HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Zagorski list br. 312 / 09.10.2009. (ili br. 313 / 16.10.2009.)

ZA DUŠU, ZA SPOMENEK

ZA KAJ SE H DIEČA SRCA GDA PORASTEJU NAGNJIZDI KAČA

Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250

A po tomu starinskomu, dejčeki su imelji navieke nekaj plavešoga, a puckice rozastoga. Mudrila sem se na tem kak te dvoje mlade ljudi z veseljem šlabekuju svojemu nasljediku. Takaj sem si misljila kak njim je zdej ljiepe, gda je panjkrat malji i bez brige su. Nu gda malje podraste priča se zmeni. Malji huncut ide trdokorne tam kam on oče. Če mu se preveč dopusti pak tie putec i posel nie baš kak Bog zapoveda. Sreča je tem mladem ljudem kaj neznaju kaj jih skup ž njihovem panjkratem čaka. Kakve njim bu se hamuljije, grde i ljiepe, pririhtaval. Tak je te valjda zapisane i tak mora biti da mlajši navieke srdiju strarieše ilji deca starce. Ipak, se mora imeti meru.


Gda sem jeden dan štiela ziti na cestu z altu morala sem prepustiti jedenuga mladuga tatu i mamu. Ljica su njim bila črljena i nasmejana. Ves njihof smieh i veselje bil je hpučen h plava dieča koljica tere su pred sobu rievalji. Nie bilje moči fuljati da je h koljica bil malji dejček. Kuljike god denes ljudi očeju biti moderni, senek se oče ostaviti i nekaj starinskuga.

A po tomu starinskomu, dejčeki su imelji navieke nekaj plavešoga, a puckice rozastoga. Mudrila sem se na tem kak te dvoje mlade ljudi z veseljem šlabekuju svojemu nasljediku. Takaj sem si misljila kak njim je zdej ljiepe, gda je panjkrat malji i bez brige su. Nu gda malje podraste priča se zmeni. Malji huncut ide trdokorne tam kam on oče. Če mu se preveč dopusti pak tie putec i posel nie baš kak Bog zapoveda. Sreča je tem mladem ljudem kaj neznaju kaj jih skup ž njihovem panjkratem čaka. Kakve njim bu se hamuljije, grde i ljiepe, pririhtaval. Tak je te valjda zapisane i tak mora biti da mlajši navieke srdiju strarieše ilji deca starce. Ipak, se mora imeti meru.

I dok sem se još mudrlia i gruntala o te mlade familjije i peljala se dalje, pred sobu sem vidla jednu ženjsku. Dobre sam ju poznala. Česte sem ju viđavala gda je išla po ceste i h ruka navieke nekaj nosila. I ovie put, išla je poljehku, sa se nagnula na jednu stran. Hruka je imiela nekaj žmehkuga. Kak sem bila na cajtu nie mi se žurelje, a znala sem da je još dosta deljejke od doma pristala sem da ju popeljam. Nie me mam prepoznala nek je išla svojem putem. Tek gda sem ju zezvala, zdigla je glavu i nasmejala mi se. Bil je te smieh, alji onak nekak pun tuge i žala. Nie mam razmela da sem je stala da ju popeljam.Tek gda sem je z ruka zela tešku vreču teru je nosila i počela ju metati h altu, znala je za kaj sem je pristala. Čez glavu mi je preletele življenje te, zdej več, mame i babice. Življenje tere je bilje grde i žmehke. Furt je bila h nekakve žurbe, furt h poslu i letenju, a unda je jednu večerku škripanje gum  zabrenzalje te letenje. Življenje je je jeden cajt visilje na koncu, alji želja za životem i za svoja dva mala panjkrata radi tere je furt letiela, zbudila ju je z gljiboke senje. Od grdobe tere je doživela, žifci su več bilji napeti kaj strune pak je negda morti rekla susedem, familjije i dece nekaj kaj nebi smiela.

Ipak, ona je same bila mama tera je čuvala i briguvala se za svoj dom i decu. Način na koji se borila za svoje panjkrate bil je takef kak je znala i mogla. I h teške bolji i tuge speljala jih je ne životni putec.

Gda sem si sela kre nje i gda sme krenule malje sme si požlabrale. Bila je h čudu kaj sem je stala. Več put ide od doktora ilji z štacuna pešice, gda retke ide altobus, alji je nišče ne stane. A unda gda mi je rekla ove kaj vam bum napisala, srce mi je skorem puklje od tuge:

„Znaš, niesem misljila da si mene stala. Mene ti onak nišče ne stane. Kak bi mi gdoj i stal gda mi nečeju stati ni rođeni sini. Jemput sem išla od doktora, niesem imiela imbriele i sa sem zmokla. Stala sem h zaseke pod mostem i čakala da hljiš bar malje prestane. Cvokotala sem od zime, a z mene se same sciejala voda. Kre mene se najprie prepeljal jeden sin. Niie mi stal. Po cajtu i drugi sin z familjiju, hnučeki su me lukalji čez okne, mahalji mi, alji mi sin i sneha  niesu stalji. Si se srdiju na mene...“ Poviedala je te mirne i bez suzi. Več jih je valjda se stočila.

Nič niesem mogla reči. Pri hiže sem je stala. Gda je pognuta išla k doma, mene su same curele suze i po gdoj zna kuljike put sem se pitala:“Kak se te more h dieča srca, terem se radujeme gda jih vozime h kolica, nagnjezditi  kača gda porasteju“?


Zvir:
http://www.zagorje.com/clanak/6570/za-dusu-za-spomenek-za-kaj-se-h-dieca-srca-gda-porasteju-nagnjizdi-kaca.aspx

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Zagorski list br. 312 / 09.10.2009.

IZ BAKINE PUČKE BILJEŽNICE

Rat

Slika:
http://www.zagorje.com/thumb.ashx?path=/ckfinder/userfiles/images/komentatori/baka.jpg&width=430&height=250

Piše: Zoran Gregurek


Dvadeseto stoljeće u svijetu su obilježila dva rata, a u Hrvatskoj i treći – Domovinski rat. Kako su se ljudi ponašali u ratu, znala je govoriti naša hraščinska baka Ivka, rođena tijekom Prvog svjetskog rata.

- Moja mati me rodila već potkraj prvuga rata i njega se zate ne zmislim, ali dobre pamtim Drugi svetski rat, gda sem preživela najgrdeše, ali i najlepše momente vu mojemu životu - prisjećala se baka. Što je bilo lijepo, a što bi baka najradije zaboravila četrdesetih godina prošlog stoljeća?

- Moja mlajša sestra i ja vune sme cijipale i pospravlajle drva gda su metki fijukali krej naši glaf. Rekla sam je da ideme vu hižu da nas nej koji metak pogodil, a ona je rekla nek se ne brinem jer neče grom vu koprive. Tak je i bile. Gda sme spale vu hiži, jenu nam je nuoć šrapnela doletijiela vu sobu i prebila je zid od hiži. Tuo su partizani bili minijerali švabom i ustašom prugu štera je bila blizu naše hiži. I to sme preživili jer nas je dragi Buog čuval - govorila bi starica. No, nije sve bilo tako crno u ratu.

- Vu veljače 1945., gda se več pomalu rat stišaval, išla sam vu zamuž. Gda sme zišli z cierkve vun, prvi su mi došli ustaše čestitat, a i njihovi časniki su cijielu nuoč tancali vu naše svadbe. Nije bile važne jesme li ih mi željeli vu svadbe, oni su došli i lijiepe su se punašali. Mi sme, mali ljudi, same šuteli i se trpeli jer sme znali da sakomu zlu jemput duojde kraj. I tak je i rat završil, partizani su prevzeli vlast i bile je više dobrih, nek luoših danof - slijegala je ramenima baka.


Zvir :
http://www.zagorje.com/clanak/6523/iz-bakine-pucke-biljeznice-rat-.aspx

* * * * * * * * * * * * * * * * * * * * * * * * * * * * * *

Pregled člankov „IZ BAKINE PUČKE BILJEŽNICE“ gospona Zorana Gregurka na POTgoričkomu forumu:
(vupisati  Gregurek vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Zagorski list br. 312 / 09.10.2009.

Dnevnik tate Bena

Na noge lagane
 
Prošli tjedan je Patricija dobila naočale. Ona ih je dobila, a mi smo ih platili. I baš joj dobro stoje. Mam se je navadila da ih furt nosi. Čak je h nedelju došla glet kaj žena dela na kompjuteru i mam se vrnula po očale jer ih nije imela na nosu.

Piše: Tomislav Benčić-Ben
 
Slika:
http://www.zagorje.com/thumb.ashx?path=/ckfinder/userfiles/images/komentatori/bencic.jpg&width=430&height=250


Nakon kaj se počela zdigati h kinderbetu Gracia je sad počela s zdiganjem i po dnevnoj sobi. H prošlom broju sam napisal kak smo sporihtali dnevnu sobu gde sad Gracia ima svoje dnevno carstvo. Sad se več prime za kaj god i zdigne se na noge. A noge su sve samo ne lagane. U svemu je najteža guza. Furt ju vlječe na pod. Najljepše se zdigne kad se ja legnem na pod kraj nje i kad se more prijeti meni za majcu i uz trbuh se zdiči. Če se po trbuhu tresne bar je mekano. Nakon kaj ima 4 zuba skužila je kak se i za kaj koristiju. Grize. Največ grize ženu. Ali je skužila da i kekse treba gristi. Počela je i puterštangice gristi, a h nedelju je počela i bananu gristi. Pecivo joj još damo h ruke, ali bananu ne. U njezinom carstvu trenutno je nainteresantniji tigar. Jedno tri put je veči od nje i po njemu se zdiže na noge, ali mu i pokušava ščupati jezik i zube.

Napokon sam prošli tjedan skompletiral se knjige deci za školu. Ali saki tjedan se najde nekaj kaj treba platiti za besplatno školovanje naše dece. Te plati kuhinju, pa osiguranje, pa pretplatu na ovaj časopis, pa pretplata na onaj časopis, pa treba kupiti zadatke ovakve i onakve, pa lističe ove i one. Da ne pozabim treba dati i po 15 kuna za rit papir.

Prošli tjedan je Patricija dobila naočale. Ona ih je dobila, a mi smo ih platili. I baš joj dobro stoje. Mam se je navadila da ih furt nosi. Čak je h nedelju došla glet kaj žena dela na kompjuteru i mam se vrnula po očale jer ih nije imela na nosu.

Zadnjih dva tjedna niti sam čital novine, niti gledim televiziju. I se vam nemrem reči kak mi je dobro kaj nič neznam kaj se događa. Novine ne čitam jer nemam kaj pročitati. One dvije tri vijesti vidim i na internetu. A tek na televiziji nemaš kaj za videti. Osim onoga kaj si več odavno videl. Filmovi su sako ljeto jedno te isti, samo kaj ga jedno ljeto daju h proljeće, a drugo na jesen. I tak u krug. Jedino sam uspel h jednom dnevniku videti kak je gospođa premijer prepeljala cug i male potrubila. Nisam razmel kakve veze ona ima s cugom koji je Končar napravil za Bosnu. Jasno mi je kaj je Šuker tam delal. On si je sel na stolec i pokazal da je stolec dost čvrst jer če nije pod njim pukel onda bu valjda sakoga zbavil.


Zvir:
http://www.zagorje.com/clanak/6507/dnevnik-tate-bena-na-noge-lagane.aspx

* * * * * * * * * * * * * * * * * * * * * * * * * * * * * *

Zâgorsko-lisnati kolumnist Tomislav Benčić-Ben na tur-for-um-u
(vupisati  Benčić vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Večernji list 12.10.2009.

FAKAT

Predsjednički kandidat i vila od čokolade

Slika
Nadan Vidošević

Hej man, pa nisam ja ni Šuker ni Bajić! I nek državne institucije, kako bi rekao aktualni predsjednik, rade svoj poso!

autor: Zvonimir Milčec


Ako se Arsen i Zagreb vole tajno, onda se Split, tj. fetivi Splićanin Đermano Senjanović i ja volimo javno. Više puta u svojim smo kolumnama jadan drugome izjavili ljubav. Prošli tjedan, kad sam bija baš bidan i usran od straha, jer me jedan zagrebački Dalmoš u svojoj knjizi “Lipi naš Zagreb” prozva ništa manje nego za “tihu kajkavsku kontrarevolucija”, moj splitski kamarad smista je iztrča kroz zatvorenu ponistru pa drito na Rivu, gdje sta vikat “Živija kaj!”

A to se usudio napisati i u svojoj splitskoj kolumni. I još puno tega lipog. Na primjer: “Ma, moj lipi Milčec, pusti čovika nek mašta. A ti i ja se držimo svoga dvora. Čuvajmo zagrebački i splitski, i budimo ponosni na svoj govor. Važno da se razmemo...” E, zato ga volin, jer duhovit je ko sam vrag. A pritom pozitivan. Neću reći da je baš uvik škrt na šporkim ričima.

Tako mene u tom istom, puno lipom i pozitivnom tekstu opalija po gubcu, kao da hoće reći da ča se ja to igram barba Mate Gupca s Gornjeg Bukovca! I da kaj se dam napeljati na politiku, kad nisam za to. I nisam. Priznajem, kume moj. I nek moje čitatelje i tebe naslov ove kolumne ne navede na krivi put. Ne pada mi na pamet da se bavim politikom.

I da se dam upregnuti u predsjedničku kampanju, taman posla. Nego vidim da se predsjednički kandidat Nadan Vidošević po svim medijima s onim svojim zavodničkim smiješkom (zbog toga bi me moje susjede ukantale da išta velim kontra njega!) slavodobitno slika po svojim pustim viletinama i imanjima.

Pa bi me neki šteli navući da ga samo zbog toga malo opaučim. Hej man, pa nisam ja ni Šuker ni Bajić! I nek državne institucije, kako bi rekao aktualni predsjednik, rade svoj poso!

Ja bi samo tija reć da bi mu, pored svega što ima, i nek ima ak je zaslužija, dobro došla i jedna vila, u Vončininoj ulici na Šalati. Tu su zvali “vila od čokolade”. Dal je sebi izgraditi Nadanov prethodnik Deutsch, suvlasnik Uniona, koje bi pravni nasljednik trebal biti Vidoševićev Kraš.

Da si je uspio priskrbiti i tu vilu od čokolade (koja je šesnaest metara visoka, a ima lift!), predsjedniku uprave Kraša smjesta bi ponudil predizborni slogan: “Ako Nadan zavlada, Hrvatska će biti čokolada!” I to bez šoldi bi mu da. Dosta bi mi bila samo ona plehnata kutija “505 sa crtom”. Na tim sam bombonima i odrasal, ovakav naivan i faličan za politiku, kako bi reka moj Splićanin Ćićo.


Zvir :
http://www.vecernji.hr/index.php?cmd=show_kolumna&kolumna_id=32562

* * * * * * * * * * * * * * * * * * * * * * * * * * * * * *

Gospodine Milčec, jeste li vi posljednji Mohikanac kajkavštine u novinarstvu?

- Još se i suzdržavam i kajkavštinu upotrebljavam samo kada treba povezati rečenicu. Da pišem sve na kajkavskom, naježili bi se oni koji misle da bi samim čitanjem postali kajkavci i purgeri.

Zvir:
http://www.jutarnji.hr/clanak/art-2009,5,9,,162543.jl

[Ljudevit Kaj]

Réčki "Nôvi list" / Kolumně, komentâri

06.10.2009.

Ćićo Senjanović
javascript:openWindow('aspx/showimage.aspx?id=446527',158,320,'');

AJME MENI


Koncert za slobodu medija kroz projekt Hrvoja Appelta.
     Vlasnici medija: »Nek si popevaju. Od estrade ne bumo stradali.«


http://novine.novilist.hr/Default.asp?WCI=Rubrike&WCU=285E2863285928582863285A28582858286128632893289328632863285C285D2859285B2860285C28632863286328592863Z

[Ljudevit Kaj]

Varaždinskě vésti, br. 3379, 06.10.2009.

Klopotec

Strogo poverljivo

       Znam da mene ne bi trebalo biti briga kulika je plača direktora Varteksa, koji je lani bil i najbolši menadžer v državi, to more biti briga njegovih radnikov ili sindikata. Ali, naše komunalne firme su prek polovice vu vlasništvu Grada. Znači, ako im zmenkaju penezi, zdigneju cene, a ako imaju gubitek, Gradsko vieče bu našlo nekakšne rezerve vu svojemu budžetu, bar je tak bilo do sad. Zato si mislim da bi bilo v redu da se znaju i plače njihovih direktorov.


Ne znam kaj je došlo ovim našim domačim novinarima da su postali tak znatiželni, pak su z čistog mira šteli znati je li direktori komunalni firmi plačaju “harača”, a da onak usput i napišeju - nek narod zna - kulike su im i plače. Pa ni to samo tak kak si novinari misliju: imam plaču tuliku i tuliku, samo pet ili šest put vekšu od prosečne vu državi, a onda bute vi z tim rašili one kaj delaju za minimalec...

To vam je, dragi novinari, naša mala slatka tajna, jer nemamo mi plače kak vi, mi imamo menadžerske plače, a one su po Zakonu o trgovačkim društvima - poslovna tajna, koju moreju znati samo člani Nadzornoga odbora poduzeča i šef računovodstva. Neje preporučlivo da to znaju i žene naših menadžerov, ali ipak njima treba reči zbogradi mira v hiži.

Neje dosta kaj se celu zimu lepo grijete vi koji imate gradsko centralno il vam plin dohaja do šparheta i kupaone, još bi šteli znati kuliko za to dobi prvi čovek Termoplina. Pijete najzdravešu vodi v državi, i to za par kuna kriglu, a ste čitali kuliko na morju turisti plačaju dva deci čist obične vode - dva put skupleše nego kaj je pri nama piva! Ili, poglečte kak nam je grad čist, kajti Varkom nas rešava i drobnoga i krupnoga otpada pak i vsu zmazanu vodu onak prečiščenu pušča v Dravu, a vi bi odmah šteli znati i kakšnu plaču ima prvi čovek Varkoma...

Evo, prije par dana naš Varaždin je još jemput postal najlepše vređeni grad v kontinentalnom delu Hrvatske, jerbo smo puni cvetja i zelenjave, a čak nam cvetnjaki visiju na vsakomu kandelabru ili lampašu. Valda je za vse to zaslužen i prvi čovek Parkov, pak si je onda i zaslužil plaču kakšnu ima, zapravo koju mu je odobril njegov Nadzorni odbor.

Vište, mene ipak zanima nekaj drugo. Mene, na priliku, zanima kulika je nagrada članov nadzornih odborov gradskih firmi, koji jedini moreju odlučiti da se poslovna tajna o plačama (inače uspešnih) direktorov javno obznani. Drugim rečima, kuliko dobiju oni kaj čuvaju tajnu, makar bi ju, kak veli naš gradonačelnik, glat mogli reči ako hočeju!? Navodno jednu do dve i pol hiljade – mesečno, se razme.

Znam da mene ne bi trebalo biti briga kulika je plača direktora Varteksa, koji je lani bil i najbolši menadžer v državi, to more biti briga njegovih radnikov ili sindikata. Ali, naše komunalne firme su prek polovice vu vlasništvu Grada. Znači, ako im zmenkaju penezi, zdigneju cene, a ako imaju gubitek, Gradsko vieče bu našlo nekakšne rezerve vu svojemu budžetu, bar je tak bilo do sad. Zato si mislim da bi bilo v redu da se znaju i plače njihovih direktorov.   

Moram priznati, da me je rastužil vu članku podatek da direktor Knekoma vu Knegincu ima plaču samo 1.965 kuna. Pak od čega onda dotični direkor, menadžer živi!? Moj prijatel Bartol veli, da je vse to jeden “top sekret”, kaj znači na engleskomu “strogo poverljivo”, tumačim ja njemu. Ali ko se vu ovoj pripovesti, pravzaprav, dela Englezom?!


Zvir :
http://varazdinske-vijesti.hr/3379/klopotec/strogo-poverljivo?opcija=kolumnisti

Prelistajtě nôvi broj "Varaždinca"
(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1

pdf-pismohrana:
Varaždinskě vésti
http://varazdinske-vijesti.hr/pdf-arhiva
Županiske vésti
http://varazdinske-vijesti.hr/arhiva-zupanijske-vijesti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Preštimani gospon KloPOTec - kajkavski call-um-nist z «Varaždinske vésti“ na tur-for-um-u
 (vupisati  Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Kalman-Marica grófnő-Szép város Kolozsvár

Video:
Kalman - GRÄFIN MARICZA - Komm mit nach Varasdin,  04:15
Kalman-Marica grófnő - Szép város Kolozsvár
Szilágyi Olga - Dániel Gábor

Opširnešě:
http://www.forum.gorica.hr/index.php/topic,2278.msg85330.html#msg85330

* * * * * * * * * * * * * * * * * * * * * * * * * * * * * *

Spot  Več tri dana varaždinske grupe Pot*
* Plemenita Občina Turopôlska
www.turopolje.hr
Pot Vec tri dana

[Ljudevit Kaj]

7 Plus – Regionâlni tjědnik Severozâpadně Hrvackě
06.10.2009., br. 281

Kolumna Vrtoglavica

Ni med dijalizom ni pravice i zakaj imam rad TV Novu

Pišě: RADAR


Razmem Jožek da bande ima vu Hacu, Hepu, Podravki i tak dale, ali mi vu glavu nikak nejde da je neko vu našoj državi vu banani več počel sprdačinu delati s jadnimi pacijanti kaj imaju bolesne bubrege pa hodiju na dijalizu, isto nemrem razmeti zakaj su o tome svi, kaj nisu trebali, čkomeli dva i pol meseca. Fakat, još vu leti je inspekcija napisala vu rešenju kakve su sve propuste napravili vu zavodu za dijalizu bolnice Rebro. I tek kad je TV Nova puknula tu informaciju vu javnost, z bolnice je perje počelo leteti vu zrak. Pa je, isti dan šef zavoda digel sidro i dal ostavku, pa je ministar bilder Zdravkec rekel svoje i drugi kaj stim veze imaju i nemaju. A niko ni rekel o no kaj svakoga smrtnika vu Hrvackoj puno zanima : kak su dugo dijalize pacijentima vu toj bolnici delali onak na pol i još nekak, a ne onak kak bi trebalo. I kulko je pacijantov radi toga zdravstvene probleme imalo? Fala Bogu da vu Hrvackoj ima TV Nova kaj otprto o svemu veli kaj kome ide. Ak budu puce i dečki z Nove TV i dalje tak dobro vu informativnemu programu delali, Hateve budu gledali jedino oni kaj ne znaju kaj bi od dosade.


Zvir:
http://issuu.com/regionalnitjednik/docs/rt_281/52
ili
http://issuu.com/regionalnitjednik/docs/rt_281 , str. 52
http://www.regionalni.com

* * * * * * * * * * * * * * * * * * * * * * * * * *

Pregled RADARSKE člankov «Vrtoglavica» na POTgoričkomu forumu:
(vupisati  RADAR vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * *

Vrtoglavica - V(e)rtig(lavic)a – Vertigo
Vertigo (1958) Trailer - Alfred Hitchcock, (kajler), 02:24 
Vertigo (1958) Trailer - Alfred Hitchcock

[Ljudevit Kaj]

Međimurske novine, 06.10.2009., br. 735.

Premišlavanje Jožeka radnika

Štrajka smo rešili, a smetje nam je ostalo...

To je vse lejpo i dobro kaj vsi očejo kaj bodo i naši Romi (gda so več naši) bole i lepše živeli, jedino oni se vkrej od toga vlečejo, jerbo jim je ovak nejlepše. Nedelski opčinari se nikak nebrejo dospomenuti z Romskaj mesnaj odboraj kajbi i oni morali plačati ako očejo gda jim bodo komunalci vozili smetje. Najme kaj, Romi očejo kajbi se jim smetje vozilo zabadav, a to pak nedelski opčinari nebrejo i nečejo, jerbo ak so vsi vu opčini jednaki unda i vsi morajo plačati.


Kak smo več zadjipot rekli precednica Vlade, gospa Jadranka, je on minuli tjeden bila vu opčini Nedelišče i to vu jenomo tamnešemo naseljo, vu Trnovco, očem reči, vu zaselkima Parag 1 i Parag 2. Vsi znamo gda tam živijo Romi za štere se vsi borijo, kak ovi vu Evropi, tak i naša Vlada kaj jim se popravi standard živleja.
Tak je gospa Jadranka dojšla pustiti vu uporabo novo napravleno komunalno infrastrukturo. To je vse lejpo i dobro kaj vsi očejo kaj bodo i naši Romi (gda so več naši) bole i lepše živeli, jedino oni se vkrej od toga vlečejo, jerbo jim je ovak nejlepše. Nedelski opčinari se nikak nebrejo dospomenuti z Romskaj mesnaj odboraj kajbi i oni morali plačati ako očejo gda jim bodo komunalci vozili smetje. Najme kaj, Romi očejo kajbi se jim smetje vozilo zabadav, a to pak nedelski opčinari nebrejo i nečejo, jerbo ak so vsi vu opčini jednaki unda i vsi morajo plačati. Tega problema je niti gospa Jadranka nej mogla rešiti. Pak je nej ona dojšla kaj bi se bavila z smetjom, i to bode dale ostalo na, kak se to veli, lokalnoj samoupravi. A breg od smetja pomalem dale raste i vsaki den je vse vekši i vekši. Mortik ga nešči vužge, pak bode se unda tej problem prejdi rešiv!

Kak zgledi još jedna naša fabrika, po šteroj je Međimorje naše malo na leta bilo poznato kak vu Lepoj našoj, tak i vu Evropi i sveto, broji zadje dneve. Kak bi naši vinogradari rekli, na najgi je. Verjem gda ste pogodili gda vam očem nekaj reči o našemo eMTČejo. Nejsam ruom siguren gda bode štrajk nekaj dobroga donesev, nej bar težakaj. Isto tak ne vidim gda bi težaki mogli nekaj dobiti i od stečaja. No, čistam razmem težake gda nej muoči hodati na posel, a za to nej dobavlati niti plačo, niti cipelarino, a još si tre i južino z doma donesti. Morem vam reči gda je nej tak zdavnja bilo gda so hodale žene z eMTČejove fabrike z posla to je zgledalo kak gda mravle ido vum z mravijaka. I to mi je navek bilo lejpo gledati, brzčas zato kaj ga tu bilo na jednomo kupo hajdig ženi . I to lepih. Pak so vse žene lepe.  A denes dok prejdem polek eMTČejove fabrike mam mi počnejo suze iti na oči. Neje trelo čuda let kaj se je vse ono vništilo kaj so naši japice i mamice, naši jape i mame duže od sedemdeset let stvarjali. Kuliko vidimo te mlajše generacije so navek sposobneše od stareših.

Kaj bode z našim Čateksom; spituvali so gospodarstveniki, novinari i političari našo precednico, gospu Jadranko, ali se nikaj nej moglo zazvediti. Jadranka je dojšla zbogradi problemov vu Parago, a mi smo šteli mam vse zazvediti. Šteli smo rešiti eMTČeja, šteli smo kajbi država dala posla Čatekso i još smo joj, onak usput, zbajali za GeKa. Nejsam ruom siguren, ali nešči joj je nekaj bajav i za brodogradilišta, ali onak stiha kak mi Međimorci to znamo, kajbi rekev sebi vu brado i z figom vu žepo.Jadranka je odišla, a vsi problemi so nam ostali. Tak je to navek bilo: pomori si sam, pak ti bode i Vlada pomogla, jerbo smo mi nej Dalmatinci. Što pak nam je kriv kaj se nejpredi primemo posla, pak unda pitamo, a Dalmatinci nejpredi šest-sedem pot pitajo, a posel čaka i čaka i čaka..., dok penezi od nekod ne dojdejo, a unda i tak posla nešči drugi napravi.

Vu krčmaj bode se znova pušilo, tak gda se krčmari več nebodo mogli žaliti gda so popušili brez dima i pepela. Kak je lejpo vu Lepoj našoj gde vsako čudo (čitaj: novi zakon) tri dni traje. Cigaretlini so pak dojšli na svetlo dneva, a i Šukerova kasa bode mam puneša.

Čim je jesen dojšla, zna se, gda je i zima vsaki den vse bliže i bliže. Mi, Međimorci, se još dendenes zmislimo kak je vu minulo zimo bilo dok so nam Rusi nej šteli dati plina. I zato se najte nikaj čuditi kaj vsaki den zidete jeno par traktori šteri vozijo pune prikolice drvi. Kaj je sigurno je sigurno, tre se osigurati i unda bo muoči zimo mirno čakati. A vi znate nas Međimorce, mi smo kak hrčki, navlečemo cele kupe drv i grejemo se na gašpare i vsejedno nam je jeli bodo Rusi dali plina ili pak nej. Kuliko vidimo, ipak, so nas te krize nekaj navčile.

Nikak ne razmem te naše političare. Stopram smo otprli to naše Veleučilište, a nešterni bi ga več zapirali. Pak smo se lejpo dospomenuli gda očemo spametno i školano deco, jerbo so nam sam spametna nej dostik. Nekaj si gruntam kaj nebi pak odišli po riti k meši i kaj nebode naše Veleučilište postalo podružnica Varaždinskoga?


Zvir:
Međimurske novine, br. 735, 06.10.2009., str. 69
http://www.mnovine.net/index.php?option=com_content&task=view&id=11754&Itemid=138

Međimurske novine, 06.10.2009., br. 735.
pregled pdf:
http://issuu.com/mnovine/docs/mnovine735i?mode=embed&documentId=080529141635-9953d9ac231e42788d00d2305b793e02&layout=grey
download pdf:
http://www.mnovine.hr/pdf/735/mnovine735i.pdf

* * * * * * * * * * * * * * * * * * * * * * * * * * *

Međimursko-novinski premišlant JOŽEK RÂDNIK na tur-for-um-u
(vupisati  Premišlavanje vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * *

Žiga i Bandisti - Međimurje, kak si lepo zeleno, 03:55
Žiga i Bandisti - Međimurje, kak si lepo zeleno

[Ljudevit Kaj]

Podravski list, 21. rujna 2009. / podravina i prigorje


IVAN FUČEK IZ ĐURĐEVCA:

Oslobodi nas Bože goričke coprije

Gospon urednik! Kam to vodi i kaj bo s toga? Ne zna se točno što se je napil mutne vodurine i bez ikakvoga dokaza zružil da se na Bartolovo diže klopotec. Zna se samo da nišće neje ispravil krivi navod i klopotec je uz mužiko i prasetino dignjen nad gorice. _ne bi to bilo ni spomenka vredno da to neje snimila televizija i resejala širom i sakod, baš kak veter ambrozijo. I gle čuda velikoga. Dok so se negde ljudi klanjali zlatnomu teletu, denes hodočaste v gorice, slave i klanjaju se običnom klopocu koj ftiće rasterava. i to ne samo sitni gorički puk nego i lokalna vlast, pak turistički vrhovniki, sedma sila i bormeš cele udruge goričeve. Kaj bi den Svetoga Bartola obilježila, jedna naša gorička udruga pribavila je dve "jekše" odojka i gle čuda - oba su pala. Palo je tu još tri vedra vina i što zna kaj još, ali cilj je ostvaren i klopotec se je digel nad gorice i tak omogučil lokalnom čelniku i drugim vrhovnicima da mu se poklone, da ga počaste hvalospjevima i pokojom coprijom. Skoro so si ovorniki klopocu zaželjeli, ne ono skromno "malo vitra", već puno, jako puno vetra, naj se okreće i naj restera se leteće. A takva coprija bi za gorice mogla kobna biti, jer z vetrom dojdo hudi oblaki, dojde gadna burija, pak trda kiša i nedaj Bože kakav "el ninjo".

A Sveti Bartol se čudom čudi i nemre si mesta najti kaj so ga goričari tak degraderali da je na kraju konca postel zaštitnik klopoca i klopocara.

Prešlo je jedva nekaj prek sto let kak so gospoda pudari baš njega, Svetoga Bartola za svojega zaštitnika zebrali. Na njegov den, 24. kolovoza, so pudari svojo pudersko službu počeli obnešati i po dolasku v gorice Bartola (strašilo), a ne klopoca, nad trsje digeti. Uostalom, goricam z ravne gore i neki drugi tvrde da klopoca treba već za Rokovo postaviti jer ftići ne čekajo Bartola.

I kak da si  bogec Bartol sad  pomogne kad tam gde televizija svoje prste ftekne tu se i najstareši običaji menjajo. A on, Sveti Bartol najrejši bi goričare prisetil da su i na Vincekovo skup z televizijom coprali. Skoro so si od reda po trsju kobasice vešali, mračne sile prizivali i coprali: "Naj bi grozdi bili kakve so i kobasice.". Coprija je jako dobro uspela pak sad goričari imajo v trsju puno suvoga, smeđega i smežuranoga grozdja. Baš takvoga kakve so i kobasice. Oslobodi nas Bože gorički coprij!


Bartol z Belevin

[Ljudevit Kaj]

Zagorski list br. 313 / 16.10.2009. (ili br. 314 / 23.10.2009.)

ZA DUŠU, ZA SPOMENEK

Drvena kopanja za stvarnost

Stara poveda je o jedne familjije tera je imiela muža i babu, dejčeka, dedeka i babicu. Dedek i babica išlji su se stariejši i slabe su več moglji hlavljati posle. Več su se oko poslji motalji nek su bilji od koristi. Senek, kak su od vajkada bilji nafčeni delati rade su se o poslje briguvalji. Te je mladem išlje na žifce, a največ snehe. Furt je mužu prigovarala da jih malje hkroti. Znal je sin tuj i tam reči matere i ocu da naj same budu fiže i pri miru i da več dielaju štete nek koristi, alji te baš nie pune značilje.

Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Kak sem h zadnje kolumne pisala o tomu kak se deca gda porasteju preobrneju h nekakva čudna stvorenja tere ne prepoznaju ni sami starci, dužna sem još povedati jednu staru priču. Več sem ju jemput napisala, alji hnogi ju neznaju. Kak su baš cajti takvi kakvi jesu dobre se znovič na tu staru povedu zmisljiti. Priča je te po onem kaj se velji da se kad tad dojde na naplatu. Radi te plača trieba se na vrieme malje štikavati i dobre gruntati.

Stara poveda je o jedne familjije tera je imiela muža i babu, dejčeka, dedeka i babicu. Dedek i babica išlji su se stariejši i slabe su več moglji hlavljati posle. Več su se oko poslji motalji nek su bilji od koristi. Senek, kak su od vajkada bilji nafčeni delati rade su se o poslje briguvalji. Te je mladem išlje na žifce, a največ snehe. Furt je mužu prigovarala da jih malje hkroti. Znal je sin tuj i tam reči matere i ocu da naj same budu fiže i pri miru i da več dielaju štete nek koristi, alji te baš nie pune značilje.

Pri stolu su takaj starci navieke nekaj šlabekuvalji pri jelu, a unda njim je znalje i zubie opasti. Sneha je te hude lukala, starce špotala, a muž je same skimaval. Malji dejček nie baš pune razmel kaj te njegve strce srdi. Rad se igral z babicu i dedekem. Hu te igre znalji su po hiže i naštrajiti, a unda je sneha frcala kaj zmaj. Ruke starce postajale u se več drhteče i gda su jelji fejst njim je išlje mime. Znalji su kre svojuga teniera imeti malje poljejane i nadrobljene. Gda te sneha več nie mogla podnašati rekla je mužu da mora napraviti male drvene zdeljice i klupicu teru buju delji dalje od stola. Starci buju sedelji na klupice i jelji z drvene zdeličički kaj neju štrajilji pri stolu, prehitavalji i trlji teniere. Sinu baš nie bilje po volje, alji popustil je pred naklapanjem babe poklje kaj je ocu opal tenier z stola i potrl se. Kak se bokček starec zahljiknul, počel je jahke kašljati, lamatariti z rukami i tak je zadel tenier teri je opal na pod i ves se razbil. Unda več nie bilje popuščanja. Starci su završilji na klupice kre peči, a h ruke su imelji drvene zdeljičičke h tere njim je sneha taljala jelje. Grde je tiskalje i peklje starce pri srcu gda su sedelji pri peči i jelji, a sin i sneha za stoljem teruga su oni priskrbelji.

Negda je znala babice kapnuti suza teru je fljetne obrisala z fertunem kaj nej gdoj videl. I dedek je znal šmrcnuti i gladiti brk kaj se nej videlje kak tanca od tuge. Malji dejček je znal skakati od oca i matere do babice i dedeka. Gda je znal pitati za kaj oni jieju po strani, a ne pri stolu, nišče mu nič nie štel reči. On je bil pre malji da razme kaj se te pri njihove hiže događa. Znal se prišmaljhati kre dedeka i prisesti babice h krilje, reči njim da idu za stol sesti, alji se je ostalje po istem. Gda je prešla zima i gda su počelji toplji dani starci su hodilji po posle, a dejček je z babicu i dedekem nekaj štuljil po dvorišču.

Jemput, gda su se vrnulji z dela, baba i muž vidlji su kak njihof dejček nekaj meštrulji. Imel je h ruka deščice i slagal jih, rezuckal i bil je ves h poslu. Tak su ga našlji h poslu drugi i trejti dan, pak se otec tomu začudil. Poklje gda je pospravil blage h štalu išel je gled kaj te njegef dejček diela. Čepil je kre njega i popital ga kaj diela. Dejček se veselje nasmejal ocu, priel ga za vrati i rekel. „Tata, ja tebe i mame dielam malu klupičičku kaj si bute sedelji na nje gda budete stari. Imam i dreveka kaj bum vam napravil kopanjice z tere bute jelji gda budete stari.“
Muž je prebljiedel, zel dejčeku drievce, halat z ruke i rekel: „Sinek, nebu ti trieba delati tak nekaj“.

Čudilji su se dedek i babica gda su za večeru bilji nazaj za stoljem. Sneha i sin same su se mudrilji, a dejček je sel kre dedeka i babice i žmahne ž njimi jel pri stolu.


Zvir:
http://www.zagorje.com/clanak/6580/za-dusu-za-spomenek-drvena-kopanja-za-stvarnost.aspx

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Zagorski list br. 313 / 16.10.2009.

IZ BAKINE PUČKE BILJEŽNICE

Kakva Uršula, takva bu i ciela zima

Slika:
http://www.zagorje.com/thumb.ashx?path=/ckfinder/userfiles/images/komentatori/baka.jpg&width=430&height=250

Piše: Zoran Gregurek


Nagla promjena vremena u listopadu, kakva nas je zadesila ovaj tjedan, nikad nije previše čudila našu hraščinsku baku Ivku, pučku prognozerku. Ona bi se samo žalila na kostobolju koju donosi iznenadna studen.

- Je, vu desetomu mesecu je negda znal zapasti snieg do riti. Tak veliki da nej ni vu škulu te dan išli. Same je onda i kraj rujna bil ladneši, ali nek kaka ve gda z kratki rukavi muoraš skočiti vu zimski kaput i škornje - govorila bi baka privijajući se uz peć. Baka je govorila da jedna „baba“, odlučuje kakvo će biti vrijeme zimi.

- Kakve vrijieme Uršula (18. listopada) donese, takve ostane cijielu zimu. Naravne da je bolje da te dan bude mrzel i suh jer bu onda takve vrijeme se do kraja travnja. Jaosiga nam ake bu curele na Uršulu jer bu me onda i na Vuzem išli k meše po blatu, a more biti i po snijiegu - mudrozborila je baka. Kako se oblačiti, što jesti i kakvim se aktivnostima baviti kad dobrano zahladi, zanimalo nas je.

- Ja sam furt oblečena na 4 ili 5 felje: Imam potkošulju, kratku majicu, rubaču, tienki sviter ili lajbek i zgora debeli sviter. Onda se slečem kak mi paše. Tak savetujem i drugijiem, ali se nikak nije treba goliti mam če ti je na moment topleše. Vu ladneši dani treba jesti masnešu hranu, ali ne preterivati, jer nas neke treba greti. A delati? Se kaj treba i niš se ne treba šparati jer čovek nije drve da se bu ftrgel na velike zime. Vu nikakvomu poslu nije treba preterivati, ali se delati muora. Jer ake bume same jeli i sedeli krej peči, do proleča se bume zasalili kak stari mački i neme niš mogli delati vu gorica ni na polju - smijala bi se baka.   


Zvir :
http://www.zagorje.com/clanak/6562/iz-bakine-pucke-biljeznice-kakva-ursula-takva-bu-i-ciela-zima.aspx

* * * * * * * * * * * * * * * * * * * * * * * * * * * * * *

Pregled člankov „IZ BAKINE PUČKE BILJEŽNICE“ gospona Zorana Gregurka na POTgoričkomu forumu:
(vupisati  Gregurek vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Zagorski list br. 313 / 16.10.2009.

Dnevnik tate Bena

Bliski susret
 
I veli meni Sandra da je njima učiteljica rekla da se stari papir več ne skuplja. I čemu mi onda vučime decu ekologiji kad se nešči zmisli i veli da toga več nema? Če nekome treba starog papira naj se hjavi imam ga h garaži oko 200 - 300 kil. I ljepo je zapakiran.

Piše: Tomislav Benčić-Ben
 
Slika:
http://www.zagorje.com/thumb.ashx?path=/ckfinder/userfiles/images/komentatori/bencic.jpg&width=430&height=250


Kak Gracia več ne samo da puzi po sobi i da se zdiže na noge, nego več i hodi uz držanje za fotelju, garnituru i ostali namještaj normalno je da more i skoro sikam dojti. Osim nas pet z nami živi i Flippy. Ja ga inače zovem Gremlin. Jer me je podsječal na Gremlina iz onog filma Gremlini kad ga je žena donesla. To je inače ženin pes. Nije pravi pes, nego nekakef mješanac pekinezera i još nečega. Kak je i on mali tak i on ima svoje igračke. Isto ko i deca. A poznato je da su pekinezeri fest ljubomorni pesi. Tak on svoje igračke nikome neda, a Graciji bi štel hkrasti njezine. Baš si ovih dana merka jednog gumenog rozog medeka. Tu i tam se s pesom treba i igrati. Ima jednu tenisku lopticu koju mu mi hičemo, a on ju donese natrag. Če mu se da. I ja pazim na Graciu jen dan dok se ona igrala na podu donesel mi je Gremlin lopticu da mu ju hičem. I par put sam mu ju hitil i onda se njemu več nije dalo skakati i počel ju je gristi. Tak grize i se druge igračke, pa mu ja daj igračke. Ali se ta loptica izgleda i Gracii dopala. Pa je krenula prema njoj. Gremlin je prvo zahrčal kad je videl kam je Gracia krenula, a kad je došla bliže je i zalajal. Onda sam ga prijel i zašpotal i mam je pod stol pobegel. Znal je da je napravil nekaj kaj nesme. I več ga nisi mogel dobiti da se hmekne ispod stola. Od onda je mir. Ali si i dalje merka rozog gumenog medeka.

A Gracia je skužila da po hiži imame pune kablova raznih. Koji se njoj fest dopadaju, jer je to za nju nekaj novog. Pa dopuzi do stola s kompjuterom gde kablova ima u izobilju. Kak se počela loviti za njih onda smo joj dali starog miša (ne životinju neg onog od kompjutera) da se igra. Samo kaj kad to ima h rukama moraš fest dobro na nju paziti. Dobila je i tastaturu jednu staru kaj več ne dela. Tak fest tuče po njoj ko ja kad igram volfenštajna, kvejka ili nid for spid. S tim igricama smo i potrli tu tastaturu.

Do sad sam redovito za Sandrin razred skupljal stari papir. Pa kak je bilo nas roditelja več kaj smo dosta toga znali dopeljati tak su deca dobivala zabadaf izlet nekam. I na prolječe kak je bil kraj škole nisam stigel taj papir otpeljati, nego sam ga samo portpal h koštule i del h podrum. I čez ljeto se pribralo toga dosta i priredim si ja to h garažu da bum otpeljal h školu. I veli meni Sandra da je njima učiteljica rekla da se stari papir več ne skuplja. I čemu mi onda vučime decu ekologiji kad se nešči zmisli i veli da toga več nema? Če nekome treba starog papira naj se hjavi imam ga h garaži oko 200 - 300 kil. I ljepo je zapakiran.


Zvir:
http://www.zagorje.com/clanak/6552/dnevnik-tate-bena-bliski-susret.aspx

* * * * * * * * * * * * * * * * * * * * * * * * * * * * * *

Zâgorsko-lisnati kolumnist Tomislav Benčić-Ben na tur-for-um-u
(vupisati  Benčić vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Večernji list 19.10.2009.

FAKAT

Bošnjački Zagrepčanin slikom i riječju o gradu

Slika:
AGM
http://img2.photographersdirect.com/img/24051/wm/pd2329805.jpg 

Šutljivi Matoš budi ono najljepše u nama. Lijepo je sjesti na klupu pored njega. Čak i drsko ispisani grafit na pročelju iza njegovih leđa dobiva smisao”...

autor: Zvonimir Milčec


Zašto, penjući se uskom i strmom Zakmardijevom ulicom prema Strossmayerovom šetalištu, ostavljajući iza sebe donjogradsku vrevu, odjednom osjetimo laganu plimu spokoja i zapanjujuću bliskost sa svim tim pročeljima, jednostavnim klasičnim i razigranim baroknim, sa stoljetnim platanama prebogatih i gustih krošnji?

Zašto nam je sve to tako drago, kao da je dio našeg dalekog sjećanja... Šutljivi Matoš budi ono najljepše u nama. Lijepo je sjesti na klupu pored njega. Čak i drsko ispisani grafit na pročelju iza njegovih leđa dobiva smisao”...

Može li se, ili smije li se, postaviti pitanje je li pisac ovih toplih riječi o Zagrebu Zagrepčanin? Tako još jemput dolazimo do vječnog pitanja – da tko je ili, kaj, ča i što je Zagrepčanin?

Kak i sam već godinama po novinama i knjigama vrtim to pitanje, nastojeći dati osobno mišljenje i odgovor, preostaje da u ovom slučaju samoga sebe, po tko zna koji put, samo ponovim. Zagrepčanin, po meni, ne može biti stvar geografije.

Nikak nemre biti pitanje tko je gdje rođen. Nego kak je tko od došljaka grad prihvatil i kak se u gradu, koji je sam odabral, osjeća? Biti Zagrepčanin je ipak više i dublje od mjesta rođenja. Jer Zagreb, prosim, ne počinje na Jankomirskom mostu. Zato meni kao rođenom Zagrepčanu nije ni na kraj pameti da i pomislim da sam, samim rođenjem, veći Zagrepčanin od autora, prošli tjedan promovirane, knjige “Zagreb –- literarni i grafički zapisi” (izdavač Sabor bošnjačkih asocijacija Hrvatske) Mesuda Bužimkića.

Ovaj moj sugrađanin, a odsad i stanar moje posebne police s izabranim knjigama o gradu, rođen je u Bosanskom Novom točno prije šezdeset godine, četrdeset godina živi i uživa u svom gradu i u svom arhitektonskom, slikarskom i publicističkom poslu posvećenom gradu. Arhitekturu je diplomirao u klasi jednog od klasika zagrebačke i hrvatske arhitekture Drage Galića, a za studija upija znanja i vještine u majstorskoj radionici drugog zagrebačkog velikana arhitekture i likovnjaštva Vjenceslava Richtera.

Nije ni čudo onda da u ovoj više nego dopadljivoj knjizi u autoru prepoznajemo pravog Zagrepčanina i iskusnog i darovitog arhitekta, i to podjednako u opisima i u crtežima Gornjeg grada, Kaptola i Zrinjevca. I u jednom i drugom dijelu podjednaka sigurnost i čvrstina poteza. I, naravno, toplina doživljaja.


Zvir :
http://www.vecernji.hr/kolumne/bosnjacki-zagrepcanin-slikom-rijecju-gradu-kolumna-36338

* * * * * * * * * * * * * * * * * * * * * * * * * * * * * *

Gospodine Milčec, jeste li vi posljednji Mohikanac kajkavštine u novinarstvu?

- Još se i suzdržavam i kajkavštinu upotrebljavam samo kada treba povezati rečenicu. Da pišem sve na kajkavskom, naježili bi se oni koji misle da bi samim čitanjem postali kajkavci i purgeri.

Zvir:
http://www.jutarnji.hr/clanak/art-2009,5,9,,162543.jl

[Ljudevit Kaj]

Varaždinskě vésti, br. 3380, 13.10.2009.

Klopotec

Kam buseki voziju?

       Je li tak teško odštampati malu knižicu z voznim redom vsih busekov, koja bi se mogla dobiti ili kupiti na kioskima za novine? Ili, kakti prilog štampati vu Varaždinskim vestima, ili v onoj mesečnoj gradskoj knižici z programima kulturnih i športskih priredbi... A na koncu konca, kaj ne bi i gradska internetska stranica (na kojoj ima koječega!) mogla dobro poslužiti za vozni red busekov? Posebno zbogradi nas stareših pešakov, ili bolesnikov koji dojdeju z vlakom i od Kolodvora moraju pešice do bolnice...


Prošloga je tjedna po svim novinama pak i na državnoj televiziji kakti posebna viest z Varaždina bila ona kak je netko po noči odšrajfal, fkral i odnesel cielu nadstrešnicu pod kojom putniki z Harambašičeve vulice čakaju gradskoga buseka. Netko od stanara gda se je v jutro zbudil, onak još napol krmežlivi, videl je da nadstrešnice nema i zdigel je celu uzbunu, pak su novinari i z Gradske večnice dobili pismenu poruku o tomu važnom događaju. Na sreču, na skoro se zeznalo da je vse v redu i da je nadstrešnicu zaprav otpelal njen gazda da bi sprobal kak bu zgledlo novo svetlo na njoj - i ciela je pripovest bila za pozabiti...   

Daklem, još jemput pišem o našim varaždinskim busekima ili kak to zovemo – gradskomu javnom prevozu. Velim, još jemput, jerbo sam več pisal o njima, ali se baš ništ neje spremenilo. Najme, još navek se ne zna točno kam koji busek vozi, kroz koje vulice se pela i gda kam dojde. Ljudi koji ih svaki dan trebaju, jer ideju z njima na posel, več su se nafčili gda i gdi moraju čakati. Ali, ipak pitam a kaj je z nama koji te buseke trebamo tu i tam, gda hočemo ili moramo oditi z jednoga kraja grada na drugi?

Pripoveda mi tak prijatel Bartol kak spada v ambulantu na jednomu kraju grada, a laboratorijum vu kojemu se krv pregledava čist je na drugomu, tam pri Svetomu Roku, pak je moral prejti poprečki skoro celi grad i busek bi mu sikak dobro došel. Ali gdi da sazna za vozni red i za busekove štacije, ako se ne računa ona glavna pri Kolodvoru ili ona pri farnoj cirkvi na Trgu slobode?

A ja sam si, na priliku, ovih dana poželel oditi na Sejem lova i ribolova, ali auta nemam, biciklina ne smem voziti a do Nove športske dvorane pešice je od Trakoščanske vulice ipak malo predalko. Nikak mi ni uspelo doznati koji busek vozi nekam gdi bi bilo najbližeše do dvorane - i tak sam mogel samo poslušati od prijatelov lovcov kak je bilo liepo i veselo. Na večer je tam bil i Oktoberfest, ali je vu to doba vozil samo posebni Pan bus, čija tabla još stoji na Trgu slobode. (A zakaj su organizatori Športsku dvoranu Varaždin na plakatima prekrstili vu “Arena Varaždin”, bez ičije dozvole, drugo je pitanje i nema veze z busekima...)

Ali zato ima veze z busekima to da je stvarno skrajnje vrieme da se javno objavi vozni red za gradske buseke, i da se zna koji busek kam i kroz koje vulice vozi, da se znamo znajti. Najme, gda su buseki tek počeli voziti, ja sam štel dojti do one Varteksove trgovine pri fabriki. Pital sam na Trgu slobode šofera je li vozi do Varteksa, a on mi je potvrdil, ali smo se pelali kroz celi grad pa sam tak videl i Banficu i prešli smo polek groblja da bi nakon nekaj više od pol vure ipak stigel do Varteksa...

Zato se pitam: Je li tak teško odštampati malu knižicu z voznim redom vsih busekov, koja bi se mogla dobiti ili kupiti na kioskima za novine? Ili, kakti prilog štampati vu Varaždinskim vestima, ili v onoj mesečnoj gradskoj knižici z programima kulturnih i športskih priredbi... A na koncu konca, kaj ne bi i gradska internetska stranica (na kojoj ima koječega!) mogla dobro poslužiti za vozni red busekov? Posebno zbogradi nas stareših pešakov, ili bolesnikov koji dojdeju z vlakom i od Kolodvora moraju pešice do bolnice...


Zvir :
http://varazdinske-vijesti.hr/3380/klopotec/kam-buseki-voziju?opcija=kolumnisti

Prelistajtě nôvi broj "Varaždinca"
(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1

pdf-pismohrana:
Varaždinskě vésti
http://varazdinske-vijesti.hr/pdf-arhiva
Županiske vésti
http://varazdinske-vijesti.hr/arhiva-zupanijske-vijesti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Preštimani gospon KloPOTec - kajkavski call-um-nist z «Varaždinske vésti“ na tur-for-um-u
 (vupisati  Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Kalman-Marica grófnő-Szép város Kolozsvár

Video:
Kalman - GRÄFIN MARICZA - Komm mit nach Varasdin,  04:15
Kalman-Marica grófnő - Szép város Kolozsvár
Szilágyi Olga - Dániel Gábor

Opširnešě:
http://www.forum.gorica.hr/index.php/topic,2278.msg85330.html#msg85330

* * * * * * * * * * * * * * * * * * * * * * * * * * * * * *

Spot  Več tri dana varaždinske grupe Pot*
* Plemenita Občina Turopôlska
www.turopolje.hr
Pot Vec tri dana

[Ljudevit Kaj]

7 Plus – Regionâlni tjědnik Severozâpadně Hrvackě
13.10.2009., br. 282

Kolumna (Zločesta) Vrtoglavica

Nogometaši vu recesiji i kauč za zbogom od fabrike

Ak nekoga od nogometašov neju skoro prodali vu inozemstvo ili bogatešimi domaćim klubima, vu blagajni bu velka paučina ostala

Pišě: RADAR


Vu NK Varteks više ne cvetaju ruže. Nekak su svi kak pofureni. Kaj prav zaprav i ni čudo jer je Zlatek Horvatov precednik kluba lepo svima povedal da bu velka umetnost osigurati peneze za još dve plače do kraja leta. A plače nogometašima i drugima kaj se motaju oko kluba tak i onak kasniju mesec, dva, tri, kulko? Recesija je došla i vu klub. Hudo je to. Ak nekoga od nogometašov neju skoro prodali vu inozemstvo ili bogatešimi domaćim klubima, vu blagajni bu velka paučina ostala. Pa bu pak grad moral peneze za financijsku reanimaciju kluba posuditi. Kajti sponzori daju se manje, a i njih je se manje. I publike na stadionu je se manje. I honorarni glasnogovornik kluba je otišel za direktora radija kojemu isto ne cvetaju ruže. Botanika vu poslovanju firmi kak mi se vidi ove je lete fest siromašna. Pa ve više ni radnikima kaj su tehnološki višak za oproštaj ni ruže ne daju. Veli mi Milica da je njezina pajdašica kaj je više od trideset let vu fabriki delala za otpreminu kauč dobila. Tak bu ve mogla doma kak nezaposlena ležečki mediterati o temu kak je najlepše godine života dala za nekaj kaj je na kraju otišlo v rit...


Zvir:
http://issuu.com/regionalnitjednik/docs/rt_282/52

ili
http://issuu.com/regionalnitjednik/docs/rt_282   , str. 52
http://www.regionalni.com

* * * * * * * * * * * * * * * * * * * * * * * * * *

Pregled RADARSKE člankov «Vrtoglavica» na POTgoričkomu forumu:
(vupisati  RADAR vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * *

Vrtoglavica - V(e)rtig(lavic)a – Vertigo
Vertigo (1958) Trailer - Alfred Hitchcock, (kajler), 02:24 
Vertigo (1958) Trailer - Alfred Hitchcock