Kam vrag ne more, tam staru babu pošlje.
Bedaki niti znaju govoriti niti mučati.
Ako mu ko reče: črn ali bel, njemu je vsejedno.
Kaj Bog da, ni sveci ne otmu.
Ajd! hajte ite! najdete pri Ciganici kiseloga mleka.
Kakav človek, takve reči.
Bolje je sto nadeliti nego jednoga poiskati.
Deca i bedaki istinu govoriju.
Koji je sebi zločest, komu bude dobar.
Človek mora negda i vragu vužgati sveću.
Ne pehaj u ono kaj samo od sebe smrdi.
Već put morat je preštimati cucka zarad gospodara.
Lakše je ludsko delo kuditi kak bolše napraviti.
Hvala v žep ne more.
Ki se sam hvali, mala mu cena.
S kem ko već ima, već želi.
Hodi kak ti po jajcih.
Med ima vu vustih, čemer vu srcu.
Akoprem jezik nema kostih, tak vendar more kosti zdrobiti.
I črna kokoš bela jajca nese.
Izišel je iz konja na vola.
Kaj se od mačke rodi, vse po miših gledi.
