Svakidašnje teme > Sport
15. MALONOGOMETNA LIGA VUKOMERIČKE GORIC 2018. – MNLVG 15.
kuntakinte:
Gole babe na duplerice Starta
Dosta ovak interesantna situvacija da prije utakmice zezvedeš da je utakmica odgođena. Tak vele da je bunsko-opatijska utakmica prolongerana za nekakva bolša vremena, tam negda da se bu igralo pri Mamiču. Negov je termin i ovak sprestrelan kak plodni dani posle hormonalne terapije pak bi ga ovak šteli malo nafutrati. A, ludi moji, kaj da se poveda... Brajko z roglami napadal vodu na igrališču, Mamič da je videl da mu se vrnula frizerka z Nemačke mam dobil volu da mu prištuca one dve glake kaj mu z gleve štrče. Došli su NeJadranko i Jadranko z Brikijem i vele da je vinček "jogobela". Reko, muži, z prve ruke sem dobil informaciju, posle mučenja z razbelenemi čavli i španjolskem sandukom, Čakanečko vinogorje, podregija Kojzača, čisti cep, ni špricano. Vele, ruka mu se pozlatila, mešna roba. Če se da bumo, pak, ženili to bumo pili. Nisu dečki mogli dočkati kraja kola jel se baš vu tu dobu telila Brikijeva krava Aurora v tihem gaju pak su morali iti vleč. Čevapi, gurmanske pleskavice, kajmak, narezano, pod 45, nekaj toplo i masno i tak to. Zna se kaj se več dela da se krava teli. I tu i tam nekaj za podlejati, da ne veznulo, tele. Breške zvezde su skoristile oblačen dan da spelaju van svoje nove žene...
Bebe, otkat ne pijeju više, ni mejne, se jem se pošemerilo. Taman da ti igrališče prejde olimpijsku inspekciju i misliš da si na kojnu, zameniju se uloge a svetlo se zgasi. Skupiš igrače, platiš pive, to se popije, propade akcija. Veterinari se nečeju * z meteorologi, ovi pak z agronomi kaj misliju da je poloprivredniki * a se to glede šumari, lugari i lofci. Ilovača ima slične probleme. Nemreš najti qvoruma, nekteri bi dopisno glasanje, ovi otišli Nemačku, ovi nisu došli, ovi nemreju ze šume jel jem se smičeju nutrašnje zimske gume, ovi otišli na Kravrsku i više se ne vračaju, ovi pak na Jarun. Nemreš to poloviti baš da si kak mali pure čuval. Da je ta i takva čudnovata ekipa uspela kulko-tulko nadvladati kamikaza-bebe v brišučem letu posegnuli su za prekjakodobrotemperanemi izmenami. Pustili su da se omrse i Amadini lavi, tigri, pume, leopardi, gepardi i ... lavi, tigri, pume, leopardi i gepardi. Stari Amada bu zutra moral dojti "zdoma" da se taj gol dobro zaleje, ili se delati doma da su mu pak spucali čiri... Ali goli nedu zalejani pak bi mogli posenuti.
Dok je Ilovača 1(e) vruču krvcu lila Ilovača 2(a) je tam negde pri Kravarščice trenerala napad iz pokreta posle forseranja vodene prepreke. Si bumbari v rozo-crveno-naranđasto-nekakvem samo oberštrumfbanfirer Tomica još navek navlači lajnsku plavu sponzorušu, kaj je više nigdo ne nosi. Legija je skoristila sobotu da se prešpancera v punem sastavu, rekel bi Prco, sobota je naš dan. A na druge strane Joža samo kaj ni moral v drugu (smenu, ne ženu), za drugoga Jožu ovi rozo-crveno-naranđasto-nekakvi štrklavci bežiju dve-tri brzine prefletno a trejtoga Jožu manager ni štel pustil z posla niti mu ispričnicu napisati. I kaj češ, kud češ, misli Mamič, da je to judo bilo bi leže, gledi šahovsku ploču, da je šah, išlo bi ovak, ali to je nogomet, krf ti ranjenu, i imam kaj imam a nemam kaj nemam a da imam kaj nemam i nemam kaj imam, bil bi f MP3... A onda si je guknul još jen gemišt i rekel... škoda ovo z vodum potepati.
Ovu bumo preskočili...
Veli mlade nade, navinuti, sneje, simpatizerke, buduče mladenke, žuti mravci, slavekovi kristuši, na osmem nebu posle kantanja susedov, došli. Puni optimizma, sa suncem u očima, bežali su prema golu 120 na sat. A onda jem se trefilo srce na kreču. Leptiri su bili spočetka malo, ne imresionerani, nek više zatečeni, iako ni to ni prava reč tera bi opisavala onu situvaciju da na pol srajna v šekretu f terem se vrata nedaju zaklenuti skužiš da negdo na silu oče zajti nutre. Ali situvacija ni trajala dugo jel je negdo skužil da je zauzeto a i da ima duvu po srajnu. Posle prvoga gola su se Leptiri stabilizerali a Robijaši prespominali i destabilizerali. Nakaj kak lani za Veliku mešu Dubrancu, samo utakmica ni imala tu težinu.
Veli moj Rođeni, neznam kak bumo, ni nas. Ja gledim, limun-plave skoro na hitajne. Pogledam Manekene, prebrojim na prste jene ruke i još imam prstov viška. A, te dragi..! Veliju, na Gorice se igraju nekakve... utakmice. Tri frtal Pefcov ni. Gjalski se podbril ot glave do pete, hital se kak maček po vručem plenatem krovu, roštiljal kak v tihem gaju, napukal se lupte z gola kaj se v životu ni a zakaj..? Za 0-5 BB. Judo-šah-matematika-balet-ritmička gumilastika-karate kid. I v drugem kolu su mi se Jože natukli kak bika v zelju, neznam kam to vodi. Rekel je negdo, poštuj roditelje i starije da dugo živiš i dobro ti bude na Brege. Nadam se da negdo gore to vidi jel... tek je drugo kolo a čovek je več na pol na bolovanju. Ali, puno mejne boli da pobediš nek da zgubiš, onda te boli i telo i duša.
Of Črni il ne viče dost il ga nigdo ne * za suvu slivu, il polaže za trenera reprezentacije. Samo je nega čuti kak da nigdo nima niš osim nega za povedati, ajda. Malo mi je `zostala podrška Obadom na domačem terenu, il nisu mogli dojti do reči od Črnoga. Bile su i navijačice z DR ali ni one nisu pustile nit Ah!. Nekaj ne štima, il sem ja grezel v nekakvem nemem filmu... Il nigdo nemre dojti do reči. Kaj se nogometajna dotikavle, valda se si još zagrijavaju...
Štršani se nikak nisu mogli skubicerati, prva jem je utakmica letos a na golu nit Peka nit Majdanpeka. Nek zlačejne šibic, pak do krajšu... Miši samo rivleju pozitivu, 10 hiž, 15 igračov, pune tri bine navijačov (z Orebiča), i navijačic. Pitajne dana na nijove tri bine; Jel toga ima još za kupiti? (vina). Štršanom bu sigurno bole pošlo da otpreju benzinsku.
Došlo pol Šilakovine gledet kak se letos `Ruševcu budu fauli okretali. 65 selektorov a nigdo neče biti glavni. Otkat se Messi pak preprodal z Ilovače 3 v Ilovaču 1 više ga ni ni videti ni čuti. Valda se razočaral v trgovinu da je videl kakov Joža mercato dela. I kaj je još najbole čudno dok igraju Ilovača 3 i Šilakovina Ilovača 2 navija za Šiku. Vuz takve prijatele...
A Gladovcu Šamac-Sarajevo i Brčko-Banoviči.
Najte kaj zameriti.
kuntakinte:
Gornja Opatija - Cerovski Vrh, MNLVG15., 2018.06.23., Gornji Hruševec
https://rutube.ru/video/712362e39a19ffcf670b16cba2a18232/
Kravarsko - Strezojevo, MNLVG15., 2018.06.23., Gornji Hruševec
https://rutube.ru/video/f25c50e344702eb4f09f779752ce16d8/
Šiljakovina - Vukomerić, MNLVG15., 2018.06.23., Gornji Hruševec
https://rutube.ru/video/238d7927c3e4a5e0cc98ba1f9b2ed272/
kuntakinte:
3. KOLO se igra : Donji Hruševec 24. lipnja 2018. 15:30
Markuševec - Cerovski Vrh 2:2
Hotnja - Kozjača 2:7
Gornji Hruševec - Gornja Opatija 5:2
Pokupsko - Gladovec 1:2
Kravarsko - Dubranec 2:3
Opatija - Donji Hruševec 4:0
Šiljakovina - Velika Buna 1:1
Novo Brdo - Strezojevo 4:0
Vukomerić ---
kuntakinte:
Markuševec - Cerovski Vrh, MNLVG15., 2018.06.24., Donji Hruševec
https://rutube.ru/video/4533ac7ef239db2b3f0723e1d3b3515c/
Gornji Hruševec - Gornja Opatija, MNLVG15., 2018.06.24., Donji Hruševec
https://rutube.ru/video/aaa6aae2d4bb7e041010397a5f3271e0/
Kravarsko - Dubranec, MNLVG15., 2018.06.24., Donji Hruševec
https://rutube.ru/video/a65cd889f524534c6390d2d05d8ff264/
Šiljakovina - Velika Buna, MNLVG15., 2018.06.24., Donji Hruševec
https://rutube.ru/video/ed1d56ad50fb5d87f4546253836b9279/
Novo Brdo - Strezojevo, MNLVG15., 2018.06.24., Donji Hruševec
https://rutube.ru/video/61f2b21710beabe1478e650d0af06ef3/
kuntakinte:
Drugi je raspleče lasi a ja zaplečem z jezikom i nogami
Ni dost kaj dojdemo z dva autobuse na dva kate nek još dojdemo i prije zornice, tak bi se moglo opisati kaj se moglo videti ob pol tre na Ruševcu da su se zjatili limun-plavi na odgođenu utakmicu od dana prije. Tera ni odigrana ni na jenem Ruševcu. I čekaju oni tak čekaju i nikak dočkati. Nismo ni mi mogli dočkati mega Peru kaj se je vuru i pol pret cirkvum taperal i slagal trajnu kak da ide f snoboke a ne na strelanu. Tu je išlo klasično podj* i nadj* da se prekrati vreme, i za* bližnega svega, ili samoga sebe, dok ne počme prvi derbi, teri je samo nastavek lajnskoga derbija na Novem Brdu, zmed Legije i Limunov, kaj je odigran ali ni završen. Došel je, gleč čuda, i Halabuka, kaj su ga, gleč čuda, i jeni i drugi spedalerali, il je on nje, nebi se štel mešati, vu te teške osečaje. Moj se pak Miško teško ranil v bitke kaj je trajala još od jutra tak da je moral odložiti vumorno telo nekam v lad, i tu je zgubil od bora 1:0. Teška utakmica, vele svedoki, kaj je rešena tek v predužetke. Ispalo je da je bor bil za tal sekunde fletneši. Da smo več pri teške osečaje tu se moramo dodeti gorke sudbine dve gemištov, križancov delanca nepoznatoga, nam, porekla i svete kisele vodice, kaj su svoj kratki mrzli život i labuđi pev završili vu temne jenoga ogradnoga elementa da baš ne velim plota. Pripovest ide, da baš ne velim počima, da ja svojem izoštrenem vidom na pristojne daline lovim v fokus NeJadranka, Jadranka i Brikija kaj vu ruka drže prijespomenutu tekučinu vu čaše dalko spod oznake "-MIN-". Da bi je spasil od dehidracije, pučki rečeno; žeje, vu par korakov sem presekel okolo poprek prek brdske veze na, eng. rečeno, wetpoint, de je Krpica su problematiku i krizu znalački prečital z moje oči i v dva korake rešil problem. Dok sem se ja okrenul ove ni. Nit su tam de su prije bili, nit su drugde. Gemišti se grejeju, pive več cvrčiju na žege, ja okolo smulim i dumim a ove ni. Škajnec nezna de su, Tomica nezna, Pavel nezna, nigdo nezna - ni vrak da su se mam po prve utakmice od* domom v pevnicu zbetonerati. Nestali. Niti NeJadranka, niti Jadranka a o Brikiju da ne povedam - kak da su crnu mater zemlu prepali na Čučinem oku. Več sem mislil da bum moral miliciju zvati, ali kaj ak mi Miška nasadiju na dreger!? Ak jem baterije ne zgore onda jem sigurno bu osigurače po*, a i ide žnemi na prespalo v šinteraj. Kaj ču z gemboji!? To nigdo koga poznam ne pije. Veli Škajnec; dej dece... A!? Si točen!? Deca nesmeju piti! Budu jem bubregi pregoreli, do zna kaj je nutre, most ima i alkohola! Kaj očeš da i ja završim v šinteraju, samo v drugem kocu!? I odoše gemboji pot plot... Počela utakmica, eto bande. De ste bili!? Smo išli na dijalizu šumu a šuma v MP. Am niste morali na Pokosko iti, ima šume i bližeše... Veli Briki da je bil pret dva tjedne na rave partyju v Beogradu, v Kuče cveča, pod nazivom "Mali tito, puno sreče". Reko, ja sem tam bil na sprevodu. Veli, nisi, ti si premlad. Kak moreš biti premlad za sprevod? Veli da je bila super muzika. Miks "da IMT 533 de luxe šlajsa komat bukovine vuz brek" z "FAP koči čez zavoj, zletava z ceste, zdronca se prek jarka, vozi čez mladu šumicu pot brek" i "da zesipaš hamper do pol nasipan z špekulami a od pol z napojem za breju prasicu negde v 8. martu z vrha nektere zgrade po štengani dole" a "posle se šume na pol brega strkneju IMT i FAP" ("krvi, ulja i pleha do pol šume") dok na kraju "ober šume noriju droni, helikopeteri i zrakomlati i iščeju žive i mrtve", "naši MIGi 21 vu brišučem letu šišaju mladu rastovinu" vuz "zvuk sirene dežurne patrole kaj na srebrne tace nosi dreger za napuvavanje" i "malo zvečke i činele" "da se jajca neprimetno nišeju na laganem vetru gače lagano napinjuć`"... Super muzika, kak se zval DiĐej? Sava Kovačevič? Pucam si z PAPovke v palec leve noge... Vu to ime. Lagano. Deset put. Odaslavši naknadno celi BK na isto mesto. Gledim prognozu, Mamiču se piše nekakva kiša, prije. Veli da bu napravil nekakvu skalameriju za dehidraciju igrališča, samo mu još fale šlobice, flobice, gefufna, cinculator i još nekakve sitnice pak ak do ima viška nek donera. Dober cinculator ti navek dobro dojde. Lani su ga napadali krti a ak letos nekaj ne skarabuči igrališče bi mogli v stampedu, kak atomski udar, i z leva i z desna, zgaziti vidre, dabri, tuljani, foke, beli kiti samoubojice, krokodili i pingvini. Kaj sem ono štel povedati..? A, da!
Zgleda da su limun-žuti "malo" napredovali od lani, a i Bartola ni bilo, tak da se Legija ni uspela prevleči na vage kak lani. Joža je v prvem talu bole dirigeral svojem Limunom, ak ni ostal bez glasa, il od vike il od zlatnoga nektara z temperaturum pri konzumacije od kvalitetne četiri stupnje v pozitive, dok je Tomica v poluvremenu prišarafil i pošarafil ponos svega sela, iako nigdo ni žnegvoga sela, a utakmica je rešena v nadoknadine nadoknade sudačkine nadoknade, tak da je nerešena. Pero mi se tak hital po pitonu, kak po razbelenem roštilju, tak da mu se razvuzlala pupčana vrpca. Pero, držimo ti fige da buš preživel.
Da se si Pefci, dobro, ne baš si, večina, Pefcov skupi to mora uspeti makar Sava pošla prema Brodu. Si su Manekeni počeli dregati po golu, čak se i Gjalski upisal v listu strelcov; da mu ga Bebe nisu uspele vrči sam si ga je zakrkal, majstorski. A onda si je štel nogu odgristi, jedva su ga razdvojili, od noge, več je do pol došel. Kak bilo da bilo ali su i Bebe upisale svoje prve samostalne pogotke, sat da se raskoraže i da krene lavina negdo bu na*. Se je bole da je v publike gazda Darko. A da smo več pri publike svečenost je uveličala zlatna generacija Badelove Manekenov.., "sa prvim damama". Kak je to romantično.
Pol koraka. Pol koraka saki put Švabe deli il do lopte il do gola il do pobede. Taman da se Joža kultiveral onda su se drugi prespominali, a da Tuta ponori... Onda bu sega. A, Obadi, kaj za sobum šlepaju pol sela, pomalo love zamah. A, of, pak, najmejni Brajkovičev, kak se skriva sunce a ide mesečina se mu bole raste... kuraž. Dooobro ti znaš očem ja povedam. ;)
Štršani su se tak omladili da je ni za poznati. Na golu još navek ni ni Peka ni Majdanpeka nek je stal Dvopek. Z Gruntovca je došla kaznena ekspedicija kaj je hitila sidro pri šanku sigurna vu pobedu svoje pulenov. Rekel bi Dudek, je, to vam je tak. Ak ovo ni prolazna ekipa Štršanov za 2-3 lete bi mnogem moglo biti "maderfakerisanje".
Anđo, na morskome plavom žalu gdje čarlija vjetrić mio, i još nekteri Leptiri na neodgodivemi obavezami pomalo su skrojili of rezultat. Rekel je Draš zamene na 9ke, treba opravdati broj i čast dresa, i, bome, mali ga je mam dregnul kak sušcu mesecu na pijano na zicera. Ilovača je doma parkerala 5f ekipu, kaj se omrsila na Gornem Ruševcu, a dopelala samo profesionalce po ugovoru. Stanoviti Lukavčan je bil tak neurozen kak da bi mu zel mobitel sred poziva, vuz puni signal, v jame, na Novem Brdu. Žac je moral su odgovornost izbornika prijeti na sva nejaka pleča i osloniti se samo na svoju mačo intuiciju, na šesto i sedmo čulo i duha iz boce. Zel je i kristalnu kuglu ali mu se da je otprl vrata skopitala z auta pod breg. Koga ni bežnega se more. I mora. Rekli bi stari Latini dok su jeli bažul i igrali šah.
Izostal je onaj osečaj engleskoga stadijona, ono tulko kulturno a v istu dobu i divle navijanje, ona bliskost navijačov i publike, ovaj, navijačov i igračov, tulko svojstvena Čučinem oku, tulko intimna da na bližnem svem moreš osetiti saki šav na gača, da moreš osetiti jel su tange, tajge, slip, panty, bokserice il pumperice, da igrač pri izvođenju auta oseti dah navijačov na vuvu i vratu dok mu se slina cedi po ramenu a v tenesicu zleva piva. I to si nam zela, prokleta EU. Ali Proščenje je opravdalo svoje postojanje jel se sa sila Ruševlanov, i Ruševlank, zlejala i dokopitala na Čučino oko na utakmicu nogometne kreme sela, osim mega bivšega tasta kaj na beciklinu tira krave na pašu, čak su se i vučitelke spustile z VIP lože med nas plebejce da osetiju kaj je pravi muški zagrljaj i osečaj da ti bik, več debelo bez osečaja, stane na nogu kak na stočnu vagu, da ne govorim o pogotku lopte v glavu teri te rešava očale fletneše nek ikakva terapija il operacija. Ruševec, šmrc, volim te. Tigriči, psihički još na svadbe, uspeli su apsolverati prepreku zvanu Krpičini sinovi. Žacu niti si doktori na Rebru kiruršekem putem nebi uspeli meknuti smej z lica; teru got sliku pogledam Žac se smeje od vuva do vuva. Il je svadba, il letos ni sejal kuruzu nek nekaj drugo. Najvekša zvezda v selu si je našla novoga kompanjona v napadu Opatije; kak sinajski blizanci, kak Bonny i Clyde, kak Bud Spencer i Terence Hill, kak Butch Cassidi i Sandance Kid, kak Mujo i Haso. To ni telepatija, to je više od toga. Dve telepatije. Psssst... Došel je i Manager. Nikomu niti reči, nek bu to naša mala tajna...
Šika-boom z svojemi, več sad, sredovečnemi igrači i staremi izborniki ni uspela stati na rep renoveranem Glumcom z klizečemi izborniki i novem vd golmanom. Kak se to veli v Slavonije, kaj got ti Šilakovec na šanku obeča na terenu on se ničega ne seča...
Pol Mišef su postali internacionalci, došel je i Rodonačelnik klase. Veliju Robijaši, to nas ne * ni kulko je dug novet na *, mi smo tu na domačem terenu, pol publike je naše. A, onda je počelo. Muža je vodil takve rovovske bitke da se zakopal do pasa f piton Čučinoga oka. Onda je je napala neuroza i tu se sistem dekapiteral.
Zameriti najte kaj.
Navigacija
[0] Lista Poruka
Idi na punu verziju