Svakidašnje teme > Sport
17. MALONOGOMETNA LIGA VUKOMERIČKE GORIC 2020. – MNLVG 17.
kuntakinte:
Nelojalna konkurencija, ekonomska blokada, prekidanje postoječih ekonomskih aranžmana...
15. kolo 15. kolovoza 2020. 15:00 - Ilovača (Dubranec)
Lijevi Štefanki - Gornji Hruševec - buduči da je prva, iako je prva, malo me seča na onu zajdnu "Pri potočiču malenomu" da Obadom treba pobeda da bi most bili i trejti a Ilovača našvasana od jutra neče opče pregovarati o cene, predaje i prodaje, nem je sejeno bili 12. ili 16. - Igramu!
Markuševec - Novo Brdo - ova je direktna kaj odlučiva o semu i ničemu, zavisi kak je do gebis nabrusil i kaj oče gristi
Kravarsko - Donji Hruševec - direktna, odlučiva o semu i ničemu jel drugi gače kroje
Strezojevo - Pokupsko - prestiž, do bu koga leto dan * v sivu kašu kak je zajdnu utakmicu lige popušil
Šiljakovina - Gornja Opatija - direktna, ova kroji tablicu i biti je ili ne biti za Švabe dok Šika v zlatne sredine komfor zone samo šmeka i čeka
Kozjača - Lučelnica - prestiž, jedino trenutno Tesari znaju kaj su osvojili, oni su osvajači Kupa lige, dok drugi tancaju kak na ladetine, ili jem je sejeno kak dobromu vojaku Švejku
Hotnja - Opatija - Tigriči moreju imati stanovite aspiracije prema gore ali ni Bebam ni sejeno, oni su letos mnogem zamastili desku, kaj spravlaju za Šakijevu ekipu, sigurno bu precurelo z dučana na `Ojtne
Dubranec - Velika Buna - smrt babe na uranku, direktna, ak su Švabi rešili sami svoju sudbinu mejne važna, a ak su pali pod naletom Šike jako važna, niš kaj piva nebi mogla oprati
kuntakinte:
Poredak;
1. Gornja Opatija
2. Dubranec
3. Donji Hruševec
4. Kravarsko
5. Velika Buna
6. Opatija
7. Lučelnica
8. Šiljakovina
9. Strezojevo
10. Markuševec
11. Gornji Hruševec
12. Lijevi Štefanki
13. Novo Brdo
14. Kozjača
15. Pokupsko
16. Hotnja
Fair play - Gornji Hruševec
Najbolji domačin - Donji Hruševec
Najbolji golman - Ivan Klasnić-Tuta (Gornja Opatija)
Najbolji strijelac - Pavao Galović (Dubranec)
Najbolji igrač - Matej Skrbin-Krpica (Donji Hruševec)
Šestorka Lige;
Ivan Klasnić-Tuta (Gornja Opatija)
Pavao Galović (Dubranec)
Matej Skrbin-Krpica (Donji Hruševec)
Marko Tičarić (Kravarsko)
Matija Brajković (Gornja Opatija)
Robert Huđber-Beli (Velika Buna)
kuntakinte:
15. kolo 15. kolovoza 2020. 15:00 - Ilovača (Dubranec)
Lijevi Štefanki - Gornji Hruševec 2:4
Markuševec - Novo Brdo 0:0
Kravarsko - Donji Hruševec 1:2
Strezojevo - Pokupsko 5:2
Šiljakovina - Gornja Opatija 0:3
Kozjača - Lučelnica 1:2
Hotnja - Opatija 5:8
Dubranec - Velika Buna 6:3
kuntakinte:
0-0, noč
Vukovine, jen aparat za pucance dela, drugi ne dela; Bože pomozi, srečo uskoči, Vlado potegni. Na su sreču si aparati Dubrancu su v najbole funkcije. Šank linija za tekuča pitajna dela besprekorno, malo fali ob pol tre drobne penes ali su zato cene na "oko" i "uprek" da bi se speglal nesrazmer. Za ovakve stvari pokojni Đinđek bi nekomu se ruke i noge sposekel z sekirum. Različita nadmorska visina. Kaj bi se moglo i tumačiti tak da sekira fletneše putuje na vekše visine čez redeši zrak. Ili tak nekak. Raščani još nisu vrnuli mužar kaj bi več pomalo moglo iti na arbitražu ili medselski sut. A mogla bi opasti i ovrha na igrališču na Odre. Da negdo po noči otpili gole, lesu, bajtu i namota travnati tepij "za van" ili "za domom". Ono, da od cele investicije ostane samo "green field", odnosno samo "field". Šank linija za masna i topla pitajna po, i na, najbole tradicije ugostitelskoga obrta "Malo sira malo mesa" delala bi besprekorno da se na dispozicije moči ni krivo parkeral Tajson. Ob pol trojke rasprostrta je celokupna ponuda. Reko, kaj ne smrdiš na šanku. Veli, došel sem malo tasta pogledati. Tu su se dok si z okom stepel najnega obalili dva kamijoni drvja i kamejna, prikolica friškoga gnoja, mešanoga i neidentificeranoga porekla, i tačke čera štemanoga betona od spomenikov. Reko, ak si i na šanku, z krive si strane, obično si smrdel na kontra strane. Veli, a, kaj ja nesmem f penziju otijti? Veli "tast", kaj buš, ili buš posle? Reko, posle je aldamaš. Dej mi sat natekni nekaj z kotla. Veli Tajson, a, mene si nateknul z lonca!? Sem te pital kaj očeš - kaj si štel to si i dobil. I pak ti ni dobro. Da se priženiš k mene bum te moral pak malo (pri)školati, vidim da si nektere lekcije zabil. Veli Tajson, da je skužil da su kola pošla mimo i pod breg, buš pivu platil? Am nisi ni ovu popil, kaj ti se na zube napikava ili nemreš pregristi? Odi ti po drugu, dok se vrneš ja ovu "prekčera" rešim. Na šanku su drugu smenu več preuzele žene, one se niš ne buniju na drobnoga. Na drugem šanku za tekuča pitajna ordinera ugostitelski obrt "Plavo oko plakalo je" v punem i suverenem vlasništvu našega Škajnca de su cene polovne, ovaj, povolne, a akcije stalne. Iako sem znal da je "divan gost" z vajnske strane šanka ostal sem zabezeknut z kakvum gracijoznošču i brzinum ordinera z nutarnje strane šanka. Jednum rečjum, klasa. Tu i tam mu uskačeju nekakve epizodne uloge ali vidi se da se zna do je glevni lik. Na sred šankija ponosno stoji navijačka truba z terum je uspel poloviti se gole Ilovače i još potočiti naručeno. I naplatiti, normalno. Reko, a de je ona lovačka? Ma, susedi mi imaju tenka vuva i nočnu optiku pak nis mogel žnum dugo trubiti. Dala je svoje. I moram premeniti obluke i pogletati zide. Ugostitelski obrt "Feljo i sinovi" priredil je odojka od 107 kil. Reko, dečki, nemate se baš s čem *čiti... Videl sem vas i v bolem izdajnu. Ali nam bar ni pukel ražen! Znaš kak se sat veli, sigurno i odgovorno, moramo i sebe i druge, nekaj. Veli mi rođo, bum te trebal posle. Reko, rođeni, nekak mi se čini da posle neš imal z kem reči reči. Došel sem ob pol tre a uspel sem na pet utakmic zakesneti. Pramen je isključio korisnika.
Si su se pripravili za aldamš `Dubrancu. I oni kaj inače nejdeju na ligu i oni kaj redeše ideju i oni kaj znaju da posle ove nema više, skoristili su priliku. Navijačice, navijači, plesačice, plesači, bole polovice i boli polovci ukrasili su svojum pojavum Dom i okolicu Trga Selačke bune kbr. 1573. Posle slojevite teorecke instrukcije i četrnajst kol prakse Bojsi su utvrdili da jem najbole leži taktika "nikoga ne čuvamo i slabo zabijamo". Vrhunskomu dojmu su pomogli i Obadi kaj su v nogoloptačkomu smislu dozreleli kak oskoruš i mušmula osmem mesecu. Posle pol vure si tri su bili zadovolni, i Bojsi i Obadi I Ilovača, na šanku.
Posle Pere i Darijo je došel. Ovo je negov jubilarni drugi nastup ovo leto i z tem je nadmašil Peru za 50 il 100 %, v teru ga ruku zemeš. Brojna svita z Markuševca još je prije prve utakmice hitila sidro na bližne dispozicije šanka, zasedala i rešavala tekuča pitajna. Još su se za rana Miši otpravili na zagrijavanje, njem, veliju, ni dost vruče. Mala ali kvalitetna ekipa saki posel zima profesionalno. Trajala je ta ogorčena borba dobre pol vure šumske mere. Da Darija natiraju v obor da ide igrat. On je uspešno odoleval 3/4 utakmice a onda je popustil; žena me bu vubila, do bu ovo opral. Mislim, kulko se dalo videti čez meglu z moje pozicije da je on krif kaj nisu pobedili ali je i zaslužen kaj nisu zgubili. Rezultat kaj su ga postigli, i jeni i drugi, jednak, otpira mesta za polemike do dugo v noč. Sad, zavisi do ima kakva jetra, i kak dugo more polemizerati.
Rekel je Cico, ova i još jena i onda haj lajf. Kamilica. Leptiriči su došli spremni na se. Selski stožer je je otpravil z punum popudbinum. Nema čega nema. Pada kiša, vadi se priručna korona-bolnica, malo mejna nek ona v Zagrebu, z doktorom na napuhavajne. Ili napujevanje, kak bi se to povedalo v protivničkem selu. Da je treba porivati Olimpijskoga Prvaka na brek, to več nema do jel su sila teža i gravitacija v sukobu od prejake pripreme. I svadbe, od pred dva tjedne. A tak su neimenovani na Pokoskomu nafalili Prvakovu kobilu, da je prava. Očito kobilicu malo * nagibi od cca. 100 %. A protivničko selo je došlajsalo se kaj se moglo, iako toga ni bilo baš preveč. Rekli bi, skromno ali dostojanstveno. Golman je pak pra-pra-pra-stari. Očito je Zgura dal svoje a i of, kaj je Buša rekel da brani boje Šumarije. Sa su deca tu, se jen drugomu do vuva. Hiseni. Tu sam tata. Bardi. Tu sam tata. Ahmed. Tu sam tata... I tak do 12. Onda tata pita; p* vam materin, a ko je u poslastičarnic!? Ili po domači, do čuva babe `Ruševcu!? Čuvaju se same kak znaju i moreju. Nezna se do meče na Ruševcu ali sezonu na Ilovače otpiraju Šinovi. Mala norijada počima iako su si svesni da ovo je, ali ni, jel je prerano i još sega more biti. Sponzor viče, igramo kak da je 0-0! Il technico Leptiričef zove plenum svoje ekipe. Veli, dečki, neznam jel znate, jel vam do rekel, povedal, ili ste čitali novina, bilo na dnevniku i tak to ali igramo za prvo mesto. Sad je biti ili ne biti, ovo je zajdna, ta, utakmica. Druge utakmice više ni. Ne stojimo dobro. Neznam kak bi vam to drugač povedal. Morem zvati Ivana Baliča a ne vam drago. Jedini teromu se to dobro prijelo je bil Mali Crni. On je od strava da ne premašil da je došel f priliku z pol metra prederal i loptu i mrežu i razdrapil mrežu iza gola. Kulko su jake te reči tehničkoga direktora. Nadam se da posle reči, ima li ovaj gospodin oca, nisu preveč patili i otec i šank. Iako Šinovi mečeju jenoga više v dogledno vreme Leptiriči se nadaju da bu Mali Crni pak predelal, ili negdo z drugoga ešalona. Ha, dečki, veli Sponzor, morete se vi nadati ali mi smo hitali bažul, križali z krvavum kokošjum nogum, zakopali kosti pod prag i tak to. A ak vi i uspete nekakva se bu coprnica zavrtela ober ogna. Jel penezi ne primamo nazat. A drvi imamo.
Zgleda da je coprnica dala i nekaj gratis jel su Robijaši i Štršani igrali po kiše. Kiša kiše, igraju nijovi, igraju naši, a publika ne gible. Kak da je se to ne tiče. Rekel je jen Franc z Kojzače, vi ga sigurno ne poznate; kiša pada, ljudi se ne razilaze, to more samo Kojzača. Ako Leptiriči imaju kumpletnu opremu nisu ni Robijaši došli bez "hasa v rukavu"; kiša pada a oni se slačiju. Jeftineje i efikasneje nemre. Ni nekakvi prizor, ali, * ga. Zgleda da su Robijaši dobili nekakvu dojavu z Ruševca ili su i oni hitili nekakvu kintu coprnice jel su došli na utakmicu z gumami za kišu. Ili su, ak je bilo penes za gajbu, kupili utakmicu. Iako,.. Kulko i kak bi ja poznal Štršane i Kupu... Prije bi ju šenkali. Veliju posle Robijaši, ej, ti, kaj slikaš. Jel ti slikaš samo nogomet ili..? Reko i sprevode, ak je do poznati, Joža Broz, Fidel Castro, Mputu Mkelele, Nkrumha Chwazi,.. E, onda te bum zval da mi baba merne. Zakaj? Ma, idemo na moreno pak bi te zeli kak cucka. Bi išel za nami i slikal da vidimo kak smo ispali. Bi ti kupili 2,.. 5 kil rane za cucke i Bok te veseli. A, reko, dečki, ja vam nis ceplen, nemam čip a i zajdnu me dobu nekaj hiče kak da imam steklinu... Onda te nemo pelali, da bi te negdo moral streliti na Uglanu.
Veli Mrki Jr, mi jem nismo pustili utakmicu, neznam kak je to zgledalo. Evo, nismo ni Tonu jemali, da nas ne oslabel. Istina, istina, ni igral Deda ali je ozbilno ozleđen, boli ga *. Na druge strane došlo je pol Futačef, na selo mislim, i pol dijaspore. A babe, veli Mamič, do *. Isti taj Mamič je radi sporckoga dojma i novinarov skoro vuru časa držal desnu nogu na lopte dok mu ni trnula a onda su ga morali nositi vuz brek tak trjnenoga. Crni trasera utakmicu svem prvem golom a onda je se pošlo "kako vajča gre". Na poluvremenu avansno dolazi gajba i pol tekuče pitajn i odgovorov, sad, ni još razjašneno jel od Olimpijskoga Prvaka, sponzorov ili z uzajmene kase MNE. Da se zemeju slike prije utakmice i posle ni nekakve bitne razlike, nekakve sitne. V promile. Onda se otišlo v specijalno skladišče po pirotehniku kaj neslužbeno obilno ni koriščena. Veli, da smo mi bili 100 % sigurni da moremo zeti Šiku bi mi zeli i neslužbeni vatromet od pol vure. Makar ga morali vužgati v Remetincu, Gline ili Lapoglave.
Iako vevo šou program počme posle Preglašejna, tuča sake sedem minut, tak da se milicija more okrenuti pri Svete Kate, des je bilo nekaj divje v zraku tak da je uvodne berba šamarelice počela i prije kraja lige a Preglašejne pobednikov je zgubilo svoju draš kak dead line. Mnogi kaj su pikerali na otpirajne sezone berbe šamarelice, šak v oko, kolen v jajca i slične specijalitetov kradlivcev drvi, abšisarov i kosturašev ostali su v raskoraku da su skužili da je sezona počela četiri vure prije. Velika se nesreča trefila, puno se suz zlejalo f pivu i ostala je samo konstatacija da bu selo, most i, ostalo ali su običaji nedvosmisleno i pravocrtno otišli v *. Mada. Mada! I nove je običaje treba neguvati. Samo je treba najaviti da bu utakmica "Zvezda - Dinamo" da se i publika more "igrati". A ne da dojde na lajnski snek, uvezen z Nemačke. Kaj je po rvackemi zakoni novi i friški, kaj bu zutra padal. Utakmica kaj po semi statistikami ne odlučiva o ničemu ili skoro o ničemu. Ali je očito na nekakve razine mikro svemira jako bitna. I da čovek pogleda slike i tu hrpu ludi misli si da slaviju gol, ak zanemari da imaju različite drese. Nit je bila napeta, nit je bila odlučujuča, de je puklo samo oni znaju.
13 golov, ej, 13 golov. Kak da se vaterpolo igral. Rekel je Šaki, am sem ja znal da bu to tak. Mislil je na nekaj drugo. Taman se činilo da su Tigriči pacifizerali Bebe z kanonadum golov a onda su se prebudile prve puške Vukojevca. I pak spočetka. Lako je tak zabijati da su Štršani logistika. Z jenum su pivum pol Opatije napojili. Tak je nekaj bilo i lani bilo vevo ali su napajali Štršane.
Ak je znal Šaki znal je i Pavel, da bu to tak. Štefek igra najnega kak da ga je delal, il v najmejnu ruku kak da mu je naštrigani kum. Ide jem skoro kak doma. Glumci nisu nekaj očarani ali ide i njem, i još se drži kohezija v ekipe. Ej, dečko, ti, gospodine, mladiču, čoveče, momak, lepi, silo, sino, stari,..! Jesi mi sad slikal kak mi je sad dete dalo gol? A? Sad mi je dete dalo gol. Jesi slikal? A-a, slikam Ruševec. Pak ovo ni utakmica od Ruševca nek od Bune! Ali Ruševec je drugi a vi ste šesti. A, ti, drugi, jesi ti slikal? A-a, ja slikam drona. Jeste vi dva obadva našvasani!? Ja pijem grejp, to Vlado... Ti nemreš govoriti a of drugi nemre gledeti. Ima steklene oči kak mrtvec, ili kak zajec na mrdanju. Da vidim žile! Aj-haj!!! Zgledate obadva kak da su vas `Đorđičeve tukli z drot kefami. Se vi drogerate il kaj drugo? To od komarcof... Zlatko! Od*... Zlatko! Od*... Zlatko! Od*... Kak ti mene moreš reči od*? Zato kaj sudim a ti me ometaš, popij gemišt do kraja. Ti očeš reči da sem ja našvasan!? To sem ti i štel povedati, pogleč ove dva, još ni ni kraj zajdne utakmice a jen nemre govoriti a drugi gledeti. Dej jem ruke pogleč, kak da su je `Đorđičeve tukli z drot kefami. I nisu mi dete poslikali da mi je dalo gol. Kaj budu ti slikali? Drugo leto il trebamo zeti dva druge ili još dva k ovemi jel ovi budu do šestoga meseca sigurno završili f Popovače pri bivšemu bučičkomu popu Petroviču na odvikavajnu de budu delali košare za kojekakve bedastoče i podmetače za đezve. Pitaj mene, ja znam. Od*... Kak ti mene moreš reči od*? Kak to sudiš? Sad su ti se ovi Pefčevi i Lučelničani pomlatili. Of pak odozgor hiće pive kak Boško Buva bombe. Jeno su ti leto hitali gajbe z brega... Stani malo, kaj se smeješ, to su ozbilne stvari... Kaj budu drugo leto skakali z brega z suncobrani na igrališče kak Tesla? Il budu hitali frižidere? Ili vozili bob v frižideri z brega na igrališče kak oni "Bob Jamajka"? Stani malo, to su ozbilne stvari, kaj se smeješ... "Aj fil veri olimpik tudej", rekel je onaj "Bob Jamajka". Pazi kaj delaš, samo te gledim. A, vi dva... Za vas of mesec nema plače. Vidim da čist solidno morete živeti i od kaucije. Lepo ste se zametali z flašami da bi vam mogli bili jalni i ovi kaj na reciklažnomu delaju. A, ni, to nam si nose... Kam ideš govorit da nemreš. Je-je-je, si ti samo nose, prek lakomice zlevaju a ti samo gučeš... Mene ste mladoga našli *... I niste mi poslikali dete da mi je dalo gol. Pak, kakvi ste vi to ludi..? Posle se hajke pridružil i Šan-Ku. Veli, još mi jemput dojdi `Gladovec. I bum te zgazil. Z autom. Kaj si dva pravi Gladofčani moreju povedati..? Posle sekunde i pol studijoznoga premišlajna; Idemo, Kušan!!! I, normalno. Ak ti veliju na Breške lige da je preglašejne pobednikov za dve vure znaš da ni za dve vure. Ak ti veliju da je preglašejne nutre znaš da je vane. Vglevnem, jedino se zna da se niš nezna a i stvari se tak fletno mejnaju da se opče ne splati pratiti. Najbole je gledeti de pada sneg. Jel ne pada sneg da pokrije breg...
Najte kaj zameriti. Do se po istine pomogel.
kuntakinte:
Veliju novinari, očete da vam napišemo da imate 23 zaražene od korone na lige? Znaš kakva ti je to reklama, bu se za vas čulo i izvan Hrvacke.
Veli, fala, vam na takve reklame i steram vas u krasan *.
Pa, bumo posle demanterali.
Ajd u *.
Navigacija
[0] Lista Poruka
Idi na punu verziju