Novi Postovi

 Str: [1] 2 3 ... 10
1
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Svibanj 15, 2022, 03:41:52 poslijepodne »
Banana zic i čoper volan
 Veli, de bi mogli letos organizerati Plenum Lige? Očemo v Klovičeve dvore? Jeli bi v Kulmerove dvore? A f Mimare!? Da bi v Banske dvore, tam poznam čoveka... V Muzeju suvremene umetnosti bi bilo lepo... Pri Kamenite vrate? Na Kule Lotrščak? Na Vuspinače,.. bi se navek zajno vozili gore-dole, sim-tam, ulas-izlas... F Palmotičeve? F Ilice? A-a, veli, znam čoveka na Šilakovine... De ima kaj takovo na Šilakovine!? Pri kem!? Pri Jure. Pri Jure!? Onomu Jure!? Lakomomu Jure!? Si se ti na friško z Amsterdama vrnul!? Veli, i još se sam porinul kak krvavi forbant f kobase. Neznam baš... Kat ti velim! Znam čoveka. Veruj! Se pet! Rekel je da bu nekaj i okrenul!
 Sumlivo kak sumlivo lice... Ajd da i to probamo, još me nigdar na Šilakovine ni bilo,.. osim 868094X. I još da se Jura porinul! To je povesni događaj, kaj ga je treba ovekovečiti, kak je i povesni događaj da je na istu spelanciju pozvan sav diplomacki kor, se kaj diktafon i fotopreparat nosi. Prvi su na mesto zločina došli glumci z Lučelnice, normalno, oni se moraju požuriti jel moraju presedati v Frankfurtu, kak i mi da idemo knem. Taman da sem kvalitetno zatiral svega "rat look" penzionera na parkirališče tu su se odnekut do* i lajnski Prvaki. Mika vozi a Messi, kaj se prerival v prvu ligu, sedi iza kak direktor. Svemira. Mika čita a Messi potpisava. Niti stotinku sekunde prije nje prašinu su uskivitlali Robijaši z Strezujeva. To je ta tajna veza da se navek do* v krivo vreme na krivo mesto, ili pravo vreme na pravo mesto, skupa.
 Dolazi Brajko i mam da je kvalitetno pomahnital z desnum rukum lovi levem krilom desnu šikanu i nestaja v pravcu šekreta. Tam jen ostal vuru časa. Negde je putem, ili pašum, stal pak je nekaj krivo inhaleral na krivu nogu. Negdo mu je del drogu v kokain. Dilomacki kor ga prati v različito vreme ali v istemi stavkami. Ni poznato jel su stali skupa putem i jel su delili istu "kancelariju", ili su se saki skrasili v svoje. Veli Tona, Jura me zval da sem bil `šume za nekakov roštil. Reko, milo, od*, ja sem ti `šume. Vidim da se niš niti kadi niti dimi znači da bi se moglo pušiti. Jedino ak od Grofa... Reko, ak je od Grofa, prinjemu su des bili bečki-riža, humane-nekaj i nekaj-v-lepinje.
 Veli, mali Bunci su odustali on-lajn. Poslali otkaz v grupu. A, dobro, koga ni bežnega se more. Zlajo je bil vidno očaran, da ne velim oduševljen, više odu nek ševljen... Mam je z pevnice donesel kantu za napoj i nutre pohital broje za zvlačenje kak Doris Vrandečič. Ali prije je nazval Juru, da vidi, jel se kaj da videti, jel se nikaj nevidi. Jel se bu dimilo, kadelo ili pušilo. I da ga pita za zdravje, jel žif i tak to... Veli, dolazi za deset minut. Mam je Tona z jezikom iskusnoga degustatora pol vijagre pital; jel rekel "odma" ili je baš rekel "za deset minut"? Jel ak je rekel odma onda je tu za deset minut a ak je rekle za deset minut... On ti z Dubrovnika zna dojti "za deset minut". "Za deset minut". "E, * ga..." Ak se več ni kadelo ni dimilo, ali se pušilo, Josipa ni dala da plane jel tekučine ni falelo. Rekel bi legendarni Miroslav Krmežlin, teklo je u potocima. Ili je Josipa krivo zarazmela kaj je Jura mislil da je rekel. Ili rekel da je mislil...
 Buduči da je Joe Biden pitajna domačinstva rešil na konferencije Veča sigurnosti, jen kamen spoticanja, "kojeg odbaciše neimari posta kamen zaglavni". Buduči da su mali Bunci malo raz* radnu koncepciju pojavil se odnikud Turnir Lige i to je kvalitetno rešeno ko "trganje noge v petercu". Veli, ak nigdo neče... Novo Brdo, vi ste novi, vi morate. Jel očete? Pogledaju se Korda i Damir, ko Lolek i Bolek, ko A je to, ko Tim i Tumb, ko Bobi i Rudi, ko Mirko i Slafko,.. i veliju; A,.. očemo ak moramo.
 I posle dve vure Jura je stvarno došel za deset minut. Veli, de si ti!? Kaj si ludem obečal!? Ja obečal!??? Nikada! Metilko, da več dojdeš z Amsterdama dej ostani malo par dan v turboizolacije ili karantene da ti ti narko-metili otpadneju. Ja obečal!!?? Veli, ti bi trebal zajti f politiku, imaš kapacitet... Kaj met ove amatere!? Nemam ja žifcof...
Onda je Jura počel na dugo i široko lamenterati ono kaj sako leto, da dojde, lamentera na dugo i široko. Prije toga je rekel; mala, dej ludem donesi još jenu, i pobral plesak kak v Lisinskomu. Tu se razvila živa rasprava, kak i saki put da se malo zarunda, o suncobrane i frižidere. O ekskluzive i inkluzive. Čija baba bombu nosi i jesu partizani igrali nogomet. Izvan Beograda, prije 1943. veli, frižideri imaju gornu i dolnu stran, ali nemaju strelicu tera to dokaziva. To bi trebalo biti "selfeksplementari", ili tak nekaj. Frižideru treba jeno 6 vur da skuži na teru je stran okrenut... Onda je pol ludi, druga polovica ni štela priznati, ni posle mučenja z mrzlum pivum, reklo da je imalo problem da su jem se se police složile na dolni kat. Ali nema toga problema kaj ga šaka-dve plehšarafov nebi rešila. I da su jem slova bila kontra okrenuta. Ali se da prečitati ak se nagneš. Suncobrani su dobri za zvezdane opservacije, pogotovo ak je noč i ak je vedro, tak da z toga kuta obavlaju svoju funkciju i više nek dobro. Rekel je Sponzor se sponzorov da nek još dve lete zbaviju i onda sa oprema pe f Muzej a z Muzeja bu, valda, došlo nekaj noveše...
...
Ni `oče bitno, rekel bi Mamič, glavno da bu bilo na Dnevniku.

Najte kaj zameriti. Do se još od istine pomogel?
2
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Svibanj 11, 2022, 12:09:48 prijepodne »
Friško, još se puši... Rekel je Sponzor se sponzorov; * te, se se rešava f prvem kolu. Pokaj opče pemo `Dubranec?

...
Turnir, Novo Brdo, 11,00 sati, 26.06.
...
Kravarsko u Kravaščice, 16.07. SUB
Strezojevo u Strezojevu, 23.07. SUB
...

-

1.kolo, 18.06.2022., Lučelnica, 15,30 sati
Gornja Opatija - Šiljakovina
Strezojevo - Kozjača
Pokupsko - Kravarsko
Markuševec - Opatija
Velika Buna - Gladovec
Donji Hruševec - Dubranec
Lučelnica - Novo Brdo
3
Sport / Odg: 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Svibanj 10, 2022, 11:07:32 poslijepodne »
Specijalna operacija "Noči u polju hmelja", Plan napada

19 MALONOGOMETNA LIGA VUKOMERIČKE GORICE 2022

 RASPORED ODIGRAVANJA UTAKMICA


18.06. LUČELNICA (SUB)
19.06. DONJI HRUŠEVEC
25.06. GORNJA OPATIJA (SUB)
26.06. NOVO BRDO (Turnir 19. MNLVG)
02.07. MARKUŠEVEC (SUB)
03.07. ŠILJAKOVINA
09.07. VELIKA BUNA (SUB)
10.07. GLADOVEC
16.07. KRAVARSKO (SUB)
23.07. STREZOJEVO SUB)
24.07. KOZJAČA
30.07. POKUPSKO (SUB)
06.08. OPATIJA (SUB)
14.08. DUBRANEC (NED)
4
Sport / 19. MALONOGOMETNA LIGA VUKOMERIČKE GORIC 2022. – MNLVG 19.
« Zadnji post kuntakinte Svibanj 10, 2022, 11:06:05 poslijepodne »
 Brižni neguvateli breške nogometne spelancije i rešavateli tekuče pitajn, kakof sem si i sam, i po devetnajsti put, za redom, lopta se bu zakopitala z brega na breg, ali ne na Vrh, z dobrum volum Visokoga organizacijkoga Zbora i prateče svite, z živum želum široke narodne mase, prostoga puka, drobne dece, fletne sneje i nijove kvalitetne materi, pračena z živem interesom se fele kibicov i pritajene managerov, plemenitemi namerami nogoloptačke (vele)majstorov i nijove žen kaj su jem potpisale ausvajs za ove dva mesece Slobodne muške republike i oprostile je ot lanca, na teri su se sami dali svezati, i z trdum volum zacoprane šankimanijakov kaj pokrivaju materijalnu stranu ove Lepe bajke kaj traja i traja. Kaj sem ono štel povedati..? Prije nek kaj sem počel *...
5
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Kolovoz 18, 2021, 06:02:19 prijepodne »
....
 Rekel je Brajko, ti, Vlado,.. ja ne pametim da je v ove osemnajst let ikada ob tri i petnajst na bregu bilo (samo) dvajst ludi. Nigdar! To je ob pol četiri znalo se biti puno. Kaj je ovo, kaj se ovo događa, nek me vrak... če znam. Obadi i Štršani su odigrali jenu revijalnu utakmicu tera je v prvem talu bila, ovak, jako anemična i nedorečena da bi v drugem talu popravili opči dojam. Bruno v drugem talu pali matore, mejna ulje, karike, naleva nitro v rezervar, da se najde, za saki slučaj. A more biti da je i kakov štamplin rakije obišel klupu Štršanov. Posle su seli pod susedne suncobrane na tribine Jug, Turki si je malo i prespal, ili Šele, teški su to napori, i podelili gajbu pive. Ne baš fizički nek više kak rezultat opčeg dojma. Rekel je Žac, kaj pol gajbe? Sakomu? Dejte me najte *, sat bum preslagival pol gajbe v dve gajbe. Zemete celu pak se posle * sami, imam posla, gužva je. Ajmo, pij ili šetaj! 230. Dej 300, vrnem ti 50. Nemam. Na 20. Fala, dojdete nam opet.
 Sumnjivo, kak gulaš star tri dane. Manekeni i Šika došli skupa, v istem avutu, i još su se bez srama skupa spinali vuz brek. Precednik je došel za rana i svoj Titanik sparkeral spod rasta skoro v križjnu slepe vulice. Dobro, slabovidne, jel ima nekakvo slepo črevo prek teroga se more do Škare. Sparkeral, i za* Kumeka kaj ga, svega, odnega ni mogel zatirati nutre, pogotovo ne ritopično. Kumek nam je i donesel tužnu vest da je Precednik "halal". Veli, z Bracum mi nekaj ni v redu, strav me zajnega. Bili smo pri sestre i samo kolu scicava. Nemrem ga gledeti kak si škodu dela. Reko, Franc, očeš da ti kakov lek dam, da ti pivu otprem? Samo z glavum zmigava. Kaže se simptome antialkoholizma. Da ga nisu f krivo mesto cepili... Rekel sem mu, naj toga piti, to ti ni cigani ne pijeju. Da si videl Cigana z kolum v ruke spred dučana. Buš si jetra fundal, buš mlat otišel. Da ti gemišt složim, onak kak ti voliš? Nemrem ga gledeti ovakvoga, pol mi ga fali. Telo je tu ali duva ni. Došli su i Bozaniči, v totalnem još neviđenem sastavu, skoro na max. Skoro su i igrali. Manekeni su si prvi put letos, i zajdni, dopelali svoju muziku. Dok je na prve strane Doma vudarala dubrajnska grupa USB, odozada, pri Kojzačani, je tukla grupa Blu-tut. Slično kak Turbo-X samo kaj nikoga ne poznam. osim Kojzačanov i dosta interesantna kolonija Šilakofcov se skupila, da ne velim zmešala žnemi. Deda mrki je odlučil da je kaj se tiče oblačejna dresa za letos to bilo to a ovo des ni toga vredno. Pogotovo da je Škajnec na šanku a cene su diskontne. Ak paziš kak računa. Da je Buša spod suncobrana zapisničkoga stola snimil situvaciju i ekipu na tribine Zapad čvaknul je pol vijagre i nahitil se na Kumeka. - Kumek, za koga navijaš!? - Za Šilakovinu!!! Bil je brz Kumek kak prva puška. Da je to napravil do drugi, Vaso, Majoneza ili Šebek, v bilo terem broju ili formatu, otkopital bi se pod brek, most i v Dolne selo, z otiskom đonov na pleče i bistricami pod očijami. Ali Kumek je autoritet čiji Sjaj ne bledi. I Omega.
 Sumnivo, kak pred tri dane kuvana jajca na mefko `letnu dobu. Pogotovo da vidiš na slika Mamiča i Karla, saki na svem kraju iste gajbe v nosečem položaju. Rekli bi oni kaj navek nekaj komenteraju, ova utakmica je prodana, ovo je "utakmica z mirisom". Nekaj smrdi. I skupa su bili na tribine Zapad prije utakmice. A dan je počel z pitajnem. Veliju španeri Opatije, kaj velite kak bu prešel ovaj dječji vrtič z Gornum Opatijum. Reko, mudro, z dvoručnum kočnicum, bez žurbe, kak da mislim, da nekaj znam, utakmica,.. bu odigrana. V drugem kontaktu prijel sem upit na direktnu adresu, više informaciju, da Markus dava gajbu pive onomu kaj ima videjo drugoga poluvremena de je on sam predriblal celu Kojzaču, skupa z golmanom, i z ritjum zabil gol. Reko, ludi moji, to nema ni sveti Peter. Most Spilberg. Ili Hičkok. Vglavnem, reko, to kaj je bilo je poslano voditelu momčadi iliti kontaktu a kaj on z tem dale dela životinski me živo boli... Ja sem po logike stvari mislil da on to lifra dale. Reko, most čovek carini pak da se ocarini bu poslal, če je za poslati. Dobro kaj Liga traja samo 15 kol. Jel da traja 20 Tigrovi bi složili se kaj jem zbežiju na piton, ili ledinu, i bili prvi. Ponoreli skros. I rešili Futače ko beba zvečarku. Naočarku. Kača frknula na jenu stran a očala na drugu.
 V ranu zorju, oko osme vure, naletim na Boška f dučanu. Reko, jesi des `Dubrancu? To pod obavezno, samo moram skočiti k Večkoviču na odojka ali ovo ne prepuščam niti za neizlečivi betek ili smrtni slučaj. Zgleda da je smrtni slučaj jenoga odojka bil preveliki napor za negovu napačenu dušu i ni se mogel otrči odnega nek ga je oplakival, z gemišti, do dugo v noč. Reko, jel buš igral? Am ja više niti ne fukam redovito kamoli da bi se išel fundati na igrališče, dej budi točen. A, reko, negde moraš početi! Nemreš tak živeti, * te! Ne samo da je Boško, pak, sfušal. Čitava plejada zvezde, starlete i selebritijev je mimoišla ovu nogoloptačku manifestaciju v dobu nijove utakmice. Ali su zato Gorencova deca ovo svatila pod muss. Krpa je napustil vlastiti rođendan, i se goste ostavil v raskoraku, muziku bez plače, ženu pred porodom, pukel vodenak, ludi se smicaju po pločicami, i balerajne slame da bi aktivno nazočil ove grandiozne nogometne pojave kaj nadilazi sam pojam nogometa. Ali, * ga, ni išlo.
 Bojsi su došli skupo prodati kožu, ili ju ne prodati. Ekipa je deja-vu, čak su i navijači-ce malo posustale. Dalko je to od one borbe za vrh. A još dale od hitajna puške v živicu. Ilovača kak da igra doma, ima je kak rusov. Te dej nas slikaj ovak, te dej nas slikaj onak, te dej nas slikaj tu, te dej nas slikaj tam, dej nas spod koša, dej nas v slivaru... Oču Vas *! Rezultat začuđujuče čuden, kak da je još na Gorne Opatije nestalo sape. V poluvremenu su Pavel i Tonček pobegli od sramote vuz brek po ceste. Kak Batman i Robin, ili Delboy i Rodney. Na kraju je Žac donesel gajbu i priredil mali privatni vatromet, dimomet i baklavu. Bakljadu. Ispravek netočnoga navoda; jenu od gajbi. Druga je pala na preglašejnu pobednikov, da ju je rival z nogum kak prasicu na vagu. Tak ni bil široke ruke ni drug Rade Končar prema partizanom. Čak i pred strelačkem strojem kuražno je rekel; "Piti ne iščem niti bi vam dal. Pi*ke. Pijane. Zalokane." Vidi se da je žena "utrenerala" Miku; pokupi čepe, pokupi čike, pometi igrališče, kak da nismo opče igrali, skrij dokaze, zataji, ak do pita niš neznamo, nismo opče des bili tu.
 Zvezda-Partizan. Još da se črleni 15 grli i domunđava z črnem 23... Sumnjivo kak dučansko mleko. Il techniko Partizana non stop poziva obadve ekipe na ozbilnost dok jen tal Zvezde ima ozbilni problem poremečaja gravitacije teroga Il techniko Partizana krivo tumači. Zvezda je konačno v prvem kolu odozad "fatnula" prve bod(e) dok je se osim "šudranja, šrotanja, nametanja, utovara..." za Partizan ravno porazu. Veliju, leže ti je igrati z ekipami kaj se bar malo kužiju v nogomet jel bar malo igraju po šprance. Ekipe kaj se ne kužiju v nogomet nemreš prečitati jel oni i nisu "napisani", ili "pismeni". Oni napadaju kak lepice na vajnsku lampu. Problem postaja to ozbilneši če imaš na raspolagajnu samo jenu loptu. Za slepe. Ali za nektere je i to rešejne problema jel ak stvar pogledaš z druge strane vidiš da se 15 i 23 ne grliju i domunđavaju nek držiju jen drugoga da je ne s* ozbilni problem poremečaja gravitacije. Rekla bi Lupka Dimitrovska da je v dvoje lepše, kaj ne. V troje je još lepše damo je treba premeniti nomenklaturu; of srednji je "korisnik" a ovi dva bočni su "pomočni kotači" tak da moreš skros isklučiti pogon, i normalni i quatro.
 Da parafrazeram bivšu precednicu mega sela da smo se znali nekam zjatiti; Kurilovec je došel. Lučelnica je došla! Kaj je naročito razveselilo Žaca kaj je suvereno vladal z dva šanka. Ote, ote! Imamo akciju! Ak kupite gajbu dobite 15 pivi. Kaj dobimo skoro dve gajbe? Ne, mili, operi vuva i poberi paučinu znutra po glave; dobiš 15 pivi. 5 ide za nezbrinutu decu Dubranca i okolice. Piješ i delaš dobro delo. Piješ i daš drugem da pijeju. Imamo i specijalnu ponudu, ak kupiš dve gajbe dobiš jenu. Kaj dobimo tri gajbe ak platimo dve. Ne, mili. Neznam jesi gluv il nekaj tomu slično na rimu. Dobiš jenu gajbu, se sem ti rekel, samo premeni svečice. Čujem da je Bosna Super na akcije. Kaj na šanku!? Ne, mili, na Velesajmu. Dej se vugni proč, gužva je, ludi čekaju. I boli me glava. Glumci su se skupili v več tradicionalno više nek dostatnem broju. Malo most publike fali ali do je *. Tesari se nisu nadali ove pobede čak pače kak kažeju si pokazateli najviše su računali scukati bod. Zakaj? Donesli su samo 3-4 dimne i 4 petarde, dve piratice i dve žabice. Z tem se pobeda ne slavi...
 Čak ni svesrdna pomoč svemogučega Peje, kaj jem je odlučil pomoči na sebe svojstven i specifičen način, tak da ne dojde na utakmicu, fizički, ni bila dosta da odnese prevagu protiv motiverane Leptirov. Čak je i Kosta pomagal, tak da ne smeta v napadu. Šuki je došel za rana ali se ni mogel zapiknuti v ulicu jel je negdo ostavil svega dinosaurusa spod rasta v križajnu z slepum vulicum. Onda je on parkeral na zelene površine. Božo je viđen da pije šabeso, neznam jel fatamorgana il je to takov dan. "Halal". Inače Leptiri dižeju bivak spod rasta na križajnu z slepum vulicum ali je negdo naparkeral svega dinosurusa baš na te lokacije. Mam do te lokacije su lokali Glumci. Do nje, na svoje standardne pozicije su se smestili Robijaši a Leptiri su se onda ili morali laktariti z ovemi semi prije ili se razmileti po bregu, kak rakova deca. Rezultat kak i pred 4 lete, rovovska borba, prsa o prsa, Skoro kak 1918. na Soče; talijani napadaju kak ludi ali je feldmaršal Svetozar Boriojević od Bojne tak postavil obranu da je neprobojna za loše konstruerane napade. Ili, kak rukomet Rvacka se potrga da dojde do (polu)finala i ak uspe tam je redovitu Francuska stisne macolu z *.

 Najte kaj zameriti. Do se još od istine pomogel.
6
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Kolovoz 18, 2021, 06:01:35 prijepodne »
Slivov trn
 Gud morning, Vijetman! Taman da prispeš skoro do Trga selačke bune vidiš da ti je negdo rezerveral parkirno mesto br. 3 pri Brežanke. Skoro da piše "rezerverano, do prvi dojde". Crni A3, beli A3 i moj truli 1.0 12 volti. Otprem lagano vrata vuz diskretni "škriiiip" i nekaj mi črno pod domom privleče pogled. Jal su snjezi jal su labudovi? Da su snjezi negde bi bil i Šaban i snežana, da su labudovi lofci bi ih pobili jesenas, kakve graciozne životinje. Nevidim na dalko, očala sem ostavil f podrumu dok sem kmicu precejal da je struje nestalo. Oko ladnače nekov muving, nekakov balko jednu te istu gajbu čas nosi nutre čas van. Vrvska posla. Veliju neimenovani, ladnaču smo dopelali pred dva tjedne, da nam se ne trefil "Slučaj Cerovski" ili "Slučaj Vukomerič", da nas nekakvi * blogeri i jubetuberi nedu * do groba da su nam pive letos bile tople. Malo je bil problem kaj čas greje, čas ladi, onda smo ju znali na večer otpreti i temperatura je mam pala. Sad nam je na solidne +4 ali pametimo i druge broje od tere su nam pingvini padali v nesvest. Letos smo žnum trefili kak retko da... Maaalaaa laaadiii ko velika. Na autobusne stanice na Trgu kokošari valda čekaju autobus. Ekipa je v maxy sastavu i dalko prije početka Lige roba je, kak dekolte, na "izvol`te". To je desna strana Trga. Na leve strane se raskošno rasprostrla UGO radnja "Kotlokrpina" udružene poduzetničke akcije gustelničke zetov i nijove kumov z Brezovice, v punem sastavu, više personala nek mušterije, pun dijapazon robe široke potrošnje od kobasov "vake-nake" do kotlovine "a ščem očeš". Suncobrani su brojni kak da su zabadof a ventilator marke "Akcija" lagano potpujeva tri pera ispod jaja. Na šanku br. 1 atmosfera je se samo ne radna, kak da se čeka potres, posle potresa. Da je veličina mojega tipa z potpalenum kamerum predrla himen otprte vrat nastala je zbrka, strka i kuknjava kak da je torec zašel med bele piščence, po dva mesece stare. Naj mene, naj mene... A nek koga bum, BTJ, am izbor baš i ni nekakvi, dalko je to od pothodnika i autobusnoga kolodvora, da ne povedam o botaničkem vrtu. Fletneši, mlajši i sukasteši su vlovili gibanicu na šank br. 2, de su mislili da je kamera jenoga od najbole slednikov Žaka Kustoa, mega tipa, ne vlovila. Ali, zaj* su se!!! I pre*. Jen od zaostale, kaj je tam prvi put pak ga sigurno ne poznate, i pofalil se z friškum flizurum model "zajdni pokušaj mega brice da od riti napravi glavu", je probal olakšati, ne mehur, ne čreva nek, dušu. Veli, da bu preglašejne samo okreni kameru tam zmed Fištričevoga i Ferderberovoga krova onda tam... Reko, bil sem čera,.. na Semišču,.. z Čovekom... Reko, kak si? Veli, Žac je kupil vatromet, najvekši, kak dvokrevetni grob. Baš vu tu dobu neočekivano su na šank banuli Mika i Števa z kartonom pobedničke majci, najnoveši model, vu "zna se" farbe. Red je da pobedniki dojdeju da se mi pušioničari od* nekam drugam, npr. na šank br. 2. A tam je se 20 stisnulo, kak * f šake, lubičaste majčice, drobne okice, kak miši f poseja. Da sem rekel dober den si su se razbegli. Kak i jen Kruno kaj je rekel da je f Gline skočil z autobusa dole Petrova se Gora stepla a Vlaji su pobegli prek Une v Bosnu i Srbiju. Ostal je do mora i do more. Reko, Žac, kaj ima? Veli, Grašewhiskey z nekakvoga skuplešega podruma, ni ze zapada il severa; črno, makedonsko, Vrančina z Tikvajne; pive, kakve ti srce želi, mili. Očeš pik, tref, herc il karu, od sedmice do hasa. Biraj. Če imaš penes. Inače, šetaj, nije ti ovo čekaonica, viš da imam posla. Čekam mušterije. I pregrnjam po biserima svoje misli. Viš kak smo ovo lepo vredili, nema busena, nema živice, nema drača. Taman tam da pogledaš odovut, de je onaj krater kak da je haubica 203 vudrila iza gola, tam ti je bil jen čavjak, niš posebno. Dal sem svemu Luke štihaču i, reko, Lukica, dej zemi štihačicu i dej to reši, baš me piče v oko, da se sat radi te trafčice ne dižem a taman sem zašel f prvi frtal pive. Kat, mi se zaspominali a mega Luke nema pa nema. Ja se okrenem, reko, da mu se kaj ni dogodilo. Kat, ja ti se okrenem a moj ti je Lukica skopal rof meter na meter, taman za minobacač 82. Da je skopal još dva takve, jen za posadu, jen za mine, mogli bi odovut tuči se od Žitkoščice do Bukofčaka. Reko, kaj delaš!? Kaj sem ti rekel!? Flapi ga štihačum kak ninđa i gotovo, amen. Ne kopli više, da nam neš friško igrališče potkopal, da se se ne omeknulo `susedu f papriku. Sim dojdi, bum ti pivu otprl, naj me jediti. A, kuuulkooo smo popili... Pri Brežanke smo dužni jeno dve jezeri kune. Gajbu smo dužni f Pabu. Ja neznam kulko smo popili dok smo ovo uređivali. Tri gajbe smo popili da smo svinjče pekli. Jenu smo zeli od Brežanke a dve smo posle donesli. Reko, kulko? A? Kaj? 3. Kulko kil, maslenko, kulko je kil imalo svinjče, ne kulko gajbi!? 94. Padate... Kaj padamo, mili!? To ti je oko 110 kil žive vage, ak ne i više. Kaj bi ti štel? Am nejdemo mi na safari, BTJ! Kaj bumo cisternu prerezali po pol i ober nje nabili slona na žrt, ili stožinu!? Reko, 104, 107, 109, 114, 126, 96 i letos 94. Od ovoga sigurno ni pukel ražen. Dej muči, perilek, kaj se ti razmeš... Post festum se na dizguziju na temu svinjčeta vumešal i Oberštrumfbanfirer; kaj su ti se pofalili? To ni niš, samo tri gajbe. 6-7-8 a negda i 9. (!!!??? Ni ni čudo kaj je pukel ražen, most je negdo i opal najnega, i to ne jen, nek čoporativno. Mesto da se svinjče zvadi z ogna, pečenjari opadneju nutre. :) ) Mene se bole splatilo prase otpelati na Lučelnicu k čoveku da nam ga speče nek plačati pijaču. Zater hiže. Na terenu su na asfalt načarili još jen asfalt. Samo je nezgodno kaj je f krive farbe. Kam češ po letu navlačiti asfalt f črne farbe, dragi te kamenčič *? Ne da peče za noge nek peče i za oči. Friški, još se lovi za noge, jutro je zakipel. "S prvim petlovima". Hrabri kaj su ga probali plešeju break dance, nikak ga se otarasiti z nog. On se još pomalo preleva kak med, kak medna ledina. Kak Črnoslav, v centru sela, de su vile kojnom grive zapletale. Mislim, i vevo budu nekakve vile nekakvem kojnom nekaj zapletale. Ali da ni bilo nekakve druge farbe,.. bele, sive, svetlo plave. Svetlo plava bi bila, ovak, dosta interesantna. Samo je dosta, ovak, opasna, da ne velim zaj*, jel bi kakovi nažerani "plivači" mogli probati skakati z brega na glavu "v morje". Boli glava. I tak je z opčepoznatoga razloga izostalo tradicionalano nahitavajne z gajbami na igrališče, da se nebi tera zapiknula v friški asfalt. I nahitavajne z flašami, da nedu potonule a da se ne potereju. Da nebi jen Ivica, vi ga ne poznate, moral entervenerati v stilu;.. Dečki, ja da sem pijan ja sem lut. Još nis pijan, taman mi fali ova piva kaj ju sat imam v ruka. Da vidite da ju mrknem vi mam počnete bežati, morete i prije. A ja za vami. Pazete da bežite po šume, ima, ovak, dosta križev, i friške grobov. Ja znam de su a vi se pazete.
Zadebal me i Tajson. Pak. Kak i sako leto. Veli, buš me slikal? Jesi me slikal? De bi te slikal, božji čovek, am te prvi put denes vidim, kaj je za tak gabaritnu masu tvega tipa vuspeh kak da se slon skrije med jagodami v frižideru. * te, još malo pak buš i Žaka Houdeka prešišal, bez žmigavca, neš se ni okrenul, most ga i tvoj propuh hiti z ceste pod živicu, kak suvi list. Veli, dej me slikaj z materum! Jesi ti točen!? Jesi ti točen!?? Problem mi je i tebe samoga deti na jen kipec kamoli da delamo "milenijsku". Trebal bi te deti na "panoramu" a onda bi to več bil problem i to zdiči na Yandex jel i prinjemi ni tulko mesta. Trebal bi doplatiti 10 dolari mesečno za 1 TB placa a pitajne je i jel bi i to bilo dosti jel te kocke ne tvem dresu više nejdu po broju nek po rali. To ni 25 kocki nek 25 rali. I više. Kocki i rali. Mejne ima tam primene zmed štreke i autoceste. A, kaj bum ja z tvemi slikami? Kaj ti to oče? Kaj ti treba za putnicu? Je! Za putovnicu! Pem v Bosnu po čevape i na cigare! A, to ti onda nema veze z menum! Za to te bu milicija svem aparatom zmlatila. Neznam kam mi je Števa nestal... Nesmem ga samoga ostaviti vuru več nekam otijde. Nosim mu pivu a kulko mi je trebalo od šanka do Tajsona več se i stopila, i zeslapela. Platil je jen čovek... Veli, buš pivu? Dej dve. Očeš četiri!? Očeš gajbu!!? Očeš dve gajbe!!!??? BTJ! Zatreti čoveka! Gledi, ovo su mi zajdni penezi v ovem žepu... Ajd, dej mu te pive... A, joj, reko, am bu žena donesla penezi da dojde... A, niks! Ne nosi ona nikakve penezi! Da ima penes bi me ostavila. Ovak mora delati. Nek zasluži, ima ščem. A, reko, išel sem po dve pive, nemrem sat dojti z jenum i delati se grbav. Ili da skupa cicamo jenu z dve slamčice, kak Ana sasso Pipi. Števa su noč ni spal, ima oči kak dve jagode. Ma, kaj kak dve jagode!? Kak dve črešne! Ma, kaj kak dve črešne!? Kak dva ribizline!  Ma, kaj kak dva ribizline!? Kak dve šumske jagode! Male. Sin Lucky je slavil, čekal, 18 rođendan. Pak dej ovo, pak dej ono, pak dej tortu, pak odi v Dom, pak odi z Doma, pak vozi ovoga na ispumpavanje v Zagrep, pak odi v Dom. Još ni dobro došel pak vozi drugoga na ispumpavanje. Pokupi prvoga vozi ga v Dom, kad, več se trejti ušvikal. Istovari trejtoga v bolnice, pokupi drugoga i vozi ga v Dom. Dok je došel več se prvi pak rešil. Pak ga vozi v bolnicu na ispumpavanje. I tak celu noč! Okrenul je više kilometri nek Vlado Šeks da službenem avutom i šoferom ide zapiti plaču! Pašum. Rekel je Briki, * se vi z vašum Ligum, ja više nigdar nem došel na ta vaša *. Jel ovi z Jaske, Banje Luke, Siska, Belovara, Martinske Vesi, čul sem i z Slovenije, ili Slavonije, moreju igrati a ovi z Dragonošca nemreju igrati, recimo, za Ruševec. Ma, dejte, prosim vas! Čiri mi buju spucali, se vas bum tužil. Tak i ja i Božo, i Srečko Damflin, Tihomir Driblin, Iva Sleputer, Joža Pokmežič Desni, Mika Krmežlin, Sveto Frnjoklin, Jadro, Meksikanec,.. a i sem negovem kurvam bum rekel da ne dojdeju z Rusije, Cipra, Kolumbije, Meksika, Beograda, Zapruđa i de je več mrdal na tu vašu * ligu. Tak! I zato nismo došli! I nemo! I *ete se! Došla frizerka! Jel do oče mrdati? Ja bum platil! Ja sem stalna mušterija, imam popust, mene pozna. V opčepoznate situvacije tera je napeta kak kača v žepu Foto Davidović, Novi Pazar, i Foto Smendrović, Smederevo, su odlučili svoju suradnju zabetonerati. Ili zbetonerati. Ali baš betonerati. Dan je počel z pivum, ili dve, plod rada muške ruk kakve su je i poslužile, koje su diskretno razblažene z gemištom v osobne izvedbe šefa šanka. Izvanredno pogođeni omeri kažeju pravoga znalca kaj se mejne oslajna na teoriju, teru ne zapostavla, a više na osobno iskustvo i praksu i ove fantastično pogođene gemište bi mogel v enološkemi krugi koristiti kak svoj potpis. Istem su v kratkem vremenu društvo došli delat bambusi v izvedbe sneje Oberštrumfbanfirera. Izvanredna koncentracija, naglašeni buke, senzualno pogođeni omeri glavne sastojkov zlejani f čaše z puno lubavi. I brzine. Za teru bi rekel da je klučna za difuzno mešajne različite tekučine ali nebi zanemaril ni odlično pogođenu temperaturu za teru je zaslužen Izbornik ladnače kak i sudioniki samoga natecanja kaj nisu dali da se komponente zgrejeju nek su odmerenum potrošnum držali temparturu na poželne visine. Jel vrata na frižideru v ausvinklin izvedbe nisu bila od presudne koristi za temperaturu konzumacije. Dostizajnem točke mešajna z skromnemi psihodeličnemi notami, z blagum percepcijum o početku odvojenosti duha i tela, se slabešega tela i se jakšega duha, došlo se do pitajna, kaj dale. Rolamo unazad! Bambus-gemišt-piva... Noge očeju ali glava pada, kak staromu podremanomu pevcu. Ak nekaj ne pada to su Kojzačonke. Da muzika zaigra one mam nadrndavaju a da počme drmeš noge ideju same. Oko pol noči, navodno, su došli i pobedniki 3. lige, z peharom. Da se vidi do ima vekšega. V svoje nadahnute ali kratke karijere pratitela nogoloptačke znanosti nigdar nis čul da ima lopta za slepe. (!!!?) Do zajdnega kola letošne Lige. Da igrači iščeju da se "ova lopta za slepe" stornera z sveukupnoga natecajna. Veli Števa da kaj ima točkice. I tvrdoču po Rokvelu v ekvivalentu poželnosti za nekteri drugi sport, npr., kamena z ramena. Ova druga se (pre)jako pujala i ni ju bilo više moči kontrolerati v nezinemi ekspadami. Najprije je susedu pobrstila su papriku. Da je to rešila onda je otišla v Dolne selo, cestum, ventilu rupe kazat. Da su ju i tu našli otkrila je se čari i blagodati staroga slivara, koprivja, trnja i kupinja. To više ni bila lubaf nek više seks. Znaš da te ne voli a * te. Da nem zabil, šekreti su bili izvan funkcije. Gospoda su to rešavala elegantno tak da bilode zdigneju nogu i odmotaju črevo a opče neču misliti kak su Dame rešavale odvodnju i slivne probleme. Ob desete vure mesto da se ludi razilaze kolone ergele oktanske i cetanske kojnov se zlevaju na "fejs of d plejs" ili " plejs of d fejs" dana. Totalno drukčija slika od one popoldan.
....
7
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Kolovoz 15, 2021, 03:41:03 prijepodne »
 Poredak;

1. Dubranec
2. Lučelnica
3. Kravarsko
4. Šiljakovina
5. Markuševec
6. Donji Hruševec
7. Pokupsko
8. Strezojevo
9. Velika Buna
10. Gornja Opatija
11. Gornji Hruševec (kak i lani)
12. Lijevi Štefanki (kak i lani)
13. Kozjača
14. Opatija
15. Mala Buna
16. Gladovec


 Fair play - Velika Buna


 Najbolji domačin - Gornja Opatija


Najbolji golman - Marko Kordić-Žaja (Donji Hruševec)
Najbolji strijelac - Pavao Galović (Dubranec) (kak i lani)
Najbolji igrač - Josip Rak (Šiljakovina)

 Šestorka Lige;

Marko Kordić-Žaja (Donji Hruševec)
Pavao Galović (Dubranec) (kak i lani)
Josip Rak (Šiljakovina)
Marijan Petković (Lučelnica)
Ivan Šestak (Pokupsko)
Marko Rovišan (Strezojevo)
8
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Kolovoz 15, 2021, 03:36:59 prijepodne »
15. kolo - 14. kolovoza 2021. 15:00, Dubranec
Gornji Hruševec   -   Pokupsko   0:4
Kozjača      -   Šiljakovina   3:4
Gornja Opatija   -   Opatija      2:4
Markuševec   -   Donji Hruševec   1:0
Lijevi Štefanki   -   Dubranec   1:1
Mala Buna   -   Gladovec   1:1
Lučelnica   -   Velika Buna   2:0
Kravarsko   -   Strezojevo   3:1
9
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Kolovoz 09, 2021, 11:25:53 poslijepodne »
Podbiranje slive bistrice


15. kolo - 14. kolovoza 2021. 15:00, Dubranec


Gornji Hruševec   -   Pokupsko   - prva, revijalna a most i do kosti ak ju negdo razme kak direktnu

Kozjača      -   Šiljakovina   - utakmica z "mirisom", ...3, 4, 5 "ako"

Gornja Opatija   -   Opatija      - revijalna, mislim bilo je je več fajn kaj su trebale biti revijalne pak se nekomu nekaj potrgalo i bile su na noš (-gajba pive -igramu, -dve gajbe pive -igramu, dve gajbe i dvesto kuna -igramu, -* se -igramu!)

Markuševec   -   Donji Hruševec   - direktna, tu ni kalkulacije ni kaj bi oko posolil, ili...

Lijevi Štefanki   -   Dubranec   - ak Miro napravi opču mobilzaciju i ak Ilovača zanemari se svoje obaveze, niš se ne trefilo, ali... -igramu!

Mala Buna   -   Gladovec   - iako se "dole" več se zna ova se igra za prestiž, ili ak "Dragovoljac" ovu ne razme za ozbilno a "Crveni vragovi" do kraja ponoriju

Lučelnica   -   Velika Buna   - oni se, kao, otcepljuju a mi im, kao, nedamo

Kravarsko   -   Strezojevo   -
Elvis has left the building
...Pejo je z črlenemi očmi plačnem glasom rekel, a kaj smo mi, bokci, krivi. Sad si veliju da mi rešavamo prvenstvo a mi z tem nemamo nikakve veze, čak ni slabe autobusne. Mi smo došli sim da si nekaj malo pomrdamo, popijemo i malo poigramo nogometa, nigdo nam ni rekel da bumo mi morali pomikati Brda i Vrhe, šaltati Gorne i Leve, i jako se neurozerati. I mi smo naš plan z 120% realizerali, da ne velim oživotvorili... Ali... Da je Marko z 120 metri stepel paučinu v rašljami na raspadajučem golu za izjednačenje Brek je spluderal, trava je dobila zelenu boju, piva je bila "SSI ideal" a tičeki su počeli rajsku pesmu. Da je pogodil stativu il prečku gol bi se "raspal na proste faktore" i moral bi biti otpelan na servis v Metalogradnju. Onda su Leptiri pokazali kaj znači kravarska škola nogometa i da se ni slučajno posle pomora, potopa, sodome i gomore na početku Lige ta ekipa zdigla kak feniks na putu do prvoga mesta. I to bez Bože na šankiju. Ali je Draš bil na raspolaganju v sakem kolu. I negov čuden odabir pijače... Očekuj neočekivano.
10
Sport / Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Zadnji post kuntakinte Kolovoz 09, 2021, 11:21:56 poslijepodne »
Nasukavanje na Rtu dobre Nade
 Dok Šilakovina obasjana suncem ulazi i brodi v novi dan JožaMiškov širočkum sečka talijane za kobase natikače. Natikavaju se i suncobrani z širokoga dijapazona, iako su zamečeni i oni "lego". Na šanku je rasprostrta široka lepeza osvežavajuče pijače tera se pomalo slaže v frižidere. Veliju, ponos naše "radnje", gešafta, je vino z podrumov "Soldo". Veli Brajko da je bil tam; da je dobro zezidano. Kolege novinari su bili oduševleni kompozicijum tera se dobiva odmerem skladanjem "Solde" i "Jamničke" i više "ševleni" nek "odu". Kak i nekteri Kravarščani kaj su z istem bili ushičeni, više "hičeni" nek "us". Veli, ak ni zagorsko bum gemišt, dej probaj kakvo je. Je, reko, ja pijem pivu, da presečem z vinom bu me potrgalo prije nek prejdem centar igrališča. Bum mesto na tribine odnesel rundu na grobje. Ak i nega uspem pogoditi. Prije sem mislil da su mreže iza tribine tu zato da onemogučiju beg lopte na grobje. Sad, z ovem iskustvom, vidim v kakve sem zablude živel i da jem je namena čisto druge naravi. Ak ti se posle akcije v tere si označen kak "zvezda šanka" nekaj potrga pak ti se čini da si obul tuđe cipele, oblekel tuđe lače i hodiš na tuđemi noga mreža čisto fino dojde da se z kopi na pleča ne skopičeš na grobje. Veliju da je izum kotača unapredil civilizaciju. Nabijem ga na * i kotač! Stup, rođo, stup je izum civilizacije. Da te mreža zahalta da se ne "groberaš", ona ni dost jaka da te vrne v prvobitni, ili njemu slični položaj, ali..! Da napipaš STUP iza pleč, ili ga pogodiš z glavum, sejeno, ti si gospodar situvacije. Prije 6 sekundi nemoguče stvari činiju se moguče. I hop! Eto te, jakši nek ikada. Nigdo ni skužil da se kaj dogodilo, izvan kruga od dvajs` metri. Ja bi ovo del pod obavezno, prepisano Zakonom, z odlukum Sabora; mreža za publiku mora biti, ili ograda kak na skele, lenta kak negda na semišču, za kojne, pastuve, bike i vole. Nemreš točiti pijače a ludem ne dati priliku da se braniju.
 Čovek, dobro, ne čovek nek Kojzačan, teri radi svoje krutosti i oštrine nosi špicnamet Majoneza je rekel, ne. Veli, ja sem pirotehničar, ja mineram i tak to, ja ti nem branil, nemam tenesice. Pak, samo stani na gol, ne moraš braniti, bil je uverliv jen Franc, vi ga ne poznate, dok je z levum rukum gladil teme a z desnum v tere su bili kluči od avuta kopal po pupku. Teri broj nosiš? 44? Pak evo ti moje 44, tvoj broj, "ko salivene", još smrdiju po placu. A-a, bil je rezoluten Majoneza, bilo je na fejsu da imaš glivice. Kaj očeš da se si fiže zarazimo o`tebe? De si Bosanec, rekel je Franc da me je videl. A, reko, eto, smrdim po Kurilofcu. Dej sim dres, ja branim, * vas * smolavi, bilo mu je več pun * natezanja. * te, do brani zanas? Od kakvoga je ovo deteta dres? Nemrem ni dihati vnjem. Da mi se ne slezena prirasla za jetra, još bum mrl od toga. Mam da je "Bosanec" uparkeral svoju trulu Korsu vuz jednaku takvu lesu, kaj nečijem ženam ni uspelo ni posle 15 minut, Limuni mam zoveju na stran. Odi sim, vele, ovo moraš slikati. Kat ono, Pero! Veliju, Pero se več pol vure oblači, nikak završiti, ima više opreme nek Ivica Kostelič za veleslalom. Pol sem pogodil, Franc brani a nis ni drugu polovicu fulal; ni došla cela 1.A. gardijska z Markuševca ali je 1.A veteranska bojna. Jole je rastiral molce, stenice i žiške ze svega dresa i rekel, kucnul je čas, sad ili nikad. Janko ni bil te sreče, on bi ali ga ni mogel najti. Publika je brojna, ruke nisu prazne, ekipa je za laganini, ne očekivaju se nikakve borbe kak za masnu kost. Da je Jole videl do bu branil otprl je srce kak na kardiokirurgije. Ej, Franc, preluknal te bum, neš ni skužil da te jes, točno med roge, točno med oči buš dobil neš opče skužil da si dobil i još ti bu ostala luknja na mreže, rekel je skromno Jole. Franc je odglumil ljubavni zov mladoga napalenoga fokca dok išče lubav svega života. Posle se Kojzačanom "potrgalo" v nutarnjem postroju a Franc se samoisklučil za natecatelskoga dela programa a nastavil v kulturno-dramsko-umetničkem programu. Posle su Kauboji organizerali aldamaš za obadve ekipe.
 Jen je Danijel, vi ga ne poznate, više-menje uspešno je probal sprovocerati i dezorjenterati glavnu špicu Vrapcov. Jel ti sused ima kravu za prodati, ja bi kupil, počem; jel bi do tam oko tebe štel dati pekinezera, treba mi za decu; jel most znaš počem je bil merlin `petek na placu, bi mi treba jeno dvajs` deka; kak se zove onaj kaj je bil drugi fizioterapeut v Dinamu `67-e, čini mi se da sem ga videl `trajvanu; dej pogleč jel ti se tenesica razvezala, nevidim dobro odovut ali čini mi se da je; jel te gače žuliju, nekak si mi slabe vole; a, dej, sat ozbilno, ob kulko ide autobus z Mraclina na Goricu, tam negde oko večerne, jel ide na levo il na desno, netreba mene, ma baba je pitala, da bi k meše išla; kaj ti je opal lanc z beciklina; žvakača, žvakača, žvakača, za žvakaču se lovil; naj se opče sekerati, ni dobro pokošeno, drugo leto bu bole; jel ti vruče, pusti nogomet, odi buš nekaj popil, gle kak je mrzli; kaj si rekel počem je, dej zapiši; to bi lude bilo sram i Mraclinu suditi; Čapa, dej mu poveč, se sem videl; odi sedi si tam, most me neš čul, jako;.. samo su nekteri od brušene biserov z riznice negove misli. Vrapci su se lepo skupili, ni tu falelo ni kvantitete ni kvalitete, ali ni išlo protiv "stroja koji sve melje", kak su novine jeno leto pisale posle trejtoga kola za Kojzaču.
 Draš je šepal, veli, nekaj mu je vlezlo v nogu, ali gajbu je mogel donesti. Sam. Ili to ima veze z onum izjavum; dej buš stal na gol, dej pogleč kakov si, če niš teže te fulati nek mene. Če nema do oče ima do mora. Marijo je pak zablistal na golu. Joža Borovec je zel dres, i oblekel ga, ali... Stepanič ga je zel pod svoje od jutra, a pogotovo od pol tre, tak da ni bilo z njega niš, ni imal do ni tenesice zavezati. Saka čast Mika, ti si prijatel. Forjan je Mariju vadil mast, na malu slamčicu, i obrane Gruntovčanov, ali kaj mu je pak delal Stepanič to opče ni moči opisati, kak okus vetra. Jel do komu dužen kakove penezi ili je nekakva druga kaštiga f pitajnu samo uski broj poverlive oči zna. Stepaniču su na osnovu onoga kaj je delal mnogi nudili sekaj, kaj ni Modriču ni nuđeno; ej, morem ti biti prijatel, buš platil kakve pive, jel te morem pozvati na rođendan, buš mi ovu zimu odmetal sneg po šume,.. itd. Nekteri znaju preslaviti pobedu ali kak Gruntovčani znaju preslaviti poraz, to ni za lude. Mislim, i nemaju baš nekakvi izbor... Nje "za Ladu karavan" a gajba gajbu stiže. Ne suza suzu nek gajba gajbu. Došel je i Mika Godinič, negdašnji, po nekteremi, neslužbeni, najbrži igrač Lige, z Dojčlanda, na jene mrzle pak ide dale. "Malo" je zakesnel na utakmicu ali ne i na druženje, vučem je i bit.
 Pejo je moral na izvanredni tehnički za penziju pak ni moge dojti. Nikak. Skupila se lepa svita na tribinami, navijačice, žene, bivše žene, buduče žene, brati, bivši brati,.. Muže je, orginal Muže, opče bilo zabranjeno da stane na gol da ga kakva lopta z Lučelnice pak ne funda, da ne moral pak tjeden dan nositi forbant na glave kak Apač. Na gol su deli najmršavejega od najmršaveje. Vele, za Lućelnicu to je dost. Imamo jaku obranu, još jakši napat, dobru obmanu, niš nam nemreju. Samo stani na gol, ne moraš braniti. Tesari su si zeli dva golmane, gabaritne. Ne baš v klase 4XL ali muže kaj moreju složiti gumenjak ili stog sena a ne perilke kaj se budu v napoj omeknuli da komarec v brišučem letu prezuji. Pristup je ozbilen kak da se igra `Dubrancu za prvo mesto. A i rezultati, gdjekadšto, znaju biti takvi...
 Miro je dopelal, ili bole reči dopelal se z, mini-mi ekipum Bojsov. Dečki se držiju kak suva sliva `jesensku dobu; ne rasteju ali ni ne padaju. Tu negde v rangu Velike Bune, Kojzače i Gorne Opatije. Se sama Elita, prvaki i krema breškoga nogometa. Dede Mrkiju je prešlo v naviku oblačiti se za utakmicu tak da čoveku, dobro, sat čoveku.., prosečne i ograničene intelektualne i mentalne sposobnosti pada na pamet samo par moguče razlogov; navlekel se na "devu", bole mu paše nek "zero-zero", spije vujnem, pak uzročno-posledično.., spravla se za veliki nogomet, kak Marica za krivi... recept, nabija kondiciju, skida kile, ili mu se do kraja pomotalo.
 To je bil derbi, ludi moji, to je bil derbi. Štršani su rano poveli, ali baš rano, z solo prodori prema šanku. Leptiri su malo zaostajali v rane faze natjecanja, ne utakmice, tu se ne računa Bole kaj je vlekel vu te faze za celu ekipu. Ali baš vlekel. V druge faze su Leptiri zapalili levi žmigavec, pa sve četiri i rotirku i duga svetla i deli trokut na prvu haubu. Situvacija je skoro bila pod kontrolum. Dok ni došel Precednik, i još jena gajba. Štršani su više skromno, most bi se moglo reči i linearno, bez amplitude, obiležili taj derbi. A v međuvremenu je odigrana i nekakva nebitna nevažna utakmica med njemi.
 Nemreš ti.., ovi su mi si ozleđeni, ovi mi si igraju za Kupu, imaju pripremnu protiv Dinama z Ferencvaroša, ovi su potpisali boktepitaj kaj i boktepitaj za koga pak nesmeju igrati, ovi imaju čudne posle pak delaju, jadal se Mamič na druge linije šanka. Išel sem po selu da mi ludi daju decu da ovo nekak odigramu da ne dobimu kaznu. Rekel sem, il je vračam il delam  druge. Mislil sem da bi zel i ove stare, striču Juru i negve ove, da imamo zamene. Kaj bum žnem, ima 86 let, jedva odi i dobro kaj se sam more popišati pod živicu ili štagel. Sake petnajst minut. Popiti more, to bez dalnega, ni nekakvi kapacitet ali ne odustaje. Da su Glumci videli kakva je situvacija vu protivničkomu taboru šef kriznoga stožera je mam na svoj račun potegnul do šanka i zel gajbu i pol eliksira za gimnastiku lica i treneranje mokračnoga mehura. Mali su problemi nastali da su skužili da Švabi niti v sastavu kapaciteta dekapiterane I. Proleterske ne odustaju. Nemali su problemi bili koga hititi v ogen Kocke cukora da proba čorbu kaj su ju Švabi zakuvali a da se skupa ne završi pod plotom. Posle teške i studijozne pripreme, trodnevne danonočne sednice Bunskoga Sabora dobnešene su nekakove smernice kaj bi je trebale dopelati na put da dojdeju na put teri vodi na put de je put z teroga su pošli. Da se doneseju nekakve odluke. Mejne je židovom trebalo da prelunjaju pustinju i leže su prešli čez Crveno morje nek kaj je Buncom trebalo da dokrajče žilave Futače.
 Kojzačani su se malo bole potkožili za kesnu utakmicu, ludi su došli ze službe, Franc je svo mesto prepustil, ak ne več mlajšemi onda lepšemi. I to je goli * za onu muku teru je od jutra, kaj muku, pasiju, BTJ, preživlaval Markus. Da su socijalističke mreže ostale neme na negov vapaj da do bu igral na Šilakovine prvo čega se setil bil je dučan. Pred dučanom se navek najde naroda se fele pak bu most tam i kakov Modrič i Manđukič. Kad ono, pred dučanom... jedino oni kaj o Modriču po dva tjedne razglabaju kak je gol fulal. Niš korisno za operaciju "Kojzača". Si su sekak zauzeti. Kaj bi, de bi, kaj bi..? Otišel je najprije na grobje zapaliti sveču Svetomu Jože a onda vođen unutarnjem glasom obišel obadve Roženice i celu Opatiju, od iže do iže, i iskal igrače. jedva je uspel skupiti za ekipu. Števa Klasnič je rekel, jenoga ti dam ali ne obadva. Zemi starešega, znaš kak se veli, mladže je sladže. A utakmica? Čudo! Da reinterpreteram Arkana, kaj je sat v krvave penzije negde v Rusije, a most i šire i bliže, da se ostal baviti z nogometom i sličnemi temami; tučemo ih odostraga i spreda, pucamo iz daljine i blizine, bijemo ih s leva i desna a oni, bre, ne padaju. To su, bre, fanatici!!!
 Limuni su se još bole potkožili za zajdnu nek za prvu. Iako se Jole čuval za zajdnu na čekanju je i zgorel. Pero si je posle zajdne inetervencije na utakmice i špage, dvostrokoga aksla i piruete raščenul jajca i hitno su ga morali otpelati k jenomu poznatomu vulkanizeru iliti plastičnomu kirurgu na šivajne. Dobro kaj `Markuševcu bar golmanov ne fali, si se braniju f * materinu. Pak je došel i Boško, probal je dobiti Janka na fintu ali de buš * prvu pušku z rđavum šklocum, ovo mu je most i trejta poseta Lige. Velim vam, ovo ni bez vraga, on bu most i Dubrancu v prvem "elfu" 1. A gardijske, vuz Jožu, Joleta, itd... Otkat se Pavel privremeno "penzionisal" nema do dregnuti z palcom loptu v gol a golman Mika je postal glavni vezni. Se lopte ideju prema nemu kak da ludi nevidiju teri broj nosi. Ili se 8 i 9 `Dubrancu drugač pišeju. Otkat su se si počeli "pripremati" više nemreš zestaviti poštenu ekipu; "prodane duše" su otišle tam kam su se prodale a sa sreča kaj još tu i tam ima ove "jugošvabov" kaj nemaju `rvacke obaveze.

Najte kaj zameriti. Do se još po istine pomogel.
 Str: [1] 2 3 ... 10