Autor Tema: P Oltar - POrtal naš svagdašni PObôžni i vragolasti / Bogoslavija  (Posjeta: 137148 )

0 Članova i 1 Gost pregledava ovu temu.

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: P Oltar - POrtal naš svagdašni PObôžni i../Božek, dej mi strpleja, ali mam!
« Odgovori #210 : Svibanj 02, 2020, 04:42:11 poslijepodne »
ZVONA, Mesečni list čakovečke žup,
SUŠEC (GREGURJEVŠČAK, PROTULETNJAK, OŽUJEK) 2020.

NEKAJ ZA ČAS KRATITI

Božek, dej mi strpleja, ali mam!

     Kak je to odnavek bilo tak je to i denes, saki od nas si zbere športa z šterim bo se bavil, očem reči, zbere se športa vu šteromo bode našel kluba za šteri bode drukal. To mo dojde nekak kak nekša zanimacija kaj nam je ne dosadno i kaj se imamo kaj spominati dok se najdemo z pajdašijom. Kak je labodoritanje šport vu šteri se si razmimo unda nejveč pot i drugamo za svoje labodoritaše za svoj labodoritaški klub. Prinas v Čakovco, a i prinas v Međimorjo je nejveč drukerov zagrebečkoga Dinama, ali se najdejo i oni drugi šteri drukajo i za Dalmoše , očem reči, Hajdukovce. Malo je, jako malo je onih šteri drukajo za druge klube. Znauomo si da so drukeri Hajduka malo čudni, ne trpijo preveč nas druge drukere (makar ne si), ali zato pitam vas i sebe je li je greh navijati za Hajduk? Dok sam se to glasno zapital mam je došla blizo teca Franca i rekla mi je da je ne greh, neje niti sramota, a neje niti lepo! Ne sam da je ne lepo nek je i teško. Zakaj teško? Malo, malo pak Hajdukovci zgubijo i več dugo je Hajduk ne dale došel od drugoga mesta. A znate i sami da je ne nikomo lepo dok furt gubi. Z kim god se čovek bavi sakomo je lepo dok pobedi.
     I ovi šteri hodajo v kladionice, kockarnice ili vu te automat klube hodajo zato tua kaj se nadjajo da bodo nekaj dobili. Još sam niti jenoga ne zišel šteri bi priznal da hoda tua sam zato kaj se reši viška penez šteroga ima v žepo. Ve razmite zakaj je furt stiska v temaj kladionicaj i kockarnicaj? Ido ljudi tua, igrajo i čakajo dneva da se jim bode sreča nasmijala i to tak kaj bodo dobili jenoga malo vekšega kupčeka penez šteri jim bode unda trajal do kraja živlenja. Oni se tomo nadjajo, a znajo ili ne znajo da takši kupček penez ne postoji jerbo kupček more biti menši ili vekši, ali on traje tak dugo dok ga ne potrošite, a dok ga potrošimo unda pak znova odhajamo v kockarnice ili pak automat klube i znova čakajo na red dok nas božica sreče zeme na red. Ne znati je li ste bili v automat klubo v Čakovco ili pak vu ovomo novomo prinas na Jugo, ali seposot je isto: mi obični smrtiniki mečemo peneze nutri i nadjamo se da bodo jempot i penezi došli vum. Tu i tam nekaj dobimo i unda pak znova čakamo. Verjem da znate, pak te igraonice so napravlene kaj bodo gazdi služili, kaj se bodo gazdi obogatili, a ne kaj bode saki od nas kaseral šteri dojde. Pak ne davlejo automati (čitaj: gazdi) svoje peneze onomo šteri dobi nego je to od onoga kaj so oni prije vas nutri nametali. Si šteri hodajo nutri znajo da je to tak, ali se nadjajo i to saki den znova da so ruon oni te šteri bodo dobili. Nejvečpot se pripeti da smo tak dugo nutri dok zmečemo v automate se ono kaj imamo z sobom, ali več zutra ili pak prezutra dok naberemo pak nekše peneze nekši vrag nas vleče i znova idemo iskat srečo štera je dobro skrita i štera čaka sam one zebrane. A to smo ne nejveč pot mi.
     Da bi mi bogoboječi ljudi šteri delamo stisko v cirkvi, očem reči hodamo v cirkvo i verjemo da Božek postoji meli tuliko strpleja za našega Božeka kak imamo z kockarnicama, oče reči, automat klubima Božek bi nas jako rad mel. Ali ne, v cirkvi smo čistam drugačeši. Dok nekaj nucamo od Božeka, dojdemo dva – tri pot k meši, zmolimo pet – šest očenašov i čakamo kaj nam Božek pomore ono kaj smo ga prosili. I ak se to ne pripeti mam smo nervozni, srdimo se na Božeka i vlečemo zvezde z neba i namečemo Božeko čuda sega sam ne nikaj dobroga i lepoga. Što bi rekel da smo mi takši, v kockarnici igramo, davlemo peneze i čakamo, kak tovari kaj trava zraste, i nejveč pot to niti ne dočakamo, ali zato v cirkvi i pre Božeko se mora biti mam ak oče kaj nas bode i dale viđuval v cirkvi. Kak da mi v cirkvo hodamo radi jega, a ne radi sebe.  Znate ono staro pučko izreko:
- dej mi Božek strplenja, ali mam!
     Korizma je več počela, prilika je kaj se odrečemo kockarnici i igraonici i kaj [b zaprosimo dragoga Božeka nek nam da strpleja vu sakodnevnomo živlenjo[/b, kak nam tak i onima šteri dručejo za Hajduk!                                          Vaš Tonček!

Citat:
Š a l a  m a l a

Spominek
Dva težaki se spominajo:
-   Jura, kak biti opisal našega šefa?
-   Ne bi ti znal reči, Štefo!
-   Šef je čovek šteri kesni na posel dok ja dojdem na vreme i šteri dojde na vreme dok ja zakesnim!

Nastavek:
http://www.forumgorica.com/index.php?topic=123.msg57073;topicseen#msg57073

Zvir:
ZVONA, Mesečni list čakovečke žup,
Leto XXVI, br.3, ožujek 2020. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov
« Zadnja izmjena: Svibanj 02, 2020, 04:45:24 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: P Oltar-naš.. i vragolasti/ „Vidovo“ najpre v Šibeniku, potlam v Jeruzalemu
« Odgovori #211 : Lipanj 21, 2020, 05:49:03 poslijepodne »
HTV1, TV meša
2020 06 21
Šibenik: 50-letnica kanonizacije sv. Mikule (Nikole) Taveličovoga

 - Šibenik, rodni grad prvoga službeno preglašenoga hrvatskoga sveca, nizom duhovne sadržajov pripravil se za zafalni spomen 50-letnice kanonizacije Mikule (Nikole) Taveličovoga, tera je bila v Rimu 21. lipna 1970. Svečani ophod s replikum najstareše Svecove slike počela je od katedrale sv. Jakopa (Jakova), obalum, do samostanske cirkve i Hrvatskoga nacionalnoga svetišča, cirkve sv. Franca (Frane). Glavni služitel presvete euharistije, skup z šibenskem biskupom Tomislavomom Rogičom (Rogićem), hrvatskem nadbiskupem i biskupem, provincijalem, svečenikem i redovnicam, bil je apostolski nuncij v Republike Hrvatske nadbiskup Giorgio Lingua.

Delo na vide(l)o:
Šibenik misa i procesija povodom 50.godina progl.svetim 1.hrvatskog sveca sv Nikole Tavelića HRT, 1:53:49
https://www.youtube.com/watch?v=RhDIL1KW3Y4

*****

„Vidovo“ najpre v Šibeniku, potlam v Jeruzalemu

Akademski kipar Vid Vučak z Starog Čiča, ostvaril je još jeno veliko delo izrade brončanoga kipa, ov put svetoga Mikule (Nikole) Taveličovoga, teri je des (21.06.2020.) posvečen v Šibeniku vu povodu 50 let od preglašejna šibenskoga mučenika svetem (TV meša), a potlam putuje v Jeruzalem.

**************


Govoreč o inicijative za stvarajne kipa, isteknul je autor Vučak kak ga je inicijator ovoga projekta fra Tomislav Glavnik otpelal v Svetu zemlu, ter mu pokazal lokaciju de bi kip trebal biti postavlen



https://vgdanas.hr/dogadanja/vucakov-kip-sv-nikole-tavelica-u-parku-ispred-dvorane-posljednje-vecere-u-jeruzalemu/

**************

Zlobniki bi povedali da je dobro da ne bil v Bejrutu, kajti (jer) tam
(palindrom, jenako se čita od-naprovo i napak, spreda i straga):
Citat:
U BEJRUTU ARAPI KIPARA U TUR *EBU

http://www.forumgorica.com/index.php?topic=3103.msg57090;topicseen#msg57090
« Zadnja izmjena: Lipanj 21, 2020, 05:57:22 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: P Oltar - POrtal naš PObôžni i vragolasti / Bogoslavija / TV meša z Buševca
« Odgovori #212 : Lipanj 27, 2020, 08:55:38 poslijepodne »
TV misa na HTV1 u nedjelju 2020 06 28 u 10:00

Misa: Buševec: 100 godina KUD-a Ogranka Seljačke sloge Buševec
- Na trinaestu nedjelju kroz godinu prenosimo misno slavlje iz filijalne crkve sv. Ivana Krstitelja u Buševcu, koja pripada župi Vukovina. Na euharistijskom slavlju obilježit će se blagdan sv. Ivana Krstitelja. Uz to proslavit će se i 100 godina od osnutka ogranka Seljačke sloge u Buševcu. Misno slavlje predvodit će župni vikar vlč. Matija Vragović.

https://hrtprikazuje.hrt.hr/627234/busevec-prijenos-mise

***********
Za nadati se je da bu situacija (covid19) pod konrolum, da nabu otišlo k vragu...
(P Oltar - POrtal naš svagdašni PObôžni i vragolasti / Bogoslavija)



Citat:
IVANJE U BUŠEVCU 28.06.2020., NEDELA
28-06-2020

Dragi naši Buševčani i si oni teri vole naše malo plemenito mesto, letes zbog dobro poznatih razlogov nemremo održati Ivanje kak smo planerali, preštimano i gizdavo. Da ipak nebi zatrli tradiciju i običaje dogovorili smo se da bu ovo leto Ivanje posvečeno samo nam teri volimo i poštivamo ovaj naš lepi Buševec i sem našem dragem gostom teri su nam navek dobrodošli.

Če se očete pospominati, podružiti, kaplicu dobroga vina popiti, videti nekoga teroga dugo neste videli, dojdete na letošnje Ivanje jer vam bumo zriktali da uživate u neformalnom druženju uz jelo i pilo po popularnem cenami. Do zna da se bumo mogli pak družiti.

Program smo složili ovak:

10,00 h – Sveta meša posvećena 100-te obletnice Ogranka Seljačke sloge Buševec u cirkvi Sv. Ivana Krstitelja, Buševec

Mešu pevaju i sviraju vokalna i tamburaška grupa OSS Buševec (do nebu stal v cirkvu mešu more v direktnomu prenosu gledeti i na HTV1)

17,00 h – Sveta meša u cirkvi Sv.Ivana Krstitelja Buševec, a mešu peva župni zbor Svete Cecilije-župe Vukovina

18,00 h – Svečano raskrivanje spomenika posvećenog 100-te obletnice Ogranka Seljačke sloge Buševec i to na Trgu seljačke sloge Buševec

http://www.forumgorica.com/index.php?topic=185.msg57098#msg57098

« Zadnja izmjena: Lipanj 27, 2020, 09:11:29 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg:P Oltar- POrtal naš svagdašni PObôžni i vragolasti / Kakva je to szvetlost
« Odgovori #213 : Prosinac 26, 2020, 06:47:32 poslijepodne »
ŠALJIVA BOŽIĆNA POSTBAROKNA PASTORALA KAO ODRAZ BOŽIĆNIH IGARA
Hrvojka Mihanovic-Salopek


Izvod:
Ako analiziramo najpoznatiju komičnu pastirsku pjesmu „Kakva je to szvetlost kum Betlem gori“, koja je u službenim pjesmaricama redovito izmijenjenog teksta, preoblikovana i očišćena od komičnih elemenata, a sačuvana je jedino u Miholjevićevoj zbirci „Čestit Božić“, uočavamo da je ona lako mogla predstavljati završnu scenu božićnog pastirskog igrokaza. U tekstu tj. na pozornici nalazimo okupljene sve likove pastira s darovima, čak i one karikirane likove s manama kao što su Luka šantavi, Antonec - pijanec, napunjeni Đurinec, a scena završava s obaveznim dudašima - muzikašima koji završnom svirkom izražavaju općenarodno veselje.

str. 563

O kakva to svetlost
(Kakva je to szvetlost kum Betlem gori)


1.
O kakva to svetlost (s)kum Betlem gori.
Glas čuden veselja po zraku zvoni.
Čast Bogu v visini, mir ljudem v nizini.
V radosti, v radosti to saki kriči.

2.
Jen starec vu štali naslonjen stoji.
Med oslom i volom detešce leži.
Ga mati odeva ter milo popeva.
Oj Jezuš, oj Jezuš, predragi moj sin.

3.
Ki nebo i Zemlu na lasu drži,
on za nas golotu i zimu trpi,
mu dare nosite, milošču prosite
ar ovo detešce svim dare deli.

4.
Za putra i meda naj Bartol skrbi,
po sira i mleka naj Jakob trči!
Po platno Marica, po cvetje Barica:
to malo naj malomu Jezušu bu.

5.
Ti Breko s barilcem vu trsje šetuj.
Ti stari Lovrina ovčicu daruj!
Ti Ana daj lana, ti lmbro purana!
To malo naj malomu Jezušu bu!

6.
Dva mala golupka naj Magdica da,
po ribe i rake naj skoči ki zna!
Kaj goder imamo, vidimo i znamo:
to malo naj malomu Jezušu bu!

7.
Ti Luka šantavi na straži bus stal
Dok mali naš Jezuš u miru bu spal!
Polehko bez oči tak v dnevu kak v noči,
ter pasku marlivo na dete imaj!

str. 564

8.
Antonec pijanec naj duže ne spi!
Za osla i vola naj seno skrbi!
Kaj brže i bolje naj janjca zakolje:
to malo naj malomu Jezušu bu!

9.
Mihajlek pastirom rakiju naj da!
Kakva je, po čem je - najbolje on zna.
Pogače naj speče, vsakomu naj reče:
To malo itd.

10.
Napunjen Đurinec naj flautu pišči,
naj Dutko vu dude kaj more kriči!
Naj zbira vse note, naj veže sve kote.
to malo itd.

11.
Paviša punoga danese šefa
Naj se razveseli srce Jožefa!
Naj več ne tuguje, naj truda zabluje
z Jezušem, z Marium bežeč v Egiptum.

12.
Jezušek pak srce najrajši ima
ki Njega veruje svoj dar mu prida
s tim k njemu šetujmo, ter mu ga darujmo,
to malo itd.


file:///C:/Users/Korisnik/Downloads/Hrvojka_Mihanovic_Salopek.pdf
http://www.zupa-svkriz.hr/pjesme/html/o_kakva_to_svetlost.htm

Citat:
Božična pesma (CINKUŠI, 1998)

(tekst narodna, glazba narodna, aranžman Cinkuši)

Koj’ nebo i Zemlu na vlasu drži,
on za nas golotu i zimu trpi,
mu dare nosite, milošču prosite
jer ovo detešce svim dare deli.

Za putra i meda naj Bartol skrbi,
po sira i mleka naj Filip trči,
po platna Dorica, po lana Marica
To malomu, malomu Jezušu bu,
to malomu, malomu Jezušu bu.


Nastavek vuklučivo vide(l)o vezilo (link):
http://www.forumgorica.com/index.php?topic=1533.msg57157#msg57157
« Zadnja izmjena: Prosinac 26, 2020, 07:13:11 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg: P Oltar- POrtal naš svagdašni PObôžni i vragolasti/ O Kakva to svetlost (2)
« Odgovori #214 : Prosinac 26, 2020, 07:24:39 poslijepodne »
Citat:
Vezilo (link) vuz prethodni listek (post)
file:///C:/Users/Korisnik/Downloads/Hrvojka_Mihanovic_Salopek.pdf:

https://hrcak.srce.hr/104931

FA Šiljakovina
Božićni koncert 29.12.2012.
Župna crkva Uzvišenja Svetog Križa Kravarsko

O, kakva to svetlost, 03:19

https://www.youtube.com/watch?v=c3O2sfYIbps


« Zadnja izmjena: Prosinac 26, 2020, 07:34:42 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549

Offline Ljudevit Kaj

  • Jezerača
  • ******
  • Postova: 4057
  • Karma: +0/-0
Odg:P Oltar-POrtal naš svagdašni PObôžni i/Cirkve so otprte i naš Božek nas čaka
« Odgovori #215 : Travanj 05, 2021, 02:39:53 poslijepodne »
ZVONA, Mesečni list čakovečke žup,
SUŠEC (GREGURJEVŠČAK, PROTULETNJAK, OŽUJEK) 2021.

NEKAJ ZA ČAS KRATITI

Cirkve so otprte i naš Božek nas čaka!

     Kak vreme leti, makar ga je korona malo zabrenzala, ali sejeno prefletno ide. Nebodete veruvali, lani na početko korizme se je korona dotepla k nam na of naš Falaček zemle med dvemi vodami, a več je minulo vejč od pol ovoletošje korizme i korona je još navek tu. Nesam da je tu nek se i šepuri kak zagorski puran. Verjem da ste ne pozabili kaj nam je lani korona naprajla, za Vuzem nam je cirkve zaprla. Ne znati kak bode ovo leto za Vuzem, ali verjem da bodemo ovo leto na vuzmeno jutro nesli korpice i cekere z šunkom, jejcima, hrenom i drugim domačim oblizekima na posvečaje. Nebremo se pofaliti da smo sfondali korono, ali doktori so nas počeli pomalem cepiti protiv toga betega šteroga je nišči ne videl, a same nevole nam donaša., kak nam tak i našemo zdravičo. Kak bilo da bilo, ali naš dragi Božek je ne dopustil kaj bi mi jegovi verniki hitili puške v kuruzo, i kaj bi ostajli prazne cirkve, naheznuli smo si maske na gobce i vrnuli smo se nazaj v cirkve. Istina Božek, čuda nas je meje, ali saki šteri si oče biti z Božekom zdobra, saki šteri se oče žnjim pospominati more dojti jerbo so naše međimorske cirkve dosti velike tak da saki vernik ima polek sebe i svojega razmaka, a te razmaki so negda i vekši nek to iščejo naši tri mušketiri Beroš – Božinovič i Capak, jerbo je hajdi oni šteri so „odgovorni“, ostali so doma i ne delajo stisko v cirkvi i zato ga v cirkvi vejč razmaki nek ljudi.
          Kak sam vam več rekel, v korizmi smo, a korizma je navek bila vreme pokore, molitve, posta i pripravljanje za naš nejvekši vjernički svetek Vuzem. Navek smo iskali čega se bodemo vu teh četrdeset – pedeset dni odrekli. Znuom da bi se ovo leto si nejrajši odrekli korone ili pak potresi. Deca, a i mi malo puneši se navek posle pepelnice odrečemo cukori, čokoladi ili pak pijače, a kak dugo zdržimo kaj to ne počnemo mehnatiti sam dragi Božek zna. Moj pajdaš i vtrni sosed Pišta je sako leto znova obečuval da v korizmi ne bode hodal v krčmo i morem vam reči da je ovo leto bil čovek od reči. No, moramo deti roko na srce i pošteno priznati, pred Božekom i ljudima, da ga ne bilo korone, štera je zaprla se krčme, ne bi bil zdržal. Ali kak je bilo bilo je, soseda Pištija moramo pofaliti jerbo je još od Badnjaka ne bil v krčmi, a kak nam je Vuzem več pred vratima verjem da bode i do Vuzma zdržal. Kak je rekel, on lefko zdrži, ali ga jegovo ženo, kak spužva, telo furt vabi, bar malo, v krčmo i to na šank. Tak je bar bilo sih ovih let dok smo još ne znali kaj je to korona. Nigdar je ne priznal, bar nam jegovim sosedima i pajdašima, a na spovedi je brzčas župniko pošepetnol, je li je hodal v krčmo zbogradi pijače ili pak ga je tua vlekla natakarica Štefica?
          Verjem da smo se več privčili na maske i kaj nam roke pijejo vejč alkohola nek jetra, ali zato nesmemo zabiti da nas Božek još navek čeka v našim cirkvama, lefko ga bodete prepoznali, on jedini nema masko v cirkvi i ne išče kaj bodemo držali razmaka, očem reči, kaj bodemo čim dale od jega. Kak sam več rekel, cirkve so otprte saki den, župniki vas (nas) čakajo vu spovedalnicama tak da moremo i ovo leto srediti račune z dragim Božekom kak bi čiste duše i čista srca dočakali uskrsloga Isusa na Vuzmeno jutro tak da bodemo posle meše pripravleni za svetešji i blagoslovleni zajtrek.
          Srečnoga Vam Vuzma želem i nek nam Uskrsli da snage kaj bodemo zdržali to korono i dočakali dneva da jo bodemo sfondali.
          Ili kak je to rekel moj pajdaš i vrtni mejaš Tonča: - Ak imaš kakše probleme v živlenjo, moli se Božeko, ako pak te nikaj ne muoči, zafali Božeko!
                                                                                               Vaš Tonček!
Citat:
Š a l a  m a l a

Pripravnica
- Sestro, ste zeli krv betežniko v sobi broj 112?
- Jesam, gospon doktor, ali je mel jako malo.
- Kak to mislite, malo?
- Pak sam šest litrov!

Nastavek:
http://www.forumgorica.com/index.php?topic=123.msg57180#msg57180

Zvir:
ZVONA, Mesečni list čakovečke žup,
Leto XXVII, br.3, ožujek 2021. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/  , http://www.ofm.hr/zupa_cakovec_jug/
Naklada 1200 primerkov



« Zadnja izmjena: Travanj 05, 2021, 02:47:13 poslijepodne Ljudevit Kaj »
Švicarsko-nemački TV i radijski modél za spâs nestandardizéranoga kajkavskoga (čakavskoga)
(kajkavska, čakavska i štokavska inačica članka):
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23549/#msg23549