Autor Tema: 18. MALONOGOMETNA LIGA VUKOMERIČKE GORIC 2021. – MNLVG 18.  (Posjeta: 20081 )

0 Članova i 3 Gostiju pregledava ovu temu.

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #15 : Srpanj 08, 2021, 11:17:47 poslijepodne »
Bila si pri Muje
 V ranu petrovsku popoldnevku šank linija Šike obavla zajdne posle i završava pripreme za Ligu. Lučani su za tu posebnu priliku dopelali svoj pokretni vojnički kazan na kotače "TAM 110" v teroga je zapiknuta do balčaka kuvača z tere se puši bažulova juva. Čak je i prekjakodobra muzika pofalila bažul ali su se vnaprovo ogradili od, trajne,jel ,posledic. Kite na bori vuz kop su potkresane pak pogled puca jako dalko na grobje, tam negde do štihače za samoposluživajne, če ludi nečeju plačati velkomce da grobare. I za razliku od ove let da je "veliko" igrališče zgledalo kak gmajne z teroga su vuki pred pol vure potirali krave letos to več zgleda kak da tu ima čoveka. Kak bi to rekel još živuči Goran Bare, kam je nestal čovek. Trava je pokošena, mreže se nišeju na vetru a prigodno su nakolene i one kaj paziju da lopta nebi otišla v drugu faru če ju kakov raspucani Šiloakovec dregne na pijano z osečajem bez osečaja. Vatrogasci su letos pali kak žrtve "krunske šale", KUDovci jednak. Još se jedino male fudbalije drže kak božji volek za slivov list. Tu je navek bilo vedro i veselo jel je mikroklima takova da mami a sigurno su i podzemne vode tak skrižane da ima loše struje i za mejnu nuklearku, ajd, za frtal vekšu nek kaj je bila ona f Černobilu, da zvezda još razbeli piton, očeš-nečeš, ponoriš. Pametiju stareši tu berbu šamarelic, lovanje za gušu, igranje lovice, lanca probijanca i retke prilike da je nezadovol(e)na ekipa podigla bivak oko gajbe pive nasred igrališča tak da se iduča utakmica nemre odigrati, osim pod posebnemi uveti, ograničejni, merami i preporukami. E-e-e-e, baš kak, skoro, des.
 Des Gorencovi sinovi, i pridružene sile, imaju totalno popunjen program, zaostale utakmice, redovne utakmice, turniri, olimpijske igre, mediteranske igre, igre dobre vole, sto čudes. Ima samo jen prioritet f tem, veli Danijel, pazete mi na Zguru. Nek igra ali mi ga najte forserati ili, nejdajbože, da mi ga do potrga. On sam mora otijti pred popa pred ontar f cirkve, i sam se mora zaj*, kak smo se i si. A ne da ga moraju kumi voziti f tačka i potpisavati se zajnega, pak da smo si do groba na noš. A, Tigrili, ludi moji, a, Tigriči! Kak mački. Veliju bila je svadba na Opatije. Prava "starinska domača svadba". Svirala Grupa San Virovitica. Dale niš ni treba reči. O te se svadbe još leta i leta bu povedalo kak se i jeno leto pol Lige govorilo za dete kaj se na Kravarske rodilo. Čak su i najokoreliji manekeni Zagrebačke pivovare pod pritiskom posledic svadbe premenili tabor i potpisali za "Jamničku kiselicu". Jen čas. jeni drugi su pak potpisali za Zenunija. Veli, Kiki, kak tak moreš lizati taj sladoled, još bu i mene došlo, da se zdignem i otijdem pojnega. Ližem da mi leže zajde, veli Kiki.
 Teško donačinstvo ostavilo je traga na Bojsi, iako su povlekli z rezerve rezervu Mamič je okrenul broj z Stockeraua i Dolersheima i pozval dodatno dodatne snage. Veli, * te, ak se ovo ovak nastavi nam ni 25 igračov, iako je ni blizu tulko nemamo, ne dost. Am to ni američki nogomet. Ili kak ide ova reklama sat da ak kupiš kutiju nekakove metkov dobiš kutiju prve pomoči zabadof. Još bu došlo do toga da ak igraš v Breške lige dobiš osigurajne, pet kil gipsa, štaku i rezervne kotače za invalicka kolica gratis. Belomu su još navek jajca natečena i f krive boje, kazal mi je slike z rengena. Oditi more, bežati nemre.
 Završilo je tak da je Pavel pital, kulko je, jesmo pobedili? Ajd, dobro, fala * na udarcu. Utakmicu teru su i Bekem i Zlatni prepustili a Puki ju je rukovodil telepacki. Na druge strane Jura Špetrekov je zasel na vruču klupu Ilovače i probal telefonerati tam de ni signala. Signali su jako bitni. Jen od bivše ak ne i bivši ak ne i prvi da ne velim najprviji golmana Ilovače, kaj je v povesti Lige zapamečen po tem da si je za vreme utakmice v Dubrancu naštrajlil da ne `tonul pri golu, da se još igralo "dole", pri Potočiču malenomu, sel si je mam da je došel iza gola. Veli, nekak mi se dopada da osetim kak lopta ide prema mene, tak mi je kak da još navek igram. I Žac je imal čudne signale. Reko, Žac, za koga navijaš? Mili, veli,.. Kupa mi je telo, Ilovača mi je duša, to su moji. Sem ti povedal kak smo počeli, ne..? Pametiš, ne? I mam po utkmice Žac se distanceral od ove kaj vodu pijeju i otišel med "svoje". Na gajbu Pramenov.
 Navek je dober znak da si rezervnoga golmana mam na zagrijavanju česneš z loptum v jajca. To ti je kak da ti se božji volek zaleti v oko čez otprtu šajbu od auta dok ideš loto uplatiti. Dobro je kaj vu te situvacije imaš orginal golmana kaj je zapravo v.d. golman ali to opče ni bitno. Bitno je da je žena Sovu pustila na utakmicu, ak opere posudje, dve vešmašine veša, razvesi veš i narani svijne. Sova bi pal več na prve štenženice da nema dober 4G signal i memoreran broj od kuma, vi ga ne poznate, kaj voli VAR tehnologiju i filme stare holivucke produkcije. Veli, žena, mi,.. ja sem ovo rešil. Jel morem sat? Moreš. Drugi tjedem kuvaš obed. Ja ti obeda nem kuval! To si ti rekel... V drugem talu je rezervni golman postal glavni golman a glavni golman postal igrač jel se videlo da su je Gorenci dosta siluvali i da je sejeno do ga bu dobil i kulko ga bu dobil. Malo morgen.
 Mali Bunci su isto imali velike plane z golmanom. Veli, glavno da ima lepe tenesice, majcu i da nezna kaj ga čeka. Si rezervni i v.d. golmani su se zgovorili jedino Bibi ni imal pojma vu kaj ide. A i več je sigurno zabil kak je na Kravarske probal pomeknuti gol z "špičokom" a igrom slučaja baš mu je "grah pao" na Kravarsku. Pol ekipe više ne pozna, ni svoje ni nijove, ali je je upoznal. I svoje i nijove.
 Ono da ti lopta oblezne se stative i prečku i da ti ne zajde nutre trebalo bi značiti da tu takmicu neš zgubil. Trebalo bi... Ali ni. Obadi su se lovili sredine tablice i ne puščaju. Tigričem je prešlo v naviku da gubiju minimalno, ali gubiju. Jen mladi Obnad je z glavum probal gustoču šilakovskoga pitona i solidno je prešel a da je teri stereši, bez obzira na ekipu, veru, spol i naciju, to isto napravil, na lopate ili na rogla bi ga odnesli. Kak da avuto pogazi mačka. Dok Kalif tira biznisa v Kalifatu je raspašoj.
 Borba prsa v prsa, Sava Kovačevič na Boška Buvu, Crna Legija na PTS, Valter na Sarajevo, Ljubiša na Batu Životinju, šesta lička na prvu proletersku, Daihatsu na Seng Jong, Lada na Tavriju,.. Videlo se da vu te utakmice bu štofa jel su se šprajceri Kaubojov jako rano našli z litrum i vodum v ruke na terenu Kocke cukora. Komu ni roza megla zasvetila oko šeste vure popoldan taj ni nezna da se kuruza kopa a bome ni kaj znači da 92% selske Brebričev hodočasti nekam. Nekaj je divle v zraku a ni od bažula. Opča navala i provala je bila da su jem suci zabili gol z opsajda z igračem previše z slabo napumpanum neregularnum loptum. Mam su jem išli pokazati kak se Markuševcu drva nose. Da posle jenoga flipera, ali regularnoga, se 5, se po PS, ni da bi A rekli, jen od 92% selske Brebričev, a ni ni jen moj Rođo, zabija sucom, i zbija dva bode Tesarom, z tribine su se počela drva nositi rafalno. Ima jen problem a taj je da klupa Tesarov ima sliku a nema tona tak da misliju da se drva (od)nose na Lučelnicu. Posle utakmice po semi regulami fer pleja Števa ide v snoboke po dodatna pojašnjenja "v plavi Saloon" Kaubojov a nezna da je letos kineska godina Pokvarenoga telefona. Najvekši diler "drvi" gledi Števu i nemre prebiti kod na terem of pripoveda, kak da je se v šiframi. Veli, kaj ovaj oče, kaj me napada, am ja žnem nemam nikakve veze, čak ni slabe autobusne.
 Došel je Franc. Rekel bi Dado Gobac; Srebrne svinje lete kroz prozor, gledam sience fiction bal na votki. Of put je bilo na pive. Onaj osečaj da pobediš bivšega prvaka v zabijanju čavlov v zabijanju čavlov. Sigurno dober osečaj. Pefci fletno delaju razliku a Glumcom suci nedaju da se razmašeju, režeju je kak gladni v Afrike čevape. Taman da se činilo da se moreju vrnuti i protiv Badela i protiv sucov Pefci pak zabijaju. Marija na golu Badela prebiti niti pod "R". Ajd, da ga još fulaju, most bi još i bil gol ali saka ide vujnega kak f kuminu. To je valda genetika, ili to tak dojde po mesecu, i mati mu je imala taj dan pretplatu na loptu. Da je on Marija, a ne Marijo, v prve minute utakmice bi ostal v drugem stanju. Ovak je ostal v blaženem stajnu, golmana pobedničke ekipe. Šebeki su `zostali, oni ili igraju si il ne igra nigdo. Martin je glumil Fabija Kapelotija, i Ivicu Kosteliča na bolovanju. Buna si je priuštila bivšega-bivšega golmana. Kaj reči? Mora trenerati. 5% je talent, 5% je trening a 90% je sreča (kombinacija pive viška i titranja mase v jedinice vremena kroz nasumični put puta slučajni pad plus refleksni trzaj krivum rukum kroz broj odskoka od podloge).
 Veli Pejo, paperi su gore, predal sem papere za penziju, probal sem ali nejde. Imam volu ali kakov steziman me bu na golu fundal z loptum. Buduči da Šika igra doma išče se karta više, iščeju se veze da se bar malo proba asfalt. Nigdo nezna do je izbornik a Mrkiju je laket poplavel kulko su ga netezali. VIP loža se malo jako puno preredila, il više ni IN il je više OUT. Znameniti Šilakovci, i Bunci, su se razmileli oko igrališča kak Rakova deca, nemreš je pratiti, osim ak ne zanemariš Događaj godine na Šilakovine, alias "Šilakovina na Šilakovine". Muža je napravil se kaj je bilo v negove moči, tera ga je got pogodila odbijala se odnega kak od štagla (to Pejo nemre), napad je poginul da ga kvalitetno zatira med stative ali Fortuna je ostala i gluva i slepa i nema na nijove vapaje, da ne velim krikove. Od Apsa "mali" je letos premenil relativni put Šike čez vreme i prostor gledeč efektivni rezultat. Ni to napravil sam ali razlika se vidi. Ko kad Pejo ni na golu Robijašev.

Do se po istine pomogel. Najte kaj zameriti.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #16 : Srpanj 10, 2021, 10:53:32 poslijepodne »
7. kolo - 10. srpnja 2021. 15:00, Velika Buna
Lučelnica   -   Lijevi Štefanki   3:1
Pokupsko   -   Donji Hruševec   1:5
Gornja Opatija   -   Kozjača      4:3
Velika Buna   -   Šiljakovina   3:3
Gladovec   -   Opatija      0:4
Strezojevo   -   Dubranec   1:5
Kravarsko   -   Markuševec   4:0
Gornji Hruševec   -   Mala Buna   0:0
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #17 : Srpanj 11, 2021, 12:00:22 poslijepodne »
Nes...ja...3x7
 Zamalo me šlageralo i prvum prilikum da vidim bivšega šefa pišem prijafka; meknuli su z južne strane "transparamentol". Lako za "transparamentol", nek kaj je to jedina ladovina , osim bandere, na južne strane "Križajne". Pogorelič, samo tak. A Križajna je još navek "klasična" i zgovor zakaj je takva je "klasični"; tu non-stop negdo igra. Došel je i novi rent-a-sudec; dve se utakmice mazal z kopertonom da ne zgorel. Veli, lasi nema od drugoga leta, prije je zgubil lasi nek preodil, Marcel Tutu Kolina je goli pimpekijaner zajnega. Na istočne strane Križajne j krumper, i to ni baš bog-zna-kakvi da se vujnem bez vekšega intelektualnoga i fizičkoga napora more najti lopta, a na severne su iskusni Bunci ostavili komad zemle pod dračom, ionak ovi fudbalije se zmalčeraju dok ideju po lopte, dok je mam posle toga drača rezerverano mesto za vugorke, paradajz, mavune i sl. Do onut lopta valda nemre. Idem posle Lige ostaviti aparaturu v trulu korsu da proste ruk morem nekaj vubiti oko šanka kad eto ti Lepoga Nene nosi v rifuze poker žujine proizvodov, nezna kaj bi žnemi. Veli, jel tu de ima kakov šekret? De se tu ide scat? Ma, reko, tu moreš mam iza ove trule korse, to ti je moja imovina. Kaj da ti avuto zapišam!? Jok, Imbra, okreni se kontra. Idem domom pak na iste dispozicije Lepi Neno v povratku. Reko, kaj si pol vure zapišaval trulu korsu. Ma, jok, to mi je drugi put, dej budi točen. Ajd, sat reči... Tu je Grat sponzor, kaj ne. Da nisu mogli dva toje-toje tu dopelati... Ajd, zamisli da sem z ženum, i kaj sat, kaj bu ona... Ma, reko, zemeš ženu pod ruku i pravac šuma prema Klučičkomu. Malo ti bu problem nazat jel je baš žičara na redovitem servisu ali još navek morete potegnuti prema Grobju ili Vojarne... Ti znaš da ja nosim gelere po sebe još od `91... I, kaj misliš da se pem takov * pet kilometri dale radi pišajna?
 15 do. Bojsi su na 2+golman. Tesari su se fajn  skupili, još se trebi ona utakmica na Šilakovine. Saki su dopelali svoju plavušu, jako lepo za videti. Veliju Pirše staromu, dej se odi presleci, za 15 minut igramo. Kaj se bum preslačil ak nas ne dost. Veli, na fejsu su si potvrdili. * te fejs... Vgalavnem, Bojsi kak 102 plivajuča ulaze v utakmicu z marša v forseranje vodene prepreke. Igra se z dva rezervne golmane; rezervno rezervni brani a glavno rezervni igra špicu napada. Drugi slobodno kruže zmed dvemi golmani kak sateliti. Bojsi imaju šanse za vola vubiti ali ju prerivati iza golmana niti pod "R".- Zlatno pravilo, posle rafala promašajev Bojsov Tesari jem ga mečeju z jene kontre. Onda je počelo kapati. Prilike su se preredile a Tesari koriste raskoš duge klupe. Onda su Bojsi rekli da bi jem bilo dost pak su se prešetali van.
 Mam se videlo da bu tu bilo sega da je Iva Godinič došepal na početku prve utakmice z jakum postavum MIPove manekenov. Gabaritno i iskustveno jaki mam su si napravili mesta do zapisničkoga stola da kontroleraju i igru i suce i ove kaj motaju semafor. Ak kaj pojde po zlu mam se uletava i deliju "vaspitne". Štršani jako jaki, si su tu od dede do nukov, osim 20% bitno-nebitne. Prvi napad, mreža se trese, Rambo vadi loptu z mreže. Par minut posle, ista pesma. Veli Gorenc, pustet vi to, znali smo mi i bole utakmice gubiti. Goran Ivaniševič je goli * za nas. bruno vrača nadu Štršanom ali... Nada je ... Posle kvalitetnoga "gukanja" Štršani su se stabilizerali a Sinovi zgubili motiv, ili jem se nišanska sprava raz*.
 Si Šebeki su došli v drese, si Pefci su došli v drese, i Vaso ga je dobil, i donesel. Najprije mi ni bilo jasno koji jem to * piše na pleče jel nikak nis mogel prevesti. A trebalo je samo prečitati; "Nes...ja...3x7". Futači jedino Števu, Gabijevoga brata, nisu oblekli v dres, i Mamiča, on je pelal prasicu pod bika. Badel kreče furijozno, nametnuli su svoju igru Futačom, Mamičeva arka škripi na se strane dok ju Badel torpedera. Jake snage navijačov, i bivše igračov, Badela tam negde spred bine nosiju ekipu, i mrzle pive. Dok se tam negde oko "kokošara" ni prelomil glas; "Kapetane, preuzmi komandu!" No.1 OFK Kupe dela "Sistem restore" i vrača stvari na nijovo mesto. Skoro saki slobodnjak mladomu Mariju na golu Badela stvara bore na čelu dok se od "kokošara" čuje; -Evo ga!!! Evo ga!!! Evo ga!!! Probal je Marko preuzeti komandu i napraviti rošadu ali Crni je skros ponorel i samo je zabijal.
 Bradekov mali je, navodno, potpisal za Inter, ovaj naš, Inter, zato ga ni bilo v prve 11 Šike. Nema veze dok imaš policajca kaj zabija ko lud. Dok je išlo. Šprajceri Šike se baš nisu pokazali i da ni bilo Buše kaj jem je spašaval čast, bilo bi kak na opere na ukrajinskomu, bez filharmonije. Klupa je druga stvar. Tona je poderal glas i đone dok je pisal usmeno prijafke, žalbe i izveštaje. Isti onaj Tona kaj je jeno leto nosil majcu "Bole iti z beciklinom v bertiju nek z mercedesom na posel". Pogodete kaj sat vozi, a ni beciklin. Onda `Uđberov mali pali raketne matore. Fauli padaju na "rafalno". Da je Beli bil on se opče nebi snašel v opče gužve fauleranja i ozleđivanja. Pod Križajnum je sigurno negde izvor svete vodice jel si kaj jedva zijdeju van za par minut uletavaju nazat nutre kak da bi je z razbelenem šarajzlinom dregnul vrit.
 Ste gledeli Spašavanje vojnika Rajana? Da v jene bezvezne bitke, kakve je rat pun, Doktor popije metak? I sam sebe dela trijažu? Tak je nekaj bilo i v Spašavanju vojnika Dumbe. V jenem driblingu noga je ostala stati na krive strane. Dumba išče mobitel, nazove si hitnu i problema nema. Koja kontrola! Da kontroleraš situvaciju problema nema. Problem je bil jedino kak v maksi selu najti mini ekipu ali to je več jen drugi film, komedija strave i užasa. Šakijev mu(ški)harem je i prije situvacije rešil svoj status, i v utakmice i na tablice. Tak da su, da su zapakerali Dumbu i pripravili ga za dostavu, jene mrzle legle ko budale šamar.
 Novi dresi, mislim, most nisu novi nek su friško oprani. ali... Letos se nosi belo. Si su kak mladenke ili sneje. "Belo mi obuci nek liči na radost, otpri jene mrzle da ne mislim na gadost", ili tak nekak. Osim direktora momčadi, on nosi "oker". Ovekovečeno, Za uspomenu i dugo sečanje, Foto Davidovič, Novi Pazar. Na početku Ilovača zabija prvoga ali Robijaši, ne odma, ne mam, ne sad nek istoga momenta zabijaju za poravnanje. Se drugo zavisilo je kulko bu put Ilovača pogodila il uspela fulati Mužu.
 Veliju Kauboji, nam još navek ni jasno kaj ovi z Lučelnice očeju odnas. Napadaju na Jožu Milicajca, se nas napadaju a nam još navek ni jasno de je problematika. Ali, nema veze... Zutra buš ti videl, zutra buš ti videl fešte. Dvajst nas dolazi v Gladovec. Nemo zeli litru za gemište nek pet. Ali to bu zutra. Des su prekjakoneugodniiopasni Leptiriči pojačani z svojum brojnum kazališnum publikum (ni Jože Domitroviča da veli reč) demonstrerali (nad)moč kravarske škole nogometa. Na alkoholnemi (a)steroidi. Čak niti izleti golmana Kaubojev v špicu napada nisu donesli nekakvu promenu, njem. Da je hitil sidro pred golom Kravarske to bi več bila intersantna i još tero leto spominka vredna pojava. Ovak se najviše napatila šank linija Bune.
 Ludi moji, jesu se oni nabežali. Jesu se oni nabežali, ludi moji, za 0:0, a i mi struje potrošili najne. Takoreči domači teren Male z Bune; to se doletava na friškomu Njufukasakiju bez kacige i z pivum v ruke. Ono, domača atmosfera do jajec, samo još fali domača živačka juva z domačemi rezanci. Osim kaj je to domači teren Malem z Bune to je i jen od omilene terenov Mame z Gornega Ruševca. Of put dekice su izostael ali su zato brižne mame pazile da se Prestolonasledniki ne raspaseju predalko od (dečjega) igrališča. Da je sirena oglasila kraj opče opasnosti od nogometa za Bunu i okolicu malo kaj ni počel vatromet na polovice Male z Bune. Još je jen bod uspešno apsolveran. Podignut je mam bivak na polovice i bez logorske vatre prepričavale su se dogodovštine z utakmice i vrtele situvacije i moguči zapleti i raspleti. Ali, kak je taj čovek v črlenem imena Igor Hrenič branil na golu Vrapcov to več zasluživa posebnu knigu. Ni drugi golman,v.d., stanoviti boksač kaj su ga radi prepoznatlivoga stila zvali Kovač, ni se sramote naužil. Tera mu je got v ruke došla ni mu vušla, tera ga je pogodila ni mu zašla (v gol), tera ga je fulala ni mu naškodela. Gledi Šmajhel, i pati!

Najte kaj zameriti. Do se od istine pomogel.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #18 : Srpanj 12, 2021, 04:34:49 poslijepodne »
8. kolo - 11. srpnja 2021. 15:00, Gladovec
Opatija      -   Mala Buna   0:1
Gladovec   -   Pokupsko   0:4
Kozjača      -   Lučelnica   0:5
Šiljakovina   -   Gornja Opatija   1:2
Donji Hruševec   -   Strezojevo   3:4
Lijevi Štefanki   -   Kravarsko   2:6
Dubranec   -   Velika Buna   3:0
Markuševec   -   Gornji Hruševec   5:2
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #19 : Srpanj 15, 2021, 12:42:52 prijepodne »
Ovakovu repu nema celi Zagrep
 Pol smo prešli. F Potkupinju novi Macolin društveni dom, f Domu šank, na šanku vese stare kuke kak špeki i da do dojde mahneju z rukum. Ili tiraju obade. Osim šanka v Domu je i Draš, na Drašu fertun, kaj bi trebalo značiti da se nekaj "čvrlji". Reko, Draš, jel bu to kaj k čemu? Veli, moraš probati. Je, tak mi je i samomu; da kuvam za Majmunovo, si su "jeli doma". Igrališče pameti i bole dane, veliju da je podloga zahtevna za zalevajne, voda samo prejde čez pesek kak pezdec čez tange. Išče se mali šarafcegar, imbus 7, torx 2, rolcange i čekič 5 kil za štelanje semafora. I fino podešavajne fine mehanike i elektronike. Na šumske magistrale su se malo zdošle "klupi" od plajnki od pokojne štale a nima je do serviserati. Treba bi je v Nemačku na Institut za stare plajnke voziti a korona je, a štrajk "Kmetijske zveze Slovenije", a B. Veliju punobrojni i mnogobrojni izvori nepoznatoga porekla da je dobro kaj su napravili dom bližeše igrališču jel sat ni ni 500 metri do šanka i ne moraš pisati pokaj si pošel da nebi zabil. Prije si moral čekati ZETov autobus da te otpela do tam, če ni nedela ili gužva. Pak meči masku, pak kondukteri, pak plačaj kartu, pak krivi peron, pak krivi kupe, pak of puši, pak of pijan, pak ova posebe razlejala flašu parfema, ovomu noge imaju duvu, of je doma kisal zelje, of zija non-stop v telefon kak tele v štalska vrata,.. To ni smetalo Ive Domitroviču da potpali svoju novu vozilicu samo radi par pivi, gemišta i vode. Pusti, veli, kaj če su putokazi krivi pak krivo skrenem i zabludim. Ovak bar morem, če niš, prespati v avutu. Tu su blizu videli medvede, po šest metri žive vage imaju. Saki. Glava je jena, * ti to. Na Breške TV se gledi kak si je Dumba nogu strgal. Trebiju se utakmice, z minute v minutu, ove naše, ne one z E-nogosmeta. Fino kakio, može dalje.
 Duba je zmršavel, čudo jeno. Ni ga za poznati kak da je opran v kipuče vode. Saf se skočil. 50% ga fali ali ovo kaj je ostalo brani kak celi. Kak Prva proleterska, pol nas je poginulo, pol nas je ranjeno a z ovem kaj je ostalo računajte kak da smo f punem broju. Tigriči su se skupili v solidnem broju kaj je več više pravilo nek iznimka otkat je vojke preuzel Kalif. Mali Bunci nikak obleči nove drese. Il su jem to za v šumu il su jem to piđame, vglavnem, na Ligu je ne nose. Samo se nosa Crna Legija. Na golu je Mali Zeleni, of kaj mu je gol do ramena, smenil Reniča. Veliju, Reniča čuvaju samo za odlučujuče bitke. I da ga žena pusti siže van, a on uspe pobeči na nogomet. Pomalo se stara ekipa "grupiše", još bi tu moglo biti sega. Straško je najavil svoj veliki "COME BACK" čem doktori v Draškovičeve zdigneju palec gore.
 Ovo se ne pameti još od prije nek je Mamič zel vojke Futačov do kraja v sve ruke da domača ekipa nema kvorum ili da ima mini-mi ekipu na domačem terenu. Da bi Švabi bili ovakovi kakvi su sat Mamič je potrgal dva biče, resovu i za mejni vrčak bažulnakov. Jel budu v Gruntovcu prevladali Presvetli, Barulek, Cinober ili Tetec, jel budu dok se oni ne dogovoriju ili dok jen ne prevlada Dudeku ofce su šenicu popasle i zagazile i jel se bu pojavil kakov Boro da se to pretrgne prek kolena, da ne velim prek *a, hiti v živicu i pojde spočetka. I ovak oskudne ekipice posle kurcšlusa Dumbe pripetila se nova ozleda. Dumbe, Tinče,.. na klupe za ozleđene se pridružil i David Borin. Medo je več na li-la posle nezgodnoga sudara z loptum i jedva čeka da ga žena spasi 28-oga. Stare kuke veliju da oni bi, ali "ni broja". Poprilično je duga i ona klupa za "ozleđene" igrače kaj su na bolesničkomu pomazanju jel je boli *. Ovakovu priliku bi i Bebe skoristile da se domačinu krvi na tenku slamčicu napijeju a kak nebi Štršani vođeni killerom Brunum, ubrzani hitronogem Bašičem i razigravani mudrem Dedum. Zakaj mudrem? Zato kaj je muderost spoj iskustva i znanja a ak ga on nema neznam do ima.
 Posle 2:0 več je Franc vikal, dobro, dosta nam je, sviraj kraj. Pak, kam bi kraj sviral am još nismo ni 3 minute odigrali. Dej onda taj-maut, dej pivu, dej kaj daš samo da ovo prestane. Marko je zagrijavanje počel z jenum pravum lambadum, plesom smrti, prljavem plesom iliti kurotresom, ono, da čas mlatiš z pimpekom po prsima čas po kolenima. Si su Šebeki prešli i zagrijavanje i podgrijavanje a skoro si su i igrali. Skoro na nivou "Pevec grupe" na Turniru Lige na Ruševcu. Veli, slikaj ovo, mali, za bertiju, i napiši "prvi put v povesti Lige četiri z iste iže na terenu v iste ekipe". Na druge strane se ludi pitaju da de je Joža. Brojna svita z ne tak blize Lučelnice pohodila je previkanu ladovinu Potkupinja. A i ladovina je otišla pomalo f * ak jem je trebalo zlejati bar tri gajbe v kiler da bi se oladili. Veliju, Jože je noga pocrnela, skros crna. Si su se mam složili da to opče ne mora biti problem. Veliju, crna boja ti opče ni loša, crna ne boli. Ove druge, * mater svoju, boliju. Crne se opče ne moraš bojati. A, da se nije kalemio? A? Da se nije kalemio? A? Da se ni cepil? Oče to tak da ti se potprogrami posle pomotaju, "plavi ekran smrti", "blesiranje sustava" i tak to... Ma, mi sumlamo da ga je kobila ritnula da je išel pripuščat ali...
 Joža je bil izvan sebe, piva mu se greje v ruke a nemre nategnuti jel ga ovi na terenu * kak kauboj kojna. Da treba iti nutre on ide van, da treba van on ide nutre, motaju loptu po petercu dok si sami ne zabiju gol. Ni to više mogel gledeti, pomeknul se dva metre dale, i pak si ni popil. Mamič je došel za rana, letos ne * sponzorske majce ni 2%, samo z placa. Pogledal je svoj savršeni stroj za ubijanje jel de treba kaj podmazati. I Števa je tu, Gabijev brat, ak budu baš si ozleđeni kak Buč Kasidi i Sandas Kid, da more braniti boje i čast Švabov.
 Veli, dečki,.. najte se opče trošiti f prvem talu jel se kamere Breške TV paliju v drugem. Ste videli kak se potepel gol Marku? Dal je gol na Bune Ilovače samo takov, strajnskomu sucu je pukla guma na gača da je videl kakov je to gol bil, ali kak da se niš ni trefilo jel ga of prnjatar z Kurilovca ni snimil. Ali je zato snimil 800 golov od Ilovače kaj su nas nažbukali kak bosanci štalu. Pejo se oblekel kak Deda Mraz za Badnjak, veli, "crveno obuci". Gorencovi sinovi krečeju kak Markus Gronholm v letečem startu, goli padaju, padaju pete, dijagonale, paralele, vertikale, se fele nogometne geometrije. Se ide da nemre bole biti ali Danijel ni zabil reči babe Atifa stare jen dan; "pustete vi to, znali smo mi i bole utakmice gubiti. Goran Ivaniševič je goli * za nas...". Zmed prve i treče bore na čelu mu se počela javlati druga, videl je da tu nekaj ne štima. Se ide a niš ni normalno kak da je Robijaši navlačiju, kak da se tajiju kak stari lisjak med tremi cucki. Da su se kamere Breške TV prižgale pukel je glas Potkupinjem "Saaat!!! Vataj je žive!" Muža više ni mogel zbaviti zabetoneran na golu sputanoga karaktera i ograničenoga mimohoda. Kak da bi cucka na večer pustil z lanca, on je i bez lopte štel vlesti v gol, "Mike Gunner" ga prati v stopu a gda-gda i prestiže. Ludi se križaju iako se cirkva ni nevidi. Sunce te nesijalo, jel bu ovo kak dan prije Velika Buna - Šilakovina. Još i gorje! Robijaši su izvan sebe, Sinovi su v sebe, si se čudiju de je nestal Goran Bare. Danijel je mam po utakmice išel čestitat Slaveku. Veli, Slavek, osnivam još jenu ekipu, Mipovi mališani, kupujem, kaj košta da košta, napiši broj na salvetu, odnesi tajnice i smatraj to rešenem.
 Bojse se kvalitetneje * kvorum. Rezervno rezervni golman je postal standardno rezervni na golu a rezervno pomočno pričuvno zamjensko pomočni... Se ni pojavil. OPG Gudič ni da bi z * mrdnul i pomogel ekipe v tere je mladost ostavil nek samo žmiče pivu i vrti stare uspomene kak se tu negde kališal pred jeno sedem let. Veli da je traktor otpelal domom ali ne pameti, v ove tjeden dan, jel vrata na garaže zaprl. Oberštrumfbanfirer Kravarske je došel za rana, doma si je čvaknul pol vijagre, i zasel za zapisnički stol otkut je mogel kvalitetno pod*. Na kravarskem rezervnem terenu teroga, v ove više deset let kaj ja ovo pratim, nisu nigdar koristili skupila se lepa vrpa kravarske šprajcerov a bilo je tu, bome, i igračov, razne namene, stanja, statusa i kalibra. Vreme, boli glava, duža klupa, dušu dala.
 Kak da su počeli godišmi na Bune, a, bome, poveda se da je bilo i teško domačinstvo. Mnogi su zalegli na kučne nege, nekteri svršili v kučnem pritvoru, ima i one kaj jem se datum pomeknul a i one kaj su zamrli prije bolesničke posteli. Onaj poduhvat kaj su doma napravili protiv prekjakonezgodne Šilakovine očito je zel danak. Žac si je otprl bolovanje samo za nedelu. Mir, tišina, horizontala, lagana jušica kaj dušu leči, rasol, vreča z dve i po kile leda za glavu, usw. Na 2:0 ni počela padati tuča, nekakva niščetna kiša se počela spravlati ali.., i Glumci nisu uspeli okrenuti rezultat. Deja-vu, premeni svečice.
 Veli, bu nas došlo dvajs`. Je, na zajdnu utakmicu. Pametim ja i bole dane da se i vu vekšem broju na Lučelnice šank otpiral i zapiral, nekakva druga vremena. Obadi su skoristili blizinu (dobro)susedskoga igrališča i brojno pohodili event. Kauboji su Obadom teško pali iako bi po naravi problema trebalo biti kontra. V očekivanju kiše.

Najte kaj zameriti. Do se od istine pomogel.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #20 : Srpanj 15, 2021, 11:31:07 poslijepodne »
Milan Juzbašić - Džeki; Gledam Sisak (a vidim Bok, Palanječki)


9. kolo - 17. srpnja 2021. 15:00, Kravarsko

Mala Buna   -   Markuševec   - do v sobotu more skupiti više igračov i to još v radno vreme

Strezojevo   -   Gladovec   - jel Gruntovčani moreju vrnuti Kravarščanom šankovsku kvantitetu i jel Robijaši moreju ponoviti epizodu protiv Dolnega Ruševca

Velika Buna   -   Donji Hruševec   - tu te vrak *i

Gornji Hruševec   -   Lijevi Štefanki   - Obadi su znali na betonu gubiti igrače jel je ruševečko srce jakše od fizike, Obadi bolovanje a Bojsi GO

Pokupsko   -   Opatija      - bratoubilački, mala prednost Štršanom iako... Tigriči su kak mlado vino, nigdar neznaš kak je šekret dalko, jel preblizu ili predalko

Lučelnica   -   Šiljakovina   - nadamo se da je Joža z Lučelnice prestal crneti da nemo gledeli dva Patrice Lučane, ak je Mika Bradekov povedal svoje zavo leto na Lige prednost Tesarom

Kravarsko   -   Kozjača      - iako je "osakračeni" program zajdna budi nadu da budu si z bliže okolice Križnoga brega potegnuli iako je najavleno mokro vreme zvana a potvrđeno mokro vreme za znutra za Badel, razlog više da se si stisneju v intimne atmosfere Doma vuz nekovu kvalitetnu muziku kaj nezna za pojam "tonska proba" i kaj nezna stati da počme, ona od lani more i letos



Milan Juzbašić - Džeki; Izadji mi na sokak (Toni Tonka, curo slatka, suknjica ti kratka)


Od jedenajste vure do pol četere...

Turnir MNLVG - 18. srpnja 2021. 11:00, Mala Buna

11:00 Markuševec - Šiljakovina
11:35 Strezojevo - Lučelnica
12:10 Lijevi Štefanki - Velika Buna
12:45 Donji Hruševec - Kozjača
13:20 Opatija - Gornji Hruševec
13:55 Dubranec - Pokupsko
14:30 Gladovec - Gornja Opatija
15:05 Mala Buna - Kravarsko

... a posle kaj Bok da i sreča junačka do osme vure na večer
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #21 : Srpanj 15, 2021, 11:31:43 poslijepodne »
Bo Derek, "Ten"
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #22 : Srpanj 17, 2021, 10:03:49 poslijepodne »
9. kolo - 17. srpnja 2021. 15:00, Kravarsko
Mala Buna   -   Markuševec   1:1
Strezojevo   -   Gladovec   5:0 BB
Velika Buna   -   Donji Hruševec   1:2
Gornji Hruševec   -   Lijevi Štefanki   2:4
Pokupsko   -   Opatija      2:3
Lučelnica   -   Šiljakovina   1:3
Kravarsko   -   Kozjača      5:2
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #23 : Srpanj 18, 2021, 01:32:24 prijepodne »
Da Lesi skuži da se ni vrnul domom
 "Karilovce" pada - brisači na 2, na Bune suša, pri Dalekem Vodu se kuruza oče posušiti. Ajda, sad ti reci. Čera mi ove me babe, susede, vele; jooooj, da ne prinami kak je `Nemačke. Reko, niš se najte bojati, prinami nigdar ne kak je `Nemačke. Istina. Da se ova jena od pripovesti z jezero (1000) i jene noči kaj se zove Breška liga kaj vam ju poveda Šečerodozada prebija prek se granic, i to bez mazge i kalemljenja, više ni niš novo. Sad su došle of spektakel snimat i Al Đazira Agram i Federalna TV i TV Unsko-sanskoga kantona i Kantonalna TV Tuzla i TV Brčko distrikta i TV Tri Korane i tri mosta... Veli Števa, vi ga neznate, da su zeli kobase pri Božirkoviču, ni nega neznate, i da su taman. Da su dva zrna jače bilo bi preveč. Do got prigovara da su prešarf manualno se skida z * karate potezom vuz pitajne "Jel imaš planinarsku?". Zeli su vreču i pol od umeta i nisu je mogli nakuvati kak su išle. Pitaju Kauboji, kakvo vam je vino. Veli, niš se neboj, samo pij. Mi ga več dva dane sprobavamo i još smo f komadu. V glavu oče, v nogu neče. I tu ti kvalitetu garanteramo do 10. Kvalitetu kak da ga je Jezuš delal. Posle 10 točimo ono ze "Svadbe f Kane Galilejske". Da smo več pri Kauboji, mam su pripretili sucu. Pazi kak sudiš. Bil sem na spovedi, naj da bum pak zutra imal matrijala za spoved. I Joža bi rekel teru ali još mu se ni vrnul dober glas, slike ima a od tona samo pišči. Most bi treba malo antenu poriktati. Da smo več pri velečasnomu Kravarščani su za zapisnički stol pripravili i stol i stolec s Farofa. Veli, Bok čuva a njem ga tak skoro ne treba. Kak je rekla stara Domitrovička, ja cirkve nem doživela. Da jem za Selečki most ni dost 5 let a saf jem je matrijal spilen i trune na skladišču... Ja cirkve nem doživela. Veli, znaš kak se zove ova rupa tu dole. Škerjavička. Reko tera, jel ona f šume ili ova na igrališču? A, veli Števa, vi ga ne poznate, to ti se budu rešili Evropski fondi. Ta rupa je goli * zavo kaj se tu dela, tu ide park na dva nivoa, multifleks kino, podzemna garaža na pet katov, golf teren, "pametna" fontana, kak v Zagrebu, voda ide direktno z Kravarsčice i šprica v zrak v semi farbami, bojami i dezeni, posle ide na prečistač i direktno f Kupu v Leve Štefanke, zološki vrt, malo vekši nek onaj na Novem Brdu, ipak smo mi Glavni grat Opčine, vanjski fitnes, multikultifunkcionalna dvorana za se sporte, od šaha do trke konjske zaprege i slonov, žičara i uskotračna štreka do Burdela, trajvan "za po Opčine", metro do Erodroma i štreka "za do Kupe". Za prvu ruku. Za drugu ruku se organizacijski dobro napraviš ali ti se namrda nekakva svadba pak imaš utakmicu mejne. Nema veze. Događa se. Prošli tjeden napraviš "istovar" na šanku v "dobrosuseckomu selu" a "dobrosusecko selo" k tebe ne dojde ni na utakmicu. Nema veze. Događa se. Kiša te * ko kauboj kojna, vesi kak "sveča" z krova, nit pada nit je bez padajna. Nema veze. Događa se. Lani gusteše, letos redeše. Nema veze. Događa se. I sat ti budi organizator...
 Snimam ja tak jeno leto najavu za Ligu, potrošil 13 dan života a nis ni se uspel snimiti, i pitam ja tak Zlatka zakaj se Vrapci zoveju Vrapci. Veli, oni ti non-stop nekaj živkaju, ne jako, ne dereju se, nek baš onak kak vrapci. I des sem to prvi put skužil. I. Stvarno, ludi non-stop nekaj pripovedaju, šestosmerna komunikacija na semi kanali je otprta i nema šuma, si se razmeju i nigdo ne staja. Ali, kvantiteta je došla na najjače. I Strašku su doktori v Draškovičeve zdigli pravi prst i on je z klina pak zvadil tenesice i zabrodil v nogometne vode. Malo bi trebali još podelati na nadzorne tehnike za golmana, nabaviti par lovačke kamere ili kakov pešački radar v NATO standardu jel mu se lopta gubi z vizualnoga kontakta kaj taktilno zna biti, ovak, dosta bolno. Kauboji su si pripravili najbole sedeče mesto za gledeti svoju utakmicu samo su se malo za* kaj su naprovo ostavili jeno prazno mesto, da bole vide. Tu se naj* trokrilni Dragec i razj* jem su pripremu i organizaciju i nastupila je vumentalna masovna rošada, preskakanje, pretecanje, zaobilaženje, prestrojavanje, zaskakivanje i naskakivanje da anuleraju mrtvi kut kaj ga je vu momentu napravil Dragec. Glavno da su si ostali živi. Da je stari maček Mac dregnul gol v pokušaju da doda a lopta je v opče nedoumice nekak završila v golu Dragec je skužil da sedi na krivem mestu ili kak bi se reklo da je stal pred rudo. Ak nis fulal prvo slovo. Dugo je prešlo dok na druge strane i Hrvoje ni probal dodati ali nesreče se događaju a i goli jednak. Iako je bilo jen-jen zajdni zvižduk su Kauboji dočekali z rezignacijum ko "dan kad je otišo Hase/Zabranjeno pušenje" a Vrapci "ko da su Brenu". DVAPUT.
 Utakmica nije odigrana, vidi uvod, ak se to uvodom more zvati. Robijaši su dovlekli skoro se kaj je za nogomet sposobno, navijačice na srednje, Pejo je povelekel papere za penziju "odozgor" samo radi ove utakmice, Muža koše pene i jedva čeka da utakmica počme... A, Gruntovčanom se špaga zavuzlala na balerke pak celo selo popravla. Osim Koste i dve Posavcov kaj su bili spremni igrati i viktorije na jen gol z Robijaši samo da se utakmica odigra. Jedino kaj je popravilo dojam je da je Pejo preglašen za igrača utakmice, iako, to ni pravi termin, jel on ni igrač nek golman. Nema veze, ja plačam struju.
 Čem Veliki Bunci ozbilneše svačaju utakmicu i nogomet to jem gorje ide. A i prognoza rezultatov zavisi o tem kak je i kulko je mokro sejnal Žorž. Veli Gorenc, dan je ubibože, još ako me Glumci namažeju... Stari `Uđber nikak nemre prežaliti dane "Plavi 9" a ovo se mu je nikakvo. Ono je bil nogomet, da jenm igrač predribla nje 6 i golmana i zabije gol. To su bila vremena, a ne ovo. Reko, da jenoga predribla, ovaj drugi, iza njega, v kalibru Tomasa, ili Babrige, bi mu potrgal noge. Tak da više v ovem životu više nebi više driblal. Nejde jenem, nejde drugem ali Veliki Bunci bole koriste Seku Aleksič, iskoristi moje mane.
 Bojsi su konačno skucali ekipu z više od jene zamene. Na golu je orginal rezervni golman, došel je i Čun, pobral batin, most ga zutra nebu. Čega su se pak Obadi nafulali. Na gol su deli Stepaniča, vele, golmana ionak nigdo ozbilno ne doživlava tak da tam more pripovedati do mile vole. Ali mora biti lep, jel ga televizija snima. Bu na Al Đazire.
 Prije i za vreme odigravanja utakmice na Lučelnice je Gugel zametil značajnu depopulaciju a veli da je gust promet z mestimičnemi štoplini zamečen na puti teri pelaju prema kravarskem opičinskem središču. I, fakat, kak bi to rekla Regica, ima i igračev i zavijačev. Najvekši hendikep za Tesare je kaj se Joža premestil med zavijače i z tem oslabel svoje "asfaltere". Deda Mrki se još ni, nemrem najti pravu reč posle onoga kaj mi je Brajko napripovedal, od krstitkov. Tulko se ni da je još navek v čerašne rubenine, samo je negde zgubil kravatu. Po semi kriteriji to bi se trebalo okvalificerati ko dobri krstitki. I Joža je zamečenm kak se šmajhla z prikrajka. JožaMiškov se duplo skoncentreral zavu utakmicu i v prvem talu je traseral smer ove utakmice. Utakmica se trga na 2:1, napadaju nijovi, nedaju naši, pak napadaju naši a nedaju nijovi. Saki faul je, ne na noš nek, na šarafcegar, tupi križni. A, bome i saki ne-faul. Da su se Tesari otprli i počeli igrati 5-5-2 z dvemi golmani Šilakovci su jedva skoristili jenu priliku od nje prekonekoliko de je bilo treba ili pogoditi prazen gol ili fulati lutajučega golmana. Na samem kraju, iako je bilo se rešeno, z još jenem golom oni rešavaju utakmicu. Rekli bi susedi; overeno. Buša je mogel odehnuti i zeti si zraka a deda Mrki iti odlejati. Pračen kamerami Kantonalne TV.
 Još ni ni dobro počelo a Badelovi manekeni su na -2. Od se kazališne publike kaj prati Badel, kak operu na ukrajinskomu, bez filharmonije, ili gluvonemi mjuzikl, jedino je Kumek neumorno navijal "Badel-Badel. Badel-Badel. Badel-Badel." Počele su pucati bracke veze v Badelu, brojiti se krvna zrnca, teči razgovori ugodni,.. Dok ta strana utakmice zgleda tak druga polovica je brojna "kak da igraju doma", došel je z Nemačke i Domi i tam ostavil i pappe i wand i tur i ausvinklin. Osim dve seniorske ekipe v priprave je i jena pionirska a bilo bi matrijala i za jenu takovu žensku. V drugem talu preokret, kak got okrenul i koga got mejnal Leptiričem nejde a Badel se aklimatizeral i napada kak riđofka da je pristaneš rep. Dobro su došli oni goli kaj su je dali dok je bilo sape, inspiracije i špurijusa v nogami jel posle je išlo samo na "gustelnički pogon". I to retko.
 Rekel je Rupa, ak je Škerjavička rupa, ak je ovo na igrališču rupa ali sem i ja Rupa. A rekel je Rupa i da ak Opatija rukne Pokosko, on rukne gajbu. Onda se popravil, da plati gajbu Opatije. Tigriči su se obnovili skoro skros. Zajne igra kapetan Gorice, za stareše, Radnika, mlađe uzrastov, najboli igrač turnira v Čakovcu, v iste osobe, obadva prestolonasledniki "fletnoga" Števe kaj mu beciklisti zvone da jem se vugne z ceste i kaj ga autobus od Gorice do Pokoskoga četiri put prestigne iako Števa nigde ne staja a autobus v sakem selu bar po jemput i autobus vozi do Pokoskoga a Števa samo do Opatije. Rambo je napravil kaj je mogel, ma, orginal Rambo 3 je goli * zavo kaj je of naš Rambo delal ali Rupina gajba je traserala utakmicu. I 11 Rupine savetov z knige Sun Tsua, Umijeće ratovanja.

Najte kaj zameriti. Do se po istine pomogel.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #24 : Srpanj 25, 2021, 01:00:34 prijepodne »
10. kolo - 24. srpnja 2021. 15:00, Lučelnica
Gornja Opatija   -   Dubranec   
Donji Hruševec   -   Gornja Opatija   
Lijevi Štefanki   -   Mala Buna   2:0
Kozjača      -   Gornji Hruševec   2:5
Šiljakovina   -   Kravarsko   0:4
Opatija      -   Markuševec   0:1
Gladovec   -   Velika Buna   1:2
Pokupsko   -   Strezojevo   1:2
Dubranec   -   Lučelnica   5:1
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #25 : Srpanj 25, 2021, 01:02:12 prijepodne »
Peglanje kravate
 Godišmi "f teku"; ono kaj su znali "fasovati" Štefanki na Pokoskomu, imaš dober datum, sobota, a od ludi niti "l", strefilo je, v blažem obliku, i Tesare. Potres je je zeselil z Doma i odnje napravil "bezdomnike" tak da su "Mile, Lale i Febo, bez Mace" razvlekli kable na ledine i tu vudrili fundoment za zabavu. Kak su muzikaši na socijalne distance od Doma tak je i šank na socijalne dispozicije. Jedino je kotel, i `rabri kuvari, kaj su na početku non-stop nosili istu zdelu z kobasami sim-tam oko ladnjače, postavili radno mesto v gravitacijskem dometu teško ranjenoga Doma. Veliju, planerali smo vuz kobase serverati i guraš ali smo si v zajdni čas premislili. Si su se mam složili da guraš zna dva put zakipeti, a nekomu i tri, i teško da bi v zdravstveno ispravnem stajnu dočkal jutra. V drugem ga stajnu nigdo nebi štel ni gledeti a kamoli vuse z žlicum rivati. Došli novi dresi, ala, Borussia, Dortmund. veliju ovi z Ilovače, ko bok, samo da nisu beli. Letos si kupujeju bele. Ili crne. Ili ljubičaste. Da je Kiki došel obišel je se oko Doma, se igrališče i još više. Veli Žac, kaj iščeš? Kaj si 50 lipa zgubil? Iščem Zenunija. Kaj ni ovoga sladoledom? Kaj of ni došel? Ja sem mislil da su ovi z Lučelnice malo bola firma. Ni niti ovoga kokošara...
 Došel je Štefek z Nemačke na urlaup, i mam razmonteral Ilovaču na proste faktore a onda ju pak pokelil kak šoštar stare cipele. Spedalerali su golmana kaj jem je branil na Turniru MNLVG i na gol vrnuli Miku. Pavel i ekipa se čudiju kak da bi pure z špiglinom zaj*, nikak poloviti nit vodilju, simetralu ili nekaj drugo vrvskomu nogometu poznato. Kak vlada opča nestašica radnikov tak je i po pitajnu igračov. Si iščeju igrače. V opčepoznate situvacije za svoje mesto pod suncem v prve jedenajst se izboril i Messi. Veli, malo je visoka trava, da su bar još teri put pokosili ali bu obavilo. Maminjo negde glumi da dela, a nekteri povedaju da "navodno" negde i *. Crni je v "nestašice". Kum Medo je parkeral negde na Gornem Ruševcu. Veli, to je najbližeše de se ne naplačiva. Da pol ekipe fali, ne fizički nek funkcionalno, Števa upada v prvu osmorku, ko u kuminu. Normalno, pod paskum starešega brata. I kritičara. Števa mora paziti i kak diše. Inače, mam ideju packe. Ilovača zabija i vodi ali vrapci non-stop živkaju, prespominali su se i nikak stati. Probal je Mika z gola svojem autoritetom gasiti galamu ali su ga skinuli z * kak koru z banane. Za razliku od jedne osobe kaj ni ni reč pregovorila celu utakmicu a bila je poznata po tem se ne gasi od početka do kraja i pod pretnjum crvenoga kurtona. Nekteri veliju da je letos gluvo-nem a drugi povedaju da je to druga osoba kaj samo liči na prvu osobu.
 Mali Bunci su došli ili pod jakum anticiklonum ili v drugem agregatnem stanju jako umetnički nadahnuti, i opijeni, skoro, osvajanjem kupa lige. Spočetka su se malo iskali dok novi v.d. golman Štoplinjo ni zajašil i pogledal v kompas od kud veter puše. Bojsi su se skupili v mini-mi sastavu z slučajnem golmanom, iako je Miro bil na Šanku, zapet. Zlu ne trebalo. Da je je falelo tu je bil i Tomek, kaj je od žene zadužil decu; dres bi se našel a i decu bi negdo popazil. I Vrapci i Bojsi su se iskali dok se nisu našli. I da su se Bojsi našli Vrapci su se još navek iskali. I našli su se oko šanka. Prije i posle.
 Veli Kumek, ak treba, i ja bum stal na gol. Za odojka. Če nima do. Posle kratke konzultacije i kalkulacije skužil je narodni `eroj Marijan Badel da je v opče konkurencije Marijo puno bola i jeftineša opcija. Pogotovo ak ponovi bravuroze z Šilakovine. Konkurencija za prve jedenajst je bila tak široka, oštra i nesmiljena da je čak i Vaso, visoko talenteran, impulziven i tehnički podmazan, bil prisilen glancati klup. Gorni Ruševlani su došli nasmejani i razdragani kak z Boksačeve šeste krtitkov. Dobra vola i vibra se mogla mazati z nožem za mazanje torte. Još da su na gol deli "zvezdu Prijave z Leve Štefankov" sreče ni bilo kraja. Čak je i nemu bilo drago, kak da bi ga na pijano šišal na čelavo. Još je je više se usrečilo to kaj se nisu morali karati do bu igral i do bu koga mejnal jel se i prazna klupa za rezervne igrače gromoglasno smejala.
 Si su brisali krmežline i rulili oči. Nigdo ni mogel veruvati da se Deda Mrki slekel, ne do gologa nek v dres. Čak su i deliteli pravde izrazili želju da se ovekoveče žnem na kipcu. Da mu je Foto Davidovič, Novi Pazar, prenesel nijove skrivene želje, dječačke snove i pubertetske fantazije Siva Lisica je samo kratko prekomenteral; nek svaki da po 500 kuna pa može. Inače ih skinem bejzbol palicom s *. Vglavnem, na kipec su vudreni. Kravarska se snašla v XL sastavu. Novi igrači, novi strelci. Števa bi daval savete ali stroj dela kak podmazan. Na kraju, ili početku, najvekši je problem ispal to kaj Draša nekaj frče. Nekakov je čudni sir pojel i of se ponjem premeče, nezna na teru bi stran. Niš nesme popiti da ga ne prebilo na krivu stran. Rekel sem ja da bi mu to treba pretirati ze zadnje strane i rešen problem. Ali neče slušati.
 Malo je reči malo je je. Tigriči su morali čak rezervnoga golmana Dubu povleči z penzije a da Karlo ni dal svoj gigantski doprinos to bi zgledalo još gorše. Števa Klasnič je nasmukal da bi tu moglo biti problemov pak je svojem reprezentativcom zabranil napuščajne rodne grude pod pretnjum klečajna na predlajnske kuruze. Čak je i Rupa bojkoteral of velevažni "event". Godišmi tepeju i Kauboje ali oni su veliko selo a i kvalitetno se naslajnaju na Dragonožec, Guce, Peršinovec, Plemenitu sučiju Gorni Lukovec i Kojekakvedrugeturopolske emirate. A i tu je brojna publika kaj čeka kak zalejana da uleti mesto nekoga nutre. Jedan pogled dovoljan je bio. A i jedan gol...
 Kakova je kriza vidi se z toga da je Velika, ej, velika, Buna jedva uspela skupiti mini-mi ekipu z Škojcom, za ovu priliku g. Škojcom, na golu. Zakaj ono g.? Zato kaj čovek kak golman z prek centra zabija euro gole kak od šale. Mam se išel pofaliti Bekemu da jel videl kakov je gol zabil. Veli Bekem, a-a, sat sem došel a i baš gledim kaj bum popil. Dej ponovi i poveč mi da bu da pak ne prepustim. Beli se navodno vrnul z mora de je navodno... i navodno je des igral. Operacija Maslenica, dokumentarni film. Poveda zapovednik 2. Gardijske; još nas je nešto ostalo i kad oni ujutro krenu zgazit će nas ko ništa. A onda se ujutro pojavio Zulu sa svojim Vangama. Ja sam mislio da su došli američki marinci. Tak je došel i Gladovec. Ni preveč ni premalo ali v punem sjaju. Rekel je Stepanič da su je imali... Ja sem bil na iste utakmice ali...
 Ajd da još negdo dopela orginal golmana a ne repliku, z Kine ili Turske. Zgleda da Peje još nisu rešeni paperi za boračku tak da još ima otprt status v ekipe i na golu. I ajd da negdo ili nejde na godišmi il da ide poskriveč il da ide neprimetno. Kak Robijaši. Si su tu samo Muže ni. Štršani starije godišč se nisu odazvali pozivu da braniju boje sela, ili opičine, dok mlajši tu obavezu drže za čast. Međusobno nadj* je sretno završilo za Robijaše jel su više put uspeli fulati Ramba nek su Štršani Peju.
 Veliju suci, ove sedem je kamilica zavu kaj dolazi. Ovo se ne vredi niš, igra se des samo jena utakmica i to je ta. Štefek je za ranu popoldnevku da se još ni počela igrati ona z Švabi povedal; dečki, samo fer plej. Ak nas pobede Švabi moramo pustiti i Tesarom, ak pobedimo Švabe moramo pobediti i Tesare. Jasno kak napoj. Novi dresi na jenemi, novi dresi na drugemi. Publika nabrijana kak pop na mlade meše. Jen Ivica, vi ga ne poznate, kaj je čeri ostavil doma, da ima slobodne ruke, samo je obletaval z dalega na distance zapisnički stol i obadva krila i klupe za rezervne igrače. Ilovača je skoristila vreme zmed prve i zajdne utakmice da skoči domom i nabere kopriv puram, skoše tikvajn, nabere šalate, narani svijne, podoji krave, eventualno nekaj pikne, otijde k večerne, meše i opusti se prije utakmice. Dok je jen Ivica kazal očite znakove neuroze Žac se lagano naheftal na banderu i nepomičnim pokretima ostavljal dojam da se ne miče. V čemu mu je svesrdno pomagal jen Kiki, vi ga ne poznate. Odigrana su dva poluvremena normalnoga nogometa i jeno poluvreme američkoga nogometa, z pojačanemi ekipami. Vagu na stranu.

Najte kaj zameriti. Do se još od istine pomogel.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #26 : Srpanj 25, 2021, 10:05:13 poslijepodne »
11. kolo - 25. srpnja 2021. 15:00, Kozjača
Donji Hruševec   -   Gornja Opatija   1:1
Gornji Hruševec   -   Šiljakovina   1:1
Lučelnica   -   Donji Hruševec   2:1
Mala Buna   -   Kozjača      0:8
Markuševec   -   Lijevi Štefanki   5:1
Strezojevo   -   Opatija      4:2
Velika Buna   -   Pokupsko   4:0
Gornja Opatija   -   Gladovec   2:1
Kravarsko   -   Dubranec   2:4
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #27 : Srpanj 31, 2021, 12:49:38 prijepodne »
Saki osel na svoj posel
 Veliju, haaaalt!!! Patrola Kojzačke milicije stavla se pri kapele. Ruku pod ruku Pevec i Stanilovič pelaju povorku a v povorke svadbene kučije z autonomnum muzikum "na pričuvnu munjinu" i gore štrči barjak kak čuna, prava pionirska. Reko, da bum rekel a de je kobilica da se z brega iza kapele zaletel Janko na zelene kobilice marke "Karl Heinz Rummenige". Malo je reči zaletel jel mu je za te par metri do kapele trebalo pol vure. Mala ide kak vurica. Zidna. Mala malo teže mejna pak je treba il prava muška ruka il kombinacija ruke i noge il kvalitetna "petfrtalka" od dva metre na "sila-puta-krak". Veli Franc, mali, pripravi aparaturu, to bu šou. Samo da nekaj na brzinu hitimo f klun i mi smo na igrališču do četrte utakmice, po redovnem rasporedu. Reko, a, kaj, a, kaj, a, kaj bu mlademka došla na kučija? Il muzika? Ne rivli gubec f štakorovku, i preklapaču, jel buš bežnega ostal, se buš videl. Dej se vugni proč, sat bu Janko za dvajs`minut tu de si ti, ne pači. Idemo, kiflaj! F Kozje Drage friški asfalt, anđeli bi ga jeli. Veliju "upučeni" taman kulko su potrošili na igrališče mogli su završiti autobahn Neuberg - Ziegendorf. A i ovo kaj su napravili ot autobahna, veliju... Novi goli, po tem kak se dugo stepleju da je lopta pogodi rekel bi skoro kak oni "stari" "lego" z Dubranca. Drugo leto po montaže saki put da je lopta pogodila gol nekaj je o(t)palo. Nove mreže iza gola delo krase. Samo... Veli Danijel, vi ga ne poznate, onda, de je druga lopta? Kaj bumo sat igrali z jenum loptum? Negda smo imali komplet po tri lopte. Kaj je takova kriza da kinezi više ne šivaju lopte? Reko, preguknula ju je Zelena neman. Pozoj kaj vu dubu spi. Dok je Luka nosil mačetu se je bilo pod kontrolum. Otkat se Luka ostavil mačete pozoj samo žere lopte. I drobnu decu. F selu se nemre tulko napraviti kulko f šume more nestati. Mam je jen Franc, vi ga ne poznate, uletel f klizeči za dve minute i žuti karton, veli, mali, napiši da je ovo asfalterano moje a ona Amazona tam iza gatre Čirolina. Če je tam nestala lopta nek ju on plati. Primene još ni jena ni nestala. Če se za čoveka kaj je nekam došel, se dotepel ili doj* veli dojdek, dotepenec, doj* onda bi se jednak tak moglo reči i za reč, strajnskoga porekla. A reč je "dernek". Ak f ravnem Turopolu, brdovitomu Vr`ovju i skopitane Brege postoji sinonim "dernek" onda se to more najti, i stoluje, na Kojzače, f Kozje Drage. Ak ni najvekši onda je jen od najvekše. Gladovec je "rekel svoje" zavo leto, još je jena šansa ostala do Velike meše. Če f Trsišču pri Futače ne igrala "Grupa Tonska proba" ili "Nikak početi". Ovo na Kojzače jenostalno moraš videti, čuti, probati ili nekakvu drugačku simbiozu vuspostaviti. "Ka da mi je utrnija mozak." Ili, taj dan na Kojzače; "Si smo mi Kojzačani". Kak da šamani na šanku točiju buniku. Če ovo ni dost nek me zgazi trajvan zmed Gorne Opatije i Čakanca. A i sem je več pomalo VARa prek *. Vele dej ga geni; prevazidženo. Idemo nekaj drugo. Pelješki most, npr. A, auuuutov, BTJ... Od Pefca do čakanca.
 Kum Medo veli, neznam kaj to je. Još nikoga ni a več bi se bar negdo trebal do*. Bok zna jel znaju da igramo prvu prije prve? Ja sem tu, da baš ne platimo pol jezeri kune radi za*cije a de su drugi..? Ne nam Crnoga i Klasničev, neznam jel bu Tuta došel... Ovi več treneraju kak za plaču, naši još doma gače iščeju. Do to trubi? Kak da svadba ide... Da ni Danči, nemu su navek piz* na pameti. Si se okreneju gore; crni krov,.. A3. Ni. Bem-ve. Gorenc. Ovi su kompletni kak da igraju za prvo mesto. Onda je počelo, zlevaju se Švabi kak Dvanajst žigosane, na akcije, z popustom. I Števa, kak točka na "i". Leže se diše, veli kum Medo dok bez očal čita Glasnik, tam negde pred krajem; crna kronika, izgubljeno-nađeno, ženidba-udaja, osobne usluge (vatrena crnka, 100-100-100, ko je probo nije uteko, ko je platio nije odusto, još mi se nitko nije žalio, pola me Dubrave hvali, kod mene ili kod tebe, vlastita motorka ...). Dok Gorencova deca neumorno treneraju kumovi kumiči se više zgledaju po tribina kulko bi se tu drvi moglo napraviti, čiste se dišni putovi na rustikalni način, da ne velim baš da se kopa nos ili oduba nosna šupljina, z nehajnem pogledom na iskopine, vuz lagano i odmereno lanseranje iste prema bližem svojem i kvalitetno brisanje prsta vuz guzicu tzv. otepanje, beži se od lopte kak od krvnoga neprijatela. Zakucavanje lopte iza Tutine pleč skoro z prvem sučevem zviždukom ni ostavilo bogznakakov utecaj na Švabe ali mrki Mamičef pogled ober čaše gemišta napravil je da se nekterem smrzel drek v riti. A zaklel bi se da sem videl i iskru... Poštenja mi! V oku, ne v riti... Posle je jen Danijel, vi ga ne poznate, održal SRZ, IPD i usmeno vaspitno popravno predavanje na temu "Zakaj?". Maminjo je zel dva jakše muže, tu ne mislim na Števu, žganci, tabla sopuna, leb kruva, stol, stolec itd., i otputil se u poznatem smeru, tam de šamani buniku toče. Dok su ovi bokci spred nega nosili kak magarci Maminjo je skoristil priliku da šmekerski nosi samo svoj gemišt na začelju kolone. I hita kez kak Đorđ Buš na pleškomu erodromu dok zija levo-desno.
 Siva Lisica je rekel da mu je zavo leto dost i reprezentacije i utakmic i dresa i da ga nekakva nostalgija vuče prema "Wet pointu", "Hot spotu", šanker baje, beer bojsima,.. vglavnem spijančuvanje. I Obadi su se lepo skupili. Friški golman djelo krasi. veliju, bole da je tu nek da pači v napadu. Ili da mu, nedajbože, dojde da bi govore držal. Za vreme inkvizicije bi krajše poživel nek američki narednik v Vijetmanu. Na golu ga ionak nigdo niti posluša niti * za suvu slivu. I još ga scipelare ak primle gol. De češ bole, v * *!?
 Brojna svita ze se zaselkov Lučelnice skupila se na "sedenju-gore-jug". Taman da je jen Danijel, vi ga ne poznate, završil svoje izlaganje na temu "Zakaj!?" na "sedenje-parket-dole-sever". Kak na "Gary Lineker - Hot shot" si su se Sinovi vumentalno okrenuli i zbežali na teren. Iako imaju utakmicu više na asfaltu Kozje drage sunce je je vmorilo v crnine. Tesari su se v žutem puno bole osečali, iako imaju utakmicu mejne na asfaltu Kozje drage. Pogotovo da su milicijske majce zamenili z Borussijum, Dortmund. Na kraju, posle kraja utakmice sledilo je novo predavanje za Sinove na temu "Kak!?". Vuz posluženi "operitiv" saka lekcija leže legne. Na deruge strane su se povedale lovačko-ribičke na temu baš završene utakmice; kak sem Žaje zabil, kak sem dodal, kak ni faul i kak ni itd., i kak je itd., do dugo v noč, da se nevidi čija baka bombu nosi.
 Jen Franc, vi ga ne poznate, je dopelal se jake snage sponzorskoga radija, DABa i televizije. Tu je, normalno, išlo slikajne kak za sistemacki, 3D, panoramski, milenijski, 69, 96, 6u9, 9u6, crno-belo, pozitiv-negativ... čem je Franc našel kam je na šanku dres hitil. Hostesa, ili domačica, sponzorske medijske ekspedicije je bila jen zajec ali ne Velimir, ni Duško Dugouško, ni Nekakvi Kunić, nek više jen, ovak, autohtoni endemski kojzački oblik života. Veli zajec, ej, ks-ks, sino? Sino..? Sino? Sino!? Reko, a!? Kaje? veli zajec, Kaj kaje? Reko, mama ti cicu daje. Veli, dej naj mlatiti, nisi na autobusnem kolodvoru. Imam proverenu informaciju teru inače naplačivam po 100 eura. Reko, ve-ve-ve.nemam-sitnoga.kom. Veli, puši *, budalo. Ak pobedimo, vevo bu gorje nek v Hirošime i Nagasakiju prekčera, gorje nek da su se zlejali Etna i Vezuv, gorje nek da je kometa pogodila asteroid ili satelit, bu bilo kak da si vužgal vulkan i hitil bengalku. Pazi kaj sem ti rekel. Dužen si 100 eura, da buš imal sitnoga. Ve-ve-ve... I, bome... Ovo se još nigdar ni dogodilo na Lige, otkat je sveta i veka. I Mičo Bosanec je donesel rukavice v teremi je, navodno, bil prvak Jugoslavije v srednje kategorije da preslavi pobedu Badela. Most je i bil, ali posle mega Kranjčine z Buzina. A navodno su na utakmice bili i Vrapci. Tak piše v zapisniku.
 Jake snage Limunov još od rane popoldnevke su okuperale frtal Kojzače. Dok se Be ekipa zagrijava veterani 1.A gardijske i domobranska pukovnija Markuševec širi slobodni teritorij oko pokretnoga šanka. V zraku v epicentru se more odšacati 1.2 promila šumske mere. Čak je i pol sudačke pare okrakterizeralo kvalitetu "kaplice" z; kakvi gemišti, Vlado... I gusto hodočastila na degustaciju i ocenjivanje. Bojsom nekak ni pasala igra kaj ju je prodaval Barbi-boy. Čak ni promena taktike na 5-5-1 z golmanom v špice napada ni polučila spomena vreden rezultat. Osim za Markuševec. Barbi-boy se snašel na Kojzačkem asfaltu kak ajkula na Čič-biču. Ili pirana v srnečem gulašu. Išlo ga je i više nek da ga je išlo.
 Veli, Števo, jesi jako klel. Veli, a-a, normalno, šumske mere. Čak ni talent i perspektiva Karlovoga kalibra ni mogla preveč pomoči Tigričem. Iako je probal podeblati jake snage Lige v Draškovičeve, da Dumbe, Davidu i Tinče ni dosadno. Da je z metra česnul z loptum Mike Gunnera pod rebra of je više za se, i užu publiku, samo rekel čez zube, khmmm! dobro kaj ni vekši... Došel je i Gonzo, najjakši navijač Opatije. Ikad. Veli, morem popiti Karlovačku kakvu got. Dobra mi je mrzla, morem mlačnu ali nemrem toplu i vruču. Prebije me na obadve strane. Da mi ga do kak got zabije bi mi prebilo. Došel sem tu na šank, nudiju mi ovu pišaču od Žuje. *te se vi s tum poperinum ščem pereju bačve od pive, imam ja v autu, dopelal sem si ja prave pive. * vas žuja.
 Beli se vrnul i mam je počela kolati kemija čez te vumorne noge, zakrečene žile i crna jetra. Iako je i radno mesto i alat predal mlajšemi, v srcu, ina ne prepušča utakmice Glumcov niti za Eurojackpot i dve karamele gore. Ne prepušča ni priliku da održava promile v ekipe na radnem nivou. Da nebi bilo da se po selu sramoti z slikami na fejsu de pije čudne pijače ili pijače nepoznatoga porekla, kvalitete i kvantitete. Kak nekteri. Da je Rambo bil na utakmice nebi obranil one bravuroze kaj su napucali Glumci.
 Je da ti je druga utakmica des ali da gubiš 1:0 od Gladovca... Niti skidanje osmeha kirurškem putem nebi uspelo Maminju skinuti istoga kak mu je gol Gruntovčanov to napravil. Masterpeace. Veli, dečki, znam da je prva minuta ali ak do nemre nek ide van, tu Števa čeka. veli, Zlatko, dej mi nekoga potiraj van, ovi se nedaju. A z druge strane Števu čeka ekipa "nikad skupa", ovi su most jedino skupa pili. Dva brati Posafci, ovi lokalni, ne Dubrovčani, buraz Medo na golu, Kosta, Mata Popovič, Rođo, i Joža Borovec iza gola. Dok je bilo sape, dok se gemišt ni zgrel i dok Mamič ni prevzel kontrolu nad utakmicum,.. imali su je v šahu.
 Ja neznam, mene ni jasno, ja sem probal ali ni išlo... Kak se igra taj nogomet v Nemačke? Ak v prve minute patoseraš tri Kravarščane, nekteri se drže za lalavku, nekteri za nogu i po minutu se nemreju zdiči, tu je nekaj čudno kak i v pirane v srnečem gulašu. Špajo bu moral otpreti bolovanje, skupa z Kostum z Gladovca i Zvonum z Dolnega Rušpevca. Si su dobili batin kak da se baviju z krivem, ili drugem, sportom. Znam da ovo ni šah, niti se tak zove... Batterflaji su se dobro držali dok su eurokuka i rudo bili v voznem i ispravnem stanju. Da se prikolica otkopčila razlika je bila se vekša. Više ni kapalo nek je curelo. Iako... Doktor Jackyl je smenil Mistera Hydea. Druga osoba se razdvojila od prve osobe i slobodno se prešetala nekam dalko od Kozje Drage. A na terenu je ostal samo onaj kratki, zaj*, žifčani, zadrti, zaguleni, žlabravi... Doktor Jackyl. Boli nek ikada.

Najte kaj zameriti. Do se još po istine pomogel.
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #28 : Srpanj 31, 2021, 12:50:54 prijepodne »
Z vagerom po pleče


12. kolo - 31. srpnja 2021. 15:00, Gornja Opatija

Opatija      -   Lijevi Štefanki   - ak kalif ne potegne nekakve čudne veze ovu bi trebali dobiti Bojsi, trebali

Dubranec   -   Gornji Hruševec   - iako je Ilopvača letos tradicionalno dobra Obadi se dižeju, otkat Stepanič hekla goblene, na veliko

Pokupsko   -   Gornja Opatija   - ak se Štršanom nekaj ne pomota na veliko Švabi bi trebali pozitivno rešiti ovo domačinstvo

Gladovec   -   Lučelnica   - Švabi su gubili od totalno raspižđene Gruntovčanov, jel Tesari moreju pasti ili je ovo malo preveliki zalogaj za "sretnoneudane"

Donji Hruševec   -   Kravarsko   - korona je goli * zavo, jeni očeju a drugi bi šteli

Kozjača      -   Markuševec   - sega bi moglo biti, da je nedela, ovak zavisi koga je sobota, i godišmi, bole zadela

Strezojevo   -   Velika Buna   - rekel je Števa na (Male z) Bune, ovo je domači teren za Strezojevo, teren poznaju a kak su pali Glumcom i kak Glumci padaju Robijašom, statistika je voda duboka

Šiljakovina   -   Mala Buna   - bila je jena dosta ovak interesantna utakmica z čudnemi zapleti i raspleti, zutradan se igralo `Jaguštanovcu, zmed ova dva "takmaca" na male Bune, čiji se akteri više ne bave z aktivnum sferum nagajnajna lopte, teru su protivno sem zakoni fizike, antropologije, astrologije i logike dobili Mali Bunci, čiji akteri večinum, neču reči si, ne nagajnaju loptu aktivno, z, cca, 2:0, vuz komentar "tri put ste vekše selo odnas i mi vas, bokci, pobedimo"
wwwg tablice

Offline kuntakinte

  • Jezerača
  • ******
  • Postova: 7436
  • Karma: +0/-0
  • ...besposleni internetski masturbator...
Odg: 18. MALONOGOMETNA LIGA VUKOMERIČKE GORIC 2021. – MNLVG 18.
« Odgovori #29 : Srpanj 31, 2021, 10:53:17 poslijepodne »
12. kolo - 31. srpnja 2021. 15:00, Gornja Opatija
Opatija      -   Lijevi Štefanki   2:3
Dubranec   -   Gornji Hruševec   5:1
Pokupsko   -   Gornja Opatija   4:3
Gladovec   -   Lučelnica   0:5
Donji Hruševec   -   Kravarsko   4:3
Kozjača      -   Markuševec   
Strezojevo   -   Velika Buna   3:2
Šiljakovina   -   Mala Buna   2:3
wwwg tablice