Baština > Kajkavski
P Oltar - POrtal naš svagdašni PObôžni i vragolasti / Bogoslavija
Ljudevit Kaj:
P Oltar - POrtal naš svagdašni PObôžni i vragolasti - Bogaslavi(m)ja
Lépa naša PObožna
* * * * * * * * * * * * * * * * * * * * * * * * * * * * * * * * * * * * * * * * * * * * * * * *
KAJKAVSKA VEČERNICA I MEŠA
ČTEJENJA
I
EVANGELIUMI
NA VSE NEDĚLJE I SVETKE CĚLOGA LĚTA
ZA POTREBUVANJE
NADBIŠKUPIJE ZAGREBEČKE,
s zavjetkom
obćinskeh molitvah, po kojeh sveta Cirkva nas vuči,
kaj navlastito od Boga prositi, i kaj činiti moramo,
skupa s pridavkom juternjih, mešneh, spovedneh i
ostaleh molitvah
[pobožna slika]
UZORITOGA I PREČASTNOGA GOSPODINA
KARDINALA
JURAJA HAULIKA,
SEDEMDESET I OSMOGA BIŠKUPA
a pervoga
NAD-BISKUPA ZAGREBEČKOGA.
Vu Zagrebu 1858.
Berzotiskom Dra. Ljudvita Gaja.
----------------------------------------------------- str. 1
----------------------------------------------------- str. 2
DR. ZVONIMIR KUREČIĆ
KAJKAVSKA
VEČERNICA
I MEŠA
VU SV. IVANU ZELINI, 2008.
----------------------------------------------------- str. 3
Mala biblioteka
»Dragutin Domjanić«
knjiga 51.
Nakladnik
Pučko otvoreno učilište Sv. Ivan Zelina
Za nakladnika
Ivica Kukovačec, dipl.ing.el.
Urednik
Dr. sc. Zvonimir Kurečić
Grafičko-tehnička priprema
POU Sv. Ivan Zelina
Tiskano u 350 primjeraka
Tisak i uvez: Tiskara Zelina d.d.
CIP zapis dostupan u računalnom katalogu Nacionalne i sveučilišne knjižnice u Zagrebu pod brojem 668627
ISBN 978-953-6540-38-9
----------------------------------------------------- str. 4
VEČERNICA I MEŠA
POLEG STARE NAVADE SLAVNE
NADBIŠKUPIJE ZAGREBEČKE
VU STAREM HORVATSKEM KAJKAVSKEM JEZIKU
ZNOVIČ SPRAVLJENA
PO MEŠNIKU DR. ZVONIMIRU KUREČIĆU
PREBENDARU PRVOSTOLNE CIRKVE ZAGREBEČKE
VU ZAGREBU 2008.
SVETEK PRESVETUGA SRCA JEZUŠEVUGA
Proštenjarska cirkva svetih Treh Kraljuv v Kominu
vu fari Veliki Bisag
Petek, 30. svibnja 2008. v 19.00 vur
Glavni mešnik:
dr. Zvonimir Kurečić
prebendar prvostolne cirkve zagrebečke
Sumešniki:
mons. Lovro Cindori, kanonikuš prvostolnoga kaptola v Zagrebu
preč. Mirko Totović, prebendar prvostolne cirkve zagrebečke
preč. Maksimilijan Herceg, plebanuš bisaški
Popevaju:
Časne sestre Družbe Kćeri Božje ljubavi z Zagreba:
s. Paula Boršćak
s. Marjana Koščak
s. Marija Beroš
s. Ivana Margarin
Jelena Križanić
----------------------------------------------------- str. 5
----------------------------------------------------- str. 6
VEČERNICA
ILI SVETLOSPEV
Vu ime Otca i Sina i Duha Svetoga.
- Amen.
Mešnik podižuči svieču popeva:
Svetlost Kristušuva.
- Bogu hvala.
Dok se vužižeju svieče na oltaru, popeva se: Psalm 42 (43), 3-5
Pošlji tvoju svetlost i istinu, da me peljaju, *
i dopeljaju na tvoju svetu goru, i vu tvoje prebivališče.
Stupil budem k Božjemu oltaru, *
pred Boga koji razveseljuje moju mladost.
Tebe o Bože, Bog moj, budem hvalil s citrami. *
zakaj jesi žalosna moja duša i zakaj mene mutiš?
Ufaj se vu Boga, ar ga jošče budem hvalil; *
moja pomoč, moj Bog je on.
Dika budi Bogu Otcu i Sinu *
i Duhu Svetomu.
Kak je bila na početku, tak i vezda i vsigdar,*
i na vieke viekov. Amen.
----------------------------------------------------- str. 7
Molimo!
Vzemi od nas, prosimo te, Gospone, vse naše krivičnosti,
da budemo vriedni stupiti s čistim srdcem pred tvoju nazočnost.
Zmožni i odičeni Bože, i Gospon naš Jezuš Kristuš!
Rasvieti, prosimo te, kmicu naše pameti,
podieli nam pravu veru, stalno ufanje i zveršenu ljubav;
včini da spoznamo Tebe Gospona,
tak da mi vsigdar vse poleg tvoje svete volje izvršimo.
Po Jezušu Kristušu našem Gosponu.
- Amen.
PSALMODIJA VEČERNICE:
Psalm 102 (103)
PRIPEV:
Hvali duša moja, hvali duša moja, Gospona, Gospona!
Hvali Gospona, moja duša,*
i vse kaj je vu meni njegvo sveto ime.
Hvali Gospona, moja duša,*
i ne spozabi vseh njegveh dobročinstvih! PRIPEV…
On tebi odpušča vse tvoje pregreške,*
on ozdravlja vse tvoje mlahavosti.
On tvoje želje napunjuje s dobrotami,*
da se tvoja mladost ponovi kakti orla. PRIPEV…
Milostiven i milosrden je Gospon:*
dugotrpljiv i velikoga smiluvanja.
On se ne srdi na vieke,*
niti se zmir nenagraža. PRIPEV…
----------------------------------------------------- str. 8
On nam ni včinil poleg našeh grehov:*
niti nam ni povrnul poleg našeh hudobnostih.
Kak se otec smiluje svojoj detci,*
tak se smiluje Gospon onem, koji se njega bojiju. PRIPEV…
Ar on zna, iz česa smo stvorjeni:*
on se spomenuje, da smo prah.
Človečji dani jesu kakti trava,*
kak poljski cviet, ravno tak i on povehne. PRIPEV…
Dika budi Bogu Otcu i Sinu*
i Duhu Svetomu.
Kak je bila na početku, tak i vezda i vsigdar,*
i na vieke viekov. Amen. PRIPEV…
Molimo!
Bože, koi se po griehu bantuješ,
a po pokori milostiven postaješ:
oglej se milostivno na prošnje tebe molečega puka
i bič tvoje srditosti,
kojega smo zaradi našeh griehov vriedni,
od nas odvrni.
Po Jezušu Kristušu našem Gosponu.
- Amen.
----------------------------------------------------- str. 9
UVODNI DIEL SVETE MEŠE
Mešnik zapopeva:
- SLAVA BOGU NA VISINI.
A mi vsi skup nastavimo popevati:
I na zemlji mir veselje, budi poleg Božje volje:
To sad nebo nazveščuje i glas s neba potvrđuje.
Dobre volje vsaka duša, grieha naj več ne spokuša,
Temveč fali, diči Boga, ar je poslal Sinka svoga.
Sinka svoga, Boga moga, z Ocem, Duhom jednakoga,
Duhom Svetim prijetoga, od Marije rođenoga.
-Gospon z vami.
- I s tvojim duhom.
Molimo!
Vsemogući Bože, denes slavimo Srce ljubljenoga Sina tvojega
i spominjamo se osobitih dobročinstav njegove ljubavi prema nam.
Daj, da z toga nebeskoga zviranjka primimo obilje milosti.
Po Gosponu našem Jezušu Kristušu, Sinu tvojemu,
ki s tobom živi i kraljuje v jedinstvu Duha Svetoga, Bog,
na vse vieke viekov.
-Amen.
----------------------------------------------------- str. 10
SLUŽBA RIEČI BOŽJE
1. ČTEJENJE: (1Iv 4, 7-16)
Čtejenje Prvoga pisma svetuga Januša apoštola.
Predragi!
Ljubimo jedni druge, ar je ljubav od Boga.
Vsaki, ki ljubi, od Boga je rođen i spoznava Boga.
A ki ne ljubi, ne pozna Boga; ar Bog je ljubav.
Vu tom se je skazala ljubav Božja k nam,
kaj je Bog svojega jedinorođenoga Sina poslal na sviet,
da živimo po njem.
U ovom se sastoji ljubav:
Nismo mi ljubili Boga, nek je on ljubil nas
i poslal je Sina svojega kak pomirenje za naše griehe.
Predragi!
Akoprem je Bog nas ovak ljubil,
i mi smo dužni ljubiti jeden drugoga.
Boga još nie nigdar nigdo videl.
Akoprem ljubimo jen drugoga,
Bog ostaje vu nami i ljubav njegva je zveršena vu nami.
Po tom znamo, da vu njem ostajamo i on z nami,
ar nam je dal od Duha svojega.
I mi smo vidli i svedočimo,
da je Otec poslal Sina za Spasitelja svieta.
Kigod prizna da je Jezuš Sin Božji,
Bog ostaje vu njem i on vu Bogu.
Mi smo spoznali ljubav,
ku Bog ima prema nam i poveruvali smo je.
Bog je ljubav,
ki ostaje vu ljubavi vu Bogu ostaje
i Bog ostaje vu njem.
-Rieč Gosponova.
- Bogu fala.
----------------------------------------------------- str. 11
OTPEVNI PSALM:
Psalm 144 (145)
PRIPEV: Blagoslivljal bum naveke ime tvoje!
Budem izvišaval tebe, o Bože, moj Kralj:*
i dičil tvoje ime viekom, i na vieke viekov.
Vsaki dan budem hvalil tebe*
i dičil tvoje ime viekom, i na vieke viekov. PRIPEV…
Velik je Gospon, i velike hvale vrieden:*
i njegva velikoča nema konca.
Vsa pokolenja budu hvalila tvoja dela:*
i tvoju mogučnost nazvieščala. PRIPEV…
Tvoje kraljevstvo je kraljevstvo vseh viekov:*
i tvoje gospodstvo od pokolenja do pokolenja.
Gospon podiže vse, koji opadaju:*
i osavlja vse prignjene. PRIPEV…
Gospon je blizu vsem, koji njega zazavaju;*
vsem koji njega vu istini zazavaju.
On spunjava želje vseh oneh, koji se njega bojiju,*
i posluša njihove prošnje. PRIPEV…
ALELUJA:
(Mt 11, 29ab)
Zemite na se jaram moj i vučite se od mene,*
ar sem krotek i poniznuga srca.
----------------------------------------------------- str. 12
EVANGELIUM:
(Mt 11, 25-30)
-Gospon z vami.
- I s duhom tvojim.
† Čtejenje svetoga evangeliuma od Mateja
- Slava tebi, Gospon.
Vu onem vremenu sprogovori Jezuš i reče:
„Dika ti budi, Oče, Gospodine neba i zemlje,
ki si vse ovo zakril pred mudrijaši i spametnimi
i očituval je malim.
Jè, Otec, ar tak je tebi po volje bilo!
Vse je meni moj Otec predal
i nigdo ne pozna Sina nek Otec,
i nigdo ne pozna Otca nek Sin
i on komu to hoče Sin očituvati.
Hod'te k meni vsi, ki ste zmučeni i opterečeni,
ja vas bum okriepil.
Zemite na se jarem moj i vučite se od mene,
ar sem krotek i ponizen vu srcu,
i našli budete mir dušam svojim.
Ar jarem je moj sladek i teret je moj lefki.“
- Rieč Gosponova.
- Slava tebi, Kristuš.
----------------------------------------------------- str. 13
PRODEČTVO
Po prodiki mešnik čita apoštolsku veru Božju:
VERUJEM VU BOGA, Otca vsamogućega,
Stvoritelja neba i zemlje.
Vsi potvrđuju popevajući:
Amen, amen, verujem! Amen, amen, Gospone! (2x)
I VU JEZUŠA KRISTUŠA, Sina njegvoga jedinoga,
Gospona našega.
Koji je prijet od Duha Svetoga,
rođen od Device Marije.
Mučen pod Ponciušem Pilatušem,
razpet, vumerl i pokopan.
Stupil je dole na pekle,
tretji dan je gorestal od mrtveh.
Zastupil je na nebesa,
sedi na desnici Otca Boga vsamugučega.
Odonut hoče dojti sudit žive i mrtve.
Vsi potvrđuju popevajući:
Amen, amen, verujem! Amen, amen, Gospone! (2x)
VERUJEM VU DUHA SVETUGA.
Svetu Cirkvu katoličansku.
Sveteh občinstvo.
Grehov odpuščanje.
Tiela gorestajanje,
I žitek vekiviečni. Amen.
Vsi potvrđuju popevajući:
Amen, amen, verujem! Amen, amen, Gospone! (2x)
----------------------------------------------------- str. 14
MOLITVA VIERNIKOV
Prosimo te, Gospone, vu ljubavi tvoga presvetuga Srca
preteci s tvojum miloščum vsa naša činjenja,
i daj vu njih po tvojoj pomoči napreduvati,
da se vsaka naša molitva i vsi čini od tebe vsigdar počmeju,
i po tebi započeti dobro dokončaju.
Vsi ponavljajmo: Presveto Srce Jezuševo, smiluj nam se!
1. Presveto Srce Jezuševo, povekšaj veru katoličansku, izkorieni pogane i obrni krivoviernike, molimo te:
2. Presveto Srce Jezuševo, blagoslovi papu našega Benedikta,
nadbiškupa našega kardinala Josipa, vse mešnike i vse ostale cirkvene službenike, molimo te:
3. Presveto Srce Jezuševo, blagoslovi nas, naše družine, hiže, blago, gospodarstvo i ves imetek naš. Občuvaj nas kuge, gladi, vojske, silneh betegov, nagle i nepripravljene smrti, molimo te:
4. Presveto Srce Jezuševo, prosimo te ponizno: oprosti nam griehe naše, podelji nam milošću pravične pokore, poboljšanje življenja našega i stalnost vu tvojoj svetoj službi, molimo te:
5. Presveto Srce Jezuševo, smiluj se vsem živem za koje mi moramo moliti, a vsem viernem mrtvem daj pokoj vekivečni, molimo te:
----------------------------------------------------- str. 15
Mešnik:
Gospon naš Jezuš Kristuš, z tvojega presvetuga Srca
svete želje, prava svetuvanja i pravični čini izhajaju,
daj tvojem slugam on mir, kojega sviet ne more dati,
da naša srdca budu tvojem zapoviedjam podložna,
i vezdašnja vremena po tvojoj pomoči
od straha neprijatelov sigurna i mirna.
Koji živiš i kraljuješ na vse vieke viekov.
- Amen.
Nâstavek na sledečomu e-listu
Ljudevit Kaj:
Nâstavek prethodnoga e-lista
----------------------------------------------------- str. 16
EVHARISTIJSKA SLUŽBA
PRIKAZANJE IL I ALDUVANJE
Dok mešnik pripravlja svete dare kruha i vina, zbor i
ves narod skupa popevaju:
Psalm 112 (113).
PRIPEV: Gospon kraljuje, v' lepotu obliečen!
Hvalite Gospona, vi službeniki:*
hvalite Gosponovo ime.
Gosponovo ime naj bude blagoslovljeno,*
od vezda tja do vieka. PRIPEV…
Od sunčenoga ishoda tja do zapada*
naj bude Gosponovo ime hvaljeno.
Gospon je izvišen zverhu vseh narodov:*
i njegva dika je zverhu nebes. PRIPEV…
Gdo je tak izvišen*
kak je Gospon naš Bog?
Koi prebiva vu visini,*
pak se vendar na nizka ogleda. PRIPEV…
Koi prostoga podiže iz praha,*
i siromaka izvišuje z blata,
da ga posadi vuz poglavare
svojega ljudstva. PRIPEV…
----------------------------------------------------- str. 17
Dika budi Bogu Otcu i Sinu*
i Duhu Svetomu.
Kak je bila na početku, tak i vezda i vsigdar,*
i na vieke viekov. Amen. PRIPEV…
Na kraju prikazanja ili alduvanja mešnik moli:
Molite, braća i sestre, da moja i vaša žrtva
bude ugodna Bogu Ocu vsamogućemu.
Narod odgovarja:
Naj prime Gospon žrtvu iz tvojih ruk
na falu i slavu svojega imena
i na korist nam i cieloj svojoj svetoj Cirkvi.
DAROVNA MOLITVA
Poglej, Gospone, neizrečenu ljubav vu srcu svoga Sina:
da bude naš prinos tebi drag
i pomirba za naše griehe.
Po Kristušu Gosponu našemu.
Amen.
----------------------------------------------------- str. 18
PREDSLOVLJE SRCA JEZUŠEVUGA
- Gospon z vami.
- I z duhom tvojim.
- Gore srca.
- Imamo pri Gosponu.
- Hvalu dajmo Gosponu Bogu našemu.
- Vriedno je i pravično.
Mešnik moli predslovlje Srca Jezuševoga:
Zaistinu je vriedno i pravično, pravo i spasonosno,
da vsigdar i vsigde zafaljujemo tebi, Gospone,
sveti Otec, vsamoguči viečni Bog,
po Kristušu Gosponu našemu.
On, vzdignut na križ,
vu beskrajne ljubavi svoje predal je samoga sebe za nas:
z probodenoga srca on je zlejal krv i vodu,
zviranjek šakramentuv Cirkve,
da vsi ljudi, privlečeni k otprtomu srcu Spasitelja,
vu radosti jemljeju z nepresušnoga zviranjka spasenja.
I zato, z vsemi svetci i anđeli
tvoju slavu veličamo popevajuči bez prestanka:
Narod odgovara popevajuč:
Svet, svet, svet, Gospon Bog Sabaot.
Puna su nebesa i zemlja tvoje slave.
Hozana na visine!
Blagoslovljen ki prihađa vu ime Gosponovo.
Hozana na visine!
----------------------------------------------------- str. 19
DRUGA EVHARISTIJSKA MOLITVA:
Mešnik moli:
Zaistinu si svet, Gospone,
zviranjek vsake svetosti.
Tebe zato molimo:
Rosom Duha svoga posveti ove dare,
Da nam postaneju Tielo i + Krv
Gospona našega Jezuša Kristuša.
Gda se je dragovoljno predal na muku,
vzel je kruh, tebi zafalil,
prelomil i dâl vučenikom svojim govoreči:
VZEMITE I JEĐTE OD OVOGA VSI:
OVO JE TIELO MOJE
KOJE BUDE ZA VAS PREDANO.
- Zdravo Tielo Jezuševo, na oltaru posvečeno.
Isto tak po večerji
vzel je i kalež, znovič ti zafalil,
i dâl vučenikom svojim govoreči:
VZEMITE I PIJTE IZ NJEGA VSI:
OVO JE KALEŽ MOJE KRVI
NOVOGA I VIEČNOGA SAVEZA,
KOJA BUDE PRELEJANA ZA VAS I ZA VSE LJUDE
NA OPROŠČENJE GRIEHOV.
OVO ČINITE MENI NA SPOMENEK.
----------------------------------------------------- str. 20
- Zdravo Krvi Jezuševa, na oltaru posvečena.
Mešnik: Skrovnost vere:
- Tebi fala, tebi dika, tebi slava prevelika.
- O Jezuše, budi faljen, na vse vieke vieka. Amen.
Mešnik moli:
Spominjajuči se smrti i gorestajanja njegovoga,
prinosimo ti, Gospone, kruh života i kalež spasenja,
zahvaljujuči kaj si nas včinil vriednim,
da prebivamo pred tobum i tebi služimo.
Ponizno te prosimo da nas,
pričesnike Tiela i Krvi Kristuševe,
Duh Sveti združi vu jedno.
Spomeni se, Gospone, Cirkve svoje širem svieta,
da ju zvršavaš vu ljubavi
skupa z našim papom Benediktom
i našim nadbiškupom Josipom,
z zborom biškupov, z vsem svečenstvom,
ino z vsemi dijakoni
i z onimi, ki su pozvani na službu Matere Cirkve,
i z narodom koga si za se predobil.
Spomeni se i naše brače,
ka snivaju vu ufanju gorestajanja,
i vseh, ki su prešli z ovoga svieta vu tvojem smiluvanju:
pripeljaj ih k svietlu svojega lica.
----------------------------------------------------- str. 21
Molimo te, smiluj se nam vsem,
da vriedni budemo biti delniki viečnoga života
z blaženom Bogorodicom Devicom Marijom,
z blaženemi apoštoli i z vsemi svetci
ki si živeli vu tvojoj ljubavi,
da te falimo i slavimo
po Jezušu Kristušu, Sinu tvojem.
PO KRISTUŠU I Z KRISTUŠEM I VU KRISTUŠU
JE TEBI, VSAMOGUČI BOG OTEC,
VU JEDINSTVU DUHA SVETUGA
VSAKA ČAST I SLAVA
NA VSE VIEKE VIEKOV.
- Amen.
----------------------------------------------------- str. 22
GOSPONOVA MOLITVA I PRIČEST
- A vezda vsi skup zmolimo onu molitvu
koju nas je navčil naš Gospon Jezuš Kristuš:
Vsi skup moliju:
Otec naš, koi jesi na nebesih:
Sveti se ime tvoje.
Dojdi kraljestvo tvoje.
Budi volja tvoja, kak na nebu tak i na zemlji.
Kruha našega vsakdašnjega daj nam denes.
I odpusti nam duge naše, kak i mi odpuščamo dužnikom našim.
I ne vpeljaj nas vu skušavanje.
Nego oslobodi nas od zla.
Mešnik moli:
Izbavi nas, molimo te Gospone, od vsega zla,
podelji nam mir vu naše dane,
da budemo s pomočjum tvoje milosrdnosti
i od grieha vsigdar slobodni,
i od vsake smutnje sigurni:
čakajuči blaženo ufanje
i prihajanje Spasitelja našega Jezuša Kristuša.
Narod odgovarja:
Ar tvoje je kraljevstvo i slava i moč na vse vieke.
----------------------------------------------------- str. 33
Mešnik:
Gospon Jezuš Kristuš, ti si rekel svojim apoštolom:
mir vam ostavljam, mir vam svoj dajem:
prosimo te, naj gledeti na naše griehe
nek na veru svoje Cirkve,
ter se udostoj dati joj mir i jedinstvo,
kak je volja tvoja.
Ki živiš i kraljuješ na vse vieke viekov.
- Amen.
- Mir Gosponov naj bude vsigdar z vsemi vami.
- I duhom tvojim.
- Podielite mir jen drugumu!
Vsi skup popevaju:
Jaganjec Božji, koji odjimlješ griehe svieta, smiluj nam se!
Jaganjec Božji, koji odjimlješ griehe svieta, smiluj nam se!
Jaganjec Božji, koji odjimlješ griehe svieta, daruj nam mir!
Metemtoga mešnik tiho moli:
Gospon Jezuš Kristuš,
naj mi primanje tvojega Tiela i Krvi
ne bude na sud i osudu, nek po tvojoj dobroti,
naj mi bude duši i tielu obramba i liek.
Mešnik poziva na svetu pričest:
Evo Jaganjec Božji, evo ki odjimlje griehe svieta.
Vsi skup govoriju:
Gospon, ja niesem vrieden da dojdeš pod moj krov,
nego samo reči jednu rieč i zdrava postane moja duša.
----------------------------------------------------- str. 24
Za vrieme pričesti se popeva:
Duša Kristuševa, posveti me!
Tielo Kristuševo, spasi me!
Krv Kristuševa, napoj me!
Voda iz rebra Kristuševoga, operi me!
Muka Kristuševa, objači me!
O dobri Jezuš, posluhni me!
Med tvoje svete rane postavi me!
Od tebe razlučiti se ne pusti me!
Od zloče neprijatelov brani me!
Na vuri moje smrti zovi me!
K tebi vu nebo primi me!
Da te s tvojemi angeli hvalim
Vezda i na vieke viekov. Amen.
Ljudi popevaju i ovu pesmu:
Ne ostavi nas nigdar,
Blagoslovi nas vsigdar,
Budi z nami vsaki čas,
Jezuš, Spasitelju naš.
Slavno budi ime Jezuš,
Slavno ime Marija.
Ime Jezuš slavno budi,
Slavno ime Marija.
----------------------------------------------------- str. 25
ZAHVALA ZA PRIČEST:
MARIJINA PESMA
Antifona:
Srce božanske Jezuša mega, dej da vse više imam te rad.
Ti si veselje naroda svega, življenja mega nada si vsa.
Srce božanske Jezuša mega, dej da vse više imam te rad.
PESMA BLAŽENE DEVICE MARIJE
† Moja duša izvišava Gospona.*
i moj duh se raduje vu Bogu, mojemu Spasitelju.
Kajti se je ogledal na poniznost službenice svoje;*
ar nut, od vezda mene blaženu ozoveju vsa pokolenja.
Ar je meni včinil velika dela, koi je mogučen,*
i njegvo ime je sveto.
On je milosrden od pokolenja do pokolenja*
onem, koi ga se bojiju.
Pokazal je mogučnost svoje ruke;*
rastepel je oholne vu misli svojega srdca.
Mogučne je izhitil iz stolice,*
a ponizne je izvisil.
Gladne je nahranil z dobri, *
a bogate je odpustil prazne.
Prijel je Izraela, svojega slugu,*
ar se je spomenul iz svoje milosrdnosti.
Kak je govoril našem otcem,*
Abrahamu i njegvomu plemenu na vieke.
Dika budi Bogu Otcu i Sinu*
i Duhu Svetomu.
Kak je bila na početku, tak i vezda i vsigdar,*
i na vieke viekov. Amen.
----------------------------------------------------- str. 26
I ponovi se antifona:
Srce božanske Jezuša mega, dej da vse više imam te rad.
Ti si veselje naroda svega, življenja mega nada si vsa.
Srce božanske Jezuša mega, dej da vse više imam te rad.
MOLITVA PO PRIČESTI:
Molimo!
Bože, skrovnost tvoje ljubavi naj nas privlači k tvojemu Sinu,
da se mi, obuzeti svetom ljubavlju,
navčimo prepoznavati njegvo lice u svojoj brači.
Po Kristušu Gospodinu našemu.
- Amen.
BLAGOSLOV I OTPUST
Mešnik podeljuje blagoslov.
- Gospon z vami.
- I s duhom tvojim.
-Blagoslovi vas vsamoguči Bog,
Otec i Sin i Duh Sveti.
- Amen.
- Meša je gotova: idite vu miru.
Bogu fala.
----------------------------------------------------- str. 27
PESMA PRED OLTAROM MAJKE BOŽJE:
K suncu prosi vsaka roža
Dragutin Domjanić
K suncu prosi vsaka roža,
K suncu trava vsaka,
Tak i k tebi, Majka Božja,
Srce siromaka.
Milostiva vsakom ti si,
Vse ti vračiš boli,
Odbila još nikog nisi,
Koi za pomoč moli.
Čuj molitve vruče ove,
Draga naša Mati,
Tvoj te vezda narod zove,
Romari Hrvati:
Dobra nam naviek ostani,
Zmoli nam pri Sinu,
Da od vsega zla obrani
Nas i domovinu.
----------------------------------------------------- str. 28
----------------------------------------------------- str. 29
Kajkavska večernica i meša predočene ovom tiskovinom,
jedinstveno su događanje u programu Festivala "KAJ v Zelini '08" organiziranog povodom
27. recitala suvremenoga kajkavskoga pjesništva
"Dragutin Domjanić" – Sv. Ivan Zelina 2008.
----------------------------------------------------- str. 30
----------------------------------------------------- str. 31
[pobožna slika]
----------------------------------------------------- str. 32
Ljudevit Kaj:
KAJKAVSKA VEČERNICA I MEŠA
pdf oblik (zvirni oblik, z ilustrâcijam):
http://www.esnips.com/r/hmfl/doc/e5f32fb6-9f50-4fc3-8c7b-4629d332d4a2/KAJKAVSKA_VECERNICA_I_MESA
shaka zulu:
Jesi uspel video kam zdiči?
Ljudevit Kaj:
(odgovor na pitajně z prethodnoga lista:
vunzdavatel jě oběčal da bû del "videalnu" mešu na medmrežjě z prvum zgod(n)um)
* * * * * * * * * * * * * * * * * * * * * * * * * * * * * * * * * * * * * * * *
ZVONA, Mesečni list čakovečke žup, PROSINEC 2009.
NEKAJ ZA ČAS KRATITI
IMAMO FOTOMONOGRAFIJO!!!
Kak i vsako leto tak je i ovoga decembra Sveti Mikloš hodav od hiže do hiže i nosiv deci darove, ali nej vsima nek sam dobroj deci, a mi vsi znamo gda so denes vsa deca dobra. Ak ne verjete meni pitajte bar jive roditele. Tak je i Sveti Mikloš pitav roditele, pak so vsa deca dobila darove, očem reči, so trebala dobiti. No, kak je ovo leto kriza i recesija bila vse jakša i vse vekša tak so i Svetomo Miklošo penezi sfalili, tak gda so negdi morali pomoči japeki i mamike, a drugdi pak japice i mamice. Mev sam za čuti kak so nešterne navučitelice vu čakoskaj školaj pomagale Svetomo Miklošo i delile so deci darove vu školi i metale vu čižmice. Štev bi pofaliti te navučitelice i verjem gda jim to deca nebodo nigdar pozabila.
Ovo leto so nejlepšega dara za sveto Mikloševo dobili čakoski fratri. Na tretjo nedelo Došašča svetlo dneva je ugledala Monografija o temo kak fratri i patri vu Čakovco več 350 let imajo kloštra, 220 let imajo župo vu centro grada i na vse zadje, več je 10 let minulo kak fra-pater Tonček gospodari s župom na čakoskomo jugo. O vsemo temo kaj se pripetilo pred 350 let gda je Mikloš Zrinski Čakoski dopelav fratre vu čaksko varoš, pak vse do denes, pisav nam je profesor Vladek Kapun. Kuliko smo meli za čuti na promociji Monografije, štera je pravzaprav fotomonografija, jerbo ima vejč sliki nek slovi, Vladek nam se zgovarjav kak je pisav istino i samo istino, a toga denes nejga niti pre sodo. Jedina istina štera se denes prizna je ona vinska: in vino veritas, kajbi rekli, vu vinu je istina, a vse drugo je kak-tak. Naš Vladek je hajdig knjig prečital i hajdig je praha zbrisav z onih knjig štere je na leta nišči nej niti vu rokaj mev, ali nam se požaliv kak mo još nešterni papiri falijo kak bi cela istina dojšla na sunce, to bi vam nekak tak bilo kak i socima vu Hago falijo topnički dnevniki. Ne bi se štev mešati vu te stručne stvari jerbo sam ja nej od toga, ali zato morem i moram pofaliti vse one šteri so meli prste ili pak i nekaj drugo, vu temo kaj je tua lejpa i debela knjiga denes tu pred nami. Profesora Kapuna sam več nafaliv, a ve bi mo se i zafaliv, a tu jejoš i pater gvardjan Stanko bez šteroga niti trava vu samostanskom dvoriščo ne raste. Jako čuda se okoli knige brigav i profesor Hranjec, a po dnevo i po noči je delala Jasminka Bakoš – Kocijan. Nesmem pozabiti niti slikare, a gospon Sobočanec i jegovi pajdaši so se rezleteli po Međimorjo, a i dale kaj so znabavili peneze za to knigo i celo fešto za teh velikih 350 let. Zadjih leto dni si je pater Stanko, vsako jutro dok se je podbrivav, popevav ono lejpo pesmico: sponzori moji Božek vas blagoslovil… Znate kak je to, fratarsko leto je bilo dugo, trajalo je skorom dve leti i kajkaj toga se priprtilo, a vse to je nešči morav platiti.
Kniga je tu pred nami, glavni mešter ceremonijala, pater i gvardjan Stanko je vsima dauv čeka na šteromo je pisalo: Božek bo vam plativ! A več sam vam rekev gda se profesor Kapun močiv duže od leto dni kaj je vse to na kup nametav. Kak smo meli za čuti, brzčas, dragi Božek ima još nekše planove z profesorom, jerbo se on čistam dobro drži za svoj visoki jmbg, a kak bode još dugo šekleriv po ovoj našoj varoši to isto sam dragi Božek zna. I ja želim profesoro još hajdig let dobroga zdravja i takšo zdravo pamet kak ve ima. Jedino čega se bojim, a o temo se nekaj šepetuji, kak i dragi Božek prepravla nekšo obletnico gori na nebi, a kuliko sam mev za čuti, išče nekoga što bi mo monografijo pisav. Ne bi se štev mešati vu to koga bode, itak, zebrav? No, šalo na strano, profesoro vsaka čast i kapa doli do zemle, kak je uspev tak lepo, tak dobro i tak dugo monografijo napisati.
Kak je lejpo bilo videti pozvano gospodo vu prvomo redo Katoličkoga doma. Tu je biv župan z svojimi zamjeniki i precednikom županiske skupščine, a odma polek je biv gradonačelnik, a i jegovi zamjeniki skupa z precednikom grackoga veča. Došev je i provincijal, pater Željko, šef vsih naših fratrov, a neje mogev kaj nebi došev niti naš i varaždinski biškop Jožek Mrzljak. Biškup je rekev kak je lejpo vidjeti kak so vsi političari na broju pre fratrima i kak je retko gde kaj so si tak zdobra grad, županija i cirkva. No, pozabiv je gda tu živijo sam dobri i bogoboječi ljudi. Morem vam reči gda je posle domjenka bila i velika stiska pre meši makar so nej vsi z prvoga reda tam bili.
Vaš Tonček
* * * * * * * * * * * * * * * * * * * * * * * * * * * * * * * * * * * * * *
Zvir:
ZVONA, Mjesečni list čakovečkih župa,
Leto XVI, br.12, prosinec 2009.g.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 900 primjeraka
* * * * * * * * * * * * * * * * * * * * * * * * * * * * * * * * * * * * * *
Kajkavski vu cirkvami:
http://www.zagorje.com/articles/2340/show.aspx
* * * * * * * * * * * * * * * * * * * * * * * * * * * * * * * * * * * * * *
KAJKAVSKA VEČERNICA I MEŠA
a) editérajuči oblik (ně baš lépo posložen, bez ilustrâcij)
("privremeno" nedostupno)
http://www.forum.gorica.hr/index.php/topic,4989.msg91664.html#msg91664
b) pdf oblik (zvirni oblik, z ilustrâcijam):
http://www.esnips.com/r/hmfl/doc/e5f32fb6-9f50-4fc3-8c7b-4629d332d4a2/KAJKAVSKA_VECERNICA_I_MESA
* * * * * * ** * * * * * * * * ** * * * * * * * * ** * * * * * * * * ** * *
Video:
Cinkuši-Bozična (1998), 04:31
Cinkusi-Bozicna (1998)
Navigacija
[0] Lista Poruka
Idi na punu verziju