas hodale v krčme, a mi bodemo doma deco pazili, obede skuhavali, posodo prali, a za ves te posel bodemo dobili i ženine tri vogle, štere so one, od stoletja sedmog hasnuvale. To kuliko žene spijejo se je vidlo i ovo leto na Den ženi, po krčmaj je bil sam lepši (to se vidlo), nežneši (i to se vidlo) i trezneši (to se ne vidlo) spol. Predi toga, za sam fašnik, je bila kak se to veli generalna proba za to žensko odhajanje z hiže za Den ženi. Najme kaj, vsi mi, očem reči, i puce i dečki, šterima je godina proizvodnje bila v sredini minuloga stoletja znajo da so žene odnegda hodale po kvasa na fašinski pondelek. Negda je to ne bilo čudno kaj so si žene na te den dale malo oduška pak so zgledale kak moški dok si malo preveč spijejo, ali ovo leto je to prešlo vse meje. Nešterne so po kvasa hodale tri dni, počele so v soboto, a završile v pondelek i to rano vjutro. Ne bi štel faliti mojo sosedo jerbo ona je v semo sposobneša od čuda ženi, kak v našoj vulici tak i v celom našem malom Međimorjo, i ona vam je odišla od hiže v soboto, a dimo je došla v pondelek navečer i to prekesno. No, neje bilo onak kak vi mislite, jerbo je soseda emanciperana žena i neje mela, v tork vjutro, plavo oko, ali se je v noči od pondelka na tork nikaj ne zdiglo pre sosedovi hiži od kvasa šteroga je soseda tri dni žmulila v taškici, tak da ga ne nikaj bilo niti od fašinski kroflini. Nesam znal kak je to sosed Tonča premagadil kaj je ostal brez kroflinov, jerbo znate kak je to, hiža bre kroflinov, na fašnik, je isto kak i selo brez cirkve. Kaj sam drugo mogel, popolne sam odišel soseda prosit kaj mi škarje za obrezavanje posodi, pak sam mo odnesel krofline. Sosedo sam ne videl, škarje sam dobil, gemište smo si spili. I to ne sam jednoga. I vse je pak došlo na svoje. Pak se mi sosedi moramo pomagati! No, za sosedo na znam!


Zvir:
http://www.mnovine.hr/kolumne/Jožek%20radnik/1/Pak%20si%20mi%20sosedi%20moramo%20pomagati
i(l) str. 56. sim:
http://issuu.com/mnovine/docs/mnovine1018i       
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine   

* * * * * * * * * *

Dečki z bregov Sosed moj, 02:55

Dečki z bregov Sosed moj
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Stalne iste teme i isti problemi / HR.KAJ.NĚ? -Lépa naša kajkavska/tisKAJne
« Odgovori #700 : Ožujak 29, 2015, 12:38:35 prijepodne »
Predvuzmeni predbožični (č)lane.k (lajnski sneg)

Varaždinske vesti, br. 3662, 10.03. 2015.

Piše Barica Pahič

KAJ je naše pitanje i naš odgovor

Stalne iste teme i isti problemi


Nuova je predsednica VKD-a naviestila da bu nastavila s več ustaljenimi programi radi šterih Društvo i postoji. Pokle sme v Društve prijeli dvie nuove članice; Mirnu Veber i Đurđicu Garvanović-Porobija. Male sme se tužili na te kaj su potpore Grada Varaždina i Županije se tenjše, a do drugih pripomoči se dojde teške ili nikak I na te kaj ni pokle dvadeset liet delovanja Društva nemame nikakev vlastiti prostor.



Pregledajuč svoje stare kolumne, vidim da pune put pišem o istimi temami i problemi. Nešterne je nekak normalne ponoviti zate kaj sliede v godišnjem ritmu. Tak sem napr. Več dvaput pisala (zaprav izveštavala) o godišnjimi skuščinami Varaždinskega književnega društva, pa tak i ovie put. Godišnja skupščina, i još k tomu izborna, bila je v subotu 14. veljače, dien prie neg je bile svečane polaganje zakletve naše nuove deržavne poglavarice, Kolinde Grabar Kitarović kaj je bil jake liepi i svečani svečani dogodek pak se pričele nametati mišljenje da v javnem delovanju prevladavaju žene. A i mi vu VKD-eu, menj svečane, zebrali sme za predsednicu gđu Zlatu Bogović za šteru mislime da je dobra organizatorica, a k tomu je poznata članica Društva i haiku- pesnikinja s nagradami nie same doma neg i v svietu. V Japanu, domovine haikua je več put. V našem Društvu za časnu dužnest predsednika nie bile predizborne kampanje; morti male nagovaranja, zate kaj nišče ne želi ponoviti tie naporni volonterski posel. Tak je se prešle v miru i tišine. Gđa Bogović Je dobila je večinu onie šteri su bili na skupščine (komaj sme imali kvorum). I v nuevi Upravni odbor VKD-a su zebrine žene, nekaj starejših, a nekaj novejših članic, veliju; radi kontinuiteta. Muški se nekak vugibljeju tega posla. Pređešnji predsednik, N. Slukić izvestil je se kaj je v njegvem mandatu napravljene; priek trideset ostvarenih programov ; pripravljanje i predstavljanje zbornikov radova Društva, domači i mednarodni književni susreti i nuovi program „Poezija v kafiču“ šteri se od prošle jeseni odvija sakega meseca s gostima z drugi sredin. E. Fišer , predsednik Matice hrvatske i, štera s VKD-om surađuje oko nagrade „Katarina Patačić“ obečal je daljnju potporu. Nuova je predsednica naviestila da bu nastavila s več ustaljenimi programi radi šterih Društvo i postoji. Pokle sme v Društve prijeli dvie nuove članice; Mirnu Veber i Đurđicu Garvanović-Porobija. Male sme se tužili na te kaj su potpore Grada Varaždina i Županije se tenjše, a do drugih pripomoči se dojde teške ili nikak I na te kaj ni pokle dvadeset liet delovanja Društva nemame nikakev vlastiti prostor. Zasad su tuo prostori Mjesne zajednice v Trakoščanski vulici. Ak se organizieraju književne večeri, predstavljanje knjig ili dodelivanje nagrada za „Katarinu Patačić“ ili pobednikima Natječaja „Senje i meteori“, onda tuo muora biti v Gradske knjižnice ili v Glazbene škuole jer su nam tu furt otprta vrata. Ni bile prevelikega optimizma.
Kaj se more? Tak je kak je.


Zvir:
str. 23 sim:
http://varazdinske-vijesti.hr/pdf/3662.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1

* * * * * * * * * *
zagreb, zagreb, selo kraj VARAŽDINA
NAKUPINA BAROK Već tri dana jašem ja z Varaždina isječak iz emisije "Popevke i štikleci", 04:29

NAKUPINA BAROK Već tri dana jašem ja z Varaždina isječak iz emisije "Popevke i štikleci"
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Cvetnica - CV(ETNO) PROTU(LET)JE / HR.KAJ.NĚ?-Lépa naša kajkavska/ tisKAJne
« Odgovori #701 : Ožujak 29, 2015, 12:09:48 poslijepodne »
Cvetnica - CVETNO PROTULETJE

Zagorski list, gregurjevščaka (sušca, protuletnjaka, ožujka) 2009.
e-vundano: 24.03.2009.

IZ BAKINE PUČKE BILJEŽNICE
Z mamičine pučke (japo)teke

Zake dekle kite zdence na cvijietnu nedelju


Dobre se zna da se na cvijietnu nedelju vu cierkvu nese drijienek na blagoslov i donaša dime da bi te lete štitili hižu i mekote od tuče, poplave, velike suše i groma. Dekle bi pak drijinek ili cice – mace nesle z balgoslova i direktne išle k hiži svojega dragoga i nakitile bi mu zdenec. Tuo je značilo da su ozbiljnje zagrejane za njega i da oču da je bude muž i oča njezine dece - pripovijedala bi baka. Od Uskrsa, naime, ponovno počinje sezona ženidbi koja u pravilu traje do najtoplijih dana.
 

Uskrs se nekad u Zagorju čekao s tolikim nestrpljenjem baš kao i Božić. Samo što je u vazmeno vrijeme bilo više prilike za obavljanje obreda i poslova na otvorenom. Što je o uskrsnim običajima znala naša hraščinska baka Ivka, pučka prognozerka, doznat ćete u nastavku.

- Poklade se rekle riti da se dobre najede jer da ne mrsa do Uskrsa - bila je tuo uzrečica šteru mi je znala ponavljati muoja babica. - Negdar sme se mi stroge pridržavali posta vu korizme i same sme male gda pojeli šteri komačec mesa vu nedelju, a vu srijiedu i petak sme točne postili i čak nej ni jajca jeli jer su od živine - govorila je bala. Zadnji tjedan u korizmi, sedmica do Cvjetnice, bila je vrlo važna za udavače.

- Dobre se zna da se na cvijietnu nedelju vu cierkvu nese drijienek na blagoslov i donaša dime da bi te lete štitili hižu i mekote od tuče, poplave, velike suše i groma. Dekle bi pak drijinek ili cice – mace nesle z balgoslova i direktne išle k hiži svojega dragoga i nakitile bi mu zdenec. Tuo je značilo da su ozbiljnje zagrejane za njega i da oču da je bude muž i oča njezine dece - pripovijedala bi baka. Od Uskrsa, naime, ponovno počinje sezona ženidbi koja u pravilu traje do najtoplijih dana.

- Če je dekla imijela želudec do zub, onda se ženila i vu najvekše žrgučine, gda su se kolači i mese muorali do zadnje držati f pelnici da se nebi pokvarili i da ih nej muhe oblazile. Vu letu bis gosti obične znale napraviti i vu trnacu kam bi se znesli stoli i stolci, šteri bi se posudili od sih susedof - prisjećala se baka događaja iz prve polovice prošlog stoljeća.


Zvir:
http://www.zagorje.com/kolumna/iz-bakine-pucke-biljeznice-zake-dekle-kite-zdence

Citat:
Stjepan pl.Stepanić-Štefinof (1920-1976)
Cvetnica, običaj iz sela Lomnice (pisano 1962.g.)
http://www.forumgorica.com/tradicija/sveci-svetki-i-obicaji/msg30312/#msg30312
Citat:
CVETNI(ČKI) MIRACOLINO
(Mraclinsko "vladino" čudo)
http://www.forumgorica.com/politika/felix-sreckec/msg55799/#msg55799

CVETNO PROTULETJE
Međimurje kak si lepo zeleno,
cvetičem si ti meni ograjeno.
Tu me moja draga majka rodila,
tu me ona prva v'cirkvu vodila,
Boga molit, bližnjeg ljubit vučila,
Boga molit, bližnjeg ljubit navčila.



Cveti cvetek, fiolica, brala te bu devojčica…
Žiga i Bandisti-Protuletje se otpira, 02:56

Žiga i Bandisti-Protuletje se otpira
« Zadnja izmjena: Ožujak 29, 2015, 12:11:34 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Kalif Al-Bagdadi i Bandić mučenik / HR.KAJ.NĚ?-Lépa naša kajkavska/tisKAJne
« Odgovori #702 : Ožujak 30, 2015, 09:24:58 poslijepodne »
Vecernakova b(l)ogosfera
(blasfemija?)

Ja, selak
Vundano: 27.3.2015.
Piše: Hassan Haidar Diab

Kalif Al- Bagdadi mogel bi Bandića proglasiti mučenikom

- Isusek dragi, mislim da bu onoga negvoga odvetnika Hanđekovića srce strefilo... em je zgubil 15 milijuna kuna zbog prijatela i njegvoga jezika. Pa kaj ni mogel mučati dok je bil vani?

“Čujte ljudi (HNS-ova Živka ministarka Vi(n)olić) je  krala ali je i vrnula, i obećala da više ne bu!“. Dej ti zemi u svoje firme pa buš videl kaj ti se bu dogodilo... buš moral vrnuti odma ali i delal buš drušvo Bandiću u zatvoru sigurno. A Vi(n)olina se pokajala i nikomu ništa. De je tu pravica?



Ko i svaki put do sada, nakon mojega povratka s ratišta, ovoga puta iz Iraka, znal sem da će mi moji sumještani prirediti pravi doček. To me jutro dočekao pun Selski sabor (selska birtija). Nema koga ni bilo, a neke sem ljude videl čak i prvi put. Moj ulazak prekinul je njihovu veliku raspravu jer je skroz vani bilo čuti nadvikivanje.
- Gospon novinar, saka vam čast. Meni ni jasno kak vas ni strav iti tam u te zemlje de se tak ubija i ko zna kaj se sve ne dela?
- Moj Joža, to je moj posel i moram ga delati… a strav me je, to sem vam već rekel.  Ali, kad počnem delati mislim samo na posel i ništa više…
- Ne znam, gospon novinar, ja bi dobil infarkt da mi se tak pripuca pod riti!
- To je istina, gospon novinar, Joža se trese kad njegova Marić vikne na njega...
- Sad ti delaš od mene papučara?
- Ne delam ja niš..- ti sam  delaš... i daj se pomekni tam da gospon tu sedne i popije kavu..- sigurno se zaželel domaće kavice, kaj ne gospon novinar? Sednite, bute nam rekli kak vam je bilo. Daj Đurđa, kaj si na godišnjem? Zakaj već ni kava u rukami gospona?
- Tu je kava, samo nemrem dojti do njega kak ste ga okupirali... krenite se malo da čovek more zraka zeti...


- Gospon novinar, znam da vam ni bilo lako tam u tem Iraku ali i mi vam ovde imamo sega... Znate da je naš Bandić pak u reštu?
- Je, čul sem, Ivić.
- Isusek dragi, mislim da bu onoga negvoga odvetnika Hanđekovića srce strefilo... em je zgubil 15 milijuna kuna zbog prijatela i njegvoga jezika. Pa kaj ni mogel mučati dok je bil vani?
- A kaj bi mučal? Probal je osigurati da se ne vrne v ćuzu al se zajebo... otišel pak prije neg kaj je planiral. A ti Ivić, kaj žališ toga advokata? Da ni imal te peneze nebi da… Ja i ti bome ne bumo dali kad nemamo.
- To je istina, Štef. Nego, glečte vi kak se to peticija za njega potpisiva…
- Je, je..- a gdo potpisiva? Ovi kaj ih je zadužil… celi šator u Savske... Kak i ne bi pa daj jem je da zdignu šator, daj em je struju, vodu.. sve kaj oćeju... A to bumo pak sve mi platili.
- Ni baš tak, em je i Linć potpisal za njega!
- Taj je isti kak i on, veruj mi Joža.
- Gospon novinar, kak je to krenulo mogel bi dojti i onaj kalifa ili halifa, neznam kak se to veli? Onaj Bagdadi... i on bi čist lako mogel dojti za Bandića potpisati, i još ga proglasiti mučenikom.
- Kakve ti gluposti Štević pripovedaš... kaj bi taj došel sim? Za Bandića potpisati?!
- A zakaj ne bi? Em svi znaju kak Bandić deli šakom i kapom... zato i potpisivaju za zijde van i nadaju se neke crkavice... kaj misliš da jem je lepi i da ga voliju? U cele te priče su ti važni samo penezi... niš drugo.

- Al valda nam sad bu bolje... Naša nova predsednica nam je puno obećala i će pol toga napravi mi smo na konju...
- Bu, bu… samo ti glancaj svoga konja u to ime... kaj misliš da  nam budu sad rože cvele kad je tvoja Kolinda Graba došla na vlast? Budu rože cvele samo ak si ih sam posadiš pred vrati...
- Ti si Joža gluplji od mojega cucka. Ja sem sigurni da bu bolja od Ivića. Kaj nam je on pomogel? Niš! Samo se šetal okolo po svetu i glumil gospona.
- A neg kak... Evo, tvoja predsednica već napravila puno zanas. Već nas je oplela po žepu a ni se ni raspakerala. Kaj misliš do bu njenu feštu platil? Inaguraciju? Mi! Jesi glup ko konj. Mi nismo pasali da dojdemo tam međ gospodu... nas ima u rezerve za takve stvari… mi samo plaćamo njiove zahteve i prohtjeve.


- Dejte dečki se smirite, imamo i važnijeg posla. Vi pripovedate gluposti a glečte kaj nam delaju?! Jeste li, gospon novinar, videli onu debelu ministricu kulture Violinu kaj je napravila?
- Mislite na Andreu Zlatar Violić?
- Da, da ta!? Em tam, nema nikoga normalnoga... sve sami lopovi i tati… Naša si je Violina lepo dizala peneze kak joj je kaj trebalo i mučala kak i si drugi. A sad kad su ju otkrili se kakti ispričava. Ma ja bi nju del nek kopa celo leto i tak vrne peneze da je to više ne padne na pamet.
- Dečki, em je nekak morala plaćati svoje večere. Pa kaj niste videli kaj je u novinami pisalo kak je feštala u nekakve Sofre i tancala na stolu? Em se vidi da misli samo na jelo i pilo.Treba platiti takve provode, skupe večere i pijanke! Em je bila pijana ko smuk! I onda veliju kak mi seljaki pijemo! Pijemo al ne tancamo po stoli i sami platimo svoje duge i ne krademo.
- Ivić, kaj melješ. Pak je vrnula peneze!
- Je, je… samo kad? Kad su ju otkrili! I još su joj dali šest mesec da to vrne na rate i tek su onda to u javnost dali onak usput... “čujte ljudi, je  krala ali je i vrnula, i obećala da više ne bu!“. Dej ti zemi u svoje firme pa buš videl kaj ti se bu dogodilo... buš moral vrnuti odma ali i delal buš drušvo Bandiću u zatvoru sigurno. A Violina se pokajala i nikomu ništa. De je tu pravica?
- A o kakve ti pravice Ivić govoriš? Kaj je negda bilo pravice? Ženska si je zela kad joj je falilo i kaj... kaj se čudite? Svi oni tak delaju samo kaj se neki otkriju, a neki su se već tak spraksirali da jem ni onaj POSKOK niš nemre.
- Kakvi sad POSKOK? Valda PNUSKOK?
- Sad se ti Pepić delaš pameten. Svejeno je kak se zove... USKOK, PNUSKOK, POSKO... em ti isto menjaju imena da čovek ne zna kak je točno ni zoveju.

- A kaj se čudiš kaj nemreju ni u tem tvojem POSKOKU niš otkriti kad su i tam si takvi. Gle samo onoga špijuna Kremenka. Taj kopa z rukami i nogami da se dočepa fotelje i pokrade kaj još ima u te naše jadne Hrvacke.

- Pustite sad vi sve te priče i dej ti nam Đurđa da si još popijemio... i dejte konačno gosponu novinaru reć da nekaj veli i ispripoveda nam nak mu je bilo u Iraku. Gospon novinar, već ste dugo z nami i bute se morali navčiti da se zborite za sebe i velite koju reč. Evo, još kavice i svakomu jednoga maloga... dejte sad mučite malo jer gospon novinar konačno preuzima reč...


Zvir:
http://blog.vecernji.hr/hassan-haidar-diab/kalif-al-bagdadi-mogel-bi-bandica-proglasiti-mucenikom-6481

Citat:
Vecernakova b(l)ogosfera
(blasfemija?)

Ja, selak
Vundano: 13.2.2015.
Piše: Hassan Haidar Diab

Na poziv Kolinde seljaki na traktoru i s kravom Musovom dolaze na inauguraciju!

- Em ne zna kaj bi više zmislila s tum inaguracijum... Mislim da bi na mesto te lente bilo bole deti oko vrata onaj zvonec kaj tvoja Musava nosi. Tak bi bar znali s'aku dobu de je i de dela kakvu štetu... jer dobroga ta nebu niš napravila. Senja lentu... valda misli da ide na izbor za miss, a ne da mora državu voditi.

http://www.forumgorica.com/politika/predsjednicki-izbori-u-rh/msg55665/#msg55665

Citat:
KAJ, XLI, Zagreb 6 (2008)
kajkaviana danas

O (RAZJEDINJENIM*) KAJKAVSKIM EMIRATIMA I OSTALOM

Božica Jelušić, Đurđevec
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23544/#msg23544

Vehni, vehni, Vi(n)olička
Vanda Winter - Vehni, vehni fijolica, 04:07

Vanda Winter - Vehni, vehni fijolica
« Zadnja izmjena: Ožujak 30, 2015, 09:49:49 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Zgledi da je vu Varaždinu Đuro Horvat zacopran /HR.KAJ.NĚ?-Lépa naša kajkav
« Odgovori #703 : Ožujak 30, 2015, 09:39:02 poslijepodne »
Citat:
Po nekem coprnice i coprnaki imaju istu etimologiju kak i Cop(p)ernicus iliti (Nikola) Kopernik. (David) Copperfield =?
Varaždinske vesti, br. 3664, 24.03. 2015

Piše Barica Pahič

KAJ je naše pitanje i naš odgovor

Zgledi da je vu Varaždinu Đuro Horvat zacopran

Zeznala sem da je tie skockani gospon Međimurec, da ima svoju firmu, da ljude šteri prinjem dielaju ne zove radniki neg suradniki i da je ze svoji stručnjaki izumil postrojenje štere fljetne, ekološki čiste i jeftine recikliera smetje.
Po njegvem mišljenju smetje je nie otpad neg sirovina.
Naglasil je da bez obzira na goruče probleme s varaždinskim smetjem, varaždinske vlasti za to postrojenje ne pokazujeju nikakve zanimanje.
Zgledi da je vu Varaždinu zacoprani. Ili je on copernjak pa je več zacopral one v Ukrajine, one v Makedonije i na Kosovu... Varaždinci pak mu se ne daju.


 
Ne gledim baš preveč TV, pa tak ni VTV osim dnevnika i viesti, ali čitam novine; „Varaždinec“ i „Regional“. Nemre se reči da sem neinformierana. Kak večinu Varaždincov, zanima me kaj se vu Varaždinu događa, pak znam i za zmešarije f političkimi strankami, za one oko izbora intendanta f Kazališču, za natječaj vu vezi ravnatelja/ce vrtiča pa tak i za one črne komedije oko smetja.

Jenega večera prie dva tedna sem pieglala vieš i štiela da mi nekaj pod vuhi šuška, a niesam se namierila na nikakvu prihvatljivu mužiku, pa sem na VTV-u našla nekaj kaj ne moram gledeti nek same poslušati dek dielam. Bil je tuo spomenek s Đurom Horvatom. Najprie sem pomislila da je tuo nekšna dosadna politička emisija jer je gospon nasuprot voditelja bil liepe zbigecani, baš ka za TV-publiku. Gda sem zesluhnula da on govori o gospodarstvu i o varaždinskem smetju, napela sem vuha i ostala do kraja emisije. Zeznala sem da je tie skockani gospon Međimurec, da ima svoju firmu, da ljude šteri prinjem dielaju ne zove radniki neg suradniki i da je ze svoji stručnjaki izumil postrojenje štere fljetne, ekološki čiste i jeftine recikliera smetje.

Po njegvem mišljenju smetje je nie otpad neg sirovina. Voditelj je v studio pozval i jenega od njegvih suradnikov, dr. Viktora (nie sem mu zapamtila prezime) šteri je još jakše potrdil one kaj je gospon Horvat govoril. A rekel je da su postrojenja Horvatove firme več postavljena pa je nabrojil deržave f šterimi dielaju. Uspešnest tega se tam more proveriti. Naglasil je da bez obzira na goruče probleme s varaždinskim smetjem, varaždinske vlasti za to postrojenje ne pokazujeju nikakve zanimanje, maker on ne nudi niš druge neg da odgovorni dojdu videti kaj to Horvatova firma diela i nek mu daju priliku da jim se liepe razloži. Pa nek onda sude.

Ja sem odehnula. Rešenje je tu! Mislila sem da bu odma v novinami se gizmele od viesti o tem. Ali nijenega slova ni o tem poduzetniku ni o njegvem postrojenju. Da je bar kie napisal da se za tie projekt zna i objasnil zakaj za njega nema interesa. Kaj bi! Ništ. Istodobne imame naslove tekstov vu „Varaždincu“: „ Čiji je balirani otpad; Varkoma, Čistoće ili države“ i „Bale su tu, a nema novca“, a v „Regionalu“: „Habuš mora platiti pet milijuna jer nije uklonio bale“. Maker bale niesu njegve, Đuro Horvat je zabrinuti. Ali zgledi da je vu Varaždinu zacoprani. Ili je on copernjak pa je več zacopral one v Ukrajine, one v Makedonije i na Kosovu... Varaždinci pak mu se ne daju.


Zvir:
http://varazdinske-vijesti.hr/kaj-je-nase-pitanje-i-nas-odgovor/zgledi-da-je-vu-varazdinu-duro-horvat-zacopran.html
i(l) str. 23 sim:
http://varazdinske-vijesti.hr/pdf/3664.pdf 
Aktuelni broj VV:
http://varazdinske-vijesti.hr/online/Main.php?MagID=1&MagNo=1 

* * * * * * * * * *

Vužgi ga (Blaž.eni) Vlaho
(Blaž iliti Vlaho)
ANTONINA & DUBRAVKO ČEŠNJAK (tamboura) Vužgi ga Blaž live 2013 HD, 02:21

ANTONINA & DUBRAVKO ČEŠNJAK (tamboura) Vužgi ga Blaž live 2013 HD
« Zadnja izmjena: Ožujak 30, 2015, 10:00:56 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: Kam plava haenesov brodek / HR.KAJ.NĚ? - Lépa naša kajkavska / tisKAJne
« Odgovori #704 : Ožujak 31, 2015, 09:30:23 poslijepodne »
Citat:
OVE RIBE SU SKUPE.
NESU. ZDRAVE SU.

Međimurske novine, br. 1019, 27.03.2015.
e-vundano 30.03.2015.
Piše: Jožek radnik

Premišlavanje Jožeka radnika

Kam plava haenesov brodek.??

Kak smo čuli kulturna ministrica si je posodila z državne kase peneze, a do kraja 2013. leta je ne ftegnula vrnuti 152 jezere kuni i jena šefica Vesna jo je mam zmenila i poslala v ropotarnico ministarske povjesti, a to dok se Vesna z Turske pelala z avijonom, šteri je pelal mimo voznoga reda i to je nas porezne (navek) dužnike koštalo 120 jezer kuni unda se je nikomo nika ne pripetilo. Kuliko vidimo, neso vsi ministri jednaki i neje ministrici dopuščeno kaj si more privoščiti potprecednica Vlade. I to prva. A Vesna je Andreji i šefica vu haeneso.



Kaj ne bodo naši ljudi pripovedali da prinas v Lepoj našoj sam težaki teško živijo i da je kriza sam za težake, penzionerce i one šteri nikaj ne delajo, očem reči, šteri so brez posla i štemplajo v nejvekšoj našoj hrvaškoj fabriki, a to je burza dela, došli so na red i političari. Tak je zišlo na svetlo dneva kak si je kulturna ministrica, Andrea Zlatar Violič, posojavala peneze z državne kase i to brez kamatov. Neje se preveč bunil minister za peneze, Boris Lalovac, kaj je ne plačala kamate nek ga je bole muočilo to kaj je posojeno ne vrnula. Ne znati kak bi vse to bilo završilo da so ne šekutori k hiži došli i precedniko Zokijo pod nos porinuli tak da je jena šefica i prva potprecednica Vlade morala zeti stvar vu svoje roke i Andrejo zmeniti. Najgerek sam je li so vsi ministri tak slabo plačeni ili pak je to sam z ovima z haenesa? Najgerek sam kaj se ve bode pripetilo z tem penezima šteri so se z državne kase preselili v Andrejin žep? Je li bode to ona vrnula ili pak bode odelala prek posla šteri bode hasnil celomo našemo društvu, jerbo je do ve dobro delalala svojega posla, kak so to napravili negdašji minister Perek Čobankovič i jegov pajdaš Damir Polančecov?

Kak smo čuli kulturna ministrica si je posodila z državne kase peneze, a do kraja 2013. leta je ne ftegnula vrnuti 152 jezere kuni i jena šefica Vesna jo je mam zmenila i poslala v ropotarnico ministarske povjesti, a to dok se Vesna z Turske pelala z avijonom, šteri je pelal mimo voznoga reda i to je nas porezne (navek) dužnike koštalo 120 jezer kuni unda se je nikomo nika ne pripetilo. Kuliko vidimo, neso vsi ministri jednaki i neje ministrici dopuščeno kaj si more privoščiti potprecednica Vlade. I to prva. A Vesna je Andreji i šefica vu haeneso.

Rekel sam vam več kaj me gvinta: je li so haenesovi ministri isto tak dobro plačeni kak i esdepeovi? Najme kaj, kulturna ministrica je bila preslabo plačena pak si je morala posojavati peneze z državne kase, makar je znala ak se to zazvedi da bode morala oditi po riti k meši i nišči ne bode gledal kak je ona delala svojega posla. Z druge strane pak je esdepeov minister Siniša Hajdaš Dončič obečal još lani, ak ne bode reši probleme (čitaj: duge) naših hrvaški cesti da bode spraznil svojo ministarsko foteljo. Kaj se posla dotikavle još je v pelenaj, ali se vum z fotelje neda. Ne znati je li dobavla vejč penez nek Andrea ili pak meje troši ili pak mo ministarska fotelja vejč vredi od penez? Nesam dosti pameten kaj bi vam to znal reči. Najbrž so ministri i ministrice ne jednaki, očem reči, neso napravleni od istoga materijala!

Tito je ipak odišel z Pantovčaka posle Ivija i završil je doma v Zagorjo, očem reči, v Kumrovco, otkod je i genul v svet pred cirka okoli sto let. Vsima je nejlepše doma, pak tak i jemo, a na vse zadje tam mo je i mesto. Tam je jegova hižica vu šteroj je došel na svet, tam je jegov dom i tam ga bode našel vsaki on što bode štel.

Tito je još navek prinas na vlasti makar je več zdavnja pod zemljom. Kak zgledi vsaki den ga vse vejč i vejč oni šteri ga nebrejo zabiti i furt ga čakajo da se bode vrnul. Nikak nebrem razmeti kaj on ima z ovom Lejpom našom štere ga negda ne bilo i v šteroj je on ne živel. Pak se je on boril i zalagal za komunističko ili pak socijalističko Jugo, a ne za ovo demokracko Hrvaško. To jedno i drugo nikak nejde skupa jerbo smo do Lejpe naše ne sam tak došli nek smo morali ratuvati. Domovinski rat je trajal štiri leti i čuda je naši dečki, heroji, vitezi ne dočakalo kaj bi jiv grelo toplo hrvaško i demokracko sunce. Ak bodemo i dale čakali kaj nam bolše zutra dojde z Kumrovca unda ne bodemo tak včasi jeli beloga kruha. I ne bode Lejpa naša onakša kakšo so senjali i za kakšo so se borili naši braniteli.

Zaklela se zemlja rajo da se bodo vse tajne zazvedile, pak se tak zazvedilo da naš dofčerašji minister za peneze i poštejak slavek Liničov ima skrivečkoga računa v Švicarski banki na šteri so dohajali penezi z vsi strani Lejpe naše. Nema sam "poštejak" Slavek svojega računa v Švicarski jega tu i drugih poštejakov, šteri svoje peneze skrivlejo kak zmija noge. Ne znati je li so to franki ili pak so nekše druge zelene boje, ali se zna čiji so i što more do jif, a malo teži se bode zazvedilo otkod so došli!

Jako sam najgerek kam itak plava tua haenesova brodica i v šteri lučici bode postala? Je li to bode ona leva, kak do ve ili pak bode kapetanica genula desno ili pak bode, na vse zadje, ostala negdi između, kak se to nadja naš međimorski župan Matek Posavcov. Najme kaj sem uspel, za ve, zazvediti: precednica Vesna je stoprocentno sigurna da bodo jeni haenes i Zokijov esdepe išli skupa i na parlamentarne izbore, šteri nas čakajo ovo leto i vsaki den so vse bliže i bliže. Potprecednik haenesa i minister Ivek Vrdoljakov je ne ruon siguren z kim bodo v zamuš išli, a naš župan je, isto tak, stoprocentno siguren da to ne bode esdepe. Kuliko znamo narodnjaki so navek dobro trguvali i navek so posle izborov bili med onima na vlasti, pak si nekak gruntajo da bi to i ve tak spelali, ali je ve več glavni cestar, šteri je navek našel pota prema Banskaj dvoraj ne več jiv narodnjak. Vsaki den donaša nekaj novoga, očem reči, vsako je jutro spametneše od večeri, pak bodemo još malo počakali jerbo pomaranđasta brodica još navek plava po morjo. Istina bog, malo je bliže levoj obali, ali je nagjena na desno, no to još nika ne znači.

Navelikom se pripoveda, a mogli smo i prečitati da se naš župan, Matek, skrivečki prepravlja za precednika hrvaških narodnjakov. On je mladi, dosti dauko je dorival, politika ga je postajla na sam vrh vu našem lepom malom Međimorjo, ali to je jemo premalo, nekak je stišjeni, pak bi se štel širiti i prek Drave. Mladi je, zaškolani, čuda zna, sam nek pazi z kim tikve sadi kaj ne bo zišel kak jegov pajdaš i prezimenjak Joža, šteri je pred cirka osem let mel isto takše želje, pak je, na vse zadje, odišel po riti k meši.

Odnavek je bila šega da broda, šteri se je počel nuhati ili pak nagijati, kapetan broda i jegova posada napuščajo zadji. Haenesov brod se još navek dobro drži i dobro plava po našemo hrvaškomo političkomo morjo i nikši vetri so mo do ve ne nika mogli, ali ga je čakoski dogradonačelnik Romano Bogdan napustil i preplaval je na prvi vekši brod i to on črleni. Ve vidite kak je zišel, tam so ga dočakali raširenih roko, ali se je of tjeden pokazalo da je to ne ruon tak spametno napravleno kak je v prvi mah zgledalo. Najme kaj, državna revizija je spraznila foteljo kulturne ministrice tak da je Romano ostal na pomaranđastom brodeko on bi denes bil minister jerbo on ima vse one kvalitete štere kulturni minister mora meti. A ovak bode precednica Vesna morala nekaj improvizerati do kraja ovoga mandata. Što zna da bode pak Romano mel takšo priliko? Znuom da je ne dauko do kraja mandata, ali dok jempot čovek zasedne v ministarsko foteljo nega moči tak lefko vum z ministarstva natirati! Kaj ne?


Zvir:
http://www.mnovine.hr/kolumne/Jožek%20radnik/1/Kam%20plava%20haenesov%20brodek.??
i(l) str. 56. sim:
http://issuu.com/mnovine/docs/mnovine1019i     
Aktuelni broj i rajneši su (i) sim:
http://www.mnovine.hr/informacije/2/issuu.com/mnovine   
       
* * * * * * * * * * * * * * * * * * * * * * * * * * * * * * * * * * *

OVE RIBE SU SKUPE.
NESU. ZDRAVE SU.
Raca plava po Drave - FA Turopolje, 02:58

Raca plava po Drave - FA Turopolje
« Zadnja izmjena: Ožujak 31, 2015, 09:35:40 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549